កោះតៃវ៉ាន់

កងទ័ព​រំដោះ​ចិន បាន​បន្ត​ចាប់ផ្ដើម​ធ្វើ​សមយុទ្ធ​យោធា​បាញ់​គ្រាប់​ពិត​ក្នុង​ថ្ងៃទី​ពីរ​នៅ​ថ្ងៃទី​៣០ ខែ​ធ្នូ ឆ្នាំ​២០២៥ នេះ នៅ​ជុំវិញ​កោះ​តៃវ៉ាន់ ក្នុង​គោលដៅ​ហាត់សម​ពី​របៀប​បិទ​ខ្ទប់​កំពង់ផែ​សំខាន់ៗ​ជុំវិញ​កោះ​តៃវ៉ាន់ ហើយ​បើ​កោះ​តៃវ៉ាន់​ប៉ះទង្គិច​ជាយថាហេតុ វា​នឹង​បង្ក​ឱ្យ​ចិន បើក​ការ​វាយប្រហារ​ភ្លាម​ចាប់​យក​ដែន​កោះ​ដ៏​ធំ​បំផុត​នៅ​អាស៊ី​ខាងកើត​នេះ។ រដ្ឋាភិបាល​កោះ​តៃវ៉ាន់ បាន​ហៅ​ប្រទេស​ចិន ថា​កំពុង​បំផ្លាញ​សន្តិភាព​តំបន់​ច្រក​សមុទ្រ​តៃវ៉ាន់។ នេះ​បើ​តាម​ការ​ចេញ​ផ្សាយ​ដោយ​ទីភ្នាក់ងារ​សារព័ត៌មាន AP។ សមយុទ្ធ​ទ្រង់ទ្រាយ​ធំ​មាន​ទាំង​នាវាចម្បាំង យន្តហោះ​ចម្បាំង និង​បាញ់​គ្រាប់​មីស៊ីល និង​កាំភ្លើងធំ​មាន​រយៈពេល ២​ថ្ងៃ ដែល​តាម​គម្រោង​ត្រូវ​បិទ​បញ្ចប់​នៅ​ថ្ងៃទី​៣០ ធ្នូ។ សមយុទ្ធ​នេះ មាន​ឈ្មោះ​ថា បេសកកម្ម​ដើម្បី​យុត្តិធម៌ ២០២៥។ អាជ្ញាធរ​តៃវ៉ាន់...

មេដឹកនាំ​តៃវ៉ាន់ លោក Lai Ching-te នៅ​ថ្ងៃ​សុក្រ ទី​៣១ តុលា នេះ បាន​ប្រកាស​ថា កោះ​តៃវ៉ាន់ មិន​មាន​បំណង​ចង់​គាំទ្រ​គំនិត​របស់​ទីក្រុង​ប៉េកាំង នៅ​ក្នុង​គម្រោង «ប្រទេស​មួយ ប្រព័ន្ធ​គ្រប់គ្រង​ពីរ» នោះ​ទេ។ តាម​បណ្ដាញ​ផ្សាយ​ព័ត៌មាន NBC News លោក​ប្រធានាធិបតី Lai Ching-te ប្ដេជ្ញា​ប្រឹងប្រែង​ថែរក្សា​សេរីភាព ការពារ​អធិបតេយ្យ ព្រមទាំង​លទ្ធិប្រជាធិបតេយ្យ​របស់​កោះ​តៃវ៉ាន់។ ប្រព័ន្ធ​ផ្សព្វផ្សាយ​រដ្ឋ​ចិន បាន​ចុះផ្សាយ​អត្ថបទ​ជាបន្តបន្ទាប់​ដោយ​លើកឡើង​ថា...

