29 C
Phnom Penh

អាជ្ញាធរ​ ខេត្ត​ព្រះ​វិហារ​រឹតត្បិត​សិទ្ធិ​សេរីភាព​​ប្រារព្ធ​​ទិវា​​សិទ្ធិ​មនុស្ស​អន្តរជាតិ​

ដោយ ឌឹ ខេមបូឌា ដេលី

បទវិភាគ

សហគមន៍​ជនជាតិ​ដើម​ភាគ​តិច​ និង​អង្គការ​សង្គម​ស៊ីវិល​មួយ​ចំនួន​នៅ​ក្នុង​ខេត្ត​ព្រះ​វិហារ​អះអាង​ថា​ អាជ្ញាធរ​ខេត្ត​នេះ​បាន​រឹតត្បិត​សិទ្ធិ​សេរី​ភាព​របស់​ពួកគេ​ដែល​បាន​ស្នើ​សុំ​ប្រាព្ធ​ទិវា​សិទ្ធិ​មនុស្ស​អន្តរ​ជាតិ​១០​ ធ្នូ​លើក​ទី​៧០។​

ពួក​គេ​និយាយ​ថា ​អភិបាល​ខេត្ត​ព្រះ​វិហារ​លោក ​អ៊ុន ចាន់ដា​ បាន​ដាក់​លក្ខខណ្ឌ​ចំនួន​៦​ចំណុច​ដល់​ពួកគេ​ឲ្យ​អនុវត្ត​មុន​នឹង​អនុញ្ញាត​ឲ្យ ​ពួកគេ​ប្រារព្ធ​ទិវា​សិទ្ធិ​មនុស្ស​នេះ។​

លក្ខខណ្ឌ​ទាំង​៦​ចំណុច​នោះ​រួមមាន​ត្រូវ​រៀបចំ​កម្ម​វិធី​ប្រុង​ប្រយ័ត្ន​ ដើម្បី​បញ្ចៀស​គ្រោះ​ថ្នាក់​ចរាចរណ៍​ មិន​ត្រូវ​ហែរ​ក្បូន​ និង​ស្រែក​ឃោសនា​តាម​ផ្លូវ​ មិន​ត្រូវ​ធ្វើ​កម្ម​វិធី​ពិភាក្សា​សំណួរ ​និង​ចម្លើយ​ និង​ត្រូវ​លុប​ពាក្យ​ស្លោក​ដែល​សរសេរ​ថា ​សិទ្ធិ​យើង​ ដី​យើង​ ស្បៀង​យើង ​និង​ សហគមន៍​មូលដ្ឋាន​ជនជាតិ​ដើម​ភាគ​តិច​ជា​ម្ចាស់​លើដី​ធ្លី។​

ក្រុម​ប្រជា​ពលរដ្ឋ​និយាយ​ថា ​លក្ខខណ្ឌ​ដ៏​ស្មុគស្មាញ​ទាំង​នេះ​នឹង​បំផ្លាញ​ដល់​លំហ​​សេរីភាព​ក្នុង​ការ​បញ្ចេញ​មតិ​ និង​សេចក្តី​ប្រកាស​របស់​ក្រសួង​មហា​ផ្ទៃ​ដែល​បាន​ជំរុញ​ឲ្យ​អាជ្ញាធរ​ទាំងអស់​ត្រូវ​បើក​សិទ្ធិ​ឲ្យ​ក្រុម​សហគមន៍ ​សមាគម ​និង​អង្គការ​ក្រៅ​រដ្ឋាភិបាល​មាន​សិទ្ធិ​ធ្វើ​សកម្ម​របស់​ខ្លួន​ដោយ​មិន​ចាំបាច់​សុំការ​អនុញ្ញាត​ពី​អាជ្ញាធរ​មូលដ្ឋាន​នោះ។​

ទោះជាយ៉ាង​ណា​ក៏​ដោយ ​ក្រុម​សង្គម​ស៊ីវិល​ក្នុង​ខេត្ត​ព្រះ​វិហារ​អះអាង​ថា ​ពួកគេ​នៅតែ​បន្ត​ការ​ប្រារព្ធ​ទិវា​សិទ្ធិ​មនុស្ស​១០​ធ្នូ​នេះ​ដដែល​បើទោះបី​អាជ្ញាធរ​បាន​ដាក់​លក្ខខណ្ឌ​តឹងរ៉ឹង​យ៉ាងណា​ក៏ដោយ៕​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស