ឌឹ ខេមបូឌា ដេលី

កម្មវិធី Idea Talk តាមបណ្តាញ Facebook Live របស់កាសែត The Cambodia Daily រួមមានព័ត៌មានសំខាន់ៗប្រចាំថ្ងៃនិងកិច្ចពិភាក្សាជាមួយវាគ្មឹន

រដ្ឋាភិបាល​ស្នើ​តែង​តាំង​មេ​ដឹកនាំ​សហជីព​មួយ​ចំនួន​ និង​មន្ត្រី​របស់​សមាគម​រោងចក្រ​កាត់ដេរ​នៅ​កម្ពុជា​ហៅ​កាត់ថា​GMAC​ ជា​ទីប្រឹក្សា​របស់​ក្រសួង​ការងារ​ និង​បណ្តុះ​បណ្តាល​វិជ្ជាជីវៈ ​ដោយ​មាន​ឋានៈ​ស្មើ​​នឹង​អនុរដ្ឋ​លេខាធិការ។​

គណបក្ស​ប្រជាជន​កម្ពុជា​នឹង​បើក​សន្និបាត​បក្ស​រយៈ​ពេល​៣​ថ្ងៃ ចាប់ពី​ថ្ងៃ​ស្អែក​ដល់​ថ្ងៃទី​២០​ខែ​មករា​ខាង​មុខ។ ​លោក​នាយក​រដ្ឋមន្រ្តី​ហ៊ុន សែន​ និង​ជា​ប្រធាន​គណបក្ស​ប្រជាជន​កម្ពុជា​អះអាង​ថា ​សន្និបាត​នោះ​នឹង​ផ្តោត​ជា​សំខាន់​កិច្ចការ​ចំពោះ​មុខ​ដែល​ត្រូវ​ដោះស្រាយ​ និង​​ការ​ជឿទុក​ចិត្ត​របស់​មហាជន​មក​លើ​បក្ស​កាន់​អំណាច​របស់​លោក។​

តម្លៃ​អគ្គិសនី​តាម​ស្ថាប័ន​សាធារណៈ ​ដូច​ជា​សាលា​រៀន​មន្ទីរពេទ្យ​ជាដើម​ នឹង​ចុះថោក​បន្ថែម​ទៀត​មក​នៅ​ត្រឹម​តម្លៃ​៦១០​រៀល​ក្នុង​មួយ​គីឡូវ៉ាត់​ម៉ោង​ នៅ​ឆ្នាំ ​២០១៩​ និង​២០២០​ខាង​មុខ។​

អាជ្ញាធរ​ថៃ​នឹង​បញ្ជូន​ពលករ​ខ្មែរ​ម្នាក់​ដែល​ត្រូវ​សមត្ថ​កិច្ច​ចាប់​ខ្លួន​ក្នុង​ប្រទេស​ថៃ​តាម​សំណើ​របស់​រដ្ឋាភិបាល​ទីក្រុង​ភ្នំពេញ​ពាក់ព័ន្ធ​នឹង​ការ​ជួយ​ដល់​ការ​ផលិត​ខែ្ស​ភាពយន្ត​ឯកសារ​ដែល​មាន​ចំណង​ជើង​ថា ​«ម្តាយ​ខ្ញុំ ​លក់​ខ្ញុំ»​​របស់​បណ្តាញ​ទូរទស្សន៍​Russia Today ​កាលពី​ខែ​តុលា។​

សកម្មជន​បរិស្ថាន​រក​ឃើញ​ថា ​មាន​ការ​បង្ហូរ​ទឹក​កខ្វក់​ចូល​ទៅ​ក្នុង​ទឹក​សមុទ្រ​នៅ​តាម​តំបន់​ឆ្នេរ​អូរ​ឈើទាល​នៃ​ខេត្ត​ព្រះ​សីហនុ ​ខណៈ​តំបន់​នោះមាន​បំពង់​លូ​ជិត​៣០​កន្លែង ​សុទ្ធសឹង​តែ​មាន​ការ​បង្ហូរ​ទឹក​កខ្វក់​ ចូល​ទៅ​ក្នុង​សមុទ្រ​។

សហគមន៍​ជនជាតិ​ដើម​ភាគ​តិច​ និង​អង្គការ​សង្គម​ស៊ីវិល​មួយ​ចំនួន​នៅ​ក្នុង​ខេត្ត​ព្រះ​វិហារ​អះអាង​ថា​ អាជ្ញាធរ​ខេត្ត​នេះ​បាន​រឹតត្បិត​សិទ្ធិ​សេរី​ភាព​របស់​ពួកគេ​ដែល​បាន​ស្នើ​សុំ​ប្រាព្ធ​ទិវា​សិទ្ធិ​មនុស្ស​អន្តរ​ជាតិ​១០​ ធ្នូ​លើក​ទី​៧០។

ពលរដ្ឋ​ដែល​មាន​ជម្លោះ​ដីធ្លី​មក​ពី​ខេត្ត​ចំនួន​៧​និង​ក្រុម​សង្គម​ស៊ីវិល​ជា​ច្រើន​បាន​រួម​គ្នា​ប្រារព្ធ​ទិវា​សិទ្ធិ​មនុស្ស​អន្តរ​ជាតិ​១០​ធ្នូ​ក្នុង​ខេត្ត​កំពង់ស្ពឺ។​ ការ​ប្រារព្ធ​ទិវា​សិទ្ធិ​មនុស្ស​អន្តរជាតិ​ខួប​លើក​ទី​៧០​ក្នុង​ឆ្នាំ​នេះ​ធ្វើ​ឡើង​ក្រោម​ប្រធាន​បទ​រួមគ្នា​ធ្វើ​ឲ្យ​ប្រសើរ​ឡើង​វិញ​នូវ​សិទ្ធិ​ជា​មូលដ្ឋាន​និង​លទ្ធិ​ប្រជា​ធិបតេយ្យ។​

ក្រុម​អង្គការ​សង្គម​ស៊ីវិល​ដែល​មាន​សមាគម​និង​សហជីព​កម្មករ​ជាច្រើន​បាន​ស្នើ​សុំ​ឲ្យ​សាលាក្រុង​ភ្នំពេញ​អនុញ្ញាត​ឲ្យ​ពួក​គេ​​ប្រារព្ធ​ខួប​លើក​ទី​៧០​ នៃ​ទិវា​សិទ្ធិ​មនុស្ស​១០​ឆ្នូ។ ​ក្រុម​សង្គម​ស៊ីវិល​ទាំង​នោះ​អះអាង​ថា ​ពួកគេ​មាន​គ្នា​ប្រហែល​១​ពាន់​នាក់​ មាន​គម្រោង ​ដើរ​ហែ​ក្បួន​​ពី​សួន​ច្បារ​មុខ​ក្រុម​ប្រឹក្សា​អភិវឌ្ឍន៍​កម្ពុជា​ ដែល​មាន​ទីតាំង​ក្បែរ​វត្តភ្នំ​ឆ្ពោះទៅ​ទីលាន​ប្រជា​ធិបតេយ្យ ​ក្នុង​រាជធានី​ភ្នំពេញ។​

មន្រ្តី​សាខា​កាំកុងត្រូល​ខេត្ត​បន្ទាយ​មានជ័យ​ កាលពី​ថ្ងៃ​ទី​៦​ ខែ​ធ្នូ​ បាន​ធ្វើ​តេស្ត​រក​កម្រិត​គុណភាព​ និង​បរិមាណ​សាំង​លក់​នៅតាម​ស្ថានីយ៍​លក់​ប្រេង​ឥន្ធនៈ​ចំនួន​​១០​ក្នុង​នោះ​សមត្ថ​កិច្ច​បាន​រក​ឃើញ​ថា​ ​ស្ថានីយ៍ ​និង​ដេប៉ូ​ចំនួន​៩ ​ទីតាំង​នៅ​តាម​បណ្តោយ​ផ្លូវ​ជាតិ​លេខ​៥៨​ចាប់ពី​ស្រុក​អូរជ្រៅ​រហូត​ដល់​ស្រុក​ថ្មពួក​ និង​ស្រុក​ស្វាយចេក​លក់​ប្រេង​មិន​គ្រប់​ចំណុះ ​និង​មិន​មាន​គុណភាព​ត្រឹមត្រូវ។​