26 C
Phnom Penh

TAG

translate

ការសិក្សា​​​និយាយ​​​ថា គម្រោង​​​ធនាគារ​​​ពិភព​​​លោក​​​សម្រាប់​​​អ្នក​​​ភូមិ​​​គ្មាន​​​ដី​​​ធ្លីកំពុង​​​ទទួល​​​បរាជ័យ

យោង​​​តាម​​​ការ​​​សិក្សា​​​ថ្មី​​​មួយ​​​ឲ្យ​​​ដឹង​​​ថា គម្រោងរយៈពេល​​​៧​​​ឆ្នាំ​​​ ដែល​​​ផ្តល់​​​ថវិកា​​​ដោយ​​​អាល្លឺម៉ង់ និង​​​ធនាគារ​​​ពិភព​​​លោក​​​ដើម្បី​​​ផ្តល់​​​ដី​​​ធ្លី​​​ប្រកប​​​ដោយ​​​សុវត្ថិភាព​​​និង​​​មាន​​​ជីជាតិ​​​ដល់​​​អ្នក​​​ភូមិក្រី​​​ក្រ​​​បំផុត​​​មួយ​​​ចំនួន​​​នៃ​​​ប្រទេស​​​កម្ពុជា​​​ គឺរហូត​​​មក​​​ដល់​​​ពេល​​​នេះ​​​​​​ ខក​​​ខាន​​​មិន​​​បាន​​​ដល់​​​គោល​​​ដៅ​​​របស់​​​ខ្លួនទេ​​​ ហើយ​​​​​​បាន​​​ធ្វើ​​​ឲ្យ​​​អ្នក​​​ភូមិ​​​ភាគ​​​ច្រើន​​​នៅ​​​តែ​​​ក្រី​​​ក្រ។​​​​​ ការ​​​សិក្សា​​​ដោយ​​​អង្គការ​​​សិទ្ធិមនុស្ស​​​​​​លីកាដូ​​​ ដែលមាន​​​ចំណង​​​ជើង​​​ថា "ដី​​​ដែល​​​មិន​​​អាច​​​ដាំ​​​ដំណាំ​​​បាន៖ ការ​​​ពិនិត្យ​​​លើ​​​សម្បទាន​​​ដី​​​សង្គម​​​កិច្ច" ផ្ទុយ​​​គ្នា​​​ទៅ​​​នឹង​​​របាយការណ៍​​​​​​ពិនិត្យ​​​មើល​​​ការ​​​ងារ​​​ផ្ទាល់​​​ដ៏​​​ល្អ​​​​​​របស់​​​ធនាគារ​​​ពិភព​​​លោក។​​​​​​​​​ អង្គការ​​​លី​​​កាដូ ជំរុញ​​​មិន​​​ឲ្យ​​​ប្រើ​​​​​​គម្រោង​​​នេះ​​​ជា​​​គំរូ​​​​​​សម្រាប់​​​គម្រោង​​​ដំណាក់​​​ការ​​​ទីពីរ​​​ ដែល​​​ប្រសិន​​​បើ​​​ទទួល​​​បាន​​​ការ​​​យល់​​​ព្រម នឹងបើក​​​ឲ្យ​​​មាន​​​ការ​​​ខ្ចីប្រាក់​​​ជាថ្មី​​​ដល់​​​ប្រទេស​​​កម្ពុជា​​​ ដែល​​​ធនាគារ​​​ពិភពលោក​​​បាន​​​ដាក់​​​​​​កាលពី​​​បួន​​​ឆ្នាំ​​​មុន​​​ គឺ​​​ដោយសារ​​​តែ​​​កំណត់​​​ត្រា​​​មិន​​​គោរព​​​សិទ្ធិ​​​ដីធ្លីរបស់​​​រដ្ឋាភិបាល​​​។ របាយការណ៍​​​នោះ​​​សរសេរ​​​ថា "ចំណែក​​​ឯការ​​​គាំទ្រ​​​បន្ថែម​​​គឺ​​​ត្រូវ​​​ការ​​​ជាចាំបាច់​​​ ដើម្បី​​​បំពេញ​​​ការ​​​សន្យា​​​ក្នុង​​​ការ​​​កាត់​​​បន្ថយ​​​ភាព​​​ក្រីក្រ​​​និង​​​បង្កើនសន្តិសុខស្បៀង​​​សម្រាប់​​​គ្រួសារ​​​ជាច្រើន​​​ ដែល​​​ឧបត្ថម្ភ​​​គាំទ្រ​​​ដោយ​​​នោះ ធនាគារ​​​ពិភពលោក និង​​​​​​ជីអាយហ្សិត ​​​ ដំបូង​​​ត្រូវ​​​ទទួល​​​ស្គាល់​​​ថា​​​​​​ គម្រោង​​​នេះ​​​មិន​​​អាច​​​យក​​​ធ្វើ​​​ជា​​​គំរូ​​​បាន​​​ទេ​​​ ហើយ​​​ក៏មិន​​​មាន​​​ជោគ​​​ជ័យ​​​តាម​​​ស្តង់ដា​​​ណា​​​មួយ​​​ដែរ​​​"។ ក្នុង​​​ឆ្នាំ​​​២០០៨​​​ ប្រទេស​​​អាល្លឺម៉ង់​​​និង​​​ធនាគារ​​​ពិភពលោក​​​ បាន​​​ដាក់​​​ថវិកា​​​១២,៧លាន​​​ដុល្លារ​​​ គឺ​​​ភាគ​​​ច្រើន​​​នៃ​​​ថវិកា​​​នេះ​​​បាន​​​មក​​​ពី​​​ធនាគារ​​​ពិភពលោក​​​ ដើម្បី​​​រកដី​​​១០.០០០​​​ហិកតាទូទាំង​​​ប្រទេស​​​ក្នុង​​​ការ​​​​​​ប្រគល់​​​ឲ្យ​​​អ្នក​​​ភូមិ​​​ក្រីក្រ​​​ជាង​​​៣.០០០​​​គ្រួសារ ដែលមាន​​​ដី​​​តិច​​​តួច​​​ ឬ​​​ក៏គ្មាន​​​ដីសោះ​​​។ ដោយ​​​មាន​​​ការ​​​ជួយ​​​ពី​​​ក្រសួង​​​រៀបចំ​​​ដែន​​​ដី​​​ ពួកគេ​​​ជាយថាហេតុ​​​រក​​​បានសម្បទាន​​​ដី​​​សង្គមកិច្ច​​​ប្រាំ​បីកន្លែង​​​នៅ​​​ក្នុង​​​ខេត្ត​​​ចំនួន​​​បី​​​ គឺ​​​ខេត្ត​​​កំពង់ចាម​​​ កំពង់​​​ធំ​​​ និង​​​ក្រចេះ​​​។ នៅ​​​ក្នុង​​​របាយការណ៍​​​ពិនិត្យ​​​មើល​​​ចុងក្រោយ​​​នៃ​​​គម្រោង​​​នេះ​​​នៅ​​​ក្នុង​​​ខែ​​​ធ្នូ ពោលគឺ​​​រយៈពេល​​​បីខែ​​​មុន​​​នឹង​​​គម្រោង​​​នេះ​​​បាន​​​ចប់​​​ ធនាគារ​​​ពិភពលោក​​​ បាន​​​ឲ្យ​​​ពិន្ទុ​​​ខ្លួនឯង​​​ល្អ​​​ទាំង​​​ស្រុង​​​។ របាយការណ៍​​​បាន​​​និយាយ​​​ថា គោលដៅ​​​សំខាន់ៗ​​​បួន​​​ក្នុង​​​បណ្តា​​​គោល​​​ដៅ​​​សំខាន់​​​ទាំងអស់​​​​​​ ត្រូវ​​​បាន​​​បំពេញ​​។ អ្នក​​​ភូមិ​​​ជាង​​​៣.០០០​​​គ្រួសារ ត្រូវ​​​បាន​​​បែង​​​ចែក​​​ដីធ្លី​​​ជូន​​​សម្រាប់​​​ផ្ទះ​​​សំបែង​​​ ស្រែ​​​ចម្ការ​​​ ឬ​​​ដីធ្លី​​​ទាំង​​​ពីរ​​​ ហើយ​​​ស្ទើរ​​​តែ​​​៦០ភាគរយ​​​នៃ​​​អ្នក​​​ភូមិ​​​ទាំង​​​នោះ​​​បាន​​​ចូល​​​មក​​​នៅ​​​លើ​​​ដី​​​នោះ។ ក្នុង​​​បណ្តា​​​គ្រួសារ​​​ដែល​​​បាន​​​ចូល​​​មក​​​នៅ​​​ ធនាគារ​​​ពិភព​​​លោក​​​​​​បាន​​​និយាយ​​​ថា អ្នក​​​ភូមិ​​​ទាំង​​​អស់​​​ បាន​​​ចាប់​​​ផ្តើម​​​ធ្វើ​​​ស្រែ​​​ចម្ការ​​​ ហើយ​​​ថា ប្រាក់​​​ចំណូល​​​ជា​​​មធ្យម​​​របស់​​​ពួក​​​គេ​​​ បាន​​​កើន​​​ឡើង​​​មួយ​​​ជា​​​បួន​​​។ ធនាគារ​​​ពិភព​​​លោក​​​​​​បាន​​​និយាយ​​​នៅ​​​ពេល​​​នោះ​​​ថា "សកម្មភាព​​​និង​​​ការ​​​ទទួល​​​បាន​​​​​​ជោគជ័យ​​​បាន​​​ផ្តល់នូវ​​​មេរៀន​​​ល្អៗ​​​ ដើម្បី​​​ធ្វើ​​​អត្តសញ្ញាណកម្ម​​​ អភិវឌ្ឍ និង​​​ធ្វើ​​​ឲ្យ​​​​​​មាន​​​ចិរភាព​​​នូវ​​​ទីតាំង​​​  នាពេល​​​អនាគត"។ ប៉ុន្តែ អង្គការ​​​លីកាដូ​​​ ដែល​​​បាន​​​ចុះ​​​ទៅដល់​​​ស​​​ម្បទាន​​​ដី​​​សង្គម​​​កិច្ច​​​ទាំង​​​ប្រាំបី​​​កន្លែង​​​នៅ​​​រវាង​​​ខែ​​​តុលា​​​និង​​​ខែ​​​មីនា​​​ និយាយ​​​ថា ធាតុពិត​​​នៃ​​​អ្នក​​​ភូមិ​​​ភាគ​​​ច្រើន​​​លើក​​​លែង​​​តែ​​​ទីតាំង​​​មួយ​​​ប៉ុណ្ណោះ​​​ គឺ​​​មិន​​​មាន​​​ក្តី​​​សង្ឃឹម​​​​​ទេ​​​។ អង្គការ​​​សិទ្ធិ​​​មនុស្ស​​​នេះ​​​ និយាយ​​​ថា អ្នក​​​ភូមិ​​​ជាច្រើន​​​ត្អួញ​​​ត្អែរ​​​អំពី​​​ដីនោះ​​​ថា សុទ្ធ​​​តែ​​​ខ្សាច់ ឬ​​​ថ្ម​​​ច្រើន​​​ពេក​​​ មិនអាច​​​ធ្វើ​​​ស្រែ​​​ចម្ការ​​​បាន​​​ទេ​​​ ឬ​​​ដី​​​ទាំង​​​នោះ​​​គ្រប​​​ដណ្តប់​​​ទៅ​​​ដោយ​​​ព្រៃ​​​ដែល​​​ពួកគេ​​​មិន​​​មាន​​​ឧបករណ៍​​​កាប់​​​ឆ្ការ​​​បាន​​​ ដី​​​ទាំង​​​នោះ​​​ជាប់​​​ពាក់​​​ព័ន្ធ​​​នឹង​​​ជម្លោះ​​​ដី​​​ធ្លី​​​ ហើយ​​​ទីតាំង​​​ទាំង​​​នោះ​​​ទៀត​​​សោតក៏​​​មិន​​​មាន​​​ហេដ្ឋារចនា​​​សម្ព័ន្ធ​​​ សាលារៀន ឬ​​​គ្លីនិក​​​ ដូច​​​ដែល​​​គេ​​​សន្យានោះ​​​ទេ​​​។ អង្គការ​​​សិទ្ធិ​​​មនុស្ស​​​នេះ ​​​បាន​​​និយាយ​​​បន្តថា "អ្នក​​​ភូមិ​​​ជាច្រើន​​​ដែលនៅក្នុង​​​​​​ទីតាំង​​​ប្រាំពីរ​​​កន្លែង​​​ក្នុង​​​បណ្តា​​​ប្រាំបី​​​កន្លែង​​​ បាន​​​រាយការណ៍​​​អំពី​​​ការ​​​មាន​​​សមត្ថភាព​​​តិច​​​តួច​​​ក្នុង​​​ការ​​​ប្រើ​​​ប្រាស់​​​ដីធ្លី​​​កសិកម្ម​​​ដែល​​​គេ​​​​​​ចែក​​​ឲ្យ​​​ ហើយ​​​ដូច្នេះធ្វើ​​​ឲ្យ​​​ពួកគេ​​​មិន​​​ទទួល​​​បាន​​​ភាព​​​ល្អ​​​ប្រសើរ​​​ជា​​​ដុំ​​​កំភួន​​​ក្នុង​​​សន្តិសុខ​​​ស្បៀង​​​នោះ​​​ទេ​​​។  ជាលទ្ធផល​​​ ការ​​​កាត់​​​បន្ថយ​​​ភាព​​​ក្រីក្រ មិន​​​ទទួល​​​បាន​​​ជោគជ័យ​​​នៅ​​​ចុង​​​បញ្ចប់​​​នៃ​​​គម្រោង​​​ចំពោះ​​​អ្នក​​​ទទួល​​​បាន​​​ដីធ្លី​​​ភាគច្រើនឡើយ​​​"។ យោង​​​តាម​​​របាយ​​​ការណ៍៍​​​ឲ្យដឹង​​​ថា រដ្ឋាភិបាល​​​បាន​​​ដឹង​​​ថា យ៉ាង​​​ហោច​​​ណាស់​​​ទីតាំងពីរ​​​កន្លែង​​​ដែលត្រូវ​​​បាន​​​​​​ជ្រើសរើស គឺ​​​ភាគ​​​ច្រើន​​​ជា​​​​​​ដី​​​គ្មាន​​​ជីជាតិនៅ​​​ដើម​​​ឆ្នាំ​​​២០០៦​​​ ពោលគឺ​​​រយៈពេល​​​ពីរ​​​ឆ្នាំ​​​មុន​​​នឹង​​​គម្រោង​​​នោះ​​​បាន​​​ចាប់​​​ផ្តើម​​​ ដោយសារ​​​តែ​​​មាន​​​ការ​​​សិក្សា​​​រួម​​​គ្នា​​​ពីសំណាក់​​​​​​ប្រឹក្សា​​​អន្តរជាតិ​​​ និង​​​មន្ត្រី​​​មូលដ្ឋាន​​​។​​​ អង្គការ​​​លីកាដូ​​​ និយាយ​​​ថា អ្នក​​​ភូមិ​​​មួយ​​​ចំនួន ​​​ត្រូវ​​​បង្ខំ​​​ចិត្ត​​​ខ្ចី​​​បំណុល​​​ថ្មី​​​ដើម្បី​​​រស់​​​រាន​​​បាន​​​ ស្វែង​​​រក​​​ការងារ​​​ជា​​​កម្មករ​​​ប្រចាំ​​​ថ្ងៃ​​​ ពីព្រោះ​​​ស្រែ​​​ចម្ការ​​​ថ្មី​​​របស់​​​ពួកគេ ​​​មិន​​​បានហុច​​​​​​ផល​​​ល្អ​​​ ឬ​​​ក៏​​​បែរ​​​ទៅ​​​​​​រកស៊ី​​​កាប់​​​ឈើ​​​ជា​​​ដើម​​​​​​។ អង្គការសិទ្ធិ​​​មនុស្ស​​​នេះ​​​ និយាយ​​​ថា ជាផល​​​វិបាក​​​ គ្រួសារ​​​មួយ​​​ចំនួន​​​ បាន​​​លះបង់​​​ចោល​​​សម្បទាន​​​ដី​​​ ហើយ​​​ចាក​​​ចេញ​​​ទៅ​​​។ យោង​​​តាម​​​ការចុះ​​​ដល់​​​ទី​​​កន្លែង​​​របស់​​​អង្គការ​​​នេះ​​​ អង្គការ​​​នេះ​​​ប៉ាន់​​​ប្រមាណ​​​ថា តិចជាង​​​ពាក់​​​កណ្តាល​​​នៃ​​​គ្រួសារ​​​ទាំង​​​អស់​​​ដែល​​​ទទួល​​​បាន​​​ដី​​​ធ្លី​​​ បាន​​​ចូលកាន់​​​កាប់​​ដី​​​នោះ គឺស្ថិត​​​នៅ​​​ក្រោម​​​ប្រហែល​​​៦០ភាគរយ​​​ដែល​​​អះអាង​​​ពីមុន​​​ដោយ​​​ធនាគារ​​​ពិភព​​​លោក​​​។ គោល​​​ដៅ​​​ចម្បងមួយ​​​ក្នុង​​​បណ្តា​​​គោល​​​ដៅ​​​ចម្បង​​​ទាំង​​​អស់​​​នៃ​​​គម្រោង​​​បែង​​​ចែក​​​ដី​​​​​​ដើម្បី​​​​​​សង្គម​​​និងអភិវឌ្ឍ​​​​​​សេដ្ឋកិច្ច​​​ គឺ​​​ផ្តល់ជូន​​​គ្រួសារ​​​ទាំង​​​នោះ​​​នូវ​​​ដី​​​មួយ​​​ប្លង់ៗ​​​ ដែល​​​ពួកគេ​​​អាច​​​​​​កាន់​​​កាប់​​​ជា​​​កម្មសិទ្ធិ។ ប៉ុន្តែ អង្គការ​​​លីកាដូ​​​និយាយ​​​ថា គម្រោង​​​នេះ​​​ ទទួល​​​បរាជ័យ​​​តាំង​​​ពី​​​ដំបូង​​​ម្លេ៉ះ​​​។ តាម​​​ច្បាប់​​​ មួយ​​​គ្រួសារ​​​ត្រូវ​​​កាន់​​​កាប់​​​ដី​​​មួយ​​​ប្លង់​​​នៅ​​​ក្នុង​​​សម្បទាន​​​ដីសេដ្ឋកិច្ច​​​ក្នុង​​​រយៈ​​​ពេល​​​ប្រាំឆ្នាំ​​​ ដើម្បី​​​មាន​​​សិទ្ធិ​​​គ្រប់​​​គ្រាន់​​​ក្នុង​​​ការ​​​ទទួល​​​បាន​​​ប័ណ្ណ​​​កម្មសិទ្ធិ​​​ដីធ្លី​​​។ ប៉ុន្តែ អ្នកភូមិ​​​ដែល​​​កំពុង​​​រស់​​​នៅ​​​លើ​​​ទីតាំង​​​ទាំង​​​នោះ​​​អស់​​​រយៈពេល​​​ប្រាំមួយ​​​ឆ្នាំ​​​មក​​​ហើយ​​​ កំពុង​​​តែ​​​រង់ចាំ​​​នៅ​​​ឡើយ។ ក្រុម​​​គ្រួសារ​​​ដែល​​​បោះ​​​បង់​​​ដី​​​នោះ​​​ចោល ​​​​​ហើយ​​​បាន​​​ចាក​​​ចេញ​​​ទៅ​​​ ឬ​​​មាន​​​បំណង​​​បែបហ្នឹង ពីព្រោះ​​​ដី​​​របស់​​​ពួកគេគ្មាន​​​ជីជាតិ​​​ អាច​​​មិនដែល​​​ទទួល​​​បាន​​​ប័ណ្ណ​​​កម្មសិទ្ធិ​​​ឡើយ។ ក្រុម​​​គ្រួសារ​​​ខ្លះ​​​តស៊ូ​​​ប្រើ​​​ប្រាស់​​​ដី​​​ទាំង​​​នោះ​​​ ដោយសារ​​​តែ​​​មាន​​​អ្នកផ្សេង​​​ទាមទារ​​​យក​​​។ អង្គការ​​​លីកាដូ​​​ បាន​​​និយាយ​​​ថា "ដោយ​​​មាន​​​អាត្រា​​​ចូល​​​តាំង​​​ទី​​​លំនៅ​​​​​​​​ទាបនិង​​​ការ​​​ប្រើ​​​ដី​​​កសិកម្ម​​​តិចតួច​​​ ដែល​​​ឃ្លាំ​​​មើល​​​ដោយ​​​អង្គការ​​​លីកាដូ​​​ អ្នក​​​ទទួល​​​បាន​​​ដីធ្លី​​​យ៉ាង​​​ច្រើន ​​​ប្រឈម​​​មុខ​​​នឹង​​​ការ​​​ខកខាន​​​មិន​​​បាន​​​បំពេញ​​​លក្ខខណ្ឌ​​​ទាំង​​​នេះ​​​​​​ ដោយ​​​សារ​​​តែការ​​​អនុវត្ត​​​ទន់​​​ខ្សោយ​​​នូវ​​​គម្រោង​​​នេះ​​​។ សន្តិសុខ​​​នៃ​​​ការ​​​កាន់​​​កាប់​​​ដីធ្លី ​​​មិន​​​ត្រូវ​​​បាន​​​ធានា​​​ចំពោះ​​​​​​មួយ​​​ភាគ​​​ធំ​​​នៃ​​​អ្នក​​​ទទួល​​​បាន​​​ដីធ្លី​​​ជាង​​​៣.០០០​​​គ្រួសារ​​​​​នោះទេ​​​"។ មន្ត្រី​​​ក្រសួង​​​ដែន​​​ដី​​​ មិន​​​អាច​​​ទាក់ទង​​​បាន​​​ទេ​​​កាលពី​​​ម្សិលមិញ​​​។ ចំណែក​​​ឯ​​​ធនាគារ​​​ពិភពលោក​​​ និង​​​ទីភ្នាក់ងារ​​​សហប្រតិបត្តិការ​​​អាល្លឺម៉ង់​​​ មិន​​​បាន​​​ឆ្លើយ​​​តប​​​នឹង​​​ការ​​​សុំធ្វើ​​​អត្ថាធិប្បាយ​​​ដែរ​​​។​​​ អង្គការ​​​លីកាដូ​​​ បាន​​​និយាយ​​​ថា ដោយ​​​សារ​​​តែ​​​កង្វះ​​​ខាត​​​នេះ គម្រោង​​​នេះ​​​ "ខក​​​ខាន​​​មិន​​​បាន​​​សម្រេ​​​ចបាន​​​​​​នូវ​​​កម្រិត​​​នៃ​​​ជោគជ័យ​​​ដែល​​​តម្រូវ​​​ឲ្យ​​​មាន​​​ការ​​​ពិចារណា​​​ថា ជា​​​គំរូ​​​​​​សម្រាប់​​​ការ​​​កាត់​​​បន្ថយ​​​ភាព​​​ក្រី​​​ក្រ​​​ ហើយ​​​បង្កើន​​​សន្តិសុខ​​​ស្បៀង​​​សម្រាប់​​​ប្រជាជន​​​កម្ពុជា​​​ដែល​​​គ្មាន​​​ដី​​​ធ្លី​​​តាម​​​ជនបទ​​​​​​ និង​​​ក្រីក្រ​​​នោះទេ​​​"។ ប៉ុន្តែ នេះ​​​ជាអ្វី​​​ដែល​​​កំពុង​​​កើត​​​ឡើង​​​។ នៅ​​​ក្នុង​​​របាយការណ៍​​​នាឆ្នាំ​​​២០១៤​​​ ស្តីពី​​​គម្រោង​​​នេះ​​​ អាល្លឺម៉ង់​​​បាន​​​និយាយ​​​ថា រដ្ឋាភិបាល​​​កម្ពុជា​​​បាន​​​អនុវត្ត​​​តាម​​​វិធីសាស្ត្រ​​​បែប​​​នេះ​​​នៅ​​​ក្នុង​​​ខេត្ត​​​ចំនួន​​​ប្រាំមួយ។ ធនាគារ​​​ពិភព​​​លោក ​​​ក៏កំពុង​​​ត្រៀម​​​ដំណាក់​​​ការ​​​ទី២​​​ ក្នុង​​​ទឹក​​​ប្រាក់​​​២៧លាន​​​ដុល្លារ​​​សម្រាប់​​​គម្រោង​​​នោះ​​​ ដែលនឹង​​​ធ្វើ​​​ឲ្យ​​​ល្អប្រសើរ​​​នូវ​​​ទីតាំង​​​ទាំង​​​ប្រាំបី​​​កន្លែង​​​ដែល​​​បាន​​​បង្កើត​​​រួច​​​ហើយ​​​ និង​​​បន្ថែម​​​ប្រាំពីរ​​​កន្លែង​​​ទៀត​​​។ ទោះជា​​​យ៉ាង​​​នេះ​​​ក៏ដោយ​​​ ដើម្បី​​​ចាប់​​​ផ្តើម​​​គម្រោង​​​នេះ​​​ ធនាគារ​​​ពិភពលោក​​​ នឹង​​​លើក​​​​​​បម្រាម​​​​​​របស់​​​ខ្លួន​​​ទៅ​​​លើ​​​កម្ចី​​​ថ្មី​​​ដល់​​​ប្រទេស​​​កម្ពុជា​​​ ជាសំណើ​​​ដែល​​​ជាប់​​​ពាក់​​​ព័ន្ធ​​​នឹង​​​រឿង​​​ចម្រូង​​​ចម្រាស​​​របស់​​​ខ្លួន​​​។ ធនាគារ​​​ពិភព​​​លោក​​​ បាន​​​បង្កក​​​កម្ចី​​​នៅ​​​ក្នុង​​​ឆ្នាំ​​​២០១១​​​ ជាការ​​​តវ៉ា​​​ទៅ​​​នឹង​​​​​​របៀប​​​​​​​​​ដែល​​​ក្រសួង​​​រៀបចំ​​​ដែនដី ជា​​​ដៃគូ​​​អនាគត​​​របស់​​​ធនាគារ​​​ពិភពលោក​​​នៅ​​​ក្នុង​​​ដំណាក់ការ​​​ទី២​​​នៃ​​​គម្រោង​​​បែង​​​ចែក​​​ដី​​​​​​ដើម្បី​​​​​​​​​សង្គម​​​និង​​​​​​អភិវឌ្ឍ​​​សេដ្ឋកិច្ច​​​ គឺ​​​បាន​​​កំពុង​​​ចែក​​​ប័ណ្ណ​​​កម្មសិទ្ធិ​​​ដីធ្លី​​​។ អ្នកភូមិ​​​ប្រមាណ​​​៣.០០០​​​គ្រួសារ ត្រូវបាន​​​បង្ខំ​​​ឲ្យ​​​ចាក​​​ចេញ​​​ពី​​​ផ្ទះសំបែង​​​របស់​​​ខ្លួន​​​នៅ​​​ក្នុង​​​តំបន់​​​បឹង​​​កក់​​​ ក្រុង​​​ភ្នំពេញ​​​ ពីព្រោះ​​​ក្រសួង​​​នេះ​​​ បាន​​​បដិសេធ​​​មិន​​​ឲ្យ​​​ពួកគេ​​​ដាក់​​​ពាក្យ​​​សុំ​​​ប័ណ្ណ​​​កម្មសិទ្ធិ​​​។​​​ ធនាគារ​​​ពិភពលោក​​​ បាន​​​និយាយ​​​ថា ខ្លួន​​​នឹង​​​មិន​​​លើក​​​ការ​​​​​​ផ្អា​​​ក​​​​​​កម្ចី​​​ទេ​​​ ប្រសិន​​​បើ​​​ជម្លោះ​​​នៅ​​​បឹងកក់​​​មិនទាន់​​​បាន​​​ដោះ​​​ស្រាយ​​​រួច​​​ស្រេច​​​ទេ​​​នោះ​​​ គឺជា​​​លក្ខខណ្ឌ​​​ដែល​​​រដ្ឋាភិបាល​​​ទំនង​​​មិន​​​មាន​​​ឆន្ទៈ​​​អនុវត្ត​​​តាម​​​ទេ៕រើន​​​​​​​​​​​​ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ​​​​​​​​​​​​        

