TAG
ស្រេតថា ថាវីសីន (Srettha Thavisin)
នាយករដ្ឋមន្ត្រីថៃ ប្រាប់មេដឹកនាំយោធាភូមាឱ្យឆាប់ចាប់ផ្ដើមចរចា ព្រោះកម្លាំងទ័ពនៃរបបសឹកនេះកំពុងចុះទន់ខ្សោយ
នាយករដ្ឋមន្ត្រីថៃ លោក Srettha Thavisin និយាយថា ឥឡូវនេះគឺជាពេលវេលាដ៏ល្អមួយ ដើម្បីបើកកិច្ចពិភាក្សាជាមួយពួកយោធាភូមា ខណៈរបបដឹកនាំយោធាដែលបានធ្វើរដ្ឋប្រហារដណ្តើមអំណាចកាលពីឆ្នាំ២០២១ នាពេលនេះកំពុងចុះទន់ខ្សោយ។
ថ្លែងក្នុងបទសម្ភាសន៍មួយជាមួយទីភ្នាក់ងារសារព័ត៌មាន Reuters កាលពីថ្ងៃអាទិត្យចុងសប្តាហ៍មុននេះ នាយករដ្ឋមន្ត្រីថៃ បាននិយាយថា របបដឹកនាំបច្ចុប្បន្ននៅប្រទេសភូមា កំពុងចាប់ផ្តើមបាត់បង់កម្លាំងរបស់ខ្លួនជាបណ្តើរៗហើយ។
យ៉ាងណាមិញ លោកអះអាងថា ទោះបីជាពួកយោធាកំពុងចុះទន់ខ្សោយក៏ដោយ ពួកគេនៅតែមានអំណាច នៅតែមានសព្វាវុធគ្រប់គ្រាន់ដើម្បីប្រយុទ្ធ។
លោក Srettha Thavisin បានបន្តថា គួរដល់ពេលហើយដែលត្រូវបោះដៃទៅរកពួកយោធា ហើយស្វែងរកការសម្រេចឱ្យបាននូវកិច្ចព្រមព្រៀងមួយដែលលោកថា...
អ្នកវិភាគយល់ថា ថៃ ចង់ជ្រៀតទាញយកផលពីប្រទេសកម្ពុជាដូចប្រទេសវៀតណាមនិងចិនដែរ
ក្រុមអ្នកវិភាគលើកឡើងថា ប្រទេសកម្ពុជាកំពុងក្លាយជាសាច់មួយដុំនៅលើជ្រញ់ ដែលប្រទេសថៃកំពុងស្រេកឃ្លាន ខណៈប្រទេសវៀតណាម និងចិន កំពុងពុះច្រៀកហែកចែកគ្នាតាំងពីដែនគោករហូតដល់ដែនទឹក ព្រមទាំងលូកលាន់ចូលកិច្ចការនយោបាយផ្ទៃក្នុងប្រទេសកម្ពុជាតាមអំពើចិត្តថែមទៀត។
អ្នកវិភាគនយោបាយ និងជាប្រធានវេទិកាពលរដ្ឋលោក គឹម សុខ បានលើកឡើងក្នុងកម្មវិធី Idea Talk នៃសារព័ត៌មាន The Cambodia Daily កាលពីរាត្រីថ្ងៃទី៧ កុម្ភៈ នេះថា នៅពេលដែលប្រទេសកម្ពុជាមានរដ្ឋាភិបាលមួយដែលគិតតែពីអំណាច មិនគិតពីប្រយោជន៍ជាតិដូចរដ្ឋាភិបាលដែលគ្រប់គ្រងដោយគណបក្សប្រជាជនកម្ពុជាសព្វថ្ងៃនេះ បរទេសជិតខាងដែលចង់ត្របាក់ប្រយោជន៍ពីប្រទេសកម្ពុជានោះ ពួកគេមិនខ្លាចនឹងធ្វើអ្វីៗដើម្បីផ្គាប់ចិត្តមេដឹកនាំដែលឈ្លក់វង្វេងនឹងអំណាចបែបនេះទេ...
កម្ពុជា-ថៃ ឯកភាពគ្នាដំឡើងកម្រិតទំនាក់ទំនងទ្វេភាគីទៅជាភាពជាដៃគូយុទ្ធសាស្ត្រ
កម្ពុជា និងថៃ បានឯកភាពគ្នាដំឡើងកម្រិតទំនាក់ទំនងទ្វេភាគីពី «ការពង្រឹងភាពជាដៃគូដើម្បីសន្តិភាព និងវិបុលភាព» ឲ្យទៅជា «ភាពជាដៃគូយុទ្ធសាស្ត្រ» និងផ្លាស់ប្ដូរឯកសារកិច្ចសហប្រតិបត្តិការចំនួន៥ នៅក្នុងជំនួបរវាងលោក ហ៊ុន ម៉ាណែត និងលោក ស្រេតថា ថាវីស៊ីន (Srettha Thavisin) នាយករដ្ឋមន្ត្រីថៃ ក្នុងដំណើរបំពេញទស្សនកិច្ចផ្លូវការរបស់លោកទៅកាន់ក្រុងបាងកក នៅព្រឹកថ្ងៃទី៧ កុម្ភៈ។
នៅព្រឹកថ្ងៃទី៧ ខែកុម្ភៈ នាយករដ្ឋមន្ត្រីទាំងពីរបានផ្លាស់ប្ដូរយោបល់លើការពង្រីកកិច្ចសហប្រតិបត្តិការលើវិស័យជាច្រើន រួមមាន វិស័យនយោបាយ...
លោក ហ៊ុន ម៉ាណែត នឹងបំពេញទស្សនកិច្ចនៅថៃ ដោយគ្រោងពិភាក្សាលើកិច្ចសហប្រតិបត្តិការទ្វេភាគីនិងពហុភាគី
លោក ហ៊ុន ម៉ាណែត នាយករដ្ឋមន្ត្រីកម្ពុជា នឹងអញ្ជើញទៅបំពេញទស្សនកិច្ចផ្លូវការនៅប្រទេសថៃ នាថ្ងៃទី៧ ខែកុម្ភៈ ដោយគ្រោងនឹងជួបពិភាក្សាការងារជាមួយលោក ស្រេតថា ថាវីស៊ីន នាយករដ្ឋមន្ត្រីថៃ លើកិច្ចសហប្រតិបត្តិការទ្វេភាគី និងពហុភាគី ដែលនឹងនាំមកនូវផលប្រយោជន៍ជូនពលរដ្ឋនៃប្រទេសទាំងពីរ។
បើតាមសេចក្តីប្រកាសរបស់ក្រសួងការបរទេសកម្ពុជា ចុះថ្ងៃទី៥ ខែកុម្ភៈ ឆ្នាំ២០២៤ បានឱ្យដឹងថា លោក ហ៊ុន ម៉ាណែត ដឹកនាំគណៈប្រតិភូអញ្ជើញទៅបំពេញទស្សនកិច្ចផ្លូវការនៅប្រទេសថៃ នាថ្ងៃទី០៧ ខែកុម្ភៈ...
លោក អ៊ុំ សំអាន ព្រមានថានាយករដ្ឋមន្ត្រីថ្មីកម្ពុជានឹងក្លាយជាជនក្បត់ជាតិ បើយកដែនទឹកខ្មែររកស៊ីនឹងថៃ
តំណាងរាស្ត្រអតីតគណបក្សសង្គ្រោះជាតិលោក អ៊ុំ សំអាន ព្រមានថា នាយករដ្ឋមន្ត្រីកម្ពុជាលោក ហ៊ុន ម៉ាណែត នឹងក្លាយជាជនក្បត់ជាតិដូចលោក ហ៊ុន សែន ឪពុករបស់គាត់ដែរ ប្រសិនបើគាត់ហ៊ានយកតំបន់សមុទ្រត្រួតស៊ីគ្នារវាងកម្ពុជា-ថៃ ទំហំជាង ២៦០០០គីឡូម៉ែត្រការ៉េ ទៅចូលរួមសហការរកស៊ីប្រេង និងឧស្ម័នជាមួយថៃ ក្នុងដំណើរទស្សនកិច្ចរបស់គាត់ទៅកាន់ប្រទេសថៃ នៅខែក្រោយនេះ។
លោក អ៊ុំ សំអាន ប្រាប់សារព័ត៌មាន The Cambodia Daily...
