AUTHOR NAME
ឌឹ ខេមបូឌា ដេលី
2597 POSTS
0 COMMENTS
ក្រុមតស៊ូមតិ៖ សារឆ្លើយឆ្លងរវាងលោក ហ៊ុន សែន និងលោក សម រង្ស៊ី អាចជាល្បែងតថ្លៃនយោបាយ
បញ្ញវន្តខ្មែរនៅក្រៅស្រុក បានសម្ដែងការព្រួយបារម្ភថា សារនយោបាយរបស់អតីតមេដឹកនាំប្រឆាំងលោក សម រង្ស៊ី និងការដាក់ពាក្យបណ្តឹងលើក្រុមមន្ត្រីគ្រាក់ៗរបស់រដ្ឋាភិបាលលោក ហ៊ុន សែន ទៅតុលាការបារាំង អាចគ្រាន់តែជាល្បែងតថ្លៃនយោបាយរបស់គាត់ប៉ុណ្ណោះ មិនមែនដើម្បីយុត្តិធម៌សង្គមនោះទេ។
អ្នកវិភាគនយោបាយ សង្គម និងជាអនុប្រធានក្រុមប្រឹក្សាភិបាលនៃចលនាពលរដ្ឋដើម្បីលទ្ធិប្រជាធិបតេយ្យ លោក គឹម សុខ បានប្រាប់សារព័ត៌មាន The Cambodia Daily នៅថ្ងៃទី២៣ កុម្ភៈ នេះថា សារឆ្លើយឆ្លងរវាងមេដឹកនាំបក្សកាន់អំណាចលោក...
លោក យឹម ស៊ីណន ថាការលះបង់របស់លោក កឹម សុខា នឹងត្រូវបានចារទុកក្នុងប្រវត្តិសាស្ត្រខ្មែរ
អតីតប្រធានចលនាយុវជនគណបក្សសង្គ្រោះជាតិប្រចាំសាធារណរដ្ឋកូរ៉េ ព្យាករថា ការលះបង់របស់ប្រធានគណបក្សសង្គ្រោះជាតិ លោក កឹម សុខា នឹងត្រូវចារទុកក្នុងប្រវត្តិសាស្ត្ររបស់កម្ពុជា ក្នុងនាមជាមេដឹកនាំដែលបញ្ចប់វប្បធម៌នយោបាយខ្មែរថា «អ្នកឈ្នះជាស្តេច អ្នកចាញ់ជាចោរ» មិនត្រឹមតែប៉ុណ្ណោះ លោក កឹម សុខា នឹងជាប់ឈ្មោះជាមេដឹកនាំកសាងលទ្ធិប្រជាធិបតេយ្យមួយរូបនៅកម្ពុជា។
លោក យឹម ស៊ីណន បានសរសេរលើគណនី Facebook របស់លោកកាលថ្ងៃទី២២ ខែកុម្ភៈ ថា មូលដ្ឋានគ្រឹះនៃការកសាងសង្គមប្រជាធិបតេយ្យ គឺផ្តើមចេញពីអ្នកនយោបាយចេះអត់ឱនអធ្យាស្រ័យឱ្យគ្នាទៅវិញទៅមក។
លោក...
ព្រឹត្តិការណ៍ថ្មីៗក្រោយពីរុស្ស៊ីរុលទ័ពចូលដែនដីអ៊ុយក្រែនតាមក្រឹត្យច្បាប់របស់លោក ពូទីន ទទួលស្គាល់ដែនដីពួកបំបែករដ្ឋ
ក្រោយពីប្រធានាធិបតីរុស្ស៊ី លោក វ៉្លាឌីមៀរ ពូទីន ចុះក្រឹត្យច្បាប់ប្រកាសទទួលស្គាល់ដែនដីចំនួន២ ឱ្យបំបែកខ្លួនពីប្រទេសអ៊ុយក្រែន គឺដែនដីនៅតំបន់ Donetsk និង Luhansk គេសង្កេតឃើញមានព្រឹត្តិការណ៍ជាច្រើនបានកើតឡើងព្រមៗគ្នា ក្នុងនោះសហរដ្ឋអាមេរិក អង់គ្លេស និងសម្ពន្ធមិត្តផ្សេងទៀតបានសម្រុកដាក់ចេញនូវទណ្ឌកម្មប្រឆាំងរុស្ស៊ី។
សហភាពអឺរ៉ុបមាន ២៧ប្រទេស ក៏បានចូលរួមភ្លាមៗជាមួយរដ្ឋាភិបាលក្រុងវ៉ាស៊ីនតោន ក្នុងការប្រកាសដាក់ទណ្ឌកម្ម។ ប្រធានគណៈកម្មការសហភាពអឺរ៉ុប អ្នកស្រី Ursula von der Leyen និងប្រធានក្រុមប្រឹក្សាអឺរ៉ុប...
