មេដឹកនាំក្រុមយោធា Quad សច្ចាការពារសម្ពន្ធភាពតំបន់ឥណ្ឌូ-ប៉ាស៊ីហ្វិករាប់ទាំងកោះតៃវ៉ាន់
នៅក្នុងជំនួបកំពូលតាមអនឡាញកាលពីថ្ងៃព្រហស្បតិ៍ ទី៣ ខែមីនា មេដឹកនាំនៃប្រទេសចតុភាគីហៅថា Quad បានសច្ចារួមគ្នាដោយប្រកាសថាត្រូវការពារតំបន់ឥណ្ឌូ-ប៉ាស៊ីហ្វិកឱ្យមានស្ថិរភាពរឹងមាំ ហើយប្រឆាំងកម្លាំងអនុត្តរភាពណាមួយដែលបង្កអសន្តិសុខក្នុងតំបន់ ខណៈមេដឹកនាំប្រទេស៤ នេះ ព្រួយបារម្ភអំពីដែនកោះតៃវ៉ាន់ ថាអាចនឹងរងការវាយប្រហារពីសំណាក់កងទ័ពចិន។
ក្រុមចតុភាគីហៅថា Quad មាន ៤ប្រទេស គឺសហរដ្ឋអាមេរិក ជប៉ុន អូស្ត្រាលី និងឥណ្ឌា។
ទីភ្នាក់ងារសារព័ត៌មាន Reuters បានធ្វើសេចក្ដីរាយការណ៍ថា ជំនួបកំពូលរបស់ក្រុមចតុភាគីនេះធ្វើឡើងបន្ទាប់ពីមានការព្រមានថា ចិនកំពុងសិក្សាអំពីសង្គ្រាមរុស្ស៊ីលើកទ័ពឈ្លានពានអ៊ុយក្រែន ហើយធ្វើការផ្ទៀងផ្ទាត់ប្រសិនបើចិនលើកទ័ពវាយកាន់កាប់កោះតៃវ៉ាន់ ដែលចិនចាត់ទុកថាជាអាណាខេត្តរបស់ក្រុងប៉េកាំង...
កងទ័ពរុស្ស៊ីផ្លោងគ្រាប់បណ្ដាលឱ្យឆេះតំបន់រោងចក្រអគ្គិសនីដើរដោយថាមពលនុយក្លេអ៊ែរនៅអ៊ុយក្រែន
ដោយឡែកពីប្រទេសអ៊ុយក្រែន ឯណោះវិញ ការភ័យខ្លាចមួយកំពុងកើតមានអំពីការសាយភាយនៃវិទ្យុសកម្ម ព្រោះតែតំបន់មួយនៃរោងចក្រអគ្គិសនីដើរដោយថាមពលនុយក្លេអ៊ែរ កំពុងឆាបឆេះដោយសារគ្រាប់កាំភ្លើងផ្លោងរបស់កងទ័ពរុស្ស៊ី។
តាមការចុះផ្សាយដោយសារព័ត៌មាន The Guardian អណ្ដាតភ្លើងកំពុងឆាបឆេះតំបន់នោះ ដែលនៅទីនោះគឺមានរោងចក្រអគ្គិសនី Zaporizhzhia ដើរដោយថាមពលនុយក្លេអ៊ែរ។ រោងចក្រនេះស្ថិតនៅភាគនិរតីនៃប្រទេសអ៊ុយក្រែន។ ទាំងប្រធានាធិបតី Volodymyr Zelenskiy និងរដ្ឋមន្ត្រីការបរទេសអ៊ុយក្រែន Dymtry Kuleba អះអាងថា ភ្លើងកំពុងតែឆេះគ្រប់ជ្រុងទាំងអស់នៃតំបន់នោះ ដែលវាអាចប៉ះពាល់ដល់រោងចក្រអគ្គិសនីដើរដោយថាមពលនុយក្លេអ៊ែរនៅតំបន់នោះ។
បើតាមលោក Zelenskiy រថក្រោះរបស់រុស្ស៊ីកំពុងបន្តបាញ់ទៅលើតំបន់នោះ ដែលលោកប្រកាសអាសន្នថា...
IDEA TALK៖ តើអ្នកនយោបាយ និងបញ្ញវន្តខ្មែរគួរឈ្វេងយល់អំពីភាពជាគំរូនៃការតស៊ូរបស់ពលរដ្ឋអ៊ុយក្រែនបែបណា?
