translate

យោង​​​តាម​​សេចក្តី​​​ជូន​​​ដំណឹង​​​ដែលបាន​​​ចុះ​​​ផ្សាយ​​​ក្នុង​​​​គេហទំព័រ​​​​​​របស់​​​នគរបាល​​​កាលពី​​​ម្សិល​មិញ​​​បាន​​​ឲ្យ​​​ដឹង​​​ថា លោក នេត សាវឿន អគ្គស្នងការ​​​នគរ​​​បាល​​​ជាតិ​​​​​​បាន​​​ចេញ​​​បទ​​​បញ្ជា​​​ឲ្យ​​​នគរ​​​បាល​​​ចាប់​​​ផ្តើម​​​​​ឃ្លាំមើល​​​​​​តាមកន្លែង​លក់គ្រឿង​​​អលង្ការ​​​និង​​​កន្លែង​​​ប្តូរ​​​ប្រាក់​​​​​​តាម​​​ទីផ្សារ​​​​​​២៤ម៉ោង ហើយ​​​បាន​​ព្រមាន​​​ក្រុម​​​មន្ត្រី​​​ទាំង​​​នោះ​​​​​​ថា ពួកគេ​​អាច​​​ត្រូ​​វ​​​បណ្តេញ​​​ចេញ​​​ ប្រសិន​​​បើ​​​​​​ពួកគេ​​​​​​បណ្តោយ​​​ឲ្យ​​​មាន​​​អំពើ​​​ប្លន់​​​ប្រដាប់​​​អាវុធ​​​​​​កើត​​​ឡើង​​​ទៀតនោះ​។ សេចក្តីជូនដំណឹងនៅក្នុង​​​គេហទំព័រ​​​របស់​​​នគរបាល​​​ជាតិ​​​មាន​​​ខ្លឹម​​​សារ​​​ថា បទ​​​បញ្ជានេះ​​​ត្រូវ​​​បាន​​​ផ្សព្វផ្សាយ​កាលពីម្សិលមិញ​​​ គឺថ្ងៃតែមួយ​​​​​​ដែលបុរ​​​សបីនាក់​​​​​​ប្រដាប់ដោយ​​​កាំភ្លើង​​​អាកា-៤៧ កាំភ្លើង​​​ខ្លី និង​​​ពូថៅ​​​​​​បាន​​​ប្លន់​​​​​​​​មាស​​​និង​​​ប្លាទីន​​​ពី​​​ផ្សារ​​​មួយ​​​ក្នុង​​​​​​ស្រុក​​​ភ្នំក្រវាញ  ខេត្ត​​​ពោធិ៍​សាត់​​​គិត​​​ជា​​​ទឹក​​​ប្រាក់​​​រាប់​​​ម៉ឺន​​​ដុល្លារ​​​។ សេចក្តី​ជូន​ដំណឹង​​​​នៅក្នុង​​​គេហទំព័រ​​​នគរបាល​​​ជាតិ​​​នេះ​​​លើ​​ក​​​ឡើង​​​ទៀត​​​ថា "​​​ឧត្តម​​​សេនីយ៍ នេត​​​ សាវឿន ​​​អគ្គស្នងការ​​​នគរបាល​​​ជាតិ​​​​​​បាន​​​ចេញ​​​បទ​​​បញ្ជា​​​បន្ទាន់​​​​​​ដល់​​​នគរបាល​​​ទូ​​​ទាំង​​​ប្រទេស​ឲ្យ​​​ពង្រឹង​​​​​​ និង​​​ការ​​​ពារ​​​សន្តិសុខ​​​ និង​​​សុវត្ថិភាព​​​​​​នៅតាម​ទីប្រជុំជន ជា​​​ពិសេស​​​​​​នៅតាម​​កន្លែង​​​លក់គ្រឿង​​​អលង្ការ​​​ និង​​​កន្លែង​​​ប្តូរ​​​ប្រាក់​​។ នៅក្នុង​​​បទ​​​បញ្ជា​​​បន្ទាន់​​​ដែល​​​បាន​​​ផ្សព្វ​ផ្សាយ​​​ដល់​​​នគរ​​​បាល​​​ទូ​​​ទាំង​​​ប្រទេស​​​​​​កាលពី​​​ថ្ងៃសៅរ៍នោះ ឧត្តម​​​សេនីយ៍ នេត​​​ សាវឿន ក៏បាន​​​ចាត់​​​តាំង​​​​​​ឲ្យ​​​ស្នងការ​​​ដ្ឋាន​​​នគរបាល​​​ទាំង​​​អស់​​​​​​ដាក់​​​កម្លាំង​​​ការ​​​ពារ​​​២៤ម៉ោង​​​លើ​​​២៤ម៉ោង​​​​​​នៅ​​​តាម​​​ទីផ្សារ​​​ និង​​​ទីប្រជុំជន​​នានា ជាពិសេសនៅកន្លែង​​​លក់គ្រឿង​​​អលង្ការ​​​ និង​​​កន្លែង​​​ប្តូរ​​​ប្រាក់​​​ដែលអាច​​​មាន​​​អំពើ​​​ប្លន់​​​ប្រដាប់​​​អាវុធកើត​ឡើង​"។ សេចក្តី​ជូន​ដំណឹង​នេះ​​​បាន​ឲ្យ​ដឹង​ថា "​​​នៅក្នុង​​​បទ​​​បញ្ជានេះ ឧត្តម​​​សេនីយ៍ នេត​​​ សាវឿន ​​​ក៏បាន​​​ព្រមាន​​​ជាមុន​​​ថា នាយនគរបាល​​​និង​​​កម្លាំង​​​នគរបាល​​​​​​ដែល​​​ទទួល​​​ខុសត្រូវ​​​នៅ​​​គ្រប់​​​គោលដៅ​​​ទាំង​​​អស់​​​ អាច​​​ប្រឈម​​​ការ​​​ធ្វើ​​​អធិការ​​​កិច្ច​​​ ឬ​​​ដក​​​ចេញ​​​ពី​​​តួនាទី ប្រសិន​​​បើ​​​ពួកគេ​​​ ធ្វេ​​​សប្រហែស ហើយ​​​បណ្តោយ​​​ឲ្យ​​​មាន​​​អំពើ​​​ប្លន​​់​​​ប្រដាប់​​​អាវុធ​​​កើត​​​ឡើង​​​ដោយ​​​មិនមាន​ការ​​​ទទួល​​​ខុសត្រូវការ​​​ពារ​​​សន្តិសុខ និង​​​សុវត្ថិភាពនោះ"។ លោក វង សាវ៉េត អធិការ​​​នគរបាលស្រុក​​​ភ្នំក្រវាញ​​​​​​កន្លែង​​​ដែល​​​អំពើ​​​ប្លន់​​​ប្រដាប់​​​អាវុធ​​​បាន​​​កើត​​​ឡើង​​​កាលពី​​​ថ្ងៃសៅរ៍​​​​​​បានមាន​​​ប្រសាសន៍ថា លោក​​​មិន​​​បារម្ភ​​​ពី​​​ការ​​​គំរាម​​​បាត់​​​បង់​​​ការ​​​ងារ​​​ឡើយ។ លោក​​​បានមាន​​​ប្រសាសន៍ថា "ខ្ញុំស្វាគមន៍​​​បទ​​​បញ្ជា​​​នេះ និង​​​ត្រៀម​​ខ្លួន​​​អនុវត្ត​​​តាមបទ​​​បញ្ជា។​ វា​​​ជាការ​ល្អ​​​​​ ហើយ​​​យើង​​​បាន​​​ត្រៀមខ្លួន​​​ការ​​​ពារ​​​​​​ប្រជាពល​​​រដ្ឋ២៤ម៉ោង​​​លើ​​​២៤ម៉ោង​​​ ហើយ​​​បាន​​​ដាក់​​​ពង្រាយ​​​កម្លាំង​​​របស់​​​យើង​​​រួច​រាល់ហើយ​ដើម្បី​​​ទប់ស្កាត់​​​បទ​​​ឧក្រិដ្ឋ"។ លោក ជូ សំអាន ស្នងការ​​​នគរ​​​បាល​​​ខេត្ត​​​កំពង់​​​ធំ​​​កន្លែង​​​ដែល​​​មាន​​​អំពើ​​​ប្លន់​​​ប្រដាប់​​​អាវុធ​​​ជា​​​ច្រើន​​​បាន​​​កើត​​​ឡើង​​​កាល​​​ពី​​​ពេល​​​ថ្មី​​​ៗ​​​នេះ បាន​​​មាន​​​ប្រសាសន៍​​​ថា បទ​​​បញ្ជា​​​នេះ​​​ត្រូវ​​​បាន​​​ចេញ​​​ដល់​​​នគរ​​​បាល​​​ទាំង​​​អស់​​​​​​កាល​​​ពី​​​ចុង​​​សប្តាហ៍។ លោក​​​បាន​​​មាន​ប្រសាសន៍​​​ថា "វា​​​ជា​​ការ​​​​ល្អ​​​ ដើម្បី​​​ឲ្យកម្លាំង​​​របស់​​​យើង​​​ប្រឹងប្រែង​បំពេញ​​​ការ​​​ងារ​​​បន្ថែម​ទៀត​​​​ ឬ​តែងតែ​គិតថា មានស​ភាព​ស្ងប់ស្ងាត់​នោះ​។ វា​​​ជា​​​ការ​​​ក្រើន​​​រំឭក​​​ដល់​​​កម្លាំង​​​របស់​​​យើង​​​"៕សារុន​​​​​​​​​  

