ជម្លោះ​ដីធ្លី

សាលាដំបូង​ខេត្ត​កណ្តាល កោះហៅ​ស្នងការ​រង​ខេត្ត​កណ្ដាល លោក អ៊ុល ប៊ុណ្ណា ពាក់​ផ្កាយ​១ ឱ្យ​ចូល​បំភ្លឺ​នៅ​តុលាការ​នៅ​ថ្ងៃ​ទី​២៦ ខែ​មេសា ឆ្នាំ​២០២២ ពាក់ព័ន្ធ​នឹង​បទ​ចោទ​បំភ្លឺ​ករណី​បំភាន់​មន្ត្រី​សុរិយោដី និង​ប្រើ​អំពើ​ហិង្សា​ទៅលើ​អ្នក​កាន់កាប់​អចលនវត្ថុ។ ក្នុង​ដីកា​កោះហៅ​ចុះ​ថ្ងៃ​ទី​៨ ខែ​មេសា ឆ្នាំ​២០២២ ចេញ​ដោយ​ព្រះរាជអាជ្ញា​រង​នៃ​អយ្យការ​អម​សាលាដំបូង​ខេត្ត​កណ្តាល លោក សេង រិទ្ធី ដែល​ទើប​ត្រូវ​បាន​ផ្សព្វផ្សាយ បាន​តម្រូវ​ឱ្យ​ឧត្តមសេនីយ៍ត្រី អ៊ុល ប៊ុណ្ណា ពាក់​ផ្កាយ​១ ចូល​បំភ្លឺ​នៅ​ចំពោះ​មុខ​តុលាការ​នៅ​ថ្ងៃ​ទី​២៦ ខែ​មេសា...

តំណាង​ពលរដ្ឋ​ដែល​កំពុង​មាន​ជម្លោះ​ដីធ្លី​ជាមួយ​ក្រុមហ៊ុន​ព្រលាន​យន្តហោះ​អន្តរជាតិ​ថ្មី​នៅ​ខេត្ត​កណ្ដាល នាំគ្នា​យក​ញត្តិ​ទៅ​ដាក់​តាម​បណ្ដា​ស្ថានទូត​មួយ​ចំនួន​ប្រចាំ​នៅ​កម្ពុជា ដើម្បី​ឱ្យ​ជួយ​អន្តរាគមន៍​ទៅ​រដ្ឋាភិបាល​កម្ពុជា​ដោះស្រាយ​បញ្ហា​ដីធ្លី​របស់​ពួកគេ​ឱ្យ​បាន​សមរម្យ។ តំណាង​ពលរដ្ឋ​ម្នាក់ អ្នកស្រី អៀង សារី ប្រាប់​ក្រុម​អ្នក​សារព័ត៌មាន​អំឡុង​ពេល​ដាក់​ញត្តិ​ថា កន្លងមក ពួកគាត់​បាន​ដាក់​ញត្តិ​រក​អន្តរាគមន៍​ពី​អាជ្ញាធរ​ជាច្រើន​ដង​មក​ហើយ ប៉ុន្តែ​មក​ដល់​ថ្ងៃ​នេះ នៅតែ​មិន​ទាន់​មាន​ដំណោះស្រាយ​លើ​ករណី​នេះ​នៅឡើយ​ទេ ដែល​ធ្វើ​ឱ្យ​ពួកគាត់​អស់​ជំនឿ​លើ​ការ​ដោះស្រាយ​របស់​អាជ្ញាធរ​មូលដ្ឋាន និង​ថ្នាក់​ជាតិ។ អ្នកស្រី​បន្ត​ថា មូលហេតុ​នេះ​ហើយ​ទើប​ពួកគាត់​នាំគ្នា​មក​រក​កិច្ច​អន្តរាគមន៍​ពី​ស្ថានទូត​នានា​នៅ​រាជធានី​ភ្នំពេញ ដើម្បី​ឱ្យ​ជួយ​ជំរុញ​ទៅ​រដ្ឋាភិបាល​កម្ពុជា​ដោះស្រាយ​វិវាទ​ដីធ្លី​ជូន​ពួកគាត់ ខណៈ​ការ​ចុះ​ដោះស្រាយ​របស់​អាជ្ញាធរ​ពាក់ព័ន្ធ​កន្លងមក មិន​បាន​ពិភាក្សា​ជាមួយ​ពលរដ្ឋ​ឱ្យ​បាន​ច្បាស់លាស់ ហើយ​ថែមទាំង​ធ្វើការ​សម្រេច​លើ​ការ​កំណត់​តម្លៃ​ទាំង​ឯកតោ​ភាគី​ទៀត។ អ្នកស្រី អៀង សារី ចាត់ទុក​ការ​ដោះស្រាយ​របស់​អាជ្ញាធរ​ថា​ជា​ការ​រំលោភ​ច្បាប់ និង​សិទ្ធិ​របស់​ពួកគាត់​យ៉ាង​ធ្ងន់ធ្ងរ។ ទោះជា​យ៉ាងណា តំណាង​ពលរដ្ឋ​រូប​នេះ​បង្ហាញ​ក្ដី​សង្ឃឹម​ថា ស្ថានទូត​ប្រទេស​លោក​សេរី...