កម្មវិធី Idea Talk សម្រាប់រាត្រីថ្ងៃទី០៤ ខែមីនា ឆ្នាំ២០២២ ស្តីអំពី៖ «តើអ្នកនយោបាយ និងបញ្ញវន្តខ្មែរគួរឈ្វេងយល់អំពីភាពជាគំរូនៃការតស៊ូរបស់ពលរដ្ឋអ៊ុយក្រែនបែបណា?»។
តុលាការឃុំខ្លួនជនជាតិចិន៣នាក់ករណីផ្ដល់ព័ត៌មានកុហករឿងទាសករលក់ឈាមនៅខេត្តព្រះសីហនុ
ចៅក្រមស៊ើបសួរសាលាដំបូងខេត្តព្រះសីហនុ សម្រេចចោទប្រកាន់ និងឃុំខ្លួនជនជាតិចិនចំនួន ៣នាក់នៅក្នុងពន្ធនាគារ និងម្នាក់ទៀតត្រូវបានពន្យារពេលឃុំខ្លួនដោយសារបញ្ហាសុខភាព កាលពីថ្ងៃទី២ ខែមីនា កន្លងមកនេះ ក្រោយពេលអាជ្ញាធររកឃើញថា ព័ត៌មានទាសករលក់ឈាមជារឿងប្រតិដ្ឋ។
អ្នកនាំពាក្យអយ្យការអមសាលាដំបូងខេត្តព្រះសីហនុ លោក ហួត វិចិត្រ ដែលជាអ្នកចាត់ការផ្ទាល់លើករណីនេះ បានប្រាប់ក្រុមអ្នកសារព័ត៌មានថា លោកបានបញ្ជូនជនសង្ស័យទាំង ៣នាក់ទៅចៅក្រមស៊ើបសួរ ហើយចៅក្រមស៊ើបសួរក៏បានសម្រេចឃុំខ្លួនពួកគេទាំង ៣នាក់នោះនៅក្នុងពន្ធនាគារខេត្តព្រះសីហនុ កាលពីម្សិលមិញ (ថ្ងៃទី៣ មីនា)។
លោកថា អ្នកទាំង ៣នាក់ពាក់ព័ន្ធនឹងបទចោទ...
បទវិភាគ៖ ហេតុអ្វីលោក ហ៊ុន សែន មិនអាចបង្ក្រាបការកាប់បំផ្លាញព្រៃឈើនៅស្រុកខ្មែរ?
ការបាត់បង់ព្រៃឈើក្នុងប្រទេសកម្ពុជា ត្រូវបានសហគមន៍ជាតិ និងអន្តរជាតិចាត់ទុកជាវិនាសកម្មដ៏ធំមួយ។ លោក ហ៊ុន សែន ក៏ធ្លាប់លើកយកបញ្ហានេះធ្វើជាយុទ្ធនាការនយោបាយជាច្រើនលើកច្រើនគ្រាដែរ ដោយបង្ហាញជាសាធារណៈអំពីការតាំងចិត្ត និងដាក់បញ្ជាដ៏ម៉ឺងម៉ាត់ ប៉ុន្តែចំណាត់ការរបស់គាត់ត្រូវបានគេពិពណ៌នាថាជាចំណាត់ការដែលគ្មានប្រសិទ្ធភាព។
អង្គការ Global Forest Watch បានផ្សាយថា ប្រទេសកម្ពុជាបានបាត់បង់ព្រៃឈើប្រមាណជិត ១លាន ៣សែនហិកតារ (១ ២៨០ ០០០ហិកតារ) បើគិតពីឆ្នាំ២០០២ ដល់ឆ្នាំ២០២០។ ស្រដៀងគ្នានេះ យើងធ្លាប់បានដកស្រង់សេចក្តីរាយការណ៍របស់អ្នកជំនាញនៃសកលវិទ្យាល័យរដ្ឋ...
