34 C
Phnom Penh

រដ្ឋាភិបាល​កំពុង​ធ្វើ​សេក្ដីព្រាង​ច្បាប់​ស្ដីពី​សុវត្ថិភាព​ចំណីអាហារ​

ដោយ ឌឹ ខេមបូឌា ដេលី

បទវិភាគ

អ្នក​នាំពាក្យ​ក្រសួង​សុខាភិបាល​បាន​ឲ្យ​ដឹង​កាលពី​ថ្ងៃសុក្រ​ថា ពេល​នេះ​រដ្ឋាភិបាល​​កំពុង​ធ្វើ​សេចក្ដី​ព្រាង​ច្បាប់​ថ្មី​មួយ​ស្ដីពី​សុវត្ថិភាព​ចំណីអាហារ​​ ដើម្បី​ការ​ពារ​អ្នក​ទទួល​ទាន​។

លោក លី សុវណ្ណ ​ប្រធាន​នាយក​ដ្ឋាន​ប្រយុទ្ធ​នឹង​ជំងឺ​ឆ្លង​នៃ​ក្រសួង​សុខាភិបាល និង​ជា​អ្នក​នាំពាក្យ​ក្រសួង​នេះ ​​បាន​មាន​ប្រសាសន៍​ថា មន្ត្រី​មកពី​ក្រសួង​មួយ​ចំនួន​​កំពុង​ធ្វើ​ការ​រួម​គ្នា​​លើ​សេចក្ដី​ព្រាង​ច្បាប់​នេះ​។​​​

លោក​បាន​ពន្យល់​ថា ” មាន​ឯកសារ​ច្បាប់​ គោលការណ៍ និង​គោល​នយោបាយ​ដែល​​គ្រប​ដណ្ដប់​ចំណីអាហារ​រួច​​ហើយ ប៉ុន្តែ​យើង​​មិន​ទាន់​មាន​​ច្បាប់​មួយ​ដែល​រឹង​មាំ​ទេ​។ នោះជាមូល​ហេតុ​ដែល​យើង​ចាំបាច់​ត្រូវ​ប្រមូល​ចង​ក្រង និង​អភិវឌ្ឍឯកសារ​ទាំង​នេះ​​​​ឲ្យ​ក្លាយ​ជា​​ច្បាប់​មួយ​​ដែល​មានអំណាច​ខ្លាំង​ ខណៈ​ប្រទេស​របស់​យើង​កំពុង​មាន​ការ​អភិវឌ្ឍ”។ លោក​បាន​លើក​ឡើង​បន្ត​ថា ការ​ងារ​នេះ​កំពុង​ស្ថិត​ក្នុង​ដំណាក់​កាល​ ” បច្ចេកទេស”​ នៅឡើយ​។

លោកស្រី អុឹង ដាវី ម្ចាស់​សហគ្រាស​ផលិត​ទឹកត្រី លាង ឡេង បាន​មាន​ប្រសាសន៍​ថា លោក​ស្រី​មាន​ការ​ព្រួយ​បារម្ភ​ថា ច្បាប់​តឹង​រ៉ឹង​អាច​នឹង​ត្រូវ​​ដាក់​ចេញ​ឲ្យ​អនុវត្ត​​លឿនពេក​សម្រាប់​អ្នក​ផលិត​ចំណីអាហារ។

លោកស្រី​បាន​លើក​ឡើង​បន្ថែម​ថា ” ខ្ញុំ​មិន​គាំទ្រ​ឲ្យ​រដ្ឋាភិបាល​​​អនុម័ត​​​សេចក្ដី​​ព្រាង​ច្បាប់​នេះដោយ​គ្មាន​ការ​បណ្ដុះ​បណ្ដាល​​​ ការ​អប់រំ និង​ការ​​បង្កើន​ការ​យល់​ដឹង​​បន្ថែម​ទៀត​ជាមុន​​នោះទេ​។ ពួកគាត់​ [អ្នក​ផលិត​] គ្មាន​ចំណេះ​ដឹង​គ្រប់​គ្រាន់​ផ្នែក​​ទេ​សុវត្ថិភាព​ចំណីអាហារ​ដូចជា អនាម័យ​ និង​ស្តង់​ដា​ជាដើម ហើយពួកគាត់​នៅ​តែ​អនុវត្ត​​ការ​ផលិត​ចំណីអាហារ​តាម​ទម្លាប់​ដែល​មិន​ងាយ​នឹង​កែប្រែ​ឡើយ​”៕ សុខុម​​​​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស