AUTHOR NAME
ឌឹ ខេមបូឌា ដេលី
2597 POSTS
0 COMMENTS
ពលរដ្ឋជិត ២ពាន់គ្រួសាររងផលប៉ះពាល់ពីជំនន់ស្ទឹងព្រែកត្នោតកាលពីពេលថ្មីៗនេះ
ក្រុមអាជ្ញាធរបានឲ្យដឹងថា ទឹកជំនន់ស្ទឹងព្រែកត្នោតក្នុងភូមិសាស្ត្ររាជធានីភ្នំពេញ និងខេត្តកណ្ដាល កាលពីសប្ដាហ៍មុននេះ បានបណ្ដាលឲ្យពលរដ្ឋប្រមាណជាង ៣ពាន់គ្រួសាររងផលប៉ះពាល់ បើទោះបីជាទឹកជំនន់បានស្រកហើយបន្តិចក៏ដោយ។
ជំនន់ស្ទឹងព្រែកត្នោតដែលហក់ឡើងដល់ចំណុចកំពូលអតិបរមា ៦,៥៨ម៉ែត្រ កាលពីពេលកន្លងទៅ បង្កគ្រោះទឹកជំនន់ដល់ពលរដ្ឋដែលរស់នៅក្នុងខណ្ឌកំបូល និងខណ្ឌដង្កោ ជាដើម ត្រូវបានអាជ្ញាធររៀបចំទំនប់ទប់ស្កាត់បានជោគជ័យហើយ ខណៈទឹកជំនន់ចេះតែស្រកចុះជាលំដាប់ ប៉ុន្តែវិធីទប់ស្កាត់ទឹកជំនន់របស់អាជ្ញាធរនេះ ត្រូវគេមើលឃើញថាមិនមែនជាដំណោះស្រាយបញ្ចៀសទឹកជំនន់នោះទេ គ្រាន់តែជាវិធានការបណ្ដោះអាសន្នមួយគ្រាប៉ុណ្ណោះ។
ស្ទឹងព្រែកត្នោតដែលតែងតែបង្កជាគ្រោះទឹកជំនន់ជារៀងរាល់ឆ្នាំ បានបណ្តាលឱ្យប៉ះពាល់ដល់លំនៅឋានរបស់ពលរដ្ឋរាប់ពាន់គ្រួសារ នៅពេលមានភ្លៀងធ្លាក់ខ្លាំងក្នុងរដូវវស្សា ខណៈអាជ្ញាធរនៅមិនទាន់មានវិធានការជាក់លាក់ណាមួយដើម្បីទប់ស្កាត់បញ្ហានេះនៅឡើយទេ។
កាលពីថ្ងៃទី២៣ ខែតុលា ឆ្នាំ២០២១ ជំនន់ដែលបង្កឡើងដោយទឹកភ្លៀងក្នុងស្ទឹងព្រែកត្នោត បានស្ទុះឡើងរយៈពេល...
ស្ថានទូតអាល្លឺម៉ង់៖ ការវាយប្រហារលើអ្នកសារព័ត៌មានគឺរំលោភសិទ្ធិបុគ្គលនិងសិទ្ធិសមូហភាពសង្គម
ស្ថានទូតអាល្លឺម៉ង់ ប្រចាំនៅកម្ពុជា អះអាងថា នៅពេលដែលអ្នកសារព័ត៌មានរងការវាយប្រហារដោយសារការងាររបស់ខ្លួន មិនមែនត្រឹមតែជាការរំលោភសិទ្ធិបុគ្គលអំពីសេរីភាពនៃការបញ្ចេញមតិរបស់អ្នកសារព័ត៌មានប៉ុណ្ណោះទេ តែថែមទាំងជាការរំលោភសិទ្ធិសមូហភាពរបស់សង្គមក្នុងការទទួលបានព័ត៌មានផងដែរ។
ស្ថានទូតរបស់ប្រទេសអាល្លឺម៉ង់ ប្រចាំនៅកម្ពុជា បានសរសេរលើទំព័រ Facebook របស់ខ្លួននៅថ្ងៃទី២ ខែវិច្ឆិកា នេះថា ការបំបិទមាត់អ្នកសារព័ត៌មាន មិនត្រឹមតែជាកង្វល់សម្រាប់បុគ្គលម្នាក់ ឬអាជីពអ្នកសារព័ត៌មានតែមួយប៉ុណ្ណោះទេ ប៉ុន្តែវាក៏ជាបញ្ហាដែលប៉ះពាល់ដល់សង្គមដ៏ធំធេងនាពេលបច្ចុប្បន្ន និងអនាគតយ៉ាងធ្ងន់ធ្ងរផងដែរ។
ប្រភពដដែលបានចាត់ទុកការឆ្លើយទៅនឹងសំណួរដែលលើកឡើងថា តើហេតុអ្វីបានជាមាននិទ្ទណ្ឌភាពនៃឧក្រិដ្ឋកម្មប្រឆាំងអ្នកសារព័ត៌មាន?