លោក បៃដិន៖ ទ័ពរុស្ស៊ីឡោមព័ទ្ធរដ្ឋធានីគៀវពិតមែន តែមិនអាចយកឈ្នះបេះដូងប្រជាជនអ៊ុយក្រែនឡើយ
ការវាយលុកដ៏ខ្លាំងរបស់កងទ័ពរុស្ស៊ីលើប្រទេសអ៊ុយក្រែន បណ្តាលឲ្យឆាបឆេះជាច្រើនកន្លែង។ លោកប្រធានាធិបតីអ៊ុយក្រែន វ៉ូឡូឌីមៀ ហ្សេឡិនស្គី អះអាងថា បើទោះបីជាមានការអំពាវនាវរកជំនួយអន្តរជាតិបន្ថែមទៀតក៏ដោយ ប៉ុន្តែរហូតមកដល់ពេលនេះ អ៊ុយក្រែននៅតែប្រឈមមុខនឹងការវាយលុករបស់ទីក្រុងមូស្គូ គ្រប់ទិសទី។
ចាប់តាំងពីថ្ងៃអង្គារ មក ទីតាំងសំខាន់ៗក្នុងទីក្រុងជាច្រើនរបស់អ៊ុយក្រែន បានរងនូវការវាយប្រហារ រួមទាំងអគារនៅកណ្តាលរដ្ឋធានីគៀវ និងការទម្លាក់គ្រាប់បែកលើទីក្រុងធំទីពីររបស់អ៊ុយក្រែន គឺ Kharkiv។
មកដល់ពេលនេះ កងទ័ពរុស្ស៊ីនៅបន្តរុលសំដៅទៅរដ្ឋធានីគៀវ គឺសំដៅវាយផ្ដួលរដ្ឋាភិបាលរបស់ប្រធានាធិបតី ហ្សេឡិនស្គី។ នេះបើតាមការចេញផ្សាយដោយសារព័ត៌មាន CNN នៅថ្ងៃទី២ ខែមីនា...
បារាំងនិងអាល្លឺម៉ង់អំពាវនាវឱ្យកម្ពុជាចូលរួមចលនាអន្តរជាតិដើម្បីគាំទ្រអ៊ុយក្រែនដោយថ្កោលទោសរុស្ស៊ី
ស្ថានទូតបារាំង និងអាល្លឺម៉ង់ ប្រចាំនៅកម្ពុជា អំពាវនាវទៅរដ្ឋាភិបាលកម្ពុជាឱ្យចូលរួមយ៉ាងសកម្មនៅក្នុងចលនាអន្តរជាតិ ដើម្បីគាំទ្រប្រទេសអ៊ុយក្រែន ដោយធ្វើការថ្កោលទោសចំពោះការឈ្លានពានរបស់រុស្ស៊ី លើប្រទេសអ៊ុយក្រែន។
ទំព័រហ្វេសប៊ុកស្ថានទូតបារាំង នៅថ្ងៃពុធ ទី២ មីនា នេះចុះផ្សាយថា ឯកអគ្គរដ្ឋទូតបារាំងប្រចាំកម្ពុជា លោក ហ្សាក់ ប៉ឺឡេ និងឯកអគ្គរដ្ឋទូតអាល្លឺម៉ង់ប្រចាំកម្ពុជា លោក គ្រីស្យង់ ប៊ែរហ្សេ បានជួបជាមួយរដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ អ្នកស្រី សឿង រ័ត្នចាវី...
លោក ហ៊ុន សែន ប្រកាសធ្វើក្ដារមឈូសនិងកប់សពឱ្យអ្នកចង់បានកម្ពុជាក្រោមមកវិញ
បុរសខ្លាំងកម្ពុជា លោក ហ៊ុន សែន ប្រកាសជាសាធារណៈថា បើអ្នកណាពូកែទៅយកកម្ពុជាក្រោមដោយខ្លួនឯង លោកនឹងជួយធ្វើក្ដារមឈូស និងកប់សពឱ្យ ព្រោះកម្ពុជាក្រោមមិនមែនបាត់បង់នៅក្នុងជំនាន់លោកធ្វើជានាយករដ្ឋមន្ត្រីនោះទេ។
ថ្លែងនៅក្នុងពិធីបើកសម្ពោធដាក់ឱ្យប្រើប្រាស់ជាផ្លូវការកំណាត់ផ្លូវជាតិលេខ៣ នាព្រឹកថ្ងៃទី០២ ខែមីនា ឆ្នាំ២០២២ បុរសខ្លាំងកម្ពុជា លោក ហ៊ុន សែន អះអាងដោយចោទជាសំណួរថា ហេតុអ្វីបានជាចង់ឱ្យលោកទៅយកកម្ពុជាក្រោមវិញនោះ? ព្រោះអីទឹកដីកម្ពុជាក្រោមបានបាត់បង់តាំងពីលោកមិនទាន់កើតម្ល៉េះ។
លោកបន្តថា បើអ្នកណាពូកែចង់បានកម្ពុជាក្រោមមកវិញនោះ លោកសូមឱ្យពួកគេទៅយកខ្លួនឯងទៅ រូបលោកនឹងជួយធ្វើក្ដារមឈូស និងកប់សពឱ្យផងដែរ ដោយថារឿងកម្ពុជាក្រោមនេះ...