យោង​​​តាម​​​ឪពុក​​​ស្ត្រី​​​រងគ្រោះ​​​បាន​​​ឲ្យ​​​ដឹង​​​ថា ជន​​​រងគ្រោះ​​​នៃ​​​ការ​​​វាយ​​​ប្រហារ​​​ដោយ​​​ទឹក​​​អាស៊ីតដោយស្នាដៃ​​​​ប្រពន្ធ​​​ដែល​​​ប្រចណ្ឌ​​​​​​ដែល​​​បាន​​​រង​​​កា​​​ររលាក​​​ធ្ងន់​​​ធ្ងរ​​​ត្រង់​​​ផ្ទៃមុខ និង​​​ដង​​​ខ្លួន​​​នោះ បាន​​​ស្លាប់​​​ដោយ​​​សារ​​​របួស​​​​​​នៅ​​​មន្ទីរ​​​ពេទ្យ​​​កាល់ម៉ែត​​​​​​ក្នុង​​​រាជ​​​ធានី​​​ភ្នំពេញ​​​កាល​​​ពី​​​ថ្ងៃសៅរ៍។ មាស វណ្ណី អាយុ​​​២០ឆ្នាំ​​​​​​ជា​​​សន្តិសុខ​​​នៅ​​​រោង​​​ចក្រ​​​ស្បែក​​​ជើង Ho Hsin Tai ក្នុង​​​ខណ្ឌ​​​ពោធិ៍សែន​​​ជ័យ​​​  ត្រូវ​​​បាន​​​រងការ​​​វាយ​​​ប្រហារ​​​ដោយ​​​ទឹក​​​អាស៊ីត​​​ពី​​​សំណាក់​​​កម្មការ​​​ិនី​​​ឈ្មោះ ស្រឿន ណាន់ ​​​បន្ទាប់ពី​​​ចេញពី​​​ផ្ទះ​​​របស់ខ្លួន​​​កាលពី​​​ព្រឹក​​​ថ្ងៃទី​​​៦ ខែមីនា។ អ្នកស្រី ណាន់ អាយុ​​​៣៨ឆ្នាំ​​​​​​ត្រូវ​​​បាន​​​ចាប់ខ្លួន​​​​​​នៅថ្ងៃដដែល​​​​​​ ហើយ​​​បាន​​​សារ​​​ភាព​​​ថា បាន​​​វាយ​​​ប្រហារ​​​មកលើ​​​នាង មាស វណ្ណី បន្ទាប់ពី​​​ដឹង​​​ថា ស្ត្រីរូបនេះ​​​និង​​​ប្តី​​​របស់ខ្លួន​​​មាន​​​ស្នេហា​លួច​លាក់​។ លោក ស៊ិន ស៊ីនឿន ឪពុករបស់​​​​​​ មាស វណ្ណី បាន​​​និយាយថា កូនស្រី​​​របស់​​​គាត់​​​បាន​​​ស្លាប់ដោយ​​​សារ​​​របួស​​​ធ្ងន់​​​ធ្ងរ​​​កាលពី​​​ថ្ងៃសៅរ៍ ហើយ​​​សពត្រូវ​​​បាន​​​បញ្ចុះ​​​នៅ​​​ក្បែរ​​​ផ្ទះរបស់ខ្លួន​ក្នុង​​​ខេត្ត​​​ពោធិ៍​​​សាត់កាលពី​​​ម្សិលមិញ។ លោក​​​បាន​​​និយាយ​ថា "​​​កូនស្រី​​​របស់​​​ខ្ញុំ​​​បាន​​​ស្លាប់​​​នៅ​​​ម៉ោង​​​២​​​រសៀលកាលពី​​​រសៀល​​​ម្សិល​មិញ​​​នៅ​​​មន្ទីរ​​​ពេទ្យ​​​កាល់ម៉ែត។ យើង​​​ក្រៀម​​​ក្រំណាស់​​​ ពីព្រោះ​​​យើង​​​បាន​​​បាត់​​​បង់​​​​​​សមាជិក​​​គ្រួសារ​​​របស់​យើង"។ លោក​​​បាននិយាយថា "​​​កូនស្រី​​​របស់ខ្ញុំ​​​ជាមនុស្ស​​​ល្អ។ ហេតុអ្វី​​​បាន​​​ជា​​​នាង​​​ត្រូវ​​​គេ​​​វាយ​​​ប្រហារ​​​ដូច​​​នេះទៅវិញ?”។ លោក ស៊ីនឿន បាន​​​និយាយថា លោក​​​ចង់​​​ឲ្យ​​​តុលាការ​​​ផ្តន្តាទោស​​​ស្ត្រី​​​ឈ្មោះ​​​ ណាន់ នេះ​​​ឲ្យ​​​ធ្ងន់​​​ធ្ងរ​​​ ហើយ​​​បង្គាប់​​​ឲ្យ​​​នាង​​​​​​ផ្តល់សំណង​​​ដល់​​​គ្រួសារ​​​របស់​​​លោកចំនួន​​​១០០លាន​​​រៀល។ លោក​​​បាននិយាយ​​​ថា "ខ្ញុំបាន​​​ទាម​​​ទារ​​​ឲ្យ​​​ចាប់​​​ជន​​​សង្ស័យរូបនេះ​​​​​​ដាក់​​​ពន្ធនាគារ​​​ ពីព្រោះនាង​​​បាន​​​ប្រព្រឹត្ត​​​បទ​​​ឧក្រិដ្ឋ​​​ធ្ងន់​​​ធ្ងរ​​​​​​​​​មក​​​លើ​​​កូនស្រី​​​របស់​​​ខ្ញុំ"។ លោក អ៊ុំ សុភក្ត្រ ព្រះ​​​រាជ​​​អាជ្ញារង​​​អម​​​សាលា​​​ដំបូង​​​រាជ​​​ធានី​​​​​​ភ្នំពេញ​​​ដែល​​​ទទួល​​​បន្ទុក​​​ដោះ​ស្រាយ​​​រឿង​​​ក្តី​​​នេះ​​​​​​បានមាន​​​ប្រសាសន៍ថា លោក​​​នឹង​​​ស្នើ​​​ឲ្យ​​​តុលាការ​​​កែប្រែ​​​បទ​​​ចោទប្រកាន់​​​លើ​​​ស្ត្រីឈ្មោះ ណាន់ នៅពេល​​​លោក​​​ទទួលបាន​​​ការ​​​បញ្ជាក់​​​ជា​​​ផ្លូវ​​​ការ​​​ពី​​​ការ​​​ស្លាប់​​​របស់​​​​​​ មាស វណ្ណី។ លោក​​​បានមាន​​​ប្រសាសន៍ថា "​​​យើង​​​នឹង​​​​​​កែប្រែ​​​ការ​​​ចោទប្រកាន់​​​ពី​​​បទ​​​ប៉ុនប៉ង​​​មនុស្ស​​​ឃាតទៅ​​​ជា​​​បទ​​​មនុស្ស​​​ឃាតដោយ​​​គិត​​​ទុក​​​ជាមុន។ ស្ត្រីរូបនេះនឹង​​​ប្រឈម​​​ការ​​​ចាប់​​​ពន្ធនាគារ​​​អស់​​​មួយ​​​ជីវិត​​​ ប្រសិន​​​បើ​​​ត្រូវ​​​បាន​​​រកឃើញ​​​ពិរុទ្ធភាព"។ ព្រះ​​​រាជ​​​អាជ្ញារង​​​រូបនេះ​​​បានមាន​​​សង្ឃដីកា​​​ថា លោក​​​ក៏សង្ឃឹម​​​ថា នឹង​​​ឃើញ​​​នគរ​​​បាល​​​ស្វែង​​​រក​​​អ្នក​​​ដែល​​​ផ្តល់ទឹក​​​អាស៊ីត​​​ដល់​​​អ្នកស្រី ណាន់  និង​​​ធ្វើការ​​​ចោទ​​​ប្រកាន់​​​លើ​​​ពួកគេ​​​ផង​ដែរ។ លោក ជា សុវណ្ណ នាយ​​​នគរបាល​​​ព្រហ្មទណ្ឌ​​​ខណ្ឌ​​​ពោធិ៍សែន​​​ជ័យ​​​​​​បានមាន​​​ប្រសាសន៍ថា ​​​អាជ្ញាធរ​​​​​​កំពុង​​​ស្វែង​​​រក​​​ពួកគេ​​​ហើយ។ លោក សុវណ្ណ បាន​​​មាន​​​ប្រសាសន៍ថា "​​​អ្នកស្រី ណាន់ បាន​​​សារភាព​​​ថា គាត់​​​បាន​​​សុំឲ្យ​​​អ្នក​​​រត់​​​ម៉ូតូឌុប​​​​​​ទិញ​​​ទឹក​​​អាស៊ីត​​​ឲ្យ​​​គាត់​​​មួយ​​​ដប​​​តម្លៃ​​​១២.