Tuesday, April 7, 2020

ព័ត៌មាន

video

ទ្រង់ ស៊ីសុវត្ថិ សិរិមតៈ ធ្លាប់មានបន្ទូលថាបុគ្គលិកលក្ខណៈ របស់សម្តេចព្រះប្រមុខរដ្ឋ នរោត្តម សីហនុ មានភាព នឹងន ប៉ុន្តែសាវា

តាមសារលិខិតចំហរពីទ្រង់ ស៊ីសុវត្ថិ សិរិមតៈ ថ្វាយសម្តេច នរោត្តម សីហនុ នៅថ្ងៃទី២៧ សីហា ១៩៧៣ ព្រះអង្គលើកឡើងថា៖ ក្នុងវិចារណកថាក្នុងទស្សនាវដ្តី ឡឺសង្គម ខែកញ្ញា ១៩៦៦ សម្តេច នរោត្តម សីហនុ បានបរិហារ ពួកខ្មែរក្រហមគឺសុទ្ធតែជាពួកក្បត់ជាតិ គឺ មិនមែនខ្មែរ ដែលដាក់ប្រទេសខ្លួនចាប់តាំងសម័យក្រោយកិច្ចព្រមព្រៀងក្រុងហ្សឺណែវឆ្នាំ១៩៥៤ មកឲ្យនៅក្រោមអាណានិគមនិយម សាធារណរដ្ឋប្រជាធិបតេយ្យយៀកណាម។
video

ប្រមុខរដ្ឋាភិបាល បញ្ជាឱ្យផ្អាកការនាំអង្ករស និងស្រូវចេញទៅលក់នៅក្រៅប្រទេសបន្តទៀត

ប្រមុខរដ្ឋាភិបាលលោក ហ៊ុន សែន បានប្រកាសដាក់កំហិតផ្អាកការនាំអង្ករ និងស្រូវ ចេញទៅក្រៅប្រទេសបន្តទៀត។ បម្រាមនេះ នឹងចាប់អនុវត្តពីថ្ងៃទី៥ ខែមេសា ខាងមុខ ដោយទុករយៈពេល១សប្តាហ៍នេះ ដើម្បីឱ្យពលរដ្ឋ និងឈ្មួញទិញស្រូវគាត់ បានបញ្ចេញស្រូវរបស់ពួកគាត់ដែលទិញបម្រុង នឹងយកទៅលក់នៅវៀតណាម ឬ ថៃឱ្យអស់ ហើយក្រៅពីនោះនឹងមិនអនុញ្ញាតឱ្យមានការនាំចេញទៀតឡើយ។ ថ្លែងក្នុងពិធីសន្និសីទកាសែតនៅវិមានរដ្ឋសភានៅព្រឹកនេះ លោក ហ៊ុន សែន អះអាងថាបម្រាមនេះ...
video

លោក ហ៊ុន សែន បញ្ជាឱ្យបិទកាស៊ីណូទូទាំងប្រទេស ដើម្បីបង្ការនិងទប់ស្កាត់ការរីករាលដាលជំងឺកូវីដ១៩

បុរសខ្លាំងនៅកម្ពុជាបានបញ្ជាឱ្យបិទកាស៊ីណូទាំងអស់នៅទូទាំងប្រទេស ហើយនឹងចាប់ផ្តើមអនុវត្តពីថ្ងៃទី ១ ខែមេសា ខាងមុននេះ            តទៅ។ វិធានការនេះ លោក ហ៊ុន សែន អះអាងថាដើម្បីការពារកុំឱ្យមានការឆ្លងរាលដាលនៃជំងឺ COVID-19 នៅក្នុងប្រទេស ក្រោយពីមានការរកឃើញអ្នកធ្វើការងារនៅកាស៊ីណូមានផ្ទុកជំងឺកូវីដ១៩ ។ ថ្លែងក្នុងសន្និសីទសារព័ត៌មាននៅរដ្ឋសភានាព្រឹកនេះ លោក ហ៊ុន សែន បានដាក់បញ្ជាឱ្យបិទកាស៊ីណូទូទាំងប្រទេស ចាប់ពីថ្ងៃទី១ ខែមេសា តទៅ...

ក្រុមមេធាវី អាមេរិក កសាងសំនុំរឿងប្ដឹងចិនករណីលាក់បាំងព័ត៌មាននៃការផ្ទុះមេរោគកូរ៉ូណា

ក្រុមមេធាវីអាមេរិកស្វែងរកយុត្តិធម៌ក្នុងសំណុំរឿងចិនខ្ទប់ព័ត៌មានមេរោគកូរ៉ូណាខណៈក្រុមប្រទេសឧស្សាហកម្មជឿនលឿនG-7 ចោទចិនថា បានលាក់បាំងព័ត៌មាននាំអោយមេរោគនេះ រីករាលដាពាសពេញ ពិភពលោក។ ពិភពលោក ជួបសង្រ្គាមពាណិជ្ជកម្មមិនទាន់ចប់ផងរវាងអាមេរិក និងចិន គឺឥឡូវនេះពិភពលោក បន្តធ្លាក់ក្នុងសង្រ្គាមមួយទៀត គឺសង្គ្រាមប្រយុទ្ធប្រឆាំងនឹងមេរោគកូរ៉ូណា ឬជំងឺCovid-19។ តែយ៉ាងណា នរណាក៏ដឹងដែរថា មេរោគដ៏កំណាចនេះ បានផ្ទុះឡើងដំបូងចេញពីប្រទេសចិន គឺចេញពីតំបន់ឧស្សាហកម្មដ៏ទំនើប របស់ប្រទេសនេះ...

ជនជាតិឥណ្ឌូនេស៊ី ២នាក់បានអនុញ្ញាតឱ្យចូលមកកម្ពុជា ក្រោយរកឃើមានជំងឺកូវីដ១៩ នៅស្រុកថៃ

ករណីអ្នកជំងឺកូវីដ១៩ កម្ពុជាបានកើនឡើងពីរករណីបន្ថែមទៀត ដោយគិតត្រឹមយប់ថ្ងៃម្សិលមិញ។ ការកើនឡើងនេះ ក្រោយពេលជនជាតិឥណ្ឌូនេស៊ី២នាក់ ដែលបានធ្វើតេស្តរកឃើញនៅមន្ទីរពេទ្យក្នុងប្រទេសថៃ បានធ្វើដំណើរមកកម្ពុជាបន្ទាប់ពីដឹងថាកម្ពុជាព្យាបាលជំងឺនេះដល់ជនបរទេសដោយមិនបង់ប្រាក់។ សេចក្តីប្រកាសព័ត៌មានរបស់ក្រសួងសុខាភិបាលនៅយប់មិញនេះ បញ្ជាក់ថា ជនជាតិឥណ្ឌូនេស៊ីទាំង២នាក់នោះបានពិនិត្យឃើញវិជ្ជមានកូវីដ-១៩ នៅមន្ទីរពេទ្យផាយ៉ាថៃ ក្នុងទីក្រុងបាងកកប្រទេសថៃ។ បន្ទាប់ពីពិនិត្យឃើញរោគជំងឺនេះ ដោយពុំមានលទ្ធភាពបង់ថ្លៃព្យាបាល ទើបពួកគេសម្រេចចិត្តធ្វើដំណើរមកកម្ពុជាតែម្តង។ ប្រភពដដែលថា ក្រោយមកដល់កម្ពុជាដោយចេញដំណើរពីច្រកអន្តរជាតិប៉ោយប៉ែត ពួកគេធ្វើដំណើរមកខេត្តសៀមរាប ហើយបានទៅជួបគ្រូពេទ្យនៅមន្ទីរពេទ្យបង្អែកខេត្ត ដោយប្រាប់ថាពួកគេមានផ្ទុកជំងឺកូវីដ១៩ ។ 

លោក ហ៊ុន សែន អះអាងថាកម្ពុជាត្រៀមខ្លួនរួចជាស្រេចដើម្បីផ្លាស់ប្តូរទំព័រប្រវត្តិសាស្ត្រថ្មីនៃទំនាក់ទំនងជាមួយអាមេរិក