បទវិភាគ៖ បក្សប្រឆាំងនៅថៃឡើងកាន់អំណាច បានទាញឱ្យមានការផ្សះផ្សាជាតិទូលំទូលាយ
សំណុំរឿងចោទប្រកាន់បែបនយោបាយ ត្រូវបានរំលាយចោលនៅក្រោមរដ្ឋាភិបាលថ្មីមកពីបក្សប្រឆាំង ជាបក្សប្រកាន់គោលការណ៍ដឹកនាំបែបប្រជាធិបតេយ្យ។
នៅពេលនេះ រាជាណាចក្រថៃ បានឈ្លានដល់ការផ្សះផ្សាជាតិ និងនយោបាយមួយដំណាក់កាលថ្មីទៀត ដោយតុលាការកំពូលរបស់ប្រទេសប្រជាធិបតេយ្យមួយនៅអាស៊ីអាគ្នេយ៍នេះ កាលពីថ្ងៃអង្គារ ទី២៦ ខែធ្នូ ឆ្នាំ២០២៣ បានសម្រេចឱ្យអតីតនាយករដ្ឋមន្ត្រីដែលកំពុងរស់និរទេសខ្លួននៅក្រៅប្រទេស គឺអ្នកស្រី យីងឡាក់ ស៊ីណាវ៉ាត្រា រួចផុតពីការចោទប្រកាន់ពីការរំលោភអំណាចពាក់ព័ន្ធនឹងការផ្ទេរមុខតំណែងអតីតអគ្គលេខាធិការក្រុមប្រឹក្សាសន្តិសុខជាតិម្នាក់កាលពីឆ្នាំ២០១១។
តាមការចេញផ្សាយដោយសារព័ត៌មាន Bangkok Post ការសម្រេចរបស់តុលាការកំពូលប្រទេសថៃ ធ្វើឡើងក្រោយពីតុលាការនេះប្រកាសថា ចៅក្រមអង្កេតមិនបានរកឃើញភស្តុតាងពីបទល្មើសព្រហ្មទណ្ឌសមគំនិតកាលពីឆ្នាំ២០១១ ករណីការចុះហត្ថលេខាលើបទបញ្ជាមួយពាក់ព័ន្ធនឹងអ្នកស្រី យីងឡាក់ ក្នុងឋានៈជានាយករដ្ឋមន្ត្រីថៃ...
នាយករដ្ឋមន្ត្រីថៃប្រកាសបរិច្ចាគប្រាក់ខែទៅមូលនិធិមនុស្សធម៌ ខណៈអនុម័តថវិកា ១៥ពាន់លានដុល្លារជួយសម្រាលវិបត្តិសេដ្ឋកិច្ចគ្រួសារ
ដោយគោរពតាមកិច្ចសន្យារបស់ខ្លួនអំឡុងឃោសនាបោះឆ្នោតនៅក្នុងការបោះឆ្នោតសភាកាលពីថ្ងៃទី១៤ ឧសភា ដែលថានឹងជួយសម្រាលបន្ទុកដល់ប្រជាជនថៃ ដែលជំពាក់បំណុលធនាគារ លោកនាយករដ្ឋមន្ត្រី ស្រេតថា ថាវីស៊ីន និងគណៈរដ្ឋមន្ត្រីរបស់លោក បានអនុម័តនូវកញ្ចប់ថវិកាសាច់ប្រាក់ជាង ៩០៨លានដុល្លារជួយដល់កសិករជាង ២លាន ៧សែននាក់ ដែលជាកូនបំណុលរបស់ធនាគារ។
ក្នុងទំហំកញ្ចប់ថវិកានេះ កូនបំណុលដែលត្រូវសងទាំងការប្រាក់ និងប្រាក់ដើម ត្រូវបានអនុញ្ញាតឱ្យព្យួរការបង់ប្រាក់ទៅម្ចាស់បំណុលរយៈពេល ៣ឆ្នាំ។
សេចក្ដីសម្រេចដែលគណៈរដ្ឋមន្ត្រីថៃ សន្យាហើយហ៊ានធ្វើដូចនេះ បាននាំឱ្យប្រជាជនថៃ ជាពិសេសគឺកសិករសម្ដែងការត្រេកអរ និងអរគុណជាខ្លាំងចំពោះលោក ស្រេតថា ថាវីស៊ីន និងគណៈរដ្ឋមន្ត្រី...
គណៈរដ្ឋមន្ត្រីថៃអនុម័តកញ្ចប់ថវិកា ៩០៨លានដុល្លារជួយសម្រាលបំណុលកសិកររយៈពេល៣ឆ្នាំ
គណៈរដ្ឋមន្ត្រីថៃ អនុម័តរួចហើយនូវកញ្ចប់ថវិកា ៣៣ពាន់លានបាត ឬស្មើ ៩០៨លានដុល្លារ ដើម្បីជួយសម្រាលបំណុលរបស់កសិករក្នុងរយៈពេល ៣ឆ្នាំ។
អនុរដ្ឋមន្ត្រីហិរញ្ញវត្ថុថៃ Julapun Amornvivat បានបញ្ជាក់បែបនេះកាលពីថ្ងៃទី២៦ ខែកញ្ញា ថា ការព្យួរបំណុលរបស់កសិករដែលរដ្ឋាភិបាលជួយសម្រាល ធ្វើឡើងរយៈពេល ៣ឆ្នាំ ហើយមួយឆ្នាំរដ្ឋាភិបាលអាចចំណាយថវិការបស់រដ្ឋប្រមាណជា ៣០២លាន ៨សែនដុល្លារ។
លោកអនុរដ្ឋមន្ត្រី Julapun ឱ្យដឹងទៀតថា រយៈពេល ៣ឆ្នាំនេះ រដ្ឋាភិបាលត្រូវជួយសម្រាលទុក្ខលំបាករបស់កសិករ ដែលក្នុងនោះជួយបង់ទាំងការប្រាក់...