០០០រៀល​​​"។ លោក​​​បានមាន​​​ប្រសាសន៍ថា "ដូច្នេះ​​​បុរស​​​រូបនោះ ប្រាកដ​​​ជា​​​ជាប់​​​ពាក់ព័ន្ធក្នុង​​​ករណី​​​នេះ ពីព្រោះ​​​គាត់​​​បាន​​​ទិញ​​អាស៊ីត​ខ្លាំង​​​ដែល​​​អាជ្ញាធរ​​​​​​បាន​​​ហាម​​​ឃាត់ ដើម្បី​​​ឲ្យ​​​ស្ត្រី​​​រូបនេះអាច​​​​​​ប្រព្រឹត្ត​​​បទ​​​ឧក្រិដ្ឋ។ ហើយ​​​នៅពេល​​​យើង​​​រក​​​ឃើញ​​​​​​អ្នក​​​រត់​​​ម៉ូតូ​​​ឌុប​​​រូបនេះ ពេលនោះ​​យើង​​​នឹង​​​រក​​​ឃើញ​​​ម្ចាស់​​​ហាង​​​​​​ដែល​​​បាន​​​លក់​​​ទឹក​​​អាស៊ីត​​​មិន​​​ខាន"។ រដ្ឋាភិបាល​​​បាន​​​អនុម័ត​​​​​​ច្បាប់​​​ស្តីពី​​​ការ​​​វាយ​​​ប្រហារ​​​ដោយ​​​ទឹក​​​អាស៊ីត​​​​​​កាលពី​​​ឆ្នាំ​​​២០១២ ចំពេល​​​ដែលមាន​​​បទ​​​ឧក្រិដ្ឋ​​​វាយ​​​ប្រហារទឹក​​​អាស៊ីត​​​ជាច្រើន​​​ ហើយ​​​បាន​​​ចេញ​​​អនុក្រឹត្យ​​​​​​ដាក់​កម្រិត​​​លើការ​​​លក់​​​ទឹក​​​អាស៊ីត​​​នៅ​​​ឆ្នាំ​​​បន្ត​​​បន្ទាប់មក៕សារុន​​​​​​​​​  

កាលពី​ថ្ងៃ​សុក្រ លោក​ សាយ សំអាល់ រដ្ឋមន្ត្រី​ក្រសួង​បរិស្ថាន​​ បាន​សន្យា​ការ​ពារ​វប្បធម៌​​​របស់​ជនជាតិ​ដើមភាគ​តិច​នៅ​ក្នុង​ប្រទេស​កម្ពុជា មុនពេល​លោក​​​មាន​ប្រសាសន៍​បន្ត​ថា ជន​ជាតិ​ដើមភាគតិច​ទាំង​នោះ​ចាំបាច់​ត្រូវ​រៀន​រស់​ដោយ​មិន​ពឹង​ផ្អែក​លើ​​ព្រៃ​ឈើ ដែលពួក​គាត់​បាន​ពឹង​ផ្អែក​រាប់​សតវត្សរ៍មក​ហើយ​។​​​ ​​​ដោយចូលរួម​ធ្វើ​ជា​គណៈអធិបតី​​ក្នុង​ពិធី​ចាប់​ផ្ដើម​គំនិត​ផ្ដួច​ផ្ដើម​ថ្មី​មួយដែល​ដឹក​នាំ​ដោយ​អង្គការ​សង្គ្រោះ​សត្វព្រៃ (Save Cambodia's Wildlife) ដើម្បី​ការពារ​ឧទ្យានជាតិ​វីរជ័យ​​ និងដែន​​ជម្រក​សត្វព្រៃ​លំផាត់​ ជា​ដំបូង​លោក សាយ សំអាល់ បាន​ព្យាយាម​​រម្ងាប់​​​កំហឹង​របស់​ជន​ជាតិ​ដើម​ភាគ​តិច​ប្រមាណ​៣០​នាក់ ដែល​បាន​​​ធ្វើ​ដំណើរ​​ពី​ព្រៃ​អភិរក្ស​ចំនួនពីរ​​ស្ថិត​​ក្នុង​ខេត្ត​ភាគឦសាន​នៃ​ប្រទេស​ មក​កាន់​រាជធានី​ភ្នំពេញ។ រដ្ឋ​មន្ត្រី​ក្រសួង​បរិស្ថាន​រូប​នេះ​បាន​មាន​ប្រសាសន៍​ទៅ​កាន់​​មនុស្ស​ប្រហែល​៨០​នាក់ ដែល​បានជួប​ជុំគ្នា​នៅ​សណ្ឋាគារ​ហ៊ីម៉ាវ៉ារី (Himawari Hotel) ថា...

អ្នក​នាំពាក្យ​ក្រសួង​សុខាភិបាល​បាន​ឲ្យ​ដឹង​កាលពី​ថ្ងៃសុក្រ​ថា ពេល​នេះ​រដ្ឋាភិបាល​​កំពុង​ធ្វើ​សេចក្ដី​ព្រាង​ច្បាប់​ថ្មី​មួយ​ស្ដីពី​សុវត្ថិភាព​ចំណីអាហារ​​ ដើម្បី​ការ​ពារ​អ្នក​ទទួល​ទាន​។ លោក លី សុវណ្ណ ​ប្រធាន​នាយក​ដ្ឋាន​ប្រយុទ្ធ​នឹង​ជំងឺ​ឆ្លង​នៃ​ក្រសួង​សុខាភិបាល និង​ជា​អ្នក​នាំពាក្យ​ក្រសួង​នេះ ​​បាន​មាន​ប្រសាសន៍​ថា មន្ត្រី​មកពី​ក្រសួង​មួយ​ចំនួន​​កំពុង​ធ្វើ​ការ​រួម​គ្នា​​លើ​សេចក្ដី​ព្រាង​ច្បាប់​នេះ​។​​​ លោក​បាន​ពន្យល់​ថា " មាន​ឯកសារ​ច្បាប់​ គោលការណ៍ និង​គោល​នយោបាយ​ដែល​​គ្រប​ដណ្ដប់​ចំណីអាហារ​រួច​​ហើយ ប៉ុន្តែ​យើង​​មិន​ទាន់​មាន​​ច្បាប់​មួយ​ដែល​រឹង​មាំ​ទេ​។ នោះជាមូល​ហេតុ​ដែល​យើង​ចាំបាច់​ត្រូវ​ប្រមូល​ចង​ក្រង និង​អភិវឌ្ឍឯកសារ​ទាំង​នេះ​​​​ឲ្យ​ក្លាយ​ជា​​ច្បាប់​មួយ​​ដែល​មានអំណាច​ខ្លាំង​ ខណៈ​ប្រទេស​របស់​យើង​កំពុង​មាន​ការ​អភិវឌ្ឍ"។ លោក​បាន​លើក​ឡើង​បន្ត​ថា ការ​ងារ​នេះ​កំពុង​ស្ថិត​ក្នុង​ដំណាក់​កាល​ " បច្ចេកទេស"​ នៅឡើយ​។ លោកស្រី អុឹង ដាវី...

កាលពី​ថ្ងៃ​សុក្រ​​ សាលា​រាជធានី​បាន​ប្រកាស​ថា ភាគ​ច្រើន​នៃ​​ប្រជា​ពល​រដ្ឋ​​រង​ការ​បណ្ដេញ​ចេញ​ដែល​នៅ​សេសសល់​ពី​សហគមន៍​បុរីកីឡា​ ក្នុង​រាជធានីភ្នំពេញ ដែល​​​មិន​ទាន់​មាន​ផ្ទះ​សំបែង​​នៅ​ឡើយ​​​ក្រោយពី​ក្រុម​ហ៊ុន​អភិវឌ្ឍន៍​មួយ​មិន​បាន​ផ្ដល់​លំនៅដ្ឋាន​គ្រប់គ្រាន់​សម្រាប់​​ប្រជាពល​រដ្ឋ​​រាប់​រយ​គ្រួសារ​នៅ​ក្នុង​សហគមន៍​នេះ​នោះ នឹង​មិន​​ទទួល​បាន​ផ្ទះ​នៅ​ក្នុង​តំបន់​នេះ​ទេ​។ លោក មាន ចាន់យ៉ាដា ​ប្រធាន​រដ្ឋបាល​នៅ​សាលា​រាជធានី​ភ្នំពេញ​ បាន​មាន​ប្រសាសន៍​ថា ១៥៤​ករណី​ក្នុង​ចំណោម​១៨៣​ករណី​​នៃគ្រួសារ​ដែល​ត្រូវ​បាន​បណ្ដេញ​ចេញ​កាលពី​ឆ្នាំ​២០១២ ត្រូវ​បាន​ "​ដោះស្រាយ​" រួច​ហើយ​ ប៉ុន្តែ​បាន​បដិសេធ​មិន​បញ្ចេញ​សេចក្ដី​លម្អិត​ទេ​នៅ​ឯ​សន្និសីទ​កាសែត​កាលពី​ថ្ងៃ​សុក្រ ដោយ​​គាប​​ទុក​ឯកសារ​​ដែល​បង្ហាញ​ពី​សេចក្ដី​សម្រេច​ធ្វើ​ឡើង​នៅ​សាលា​ខណ្ឌ​៧មករា។ យោង​តាម​ឯកសារ​ទាំង​នោះ ប្រជាពល​រដ្ឋ​២៥​គ្រួសារ​នឹង​ទទួល​បាន​លំនៅដ្ឋាន​ក្នុង​សហគមន៍​បុរីកីឡា ចំណែក​ឯ​ប្រជាពលរដ្ឋ​៨៩​គ្រួសារ​ទៀត​ដែល​ " គ្មាន​លក្ខណ​សម្បត្តិ​គ្រប់​គ្រាន់​" នឹង​ទទួល​បាន​​លំនៅដ្ឋាន​នៅ​សហគមន៍​ឧដុង្គ ក្នុង​​សង្កាត់​គោករកា ខណ្ឌ​ព្រែកព្នៅ...

