26 C
Phnom Penh

TAG

translate

ជនជាតិ​​​វៀតណាម​​​ជាប់ពន្ធនាគារ​​​ពី​​​បទ​​​ជួញ​​​ដូរ​​​ថ្នាំ​​​ញៀន​​​ទឹក​​​កក​​​

នគរ​​​បាល​​​បាន​​​និយាយ​​​ថា ប្តី​​​ប្រពន្ធ​​​ជន​​​ជាតិ​​​វៀតណាម​​​ដែល​​​ជាប់​​​ចោទ​​​ទាក់​ទិន​​​នឹង​​​ការ​​​ជួញ​​​ដូរ​​​មេតាំហ្វេតាមីន​​​នៅ​​​កាស៊ីណូ​​​ក្រុង​​​បាវិត​​​ ត្រូវ​​​បាន​​​បញ្ជូន​​​ទៅ​​​ពន្ធនាគារ​​​ខេត្ត​​​ស្វាយ​​​រៀង​​​កាល​​​ពី​​​ថ្ងៃ​​​សុក្រ​​​ តែ​​​មួយ​​​ថ្ងៃ​​​បន្ទាប់​​​ពី​​​លោក​​   ស​​​ ខេង រដ្ឋ​​​មន្ត្រី​​​ក្រសួង​​​មហាផ្ទៃ​​​បាន​​​​​បញ្ជា​​​​​​ឲ្យ​​​អាជ្ញាធរ​​​តាម​​​ចាប់​​​​​​​​​ពួក​​​មេខ្លោង​​​ជា​​​ជាង​​​កូន​​​ចៅ​​​តូច​​​តាច​​​របស់​​​ពួក​​​មេ​​​ខ្លោង​​​ទាំង​​​នោះ​​​។ លោក កៅ ហ៊ន អធិការ​​​នគរ​​​បាល​​​ក្រុង​​​បាវិត​​​បាន​​​មាន​​​ប្រសាសន៍​​​ថា ឈ្មោះ យីវ បាវហុង​​​ និង​​​​​​ប្រពន្ធ​​​របស់​​​គាត់​​​ឈ្មោះ លូ ធីហា ទាំង​​​ពីរ​​​នាក់​​​អាយុ​​​៣៤​​​ឆ្នាំ​​​ដូច​​​គ្នា​​​​​​ ត្រូវ​​​បាន​​​ចាប់​​​ខ្លួន​​​នៅ​​​ម៉ោង​​​ប្រហែល​​​៩​​​យប់​​​ថ្ងៃ​​​ពុធ​​​ បន្ទាប់​​​ពី​​​មន្ត្រី​​​សម្ងាត់​​​បាន​​​ទទួល​​​ព័ត៌​​​មាន​​​​​​នោះ​​​។ លោក​​​បាន​​​មាន​​​ប្រសាសន៍​​​ថា ប្តី​​​ប្រពន្ធ​​​នេះ​​​បាន​​​សារភាព​​​ទទួល​​​ទោស​​​​​​របស់​​​ខ្លួន​​​។ លោក កៅ ហ៊ន ​​​​​​ បាន​​​និយាយ​​​ថា "ក្នុង​​​ពេល​​​សាក​​​សួរ​​​ជា​​​មួយ​​​ ភាសា​​​វៀតណាម​​​ ដែល​​​​​​អាច​​​និយាយ​​​ភាសា​​​ខ្មែរ​​​ ពួកគេ​​​បាន​​​និយាយ​​​ថា ពួកគេ​​​មាន​​​គម្រោង​​​​​​នឹង​​​លក់​​​ថ្នាំ​​​ញៀន​​​ទាំង​​​នោះ​​​នៅ​​​កាស៊ីណូ​​​"។ លោក​​​បាន​​​បន្ថែម​​​ថា "ពិបាក​​​នឹង​​​បាន​​​ចម្លើយ​​​ពី​​​ពួក​​​គេ​​​ណាស់ ពីព្រោះ​​​ការ​​​បក​​​ប្រែ​​​មិន​​​សូវ​​​ច្បាស់​​​ ហើយ​​​ពួក​​​គេ​​​មិន​​​ចង់​​​ឆ្លើយ​​​សំណួរ​​​របស់​​​យើង​​​​​ទេ​​​​"។ លោក​​​ កាន​​​ កេន នាយ​​​ការិយាល័យ​​​នគ​​​របាល​​​ប្រឆាំង​​​ការ​​​ជួញ​​​ដូរ​​​គ្រឿង​​​ញៀន​​​ខេត្ត​​​បាន​​​មាន​​​ប្រសាសន៍​​​ថា ប្តី​​ប្រពន្ធ​​​នេះ​​​ត្រូវ​​​បាន​​​បញ្ជូន​​​ទៅ​​​ពន្ធនាគារ​​​ខេត្ត​​​កាល​​​ពីល្ងាច​​​ថ្ងៃ​​​សុក្រ​​​ ដើម្បី​​​រង់​​​ចាំ​​​ការ​​​កាត់​​​ក្តី​​​ បន្ទាប់​​​ពី​​​រក​​​ឃើញ​​​ថា​​​ពួកគេ​​​មាន​​​ថ្នាំ​​​ញៀន​​​៣,៣ក្រាម​​​។ ក្នុង​​​សុន្ទរកថា​​​បិទ​​​សន្និបាត​​​ប្រចាំ​​​ឆ្នាំ​​​​​​​​​នៃ​​​អាជ្ញាធរ​​​ជាតិ​​​ប្រឆាំង​​​គ្រឿង​​​ញៀន​​​កា​​​លពី​​​ថ្ងៃ​​​ព្រហស្បតិ៍​​​ លោក​​​ ស ខេង​​ រដ្ឋមន្ត្រី​​​​ក្រសួង​​​មហាផ្ទៃ​​​បាន​​​មាន​​​ប្រសាសន៍​​​ថា ការ​​​ចាប់​​​តែ​​​អ្នក​​​ជួញ​​​ដូរ​​​​​​តូច​​​តាច​​​បែប​​​នេះ​​​ជា​​​ "បញ្ហា​​​មួយ​​​" ៕ មានិត