គណបក្ស​សង្គ្រោះ​ជាតិ​ចង់​ឲ្យ​ពិនិត្យ​សន្ធិសញ្ញា​ព្រំដែន​វៀតណាម​ឆ្នាំ​២០០៥​ឡើង​វិញ

លោក សម រង្ស៊ី មេដឹកនាំ​គណបក្ស​ប្រឆាំង បាន​មាន​ប្រសាសន៍​កាលពី​ថ្ងៃ​ព្រហស្បតិ៍​ថា គណបក្ស​សង្គ្រោះ​ជាតិ​ចង់​ឲ្យ​សភា​ជាតិ​ពិនិត្យ​ឡើង​វិញ​នូវ​សន្ធិសញ្ញា​ព្រំដែន​ឆ្នាំ​២០០៥​ដ៏​ចម្រូង​ចម្រាស​ជាមួយ​វៀតណាម ដោយ​មាន​លទ្ធភាព​នៅ​ចំហ​ដើម្បី "ចរចា​ឡើង​វិញ​ពី​ដំបូង"។ សន្ធិសញ្ញា​ព្រំដែន​បំពេញ​បន្ថែម​នេះ​ទទួល​រង​ការ​ប្រឆាំង​យ៉ាង​ខ្លាំង​ពី​សំណាក់​ក្រុម​ប្រឆាំង​នៅ​ពេល​អនុម័ត​កាលពី​ឆ្នាំ​២០០៥ ដោយ​មាន​ការ​រិះគន់​កិច្ចព្រមព្រៀង​នេះ ដែល​នាំ​ឲ្យ​ឈាន​ទៅ​ដល់​ការ​ចាប់​អ្នក​ប្រឆាំង​បួន​នាក់​ដាក់​ពន្ធនាគារ និង​មាន​ការ​គំរាម​កំហែង​ពី​លោក​នាយក​រដ្ឋមន្ត្រី ហ៊ុន សែន ថា​នឹង​រំលាយ​របប​រាជា​និយម​ទៀត​ផង។ មួយ​ទសវត្សរ៍​ក្រោយ​មក លោក រង្ស៊ី បាន​មាន​ប្រសាសន៍​ថា ចំណុច​មួយ​ចំនួន​នៃ​សន្ធិសញ្ញា​នោះ​មិន​ត្រូវ​បាន​អនុវត្ត​ត្រឹមត្រូវ​នៅ​ឡើយ​ទេ ជា​ពិសេស​ចំណុច​ដែល​ចង់​ការពារ​សហគមន៍​ដែល​មាន​ស្រាប់​នៅ​តាម​តំបន់​មាន​ជម្លោះ ដោយ​អនុញ្ញាត​ឲ្យ​មន្ត្រី​គូស​ព្រំដែន​ជុំវិញ​តំបន់​ទាំង​នោះ។ លោក រង្ស៊ី បាន​មាន​ប្រសាសន៍​ថា "ជា​ឧទាហរណ៍​មួយ ក្នុង​ខ​ជាច្រើន​នៃ​សន្ធិសញ្ញា​ដែល​គូស​ព្រាង​ព្រំដែន...

រដ្ឋាភិបាល​បញ្ចាំង​ឯកសារ​ចោទ​លោក កឹម សុខា រួម​គំនិត​ធ្វើ​រដ្ឋប្រហារ

មុន​ពេល​ការ​សាកសួរ​ដោយ​តុលាការ​តាម​គ្រោងទុក​លើ​លោក កឹម សុខា អនុប្រធាន​គណបក្ស​ប្រឆាំង​កាលពី​ថ្ងៃ​ពុធ ស្ថានីយ​ទូរទស្សន៍​ដែល​គ្រប់គ្រង​ដោយ​កូន​ស្រី​លោក​នាយករដ្ឋមន្ត្រី ហ៊ុន សែន បាន​បញ្ចាំង​កាលពី​យប់​ថ្ងៃ​អាទិត្យ​នូវ​ភាពយន្ត​ឯកសារ​មួយ​ផលិត​ដោយ​រដ្ឋាភិបាល ដែល​កសាង​សំណុំ​រឿង​មួយ​ថា លោក សុខា មាន​គម្រោង​ធ្វើ​រដ្ឋប្រហារ។ មន្ត្រី​ម្នាក់​ដែល​ទទួល​ខុសត្រូវ​ខ្សែ​ភាពយន្ត​នេះ​បាន​និយាយ​ថា ភាពយន្ត​រយៈ​ពេល​៣០​នាទី ដែល​បញ្ចាំង​តាម​ស្ថានីយ BTV របស់​លោក​ស្រី ហ៊ុន ម៉ាណា បី​សប្តាហ៍​បន្ទាប់ពី​ឱពុក​របស់​លោក​ស្រី​បាន​ចោទ​លោក សុខា ជា​សាធារណៈ​ថា​ធ្វើ​រដ្ឋ​ប្រហារ គឺ​មាន​បំណងជំរុញ​តុលាការ​ឲ្យ "បើក​ការ​ស៊ើប​អង្កេត" លើ​អនុ​ប្រធាន​រូប​នេះ។ ផលិត​ដោយ​អង្គភាព​ព័ត៌មាន​និង​ប្រតិកម្ម​រហ័ស​នៃ​ទីស្តីការ​គណៈរដ្ឋមន្ត្រី...

លោក ហ៊ុន សែន សរសើរ​ច្បាប់​អង្គការ​ក្រៅ​រដ្ឋាភិបាល​ថា​ជា​របាំង​រារាំង​ការ​ផ្តល់​ហិរញ្ញវត្ថុ​ភេរវកម្ម

លោក​នាយក​រដ្ឋមន្ត្រី ហ៊ុន សែន បាន​មាន​ប្រសាសន៍​កាលពី​ថ្ងៃ​អាទិត្យ​ថា សមាជិក​សភា​ត្រូវតែ​អនុម័ត​ច្បាប់​ដ៏​ចម្រូង​ចម្រាស​ស្តីពី​អង្គការ​ក្រៅ​រដ្ឋាភិបាល ដើម្បី​ទប់​ស្កាត់​មូលនិធិ​ពី​ក្រុម​ភេរវជន ដូចជា​ក្រុម​អាល​កៃដា ជាដើម កុំ​ឲ្យ​ហូរ​ចូល​ក្នុង​ប្រទេស​នេះ។ បន្ទាប់ពី​ស្ងាត់​ស្ងៀម​ជា​ច្រើន​ឆ្នាំ​ស្តីពី​ច្បាប់​នេះ ដែល​អង្គការ​ក្រៅ​រដ្ឋាភិបាល​បារម្ភ​ថា រដ្ឋាភិបាល​អាច​ប្រើ​ដើម្បី​ដាក់​ទោស​ទណ្ឌ​ចំពោះ​អ្នក​រិះគន់​របស់​ខ្លួន​នោះ លោក ហ៊ុន សែន បាន​មាន​ប្រសាសន៍​ថា លោក​សង្ឃឹម​ថា សេចក្តី​ព្រាង​ច្បាប់​នេះ​នឹង​ទៅ​ដល់​គណៈ​រដ្ឋមន្ត្រី ដែល​ជា​ដំណាក់​កាល​ចុងក្រោយ​មុន​ពេល​ទៅដល់​សភា​ជាតិ ឲ្យ​បាន​ឆាប់​នៅ​ដើម​ខែ​ក្រោយ​នេះ។ ថ្លែង​នៅ​ក្នុង​ពិធី​មួយ​នៅ​អង្គការ​គ្រួសារ​ថ្មី ក្នុង​រាជធានី​ភ្នំពេញ ដែល​លោក​បាន​ទៅ​ដើម្បី​ចែក​អំណោយ​ឲ្យ​ក្មេងៗ លោក ហ៊ុន សែន...

ប្រតិបត្តិ​ការ​ជម្លៀស​និស្សិត​ខ្មែរ​អុីស្លាម​ពី​ប្រទេស​យេម៉ែន​កំពុង​បន្ត​

លោក កុយ គួង អ្នក​នាំពាក្យ​ក្រសួង​ការ​បរទេស​​បាន​​ឲ្យ​ដឹង​កាលពី​ម្សិលមិញ​ថា ខណៈ​​ប្រទេស​យេម៉ែន នៅ​តែ​បន្ត​ធ្លាក់​ចូល​ក្នុង​អំពើ​ហិង្សា​ និង​ភាព​ច្របូក​ច្របល់ មន្ត្រី​កម្ពុជា​កំពុង​ព្យាយាម​ដើម្បី​​ជម្លៀស​និស្សិត​ខ្មែរ​​ចំនួន​ប្រាំបី​នាក់​ ដែល​កំពុង​សិក្សា​នៅ​ទីនោះ​​ និង​ដើម្បី​បញ្ជូន​ពួកគេ​​ត្រឡប់​មក​វិញ​។ លោក កុយ គួង បាន​លើក​ឡើង​ថា ស្ថាន​ទូត​កម្ពុជា​ប្រចាំ​ប្រទេស​គុយវ៉ែត កំពុង​សហការ​ជាមួយ​ស្ថានទូត​ម៉ាឡេស៊ី​ប្រចាំ​ប្រទេស​យេម៉ែន ដើម្បី​ជម្លៀស​និស្សិត​ទាំង​នេះ​​ចេញពី​ប្រទេស​ដែល​​កំពុង​មាន​ភាព​ច្របូក​ច្របល់​ផ្នែក​សាសនា​​មួយ​នេះ​។ លោក កុយ គួង បាន​មាន​ប្រសាសន៍​ថា " ថ្មី​ៗ​នេះ យើង​បាន​សហការ​ជាមួយ​ស្ថានទូត​ម៉ាឡេស៊ី​ប្រចាំ​ប្រទេស​យេម៉ែន ហើយ​ជំហាន​ដំបូង​យើង​បាន​​រក​ឃើញ​​និស្សិត​ចំនួន​ប្រាំបី​នាក់​រស់​នៅ​ក្នុង​តំបន់​មួយ​ដែល​យើង​គិត​ថា​គ្មាន​សុវត្ថិភាព​។ យើង​នឹង​បន្ត​ស្វែង​រក​អ្នក​ផ្សេងៗ​ទៀត"។ លោក...