អ្នក​​​នាំពាក្យ​​​ក្រសួង​​​មហាផ្ទៃ​​​​​​បាន​​​មាន​​​ប្រសាសន៍​​​​​​កាល​​​ពី​​​​​​ម្សិលមិញ​​​ថា លោកឧបនាយករដ្ឋមន្ត្រី​​​ ស ខេង បាន​​​បញ្ជូន​​​មន្ត្រី​​​ជាន់​​​ខ្ពស់​​​ក្រសួង​​​មហាផ្ទៃមួយ​​​ក្រុម​​​ ដើម្បី​​​ស៊ើប​​​អង្កេត​​​បទ​​​ល្មើស​​​ហិង្សា​​​ ដែល​​​ជាប់​​​ពាក់​​​ព័ន្ធ​​​នឹង​​​ជន​​​បរទេស​​​នៅ​​​ក្នុង​​​ក្រុង​​​ព្រះសីហនុ​​​។ នាយ​​​​​​ឧត្តម​​​សេនីយ៍​​​ ខៀវ សុភ័គ បាន​​​មាន​​​ប្រសាសន៍​​​យ៉ាង​​​ប្រយ័ត្ន​​​ប្រយែង​​​​​​នៅ​​​ពេល​​​សួរ​​​អំពី​​​បេសកកម្ម​​​នោះ ប៉ុន្តែ បាន​​​មាន​​​ប្រសាសន៍​​​ថា មន្ត្រី​​​ថ្នាក់​​​ជាតិ​​​នឹង​​​គ្រប់​​​គ្រងឲ្យ​​​បាន​​​នូវ​​​​​​ស្ថានការណ៍​​​ដែល​​​មាន​​​អំពើ​​​ហិង្សា​​​នៅ​​​ក្នុង​​​ក្រុង​​​ឆ្នេរ​​​សមុទ្រ​​​នេះ​​​។ លោក​​​ សុភ័គ​ បាន​​​មាន​​​ប្រសាសន៍​​​ថា "ខ្ញុំ​​​អាច​​​បញ្ជាក់​​​ថា ឧបនាយករដ្ឋមន្ត្រី​​​ ស ខេង បាន​​​បញ្ជូន​​​មន្ត្រី​​​មួយ​​​ក្រុម​​​ទៅស៊ើប​​​អង្កេត​​​ ប៉ុន្តែ ក្រៅពី​​​នោះ ទុក​​​ឲ្យ​​​ពួក​​​គេ​​​បំពេញ​​​ភារកិច្ច​​​​​​ ហើយ​​​រង់​​​ចាំ​​​ពួក​​​គេ​​​សរសេរ​​​របាយការណ៍​​​ចប់​​​សិន​​​។ ស្ថានការណ៍​​​​​​​​​អាច​​​គ្រប់​​​គ្រង​​​បាន​​​​​​"។ រថយន្ត​​​​​​ម៉ាកសឺដេស ប៊ិន មួយ​​​គ្រឿង​​​ត្រូវ​​​ភ្លើង​​​ឆេះ​​​កាលពី​​​ព្រឹក​​​ថ្ងៃ​​​អង្គារ​​​ ​​​បន្ទាប់​​​ពី​​​អ្នក​​​បើក​​​បរ​​​ជន​​​ជាតិ​​​តួកគី​​​ឈ្មោះ បូរ៉ា អូស្សធឺក បាន​​​ចុះ​​​ពីរថយន្ត​​​ គឺ​​​ជា​​​ឧប្បត្តិហេតុចុង​​​ក្រោយ​​​បង្អស់​​​ក្នុង​​​អំពើ​​​ហិង្សា​​​ ដែល​​​ពាក់​​​ព័ន្ធ​​​នឹង​​​ជន​​​ជាតិ​​​រុស្ស៊ី​​​ តួកគី និង​​​អីុស្រាអែល​​​ នៅ​​​ក្នុង​​​ក្រុង​​​ព្រះសីហនុ​​​។ ការ​​​ឆេះ​​​រថយន្ត​​​​​​ម៉ាកសឺដេស បាន​​​កើត​​​ឡើង​​​រយៈ​​​ពេល​​​បួន​​​ថ្ងៃ​​​ បន្ទាប់​​​ពី​​​អគ្គស្នង​​​ការ​​​នគរបាល​​​ជាតិ​​​ លោក នេត​​​ សាវឿន បាន​​​ព្រមាន​​​ជន​​​បរទេស​​​ដែល​​​ប្រព្រឹត្ត​​​ខុស​​​ច្បាប់​​​នៅ​​​ក្នុង​​​ក្រុង​​​ព្រះសីហនុ​​​ថា ពួក​​​គេ​​​មិន​​​អាច​​​គេច​​​ពី​​​ច្បាប់​​​បាន​​​ទេ​​​។ លោក សាវឿន​ ​​បាន​​​មាន​​​ប្រសាសន៍​​​នៅ​​​ឯក្រសួង​​​មហាផ្ទៃ​​​កាលពី​​​ថ្ងៃ​​​ទី​​​១៣​​​ ខែ​​​មីនា ថា ៉​​​កម្ពុជា​​​មិន​​​អនុញ្ញាត​​​ឲ្យ​​​ជន​​​បរទេស​​​ម៉ាហ្វុីយ៉ា​​​មក​​​ប្រព្រឹត្ត​​​បទ​​​ល្មើស​​​នៅ​​​លើ​​​ទឹក​​​ដី​​​កម្ពុជា​​​បាន​​​ទេ​​"។ ការ​​​ក្រើន​​​​​​រំឭក​​​របស់​​​នាយ​​​ឧត្តម​​​សេនីយ៍ សា​​​វឿន​​​ បាន​​​ធ្វើ​​​ឡើង​​​បន្ទាប់​​​ពី​​​ម៉ាស៊ីន​​​រថយន្ត​​​ រ៉ែង​​​រ៉ូវឺ បាន​​​ផ្ទុះ​​​ក្នុង​​​ខណៈ​​​ដែល​​​រថយន្ត​​​នោះ​​​បាន​​​ចត​​​​​​នៅ​​​​​​ខាង​​​ក្រៅ​​​ផ្ទះ​​​របស់​​​ពាណិជ្ជករ​​​ជាតិ​​​រុស្ស៊ី​​​ ឈ្មោះ​​​ នីកូឡៃ ដូរ៉ូសេនកូ។ កូន​​​ប្រុស​​​របស់​​​លោក​​​ ដូរ៉ូសេនកូ ឈ្មោះ​​​ អូស្តាប បាន​​​បន្ទោស​​​ការ​​​ឆេះ​​​រថយន្ត​​​នោះ​​​ដោយ​​​សារ​​​តែ​​​គូ​​​ប្រជែង​​​របស់​​​ឪពុក​​​លោក​​​គឺ​​​ លោក សេរហ្គេ ប៉ូឡុន​​​ស្គី ដែល​​​បាន​​​បដិសេធ​​​ថា មិន​​​បាន​​​ពាក់ព័ន្ធទេ​​​។ កាលពី​​​ខែ​​​កុម្ភៈ ជន​​​ជាតិ​​​តួកគី​​​ម្នាក់​​​ឈ្មោះ​​​ មេមិត​​​ ទីកូគ្លី ត្រូវ​​​គេ​​​បាញ់តម្រង់​​​ដាក់​​​​​​ក្នុងការ​​​បើក​​​ឡាន​​​បាញ់​​​នៅ​​​ថ្ងៃ​​​មួយ​​​ បន្ទាប់​​​ពី​​​គាត់​​​ជាប់​​​ចោទ​​​ថា បាន​​​ចាក់​​​ជន​​​ជាតិ​​​អីុស្រាអែល​​​ម្នាក់​​​។ កាលពីដើម​​​ខែ​​​មុន ជន​​​ជាតិ​​​រុស្ស៊ី​​​ពីរ​​​នាក់​​​ត្រូវ​​​បាន​​​​​​ចាប់​​​ខ្លួន​​​ បន្ទាប់​​​ពី​​​បាន​​​វាយ​​​តប់​​​គ្នា​​​នៅ​​​ឯកាស៊ីណូ​​​មួយ នៅ​​​ពេល​​​ដែល​​​ក្រុម​​​ម្ខាង​​​បាន​​​ទាម​​​ទារ​​​ប្រាក់​​​ចំណេញ​​​ពី​​​ក្រុមហ៊ុន​​​ដែល​​​លក់​​​សំបុត្រ​​​ឲ្យ​​​ពិធី​​​តូរ្យតន្ត្រី​​​កាហ្សាន់ធិប​​​ ដែល​​​ត្រូវ​​​​​​អាជ្ញាធរ​​​កម្ពុជា​​​​​​លុប​​​ចោល​​​​​​នៅ​​​មុន​​​កម្មវិធី​​​ចាប់​​​ផ្តើម​​​ គឺ​​​ក្នុង​​​ពេល​​​នោះ​​​ បុរស​​​ជន​​​ជាតិ​​​ម៉ុលដាវីម្នាក់​​​ ត្រូវ​​​គេ​​​ចាក់​​​។ បុរសម្នាក់​​​​​​ដែល​​​បាន​​​ជាប់​​​ពាក់​​​ព័ន្ធ​​​ក្នុង​​​ការ​​​វាយ​​​តប់​​​នោះ គឺលោក អូឡេក ធិកហានូវ ត្រូវ​​​គេ​​​ជឿ​​​ថា បាន​​​រត់​​​គេចខ្លួន​​​​​​ពី​​​ប្រទេស​​​ខ្មែរ​​​ បន្ទាប់​​​ពី​​​មាន​​​ការ​​​លាត​​​ត្រដាង​​​ថា គាត់​​​ស្ថិត​​​នៅ​​​ក្នុង​​​បញ្ជី​​​ដែល​​​គេ​​​តាម​​​ចាប់​​​ខ្លួន​​​បំផុត​​​របស់​​​អាំងទែប៉ូល ដែល​​​អាជ្ញាធរ​​​រុស្ស៊ី​​​តាម​​ចាប់​​​ពីបទ​​​មាន​​​អាវុធ​​​និង​​​គ្រឿង​​​ផ្ទុះ​​​ក្នុង​​​ក្រុម​​​ឧក្រិដ្ឋជន​​​។ ទាក់​​​ទង​​​កាលពី​​​ម្សិលមិញ​​​ លោកឧត្តមសេនីយ៍ទោ​​​ អុ៊ក ហៃសិលា ប្រធាន​​​នាយកដ្ឋាន​​​ស៊ើប​​​អង្កេត​​​នៃ​​​អគ្គនាយកដ្ឋាន​​​អន្តោប្រវេសន៍​​​ក្រសួង​​​មហាផ្ទៃ​​​ បាន​​​មាន​​​ប្រសាសន៍​​​ថា