បុរស​ខ្លាំង​កម្ពុជា លោក ហ៊ុន សែន កាត់​ដី​រដ្ឋ​រាប់​រយ​ហិកតារ​ប្រគល់​ឱ្យ​ប្អូនស្រី​របស់​ខ្លួន និង​គ្រួសារ​សមាជិក​ព្រឹទ្ធសភា​គណបក្ស​កាន់​អំណាច ឧកញ៉ា លី យ៉ុងផាត់ រួម​ទាំង​វិស័យ​ឯកជន​ធំៗ​មួយ​ចំនួន​ទៀត។ ដី​រដ្ឋ​ទំហំ​ប្រមាណ ៣​ម៉ឺន ៦​ពាន់​ហិកតារ ត្រូវ​បាន​លោក ហ៊ុន សែន ផ្តល់​សម្បទាន​សេដ្ឋកិច្ច​ទៅ​ក្រុមហ៊ុន​ចិន Union Development Group ឬ​ហៅ​កាត់​ថា UDG ដែល​រង​ទណ្ឌកម្ម​ក្រោម​ច្បាប់ Magnitsky របស់​អាមេរិក។...

ពលរដ្ឋ​ដែល​អាស្រ័យ​ផល​បឹង​វាលសំណាប ស្ថិត​ក្នុង​ស្រុក​ល្វាឯម និង​ស្រុក​ខ្សាច់កណ្ដាល ខេត្ត​កណ្តាល អំពាវនាវ​ឲ្យ​រដ្ឋាភិបាល​កាត់​ឆ្វៀល​ដី​របស់​ពួកគេ​ចេញពី​ដី​សាធារណៈ​របស់​រដ្ឋ បន្ទាប់ពី​លោក ហ៊ុន សែន ចេញ​អនុក្រឹត្យ​សម្រេច​ជួល​ផ្ទៃដី​បឹង​នោះ​ឱ្យ​ឧកញ៉ា ឃុន សៀ ដើម្បី​ធ្វើការ​អភិវឌ្ឍ។ ការ​អំពាវនាវ​នេះ បន្ទាប់ពី​ពលរដ្ឋ​រាប់​រយ​នាក់​បាន​ផ្ទុះ​ការ​តវ៉ា​ប្រឆាំង​គ្រឿងចក្រ​របស់​ក្រុមហ៊ុន​ដែល​បាន និង​កំពុង​ធ្វើ​សកម្មភាព​កាយ​ក្រវាត់​ព្រំ​ដី​បឹង​វាលសំណាប កាលពី​ថ្ងៃ​ទី​២៩ ខែ​មីនា ឆ្នាំ​២០២២។ ក្រុម​ពលរដ្ឋ​ទាំងនោះ​អះអាង​ថា សកម្មភាព​របស់​ក្រុមហ៊ុន​កំពុង​ធ្វើ បាន​ប៉ះពាល់​ដល់​ដី​របស់​ពួកគេ​ដែល​កំពុង​អាស្រ័យ​ផល​ស្រែ​ប្រាំង។ ផ្ទៃ​បឹង​វាលសំណាប​ទំហំ​ជិត​ប្រាំ​ពាន់​ហិកតារ (៤៨១៤​ហិកតារ) ស្ថិត​ក្នុង​ស្រុក​ល្វាឯម និង​ស្រុក​ខ្សាច់កណ្ដាល ខេត្ត​កណ្តាល...