មេដឹកនាំកម្ពុជានិងអ្នកតាមដានសង្គមថាពលរដ្ឋអ៊ុយក្រែននឹងតស៊ូប្រឆាំងរុស្ស៊ីដើម្បីប្រទេស
បុរសខ្លាំងកម្ពុជា លោក ហ៊ុន សែន លើកឡើងថា បើទោះបីជាកងទ័ពរុស្ស៊ី ចូលកាន់កាប់ប្រទេសអ៊ុយក្រែនទាំងមូល ហើយប្រធានាធិបតីត្រូវបានសម្លាប់ ឬត្រូវចាប់ខ្លួនក៏ដោយ ក៏ប្រជាជនអ៊ុយក្រែននឹងមិនសុខចិត្តនៅស្ងៀមជាដាច់ខាត ពួកគេអាចនឹងក្រោកឡើងតស៊ូយ៉ាងខ្លាំងក្លាប្រឆាំងរុស្ស៊ី ដើម្បីការពារប្រទេសជាតិរបស់ពួកគេ។
លោក ហ៊ុន សែន បានសរសេរលើទំព័រ Facebook របស់លោកកាលពីថ្ងៃទី២៧ ខែកុម្ភៈ ឆ្នាំ២០២២ នេះថា កងទ័ពរុស្ស៊ី មិនអាចផ្ដួលរំលំអ៊ុយក្រែនដោយប្រើកម្លាំងយោធាបានទេ ចំណែកអ៊ុយក្រែនក៏មិនអាចកម្ទេចកម្លាំងយោធារបស់រុស្ស៊ីបានដែរ ព្រោះថាប្រទេសទាំងពីរមិនអាចបញ្ចប់សង្គ្រាមដោយការធ្វើសង្គ្រាមបានឡើយ...
កូដករណាហ្គា៤នាក់ហួសចិត្តបន្ទាប់ពីស្នងការភ្នំពេញបញ្ជូនសំណុំរឿងពួកគាត់ទៅតុលាការ
កូដករក្រុមហ៊ុនល្បែងស៊ីសងណាហ្គាវើលដ៍ (NAGA World) ចំនួន ៤នាក់ បង្ហាញការហួសចិត្តដែលស្នងការនគរបាលរាជធានីភ្នំពេញបញ្ជូនសំណុំរឿងពួកគាត់ដែលរងការចោទប្រកាន់ថា «រារាំងដល់ការអនុវត្តវិធានការ» ទៅសាលាដំបូងរាជធានីភ្នំពេញ។
នៅរសៀលថ្ងៃសុក្រ ទី១៨ កុម្ភៈ នេះ កូដករក្រុមហ៊ុនណាហ្គាវើលដ៍ ៤នាក់បាននាំគ្នាចូលបំភ្លឺនៅស្នងការដ្ឋាននគរបាលរាជធានីភ្នំពេញ តាមដីកាបញ្ជារបស់អយ្យការអមសាលាដំបូងរាជធានីភ្នំពេញ ដែលបានតម្រូវឱ្យកូដករទាំង ៤នាក់បង្ហាញខ្លួនឱ្យបានមុនថ្ងៃទី១៩ ខែកុម្ភៈ ដើម្បីសាកសួរ។ កូដករណាហ្គាវើលដ៍ទាំង ៤នាក់សុទ្ធសឹងតែជាស្ត្រីដែលត្រូវចូលខ្លួនទៅបំភ្លឺនោះរួមមានឈ្មោះ ខេង ចិន្ដា ឈ្មោះ អ៊ុក...