អាជ្ញាធរប្រកាសផាកពិន័យកូដករ១-៥លានរៀលក្រោមហេតុផលល្មើសវិធានសុខាភិបាល
អាជ្ញាធររាជធានីភ្នំពេញប្រកាសផាកពិន័យកូដករក្រុមហ៊ុនណាហ្គាវើលដ៍ (NAGA World) ពី ១លានដល់ ៥លានរៀល ក្រោមហេតុផលថា ពួកគេនៅតែរឹងរូសធ្វើកូដកម្មល្មើសនឹងវិធានសុខាភិបាល និងប៉ះពាល់ដល់សណ្ដាប់ធ្នាប់សាធារណៈ ខណៈកូដករនៅតែចេញតវ៉ាទាមទាររកយុត្តិធម៌។
សេចក្ដីជូនដំណឹងរបស់រដ្ឋបាលរាជធានីភ្នំពេញកាលពីថ្ងៃទី២២ ខែកុម្ភៈ ឆ្នាំ២០២២ បានលើកឡើងថា កាលពីថ្ងៃទី២១ ខែកុម្ភៈ ក្រុមកូដករក្រុមហ៊ុនណាហ្គាវើលដ៍បាននាំគ្នាប្រមូលផ្ដុំយ៉ាងអនាធិបតេយ្យនៅតាមទីសាធារណៈផ្ទុយពីវិធានសុខាភិបាល ព្រមទាំងមិនបានអនុវត្តតាមសេចក្ដីជូនដំណឹងរបស់រដ្ឋបាលរាជធានីភ្នំពេញ កាលពីថ្ងៃទី១៥ ខែកុម្ភៈ ដែរ។
សេចក្ដីជូនដំណឹងដដែលឲ្យដឹងថា សមត្ថកិច្ចគ្មានជម្រើសអ្វីក្រៅពីការអនុវត្តវិធានការរដ្ឋបាលលើក្រុមកូដករចំនួន ៦៤នាក់យកទៅមជ្ឈមណ្ឌលចត្តាឡីស័ករាជធានីភ្នំពេញ ដើម្បីធ្វើតេស្តរកវីរុសកូវីដ-១៩ ហើយជាលទ្ធផលបានរកឃើញវិជ្ជមាន...
មន្ត្រីជាន់ខ្ពស់មហាផ្ទៃថាវៀតណាមមិនព្រមទទួលយកពលរដ្ឋខ្លួនទៅស្រុកកំណើតវិញ
មន្ត្រីជាន់ខ្ពស់ក្រសួងមហាផ្ទៃ លើកឡើងថា រដ្ឋាភិបាលវៀតណាមមិនព្រមទទួលយកពលរដ្ឋវៀតណាមដែលកំពុងរស់នៅកម្ពុជា ទៅស្រុកកំណើតវិញនោះទេ ហើយករណីនេះលោកជំរុញឱ្យមានការធ្វើវិសោធនកម្មច្បាប់អន្តោប្រវេសន៍ឆ្នាំ១៩៩៤ ជាបន្ទាន់ ដើម្បីធានាអំពីប្រសិទ្ធភាពនៃការគ្រប់គ្រងជនអន្តោប្រវេសន៍ដែលរស់នៅខុសច្បាប់ក្នុងប្រទេសកម្ពុជា។
ក្នុងកិច្ចប្រជុំបូកសរុបលទ្ធផលការងារឆ្នាំ២០២១ និងទិសដៅបន្តរបស់ក្រសួងមហាផ្ទៃ នៅថ្ងៃទី២៣ ខែកុម្ភៈ ឆ្នាំ២០២២ អគ្គលេខាធិការនៃអគ្គលេខាធិការដ្ឋានក្រសួងមហាផ្ទៃ លោក ប៉ោ ភក្តិ លើកឡើងថា អាជ្ញាធរវៀតណាម មិនព្រមទទួលយកជនអន្តោប្រវេសន៍វៀតណាមដែលរឹងរូស និងជនជាតិវៀតណាមដែលមានបំណងចង់ត្រឡប់ទៅប្រទេសកំណើតវិញឡើយ ដែលករណីនេះជាបញ្ហាប្រឈមសម្រាប់កម្ពុជា។
ប្រភពដដែលបន្តថា បញ្ហាប្រឈមមួយទៀតនោះ មិនមានការសហការជាមួយសមត្ថកិច្ចពាក់ព័ន្ធក្នុងការរាយការណ៍អំពីវត្តមានជនបរទេសដែលមកស្នាក់នៅកម្ពុជាដោយខុសច្បាប់ និងផុតកំណត់ទិដ្ឋាការ រួមទាំងការចាប់បញ្ជូនជនបរទេសខុសច្បាប់...