ពលរដ្ឋ​មាន​ជម្លោះ​ដីធ្លី​ជាមួយ​ឧកញ៉ា ហេង ហ៊ុយ ជាង ១០០​នាក់ នៅ​ខេត្ត​កោះកុង បាន​នាំគ្នា​ឡើង​មក​ប្រមូលផ្ដុំ​នៅ​មុខ​ក្រសួង​មហាផ្ទៃ ដើម្បី​ស្វែងរក​កិច្ច​អន្តរាគមន៍ និង​ឆ្លើយ​បំភ្លឺ​ករណី​ជម្លោះ​ដីធ្លី​ជាមួយ​លោក ហេង ហ៊ុយ ដែល​ជា​មន្ត្រី​នគរបាល​ពាក់​ផ្កាយ​ពីរ និង​ជា​អ្នក​មាន​ងារ​ជា​ឧកញ៉ា​ផង​ដែរ។ ពលរដ្ឋ​ដែល​ឡើង​មក​ដាក់​ញត្តិ និង​មក​បំភ្លឺ​នៅ​ក្រសួង​មហាផ្ទៃ នា​ថ្ងៃ​ចន្ទ ទី​២៨ មីនា មកពី​សហគមន៍​ចំនួន​៣ នៃ​ស្រុក​បុទុមសាគរ និង​ស្រុក​ស្រែអំបិល។ សហគមន៍​ទាំង​៣ ដែល​ទៅ​ប្រមូលផ្ដុំ​នៅ​មុខ​ក្រសួង​មហាផ្ទៃ ក្នុង​នោះ​មាន​សហគមន៍​១៩៧ សហគមន៍​ព្រលាន...

រដ្ឋមន្ត្រី​ក្រសួង​មហាផ្ទៃ លោក ស ខេង ប្រាប់​ទៅ​អាជ្ញាធរ​តាម​បណ្ដោយ​ព្រំដែន​កម្ពុជា-វៀតណាម ត្រូវ​ពង្រឹង​ការ​ការពារ​អធិបតេយ្យភាព និង​បូរណភាព​ទឹកដី​របស់​ខ្លួន និង​ត្រូវ​ប្រាប់​ពលរដ្ឋ​ខ្មែរ​ឲ្យ​ឈប់​ជួល​ដី​ទៅ​ពលរដ្ឋ​វៀតណាម​អាស្រ័យ​ផល​បន្ត​ទៀត ព្រោះ​វា​អាច​នឹង​បង្ក​ជា​ទំនាស់​ដីធ្លី​ដែល​ពិបាក​ដោះស្រាយ។ ថ្លែង​ក្នុង​ពិធី​បិទ​សន្និបាត​បូក​សរុប​លទ្ធផល​ការងារ​ឆ្នាំ​២០២១ និង​លើក​ទិសដៅ​ការងារ​ឆ្នាំ​២០២២ នៅ​ខេត្ត​ព្រៃវែង នា​ថ្ងៃ​ទី​២២ ខែ​មីនា លោក ស ខេង អះអាង​ថា អាជ្ញាធរ​នៅ​តាម​ព្រំដែន​ត្រូវ​ពង្រឹង​ការ​ការពារ​អធិបតេយ្យភាព និង​បូរណភាព​ទឹកដី​បន្ថែម​ទៀត ខណៈ​នគរបាល​ត្រូវ​បន្ត​យកចិត្ត​ទុកដាក់​ពាក់ព័ន្ធ​នឹង​ការ​គ្រប់គ្រង​សន្តិសុខ​តាម​ព្រំដែន ដើម្បី​ទប់ស្កាត់​ការ​លួច​ឆ្លងដែន និង​ការ​រត់​ពន្ធ​ខុស​ច្បាប់​ចូល​កម្ពុជា។ លោក ស ខេង...