លោកនាយករដ្ឋមន្ត្រី ហ៊ុន សែន បានអះអាងថាដើម្បីបុព្វហេតុសន្តិភាព និងវិបុលភាពរវាងកម្ពុជា និងអាមេរិកនោះ កម្ពុជាបានត្រៀមខ្លួនរួចជាស្រេច ក្នុងការផ្លាស់ប្តូរទំព័រប្រវត្តិសាស្ត្រថ្មី នៃទំនាក់ទំនងរវាងប្រទេសទាំងពីរ ដូចដែលលោកបញ្ជាក់យ៉ាងច្បាស់ទៅកាន់លោកប្រធានាធិបតីអាមេរិក ដូណាល់ត្រាំ កាលពីពេលថ្មីនេះ។ ក្នុងលិខិតមួយក្នុងខែមីនានេះ ដែលលោកហ៊ុន សែន បានផ្ញើទៅសមាជិកសភានៃរដ្ឋផ្លរីដា (Florida)  សហរដ្ឋអាមេរិក លោក ថិត យ៉ូហូ (Ted S. Yoho ) ដោយលើកឡើងថា មានការងារលើកិច្ចការទំនាក់ទំនងមួយចំនួនរវាងកម្ពុជា...

សមាគមគ្រូបង្រៀនកម្ពុជាឯករាជ្យហៅការចាប់សមាជិកខ្លួនថាជារឿងអយុត្តិធម៌

សមាគមគ្រូបង្រៀនកម្ពុជាឯករាជ្យព្រមានថា ការចាប់ខ្លួនសមាជិករបស់ខ្លួននៅខេត្តកំពង់ឆ្នាំងម្នាក់គឺជារឿងអយុត្តិធម៌ និងគំរាមកំហែងដល់សិទ្ធិសេរីភាពសមាគមគ្រូបង្រៀនផងដែរ។ សមាជិកសមាគមគ្រូបង្រៀនកម្ពុជាឯករាជ្យម្នាក់ លោក កែវ ថៃ ត្រូវបានសមត្ថកិច្ចជិត ២០នាក់ ព័ទ្ធចាប់ខ្លួនកាលពីម្សិលមិញ  នៅភូមិសាលា ឃុំពពេល ស្រុកបរិបូណ៌ ខេត្តកំពង់ឆ្នាំង។ ការចាប់ខ្លួននេះ មួយថ្ងៃក្រោយលោកនាយករដ្ឋមន្ត្រី ហ៊ុន សែន ព្រមានវាយខ្នោះដល់ផ្ទះ ដាក់បញ្ចូលគុកតែម្តង...
video

សហភាពអឺរ៉ុបគាំទ្រឲ្យប្រទេសអ៊ីរ៉ង់និងវេណេហ្ស៊ូអេឡាទទួលបានប្រាក់កម្ចីពីIMF

របបផ្ដាច់ការ២ដែលបានដាក់ពាក្យសុំប្រាក់កម្ចីម្នាក់ៗ៥ពាន់លានដុល្លារសហរដ្ឋអាមេរិកតាំងពីខែកុម្ភៈមកនោះត្រូវបានមូលនិធិរូបិយវត្ថុអន្ដរជាតិ IMF ច្រានចោល។ ការបដិសេដរបស់IMF នេះត្រូវបានមើលឃើញថាដោយសារតែការ ជំទាស់ពីសំណាក់សហរដ្ឋអាមេរិក ពីព្រោះប្រទេសអ៊ីរ៉ង់ និងវេណេហ្ស៊ូអេឡាដែលប្រកាន់របបផ្ដាច់ការនិយម កំពុងរងទណ្ឌកម្មធ្ងន់ធ្ងរពី     សហគមន៍អន្ដរជាតិ ជាពិសេស ពីសហរដ្ឋអាមេរិក។ កាលពីថ្ងៃទី២៤ខែមីនា ប្រធានកិច្ចការបរទសហភាពអឺរ៉ុប គឺលោកJosep Borrell             បាននិយាយថាអំឡុងពេលនេះ គឺអ៊ីរ៉ង់ និង វេណេហ្ស៊ូអេឡាកំពុងជួបគ្រោះអាសន្នធ្ងន់ធ្ងរណាស់ដោយសារតែការវាយលុកនៃជំងឺកូវីដ-១៩។
video

