TAG
translate
ការជ្រើសរើសសមាជិកគ.ជ.ប.ថ្មីនឹងធ្វើឡើងនៅថ្ងៃសុក្រ
អ្នកនាំពាក្យម្នាក់បានឲ្យដឹងកាលពីម្សិលមិញថា គណៈកម្មាធិការអចិន្ត្រៃយ៍រដ្ឋសភានឹងរៀបចំកិច្ចប្រជុំនៅថ្ងៃសុក្រដើម្បីធ្វើការជ្រើសរើសសមាជិកគណៈកម្មាធិការជាតិរៀបចំការបោះឆ្នោតថ្មី(គ.ជ.ប.) ហើយបន្ទាប់មក បោះឆ្នោតជ្រើសរើសសមាជិកប្រាំបួនរូបនៅថ្ងៃទី១៣ ខែមេសា។
ការបង្កើតគ.ជ.ប.ថ្មីដោយមានសមាជិកបួនរូបម្ខាងមកពីគណបក្សធំៗចំនួនពីរ ព្រមទាំងសមាជិក"អព្យាក្រឹត" ទី៩គឺសំខាន់ណាស់ក្នុងការដោះស្រាយបញ្ហាដែលបានបញ្ចប់ភាពទាល់ច្រកនយោបាយកាលពីឆ្នាំមុន ហើយច្បាប់នេះសំខាន់ណាស់ក្នុងការបង្កើតស្ថាប័នថ្មីដែលត្រូវបានអនុម័តដោយរដ្ឋសភាកាលពីសប្តាហ៍មុន។
លោក ឈាង វុន អ្នកនាំពាក្យពាក្យរដ្ឋសភាបានមានប្រសាសន៍កាលពីម្សិលមិញថា "នៅថ្ងៃសុក្រទី២៧ គណៈកម្មាធិការអចិន្ត្រៃយ៍នឹងពិនិត្យមើលនីតិវិធីសម្រាប់ការជ្រើសរើសបេក្ខជនដែលនឹងឈរឈ្មោះជាសមាជិកគ.ជ.ប.ថ្មី"។
លោកបានមានប្រសាសន៍ថា "វាមានន័យថា កិច្ចប្រជុំនៅថ្ងៃសុក្រនឹងសម្រេចប្រកាសទទួលយកការដាក់ពាក្យសុំពីគណបក្សនយោបាយទាំងពីរ និងប្រាប់សាធារណជន។ រដ្ឋសភានឹងរៀបចំកិច្ចប្រជុំពេញអង្គនៅថ្ងៃទី១៣ ខែមេសា...បោះឆ្នោតជ្រើសរើសសមាសភាពគ.ជ.ប.ថ្មី”។
លោក សុខ ឦសាន អ្នកនាំពាក្យគណបក្សប្រជាជនកម្ពុជាបានមានប្រសាសន៍ថា គណបក្សកាន់អំណាចមិនទាន់សម្រេចជ្រើសរើសបេក្ខជនបួនរូបរបស់ខ្លួននៅឡើយទេ។
លោកបានមានប្រសាសន៍ថា "យើងរង់ចាំគណៈកម្មាធិការអចិន្ត្រៃយ៍រៀបចំកិច្ចប្រជុំនៅថ្ងៃទី២៧នៅឡើយ ដូច្នេះគ្រប់គ្នាអាចដាក់ពាក្យសុំ"។
លោក...
ចៅក្រមពិចារណាបញ្ជូនសំណុំរឿងរបស់ក្រុមហ៊ុនជីវឥន្ធនៈត្រឡប់ទៅខេត្តបន្ទាយមានជ័យវិញ
កាលពីម្សិលមិញ ចៅក្រមនៅសាលាដំបូងរាជធានីភ្នំពេញបានលើកឡើងថា ខ្លួននឹងពិចារណាបញ្ជូនសំណុំរឿងរបស់អ្នកជំនួញជនជាតិអង់គ្លេសម្នាក់ និងជនជាតិខ្មែរចំនួនបីនាក់ដែលត្រូវបានចោទប្រកាន់ពីបទឆបោកត្រឡប់ទៅខេត្តបន្ទាយមានជ័យវិញ ជាទីដែលបទល្មើសបានកើតឡើង។
អស់រយៈពេលជាងពីរឆ្នាំមកហើយ លោក Gregg Fryett ប្រធានក្រុមហ៊ុន International Green Energy (IGE) និងបុគ្គលិករបស់ខ្លួនចំនួនពីរនាក់ឈ្មោះ សឿន ដែននី និង អ៊ុំ សំណាង នៅតែជាប់ពន្ធនាគារនៅឡើយ បន្ទាប់ពីត្រូវបានចោទប្រកាន់ពីបទប្រើប្រាស់ឯកសារក្លែងក្លាយដើម្បីទទួលបានដីដែលក្រុមហ៊ុន IGE មានបំណងប្រែក្លាយជាចម្ការល្ហុងខ្វង ដើម្បីបង្កើតជីវឥន្ធនៈ។