ក្រសួង​មហាផ្ទៃ​នៃ​រដ្ឋអំណាច​កោះ​តៃវ៉ាន់ បាន​ចេញ​សេចក្តី​ប្រកាស​ជូនដំណឹង​ដល់​ពលរដ្ឋ​តៃវ៉ាន់ អំពី​ការ​ប្រថុយប្រថាន​នឹង​គ្រោះថ្នាក់​ពេល​ធ្វើ​ដំណើរ​ទៅ​កាន់​ប្រទេស​ថៃឡង់ដ៍ យៀកណាម ភូមា កម្ពុជា និង​លាវ។ សេចក្តី​ជូនដំណឹង​ដល់​ពលរដ្ឋ​តៃវ៉ាន់ កាលពី​ថ្ងៃ​សុក្រ ទី​១៤ ខែ​កុម្ភៈ ដែល​ផ្សាយ​នៅ​ថ្ងៃទី​១៨ ខែ​កុម្ភៈ ដោយ​សារព័ត៌មាន Taiwan News និង Asia News Network បញ្ជាក់​ថា អ្នក​ដំណើរ​អាច​នឹង​ឃើញ​ការ​ព្រមាន​នោះ​នៅ​លើ​សំបុត្រ​យន្តហោះ​របស់​គេ​នៅ​ពេល​យក​ចេញ​ពី​កុំព្យូទ័រ។ អាជ្ញាធរ​តៃវ៉ាន់ បាន​តាមដាន​ព្រឹត្តិការណ៍​ក្នុង​ប្រទេស​ទាំង ៥ ហើយ​រក​ឃើញ​ថា​ប៉ុន្មាន​ឆ្នាំ​មុន...

រដ្ឋមន្ត្រី​ការបរទេស​ចិន លោក វ៉ាង យី បាន​ហៅ​លោក Lai Ching-te ឬ​ហៅ​ឈ្មោះ​មួយ​ទៀត​ថា William Lai ប្រធានាធិបតី​កោះ​តៃវ៉ាន់ ដែល​បាន​ស្បថ​ចូល​កាន់​តំណែង​កាលពី​ថ្ងៃទី​២០ ឧសភា នេះ​ថា ជា​មនុស្ស​បង្ក​រឿង​មិន​ចេះ​ខ្មាសអៀន បង្កើន​វោហារ​វាយប្រហារ​លើ​ប្រទេស​ចិន។ យោង​តាម​សារព័ត៌មាន The Straits Times នៃ​ប្រទេស​សិង្ហបុរី សេចក្ដី​ថ្លែងការណ៍​នៃ​ក្រសួង​ការបរទេស​ចិន បាន​ហៅ​លោក Lai Ching-te...

នៅ​ទីបំផុត របប​នៅ​ទីក្រុង​មូស្គូ អស់​សង្ឃឹម​ព្រោះ​តែ​មាន​ទំនុកចិត្ត​ថា​សមាជិក​សភា​មកពី​បក្ស​សាធារណរដ្ឋ​ដែល​លម្អៀង​ទៅ​បេក្ខជន​ប្រធានាធិបតី ដូណាល់ ត្រាំ អាច​រាំង​ខ្ទប់​គម្រោង​ជំនួយ​យោធា​របស់​រដ្ឋការ​លោក ចូ បៃដិន ទៅ​ឱ្យ​អ៊ុយក្រែន តែ​ពេល​នេះ អង្ករ​ក្លាយ​ទៅ​ជា​បាយ​ទៅ​ហើយ ព្រោះ​ទាំង​ព្រឹទ្ធសភា និង​រដ្ឋសភា បាន​អនុម័ត​ជំនួយ​យោធា​ដ៏​មហិមា​ទៅ​ឱ្យ​អ៊ុយក្រែន តាម​សំណើ​សេតវិមាន។ ចំណែក​ទីក្រុង​ប៉េកាំង ក៏​ប្រតិកម្ម​នឹង​សហរដ្ឋ​អាមេរិក​ខ្លាំង​ណាស់​ដែរ ព្រោះ​តែ​បន្ថែម​ជំនួយ​យោធា​ទៅ​ឱ្យ​កោះ​តៃវ៉ាន់ ដែល​ក្រុង​ប៉េកាំង មាន​ផែន​លើក​ទ័ព​លេប​ត្របាក់​ដែន​កោះ​ដ៏​តូច​មួយ​នេះ​ឱ្យ​មក​នៅ​ក្រោម​ដំបូល​រដ្ឋ​កុម្មុយនីស្ត។ កាលពី​ថ្ងៃ​អង្គារ ទី​២៣ មេសា ព្រឹទ្ធសភា​សហរដ្ឋ​អាមេរិក បាន​អនុម័ត​កញ្ចប់​ជំនួយ​យោធា​សរុប ៩៥​ពាន់​លាន​ដុល្លារ​សម្រាប់​សម្ព័ន្ធមិត្ត​របស់​ទីក្រុង​វ៉ាស៊ីនតោន...