លោក ហ៊ុន សែន បានថ្លែងថា គ្មានគោលការណ៍ជម្លៀសនិស្សិតចេញពីប្រទេសកំពុងកើតជំងឺកូវីដ១៩នោះឡើយ

លោកនាយករដ្ឋមន្ត្រី ហ៊ុន សែន នៅថ្ងៃនេះបានអះអាងថាកម្ពុជាគ្មានគោលការណ៍ត្រូវជម្លៀសនិស្សិតដែលកំពុងរៀននៅតាមបណ្តាប្រទេស ដែលកំពុងកើតមានជំងឺកូវីដ១៩ ចូលប្រទេសវិញក្នុងស្ថានភាពនេះទេ។ ថ្លែងក្នុងពិធីជួបសំណេះសំណាលជាមួយគ្រូពេទ្យ ស្ម័គ្រចិត្ត ជាង៤០០នាក់នៅព្រឹកនេះ លោក ហ៊ុន សែន បានបញ្ជាទៅរដ្ឋមន្ត្រីក្រសួងការបរទេសលោក ប្រាក់ សុខុន ឱ្យទប់ស្កាត់គម្រោងវិលត្រឡប់ចូលប្រទេសវិញរបស់និស្សិតនៅសហរដ្ឋអាមេរិក ដោយថាដើម្បីបង្ការមិនឱ្យពួកគេត្រូវជួបបញ្ហាប្រឈម នឹងជំងឺកូវីដ១៩ នៅពេលធ្វើដំណើរមកកម្ពុជា។ បន្ថែមពីនេះ លោកបានប្រាប់ទៅនិស្សិតទាំងនោះ ឱ្យរួមសុខរួមទុក្ខជាមួយពលរដ្ឋអាមេរិក ដូចគ្នាទៅនឹងពលរដ្ឋខ្មែរ ឬនិស្សិតខ្មែរដែលកំពុងជាប់នៅប្រទេសចិនផងដែរ។ លោកថា ក្រៅពីនិស្សិតនៅអាមេរិក កម្ពុជាក៏គ្មានគម្រោងជម្លៀសនិស្សិតខ្មែរពីប្រទេសណាទាំងអស់ រួមទាំងប្រទេសក្នុងតំបន់អាស៊ានផង ព្រោះមិនចង់ឱ្យនិស្សិតទាំងនោះនាំជំងឺកូវីដ១៩ ចូលមកកម្ពុជា និងមិនចង់ឱ្យពួកគេត្រូវប្រឈមបញ្ហាផ្សេងៗ ជាពិសេសនាំបញ្ហាដល់ក្រុមគ្រួសារពួកគេទៀតផង។...
video

អង្គការអន្តរជាតិ Human Right Watch ជំរុញឱ្យរដ្ឋាភិបាលបញ្ឈប់ការចាប់ចង់ពលរដ្ឋដែលបានបញ្ចេញមតិពាក់ព័ន្ធជំងឺកូរ៉ូណា

អង្គការឃ្លាំមើលសិទិ្ធមនុស្សអន្តរជាតិ Human Right Watch បានជំរុញឱ្យអាជ្ញាធរកម្ពុជា គួរតែបញ្ឈប់ការចាប់ខ្លួនមនុស្សចំពោះការសម្តែងការព្រួយបារម្ភអំពីផលប៉ះពាល់នៃជំងឺកូវីដ១៩ឬ កូរ៉ូណា ក្រោមលេសថាជាការផ្សព្វផ្សាយព័ត៌មានក្លែងក្លាយ ។ ក្នុងសេចក្តីថ្លែងការណ៍របស់ខ្លួនកាលពីថ្ងៃម្សិលមិញ អង្គការឃ្លាំមើលសិទិ្ធមនុស្សអន្តរជាតិមួយនេះ បានឱ្យដឹងថាចាប់តាំងពីចុងខែមករា មកអាជ្ញាធររដ្ឋាភិបាលលោកហ៊ុន សែនបានចាប់ខ្លួនមនុស្សចំនួន ១៧ នាក់ហើយ ដែលក្នុងនោះមានស្រី ៥នាក់ ដោយគ្រាន់តែពួកគេចែកចាយនូវក្តីបារម្ភ ឬព័ត៌មានពាក់ព័ន្ធវីរុសកូរ៉ូណានៅកម្ពុជា។ ក្នុងចំណោមពលរដ្ឋដែលត្រូវបានចាប់ខ្លួនទាំងនោះ ក៏មានសមាជិក...