កាលពីខែមករា ឆ្នាំ២០១៤ លោក អ៊ុក កែវរតនៈ អតីតប្រធានរដ្ឋាបាលសាលាខេត្តបន្ទាយមានជ័យត្រូវបានបានចាប់ខ្លួនដោយអង្គភាពប្រឆាំងអំពើពុករលួួយ ហើយត្រូវបានចោទប្រកាន់ពីបទធ្វើប័ណ្ណកម្មសិទ្ធិដីធ្លីក្លែងក្លាយដើម្បីលក់ដីទៅឲ្យលោក Gregg Fryett ។
លោក Gregg Fryett បានអះអាងថា លោក អាំង មាលតី អតីតប្រធានសាលាដំបូងរាជធានីភ្នំពេញ ដែលត្រូវបានដកតំណែងកាលពីខែមុន ជុំវិញការចោទប្រកាន់ពីបទប្រព្រឹត្តិអំពើពុករលួយធ្ងន់ធ្ងរ បានប្រឌិតការចោទប្រកាន់។
លិខិតចុះកាលបរិច្ឆេទនៅខែកក្កដា ឆ្នាំ២០១២ ពីលោក អ៊ុង អឿន អភិបាលខេត្តបន្ទាយមានជ័យពេលនោះ ផ្ញើជូនលោកនាយករដ្ឋមន្ត្រី ហ៊ុន សែន និងអង្គភាពប្រឆាំងអំពើពុករលួយ បានចោទប្រកាន់ថា លោក អាំង មាលតី និងមន្ត្រីមូលដ្ឋានផ្សេងៗទៀតបានរឹបអូសយកគ្រឿងចក្ររបស់ក្រុមហ៊ុន IGE ដែលមានទឹកប្រាក់រាប់មឺុនដុល្លារដោយខុសច្បាប់។
នៅក្នុងការបើកសវនាការលើកដំបូងចាប់តាំងពីមានការដកតំណែងលោក អាំង មាលតី ដែលបានបញ្ជូនសំណុំរឿងរបស់ក្រុមហ៊ុន IGE មកកាន់រាជធានីភ្នំពេញនៅពេលលោកត្រូវបានដំឡើងឋានៈពីប្រធានសាសាដំបូងខេត្តបន្ទាយមានជ័យរួចមក ចៅក្រមនៅសាលាដំបូងរាជធានីភ្នំពេញបានលើកឡើងកាលពីម្សិលមិញថា ខ្លួននឹងពិចារណាសំណើរបស់ចុងចោទដើម្បីបញ្ជូនសំណុំរឿងនេះត្រឡប់ទៅខេត្តបន្ទាយមានជ័យវិញ។
ចៅក្រម ជួន សុខរាសី បានមានប្រសាសន៍បន្ទាប់ការបើកសវនាការរួចថា "តុលាការបានសម្រេចពន្យារពេលបើកសវនាការសំណុំរឿងនេះ ហើយនឹងផ្តល់ដំណឹង នៅពេលក្រោយ"។
នៅខាងក្រៅតុលាការ លោក កែវ រតនៈ ដែលធ្វើព្រាងលិខិតរៀបរាប់ពីការធ្វើខុសរបស់លោក អាំង មាលតី នៅក្នុងខេត្តបន្ទាយមានជ័យបានលើកឡើងថា លោកបានដាក់ពាក្យបណ្តឹងថ្មីជូនលោកនាយករដ្ឋមន្ត្រី ហ៊ុន សែន ដើម្បីស្នើឲ្យលោកជួយអន្តរាគមន៍។ លោកបានមានប្រសាសន៍ថា "ករណីនេះត្រូវបានរៀបចំដោយលោក អាំង មាលតី។ ឆាក និងអ្នកដើរតួគឺសុទ្ធតែគាត់ជាអ្នករៀបចំឡើង"៕ស៊ុយឈាង
តុលាការបើកសវនាការជំនុំជម្រះអតីតអធិការខណ្ឌ ហ៊ី ណារិន
តុលាការក្រុងភ្នំពេញថ្ងៃនេះ បានបើកសវនាការជំនុំជម្រះអតីតអធិការនគរបាលខណ្ឌម្នាក់ ដែលអង្គភាពប្រឆាំងអំពើពុករលួយបានចាប់ខ្លួនពីឆ្នាំមុនពាក់ព័ន្ធនឹងការកេងប្រវ័ញ្ចថវិការដ្ឋ និងយកលុយពីអ្នករកស៊ី។
លោក ហ៊ី ណារិន ត្រូវបានបណ្តេញចេញពីតំណែងអធិការខណ្ឌមានជ័យ ក្នុងក្រុងភ្នំពេញកាលពីខែតុលាឆ្នាំមុន បន្ទាប់ពីត្រូវបានចាប់ខ្លួនដោយអង្គភាពប្រឆាំងអំពើពុករលួយពីបទកេងប្រវ័ញ្ចប្រាក់ជាង ៦០០.000 ដុល្លារអាមេរិកពីរដ្ឋ និងអ្នករកស៊ីក្នុងមូលដ្ឋានក្នុងរយៈពេលជាង៨ឆ្នាំក្នុងតំណែងលោកជាអធិការខណ្ឌ។