ភ្នាក់​ងារ​លក់​រថយន្ត​ BMW ត្រូវ​បាន​ចោទ​ប្រកាន់​ជា​ផ្លូវ​ការ​ជុំវិញ​​​ការ​បើក​រថយន្ត​បុក​ភូមិគ្រឹះ​របស់​លោក​នាយក​រដ្ឋមន្ត្រី​

នគរ​បាល​បាន​ឲ្យ​ដឹង​ថា ភ្នាក់​ងារ​លក់​រថយន្ត​ BMW ដែល​បើក​រថយន្ត​ម៉ាក BMW ទៅ​បុក​ភូមិគ្រឹះ​​ក្នុង​រាជធានី​ភ្នំពេញ​របស់​លោក​នាយក​រដ្ឋមន្ត្រី ហ៊ុន សែន​ កាលពី​ពេល​រំលង​អធ្រាត្រ​ឈាន​ចូល​ព្រឹក​ថ្ងៃពុធ ត្រូវ​ព្រះរាជអាជ្ញារង​អម​សាលា​ដំបូង​រាជធានី​ភ្នំពេញ​ចោទ​ប្រកាន់​ជា​ផ្លូវ​ការ​កាលពី​ម្សិលមិញ​ពីបទ​បើក​បរ​ក្រោម​ឥទ្ធិពល​គ្រឿង​ស្រវឹង​ បំផ្លាញ​ទ្រព្យ​សម្បត្តិ​សាធារណៈ និង​បង្ក​របួស​ស្នាម​។ កញ្ញា អ៊ុន កុល​ហ្សានិច អាយុ​២៥​ឆ្នាំ បាន​ធ្វើ​ឲ្យ​អង្គរក្ស​ផ្ទាល់​របស់​លោក ហ៊ុន សែន ចំនួន​បី​នាក់​រង​របួស​នៅ​វេលា​ម៉ោង​ប្រហែល​១និង​៤០​នាទី​រំលង​អធ្រាត្រ​ឈាន​ចូល​ព្រឹក​ថ្ងៃពុធ នៅ​ពេល​នាង​បើក​រថយន្ត​ BMW របស់​នាង​ក្រឡឹង​ជុំវិញ​វិមាន​ឯករាជ្យ ហើយ​រេ​ចង្កូត​​ជ្រុល​ទៅបុក​ពួកគេ​នៅ​ជិត​ខ្លោង​ទ្វារ​ចូល​ភូមិគ្រឹះ​របស់​លោក​នាយក​រដ្ឋមន្ត្រី។ កញ្ញា កុលហ្សានិច...

ប្រធាន​អង្គការ​លីកាដូ​​លើក​ឡើង​ថា ច្បាប់សញ្ជាតិ​ជះ​ឥទ្ធិពល​ លើ​សេចក្តី​សម្រេច​របស់ ​គ.ជ.ប.

លោកស្រី ពុង ឈីវកេក ប្រធាន​អង្គការ​សិទ្ធិ​មនុស្ស​លីកាដូ​ដែល​កាលពី​​ថ្ងៃ​អង្គារ បាន​ច្រាន​ចោល​ការ​ជ្រើស​តាំង​លោកស្រី​ជា​សមាជិក​គណៈកម្មាធិការ​ជាតិ​រៀបចំ​ការ​បោះ​ឆ្នោត​នោះ​បាន​មាន​ប្រសាសន៍​កាលពី​ថ្ងៃពុធ​ថា ការ​ហាម​ឃាត់​មិន​ឲ្យ​មាន​សញ្ជាតិ​ពីរ​នៅ​ក្នុង​ស្ថាប័ន​នោះ​ ធ្វើ​ឲ្យ​លោកស្រី​មាន​ការ​លំបាក​ក្នុង​ការ​ទទួល​យក​តួនាទី​នោះ​។ ​លោកស្រី ពុង ឈីវកេក ដែល​មាន​សញ្ជាតិ​ខ្មែរ កាណាដា និង​បារាំង​​ បាន​បញ្ជាក់​ឡើង​វិញ​ថា កង្វះ​​ឯករាជភាព​​របស់​​គណៈកម្មាធិការ​ជាតិ​រៀបចំ​ការ​បោះ​ឆ្នោត​ គឺ​ជា​ "ហេតុ​ផល"​ចម្បងដែល​លោកស្រី​បាន​បដិសេធ​ ប៉ុន្តែ​ថា ​ការ​ហាម​ឃាត់​​ដ៏ចម្រូង​ចម្រាស​នេះ​ក៏ជះ​ឥទ្ធិពល​ដល់​ការ​សម្រេច​របស់​លោកស្រី​ផង​ដែរ។ លោកស្រី​បាន​បន្ថែម​ថា "និយាយរួម​ ការ​ច្រាន​ចោល​សញ្ជាតិ​ពីរ​គឺ​ជា​វិធានការ​រើស​អើង ដែល​រារាំង​ប្រទេស​កម្ពុជា​មិន​ឲ្យ​មាន​ធនធាន​មនុស្ស​សំខាន់ៗ​ ខណៈ​ដែល​ប្រទេស​ជាតិ​ទើប​តែ​រើប​ឡើង​វិញ​ពីការ​បាត់​បង់​ធន​ធានមនុស្ស​ ដោយ​សារ​សង្គ្រាម​ស៊ីវិល ការ​សម្លាប់​រង្គាល​របស់​ខ្មែរ​ក្រហម...