បណ្តាញ​​​សហគមន៍​​​ព្រៃ​​​ឡង់​​​​​​បញ្ចប់​​​ការ​​​ល្បាត​​​ព្រៃ​​​រយៈពេល​​ប្រាំ​​​ថ្ងៃ

បណ្ដាញ​​សកម្មជន​ប្រហែល​៤០០​នាក់​បាន​បញ្ចប់​ការ​ល្បាត​​ព្រៃ​​​ឡង់​ទំហំ​៦៥០.០០០​ហិក​​​តា​ដែល​គ្មាន​ការ​ការ​ពារ​រយៈ​ពេល​៥​ថ្ងៃ នៅ​ក្នុង​ខេត្ត​​​ភាគ​ខាង​ជើង​នៃ​ប្រទេស​កាលពី​ថ្ងៃ​​អាទិត្យ ដោយ​​​ចាប់​​​បាន​​​និង​​​​​​​ដុត​ចោល​​​ឈើ​កាប់​រួច​ខុស​ច្បាប់ និង​រឹបអូស​បាន​រណារ​​​យន្ត​ពី​អ្នក​ដែល​ពួកគាត់​រក​ឃើញ​ថា បាន​កាប់​ឈើ​​។ ការ​ល្បាត​ដែល​​​​ជា​ការ​ល្បាត​ដ៏​​​ធំ​បំផុត​ក្នុង​រយៈ​ពេល​ជាង​១ឆ្នាំ​​របស់​បណ្ដាញ​សហគមន៍​ព្រៃ​​​ឡង់​​​នេះ​​​ បាន​ចាប់​ផ្ដើម​កាលពី​ថ្ងៃពុធ ដោយ​មនុស្ស​បួន​ក្រុម​ចូល​ក្នុង​ព្រៃ​នៅ​​​ក្នុង​ខេត្ត​កំពង់ធំ ក្រចេះ ព្រះវិហារ និង​ខេត្ត​ស្ទឹង​ត្រែង ដើម្បី​ធ្វើ​ការ​ឃ្លាំ​មើល​​​អ្វី​​​​ដែល​ពួកគាត់​ជឿ​ថា អាជ្ញាធរ​បាន​​​ធ្វើ​មិន​ដឹង​មិន​ឮ។ លោក អ៊ុន វៀន អាយុ​៤៣​ឆ្នាំ ជា​សកម្មជន​ម្នាក់​ដែល​បាន​​​ចូល​ក្នុង​ព្រៃ​នៅ​​​ក្នុង​ខេត្ត​ព្រះវិហារ បាន​និយាយ​កាលពី​ម្សិលមិញ​ថា គាត់​បាន​ដឹក​នាំ​មនុស្ស​ប្រហែល​៨០​នាក់​ល្បាត​ព្រៃ​នោះ ដែល​គ្រប​ដណ្ដប់​ក្នុង​ស្រុក​ចំនួន​ពីរ​ ហើយ​ជា​លទ្ធផល​​រឹបអូស​បាន​រណារ​​​យន្ត​១២គ្រឿង និង​ឈើ​ផ្ដៀក​ជា​ប្រភេទ​ឈើ​លេខ​២​បាន​​​ចំនួន​៨៣​ដុំ។ លោក អ៊ុន វៀន បាន​និយាយ​ថា...

ក្រសួង​​​មហាផ្ទៃ​​​ចេញ​​​ផ្សាយ​​​បញ្ជី​​​តម្លៃ​​​ជា​​​សាធារណៈ​​​ដើម្បី​​​ប្រយុទ្ធ​​​ប្រឆាំង​​​ការ​​​សូក​​​បា៉ាន់​​​

យោង​តាម​ច្បាប់​ចម្លង​នៃ​ឯកសារ​ដែល​បាន​ចេញ​ផ្សាយ​កាលពី​ថ្ងៃសៅរ៍​បាន​ឲ្យ​ដឹង​ថា កាលពី​ខែ​មុន​ក្រសួងមហាផ្ទៃ និង​ក្រសួង​សេដ្ឋកិច្ច និង​ហិរញ្ញវត្ថុ បាន​ចុះ​ហត្ថលេខា​លើ​ឯកសារ​មួយ​​ ប្រកាស​ពី​តម្លៃ​ផ្លូវ​ការ​សម្រាប់​​សេវា​​គោល​របស់​រដ្ឋាភិបាល ដូច​ជា​ការ​ធ្វើ​អត្តសញ្ញាណប័ណ្ណ និង​លិខិត​ឆ្លង​ដែន​ជាដើម​​​ ដើម្បី​ប្រយុទ្ធ​​​ប្រឆាំង​​ការ​យក​តម្លៃ​ខុស​ប្រក្រតី។ ឯកសារ​ដែល​​ត្រូវ​បាន​ចុះ​ហត្ថលេខា​ដោយ​លោក ស ខេង រដ្ឋមន្ត្រី​ក្រសួង​មហាផ្ទៃ និង​លោក អូន ព័ន្ធមុនីរ័ត្ន រដ្ឋមន្ត្រី​ក្រសួង​សេដ្ឋកិច្ច និង​ហិរញ្ញវត្ថុ​កាលពី​ថ្ងៃទី១៨ ខែ​មីនា បាន​ដាក់​ចេញ​នូវ​តម្លៃ​សម្រាប់​សេវា​គោល​ទាំង​អស់​ដែល​ផ្ដល់​ដោយ​ក្រសួង​មហាផ្ទៃ ហើយ​បាន​អំពាវ​នាវ​ឲ្យ​មន្ត្រី​រាជការ​ទាំង​អស់​អនុវត្ត​តាម​ការ​កំណត់​តម្លៃ​ទាំង​នេះ​ឲ្យ​បាន​តឹង​រ៉ឹង​។ ឯកសារ​ដដែល​នេះ​មាន​ខ្លឹមសារ​ថា " រាល់​ការ​​​ប្រមូល​​​ប្រាក់​​​​​ចំណូល​សម្រាប់​សេវា​រដ្ឋបាល​​​ទាំង​អស់​ ត្រូវ​ធ្វើ​​ដោយ​​​ប្រើ​​​​​​ក្រដាស​​​​បង់​ប្រាក់​ដែល​ផ្ដល់​ដោយ​ក្រសួង​សេដ្ឋកិច្ច និង​ហិរញ្ញ​​​វត្ថុ"។ ឯកសារ​ដដែល​នេះ​លើក​ឡើង​ទៀត​ថា...