ក្នុងសវនាការរយៈពេលជាង២ម៉ោងនៅឯតុលាការក្រុងភ្នំពេញនោះ លោក ណារិន បានបដិសេដចោលនូវបទចោទភាគច្រើន ប៉ុន្តែបានសារភាពថា លោកទទួលបាន១០លានរៀលក្នុងមួយខែពីប្រាក់ខែរបស់មន្ត្រីអសកម្ម និងអវត្តមាន។
ក្រុមមន្ត្រីមិនដឹងអំពីករណីចាប់រំលោភរបស់អ្នកនយោបាយអ៊ុយក្រែន
ប្រធាននាយកដ្ឋានប្រឆាំងការជួញដូរមនុស្សនៃក្រសួងមហាផ្ទៃបានឲ្យដឹងកាលពីថ្ងៃអង្គារថា សមាជិកសភាអ៊ុយក្រែនដែលជាប់ចោទពីបទចាប់រំលោភអនីតិជនម្នាក់ក្នុងក្រុងភ្នំពេញនៅឆ្នាំ២០១១ បានគេចខ្លួនចេញពីប្រទេសកម្ពុជា មុនពេលតុលាការអាចតាមចាប់រូបគាត់។
ទោះជាយ៉ាងនេះក្តី លោក មីកូឡា ខ្ញាហ្ស៊ឺស្គី (Mykola Kniazhytsky) អាយុ៤៦ឆ្នាំដែលបានជាប់ឆ្នោតជាសមាជិកសភានៃគណបក្សរណសិរ្សប្រជាជនកាលពីខែវិច្ឆិកា នៅតែអះអាងថា លោកត្រូវគូសត្រូវចាស់ដែលមានទំនាក់ទំនងដ៏មានឥទ្ធិពលក្នុងប្រទេសកម្ពុជា បង្ខូចកេរ្តិ៍ឈ្មោះ ខណៈដែលក្រុមមន្ត្រីនៅក្រុងភ្នំពេញស្ទើរតែមិនអាចផ្តល់ព័ត៌មានអំពីករណីនេះកាលពីថ្ងៃអង្គារ។
វិបសាយអាំងទែប៉ូលបានដាក់ឈ្មោះលោក ខ្ញាហ្ស៊ឺស្គី ក្នុងបញ្ជីមនុស្សត្រូវតាមចាប់ខ្លួនក្នុងប្រទេសកម្ពុជាលើបទសង្ស័យចាប់រំលោភ។ យោងតាមការបកប្រែសេចក្តីប្រកាសព័ត៌មានពីការិយាល័យអាំងទែប៉ូលអ៊ុយក្រែនបានឲ្យដឹងថា អាជ្ញាធរកម្ពុជាកំពុងស្វះស្វែងធ្វើបត្យាប័នលោក ខ្ញាហ្ស៊ឺស្គី ពីបទរំលោភអនីតិជនម្នាក់ក្នុងក្រុងភ្នំពេញកាលពីថ្ងៃទី៩ឆ្នាំ២០១១។
ទោះជាយ៉ាងនេះក្តី ក្នុងចំណោមមន្ត្រីដែលមានមុខតំណែងច្បាស់លាស់១០នាក់ដែលទាក់ទងកាលពីថ្ងៃអង្គារ មានតែឧត្តមសេនីយ៍ទោ ប៉ុល ភិធេយ្យ...
អ្នកតស៊ូមតិម្នាក់ស្នើឲ្យក្រុមប្រឹក្សាធម្មនុញ្ញទុកជាមោឃៈនូវមាត្រាមួយចំនួន ក្នុងច្បាប់បោះឆ្នោត
អ្នកតស៊ូមតិម្នាក់ក្នុងចំណោមអ្នកតស៊ូមតិសិទ្ធិមនុស្សដ៏ល្បីឈ្មោះក្នុងប្រទេសកម្ពុជាបានសរសេរលិខិតផ្ញើជូនក្រុមប្រឹក្សាធម្មនុញ្ញកាលពីម្សិលមិញស្នើឲ្យក្រុមប្រឹក្សានេះទុកជាមោឃៈនូវមាត្រាចំនួនពីរ នៅក្នុងច្បាប់បោះឆ្នោតជាតិថ្មីដែលលោកលើកឡើងថា រំលោភសិទ្ធិដែលមានចែងក្នុងរដ្ឋធម្មនុញ្ញក្នុងការចូលរួមយុទ្ធនាការឃោសនាបោះឆ្នោត។
លោក គល់ បញ្ញា នាយកគណៈកម្មាធិការដើម្បី ការបោះឆ្នោតដោយសេរី និងយុត្តិធម៌នៅកម្ពុជា ដែលជាផ្នែកមួយនៃសម្ព័ន្ធអង្គការមិនមែនរដ្ឋាភិបាលហៅថា សម្ព័ន្ធកំណែទម្រង់ការបោះឆ្នោតនោះ បានរិះគន់ច្បាប់បោះឆ្នោតថ្មីចំនួនពីរចាប់តាំងពីមានព័ត៌មានលម្អិតបានលេចឡើងកាលពីឆ្នាំមុនមកម៉្លេះ។