ម្ចាស់អាជីវកម្ម​​​ខ្សាច់​​​ស្ថិត​​​​​ក្នុង​​​ចំណោម​​​មនុស្ស​​​១១នាក់​​​ដែល​​​ត្រូវ​​​បាន​​​ចាប់ខ្លួន​​​​​​​​ពី​​​បទ​​​​​​បូម​​​ខ្សាច់​​​ខុស​​​ច្បាប់​​​

យោង​​​តាមអ្នកនាំពាក្យ​​​​​​ក្រសួង​​​រ៉ែ និងថាម​​​ពល​​​​​​បាន​​​ឲ្យ​​​ដ​​​ឹង​​​ថា ​​​កង​​​រាជ​​​​​​អាវុធ​​​ហត្ថ​​​ ​​​សហ​​​ការ​​​ជា​​​មួយ​​​ក្រសួង​​​រ៉ែ និង​​​ថាម​​​ពល បាន​​​ចាប់​​​​​​ខ្លួន​​​​​​មនុស្ស​​​១១នាក់​​​កាល​​​ពីម្សិលមិញ​​​ពី​​​បទ​​​​​​បូម​​​ខ្សាច់​​​ដោយ​​​គ្មាន​​​អាជ្ញាប័ណ្ណ​​​ត្រឹម​​​ត្រូវ ​​​ហើយ​​​ក្នុង​​​នោះ​​​រួម​​​​​​មាន​​​​​ទាំង​​​​​ម្ចាស់​​​អាជីវ​​​កម្ម​​​ខ្សាច់​​បីនាក់​​​ផង។ ការ​​​ចាប់ខ​​​្លួន​​​​​​នេះ​​​​​​​​​ធ្វើ​​​​​​ឡើង​​​មួយ​​​ថ្ងៃ​​​ក្រោយ​​​ពី​​​ក្រសួង​​​រ៉ែ និង​​​ថាមពល​​​ បាន​​​​​រៀប​​​ចំ​​​​​​កិច្ច​​​ប្រជុំ​​​បិទ​​​ទ្វារ​​​មួយ​​​ជាមួយ​​​ក្រុមហ៊ុន​​​បូម​​​ខ្សាច់​​​ចំនួន​​​២០​​​នៅ​​​សណ្ឋាគារ​​​សាន់វ៉េ ក្នុង​​​រាជធានីភ្នំពេញ​​​កាល​​​ពីថ្ងៃ​​​ពុធ ​​​ដើម្បី​​​ព្រមាន​​​ថា ​​​​​ពួក​​​គេ​​​នឹង​​​ប្រឈម​​​វិធាន​​​ការ​​​ផ្លូវ​​​ច្បាប់​​​ ប្រសិន​​​បើ​​​ពួក​​​គេ​​​​​គ្មាន​​​​​​អាជ្ញាប័ណ្ណ​​​ពី​​​ក្រសួង​​​​​​។ លោក​​​ ឌិត​​​ ទីណា អ្នក​​​នាំ​​​ពាក្យ​​​ និង​​​ជា​​​រដ្ឋលេខាធិការ​​​ក្រសួង​​​រ៉ែ និង​​​ថាមពល​​​​​​ បាន​​​មាន​​​ប្រសាសន៍​​​ថា កងរាជអាវុធ​​​ហត្ថ​​​បាន​​​​​​ចុះ​​​​​​បង្ក្រាប​​​ប្រតិបត្តិការ​​​បូម​​​ខ្សាច់​​​ខុស​​​ច្បាប់​​​​​​ចំនួន​​​បី​​​​​ទីតាំង​​​​​​ផ្សេង​​​​​​គ្នា​​​ មួយ​​​កន្លែង​​​នៅ​​​ជិត​​​កោះ​​​ពេជ្រ​​​ មួយ​​​កន្លែង​​​នៅ​​​ក្នុង​​​ខណ្ឌ​​​ច្បារ​​​អំពៅ និង​​​មួយ​​​កន្លែង​​​ទៀត​​​ក្នុង​​​ស្រុក​​​ល្វាឯម ខេត្ត​​​កណ្តាល​​​។ លោក​​​បាន​​​លើក​​​ឡើង​​​តាម​​​អីុម៉ែល​​​ថា​​​ "នៅ​​​ថ្ងៃ​​​ទី​​​២ ខែមេសា មាន​​​ការ​​​ចាប់ខ្លួន​​​បី​​​ករណី​​​" ហើយអ្នក​​​ដែល​​​ត្រូវ​​​បាន​​​ចាប់​​​ខ្លួន​​​ទាំង​​​នោះ ​​​រួម​​​មាន​​​ម្ចាស់​​​អាជីវកម្ម​​​បី​​​នាក់​​​ និង​​​កម្មករ​​​ប្រាំ​​​បី​​​នាក់​​​។ ​​​លោក​​​បាន​​​​​​បន្ត​​​ថា "យើង​​​បាន​​​បញ្ជូន​​​ករណី​​​ទាំង​​​អស់​​​នេះ​​​ទៅ​​​សាលាដំបូង​​​​​​រាជ​​​ធានីភ្នំពេញ​​​ហើយ​​​"។ ថ្លែង​​​តាម​​​ទូរស័​​​ព្ទ​​​កាល​​​ពីល្ងាច​​​ម្សិលមិញ លោក អឹុង ឌីបូ៉ឡា អគ្គនាយក​​​រង​​​ទូទៅ​​​នៃ​​​ក្រសួង​​​រ៉ែ និង​​​ថាម​​​ពល​​​ បាន​​​មានប្រសាសន៍​​​ថា ក្រុមហ៊ុន​​​ទាំង​​​នេះ​​​គ្មាន​​​អាជ្ញាប័ណ្ណ​​​ទេ​​​ ដូច្នេះ​​​ហើយ​​​ ទើ​​​ប​​​បាន​​​ជា​​​គ្មាន​​​ឈ្មោះ ហើយ​​​លោក​​​ក៏​​​​​​មិន​​​ស្គាល់​​​ឈ្មោះ​​​បុគ្គល​​​ដែល​​​ត្រូវ​​​បាន​​​ចាប់​​​ខ្លួន​​​ទាំង​​​នោះ​​ដែរ​​​។ កាល​​​ពី​​​ខែ​​​មុន ​​​លោក​​​នាយករដ្ឋ​​​មន្ត្រី  ហ៊ុន សែន បាន​​​ប្រកាស​​​ថា ការ​​​បូម​​​ខ្សាច់​​​នៅ​​​​តាម​​​ដង​​​​​​ទន្លេ​​​នានា​​​ទូទាំង​​​ប្រទេស​​​ដែល​​​ព​​​ីមុន​​​ធ្លាប់​​​តែ​​​ធូររលុង​​​ និង​​​ដែល​​​បាន​​​បង្ក​​​ឲ្យ​​​បាក់​​​ស្រុត​​​ច្រាំង​​​​​​ទន្លេ​​​​​​​​​​​​​​​នោះ​​​ ត្រូវ​​​បាន​​​ដាក់​​​ឲ្យ​​​ស្ថិត​​​ក្រោម​​​ការ​​​គ្រប់​​​គ្រង​​​​​​តឹងរឹុងតា​​​ម​​​រយៈ​​​ការ​​​ផ្តល់​​​សិទ្ធិ​​​ផ្តាច់​​​មុខ​​​ចំពោះ​​​ការ​​​ចេញ​​​​​​អាជ្ញាប័ណ្ណ​​​ដល់​​​ក្រសួង​​​រ៉ែ និង​​​ថាម​​​ពល​​​។ លោក​​​ ឌិត ទីណា បាន​​​មាន​​​ប្រសាសន៍​​​កាល​​​ពី​​​ម្សិល​​​មិញ​​​ថា ម្ចាស់​​​អាជីវកម្ម​​​បូម​​​ខ្សាច់​​​នានា​​​ត្រូវ​​​បាន​​​ជូន​​​ដំណឹង​​​​​​​​​ឲ្យ​​​បញ្ឈប់​​​ប្រតិបត្តិការ​​​គ្មាន​​​អាជ្ញា​​​ប័ណ្ណ​​​ទាំង​​​នៅ​​​ក្នុង​​​កិច្ច​​​ប្រជុំ​​​ផ្ទាល់​​​ជាមួយ​​​ក្រសួង​​​ និង​​​តាម​​​រយៈ​​​ប្រព័ន្ធ​​​ផ្សព្វ​​​ផ្សាយ​​​។ លោក​​​បាន​​​បន្ត​​​ថា "ក្រសួង​​​រ៉ែ និងថាមពល​​​ បាន​​​ធ្វើ​​​សន្និសីទ​​​កាសែត​​​កាល​​​ពី​​​ថ្ងៃ​​​ទី​​​២៥ ខែ​​​មីនា និង​​​បាន​​​​​​ជួប​​​ជាមួយ​​​ម្ចាស់​​​អាជីវកម្ម​​​កាល​​​ពីថ្ងៃទី​​​១ ខែមេសា។ យើង​​​បាន​​​​​​​​ស្នើ​​​សុំ​​​ឲ្យ​​​ពួក​​​គាត់​​​​​​បញ្ឈប់​​​ការ​​​បូម​​​ខ្សាច់​​​ខុស​​​ច្បាប់​​​ ប្រសិនបើ​​​ពួកគាត់​​​គ្មាន​​​អាជ្ញាប័ណ្ណ​​​ ហើយ​​​ពួក​​​គាត់​​​ក៏​​​បាន​​​យល់​​​ស្រប​​​តាម​​​វិធានការ​​​នេះ​​​ដែរ​​​"៕ សុខុម​​​​​​  