ពលរដ្ឋ​ជិត ២០០​នាក់​នៅ​ស្រុក​បុទុមសាគរ និង​ស្រុក​ថ្មបាំង ដែល​កំពុង​មាន​ជម្លោះ​ដីធ្លី​ជាមួយ​ក្រុមហ៊ុន​របស់​ឧកញ៉ា លី យ៉ុងផាត់ សមាជិក​ព្រឹទ្ធសភា​គណបក្ស​ប្រជាជន​កម្ពុជា បាន​នាំគ្នា​ទៅ​ប្រមូលផ្ដុំ​តវ៉ា​នៅ​មុខ​សាលាដំបូង​ខេត្ត​កោះកុង ជា​ថ្មី ខណៈ​តំណាង​របស់​ពួកគេ ២​នាក់​ចូល​បំភ្លឺ​នៅ​តុលាការ។ តំណាង​អយ្យការ​អម​សាលាដំបូង​ខេត្ត​កោះកុង បាន​ចេញ​ដីកា​កោះហៅ​តំណាង​សហគមន៍​ចំនួន ២​នាក់​ទៀត​ឱ្យ​ចូល​បំភ្លឺ​នៅ​តុលាការ​នៅ​ថ្ងៃ​ទី​២១ ខែ​មីនា ដើម្បី​សាកសួរ​បទ​ចោទ​ករណី «បង្ក​ភាព​ចលាចល​ធ្វើ​ឱ្យ​ខូច​សណ្ដាប់ធ្នាប់» នៅ​ក្នុង​ភូមិសាស្ត្រ​ខេត្ត​កោះកុង។ តំណាង​ទាំង​ពីរ​នាក់​ដែល​រង​បណ្ដឹង​ពី​តុលាការ​នោះ មាន​អ្នកស្រី ជឹម ថន និង​អ្នកស្រី ណុប សុថា។ ពលរដ្ឋ​ដែល​ទៅ​គាំទ្រ​នៅ​មុខ​សាលាដំបូង​ខេត្ត​កោះកុង...

នៅ​ក្នុង​ថ្ងៃ​អបអរ​សាទរ​ខួប​លើក​ទី​១១១ នៃ​ទិវា​អន្តរជាតិ​នារី ៨ មីនា លោកស្រី ហុយ ម៉ៃ ជនរងគ្រោះ​នៅ​ក្នុង​ជម្លោះ​ដីធ្លី​ដែល​បាន​បាត់បង់​គ្រប់​យ៉ាង​តាំងពី​ទ្រព្យសម្បត្តិ គ្រួសារ ដោយសារតែ​តស៊ូ​ប្រឆាំង​ជាមួយ​ក្រុមហ៊ុន Mitr Phol ដែល​ជា​ក្រុមហ៊ុន​ស្ករស​ដ៏​ធំ​បំផុត​នៅ​អាស៊ី និង​អ្នក​ផ្គត់ផ្គង់​ដ៏​សំខាន់​មួយ​ក្នុង​ចំណោម​អ្នក​ផ្គត់ផ្គង់​ធំ​បី​របស់​ក្រុមហ៊ុន​កូកាកូឡា ស្នើ​ទៅ​ដល់​រដ្ឋាភិបាល​ផ្តល់​យុត្តិធម៌​ដល់​ជនរងគ្រោះ​ទាំងអស់ និង​ឈប់​ធ្វើ​បាប​ស្ត្រី​ដែល​រងគ្រោះ​នៅ​ក្នុង​ជម្លោះ​ដីធ្លី។ ស្ត្រី​វ័យ ៦០​ឆ្នាំ មាន​កូន ៨​នាក់ អ្នកស្រី ហុយ ម៉ៃ បាន​ខិតខំ​តស៊ូ​ប្រឆាំង​ជាមួយ​ក្រុមហ៊ុន Mitr...