ប៉ុន្តែ សមាជិកសភាមកពីគណបក្សប្រជាជនកម្ពុជា និងគណបក្សសង្គ្រោះជាតិមិនអើពើចំពោះការមិនយល់ព្រមចំពោះច្បាប់ថ្មីនេះឡើយ ហើយបានអនុម័តច្បាប់នេះជាឯកច្ឆន្ទកាលពីសប្តាហ៍មុន។
បន្ទាប់ពីត្រូវបានអនុម័តដោយព្រឹទ្ធសភាកាលពីថ្ងៃច័ន្ទ ឥឡូវនេះច្បាប់នេះត្រូវការការពិនិត្យពីក្រុមប្រឹក្សាធម្មនុញ្ញ និងការឡាយព្រះហស្តលេខាដោយព្រះមហាក្សត្រនរោត្តម សីហមុនី តែប៉ុណ្ណោះ។
លោក គល់ បញ្ញា បានមានប្រសាសន៍កាលពីម្សិលមិញថា "នៅព្រឹកនេះយើងបានដាក់សំណើទៅក្រុមប្រឹក្សាធម្មនុញ្ញសុំឲ្យដកមាត្រាមួយចំនួនដែលផ្ទុយពីរដ្ឋធម្មនុញ្ញ និងរំលោភសិទ្ធិនយោបាយក្នុងការចូលរួមការបោះឆ្នោត និងសេរីភាពនៃការបញ្ចេញមតិ"។
លោកបានមានប្រសាសន៍ថា "យើងសង្ឃឹមថា ក្រុមប្រឹក្សាធម្មនុញ្ញនឹងបង្ហាញភាពគួរឲ្យជឿជាក់របស់ខ្លួនបកស្រាយអំពីច្បាប់នេះ ជាពិសេសច្បាប់បោះឆ្នោតរបស់រដ្ឋសភា ហើយលុបចោលមាត្រា៨៤ ១៦២ និង១៦៧"។
លោក គល់ បញ្ញា បានមានប្រសាសន៍ថា មាត្រា៨៤នៃច្បាប់បោះឆ្នោតថ្មី ដែលហាមបុគ្គលិកអង្គការមិនមែនរដ្ឋាភិបាលមិនឲ្យ "ប្រមាថមាក់ងាយ" ឬបង្ហាញ"ភាពលម្អៀង" ទៅរកគណបក្សនានាក្នុងយុទ្ធនាការឃោសនាបោះឆ្នោតនោះ រំលោភមាត្រា៣៥នៃរដ្ឋធម្មនុញ្ញ ដែលការពារការចូលរួមក្នុងនយោបាយ។
លោក គល់ បញ្ញា បានមានប្រសាសន៍ថា មាត្រាផ្សេងទៀតដែលផ្តល់អំណាចដល់មន្ត្រីបោះឆ្នោតដើម្បីដកសិទ្ធិគណបក្សនានាមិនឲ្យបោះឆ្នោត បើទោះជាគណបក្សទាំងនោះឈ្នះអាសនៈក៏ដោយ អាចរំលោភការការពារសិទ្ធិបោះឆ្នោតរបស់ប្រជាពលរដ្ឋដូចមានចែងក្នុងមាត្រា៣៤។
គេនៅមិនទាន់ច្បាស់ថា តើក្រុមប្រឹក្សាធម្មនុញ្ញនឹងពិនិត្យមើលច្បាប់បោះឆ្នោតថ្មីទាំងនេះនៅពេលណានោះឡើយ ប៉ុន្តែ មន្ត្រីមកពីគណបក្សប្រជាជនកម្ពុជា និងគណបក្សសង្គ្រោះជាតិបានលើកឡើងថា ច្បាប់ទាំងពីរនេះប្រហែលជាត្រូវបានឡាយព្រះហស្តលេខាដោយព្រះមហាក្សត្រ នរោត្តម សីហមុនី នៅដំណាច់ខែនេះ។
គេមិនអាចទាក់ទងលោក ឯក សំអុល ប្រធានក្រុមប្រឹក្សាធម្មនុញ្ញ និងអ្នកនាំពាក្យពីររូបទៀតដើម្បីសុំអត្ថាធិប្បាយបានទេ៕សារុន
គណៈកម្មការពិសេសមួយត្រូវបានបង្កើតឡើងដើម្បីសើុបអង្កេតកងរាជអាវុធហត្ថដែលវាយដំអ្នកបើករថយន្តធុនធំ
ឧត្តមសេនីយ៍ សៅ សុខា មេបញ្ជាការកងរាជអាវុធហត្ថលេើផ្ទៃប្រទេសបានបង្កើតគណៈកម្មការពិសេសមួយដើម្បីសើុបអង្កេតមន្ត្រីមួយក្រុមដែលបាញ់ប្រហារលើរថយន្តធុនធំមួយគ្រឿង ខណៈរថយន្តនេះបានបើកទម្លុះរបាំងប៉ុស្តិ៍ត្រួតពិនិត្យចំនួនពីរនៅក្នុងខេត្តត្បួងឃ្មុំកាលពីយប់ថ្ងៃព្រហស្បតិ៍ ហើយបន្ទាប់មកអ្នកបើកបរ និងព្រូឡានម្នាក់ត្រូវមន្ត្រីមួយក្រុមនេះវាយដំ បន្ទាប់ពីឃាត់រថយន្តរួច។