​រដ្ឋមន្ត្រី​ក្រសួង​សុខាភិបាល​ត្រូវ​បាន​កោះហៅ​មក​​សាកសួរ​

យោង​តាម​​ច្បាប់​ចម្លង​​នៃ​​លិខិត​អញ្ជើញ​​ដែល​ចេញ​ដោយ​លោក កឹម សុខា ប្រធាន​រដ្ឋសភា​ស្ដីទី​ និង​ដែល​ទទួល​បាន​កាលពី​ម្សិលមិញ​បាន​ឲ្យ​ដឹង​ថា លោក ម៉ម ប៊ុនហេង រដ្ឋមន្ត្រី​ក្រសួង​សុខាភិបាល​​ត្រូវ​បាន​កោះហៅ​ឲ្យ​មក​បង្ហាញ​ខ្លួន​ចំពោះ​មុខ​គណៈកម្មការ​​ប្រឆាំង​អំពើ​ពុក​រលួយ​នៃ​រដ្ឋសភា។ យោង​តាម​លិខិត​​ចុះ​ថ្ងៃទី៣០ ខែមីនា លោក ម៉ម ប៊ុនហេង ​ត្រូវ​ចូល​ឆ្លើយ​បំភ្លឺ​នៅ​ចំពោះ​មុខ​គណៈកម្មការ​ប្រឆាំង​អំពើ​ពុករលួយ​នេះ​​នៅ​ថ្ងៃសុក្រ។ លិខិត​នេះ​មាន​ខ្លឹម​សារ​ថា គណៈកម្មការ​នេះ​ទទួល​បាន​ពាក្យ​បណ្ដឹង​ប្ដឹង​រដ្ឋមន្ត្រី​ក្រសួង​សុខាភិបាល​រូប​នេះ​ជុំវិញ​បញ្ហា​មួយ​ចំនួន រួម​មាន​ដូច​ជា " ការ​គ្រប់គ្រង​តម្លៃ​ និង​គុណភាព​ថ្នាំពេទ្យ " និង​ " ការ​ដោះដូរ​មន្ទីរពេទ្យ​មួយ​ចំនួន​ក្នុង​រាជធានី​ភ្នំពេញ​ជា​ដើម​។ លិខិត​នេះ​​មាន​ខ្លឹម​សារ​បន្ថែម​ទៀត​ថា លោក...

តុលាការ​​​សាកសួរ​​​សកម្ម​​​ជន​​​ប្រឆាំង​​​គម្រោង​​​សាងសង់​​​ទំនប់​​​វារី​​​អគ្គិសនី​​​ម្នាក់​​​

កាលពី​ថ្ងៃសុក្រ​ សាលា​ដំបូង​ខេត្ត​កោះកុង​បាន​សាក​សួរ​អ្នកភូមិ​​នៅ​តំបន់​ជ្រលង​អារ៉ែង​ម្នាក់ ដែល​បាន​ជំទាស់​ទៅ​នឹង​​គម្រោង​សាង​សង់​​​ទំនប់​​​វារី​អគ្គិសនី​ដែល​គាំទ្រ​ដោយ​រដ្ឋា​​​ភិបាល​ជុំវិញ​ការ​ចោទ​ប្រកាន់​​​ពី​​​បទ​កាប់​ឈើ​ខុស​ច្បាប់ ប៉ុន្តែ​​មិន​ទាន់​ធ្វើ​ការ​ចោទ​ប្រកាន់​នៅឡើយ​ទេ។ តុលាការ​បាន​​​កោះ​​​ហៅ​​​​លោក វ៉ែន វ៉ន កាលពី​ខែ​កុម្ភៈ​ឆ្លើយ​តប​ទៅ​នឹង​ពាក្យ​​បណ្ដឹង​របស់​រដ្ឋបាល​ព្រៃ​ឈើ​ដែល​ចោទ​ប្រកាន់​រូប​គាត់​ពី​​​បទ​កាប់​ឈើ​ខុស​ច្បាប់​នៅ​ក្នុង​តំបន់​ជ្រលង​នេះ ប៉ុន្តែ​បាន​ពន្យារ​​​ពេល​​​កាលបរិច្ឆេទ​​សវនាការ​ដើម ដោយ​ទុក​ពេល​ឲ្យ​គាត់​រៀបចំ​ឯកសារ​បន្ថែម​ទៀត។ បន្ទាប់ពី​ត្រូវ​បាន​សាកសួរ​កាលពី​ថ្ងៃសុក្រ លោក វ៉ែន វ៉ន បាន​និយាយ​ថា លោក​ព្រះ​រាជ​អាជ្ញា​ ប៊ូ ប៊ុនហា៊ង បាន​សាកសួរ​រូប​គាត់​ជុំវិញ​ការ​ចោទ​ប្រកាន់​​​របស់​រដ្ឋបាល​ព្រៃឈើ ហើយ​គាត់​បាន​បញ្ជាក់​ឡើង​វិញ​ថា គាត់​បាន​ទិញ​ឈើ​ដែល​មាន​បញ្ហា​នេះ​ពី​អ្នកភូមិ ហើយ​បាន​​យក​ឈើ​​​នេះ​​​ទៅ​ប្រើ​ដើម្បី​សាង​សង់​មជ្ឈមណ្ឌល​សហគមន៍​។ គាត់​បាន​និយាយ​ថា " ព្រះ​​​រាជ​​​អាជ្ញា​​​រូប​នេះ​មិន​ទាន់​បាន​ធ្វើ​ការ​ចោទ​ប្រកាន់​នៅ​ឡើយ​ទេ ពីព្រោះ​ករណី​នេះ​ស្ថិត​ក្នុង​ការ​ពិចារណា​នៅឡើយ​"។ លោក វ៉ែន វ៉ន...

នគរ​​​បាល​​​អំពាវ​​​នាវ​​​ឲ្យ​​​ស្ងប់​​​ស្ងាត់​​​ក្នុង​​​ពេល​​​មាន​​​ការ​​​ចោទ​​​ប្រកាន់​​​​​​រឿង​​​អាប​​​ធ្មប់​​​នៅ​​​ខេត្ត​​​រតនគិរី