ចិន បាន​អំពាវនាវ​នៅ​ថ្ងៃ​ព្រហស្បតិ៍ ទី​១១ មករា នេះ ឱ្យ​សហរដ្ឋ​អាមេរិក​ឈប់​ជ្រៀតជ្រែក​កិច្ចការ​បោះឆ្នោត​នៅ​កោះ​តៃវ៉ាន់ និង​បាន​ថ្កោលទោស​ចំពោះ​ការ​ធ្វើ​ទស្សនកិច្ច​ទៅវិញ​ទៅមក​រវាង​មន្ត្រី​អាមេរិកាំង និង​មន្ត្រី​ដែន​កោះ​នេះ បន្ទាប់ពី​ទីក្រុង​វ៉ាស៊ីនតោន បាន​បង្ហើប​ថា ខ្លួន​មាន​ផែនការ​បញ្ជូន​គណៈប្រតិភូ​ក្រៅ​ផ្លូវការ​មួយ​ក្រុម​ទៅ​កាន់​ដែន​កោះ​នេះ ក្រោយ​ការ​បោះឆ្នោត​ប្រធានាធិបតី និង​សភា​តៃវ៉ាន់ អាណត្តិ​ថ្មី​រួចរាល់​ហើយ​នោះ។ តាម​ការ​ចេញ​ផ្សាយ​ដោយ​ទីភ្នាក់ងារ​ព័ត៌មាន Reuters ដែន​កោះ​តៃវ៉ាន់ នឹង​បោះឆ្នោត​ប្រធានាធិបតី និង​សភា នា​ថ្ងៃទី​១៣ មករា ចុង​សប្ដាហ៍​នេះ ដែល​អ្នក​មាន​សិទ្ធិ​បោះឆ្នោត​ជិត ២០​លាន​នាក់។ អ្នក​នាំពាក្យ​ក្រសួង​ការបរទេស​ចិន អ្នកស្រី...

កោះ​តៃវ៉ាន់ នឹង​ត្រូវ​រៀបចំ​ការ​បោះឆ្នោត​ជ្រើស​ប្រធានាធិបតី​ផង និង​សមាជិក​សភា​ផង នៅ​ថ្ងៃទី​១៣ ខែ​មករា ឆ្នាំ​២០២៤ ដែល​ជា​ការ​បោះឆ្នោត​មួយ​ស្ថិត​ក្រោម​ក្រសែភ្នែក​របស់​ប្រទេស​សម្ព័ន្ធ​សហរដ្ឋ​អាមេរិក និង​ប្រទេស​សម្ព័ន្ធ​ចិន។ គេ​ថា​ជា​ការ​បោះឆ្នោត​ដ៏​សំខាន់​ពាក់ព័ន្ធ​ភូមិសាស្ត្រ និង​ប្រជាធិបតេយ្យ​នៅ​អាស៊ី​ប៉ាស៊ីហ្វិក។ ខុស​ប្លែក​ពី​អាណត្តិ​មុនៗ​ដែល​ការ​បោះឆ្នោត​ផ្ដោត​លើ​បេក្ខជន​ប្រធានាធិបតី​សំខាន់ ២​រូប​ប៉ុណ្ណោះ តែ​ការ​បោះឆ្នោត​លើក​នេះ គឺជា​ការ​ប្រកួតប្រជែង​រវាង​បេក្ខជន​សំខាន់ៗ ៣​រូប រួម​មាន​លោក Lai Ching-te មកពី​គណបក្ស​ចម្រើន​ប្រជាធិបតេយ្យ ហៅ​កាត់​ថា DPP ជា​បក្ស​កាន់​អំណាច​នៅ​តៃវ៉ាន់។ ជា​បក្ស​មាន​ទំនោរ​គាំទ្រ​ឯករាជ្យ​របស់​តៃវ៉ាន់ ហើយ​មាន​សហរដ្ឋ​អាមេរិក​កាង​នៅ​ពីក្រោយ។ បក្ស​នេះ​ត្រូវ​តទល់​ជាមួយ​លោក Hou...