អគ្គ​​​នាយកដ្ឋាន​​​អន្តោប្រវេសន៍​​​ដាស់​​​តឿន​​​ឲ្យជន​​​បរទេស​​​ដាក់​​​ពាក្យ​​​សុំ​​​ប័ណ្ណ​​​​​ការ​​​ងារ​​​

កាល​​​ពីថ្ងៃ​​​ពុធ អគ្គនាយក​​​នៃ​​​អគ្គនាយក​​​ដ្ឋាន​​​អន្តោប្រវេសន៍​​​​​​​​ក្រសួង​​​មហាផ្ទៃ​​​ បាន​​​ចេញ​​​សេចក្តី​​​ថ្លែង​​​ការណ៍​​​មួយ​​​ដើម្បី​​​រំឭក​​​ដាស់​​​តឿន​​​ជន​​​បរទេស​​​ដែល​​​កំពុង​​​បម្រើ​​​ការ​​​ងារ​​​​​​នៅ​​​​​​ក្នុង​​​ប្រទេស​​​កម្ពុជា​​​ថា ពួក​​​គេ​​​ត្រូវ​​​បាន​​​តម្រូវ​​​ឲ្យ​​​មាន​​​ប័ណ្ណ​​​ការ​​​ងារ ហើយ​​​ពួក​​​គេ​​​នឹង​​​ត្រូវ​​​ប្រឈម​​​​​​ការ​​​ផាក​​​ពិន័យ​​​ ប្រសិន​​​បើ​​​ពួក​​​គេ​​​គ្មាន​​​​​​ប័ណ្ណ​​​ទេ​​​។ នាយឧត្តម​​​សេនីយ៍​​​ សុខ ផល ដែល​​​បាន​​​ចុះ​​​ហត្ថលេខា​​​លើ​​​សេចក្តី​​​​​​ថ្លែង​​​ការណ៍​​​នេះបាន​​​មានប្រសាសន៍​​​ថា ​​​​​​ជន​​​បរទេស​​​ដែល​​​​​​បម្រើ​​​ការងារ​​​​​​​​​ជា​​​ច្រើន​​​បាន​​​ដាក់​​​ពាក្យ​​​សុំ​​​ និង​​​ទទួល​​​បាន​​​ប័ណ្ណ​​​ការ​​​ងារ​​​រួច​​​ហើយ​​​ ប៉ុន្តែ​​​ទន្ទឹម​​​នឹង​​​នេះ​​​ក៏​​​មាន​​​ជន​​​បរទេស​​​ជា​​​ច្រើន​​​ផ្សេង​​​ទៀត​​​មិន​​​ទាន់​​​បាន​​​​​​ដាក់​​​ពាក្យ​​​សុំ​​​ប័ណ្ណ​​​ការ​​​ងារ​​​នៅ​​​ឡើយ​​​ទេ​​​។ លោក​​​បាន​​​លើក​​​ឡើង​​​នៅ​​​ក្នុង​​​សេចក្តី​​​ថ្លែង​​​ការណ៍​​​នោះ​​​ថា "មាន​​​ក្រុមហ៊ុន​​​សហគ្រាស​​​ និង​​​និយោជិត​​បរទេស​​​មួយ​​​ចំនួន​​​​​​​​​ដែល​​​មិន​​​យក​​​ចិត្ត​​​ទុក​​​ដាក់​​​ និង​​​មិន​​​បំពេញ​​​​​​​​​​​​កាតព្វកិច្ច​​​តាម​​​ផ្លូវ​​​ច្បាប់​​​​​​។ ក្រុម​​​អធិការ​​​កិច្ច​​​  បាន​​​ណែនាំ​​​ឲ្យ​​​​​​ពួក​​គាត់​​​​​​បំពេញ​​​ទម្រង់​​​បែប​​​បទ​​​ដើម្បី​​​ទទួល​​​បាន​​​ឯកសារ​​​ផ្លូវ​​​ច្បាប់​​​​​​នេះ ប៉ុន្តែ ពួក​​​​​​​​​គាត់​​​​​​នៅ​​​តែ​​​មិន​​​ធ្វើ​​​"​​​។ លោក​​​បាន​​​ឲ្យដឹង​​​ថា ក្រុម​​​​​​អធិការកិច្ច​​​មក​​​ពី​​​អគ្គនាយកដ្ឋាន​​​អន្តោប្រវេស​ន៍​​​កំពុង​​​បន្ត​​​ធ្វើ​​​អធិការកិច្ច​​​នៅ​​​​​​តាម​​​ក្រុមហ៊ុន​​​សហគ្រាស​​​នានា​​​ដែល​​​ទទួល​​​យក​​​ជន​​​បរទេស​​​ឲ្យ​​​ចូល​​​បម្រើ​​​ ការ​​​ងារ​​​។លោក​​​​​បាន​​​ថ្លែង​​​​​​ថា "នៅ​​​ពេល​​​រក​​​ឃើញ​​​​​​​​និយោជិត​​​បរទេសដែល​​​ធ្វើ​​​ការ​​​ងារ និង​​​គ្មាន​​​លិខិត​​​ឆ្លង​​​ដែន​​​ ទិដ្ឋាការ​​​ ឬ​​​ប័ណ្ណ​​​កា​​​រ​​​ងារ​​​ដែល​​​មាន​​​សុពល​​​ភាព​​​ ក្រុម​​​អធិការ​​​កិច្ច​​​នឹង​​​ពិន័យ​​​ពួក​​​គេ​​​តាម​​​ផ្លូវ​​​ច្បាប់​​​"។ លោ​​​ក​​​ នៅ លក្ខិណា អគ្គនាយក​​​រង​​​នៃ​​​អគ្គនាយក​​​ដ្ឋាន​​​អន្តោប្រវេសន៍ បាន​​​គូស​​​បញ្ជាក់​​​កាល​​​ពីម្សិលមិញ​​​ថា ជន​​​បរទេស​​​ដែល​​​​​​​​​ក្រុម​​​អធិការកិច្ច​​​រក​​​ឃើញ​​​ថាគ្មាន​​​ប័ណ្ណ​​​ការងារ​​​ នឹង​​​ត្រូវ​​​តម្រូវ​​​ឲ្យ​​​បង់​​​ប្រាក់​​​ផាក​​​​​​ពិន័យ​​​៥០០.