ការ​​​កើន​​​ឡើង​​​បទ​​​ល្មើស​​​នៅ​​​តាម​​​ឆ្នេរ​​​សមុទ្រ​​​ បាន​​​បង្ខំ​​​ឲ្យ​​​ក្រុង​​​ភ្នំពេញ​​​ចាត់​​​វិធានការ​​​ "ពង្រឹង​​​សន្តិសុខ​​​ពេល​​​មាន​​​អនាធិបតេយ្យ​​​​​​បង្ក​​​ឡើង​​​ដោយ​​​ជន​​​បរទេស​​​ ដែល​​​រស់​​​នៅ​​​ក្នុង​​​ខេត្ត​​​ព្រះសីហនុ"។ លោក​​​ឧត្តម​​​សេនីយ៍ទោ​​​​​​ ហៃសិលា បាន​​​មាន​​​ប្រសាសន៍​​​ថា "បន្ទាប់​​​ពី​​​មាន​​​ករណី​​​ជាច្រើន​​​ពាក់​​​ព័ន្ធ​​​នឹង​​​ជន​​​បរទេស​​​ អគ្គនាយកដ្ឋាន​​​អន្តោប្រវេសន៍​​​បាន​​​បង្កើត​​​គណៈកម្មការ​​​មួយ​​​ដឹក​​​នាំ​​​ដោយ​​​ឯក​​​ឧត្តម​​​ នៅ លក្ខិណា ​​​ដើម្បីពិនិត្យ​​​មើល​​​ករណី​​​ទាំង​​​នោះ"។ លោក​​​ ហៃ​​​សិលា បាន​​​មាន​​​ប្រសាសន៍​​​បន្ត​​​ថា លោក ឌី វិជ្ជា ប្រធាន​​​នាយកដ្ឋាន​​​កណ្តាល​​​សន្តិសុខ​​​ក្រសួង​​​មហាផ្ទៃ​​​ ស្ថិត​​​នៅ​​​ក្នុង​​​ប្រតិភូ​​​នោះ​​​ដែរ រួម​​​ជាមួយ​​​នឹង​​​មន្ត្រី​​​មកពី​​​នាយក​​​ដ្ឋាន​​​ប្រឆាំង​​​ភេរវកម្ម​​​។ លោក​​​ឧត្តម​​​សេនីយ៍ឯក​​​ លក្ខិណា អគ្គនាយករង​​​នៃ​​​អគ្គនាយកដ្ឋាន​​​អន្តោប្រវេសន៍​​​ក្រសួង​​​មហាផ្ទៃ​​​ និង​​​លោក​​​ឧត្តម​​​សេនីយ៍​​​ឯក​​​ វិជ្ជា ជាកូន​​​ប្រសារ​​​របស់​​​លោក​​​នាយករដ្ឋមន្ត្រី​​​ ហុ៊ន សែន មិន​​​អាច​​​ទាក់​​​ទង​​​បាន​​​ទេ​​​កាលពី​​​ម្សិលមិញ។ ទោះ​​​ជា​​​យ៉ាង​​​ណា​​​ក៏​​​ដោយ លោក អុឹម សុវណ្ណ​​​ មេ​​​ប៉ុស្តិ៍រង​​​សង្កាត់​​​លេខ​​​បី​​​ ដែល​​​មាន​​​រថយន្ត​​​ម៉ាកសឺដេស​​​ឆេះ បាន​​​បញ្ជាក់​​​ថា ការ​​​ប្រជុំ​​​លើក​​​ទី១ កាលពីម្សិលមិញ មាន​​​ការ​​​ចូល​​​រួម​​​ដោយ​​​លោក​​​ឧត្តមសេនីយ៍ឯក​​​ លក្ខិណា លោកឧត្តមសេនីយ៍ឯក វិជ្ជា ស្នង​​​ការ​​​ខេត្ត​​​លោក ស៊ាន កុសល ស្នង​​​ការ​​​រង​​​ កៅ រតនា និង​​​អធិការ​​​ក្រុង​​​​​​ព្រះសីហនុ​​​ លោក ភុល ភស្តា។ លោក សុវណ្ណ​​​ បាន​​​មាន​​​ប្រសាសន៍ថា "ករណី​​​ភាគ​​​ច្រើន​​​ថ្មីៗ​​​នេះបាន​​​ពាក់ព័ន្ធ​​​នឹង​​​ជន​​​បរទេស​​​ ដូច្នេះ​​​ ពួកគេប្រជុំ​​​ដើម្បី​​​ពង្រឹង​​​ការ​​​គ្រប់​​​គ្រង​​​ជន​​​បរទេស"។ រើន​​​​​​​​​​​​​​​​​​​​​​​​  

​នគរ​បាល​​បាន​និយាយ​កាលពី​ម្សិលមិញ​ថា មហាជន​ដែល​មាន​គ្នា​​ប្រមាណ​២០០​នាក់ បាន​វាយ​ដំបុរស​វ័យ​៣០​ម្នាក់​​​រហូតបាត់បងជីវិត​នៅ​ក្នុង​ខណ្ឌ​ពោធិ៍សែន​ជ័យ​ ​រាជ​ធានី​ភ្នំពេញ កាលពី​យប់​ថ្ងៃ​ពុធ បន្ទាប់ពី​ប្រជាពល​រដ្ឋ​ក្នុង​មូលដ្ឋាន​​ឃើញ​បុរស​រូប​នេះ​លួច​ទូរស័ព្ទ​ដៃ​​​មួយ​គ្រឿង​ និង​កាបូប​លុយមួយ​។ ហេតុ​ការណ៍​នេះ​បាន​កើត​ឡើង​មួយ​ថ្ងៃ​​បន្ទាប់ពី​កម្មករ​​សំណង​់ជាង​២០​នាក់បាន​វាយំ​បុរស​ម្នាក់​ទៀតរហូត​ដល់​ស្លាប់​នៅ​ក្នុង​ខេត្តមណ្ឌលគិរី បន្ទាប់ពី​ប្រពន្ធ​របស់​កម្មករ​ម្នាក់​ក្នុង​ចំណោម​កម្មករ​​ទាំង​នោះ​ចោទ​ប្រកាន់ថាបុរស​រូបនោះ​បានរំលោភ​នាង។ យោង​តាម​លោក​ ថេង កុសល ​នាយ​ប៉ុស្តិ៍​នគរ​បាល​សង្កាត់​ចោមចៅ​ បាន​ឲ្យ​ដឹង​ថា ​នៅ​វេលា​ម៉ោង​ប្រហែល​៩​យប់​ថ្ងៃពុធ ​​កម្មករ​​កាត់​ដេរ​ និងកម្មករ​​​សំណង់​មួយ​ក្រុមមាន​គ្នា​ប្រាំនាក់​​ដែល​កំពុង​ផឹកស៊ី​នៅ​ខាង​ក្រោយ​ប្លុកផ្ទះល្វែង​​​​ដែលពួកគេ​ស្នាក់​នៅក្នុង​ស្កាត់​ចោម​ចៅ ខណ្ឌ​ពោធិ៍សែន​ជ័យ បាន​ហៅ​បុរស​ម្នាក់​ផ្សេងទៀត​​ដែលពួកគេ​មិន​ស្គាល​់​ ឲ្យ​ចូលរួម​ផឹកស៊ីជាមួយ​ពួកគេ។ ប្រហែល​៥នាទី​ក្រោយ​មក ជន​ចម្លែក​មុខ​នោះ​ក៏​បាន​ចាក​ចេញពី​​វង់​ផឹក​សីុ​នេះ។ លោក​ ថេង កុសល បាន​មាន​ប្រសាសន៍ថា "ពេល​នោះ​...

មន្ត្រី​និង​សកម្មជន​ការ​ពារ​សិទ្ធិ​មនុស្ស​បាន​​ឲ្យ​ដឹង​ថា កាលពី​ម្សិលមិញ កម្មករ​បានចុះ​​រុះរើ​ផ្ទះ​ចំនួន​៦២​ខ្នង​​នៅ​ក្នុង​ស្រុក​ស្ទឹងហាវ ខេត្តព្រះសីហនុ ហើយ​បាន​បណ្ដេញ​អ្នកភូមិ​ប្រហែល​៧០​គ្រួសារ​ បន្ទាប់ពី​សាលា​ដំបូង​ខេត្ត​បាន​សម្រេច​​​អនុវត្ត​សាលក្រម​ដែល​បាន​ចេញ​ជាយូរ​មក​ហើយនិង​ដែលបាន​​ចាត់​ទុក​គ្រួសារ​ទាំង​នេះ​ថា បាន​រស់​នៅ​លើ​ដី​​របស់ខ្លួន​​ដោយ​ខុស​ច្បាប់​នោះ​។ លោក ម៉ុង មុនីចរិយា ប្រធាន​សាលា​ដំបូង​ខេត្ត​​បាន​លើក​ឡើងកាលពី​ម្សិលមិញ​ថា លោក​បាន​បង្គាប់​​ឲ្យ​កម្មករ​៣០​នាក់ ដែល​អម​ដោយ​នគរ​បាល​ និង​មន្ត្រី​កង​រាជអាវុធ​ហត្ថ​ប្រហែល​១០០​នាក់ អនុវត្ត​សេចក្ដី​សម្រេច​របស់​តុលាការ​ ដើម្បី​បណ្ដេញ​សមាជិក​នៃ​សហគមន៍​​អូរ​ដំរី​ក្នុង​ឃុំ​អូត្រេះចេញ​ពីដី​របស់ខ្លួន​​​។ លោក​បានមាន​ប្រសាសន៍​ថា "ឥឡូវ​នេះ​ម្ចាស់​ដី​កំពុង​តែ​ចរចា​ជាមួយ​អ្នកភូមិ​ដែល​​កំពុង​រស់​នៅ​លើ​ដីនេះ​ ហើយ​បាន​រៀបចំ​​ផ្ដល់​​គោល​នយោបាយ​មួយ​ដល់​អ្នក​ទាំង​នោះ​"។ លោក​បាន​បន្ថែម​ថា មាន​តែ​ផ្ទះ​​ត្រឹម​តែ​៤៥​ខ្នង​ប៉ុណ្ណោះ​ ដែល​មាន​មនុស្ស​​នៅ​​។ លោកស្រី ជាប សុធារី អ្នក​សម្រប​សម្រួល​នៅ​អង្គការ​សិទ្ធិ​មនុស្ស​អាដ​ហុក​ប្រចាំ​ខេត្ត​នេះ​​បាន​លើក​ឡើង​ថា អ្នកភូមិ​​ចំនួន១៤៩គ្រួសារ​បាន​រស់​នៅ​លើ​ដីទំហំ​ជិត​២៤​ហិកតា​តាំង​ពី​ឆ្នាំ​១៩៨៩​មក​ម្លេ៉ះ...