ការអះអាងនេះ ធ្វើឡើងដើម្បីបង្ហាញពីផលប៉ះពាល់នៃការបំបិទសិទ្ធិសេរីភាពរបស់អ្នកសារព័ត៌មានដែលពួកគេត្រូវរងការធ្វើទុក្ខបុកម្នេញពីសំណាក់រដ្ឋាភិបាលឥតឈប់ឈរនាពេលបច្ចុប្បន្ននេះ។
នៅថ្ងៃទី២ ខែវិច្ឆិកា ឆ្នាំ២០២១ គឺជា «ទិវាអន្តរជាតិបញ្ចប់និទ្ទណ្ឌភាពលើឧក្រិដ្ឋកម្មប្រឆាំងអ្នកសារព័ត៌មាន» ដែលតែងប្រារព្ធឡើងរៀងរាល់ឆ្នាំនៅថ្ងៃទី២...
តុលាការសម្រេចឃុំខ្លួនមេបញ្ជាការប៉េអិមក្រុងក្រចេះនិងគូកនពាក់ព័ន្ធប្រើហិង្សាលើកុមារី២នាក់
ចៅក្រមស៊ើបសួរនៃសាលាដំបូងខេត្តក្រចេះ សម្រេចឃុំខ្លួនជនជាប់ចោទក្នុងករណីអំពើហិង្សាធ្ងន់ធ្ងរលើកុមារីចំនួន ២នាក់នៅខេត្តក្រចេះ។ ស្របពេលជាមួយគ្នានេះ នគរបាលយុត្តិធម៌ និងកងរាជអាវុធហត្ថនៃខេត្តនេះ ក៏កំពុងបន្តនីតិវិធីដើម្បីកសាងសំណុំរឿងបន្ថែមទៀតដាក់បន្ទុកប្រឆាំងជនជាប់ចោទក្នុងករណីអំពើហិង្សានេះ។
ដីកាបង្គាប់ឱ្យឃុំខ្លួនរបស់តុលាការខេត្តក្រចេះ ដែលចេញផ្សាយកាលពីថ្ងៃទី១ ខែវិច្ឆិកា របស់លោក ឡេង ស៊ុនសុជាតិ ចៅក្រមស៊ើបសួរនៃតុលាការខេត្តក្រចេះ ឱ្យដឹងថា ជនសង្ស័យឈ្មោះ ទេព ហ៊ុយ ជាមេបញ្ជាការកងរាជអាវុធហត្ថក្រុងក្រចេះ និងជនជាប់ចោទ ២នាក់ទៀត រួមមានឈ្មោះ វុធ និង គឹម...
ប្រធានបក្សប្រឆាំងសម្រេចដាក់លក់គេហដ្ឋានផ្ទាល់ខ្លួនដើម្បីផ្លាស់ប្ដូរទីលំនៅ
មន្ត្រីជាន់ខ្ពស់បក្សប្រឆាំងអះអាងថា ប្រធានគណបក្សសង្គ្រោះជាតិ លោក កឹម សុខា ធ្លាប់បានប្រាប់សមាជិករបស់ខ្លួនកាលពីពេលថ្មីៗនេះថា លោកនឹងដាក់លក់គេហដ្ឋានផ្ទាល់ខ្លួន ដើម្បីផ្លាស់ប្ដូរពីរស់នៅក្នុងទីក្រុងភ្នំពេញ ទៅរស់នៅជាយក្រុងវិញម្តង ក្នុងនោះក៏ដើម្បីរំលែកថវិកាសម្រាប់ការរស់នៅប្រចាំថ្ងៃ។
គេហដ្ឋានជាវីឡាមួយក្នុងខណ្ឌទួលគោក ត្រូវបានប្រកាសដាក់លក់ក្នុងតម្លៃជាង ២លានដុល្លារអាមេរិកលើទំព័រ Facebook អចលនទ្រព្យ The Century 21 Advance Property For Sale ដែលបានផ្សព្វផ្សាយកាលពីពេលថ្មីៗនេះ ត្រូវគេស្គាល់ថាជាកម្មសិទ្ធិរបស់ប្រធានគណបក្សសង្គ្រោះជាតិ លោក...
IDEA TALK៖ តើទីក្រុងភ្នំពេញអាចក្លាយជាអាងស្តុកទឹកដ៏ធំមួយទៅថ្ងៃអនាគតដែរឬទេ?
កម្មវិធី Idea Talk សម្រាប់រាត្រីថ្ងៃទី០២ ខែវិច្ឆិកា ឆ្នាំ២០២១ ស្តីអំពី៖ «តើទីក្រុងភ្នំពេញអាចក្លាយជាអាងស្តុកទឹកដ៏ធំមួយទៅថ្ងៃអនាគតដែរឬទេ?»។
ភាគ៩៖ តើអ្វីទៅជាបណ្ដាញយុវជនរបស់គណបក្សប្រជាជនកម្ពុជា កូចាម៉ា (KOJAMA)?
តើបក្សប្រជាជនកម្ពុជា បង្កើតបណ្ដាញសាខាយុវជនបក្សក្រៅប្រទេស យកធនធានបានមកពីអ្វីទៅជួយឧបត្ថម្ភ? ក្នុងភាគទី៩ លោក ហាស់ សាន សូមពិនិត្យមើលរបៀបរៀបចំនៅអាស៊ី និងអាស៊ីអគ្នេយ៍ ហើយមនុស្សបែបណាគ្រប់គ្រងត្រួតត្រាបណ្ដាញក្រៅប្រទេសទាំងនោះ។
គណបក្សប្រជាជនកម្ពុជា បានពង្រីកបណ្ដាញសាខារបស់ខ្លួនទៅខាងក្រៅប្រទេស ដោយប្រើធនធានបានមកពីការគ្រប់គ្រងធនធានធម្មជាតិ គ្រប់គ្រងសេដ្ឋកិច្ចក្នុងផ្ទៃប្រទេស ហើយបែងក្រឡាចែកចាយទៅឲ្យកូនចៅ សាច់ញាតិ គូកន មិត្តភ័ក្ដិ គ្រប់គ្រង ចាត់ចែង ដើម្បីរកប្រយោជន៍ចែកគ្នា។
ក្នុងរយៈកាលរាប់ទសវត្សកន្លងមកនេះ បក្សក្តោបក្តាប់អំណាចផ្ដាច់មុខនេះ បានជាប់ឈ្មោះអាស្រូវទាក់ទងនឹងអំពើពុករលួយ គ្រឿងញៀនរត់ពន្ធឆ្លងកាត់ប្រទេស ការបំផ្លាញធនធានធម្មជាតិក្នុងទឹក...
វិភាគ៖ តើយោធាចិនខ្លាំងដល់កម្រិតណាដែលធ្វើឲ្យមហាអំណាចយោធាអាមេរិកបារម្ភ?
ចិនមិនធ្លាប់ឆ្លងកាត់សង្គ្រាមច្រើនដូចអាមេរិក និងសម្ពន្ធមិត្តអាមេរិកនោះទេ។ នៅក្នុងសង្គ្រាមឧបទ្វីបកូរ៉េ ឆ្នាំ១៩៥០-១៩៥៣ កងទ័ពចិន ចូលពាក់ព័ន្ធផងដែរ តែមិនចេញមុខចំហនោះទេ។ យ៉ាងណាក៏ដោយ កងទ័ពចិនស្លាប់ច្រើនជាងកងទ័ពកូរ៉េខាងជើងទៅទៀត។
ក្រៅពីនេះ ចិនធ្លាប់ធ្វើសង្គ្រាមធំៗជាមួយនឹងឥណ្ឌាចំនួនពីរលើក គឺនៅឆ្នាំ១៩៦២ និងឆ្នាំ១៩៦៧ គឺសង្គ្រាមព្រំដែន។ ចាប់ពីពេលនោះ កងទ័ពចិន និងឥណ្ឌាប៉ះគ្នាជាញឹកញាប់ ប៉ុន្តែពុំដែលមានសង្គ្រាមជាទ្រង់ទ្រាយធំជាមួយឥណ្ឌាដូចកាលពីទសវត្សឆ្នាំ១៩៦០ នោះទេ។ ចំពោះជាមួយប្រទេសរុស្ស៊ី វិញ ក៏កងទ័ពចិនធ្លាប់ប៉ះជាមួយនឹងកងទ័ពរុស្ស៊ីផងដែរ ដែលគេហៅថាជម្លោះព្រំដែន គឺនៅឆ្នាំ១៩៦៩។ សង្គ្រាមនៅពេលនោះមានរយៈពេល...