បទបញ្ជាមួយច្បាប់ដែលចុះហត្ថលេខាដោយឧត្តមសេនីយ៍ សៅ សុខា កាលពីថ្ងៃច័ន្ទ បានតែងតាំងលោក សិុន សុផានី ប្រធានស្នងការនៃស្នងការដ្ឋានកងរាជអាវុធហត្ថលើផ្ទៃប្រទេសជាអ្នកដឹកនាំគណៈកម្មការដែលមានសមាជិកចំនួន៩រូបនេះ ហើយបានតែងតាំងលោក គង់ សុថារិន នាយការិយាល័យបទល្មើសព្រហ្មទណ្ឌនៃកងរាជអាវុធហត្ថលើផ្ទៃប្រទេសជាអនុប្រធាន។
បទបញ្ជានេះមានខ្លឹមសារថា "គណៈកម្មការនេះនឹងសើុបអង្កេតលើហេតុការណ៍បាញ់ប្រហារដែលកើតឡើងអំឡុងប្រតិបត្តិការរបស់នាយទាហាននិងនាយទាហានរងនៃកងរាជអាវុធហត្ថខេត្តត្បូងឃ្មុំ និងកងរាជអាវុធហត្ថខេត្តព្រៃវែងកាលពីថ្ងៃទី១៩ ខែមីនា"។
យោងតាមនគរបាលមូលដ្ឋានបានឲ្យដឹងថា លោក ណេន ស៊ីដា អាយុ៣០ឆ្នាំ និង ធឿន ណើប អាយុ២០ឆ្នាំ ជាព្រូឡានត្រូវបានឃាត់ឲ្យឈប់នៅក្នុងស្រុកស្វាយអន្ទរខេត្តព្រៃវែងកាលពីយប់ថ្ងៃទី១៩ ខែមីនា បន្ទាប់ពីពួកគេបានបុករថយន្តមួយគ្រឿង ហើយបើកទម្លុះរបាំងប៉ុស្តិ៍ត្រួតពិនិត្យចំនួនពីររបស់កងរាជអាវុធហត្ថក្នុងខេត្តត្បូងឃ្មុំដែលជាខេត្តជាប់ខេត្តព្រៃវែង។
នគរបាលមូលដ្ឋានបានលើកឡើងទៀតថា មន្ត្រីនគរបាលកងរាជអាវុធហត្ថបានបាញ់ទម្លុះកញ្ចក់មុខរបស់រថយន្តធុនធំនេះដើម្បី ឃាត់ឲ្យឈប់ ហើយបានចងអ្នកបើកបរនិងព្រូឡាន បន្ទាប់មកបានវាយដំពួកគេ។ រូបភាពរបស់បុរសទាំងពីរនាក់ដែលមានស្នាមរបួស និងស្នាមជាំត្រូវបានគេចែករំលែកយ៉ាងសុះសាយតាមបណ្តាញទំនាក់ទំនងសង្គមកាលពីចុងសប្តាហ៍។ អ្នកបើកបរ និងព្រូឡានត្រូវបានដោះលែងពីមន្ទីរឃុំឃាំងនៅថ្ងៃដដែលបន្ទាប់ពីការបាញ់ប្រហារ។
អ្នកបើកបររថយន្តបានលើកឡើងថា ខ្លួនបានបើកទម្លុះរបាំងប៉ុស្តិ៍ត្រួតពិនិត្យព្រោះខ្លួនគិតថា ប៉ុស្តិ៍ត្រួតពិនិត្យទាំងនេះត្រូវក្រុមមន្ត្រីពុករលួយបានបង្កើតឡើងដោយខុសច្បាប់ដើម្បីជំរិតទារប្រាក់។ អ្នកបើកបររូបនេះបានលើកឡើងទៀតថា បន្ទាប់មកក្រុមមន្ត្រីបានយកស្វាយកាំភ្លើងអាកា៤៧វាយមុខរបស់គាត់ ចងដៃ និងចងជើងគាត់ព័ទ្ធទៅក្រោយ ហើយបន្តទាត់ធាក់រូបគាត់ទៀត ខណៈគាត់ដួលលើដី។
បទបញ្ជារបស់ឧត្តមសេនីយ៍ សៅ សុខា បានផ្តល់សិទ្ធិឲ្យគណៈកម្មការថ្មីនេះក្នុងការជួបជាមួយមន្ត្រី នៅក្នុងខេត្តទាំងពីរនេះ ហើយកោះហៅជនសង្ស័យមកសាកសួរ។ បន្ទាប់មកគណៈកម្មការនេះត្រូវតែរាយការណ៍ត្រឡប់ទៅឲ្យឧត្តមសេនីយ៍ សៅ សុខា ដោយផ្ទាល់។
លោក គឹម ផាន់នី មេបញ្ជាការរង កងរាជអាវុធហត្ថខេត្តព្រៃវែងបានលើកឡើងថា គណៈកម្មការនេះនឹងទៅដល់ខេត្តរបស់លោកនៅក្នុងថ្ងៃនេះ។ លោកបានលើកឡើងទៀតថា មាន កងរាជអាវុធហត្ថសរុបចំនួនប្រាំមួយនាក់ដែលជាជនសង្ស័យក្នុងនោះបីនាក់មកពីខេត្តត្បូងឃ្មុំ និងបីនាក់ទៀតមកពីខេត្តព្រៃវែង ហើយថា នគរបាលដែលគេមិនដឹងចំនួនពិតប្រាកដមកពីស្រុកស្វាយអន្ទរ ក៏មានជាប់ពាក់ព័ន្ធដែរ។