០០០​​​រៀល ​​​​​​ ។ លោក​​​បាន​​​លើក​​​ឡើង​​​ទៀត​​​ថា ពួក​​​គេ​​​មាន​​​ពេល​​​បី​​​ខែ​​​ ដើម្បី​​​ដាក់​​​ពាក្យ​​​សុំ​​​ប័ណ្ណ​​​កា​​រងារ​​​នៅ​​​ក្រសួង​​​ការ​​​ងារ​​​ ឬ​​​បើ​​​​​​មិន​​​ដូច្នេះ​​​ទេ ពួក​​​គេ​​​​​នឹង​​​ត្រូវ​​​ប្រឈម​​​​​​ការ​​​ផាក​​​ពិន័យ​​​បន្ថែម​​​ទៀត។ ឧត្តម​​​សេនីយ៍​​​ឯក នៅ លក្ខិណា បាន​​​បញ្ជាក់​​​ថា ប្រសិន​​​បើ​​​គ្មាន​​​ប័ណ្ណ​​​ការ​​​ងារ​​​ ជន​​​បរទេស​​​អាច​​​ពន្យារ​​​បាន​​​តែ​​​ទិដ្ឋាការ​​​​​​​​​អេឡិច​​​ត្រូនិក​​​ (E-visa) ដែល​​​ពី​​មុន​​​ហៅ​​​ថា​​​ទិដ្ឋាការ​​​ជំនួញ​​​​​ បាន​​​រយៈ​​​ពេល​​​​​​មួយ​​​ឆ្នាំ​​​ក្នុង​​​មួយ​​​លើក​​​។ លោក​​​បន្ត​​​ថា ប្រសិនបើជន​​​បរទេសដែល​​​បម្រើ​​​ការងារ ​​​មិន​​​ទទួល​​​បាន​​​ប័ណ្ណការ​​​ងារ​​​នៅ​​​ពេលទិដ្ឋាការ​​​ផុត​​​សុពល​​​ភាព​​​ទេ​​​នោះ​​​ ជន​​​បរទេស​​​រូបនោះ​​​នឹង​​​ត្រូវ​​​តម្រូវ​​​ឲ្យ​​​ចាក​​​​​​ចេញ​​​ពី​​​កម្ពុជា។ ទោះ​​​ជា​​​យ៉ាង​​​ណា​​​ លោក​​​បាន​​​​​​បន្ថែមថា ​​​ពួក​​​គេ​​​អាច​​​​​​ទទួល​​​បាន​​​ទិដ្ឋាការ​​​អេឡិចត្រូនិក​​​ថ្មី​​​ នៅ​​​ពេលពួក​​​គេ​​​​​​ចូល​​​មក​​​ប្រទេស​​​កម្ពុជា ជា​​​​​ថ្មី​​​ម្តង​​​ទៀត​​​។ លោក​​​បាន​​​លើក​​​ឡើង​​​ថា "​​​ប៉ុន្តែ​​​​​​​​​បើ​​​យើង​​​ពិនិត្យ​​​មើល​​​​​​ទិដ្ឋាការ​​​របស់​​​អ្នក​​​ ហើយ​​ឃើញ​​​ថា​​​អ្នក​​​​​​​​​រស់​​​នៅ​​​ក្នុង​​​ប្រទេសកម្ពុជា​​​ ​​​រយៈ​​​ពេល​​​មួយ ឬ​​​ពីរឆ្នាំ ហើយ​​​យើង​​​ដឹង​​​ថា អ្នក​​​​ធ្វើ​​​ការ​​​ងារនោះ​​​ អ្នក​​​នឹង​​​ត្រូវ​​​ទទួល​​​ការ​​​ផាក​​​ពិន័យ​​​"។ ក្រសួង​​​ការ​​​ងារ​​​ដែល​​​ជា​​​អ្នក​​​ចេញ​​​ប័ណ្ណ​​​ការ​​​ងារ​​​ មិន​​​អាច​​​ទាក់​​​ទង​​​សុំ​​​ការ​​​បំភ្លឺ​​​បាន​​​ទេ​​​​​​ជុំ​​​វិញ​​​បញ្ហា​​​នេះ​​​។ កាល​​​ពីខែ​​​មករា ​​​ក្រសួង​​​េនះ​​​បាន​​​លើក​​​ឡើង​​​ថា ខ្លួន​​​នឹង​​​​​ផាក​​​​​​ពិន័យ​​​ជន​​​ប្រទេស​​​ចំនួន​​​ ​​​៤០០.០០០រៀល​​​ (ប្រហែល​​​១០០​​​ដុលា្លរ​​​) សម្រាប់​​​ឆ្នាំ​​​នីមួយ​​​ៗ ដែល​​​ពួកគេ​​​​​​បាន​​​បម្រើ​​​ការ​​​ងារ​​ក្នុង​​​ប្រទេសកម្ពុជា​​​ ដោយ​​​គ្មាន​​​ប័ណ្ណការ​​​ងារ​​​៕ សុខុម (រាយការណ៍​​​បន្ថែម​​​ដោយ​​​ ឆន ចាន់ស៊ី)  