ព្រឹទ្ធសភាអាមេរិកបញ្ជូនសេចក្តីព្រាងច្បាប់ស្ដីពីលទ្ធិប្រជាធិបតេយ្យនៅកម្ពុជានិងសិទ្ធិមនុស្សទៅគណៈកម្មាធិការកិច្ចការបរទេស
ព្រឹទ្ធសភាអាមេរិក បានបញ្ជូនសេចក្តីព្រាងច្បាប់ស្ដីពីលទ្ធិប្រជាធិបតេយ្យនៅកម្ពុជា និងសិទ្ធិមនុស្សលេខ S.៣០៥២ ទៅគណៈកម្មាធិការកិច្ចការបរទេសនៃព្រឹទ្ធសភាអាមេរិកហើយ កាលពីចុងខែតុលា ឆ្នាំ២០២១ នេះ ក្រោយសភាជាន់ខ្ពស់សហរដ្ឋអាមេរិកបានពិនិត្យលើសេចក្តីព្រាងច្បាប់នេះជាលើកទី២។
សេចក្តីព្រាងច្បាប់ស្ដីពីលទ្ធិប្រជាធិបតេយ្យនៅកម្ពុជា និងសិទ្ធិមនុស្សលេខ S.3052 ដើម្បីដាក់ទណ្ឌកម្មលើរដ្ឋាភិបាលឯកបក្សរបស់លោក ហ៊ុន សែន បានផ្ដួចផ្ដើមឡើងដោយសមាជិកព្រឹទ្ធសភា លោក Marco Rubio មកពីរដ្ឋ Florida និងលោក Edward Markey ដែលជាប្រធានអនុគណៈកម្មាធិការកិច្ចការការបរទេស...
តុលាការកាត់ទោសកុមារ កាក់ សុវណ្ណច្ឆ័យ ឲ្យជាប់ពន្ធនាគារ ៨ខែពីបទញុះញង់ និងប្រមាថអ្នករាជការសាធារណៈ
ចៅក្រមសាលាដំបូងរាជធានីភ្នំពេញ បានកាត់ទោសកូនប្រុសអតីតសកម្មជនបក្សប្រឆាំងម្នាក់ឱ្យជាប់ពន្ធនាគាររយៈពេល ៨ខែ ប៉ុន្តែអនុវត្តទោសក្នុងពន្ធនាគារ ៤ខែ ១៥ថ្ងៃ ដោយទោសនៅសល់ជិត ៤ខែ នឹងត្រូវព្យួរ។
កុមារ កាក់ សុវណ្ណច្ឆ័យ ត្រូវបានសមត្ថកិច្ចចាប់ខ្លួនកាលពីថ្ងៃទី២៤ ខែមិថុនា ឆ្នាំ២០២១ ក្រោយមកចៅក្រមសាលាដំបូងរាជធានីភ្នំពេញបានចោទប្រកាន់ និងបញ្ជូនទៅឃុំខ្លួននៅពន្ធនាគារព្រៃស ក្រោមបទ «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម» និងបទ «ប្រមាថចំពោះអ្នករាជការសាធារណៈ» បន្ទាប់ពីកុមាររូបនេះបានបង្ហោះសាររិះគន់រដ្ឋាភិបាលលើបណ្ដាញសង្គម Facebook និង Telegram។
ចៅក្រមជំនុំជម្រះសាលាដំបូងរាជធានីភ្នំពេញ...
កម្ពុជាប្រកាសបើកប្រទេសឡើងវិញក្រោយពីជួបវិបត្តិជំងឺ Covid-19 ជិត ២ឆ្នាំមកនេះ
រដ្ឋាភិបាលសម្រេចបើកប្រទេសឡើងវិញ ហើយអនុញ្ញាតឱ្យរដ្ឋ និងឯកជនអាចដំណើរការអាជីវកម្ម និងដំណើរការការងារជាធម្មតា ក្រោយពីរងការយាយីដោយជំងឺ Covid-19 អស់រយៈពេលប្រមាណជិត ២ឆ្នាំកន្លងទៅនេះ។
ថ្លែងនៅព្រឹកថ្ងៃចន្ទ ទី១ វិច្ឆិកា លោកនាយករដ្ឋមន្ត្រី ហ៊ុន សែន បានអះអាងថា ចាប់ពីថ្ងៃទី១ ខែវិច្ឆិកា នេះតទៅ រដ្ឋាភិបាលសម្រេចបើកប្រទេសឡើងវិញ ហើយពលរដ្ឋក៏អាចបំពេញកិច្ចការប្រចាំថ្ងៃដោយមិនមានជាប់បម្រាមអ្វីទៀតដែរ។ បើតាមលោក ហ៊ុន សែន ការបើកប្រទេសឱ្យវិលមករកប្រក្រតីភាពឡើងវិញនេះ មិនមែនតែកម្ពុជាទេ...