លោក សុខ គ្រីន មេបញ្ជាការកងរាជអាវុធហត្ថខេត្តព្រៃវែងបានលើកឡើងថា គេស្គាល់អត្តសញ្ញាណរបស់ជនសង្ស័យទាំងនេះហើយ ប៉ុន្តែ លោកបានបដិសេធមិនប្រាប់នោះឡើយ។លោកបានលើកឡើងទៀតថា មន្ត្រីទាំងនេះកំពុងបំពេញការងាររបស់ខ្លួននៅឡើយ ហើយនៅមិនទាន់ត្រូវបានចាប់ខ្លួនឡើយ ព្រោះអាជ្ញាធរកំពុងរង់ចាំលទ្ធផលនៃកិច្ចប្រជុំជាមួយគណៈកម្មការពិសេសក្នុងថ្ងៃនេះ។
លោកបានមានប្រសាសន៍ថា "យើងបានសើុបអង្កេតហេតុការណ៍បាញ់ប្រហារនេះរួចហើយ ហើយកងរាជអាវុធហត្ថនឹងធ្វើដំណើរមកនៅថ្ងៃស្អែកដើម្បីប្រមូលព័ត៌មានអំពីករណីនេះ"៕ស៊ុយឈាង
បុរសបួននាក់បន្ថែមទៀតត្រូវបានចាប់ខ្លួនជុំវិញអំពើចោរកម្មដ៏ហិង្សានៅលើកោះរ៉ុង
កាលពីម្សិលមិញ នគរបាលបានឲ្យដឹងថា ឥឡូវនេះបុរសជនជាតិខ្មែរបួននាក់ត្រូវបានចាប់ខ្លួនពាក់ព័ន្ធនឹងអំពើចោរកម្មដ៏ហិង្សានៅផ្ទះសំណាក់មួយលើកោះរ៉ុង ក្នុងក្រុងព្រះសីហនុកាលពីសប្ដាហ៍មុន ដែលបណ្ដាលឲ្យជនជាតិកាណាដាម្នាក់មានរបួសធ្ងន់ត្រង់ក្បាល។
លោក អុិន បូរ៉ា ប្រធាននាយកដ្ឋានកណ្ដាលយុត្តិធម៌នៃក្រសួងមហាផ្ទៃ និងជាសមាជិកមួយរូបក្នុងចំណោមមន្ត្រីនគរបាលជាន់ខ្ពស់មួយក្រុម ដែលបានធ្វើដំណើរទៅក្រុងព្រះសីហនុ ដើម្បីស៊ើបអង្កេតការកើនឡើងក្នុងពេលថ្មីៗនៃបទល្មើសដ៏ហិង្សាពាក់ព័ន្ធនឹងជនបរទេស បានលើកឡើងថា លោកបានដឹកនាំមន្ត្រីមូលដ្ឋានមួយក្រុមដើម្បីធ្វើការចាប់ខ្លួនកាលពីថ្ងៃអាទិត្យ។
ឧត្ដមសេនីយ៍ឯក អុិន បូរា៉ា បានមានប្រសាសន៍ថា "យើងបានចាប់ខ្លួនជនល្មើសចំនួនបួននាក់"។ លោកប្រាប់អត្តសញ្ញាណរបស់បុរសជនជាតិខ្មែរទាំងបួននាក់នោះថាមានឈ្មោះដូចជា វណ្ណ សីហវ័ន អាយុ២២ឆ្នាំ ជួប ទិត្យ អាយុ២៧ឆ្នាំ...
លោក ហ៊ុន សែន ចូលរួមរំលែកទុក្ខចំពោះការទទួលមរណភាពរបស់លោក លី ក្វាន់យូ
កាលពីម្សិលមិញ លោកនាយករដ្ឋមន្ត្រី ហ៊ុន សែន បានចូលរួមរំលែកទុក្ខចំពោះការទទួលមរណភាពរបស់លោក លី ក្វាន់យូ អតីតនាយករដ្ឋមន្ត្រីសិង្ហបុរី ដែលបានទទួលមរណភាពពេលទៀបភ្លឺឈានចូលថ្ងៃច័ន្ទ ក្នុងអាយុ៩១ឆ្នាំ។
ពេលថ្លែងនៅក្នុងពិធីសម្ពោធសណ្ឋាគារសុខាភ្នំពេញ លោក ហ៊ុន សែន បានរំឭកឡើងវិញពីឥទ្ធិពលរបស់លោក លី ក្វាន់យូ លើទិដ្ឋភាពនយោបាយនៃតំបន់អាស៊ីអាគ្នេយ៍។
លោក ហ៊ុន សែន បានមានប្រសាសន៍ថា "តាងនាមឲ្យរដ្ឋាភិបាលកម្ពុជា និងពលរដ្ឋខ្មែរ ខ្ញុំសូមចូលរួមរំលែកទុក្ខជាមួយលោកនាយករដ្ឋមន្ត្រី លី...