នាយករដ្ឋមន្ត្រីថ្មីថៃប្រកាសផែនការទម្លាក់ថ្លៃសាំង ប្រេងឥន្ធនៈ ថ្លៃភ្លើងអគ្គិសនី
រដ្ឋាភិបាលថ្មីនៃរាជាណាចក្រថៃ ដែលដឹកនាំដោយគណបក្សភឿថៃ បានចេញសេចក្ដីប្រកាសព័ត៌មានមួយថា ដោយមើលឃើញអំពីជីវភាពរបស់ប្រជាជនថៃ រងការលំបាកដោយសារសេដ្ឋកិច្ច រងផលប៉ះពាល់ដោយជំងឺរាតត្បាតកូវីដរយៈពេល ៣ឆ្នាំ រដ្ឋាភិបាលមានផែនការនឹងធ្វើការពិនិត្យឡើងវិញជាបន្ទាន់នូវការទម្លាក់ថ្លៃសាំង ថ្លៃប្រេងឥន្ធនៈផ្សេងៗ ហើយថ្លៃភ្លើងអគ្គិសនី គឺត្រូវធ្វើឱ្យបាន។
កាសែតបាងកកប៉ុស្តិ៍របស់ថៃ បានរាយការណ៍មកថា រដ្ឋាភិបាលថ្មីរបស់រាជាណាចក្រថៃ ដែលដឹកនាំដោយនាយករដ្ឋមន្ត្រីលោក ស្រេតថា ថាវិស៊ីន កំពុងតែសិក្សាជាទូទៅទៅលើតម្លៃថាមពលទាំងអស់ដែលមាននៅលើទីផ្សាររបស់ប្រទេសថៃ។
តាមប្រភពដដែលនេះ តម្លៃប្រេងសាំង និងតម្លៃភ្លើងអគ្គិសនី រួមទាំងតម្លៃសេវាដឹកជញ្ជូនតាមផ្លូវរថភ្លើង ក៏អាចទម្លាក់ផងដែរ ហើយមុខទំនិញទាំងអស់នេះអាចត្រូវកាត់បន្ថយជិតប្រាំបាត។
ចំពោះប្រេងម៉ាស៊ូត ដែលកសិករប្រើប្រាស់ក្នុងវិស័យកសិកម្ម នឹងកំណត់មកត្រឹមជាង...
លោក ថាក់ស៊ីន ត្រូវបានឃុំខ្លួនភ្លាមៗបន្ទាប់ពីវិលចូលស្រុក ខណៈប្រទេសថៃមាននាយករដ្ឋមន្ត្រីថ្មី
អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត់ ត្រូវបានប៉ូលិសឃាត់ខ្លួនភ្លាមៗ ហើយបញ្ជូនទៅកាន់តុលាការ បន្ទាប់ពីរូបលោកវិលត្រឡប់ចូលប្រទេសថៃវិញក្រោយរស់នៅនិរទេសខ្លួននៅឯបរទេសអស់រយៈពេល ១៧ឆ្នាំ។
លោក ថាក់ស៊ីន បានធ្វើដំណើរមកដល់អាកាសយានដ្ឋាន Don Mueang នៅទីក្រុងបាងកក នៅម៉ោង ៩ព្រឹកនេះ តាមរយៈយន្តហោះឯកជនមួយដែលបានចេញដំណើរពីប្រទេសសិង្ហបុរី។
ក្នុងព្រឹត្តិការណ៍នេះ ក្រុមអ្នកគាំទ្រលោក ថាក់ស៊ីន ជាច្រើនពាន់នាក់ដែលស្លៀកពាក់អាវពណ៌ក្រហម បានប្រមូលផ្ដុំគ្នានៅក្បែរព្រលានយន្តហោះ Don Mueang ដើម្បីរង់ចាំទទួលស្វាគមន៍អតីតនាយករដ្ឋមន្ត្រីថៃដែលមានពិរុទ្ធភាពរូបនេះ។
នៅពេលមកដល់ទឹកដីថៃ លោក...