MEDIA FEEDS

Popular

video

ជំងឺCovid-19 គំរាមផ្ដួលរបបសាសនានិយមនៅអ៊ីរ៉ង់

សាធារណរដ្ឋឥស្លាមនៃប្រទេសអ៊ីរ៉ង់គឺជារបបផ្ដាច់ការសាសនានិយម។ប្រទេសឥស្លាមមួយនេះស្ថិតនៅក្រោមអំណាចរបស់មេសាសនាកំពូលរបស់ប្រទេស គឺអាយ៉ាតូឡាខេមម៉ានី។ អ៊ីរ៉ង់ជាប្រទេសមានឥទ្ធិពលជាងគេនៅមជ្ឈឹមបូព៌ា។ ប្រទេសផលិតប្រេងដ៏ធំរបស់ពិភពលោកមួយនេះបានធ្លាក់ក្នុងសង្គ្រាមមេរោគកូរ៉ូណាឬជំងឺផ្លូវដង្ហើមកូវីដ១៩រយៈពេលជិត៣ខែមកហើយ។ ជំងឺដ៏រាតត្បាតសាហាវនេះបានសម្លាប់មិនត្រឹមប្រជាជនអ៊ីរ៉ង់ក្រីក្រស្លូតបូតនោះទេ តែវាបានសម្លាប់រហូតដល់ទៅមេដឹកនាំកំពូលៗរបស់ប្រទេសនេះទៀតផង។ គិតមកដល់ពេលនេះប្រជាជនអ៊ីរ៉ង់ស្លាប់ជិត៣ពាន់៣០០នាក់ហើយដោយសារមេរោគដ៏កំណាចនេះ។ គេហទំព័រ zero Hedge.com បានធ្វើការវិភាគថារបបសាសនានិយមនៅអ៊ីរ៉ង់នៅពេលនេះស្ថិតក្នុងស្ថានភាពគ្រោះថ្នាក់ គឺដោយសារតែការទប់ទល់មិនអាចជោគជ័យបាននូវការរាតត្បាតរបស់មេរោគកូរ៉ូណាដែលពីមួយថ្ងៃទៅមួយថ្ងៃសម្លាប់ពលរដ្ឋអ៊ីរ៉ង់ច្រើនរាប់រយនាក់ គឺជាស្ថានភាពមួយធ្ងន់ធ្ងរជាងអាមេរិកដាក់ទណ្ឌកម្មទៅទៀត។មានន័យថាប្រទេសឥស្លាមមួយនេះកំពុងតែជួបទ្វេគ្រោះ។ Zero hedge បានបន្ដទៀតថាមេដឹកនាំកំពូលអាយ៉ាតូឡាអាលីខេមម៉ានីហាក់ដូចជាស្ងប់ស្ងាត់មិនបានចេញមុខជាសាធារណៈច្រើនទេនៅប៉ុន្មានថ្ងៃមកនេះ ព្រោះលាក់ខ្លួនដោយសារកូវិដកូរ៉ូណា ដែលធ្វើឱ្យរចនាសម្ព័ន្ធសេដ្ឋកិច្ចរបស់ប្រទេសនេះជួបគ្រោះថ្នាក់យ៉ាងធ្ងន់ធ្ងរបន្ថែមលើ ការដាក់ទណ្ឌកម្មរបស់អាមេរិក។