កាលបរិច្ឆេទបណ្តេញចេញខិតជិតដល់ហើយសម្រាប់អ្នកភូមិខេត្តកោះកុង
ក្រុមមន្ត្រី និងអ្នកភូមិម្នាក់បានឲ្យដឹងថា អ្នកភូមិខេត្តកោះកុងដែលបានជាប់ពាក់ព័ន្ធក្នុងវិវាទដីធ្លីជាមួយក្រុមហ៊ុនចិន ទទួលបានសេចក្តីជូនដំណឹងកាលពីថ្ងៃសៅរ៍ថា នៅពេលឆាប់ៗនេះអាជ្ញាធរមូលដ្ឋាននឹងអនុវត្តសេចក្តីបង្គាប់របស់តុលាការបណ្តេញពួកគាត់ចេញពីដីធ្លីរបស់ខ្លួន។
អ្នកភូមិ៤៧គ្រួសារក្នុងឃុំកោះស្តេច ស្រុកគិរីសាគរចាប់តាំងពីឆ្នាំ២០១០ បានតតាំងនឹងគម្រោងអភិវឌ្ឍន៍ផ្ទៃដីទំហំ៤៥.០០០ហិកតាក្នុងឧទ្យាជាតិបទុមសាគររបស់ក្រុមហ៊ុន Union Development Group (UDG) ឲ្យទៅជាតំបន់ទេសចរណ៍ក្នុងទឹកប្រាក់៣,៨ពាន់លានដុល្លារ។
ក្រុមហ៊ុននេះបានបណ្តេញអ្នកភូមិប្រហែល១.០០០គ្រួសារចេញពីតំបន់នេះ ប៉ុន្តែអ្នកភូមិប្រហែល៤៧គ្រួសារបានបដិសេធមិនព្រមចាកចេញពីដីដែលពួកគាត់និយាយថា ពួកគាត់បានកាន់កាប់ដោយស្របច្បាប់។
កាលពីថ្ងៃសៅរ៍ ក្រុមមន្ត្រីឃុំបានផ្តល់លិខិតថតចម្លងចុះថ្ងៃទី៤ ខែមីនាដែលចុះហត្ថលេខាដោយព្រះរាជអាជ្ញារងអមសាលាដំបូងខេត្ត ស្រី ម៉ាកនី ដោយប្រាប់ពួកគាត់ថា សេចក្តីបង្គាប់ឲ្យចាកចេញពីដីដែលចេញដោយតុលាការកាលពីខែមុននោះ នឹងត្រូវអនុវត្តក្នុងរយៈពេល៦០ថ្ងៃ។
លោក មេឃុំ ភឿយ កែ បានមានប្រសាសន៍កាលពីម្សិលមិញថា "យើងគ្រាន់តែជូនដំណឹងពីការអនុវត្តដីកាបង្គាប់របស់តុលាការស្នើឲ្យអ្នកភូមិផ្តិតមេដៃតែប៉ុណ្ណោះ ហើយប្រសិនបើពួកគាត់មិនយល់ស្រប ពួកគាត់អាចប្តឹងទៅតុលាការបាន"។
អ្នកភូមិឈ្មោះ ប្រាក់ ធួក ដែលទទួលបានសេចក្តីជូនដំណឹងនេះបាននិយាយថា អ្នកភូមិទាំង៤៧គ្រួសារមិនព្រមផ្តិតមេដៃទេ ហើយនឹងបន្តតតាំងនឹងការបណ្តេញចេញនេះ។ លោកបាននិយាយថា "ប្រសិនបើយើងយល់ព្រមផ្តិតមេដៃ មានន័យថា យើងយល់ព្រមឲ្យពួកគេយកដីរបស់យើងអ៊ីចឹង។ ខ្ញុំនឹងមិនចាកចេញពីដីរបស់ខ្ញុំឡើយ"៕សារុន
មនុស្សម្នាក់ស្លាប់ និង២៥នាក់រងរបួសក្នុងគ្រោះថ្នាក់រថយន្តក្រុងក្នុងខេត្តបាត់ដំបង
នគរបាលឲ្យដឹងកាលពីម្សិលមិញថា មនុស្សម្នាក់បានស្លាប់ និងជាង២៤នាក់បានរងរបួសកាលពីថ្ងៃអាទិត្យ នៅពេលរថយន្តក្រុងមួយគ្រឿងបានរេចង្កូតធ្លាក់ផ្លូវជាតិលេខ៥ ហើយបានជ្រុលទៅបុកដើមឈើមួយដើម បន្ទាប់ពីអ្នកបើកបរបានដេកលក់មួយភាំង។
គ្រោះថ្នាក់នេះបានកើតឡើងតែប៉ុន្មានថ្ងៃប៉ុណ្ណោះ បន្ទាប់ ពីរថយន្តក្រុងដឹកភ្ញៀវទេសចរជនជាតិវៀតណាម២៤នាក់បានបុកជាមួយរថយន្តធុនធំមួយគ្រឿងក្នុងខេត្តក្រចេះ បណ្តាលឲ្យមនុស្សម្នាក់ស្លាប់ និង១១នាក់ទៀតរងរបួស។