លោកនាយក​​​រដ្ឋ​​​មន្ត្រី​​​ ហ៊ុន សែន​​​​​​ បាន​​​​​​ព្រមាន​​​ថា​​​នឹង​​​ចាប់​​​លោក​​​ កឹម សុខា​​​ អនុប្រធាន​​​គណបក្ស​​​សង្គ្រោះជាតិ ប្រសិន​​​បើ​​​លោក​​​ហ៊ាន​​​ដឹក​​​នាំ​​​បាតុកម្ម​​​​​​​​ដើម្បី​​​រំដោះ​​​មន្ត្រី​​​ព័ត៌មាន​​​គណបក្ស​​​សង្គោះ​​​ជាតិ លោក​​​ មាជ​​​ សុវណ្ណរ៉ា​ ​​ដែល​​​កំពុង​​​ជាប​​​់​​​ពន្ធនាគារ​​​។ លោក​​​ ហ៊ុន សែន ​​​បាន​​​មាន​​​ប្រសាសន៍​​​កាល​​​ពី​​​ព្រឹកមិញ​​​ក្នុង​​​ពិធីប្រគល់ប័ណ្ណ​​​ជ័យ​​​លាភីអាហារូប​​​ករណ៍​​​​​​ដល់​​​និស្សិត នៅ​​​ឯ​​​វិទ្យា​​​ស្ថាន​​​ជាតិ​​​អប់រំ​​​ថា "ឥឡូវ​​​ខ្ញុំ​​​សួរ​​​​​​សំណួរ​​​ទៅលោក បើសិន​​​ជា​​​លោក​​​ មាជ សុវណ្ណរ៉ា​​​ មិនអាចចេញ​​​ពី​​​គុក​​​​​​ក្រោយ​​​ចូល​​​ឆ្នាំ​​​​​​ តើ​​​លោក​​​នឹង​​​ធ្វើ​​​អ្វី?​​​ លោក​​​នឹង​​​ដឹក​​​នាំ​​​មនុស្ស​​​​​តាម​​​ចិញ្ចើម​​​​​​ថ្នល់​​​ទៀត​​​​​​ ឬ​​​អី? ធាតុ​​​ផ្សំ​​​កំពុង​​​រង់ចាំ​​​លោកហើយ អាវុធ​​​ហត្ថ​​​ នគរ​​​បាល​​​ ត្រៀម​​​ខ្លួន​​​ ខ្នោះ​​​លាប​​​ពណ៌ឲ្យ​​​ស្អាត​​​បន្តិច​​​"។ លោក ហ៊ុន​​​ សែន ​​​បាន​​​មាន​​​ប្រសាសន៍​​​បន្ត​​​ថា "ឥឡូវ​​​ខ្ញុំ​​​ចង់សួរ​​​លោក​​​ឯង លោកឯង​​​ត្រៀម​​​ធ្វើ​​​អ្វី​​​ ព្រោះ​​​លោក​​​ឯង​​​កំពុង​​​តែ​​​ស្ថិត​​​ក្នុង​​​ពិរុទ្ធ​​​ភាព​​​ជា​​​មេដឹក​​​នាំ​​​នៃការ​​​ផ្តួល​​​​​​​​​រំលំ​​​រដ្ឋា​​​ភិបាល​​​ស្របច្បាប់។​​​ ឥឡូវ​​​បើសិន​​​ជា​​​លោក​​​ឯង​​​ដឹក​​​នាំ​​​បាតុ​​​កម្ម​​​ដើម្បី​​​ ឬ​​​ក៏​​​ដឹក​​​នាំ​​​ទៅ​​​រំដោះ​​​អ្នក​​​ទោស ឬ​​​លោក​​​ឯង​​​ធ្វើ​​​អី​​​ទៀត​​​?"។ កាលពី​​​សប្តាហ៍​​​មុន លោក កឹម សុខា​​​ អនុប្រធាន​​​គណបក្ស​​​សង្គ្រោះជាតិ បាន​​​ជួ​​​ប​​​សួ​​​រសុខ​​​ទុក្ខ​​​លោក​​​​​​ សុវណ្ណារ៉ា​​​ នៅ​​​ឯពន្ធនាគារ​​​ព្រៃ​​​ស​​​ ដែល​​​​​​​​​​​ត្រូវ​​បាន​​​​​​ចាប់​​​ខ្លួន​​​​​​​​​ពាក់​​​ព័ន្ធនឹងហេតុ​​​ការណ៍​​​​​​ប៉ះ​​​​​​ទង្គិច​​​ហិង្សា​​​មួយ​​​នៅ​​​​​​ទីលាន​​​ប្រជាធិបតេយ្យ​​​កាល​​​ពីថ្ងៃទី​​ ​១៥ ខែ​​​កក្កដា ​​​​​​ឆ្នាំ​​​មុន។ នៅ​​​ពេល​​​នោះ​​​លោក សុខា​​​ បាន​​​មាន​​​ប្រសាសន៍​​​ថា លោក​​​សង្ឃឹម​​​ថា​​​ លោក​​​ សុវណ្ណារ៉ា​​​​​​ នឹង​​​​​​ត្រូវ​​​ដោះ​​​លែង​​​ពី​​​ពន្ធនាគារ នៅ​​​ពេល​​​ដែលច្បាប់​​​​​​​​​បោះ​​​ឆ្នោត និង​​​ច្បាប់​​​​​​​​​រៀប​​​ចំ​​​គណៈកម្មាធិការ​​​ជាតិរៀប​​​ចំ​​​ការ​​​បោះ​​​ឆ្នោត ​​​ត្រូវ​​​បាន​​​​​​អនុ​​​ម័តនោះ។​​​ គណ​​​បក្ស​​​ប្រឆាំង​​​ បាន​​​អះ​​​អាង​​​ថា ការ​​​ចាប់​​​ខ្លួន​​​របស់​​​លោក​​​ សុវណ្ណារ៉ា គឺ​​​ពាក់​​​ព័ន្ធ​​​នឹង​​​រឿង​​​នយោបាយ​​​៕​​​​​​​​​     ​​​​​

ក្នុង​​​ខួប​​​៤៥ឆ្នាំ​​​នៃ​​​ការ​​​បណ្តេញ​​​ព្រះ​​​អង្គ​​​ម្ចាស​​​់ នរោត្តម​​​ សីហនុ ចេញ​​​​​​ពី​​​អំណាច​​​នៅ​​​ក្នុង​​​​​​ឆ្នាំ​​​១៩៧០​​​ពី​​​សំណាក់​​​លោក លន់ នល់​​​ ដែល​​​មាន​​​ការ​​​គំាទ្រ​​​ពី​​​សហរដ្ឋ​​​អាមេរិក​​​ លោក​​​នាយក​​​រដ្ឋ​​​មន្ត្រី​​​ ហ៊ុន សែន  បាន​​​ចោទ​​​ប្រកាន់​​​គណបក្ស​​​សង្គ្រោះ​​​ជាតិ​​​ជា​​​សាធារណៈ​​​កាល​​​ពី​​​ម្សិលមិញ ថា បាន​​​ប៉ុន​​​ប៉ង​​​ផ្តួល​​​រំលំ​​​រដ្ឋាភិបាល​​​​​​លោក​​​។ លោក​​​ កឹម សុខា អនុ​​​ប្រធាន​​​គណបក្ស​​​សង្គ្រោះ​​​ជាតិ ​​​បាន​​​ថ្លែង​​​ទៅ​​​កាន់​​​ក្រុម​​​អ្នក​​​គាំទ្រ​​​នៅ​​​ក្នុង​​​សហរដ្ឋ​​​អាេមរិក​​​កាល​​​ពី​​​សប្តាហ៍​​​មុន​​​ថា លោក​​​មាន​​​ការ​​​សោក​​​ស្តាយ​​​ដែល​​​គណបក្ស​​​ប្រឆាំង​​​មិន​​​អាច​​​បណ្តេញ​​​គណបក្ស​​​ប្រជា​​​ជន​​​កម្ពុជា​​​​​​​​​ចេញ​​​ពី​​​អំណាច​​​បាន​​​​​​ ក្រោយ​​​ពី​​​ការ​​​បោះ​​​ឆ្នោត​​​ជាតិ​​​ក្នុង​​​ឆ្នាំ​​​២០១៣​​​ ហើយ​​​បាន​​​​​​ចាត់​​​ទុក​​​កិច្ច​​​ព្រម​​​ព្រៀង​​​នយោបាយ​​​ក្រោយ​​​ការ​​​បោះ​​​ឆ្នោត​​​ថា ជា​​​ការ​​​សម្រប​​​សម្រួល​​​ទាំង​​​មិន​​​ពេញ​​​ចិត្ត​​​។ អំឡុង​​​សុន្ទរកថា​​​ធ្វើ​​​ឡើង​​​នៅ​​​ក្នុង​​​ក្រុង​​​ប៉ោយ​​​ប៉ែត​​​ ខេត្ត​​​បន្ទាយ​​​មាន​​​ជ័យ​​​កាល​​​ពី​​​ម្សិលមិញ លោក ហ៊ុន សែន បាន​​​រិះ​​​គន់​​​​​​ការ​​​អត្ថាធិប្បាយ​​​ទាំង​​​នេះ​​​ខ្លាំង​​​ៗ​​​ថា​​​ជា​​​ភ័ស្តុតាងបង្ហាញ​​​ថា គណបក្ស​​​សង្គ្រោះ​​​ជាតិ​​​មាន​​​បំណង​​​ផ្តួល​​​រំលំ​​​រដ្ឋាភិបាល​​​​​​ ក្រោយ​​​ការ​​​បោះ​​​ឆ្នោត​​​ជាតិ​​​ដ៏​​​ចម្រូង​​​ចម្រាស​​​។ លោក ហ៊ុន សែន បាន​​​លើក​​​ឡើង​​​អំឡុង​​​ពិធី​​​បើក​​​ការដ្ឋាន​​​ស្ថាបនា​​​ផ្លូវ​​​ថ្មី​​​មួយ​​​ខ្សែ​​​ក្នុង​​​​​​ក្រុង​​​ប៉ោយ​​​ប៉ែត​​​ថា អាច​​​នឹង​​​មាន​​​ការ​​​ចាត់​​​វិធានការ​​​​​​ផ្លូវ​​​ច្បាប់​​​ប្រឆាំង​​​លោក កឹម សុខា ដោយ​​​សារ​​​ តែ"ការសារភាព​​​" របស់​​​លោក​​​។ លោក​​​បាន​​​មានប្រសាសន៍​​​យ៉ាង​​​ដូច្នេះ​​​ថា “ឥឡូវបែរ​​​ជា​​​មានអ្នក​​​ចេញ​​​មក​​​សារភាព​​​ថា គេ​​​បាន​​​ប្រឹង​​​ប្រែង​​​ផ្តួល​​​រដ្ឋាភិបាល​​​ ផ្តួល​​​គណបក្ស​​​ប្រជា​​​ជន​​​​​​ តែ​​​មិ​​​ន​​​បាន​​​សម្រេច​​​។ គេ​​​បរាជ័យ​​​ ហើយ​​​សុំ​​​ទោស​​​ប្រជា​​​ពល​​​រដ្ឋ​​​នៅ​​​អាមេរិក។អញ្ចឹង​​​យើង​​​ចាត់​​​ការ​​​តាម​​​ផ្លូវ​​​ច្បាប់​​​បែប​​​ណា? ​​​បើ​​​មេ​​​ចោរសារភាពហើយ មេចោរ​​​សារភាព​​​ហើយ តើ​​​ចាត់​​​ការ​​​ផ្លូវ​​​ច្បាប់​​​យ៉ាង​​​ណា? អញ្ចឹង​​​អ្នក​​​ខូច​​​ខាត​​​ទ្រព្យ​​​សម្បត្តិ​​​ទាំង​​​ប៉ុន្មាន​​​​​​ទៅ​​​រក​​​​​​តែ​​​ម្នាក់​​​ហ្នឹង​​​ទៅ។ ចាប់យក​​​មក​​​ទារលុយ​​​ទៅ អាហ្នឹង​​​ត្រូវ​​​ហើយ​​​ អត់​​​ខុស​​​ទេ។ ពេល​​​នេះ​​​ចោរ​​​បាន​​​ចាប់​​​ផ្តើម​​​បង្ហាញ​​​មុខ​​​ហើយ​​​ មេខ្លោង​​​ដែល​​​ចង់​​​ផ្តួល​​​រដ្ឋាភិបាល​​​។ ខ្ញុំ​​​សង្ឃឹម​​​ថា តុលាការ​​​មិន​​​ល្ងង់​​​ទេ​​​ ពីព្រោះ​​​ពួក​​​គេ​​​គួរ​​​តែ​​​កត់​​​ត្រា​​​អ្វីដែល​​​បាន​​​និយាយ​​​ ពីព្រោះ ​​​ ក៏ត្រូវ​​​បាន​​​កោះ​​​ហៅ​​​ទៅសាក​​​សួរ​​​ដែរ​​​"។ លោក កឹម សុខា និង​​​លោក សម រង្ស៊ី ប្រធាន​​​គណបក្ស​​​សង្គ្រោះ​​​ជាតិ​​​ ត្រូវ​​​បាន​​​កោះ​​​ហៅ​​​ទៅ​​​សាក​​​សួរ​​​នៅ​​​សាលា​​​ដំបូង​​​រាជ​​​ធានី​​​ភ្នំពេញ​​​កាល​​​ពី​​​ខែ​​​មករា​​​ឆ្នាំ​​​២០១៤ ជុំវិញ​​​ការ​​​ពាក់​​​ព័ន្ធ​​​របស់​​​លោក​​​ទាំង​​​ពីរ​​​នៅ​​​ក្នុង​​​ការ​​​តវ៉ា​​​ក្នុង​​​វិស័យ​​​ការ​​​ងារ​​​ ដែល​​​បាន​​​បញ្ចប់​​​ទៅ​​​ដោយ​​​ការ​​​បង្ហូរ​​​ឈាម​​​កាល​​​ពី​​​ដើម​​​ខែ​​​នោះ​​​ ដោយ​​​កម្មករ​​​ប្រាំ​​​នាក់​​​ត្រូវ​​​បាន​​​កង​​​រាជ​​​អាវុធ​​​ហត្ថ​​​បាញ់​​​ស្លាប់​​​។ ការ​​​តវ៉ា​​​របស់​​​គណបក្ស​​​សង្គ្រោះជាតិ​​​ចន្លោះ​​​ពី​​​ខែ​​​កញ្ញា ឆ្នាំ​​​២០១៣​​​ដល់​​​ខែ​​​មករា​​​ឆ្នាំ​​​២០១៤ បង្ហាញ​​​យ៉ាង​​​ច្បាស់​​​ថា គណបក្ស​​​នេះ​​​មាន​​​បំណង​​​បណ្តេញ​​​លោក ហ៊ុន សែន​​​ ចេញ​​​ពី​​​អំណាច​​​ ដោយ​​​ដឹក​​​នាំ​​​ប្រជា​​​ពល​​​រដ្ឋ​​​រាប់​​​មឺុន​​​នាក់​​​ហែរ​​​ក្បួន​​​ពាស​​​​​​ពេញ​​​រាជ​​​ធានី​​​ភ្នំពេញ​​​ដោយ​​​ស្រែក​​​ថា  "ហ៊ុន សែន អើយ​​​ចុះ​​​ចេញ​​​ទៅ" និង​​​ទាម​​​ទារ​​​ឲ្យ​​​មាន​​​ការ​​​បោះ​​​ឆ្នោត​​​ឡើយ​​​វិញ​​​។ ទាំង​​​លោក កឹម សុខា និង​​​លោក សម រង្ស៊ី  បាន​​​សន្យា​​​ម្តង​​​ហើយ​​​ម្តង​​​ទៀត​​​អំឡុង​​​ការ​​​តវ៉ា​​​ថា នឹង​​​មិន​​​ចូល​​​សភា​​​ឡើយ​​​ ប្រសិន​​​បើ​​​គ្មាន​​​ការ​​​បោះ​​​ឆ្នោត​​​មុន​​​អាណត្តិ​​​​​​ដែល​​​យុត្តិធម៌​​​ជាង​​​មុន​​​ និង​​​ដែល​​​លោក​​​ទាំង​​​ពីរ​​​លើក​​​ឡើ​​​ង​​​ថា នឹង​​​ធានា​​​ការ​​​បណ្តេញ​​​លោក ហ៊ុន សែន ចេញ​​​ពី​​​អំណាច​​​ទេ​​​នោះ​​​។ ថ្លែង​​​ទៅ​​​កាន់​​​ក្រុម​​​អ្នក​​​គាំទ្រ​​​គណបក្ស​​​សង្គ្រោះ​​​ជាតិ​​​នៅ​​​ក្នុង​​​រដ្ឋ​​​កាលីហ្វ័រ​​​ញ៉ា កាល​​​ពី​​​ថ្ងៃ​​​សុក្រ​​​ លោក កឹម សុខា បាន​​​សូម​​​ទោស​​​ដែ​ល​​​គណបក្ស​​​​​​របស់​​​លោក​​​មិន​​​អាច​​​សម្រេច​​​ការ​​​ផ្លាស់​​​ប្តូរ​​​ "ឲ្យ​​​បានល្អ​​​ ឲ្យ​​​បាន​​​លឿន និង​​​ឲ្យ​​​បាន​​​ពេញ​​​លេញ​​​" អំឡុង​​​ការ​​​តវ៉ា​​​ ហើយ​​​​​​បែរ​​​ជា​​​ងាក​​​ទៅចរចា​​​ជាមួយ​​​គណបក្ស​​​ប្រជាជន​​​កម្ពុជា​​​ទៅវិញ​​​។ លោក កឹម សុខា បានមានប្រសាសន៍​​​ថា "យើង​​​មាន​​​បំណង​​​ផ្លាស់​​​ប្តូរ​​​ឲ្យ​​​បាន​​​ទាំង​​​ស្រុង​​​​​​​​​​​​​​​ ប៉ុន្តែ យើង​​​ដឹង​​​ហើយ​​​ថា ការ​​​វិវឌ្ឍ​​​ខាង​​​នយោបាយ​​​គឺ​​​មិនដូច​​​ការ​​​ចង់​​​បាន​​​របស់​​​យើង​​​គ្រប់​​​ពេល​​​ទេ​​​។ ពេល​​​ខ្លះ យើង​​​មិន​​​អាច​​​អនុវត្ត​​​  បាន​​​១០០ភាគរយ​​​ឡើយ​​​ ពីព្រោះ​​​យើង​​​មិន​​​មែន​​​ធ្វើ​​​បដិវត្តន៍​​​នោះ​​​ទេ​​​។ សូម​​​្បី​​​រដ្ឋាភិបាល​​​សហរដ្ឋ​​​អាមេរិក​​​ នៅ​​​ពេល​​​យើង​​​ធ្វើ​​​បាតុកម្ម​​​ គេ​​​​​​បាន​​​សុំ​​​ឲ្យ​​​យើង​​​កុំ​​​ចេញ​​​ទៅ​​​តវ៉ា​​​តាមដង​​​​​​ផ្លូវ​​​ ព្រោះ​​​វា​​​អាច​​​មាន​​​អំពើ​​​ហិង្សា​​​ ហើយ​​​គេ​​​តែង​​​តែ​​​ចង់​​​ឲ្យ​​​យើង​​​ចរចា​​​ ហើយ​​​គេ​​​និយាយ​​​ថា ' ហេតុ​​​អីអ្នក​​​ឯង​​​មិន​​​ទៅ​​​ចរចា​​​?'”