អ្នក​ដំណើរ​ម្នាក់​ស្លាប់ខណៈ​ពេល​​ឡើង​ជិះ​នាវា​កម្សាន្ត​ក្នុង​ក្រុង​ព្រះ​សីហនុ

យោង​តាម​របាយការណ៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍​ពី​បុគ្គលិក​នាវា​ម្នាក់​បាន​ឲ្យ​ដឹង​ថា អ្នក​ដំណើរ​ស្រីម្នាក់​បាន​ស្លាប់​កាលពី​ថ្ងៃពុធ បន្ទាប់ពី​គ្រោះ​ថ្នាក់​មួយ​បាន​កើត​ឡើង​ខណៈ​ដែល​គាត់​​បាន​ព្យាយាម​ជិះ​នាវា​កម្សាន្ត​​ Queen Elizabeth ខណៈ​ដែល​នាវា​នេះ​បាន​បោះ​យុថ្កា​ចត​នៅ​សមុទ្រ​ក្រុង​ព្រះ​សីហនុ។ Cunardដែលគ្រប់គ្រង​​នាវា​ Queen Elizabeth បាន​ឲ្យ​ដឹង​​នៅ​ក្នុង​របាយការណ៍​ដែល​បាន​​ចុះ​ផ្សាយ​នៅ​ក្នុង​ទំព័រ​ហ្វេសប៊ុក​ថា អ្នក​ដំណើរ​ស្រី​ម្នាក់​បាន​ស្លាប់​​ខណៈ​ដែល​ឡើង​ជិះ​នាវានោះ​បី​​ទូក​ចម្លង​តូច​មួយ ដែល​គេ​ប្រើ​សម្រាប់​​ដឹក​អ្នក​ដំណើរ​ទៅ​និង​មកឆ្នេរ​។ ​របាយការណ៍​នេះ​បាន​​ឲ្យ​ដឹង​ទៀត​ថា បុគ្គលិក​នាវារបស់យើង​​ពីរ​នាក់​បាន​​ប្រញាប់​ប្រញាល់​លោត​​ទៅ​ជួយ​សង្គ្រោះ​គាត់​។ បន្ទាប់​មក ស្ត្រី​រូប​នេះ​ត្រូវ​បាន​បញ្ជូន​ទៅ​កន្លែង​ព្យាបាល​​ ប៉ុន្តែ​បើ​ទោះ​ជាយើង​ប្រឹង​ប្រែង​អស់​ពី​សមត្ថភាព​យ៉ាង​ណា​ក៏​ដោយ ក៏គាត់​បាន​ស្លាប់ទៅហើយ​​ដែរ​"។ របាយការណ៍​ដដែល​នេះ​បន្ថែម​ថា ស្ត្រី​រូប​នេះ​បាន​ស្លាប់​ "បន្ទាប់ពី​គ្រោះ​ថ្នាក់​ខណៈ​ដែល​ឡើង​ជិះ​នាវា​ Queen Elizabeth ពីទូក​តូច​មួយ​ ប៉ុន្តែ​មិន​បាន​និយាយ​លម្អិត​អំពី​គ្រោះ​ថ្នាក់​នេះ​ទេ។ លោកស្រី មីសែល អែនជែល...

​​​​​​សកម្ម​​​ជន​​​សហ​​​គមន៍​​​​​​ប្រមាណ​​​ ៤០០ នាក់​​​កំពុង​​​​​​ធ្វើ​​​យុទ្ធ​​​នាការ​​​ដើរ​​​ល្បាត​​​ពាស​​​ពេញ​​​​​​ព្រៃ​​​ឡង់​​​

កាល​​​ពីម្សិលមិញ សកម្មជន​​​សហគមន៍​​​ប្រហែល​​​៤០០នាក់​​​បាន​​​ចេញ​​ដើរល្បាត​​​រយៈ​​​ពេល​​​ប្រាំ​​​ថ្ងៃ​​​នៅ​​​តាម​​​ព្រៃ​​​ឡង់​​​ ដើម្បី​​​ចាត់​​​ការ​​​​​​ជន​​​កាប់​​​ឈើ​​​ខុស​​​ច្បាប់​​​ និង​​​ការ​​​​​កាប់​​​ឆ្ការ​​​ព្រៃ​​​ខុស​​​ច្បាប់​​​​​​ពីសំណាក់​​​​​​ចម្ការ​​​ធំៗ​​​នៅ​​​ក្នុង​​​តំបន់​​​នោះ​

នគរបាល​ដោះ​លែង​​អ្នក​​កាប់​ឈើ​ខុស​ច្បាប់ដែល​ជាប់​ពាក់​ព័ន្ធ ជាមួយ​​មន្ត្រីម្នាក់​

កាល​ពី​ថ្ងៃអង្គារ​ អ្នកភូមិ​ខេត្ត​មណ្ឌលគិរី​បាន​ឃាត់ខ្លួន​បុរស​ជន​ជាតិ​វៀត​ណាមម្នាក់​ប្រគល់​ឲ្យ​អាជ្ញាធរ​​ដែលបុរស​រូបនេះ​​​បាន​ប្រាប់​នគរបាល​ថា លោក សុះ ម៉ាឡែន ជាមន្ត្រី​បរិស្ថាន​ម្នាក់​​​បាន​អនុញ្ញាត​ឲ្យ​គាត់​ចូល​ក្នុង​ប្រទេស​កម្ពុជា​​ដើម្បី​កាប់ឈើ​ខុស​ច្បាប់។ ទោះ​យ៉ាងណា នគរបាល​អន្តោ​ប្រវេស​ន៍​បាន​ដោះលែង​​បុរស​រូបនេះ​​វិញ ដោយ​អះ​អាង​ថា មិនមាន​ភ័ស្តុតាង​គ្រប់​គ្រាន់​ក្នុងការ​​ឃុំខ្លួន​គាត់​ឡើយ។ លោក ឃុត ចាន់រ៉ា បាន​មាន​ប្រសាសន៍​ថា លោក​និង​អ្នកភូមិ​ប្រហែល​៤០នាក់​ទៀត​​បាន​ល្បាត​នៅក្នុង​ដែន​ជម្រក​សត្វព្រៃ​​ណាំលៀ ក្នុងស្រុក​ពេជ្រាដា ដើម្បី​ឃ្លាំ​មើល​អ្នក​កាប់ឈើ​ខុស​ច្បាប់​​កាលពី​យប់​ថ្ងៃ​អង្គារ​ ស្រាប់តែ​ពួកគាត់​បាន​ប្រទះ​ឃើញ​​ជន​ជាតិ​វៀត​ណាម​ប្រាំមួយ​នាក់​​ហៀប​នឹង​បើក​រថយន្ត​ពីរ​គ្រឿង​ដឹក​ឈើ​គគីរ​​ឆ្លង​ព្រំដែន​​ចូល​ក្នុង​ប្រទេស​វៀត​ណាម​ទៅ​ហើយ​។ ក្រុម​អ្នកភូមិ​​បាន​ចាប់​​ឈើនោះ​ និង​ចាប់បាន​អ្នក​កាប់​ឈើ​ម្នាក់់ ប៉ុន្តែ​ប្រាំនាក់ទៀត​បាន​រត់គេច​ខ្លួន​អស់។ ​លោក ចាន់រ៉ា បាន​មាន​ប្រសាសន៍​ថា " យើង​បាន​ប្រគល់​បុរស​រូប​នេះ​ឲ្យ​នគរ​បាល​ឃុំ​ប៊ូស្រា កាលពី​ម្សិលមិញ ...