យោងតាមលោក វុធ ប៊ុនធឿន អធិការនគរបាលស្រុកបានឲ្យដឹងថា គ្រោះថ្នាក់កាលពីថ្ងៃអាទិត្យ បានកើតឡើងនៅម៉ោងប្រហែល២និង៣០នាទីរំលងអធាត្រ ខណៈដែលរថយន្តក្រុងរបស់ក្រុមហ៊ុន លី ហុង ដឹកអ្នកដំណើរបានបើកឆ្លងកាត់ឃុំកំពង់ព្រៀង ស្រុកសង្កែទៅក្រុងប៉ោយប៉ែត។
លោកបានមានប្រសាសន៍ថា រថយន្តក្រុងនេះបានរេចង្កូតទៅចិញ្ចើមផ្លូវខាងស្តាំ ហើយបានបុកដើមឈើមួយដើមបាក់មុនពេលធ្លាក់ចូលប្រឡាយ។ ស្ត្រីម្នាក់បានស្លាប់ និងអ្នកដំណើរ២៥នាក់ទៀតបានរងរបួស"។
អធិការនគរបាលរូបនេះបានកំណត់អត្តសញ្ញាណអ្នកស្លាប់ថា ឈ្មោះ អ៊ុំ អូន អាយុ៤១ឆ្នាំ មកពីខេត្តកំពង់ឆ្នាំង។ លោកបានមានប្រសាសន៍ថា អ្នកដំណើរបីនាក់ដែលរងរបួសធ្ងន់ត្រូវបានប្រញាប់ប្រញាល់បញ្ជូនទៅ គ្លីនិកឯកជនក្នុងក្រុងបាត់ដំបង។
លោក ប៊ុនធឿន បានមានប្រសាសន៍ថា អ្នកបើកបររថយន្តក្រុងដែលលោកមិនស្គាល់ឈ្មោះ បានចុះរត់គេចខ្លួន។ លោកបានមានប្រសាសន៍ថា "ភ្លាមៗ បន្ទាប់ពីគ្រោះថ្នាក់ មន្ត្រីរបស់យើងបានមកដល់កន្លែងកើតហេតុ...ប៉ុន្តែ យើងរកអ្នកបើកបរមិនឃើញឡើយ"។
លោក សាត គឹមសាន្ត នាយនគរបាលចរាចរខេត្តបាត់ដំបងបានមានប្រសាសន៍ថា គ្រោះថ្នាក់នេះបានកើតឡើងនៅពេលអ្នកបើកបរងោកមួយភាំង ខណៈពេលកំពុងបើកបរក្នុងល្បឿនលឿន។ លោកក៏បានមានប្រសាសន៍ផងដែរថា លោកមិនស្គាល់ឈ្មោះ អ្នកបើកបររថយន្តក្រុងនោះឡើយ។
លោក គឹមសាន្ត បានមានប្រសាសន៍ថា "នគរបាលបានវាយតម្លៃកន្លែងគ្រោះថ្នាក់ ហើយបានសម្រេចថា គ្រោះថ្នាក់នេះកើតឡើងដោយសារអ្នកបើកបរងងុយដេក។ មិនមានសញ្ញាណាថា មានមនុស្សឆ្លងផ្លូវឡើយ ពីព្រោះរថយន្តក្រុងនោះបានរេចង្កូតធ្លាក់ផ្លូវតែម្តង"។
លោកបានបន្ថែមថា "អ្នកដំណើរភាគច្រើនរងរបួសនៅពេលរថយន្តនេះបានបុកដើមឈើ ហើយពួកគាត់បានបោកក្បាលផ្ទប់នឹងជញ្ជាំងរថយន្ត"។
លោក គឹមសាន្ត បានមានប្រសាសន៍ថា មន្ត្រីក្រោមឱវាទរបស់លោកបានទាក់ទងជាមួយព្រូឡានដែលកំពុងសម្រាកព្យាបាលរបួសបាក់ជើងម្ខាង។ ប៉ុន្តែ នៅពេលត្រូវបានសួរថា តើពួកគេបានព្យាយាមទទួលបានអត្តសញ្ញាណអ្នកបើករថយន្តពីព្រូឡាននេះឬយ៉ាងណានោះ គាត់បានឆ្លើយពង្វាងម្តងហើយម្តងទៀត។
លោកក៏បានមានប្រសាសន៍ផងដែរថា លោកមិនចាំឈ្មោះព្រូឡាននោះទេ ហើយមិនមានព័ត៌មានទាក់ទងក្រុមហ៊ុនរថយន្តក្រុងនោះដែរ។ លោកបានមានប្រសាសន៍ថា "ក្រុមហ៊ុនធានារ៉ាប់រងរបស់ នឹងទទួលខុសត្រូវចំពោះគ្រោះថ្នាក់នេះ ព្រមទាំងអ្នកដំណើរដែលរងរបួសទាំងអស់"៕សារុន
Latest news
© 2021, ដេលី. All rights reserved.