។ ការ​​​​​​អត្ថាធិប្បាយ​​​របស់​​​លោក កឹម សុខា ក៏​​​​​​បណ្តាល​​​ឲ្យ​​​មាន​​​ប្រតិកម្ម​​​យ៉ាង​​​ខ្លាំង​​​​​​​​​ដែរ​​​កាល​​​ពី​​​ម្សិលមិញ ពីសំណាក់​​​លោក ឈាង វុន តំណាង​​​រាស្ត្រ​​​គណបក្ស​​​ប្រជា​​​ជន​​​កម្ពុជា​​​ និ​​​ង​​​ជា​​​អ្នក​​​នាំ​​​ពាក្យ​​​រដ្ឋសភា​​​ ដែល​​​ពីមុន​​​កាន់​​​តំណែង​​​ជា​​​ឯក​​​អគ្គរាជ​​​ទូត​​​កម្ពុជា​​​ប្រចា​​​ំ​​​ប្រទេស​​​អូស្ត្រាលី​​​។ នៅ​​​ឯសន្និសីទកាសែត​​​មួយ​​​ធ្វើ​​​ឡើង​​​នៅ​​​ក្នុង​​​​​​រាជធានីភ្នំពេញ​​​ក្រោយ​​​សុន្ទរកថា​​​របស់​​​លោក ហ៊ុន សែន កាល​​​ពី​​​ម្សិលមិញ លោក ឈាង​​​ វុន បាន​​​មាន​​​ប្រសាសន៍​​​ថា ការ​​​អត្ថាធិប្បាយ​​​របស់​​​លោក កឹម សុខា អំពី​​​ការ​​​ទម្លាក់​​​គណបក្ស​​​ប្រជាជន​​​កម្ពុជា​​​ចេញ​​​ពី​​​អំណាច​​​ គឺ​​​ស្រប​​​គ្នា​​​ទៅ​​​នឹង​​​ព័ត៌​​​មាន​​​សើុប​​​ការណ៍​​​​​​សម្ងាត់​​​ដែល​​​លោក​​​ទទួល​​​បាន​​​កាល​​​ពី​​​ចុង​​​ឆ្នាំ​​​២០១៣​​​ ពាក់​​​ព័ន្ធ​​​នឹង​​​បាតុកម្ម​​​របស់​​​គណបក្ស​​​ប្រឆាំង​​​​​​។ លោក ឈាង វុន បាន​​​មាន​​​ប្រសាសន​​៍​​​ទៀត​​​ថា លោក​​​ទទួល​​​បាន​​​លិខិត​​​​​​ "សម្ងាត់​​​បំផុត​​​"មួ​​យ​​​ច្បាប់​​​ពី​​​ប្រភព​​​មួយ​​​ដែល​​​លោក​​​សុំ​​​មិន​​​បញ្ចេញ​​​ ដែល​​​បាន​​​លើក​​​​​​ឡើង​​​ថា ពល​​​រដ្ឋ​​​អាមេរិក​​​មួយ​​​រូប​​​ឈ្មោះ វីលៀម បាត់​​​ឃើស (William Butkus) មន្ត្រី​​​របស់​​​អង្គការ​​​លើក​​​លែង​​​ទោស​​​អន្តរជាតិ​​​ (Amnesty International) បាន​​​​​​លាត​​​ត្រដាង​​​ថា សមាជិក​​​សភា​​​​​​មួយ​​​រូប​​​របស់​​​សហរដ្ឋ​​​អាមេរិក​​​​​​​​បាន​​​ណែនាំ​​​គណបក្ស​​​សង្គ្រោ​​​ះ​​​ជាតិ​​​ពី​​​របៀប​​​រៀប​​​ចំ​​​​​​ការ​​​តវ៉ា​​​របស់​​​ខ្លួន​​​ក្រោយ​​​​​​ការ​​​បោះ​​​ឆ្នោត​​​។ តំណាង​​​រាស្ត្រ​​​គណបក្ស​​​ប្រជាជន​​​កម្ពុជា​​​រូប​​​នេះ​​​បាន​​​លើក​​​ឡើង​​​ទៀត​​​ថា សមាជិក​​​សភា​​​សហរដ្ឋ​​​អាមេរិក​​​ លោក ស្ទីវ ឆាបូត (Steve Chabot) ដែល​​​ជា​​​ប្រធាន​​​អនុគណៈកម្មាធិការ​​កិច្ច​​​ការ​​​បរទេស​​​ បាន​​​ណែនាំ​​​លោក សម រង្ស៊ី ពីរបៀប​​​បណ្តេញ​​​លោក ហ៊ុន​​​ សែន ចេញ​​​ពីអំណាច​​​តាម​​​រយៈ​​​បាតុកម្ម​​​តាម​​​ដង​​​ផ្លូវ​​​ រហូត​​​ដល់​​​សមាជិក​​​ព្រឹទ្ធសភា​​​សហរដ្ឋ​​​អាមេរិក​​​ លោក ឌីក ដឺប៊ែន (Dick Durban) បាន​​​អន្តរាគមន៍​​​ឲ្យ​​​បញ្ឈប់​​​ការ​​​ប្រឹង​​​ប្រែងនេះ។ លោក ឈាង វុន បាន​​​មានប្រសាសន៍​​​ថា "យោង​​​តាម​​​លោក បាត់​​​ឃើស បាន​​​ឲ្យ​​​ដឹង​​​ថា លោក ឌីក ដឺប៊ែន បាន​​​ស្នើ​​​សុំ​​​ឲ្យ​​​លោក ស្ទីវ ឆាបូត​​​ បង្អង់​​​  ការ​​​ផ្លាស់​​​ប្តូរ​​​នៅ​​​កម្ពុជា​​​តាម​​​រយៈ​​​ការ​​​ញុះ​​​ញុង​​ និង​​​ជួយ​​​លោក សម រង្ស៊ី ឲ្យ​​​ដណ្តើម​​​អំណាច​​​។ លោក ស្ទីវ​​​ ឆាបូត​​​ ជា​​​អ្នកទទួល​​​ខុស​​​​​​ត្រូវ​​​លើ​​​បញ្ហា​​​នេះ​​​"។ លោក ឈាង វុន បាន​​​បន្ត​​​ថា លោក​​​ ស្ទីវ​​​ ឆាបូត​​​ បាន​​​ណែនាំ​​​លោក សម រង្ស៊ី ពី​​​របៀប​​​"ផ្តួល​​​គណបក្ស​​​ប្រជា​​​ជន​​​ ផ្តួល​​​សម្តេច​​​ ហ៊ុន​​​ សែន តាម​​​រយៈ​​​អំណាច​​​ប្រជា​​​ពល​​​រដ្ឋ​​​ដើរ​​​តាម​​​ចិញ្ចើម​​​ថ្នល់​​​" នេះ​​​បើ​​​យោង​​​តាម​​​លិខិត​​​សម្ងាត់​​​ដែល​​​លោក​​​ទទួល​​​បាន​​​។ ​​​ទោះជា​​​យ៉ាង​​​ណា លោក ចេយ៍ រ៉ាមែន (Jay Raman) អ្នកនាំ​​​ពាក្យស្ថាន​​​​​​ទូត​​​សហរដ្ឋ​​​អាមេរិក​​​ប្រចាំ​​​កម្ពុជា​​​បាន​​​មានប្រសាសន៍​​​ថា ស្ថានទូត​​​មិនដឹងអំ​​​ពី​​​ការ​​​ទំនាក់​​​ទំនង​​​ណា​​​មួយ​​​រវាង​​​សមាជិក​​​សភា​​​សហរដ្ឋ​​​អាមេរិក​​​ និង​​​គណបក្ស​​​សង្គ្រោះ​​​ជាតិ​​​ទេ​​​​​​ជុំវិញ​​​ការ​​​តវ៉ារ​​​បស់​​​គណបក្ស​​​នេះ​​​​​​។ លោក​​​បាន​​​លើក​​​ឡើង​​​នៅ​​​ក្នុង​​​អីុម៉េល​​​មួយ​​​ថា "យើង​​​គ្មាន​​​ព័ត៌​​​មាន​​​អំពីការ​​​ចោទ​​​ប្រកាន់​​​នេះ​​​ទេ​​​"។ ទាំង​​​លោក សម រង្ស៊ី និង​​​លោក យឹម​​​ សុវណ្ណ ដែល​​ជា​​​អ្នក​​​នាំ​​​ពាក្យ​​​គណបក្ស​​​ប្រឆាំង​​​ មិន​​​អាច​​​ទាក់​​​ទង​​​សុំ​​​ការ​​​បំភ្លឺ​​​បាន​​​ទេ​​​កាល​​​ពីម្សិលមិញ​​​ ពាក់​​​ព័ន្ធ​​​នឹង​​​បញ្ហា​​​នេះ​​​៕សុខុម (រាយការណ៍​​​បន្ថែម​​​ដោយ Alex Willemyns) ​​​​​​​​​