AUTHOR NAME
ឌឹ ខេមបូឌា ដេលី
2597 POSTS
0 COMMENTS
អ្នកឃ្លាំមើលថាមេដឹកនាំនយោបាយបច្ចុប្បន្នជាអ្នកប្រកបរបរនយោបាយសម្រាប់ប្រយោជន៍ផ្ទាល់ខ្លួន
អ្នកសង្កេតការណ៍កម្ពុជា រិះគន់ថា អ្នកនយោបាយនៅកម្ពុជាសព្វថ្ងៃនេះគ្រាន់តែជាអ្នកប្រកបមុខរបរក្នុងកិច្ចការនយោបាយប៉ុណ្ណោះ ព្រោះថាមេដឹកនាំនយោបាយទាំងនោះ មិនអាចមានលទ្ធភាព ឬសមត្ថភាពស្ដារលទ្ធិប្រជាធិបតេយ្យ ការគោរពសិទ្ធិមនុស្ស និងនីតិរដ្ឋសម្រាប់កម្ពុជាឱ្យរឹងមាំបានទេ។
អ្នកសង្កេតការណ៍កម្ពុជា លោក សុខ សុគន្ធ បានលើកឡើងក្នុងកិច្ចពិភាក្សាក្នុងកម្មវិធី Idea Talk នៃសារព័ត៌មាន The Cambodia Daily កាលពីរាត្រីថ្ងៃទី២១ ខែកុម្ភៈ ថា អ្នកនយោបាយនៅកម្ពុជា គឺជាក្រុមអ្នកនយោបាយដែលគ្មានគោលដៅដើម្បីជាតិពិតប្រាកដនោះទេ ប៉ុន្តែពួកគេគ្រាន់តែប្រឹងរកកន្លែងឈរជើង...
ក្រុមសន្តិសុខចាប់អូសនិងសែងកូដករណាហ្គាវើលដ៍ដាក់រថយន្តក្រុងបន្ទាប់ពីពួកគេបន្តធ្វើកូដកម្ម
ក្រុមសន្តិសុខខណ្ឌដូនពេញ ចាប់អូស និងសែងកូដករក្រុមហ៊ុនណាហ្គាវើលដ៍ (NAGA World) ដាក់រថយន្តក្រុងរបស់សាលារាជធានីភ្នំពេញ ខណៈពួកគេបានចេញធ្វើកូដកម្មជាថ្មីម្ដងទៀតនៅរសៀលថ្ងៃអង្គារ ទី២២ ខែកុម្ភៈ ឆ្នាំ២០២២។
កូដករក្រុមហ៊ុនណាហ្គាវើលដ៍ បាននាំគ្នាបន្តប្រមូលផ្ដុំនៅក្បែរក្រុមហ៊ុនជាថ្មីម្តងទៀត ដើម្បីទាមទារឱ្យរដ្ឋាភិបាលដោះលែងថ្នាក់ដឹកនាំ និងសកម្មជនទាំង ១១នាក់ រួមទាំងដោះស្រាយវិវាទការងារជាមួយក្រុមហ៊ុន តែការប្រមូលផ្ដុំនេះត្រូវបានអាជ្ញាធររារាំង។
ក្រុមសន្តិសុខខណ្ឌដូនពេញជាច្រើននាក់បានរារាំងកូដករមិនឱ្យប្រមូលផ្ដុំគ្នា។ ការរារាំងនេះ ក្រុមសន្តិសុខបានចាប់អូស និងសែងក្រុមកូដករជាង ៦០នាក់ដែលសុទ្ធតែជាស្ត្រី បង្ខំយកទៅដាក់ក្នុងរថយន្តក្រុងចំនួន ២គ្រឿងរបស់សាលារាជធានីភ្នំពេញ រួចដឹកទៅកាន់មណ្ឌលចត្តាឡីស័កនៅខណ្ឌព្រែកព្នៅ។
អំឡុងពេលពួកគេជិះនៅលើរថយន្តក្រុងដែលអាជ្ញាធរដឹកទៅមណ្ឌលចត្តាឡីស័កនៅខណ្ឌព្រែកព្នៅ ក្រុមកូដករបាននាំគ្នាលើកបដាភ្ជាប់ជាមួយពាក្យ...