IDEA TALK៖ តើពលរដ្ឋខ្មែរ-អាមេរិកាំង ត្រូវបង្កើនការប្រុងប្រយ័ត្ន ឬទប់ទល់បែបណាចំពោះឥទ្ធិពលបក្សកាន់អំណាចរបស់បុរសខ្លាំងកម្ពុជាក្នុងទឹកដីអាមេរិក?
កម្មវិធី Idea Talk សម្រាប់រាត្រីថ្ងៃទី២៣ ខែកុម្ភៈ ឆ្នាំ២០២២ ស្តីអំពី៖ «តើពលរដ្ឋខ្មែរ-អាមេរិកាំង ត្រូវបង្កើនការប្រុងប្រយ័ត្ន ឬទប់ទល់បែបណាចំពោះឥទ្ធិពលបក្សកាន់អំណាចរបស់បុរសខ្លាំងកម្ពុជាក្នុងទឹកដីអាមេរិក?»។
ពិភពលោកថ្កោលទោសរុស្ស៊ីដែលលើកទ័ពចូលទឹកដីអ៊ុយក្រែនក្រោមលេសរក្សាសន្តិភាព
នៅទីបំផុត រុស្ស៊ីសម្រេចលើកទ័ពចូលទឹកដីអ៊ុយក្រែននៅក្នុងតំបន់ចំនួន២ បន្ទាប់ពីសភាជាន់ទាបដែលភាសារុស្ស៊ីហៅឌូម៉ា បានប្រកាសទទួលស្គាល់តំបន់ពីរនេះជាសាធារណរដ្ឋឯករាជ្យពីអ៊ុយក្រែន។
សារព័ត៌មានអង់គ្លេស Independent បានចុះផ្សាយថា តំបន់ពីរនេះដែលរុស្ស៊ីលើកទ័ពចូលទៅនៅលើទីតាំងក្រោមការកាន់កាប់ដោយពួកឧទ្ទាមដណ្ដើមបានពីកងទ័ពអ៊ុយក្រែន គឺតំបន់ Donetsk និង Luhansk ដែលតំបន់ Luhansk ភាសារុស្ស៊ីហៅថា Donbas។ ទង្វើរបស់កងទ័ពរុស្ស៊ី បាននាំឲ្យមានប្រតិកម្មថ្កោលទោសជាច្រើនពីបណ្ដាប្រទេសនៅទូទាំងពិភពលោក។ គេអាចរាប់ទាំងទ្វីបអាស៊ី អឺរ៉ុប អាមេរិក និងអាហ្វ្រិក។ ទង្វើរបស់រុស្ស៊ី មិនត្រឹមរងការថ្កោលទោសនោះទេ គឺរងទណ្ឌកម្មទៀតផង។
ប្រធានាធិបតីកូរ៉េខាងត្បូង...