ពលរដ្ឋ​នាំគ្នា​ផ្ទុះ​ការ​តវ៉ា​បន្ទាប់​កងកម្លាំង​សមត្ថកិច្ច​ចម្រុះ​នៅ​ថ្ងៃ​ទី​២៨ កុម្ភៈ បាន​ចុះ​រុះរើ​ផ្ទះ​ពលរដ្ឋ​ដោយ​មិន​ជូនដំណឹង និង​មិន​ដោះស្រាយ​សំណង​ជូន​ពួកគេ។ សមត្ថកិច្ច​ចម្រុះ​ជាច្រើន​នាក់ នា​ព្រឹក​ថ្ងៃ​ចន្ទ ទី​២៨ កុម្ភៈ បាន​ចុះទៅ​រុះរើ​ផ្ទះ​ប្រជាពលរដ្ឋ ១​ខ្នង​ដែល​កំពុង​រស់នៅ​តាម​បណ្ដោយ​ផ្លូវ​លេខ​១៣១ សង្កាត់​ពញាពន់ ខណ្ឌ​ព្រែកព្នៅ រាជធានី​ភ្នំពេញ។ ពលរដ្ឋ​ដែល​កំពុង​រស់នៅ​ទីនោះ​បង្ហាញ​ការ​ព្រួយបារម្ភ​ខ្លាច​មាន​ការ​បណ្ដេញ​ទាំង​បង្ខំ ខណៈ​ផ្ទះ​ពលរដ្ឋ ១១​ខ្នង ក្នុង​នោះ​មាន​មួយ​ខ្នង​ហើយ​ត្រូវ​បាន​សមត្ថកិច្ច​ចម្រុះ​របស់​រដ្ឋាភិបាល​កម្ពុជា​ចុះ​រុះរើ ដោយ​មិន​បាន​ជូនដំណឹង និង​មិន​ដោះស្រាយ​សំណង​ជូន​ពួកគាត់​ឡើយ។ បើ​តាម​ពលរដ្ឋ អះអាង​ថា នៅ​ទីតាំង​ខាងលើ​ដំបូង​ឡើយ​មាន​ផ្ទះ​ពលរដ្ឋ​សរុប ២៣​ខ្នង តែ​ក្រោយមក​មាន​ប្រជាពលរដ្ឋ​ចំនួន ១២​ខ្នង​ផ្ទះ​បាន​ព្រម​ទទួលយក​សំណង​ជា​ដី​ឡូត៍​ទំហំ​ទទឹង ៥​ម៉ែត្រ...

ពលរដ្ឋ​នៅ​សហគមន៍​ឧត្ដមស្រែខ្ពស់ ក្នុង​ខេត្ត​កំពង់ស្ពឺ បាន​ឲ្យ​ដឹង​ថា សមាជិក​សហគមន៍​ចំនួន ៣​នាក់​បាន​រង​របួល ដោយសារតែ​ក្រុម​ទាហាន​បាន​ប្រើ​អំពើ​ហិង្សា​ក្នុង​ពេល​ពួកគាត់​បាន​ព្យាយាម​ចូល​ទៅ​ការពារ និង​ទប់ស្កាត់​ក្រុម​ទាហាន​ទាំងនោះ​កុំ​ឲ្យ​ឈូស​ឆាយ និង​កាប់​ទន្ទ្រាន​ដី​ព្រៃ​សហគមន៍​ឧត្ដមស្រែខ្ពស់ ក្នុង​ស្រុក​ឱរ៉ាល់ ខេត្ត​កំពង់ស្ពឺ នៅ​ថ្ងៃ​ទី​២២ ខែ​កុម្ភៈ ឆ្នាំ​២០២២។ តាម​ការ​ប្រកាស​របស់​សហគមន៍​ឧត្តមស្រែខ្ពស់ នៅ​ថ្ងៃ​ទី​២២ កុម្ភៈ នេះ​បាន​ឲ្យ​ដឹង​ថា សមាជិក​សហគមន៍​ឧត្តមស្រែខ្ពស់ និង​សហគមន៍​ត្រពាំងជោរ ប្រមាណ ៣០​នាក់ បាន​នាំគ្នា​ទៅ​ទប់ស្កាត់​ក្រុម​ទាហាន «ង​៧០» ដែល​បាន​ដឹកនាំ​កម្លាំង​ប្រមាណ ២០​នាក់​ទៅ​កាប់​រំលំ​ដើមឈើ​ចម្រុះ​នៅ​ព្រៃ​សហគមន៍​ឧត្តមស្រែខ្ពស់...