ក្រសួង​រ៉ែ​និង​ថាមពល​ព្រមាន​ក្រុមហ៊ុន​បូម​ខ្សាច់

អ្នក​នាំពាក្យ​ក្រសួង​បាន​និយាយ​ថា ក្រសួង​រ៉ែ​និង​ថាមពល​កាលពី​ថ្ងៃ​ពុធ​បាន​ប្រជុំ​បិទ​ទ្វារ​ជាមួយ​ក្រុមហ៊ុន​បូម​ខ្សាច់​ប្រហែល​២០​ក្រុមហ៊ុន​ក្នុង​ក្រុង​ភ្នំពេញ ដើម្បី​ព្រមាន​ពួកគេ​ឲ្យ​បញ្ឈប់​ប្រតិបត្តិការ​ខុស​ច្បាប់​នេះ បើ​ពំុនោះ​ទេ​នឹង​ប្រឈម​ការ​ជាប់​ពន្ធនាគារ និង​ផាកពិន័យ។ កិច្ច​ប្រជុំ​នៅ​សណ្ឋាគារ សាន់វ៉េ បាន​ធ្វើ​ឡើង​បន្ទាប់ពី​បទបញ្ជា​ជា​របស់​លោក​នាយក​រដ្ឋមន្ត្រី ហ៊ុន សែន កាលពី​ខែ​មុន ដែល​បាន​ដាក់​ឲ្យ​ក្រសួង​នេះ​តែ​មួយ​គត់​ទទួល​ខុសត្រូវ​ក្នុង​ការ​ចេញ​អាជ្ញា​ប័ណ្ណ​បូម​ខ្សាច់ ដើម្បី​ព្យាយាម​ទប់​ស្កាត់​ការ​បូម​ខ្សាច់​ខុស​ច្បាប់​យ៉ាង​អនាធិបតេយ្យ ដែល​ត្រូវ​គេ​បន្ទោស​ចំពោះ​ការ​បាក់​ច្រាំង​ទន្លេ។ ថ្លែង​នៅ​សន្និសីទ​កាសែត​ក្រោយពី​កិច្ច​ប្រជុំ​កាលពី​ថ្ងៃ​ពុធ លោក ឌិត ទីណា អ្នក​នាំ​ពាក្យ​​និង​ជា​រដ្ឋលេខាធិការ​ក្រសួងរ៉ែ​និង​ថាមពល​បាន​មាន​ប្រសាសន៍​ថា ក្រុមហ៊ុន​បូម​ខ្សាច់​បាន​ព្រមព្រៀង​មិន​បូម​ខ្សាច់​ដោយ​គ្មាន​អាជ្ញា​ប័ណ្ណ និង​អនុញ្ញាត​ឲ្យ​អាជ្ញាធរ​ពិនិត្យ​ឧបករណ៍​របស់​ពួកគេ។ លោក ទីណា បាន​និយាយ​ថា "ចាប់តាំងពី​ថ្ងៃ​នេះ​ទៅ យើង​នឹង​លែង​ធ្វើ​ការ​ណែនាំ​ទៀត​ហើយ ពីព្រោះ​យើង​បាន​ធ្វើ​រួច​ហើយ។...

​​ភ្នាក់​ងារ​លក់​រថយន្ត​ BMW ​ស្រវឹង​បើក​រថយន្ត​​​​បុក​ភូមិគ្រឹះ​​លោក ហ៊ុន សែន បណ្ដាល​ឲ្យ​អង្គរក្ស​​រង​របួស​

នគរ​បាល​បាន​​​និយាយ​ថា អង្គរក្ស​ផ្ទាល់​ខ្លួន​បី​នាក់​របស់​លោក​នាយក​រដ្ឋមន្ត្រី ហ៊ុន សែន បាន​រងរបួស​កាលពី​ពេល​រំលង​អធ្រាត្រ​ឈាន​ចូល​ព្រឹក​ថ្ងៃពុធ នៅ​ពេល​​​​នារី​ម្នាក់ដែល​ស្ថិត​ក្នុង​ស្ថាន​ភាព​​ស្រវឹង​ជោក​ជាំ ​បើក​បររថយន្ត​ BMW របស់​នាង​ក្រឡឹង​ជុំវិញ​វិមាន​ឯករាជ្យ​ ​ហើយ​រេចង្កូត​ជ្រុល​ទៅ​បុក​ពួកគេ​នៅ​ជិត​ខ្លោង​ទ្វារ​ចូល​ភូមិ​គ្រឹះ​របស់​​នាយក​រដ្ឋមន្ត្រី​។ លោក​​ សេង ចាន់ថន នាយ​​នគរ​បាល​ចរាចរ​រាជធានី​​​​ បាន​មាន​ប្រសាសន៍​ថា គ្រោះ​ថ្នាក់​ចរាចរណ៍​នេះ​បាន​កើត​ឡើង​នៅ​វេលា​ម៉ោង​ប្រហែល​ ១ ​និង​ ៤០​ នាទី​រំលង​អធ្រាត្រ​ នៅ​ពេល​​នារី​ម្នាក់​ឈ្មោះ អ៊ុង កុលហ្សានិច អាយុ​២៥​ឆ្នាំ ដែល​ជា​ភ្នាក់​ងារ​លក់​​​របស់​ក្រុម​ហ៊ុន​...

Latest news