សិក្ខាសាលាដឹកនាំដោយលោក សម រង្ស៊ី មិនរំលេចឈ្មោះលោក កឹម សុខា ក្នុងការទាមទារឱ្យដោះលែងទេ
សិក្ខាសាលានៅសហរដ្ឋអាមេរិកដែលដឹកនាំដោយអតីតមេបក្សប្រឆាំង លោក សម រង្ស៊ី កាលពីសប្តាហ៍មុន បានទាមទារឱ្យរដ្ឋាភិបាលកម្ពុជារៀបចំការបោះឆ្នោតដោយសេរី ត្រឹមត្រូវ និងយុត្តិធម៌ ប៉ុន្តែមិនបានទាមទារឲ្យលោក ហ៊ុន សែន ទម្លាក់ចោលការចោទប្រកាន់លោក កឹម សុខា ដែលកំពុងជាប់បណ្តឹងពីបទក្បត់ជាតិដែលមានអាមេរិកនៅពីក្រោយនោះទេ។
គណបក្សសង្គ្រោះជាតិនៅក្រៅប្រទេស បានផ្សព្វផ្សាយសេចក្តីជូនដំណឹងរបស់ខ្លួន នៅថ្ងៃទី២២ ខែកុម្ភៈ ឆ្នាំ២០២២ ថា គណៈកម្មាធិការអចិន្ត្រៃយ៍ និងថ្នាក់ដឹកនាំគណបក្សសង្គ្រោះជាតិនៅក្រៅប្រទេស បានសម្រេចដាក់ចេញនូវផែនការសម្រាប់ឆ្នាំ២០២២ ដោយជំរុញឱ្យរដ្ឋាភិបាលកម្ពុជាទម្លាក់ចោលបទចោទទៅលើអ្នកទោសនយោបាយ...
ពលរដ្ឋនៅស្រុកឱរ៉ាល់ ៣នាក់រងរបួសដោយសារការពារដីសហគមន៍ពីការកាប់ទន្ទ្រានរបស់កងទាហាន
ពលរដ្ឋនៅសហគមន៍ឧត្ដមស្រែខ្ពស់ ក្នុងខេត្តកំពង់ស្ពឺ បានឲ្យដឹងថា សមាជិកសហគមន៍ចំនួន ៣នាក់បានរងរបួល ដោយសារតែក្រុមទាហានបានប្រើអំពើហិង្សាក្នុងពេលពួកគាត់បានព្យាយាមចូលទៅការពារ និងទប់ស្កាត់ក្រុមទាហានទាំងនោះកុំឲ្យឈូសឆាយ និងកាប់ទន្ទ្រានដីព្រៃសហគមន៍ឧត្ដមស្រែខ្ពស់ ក្នុងស្រុកឱរ៉ាល់ ខេត្តកំពង់ស្ពឺ នៅថ្ងៃទី២២ ខែកុម្ភៈ ឆ្នាំ២០២២។
តាមការប្រកាសរបស់សហគមន៍ឧត្តមស្រែខ្ពស់ នៅថ្ងៃទី២២ កុម្ភៈ នេះបានឲ្យដឹងថា សមាជិកសហគមន៍ឧត្តមស្រែខ្ពស់ និងសហគមន៍ត្រពាំងជោរ ប្រមាណ ៣០នាក់ បាននាំគ្នាទៅទប់ស្កាត់ក្រុមទាហាន «ង៧០» ដែលបានដឹកនាំកម្លាំងប្រមាណ ២០នាក់ទៅកាប់រំលំដើមឈើចម្រុះនៅព្រៃសហគមន៍ឧត្តមស្រែខ្ពស់...
លោក ស ខេង បង្ហាញក្ដីបារម្ភដោយសារបទល្មើសគ្រឿងញៀន មនុស្សឃាត និងការរំលោភផ្លូវភេទនៅតែកើតឡើង
រដ្ឋមន្ត្រីក្រសួងមហាផ្ទៃ លោក ស ខេង បង្ហាញក្ដីបារម្ភចំពោះសង្គមជាតិ ខណៈបញ្ហាគ្រឿងញៀន បទល្មើសលួច អំពើមនុស្សឃាត អំពើហិង្សា ការរំលោភផ្លូវភេទ ដែលលោកថាកំពុងកើតមានច្រើននៅទូទាំងប្រទេស។
ក្នុងសន្និបាតត្រួតពិនិត្យលទ្ធផលការងារប្រចាំឆ្នាំ២០២១ និងលើកទិសដៅការងារឆ្នាំ២០២២ របស់ក្រសួងមហាផ្ទៃ នៅថ្ងៃទី២២ ខែកុម្ភៈ លោក ស ខេង បានលើកឡើងថា បញ្ហាសន្តិសុខសណ្ដាប់ធ្នាប់ផ្ទៃក្នុងប្រទេសដែលបង្កក្ដីបារម្ភនៅក្នុងសង្គមនាពេលបច្ចុប្បន្ននេះ គឺការចរាចរ ជួញដូរ និងប្រើប្រាស់គ្រឿងញៀនខុសច្បាប់ រួមទាំងការលួចប្រើប្រាស់សារធាតុគីមីផ្សំ...