លោក ហ៊ុន សែន ថាកំពង់ផែសមុទ្រទឹកជ្រៅព្រះសីហនុពុំមែនជាអន្ទាក់បំណុលចិនទេ
បុរសខ្លាំងកម្ពុជា លោក ហ៊ុន សែន ប្រតិកម្មចំពោះក្រុមអ្នកវិភាគដែលលើកឡើងថា កំពង់ផែទឹកជ្រៅព្រះសីហនុ អាចក្លាយជាអន្ទាក់បំណុលរបស់ចិនដូចកំពង់ផែស្រីលង្កា ថាជាការបំភ័ន្តសភាពការណ៍។ លោកអះអាងថា កំពង់ផែនេះ គឺជាការរ៉ាប់រង និងទទួលខុសត្រូវពីរដ្ឋាភិបាលជប៉ុន។
លោក ហ៊ុន សែន បានថ្លែងនៅក្នុងឱកាសបើកការដ្ឋានសាងសង់ស្ថានីយប្រព្រឹត្តិកម្មទឹកកខ្វក់បឹងជើងឯកក្នុងខណ្ឌមានជ័យ រាជធានីភ្នំពេញ នៅព្រឹកថ្ងៃទី២២ ខែកុម្ភៈ ឆ្នាំ២០២២ ថា កំពង់ផែសមុទ្រទឹកជ្រៅនៅក្រុងព្រះសីហនុ ត្រូវបានជួយសាងសង់ដោយជប៉ុន មិនមែនចិន នោះទេ។
បុរសខ្លាំងកម្ពុជា...
IDEA TALK៖ បុព្វហេតុដែលធ្វើឱ្យអ្នកប្រជាធិបតេយ្យបាត់បង់សណ្ដាប់ធ្នាប់ និងគ្មានវិន័យ?
កម្មវិធី Idea Talk សម្រាប់រាត្រីថ្ងៃទី២២ ខែកុម្ភៈ ឆ្នាំ២០២២ ស្តីអំពី៖ «បុព្វហេតុដែលធ្វើឱ្យអ្នកប្រជាធិបតេយ្យបាត់បង់សណ្ដាប់ធ្នាប់ និងគ្មានវិន័យ?»។
លោក បៃដិន និងលោក ពូទីន ព្រមជួបគ្នាចុងក្រោយអំពីវិបត្តិនៅអ៊ុយក្រែននិងភាពតានតឹងនៅអឺរ៉ុបខាងកើត
ប្រធានាធិបតីសហរដ្ឋអាមេរិក លោក ចូ បៃដិន និងសមភាគីរុស្ស៊ី លោក វ៉្លាឌីមៀរ ពូទីន (Vladimir Putin) បានព្រមព្រៀងគ្នាបើកជំនួបកំពូលចុងក្រោយរបស់ពួកគេអំពីវិបត្តិនៅអ៊ុយក្រែន និងស្ថានភាពតានតឹងនៅអឺរ៉ុបខាងកើត។ នេះបើយោងតាមការិយាល័យប្រធានាធិបតីបារាំង ដែលបានចេញសេចក្ដីថ្លែងការណ៍ក្រោយពីជំនួបរវាងលោក Emmanuel Macron និងសមភាគីរុស្ស៊ី លោក វ៉្លាឌីមៀរ ពូទីន។
បណ្ដាញផ្សាយព័ត៌មាន Aljazeera បានចុះផ្សាយនៅថ្ងៃទី២១ កុម្ភៈ នេះថា...