នៅ​ថ្ងៃទី​១៣ ខែ​មករា ឆ្នាំ​២០២៤ ខាងមុខ​នេះ ប្រជាជន​តៃវ៉ាន់ ដែល​មាន​សិទ្ធិ​បោះឆ្នោត ១៩​លាន ៥​សែន​នាក់​ក្នុង​ចំនួន​សរុប​ជិត ២៤​លាន​នាក់ ដែល​នឹង​ត្រូវ​ទម្លាក់​សន្លឹកឆ្នោត​របស់​ពួកគេ​ដើម្បី​ជ្រើសរើស​ប្រធានាធិបតី​ថ្មី និង​អនុ​ប្រធានាធិបតី រួម​ទាំង​ការ​បោះឆ្នោត​សមាជិក​សភា​ផង​ដែរ។ ស្ថានីយ​បោះឆ្នោត​នឹង​ត្រូវ​បើក​ទ្វារ​ចាប់ពី​ម៉ោង ៨​ព្រឹក​រហូត​ដល់ ៤​រសៀល ហើយ​លទ្ធផល​នឹង​ត្រូវ​ចេញ​ផ្សាយ​បណ្ដើរៗ​ចាប់ពី​យប់​ថ្ងៃ​បោះឆ្នោត គឺ​ចាប់ពី​ម៉ោង ៨​យប់។ គេ​រំពឹង​ថា រយៈពេល ៣​ម៉ោង​ប៉ុណ្ណោះ​ក្រោយ​ការ​បោះឆ្នោត​បិទ​បញ្ចប់ គេ​នឹង​អាច​ដឹង​ថា​បេក្ខជន​ណា មកពី​បក្ស​ណា ជា​បេក្ខជន​ឈ្នះ​ឆ្នោត។ តាម​ទម្លាប់ ប្រធានាធិបតី​ថ្មី​របស់​តៃវ៉ាន់...

ប្រទេស​ក្នុង​សមាគម​អាស៊ាន​ចំនួន ៤ សុទ្ធតែ​ជា​ប្រទេស​ធំ និង​មាន​ឥទ្ធិពល​ខ្លាំង រួម​ទាំង​កោះ​តៃវ៉ាន់ និង​ប្រទេស​ឥណ្ឌា បាន​ចេញ​សេចក្ដី​ថ្លែងការណ៍​ដាច់​ដោយឡែក​ពី​គ្នា ទាត់​ចោល​ផែនទី​ទាក់ទង​នឹង​ផ្ទៃ​ទឹក​នៃ​សមុទ្រ​ចិន​ខាងត្បូង ដែល​ប្រទេស​ចិន បង្កើត​ឡើង​សំដៅ​គ្រប់គ្រង​លំហ​សមុទ្រ​ដ៏​ធំ​មួយ​នេះ​ក្នុង​តំបន់​អាស៊ី។ ប្រទេស​បួន​ក្នុង​សមាគម​អាស៊ាន​ដែល​ទាត់​ចោល​ផែនទី​សមុទ្រ​ចិន​ខាងត្បូង មាន​ប្រទេស​ឥណ្ឌូនេស៊ី ហ្វីលីពីន វៀតណាម និង​ម៉ាឡេស៊ី។ សេចក្ដី​ថ្លែងការណ៍​របស់​ប្រទេស​ទាំង ៤ នេះ បាន​ទាមទារ​ថា បើ​ចិន​ត្រូវការ​ផែនទី​សមុទ្រ​ចិន​ខាងត្បូង គឺ​ក្រុង​ប៉េកាំង ត្រូវ​ចូល​តុ​ចរចា ហើយ​បង្កើត​គំនិត​រួម​គ្នា និង​លាតត្រដាង​ផែនទី​ដែល​គូស​រួម​គ្នា​នេះ​នៅ​លើ​តុ​តែ​មួយ ដោយ​មិន​ធ្វើ​ឡើង​ជា​ឯកតោភាគី​នោះ​ទេ។ ចំណែក​ប្រទេស​ឥណ្ឌា បញ្ជាក់​ថា...

គ្រប់​រដ្ឋការ​នៃ​ប្រធានាធិបតី​សហរដ្ឋ​អាមេរិក​ទាំងអស់ មិន​ដែល​ចង់​ឱ្យ​តៃវ៉ាន់​បាត់​របូត​ទៅ​ក្រោម​ដំបូល​បក្ស​កុម្មុយនីស្ត​ចិន​ដាច់ខាត ទោះ​ជា​ដឹង​ថា​ចិន​អាច​វាយ​យក​កោះ​តៃវ៉ាន់​បាន​យ៉ាង​ងាយ​ក៏ដោយ​នោះ។ ប្រធានាធិបតី​សហរដ្ឋ​អាមេរិក នៅតែ​ប្រកាន់​ថា តៃវ៉ាន់​គឺជា​រដ្ឋ​អធិបតេយ្យ​ប្រជាធិបតេយ្យ​មួយ​ដ៏​ខ្លាំង និង​ជា​ដៃគូ​មិន​អាច​ខ្វះ​បាន​របស់​ក្រុង​វ៉ាស៊ីនតោន។ ឆ្លងកាត់​ពី​រដ្ឋការ​មួយ​ទៅ​រដ្ឋការ​មួយ​នៃ​មេដឹកនាំ​សហរដ្ឋ​អាមេរិក មិន​ដែល​ទុក​ឱ្យ​ចិន​គំរាម​តៃវ៉ាន់​ងាយៗ​ឡើយ។ ឱ្យ​តែ​ចិន​គំរាម ឬ​បញ្ជូន​នាវាចម្បាំង​ធ្វើ​សមយុទ្ធ​ឡោមព័ទ្ធ​តៃវ៉ាន់ គេ​សង្កេត​ឃើញ​ប្រធានាធិបតី​អាមេរិក ចេញ​សេចក្ដី​ថ្លែងការណ៍​ថ្កោលទោស ហើយ​ក៏​សម្រេច​បញ្ជូន​នាវាចម្បាំង និង​យន្តហោះ​ចម្បាំង​ទៅ​ការពារ​ដែន​កោះ​តៃវ៉ាន់​ជាបន្ទាន់។ សហរដ្ឋ​អាមេរិក​ធ្វើ​ដូចនេះ ដោយ​យោង​លើ​កិច្ចព្រមព្រៀង​រួម​គ្នា។ កិច្ចព្រមព្រៀង​នេះ ត្រូវ​បាន​បង្កើត​តាំងពី​ឆ្នាំ​១៩៥៥ ខណៈ​តៃវ៉ាន់​នៅតែ​ប្រកាន់​របប​សាធារណរដ្ឋ​ចិន។ យោង​តាម​កិច្ចព្រមព្រៀង​នេះ សហរដ្ឋ​អាមេរិក​ប្រៀប​បាន​ជា​អាណាព្យាបាល​កោះ​តៃវ៉ាន់ និង​ការពារ​តៃវ៉ាន់​គ្រប់​កាលៈទេសៈ​ទាំងអស់ ដែល​ដែន​កោះ​មួយ​នេះ​រង​ការ​បំពាន​ពី​សំណាក់​ប្រទេស​ចិន។ តែ​បើ​យោង​តាម​ដំណោះស្រាយ​របស់​អង្គការ​សហប្រជាជាតិ លេខ​២៧៥៨ នៅ​ឆ្នាំ​១៩៧១ តៃវ៉ាន់...