នគរ​​​បាល​​​បាន​​​និយាយ​​​កាល​​​ពី​​​ម្សិលមិញ​​​ថា គេ​​​បាន​​​ព្រមាន​​​ឃុំ​​​មួយ​​​ក្នុង​​​ខេត្ត​​​​​​រតនគិរី​​​​​​កុំ​​​ឲ្យ​​​ប្រើ​​​អំពើ​​​ហិង្សា​​​លើ​​​បុរស​​​ជន​​​ជាតិ​​​ចារ៉ាយ​​​ ដែល​​​គេ​​​គិត​​​ថា ចេះ​​​អំពើ​​​អាប​​​ធ្មប់​​​។ លោក រ៉ូចំ គីន​​​ អាយុ​​​៤៨​​ឆ្នាំ​​​ អះ​​​អាង​​​ថា លោក​​​បាន​​​ប្រឈម​​​នឹង​​​ការ​​​គំរាម​​​កំហែង​​​ជា​​​ច្រើន​​​លើ​​​ជីវិត​​​របស់​​​លោក​​​ ក្នុង​​​នោះ​​​មាន​​​ការ​​​បង្ខំ​​​​​​ឲ្យ​​​គាត់​​​ចាក​​​​​​ចេញ​​​ពី​​​ផ្ទះ​​​រ​​​បស់​​​គាត់​​​​​​​​​ត្រឹម​​​ថ្ងៃ​​​សុក្រ​​​ ពី​​​​​ឃុំ​​​កក់ ស្រុក​​​បរកែវ​​​​​​ក្នុង​​​រយៈ​​​ពេល​​​បីថ្ងៃ​​​ បើ​​​មិន​​​ដូច្នោះ​​​ទេ​​​មុខ​​​​​​ជា​​​ត្រូវ​​​គេ​​​សម្លាប់​​​ចោល​​​។ លោក ម៉ៅ សាន់ អធិការ​​​ស្រុក​​​បរកែវ បាន​​​និយាយ​​​កាល​​​ពី​​​ថ្ងៃ​​​សុក្រ​​​ថា លោក​​​បាន​​​បញ្ជូន​​​នគ​​​របាល​​​ឃុំ​​​ទៅ​​​ព្រមាន​​​អ្នក​​​ស្រុក​​​ក្នុង​​​ភូមិ​​​ជង់​​​ថា ពួក​​​គេ​​​​​​នឹង​​​ត្រូវ​​​​​​ចាប់​​​មក​​​ផ្តន្ទា​​​ទោស​​​ ប្រសិនបើ​​​ពួក​​​គេ​​​វាយ​​​ប្រហារ​​​បុរស​​​នោះ​​​ មិន​​​ថា​​​គាត់​​​ចេះ​​​មន្តអាគម​​​ ឬ​​​អត់​​​ទេ។ លោក សាន់ បាន​​​និយាយ​​​ថា "នគរ​​​បាល​​​របស់​​​យើង​​​បាន​​​ប្រាប់​​​ប្រជា​​​ជន​​​ទាំង​​​នោះ​​​កុំ​​​ឲ្យ​​​ប្រើ​​​អំពើ​​​ហិង្សា ឬ​​​សម្លាប់​​​ជន​​​សង្ស័យ​​​ថា​​​​​​ចេះ​​​អាប​​​ធ្មប់​​​ បើ​​​ពុំ​​​ដូច្នោះ​​​ទេ​​​ពួកគេ​​​នឹង​​​ត្រូវ​​​ចាប់​​​មក​​​ផ្តន្ទា​​​ទោស​​​"។ “បន្ទាប់​​​មក​​​ យើង​​​បាន​​​ប្រាប់​​​អ្នកភូមិ​​​ដែល​​​ខឹង​​​សម្បា​​​ឲ្យ​​​ដាក់​​​ពាក្យ​​​បណ្តឹង​​​ទៅ​​​នគរ​​​បាល​​​ប្រសិន​​​បើ​​​ពួកគេ​​​មាន​​​ភ័ស្តុ​​​តាង​​​គ្រប់​​​គ្រាន់​​​លើ​​​បុរស​​​​​​ម្នាក់​​​ ដែល​​​ពួក​​​គេ​​​ចោទ​​​ថា​​​ចេះ​​​អំពើ​​​អាប​​​ធ្មប់​​​"។ ទាក់​​​ទង​​​កាល​​​ពី​​​ថ្ងៃ​​​សុក្រ​​​ លោក គីន បាន​​​និយាយ​​​ថា លោក​​​បាន​​​ប្តឹង​​​ទៅ​​​អង្គកា​​​រសិទ្ធិ​​​មនុស្ស​​​អាដ​​​ហុក​​​កាល​​​ពី​​​ថ្ងៃ​​​សៅរ៍ និង​​​បាន​​​ពន្យល់​​​ប្រាប់​​​អំពី​​​ការ​​​បំភិត​​​ភ័យ​​​​​​នេះ​​​មក​​​លើ​​​រូប​​​លោក​​​ ក្នុង​​​នោះ​​​មាន​​​បុរស​​​ម្នាក់​​​បាន​​​ចូល​​​ផ្ទះ​​​របស់​​​លោក​​​កាល​​​ពី​​​ថ្ងៃ​​​សុក្រ​​​ គំរាម​​​សម្លាប់​​​ផង​​​ដែរ​​​។ លោក គីន បាន​​​និយាយ​​​ថា "បុរស​​​នោះ​​​បាន​​​ប្រាប់​​​ខ្ញុំ​​​ថា គាត់​​​នឹង​​​សម្លាប់​​​ខ្ញុំ​​​ និង​​​គ្រួសារ​​​​​​ខ្ញុំ​​​ ប្រសិន​​​​​បើ​​​យើង​​​រស់​​​នៅ​​​ទី​​​នេះ​​​បន្ត​​​ទៀត​​​"។ លោក គីន បាន​​​បន្ថែម​​​ថា ការ​​​ព្រមាន​​​លើក​​​ទី​​​២​​​បាន​​​ធ្វើ​​​ឡើង​​​​​​បន្ទាប់​​​ទៀត​​​នៅ​​​ថ្ងៃ​​​នោះ​​​។ លោក​​​បាន​​​និយាយ​​​ថា "​​​បង​​​ថ្លៃ​​​ប្រុស​​​របស់​​​ខ្ញុំ​​​បាន​​​ព្យាយាម​​​បណ្តេញ​​​ខ្ញុំ​​​ដោយ​​​ទុក​​​ពេល​​​ឲ្យ​​​ខ្ញុំ​​​បី​​​ថ្ងៃ​​​រាប់​​​ចាប់​​​ពី​​​ថ្ងៃ​​​េនះ​​​ទៅ​​​ឲ្យ​​​ចាក​​​ចេញ​​​ពី​​​ផ្ទះ​​​របស់​​​ខ្ញុំ​​​ បើ​​​ពុំ​​​ដូច្នោះ​​​ទេ គេ​​​នឹ​​​ងសម្លាប់​​​ខ្ញុំ​​​"។ លោក​​​បាន​​​ចោទ​​​ថា ​​​បង​​​ប្រុស​​​របស់​​​លោក​​​ឈ្មោះ រ៉ូចំ សីុន ក៏​​​បាន​​​ប្រឆាំង​​​នឹង​​​លោក​​​កាល​​​ពី​​​ថ្ងៃ​​​ទី​​​២២ ខែ​​​មីនា​​​ដែរ​​​។ លោក គីន បាន​​​និយាយ​​​ថា "គាត់​​​បាន​​​មក​​​រក​​​ខ្ញុំ​​​ ទាញ​​​សក់​​​ខ្ញុំ​​​ និង​​​​​​យក​​​កាំបិត​​​ភ្ជង់​​​ក​​​ខ្ញុំ​​​ និង​​​បាន​​​ខ្សឹប​​​ដាក់​​​ត្រចៀកខ្ញុំ​​​ថា គាត់​​​នឹង​​​កាត់​​​ក​​​ខ្ញុំ​​​ បើ​​​កូន​​​​​របស់​​​គាត់​​​ដែល​​​ឈឺ​​ ស្លាប់​​​នោះ​​​។ គាត់​​​បាន​​​ចោទ​​​ខ្ញុំ​​​​​​ថា​​​ ខ្ញុំ​​​ប្រើ​​​មន្ត​​​អាគម​​​ធ្វើ​​​ឲ្យ​​​កូន​​​ៗ​​​របស់​​​គាត់​​​​​​ឈឺ​​​"។ បុរស​​​​​​ដែល​​​គេ​​​ចោទ​​​ថា​​​ចេះ​​​អាប​​​ធ្មប់​​​​​​នេះ​​​បាន​​​និយាយ​​​ថា ការ​​​ចោទ​​​បែប​​​នេះ​​​​​​មិនមែន​​​ជា​​​រឿង​​​ថ្មី​​​​​​ទេ​​​ចំពោះ​​​​​​គាត់​​​ ហើយ​​​ថា គាត់​​​បាន​​​ចាក​​​ចេញ​​​ពី​​​ផ្ទះ​​​មួយ​​​រយៈ​​​ពេល​​​ខ្លី​​​កាល​​​ពីខែ​​​តុលា​​​ ឆ្នាំ​​​២០១១​​​ក្រោយ​​​ពី​​​គេ​​​ចោទ​​​គាត់​​​​​​ថា គាត់​​​មាន​​​រុក្ខជាតិ​​​ដែល​​​អាច​​​ស៊ី​​​មនុស្ស ជា​​​ការ​​​អះ​​​អាង​​ដែល​​​គាត់​​​បាន​​​ច្រាន​​​ចោល​​​។ លោក គីន បាន​​​និយាយ​​​ថា "មិន​​​ត្រឹម​​​តែ​​​អ្នក​​​ភូមិ​​​ទេ​​​ បង​​​ប្អូន​​​សាច់​​​ឈាម​​​ឯង​​​ក៏​​​ចោទ​​​ខ្ញុំ​​​ថា​​​ជា​​​ធ្មប់​​​ដែរ​​​។ ប៉ុន្តែ ខ្ញុំ​​​មិនមែនទេ​​​"។ “បើ​​​ខ្ញុំ​​​​​​ជា​​​ធ្មប់​​​មែន​​​នោះ​​​ ខ្ញុំ​​​នឹង​​​ប្រើ​​​មន្ត​​​អាគម​​​ធ្វើ​​​ឲ្យ​​​ខ្លួន​​​ខ្ញុំ​​​មានបាន​​​​​​ហើយ​​​​​​​​​​​​"៕ និត

Latest news