ពលរដ្ឋរងគ្រោះដីធ្លី៥សហគមន៍នឹងជួបជុំមុខតុលាការខេត្តកំពង់ស្ពឺទាមទារឲ្យទម្លាក់បទចោទលើតំណាងសហគមន៍
ពលរដ្ឋដែលរងគ្រោះដោយសារការរំលោភយកដីធ្លីមកពី ៥សហគមន៍ក្នុងស្រុកចំនួន៣ នៃខេត្តកំពង់ស្ពឺ នឹងមកជួបជុំគ្នានៅមុខសាលាដំបូងខេត្តកំពង់ស្ពឺ នៅថ្ងៃទី២៣ ខែកុម្ភៈ ឆ្នាំ២០២២ ដើម្បីចូលរួមគាំទ្រ និងទាមទារឲ្យតុលាការទម្លាក់គ្រប់បទចោទមកលើតំណាងសហគមន៍ចំនួន ៦នាក់ដែលតុលាការចេញដីកាកោះហៅកន្លងមក។
ក្រុមសហគមន៍រងគ្រោះដីធ្លីទាំងនោះ បានចេញសេចក្ដីប្រកាសព័ត៌មាននៅថ្ងៃទី២១ ខែកុម្ភៈ នេះបានឲ្យដឹងថា ពលរដ្ឋមានវិវាទដីធ្លីដែលនឹងឡើងមកតុលាការខេត្តកំពង់ស្ពឺ នោះមានមកពីសហគមន៍អមលាំង ត្រពាំងជោ រស្មីសាមគ្គី និងសហគមន៍ឧត្តមស្រែខ្ពស់ ស្ថិតក្នុងស្រុកថ្ពង់ ស្រុកឱរ៉ាល់ និងស្រុកភ្នំស្រួច ខេត្តកំពង់ស្ពឺ។
ប្រភពដដែលបានបញ្ជាក់ថា ពួកគាត់នឹងមកគាំទ្រ និងទាមទារឲ្យតុលាការខេត្តកំពង់ស្ពឺ...
ពលរដ្ឋសម្រុកទៅទិញថ្នាំព្យាបាលជំងឺកូវីដនៅក្រសួងប្រៃសណីយ៍ ខណៈមេរោគអូមីក្រុងកំពុងផ្ទុះឡើង
ពលរដ្ឋជាច្រើននាំគ្នាសម្រុកទៅរង់ចាំទិញថ្នាំព្យាបាលជំងឺ Covid-19 នៅក្រសួងប្រៃសណីយ៍ និងទូរគមនាគមន៍ ខណៈជំងឺ Covid-19 ប្រភេទអូមីក្រុង កំពុងឆ្លងចូលសហគមន៍។
ការនាំគ្នាសម្រុកទៅទិញថ្នាំនេះ ធ្វើឡើងបន្ទាប់ពីជំងឺ Covid-19 ប្រភេទអូមីក្រុង កំពុងឆ្លងរីករាលដាលខ្លាំង ដោយក្នុងមួយថ្ងៃក្រសួងសុខាភិបាលកម្ពុជាបានរកឃើញអ្នកឆ្លងជំងឺនេះចន្លោះពី ៤០០នាក់រហូតដល់ជាង ៧០០នាក់ ដែលចំនួននេះមិនគិតបូកបញ្ចូលពីអ្នកមិនបានទៅធ្វើតេស្ដតាមម៉ាស៊ីន PCR របស់ក្រសួងឡើយ។
បច្ចុប្បន្ន ពលរដ្ឋមួយចំនួនបាននាំគ្នាធ្វើតេស្ដរក Covid-19 ដោយឧបករណ៍តេស្ដរហ័សដោយខ្លួនឯង ហើយប្រសិនបើគេរកឃើញថាមានវិជ្ជមាន Covid-19 នោះ...
សមត្ថកិច្ចចាប់កូដករ NAGAយកទៅធ្វើតេស្ដ Covid-19 ទាំងបង្ខំ បន្ទាប់ពីពួកគេចេញធ្វើកូដកម្មជាថ្មី
សមត្ថកិច្ចចាប់បញ្ជូនកូដករក្រុមហ៊ុនណាហ្គាវើលដ៍ (NAGA World) ប្រមាណ ៦០នាក់ទាំងបង្ខំឱ្យឡើងលើរថយន្តសាលារាជធានីភ្នំពេញ ដើម្បីយកទៅធ្វើតេស្ដ Covid-19 នៅមណ្ឌលព្រែកព្នៅ ក្នុងពេលដែលពួកគេចេញធ្វើកូដករជាថ្មីទៀត បន្ទាប់ពីបញ្ចប់ការធ្វើចត្តាឡីស័កតាមវិធានការសុខាភិបាល។
កូដករក្រុមហ៊ុនណាហ្គាវើលដ៍ នៅថ្ងៃទី២១ ខែកុម្ភៈ បានប្រមូលផ្ដុំគ្នាជិតក្រុមហ៊ុន ដើម្បីបន្តធ្វើកូដកម្មទាមទារឱ្យដោះលែងថ្នាក់ដឹកនាំសហជីព និងសកម្មជនជាង ១០នាក់ រួមទាំងដោះស្រាយបញ្ចប់វិវាទការងារក្រុមហ៊ុនល្បែងមួយនេះ។
ការនាំគ្នាបន្តធ្វើកូដកម្មរបស់ក្រុមកូដករជាថ្មីទៀតនៅថ្ងៃចន្ទ នេះ បន្ទាប់ពីពួកគេទាំងអស់គ្នាបានបញ្ចប់ការធ្វើចត្តាឡីស័កតាមការកំណត់របស់អាជ្ញាធរ និងក្រសួងសុខាភិបាល ក្រោយពីក្រសួងសុខាភិបាលអះអាងថារកឃើញកូដករដែលតវ៉ាមានវិជ្ជមាន Covid-19។
កូដករម្នាក់ឈ្មោះ ពុទ្ធី លីណា...
លោក កឹម សុខា៖ មិនធ្វើនយោបាយទូងស្គរពីចម្ងាយបង្កើតព្រឹត្តិការណ៍ឲ្យពលរដ្ឋរងគ្រោះជំនួសឡើយ
ប្រធានគណបក្សសង្គ្រោះជាតិ លោក កឹម សុខា អះអាងថាការឈរជើងក្នុងមាតុភូមិកម្ពុជាដែលជាទីលាននយោបាយជាក់ស្តែង ដោយមិនរត់ចោលអ្នកគាំទ្ររបស់ខ្លួន គឺជាជម្រើសនៃការដឹកនាំនយោបាយដ៏ល្អបំផុតសម្រាប់ពលរដ្ឋខ្មែរ ហើយលោកក៏មិនធ្វើនយោបាយគ្មានគោលដៅច្បាស់លាស់ ទូងស្គរពីចម្ងាយបង្កើតព្រឹត្តិការណ៍រុញច្រានឲ្យពលរដ្ឋរងគ្រោះជំនួសខ្លួននោះដែរ។
លោក កឹម សុខា បានសរសេរលើទំព័រ Facebook របស់លោកកាលពីថ្ងៃទី២០ ខែកុម្ភៈ ឆ្នាំ២០២២ ថា លោកបានឮដោយផ្ទាល់មាត់ពីពលរដ្ឋនៅតាមមូលដ្ឋានថា ពួកគេនៅតែគាំទ្រគោលជំហរអហិង្សារបស់លោកដោយឥតងាករេ។ ចំណែកឯប្រទេសជាមិត្តរបស់កម្ពុជា ក៏នៅតែផ្តល់តម្លៃដល់រូបលោកដដែល ដោយសារតែការលះបង់ ការព្យាយាមអត់ធ្មត់ដោយអហិង្សា ការរក្សានូវគោលជំហរច្បាស់លាស់ដោយការតម្កល់ផលប្រយោជន៍ជាតិ...
IDEA TALK៖ តើអ្វីជាបុព្វហេតុនៃដំណើរឆ្ពោះទៅរកភាពហិនហោចនៃស្មារតីប្រជាធិបតេយ្យនៅកម្ពុជា?
កម្មវិធី Idea Talk សម្រាប់រាត្រីថ្ងៃទី២១ ខែកុម្ភៈ ឆ្នាំ២០២២ ស្តីអំពី៖ «តើអ្វីជាបុព្វហេតុនៃដំណើរឆ្ពោះទៅរកភាពហិនហោចនៃស្មារតីប្រជាធិបតេយ្យនៅកម្ពុជា?»។