Wednesday, July 15, 2020

ព័ត៌មាន

នួន​ ជា ច្រាន​ចោល​រាល់​ឯក​សារ​​​ជា​ភ័ស្តុ​តាងសម្រាប់​​ដាក់​បន្ទុក​លើ​ខ្លួន​នៅ​សាលា​ក្ដីខ្មែរ​ក្រហម​​​

កាលពីម្សិលមិញ​ ជន​ជាប់​​ចោទ​ពីបទ​ឧក្រិដ្ឋ​កម្ម​សង្គ្រាម នួន ជា ​​បានថ្លែង​យ៉ាង​ក្បោះ​ក្បាយ​​​​ប្រាប់​សាលា​ក្ដីខ្មែរ​ក្រហម​​ថា ការ​ជម្លៀស​ប្រជា​​​ជន​​យ៉ាង​ព្រៃផ្សៃ​ចេញពីទីក្រុង​​ភ្នំពេញ​ និង​ទីក្រុង​ផ្សេងៗទៀត​ក្នុង​ឆ្នាំ​១៩៧៥​ មិន​មែន​ធ្វើ​ឡើង​ដោយ​​បង្ខំ​ទេ ហើយ​ថា រាល់​ឯក​សារ​ជាភ័ស្តុតាង​ដែល​ត្រូវ​បាន​ប្រើ​ដើម្បី​ដាក់​បន្ទុក​លើ​រូប​លោក​នៅ​តុលាការ​គឺ​ជាការ​បំផ្លើស​អំពី​តួនាទី​របស់​លោក​ក្នុង​របប​នេះ​។ អង្គុយ​នៅ​ចុង​គ្រែ​ក្នុង​បន្ទប់​ឃុំ​ខ្លួន​​ ចុង​ចោទ​ក្នុង​វ័យ៨៧​ឆ្នាំរូប​នេះ បាន​ចោទ​សួរ​អំពី​ការ​យក​​ទស្សនាវដ្ដី​ទង់​ជាតិ​បដិវត្ត​ន៍​​ (Revolutionary Flag) ដែល​ជា​ទស្សនាវដ្ដី​ផ្លូវ​ការ​ក្នុង​របប​កម្ពុជា​ប្រជា​ធិតេយ្យ​ និង​សៀវ​ភៅ​​​និពន្ធ​ដោយ​ជន​បរទេស​មក​ធ្វើ​ជា​ភ័ស្តុតាង​​បញ្ជាក់​ពី​តួនាទី​របស់​លោក​ក្នុង​របប​នោះ​។ ជន​ជាប់​​ចោទ​ នួន​ ជា បានចំណាយ​ពេល​៣០​នាទី​អាន​លិខិត​ត្រៀម​ទុក​ជា​មុន​​ថា “ ខ្ញុំ​យល់​ល្មម​នឹង​ជឿថា អ្វី​ដែល​​ព្រះរាជ​អាជ្ញា​​បាន​លើក​ឡើង​គឺ​មិន​ត្រឹម​ត្រូវ​ផង​ និង​មិន​ឆ្លុះ​បញ្ចាំង​ពីហេតុការណ៍​ពិត​ប្រាកដ​ដែល​បាន​កើត​ឡើង​អំឡុង​ពេល​នោះ​ផង​”។ នួន ជា និយាយ​ថា ខ្លួន​បាន​ថ្លែង​បែប​នេះ​ដើម្បី​ឲ្យ​ុុតុលាការ​បាន​យល់​ច្បាស់​ ​និង​ដើម្បី​តវ៉ា​ចំពោះ​ខ្លឹម​សារ​ និង​ទម្រង់​ឯកសារ​ដែល​ព្រះរាជអាជ្ញា​បាន​បង្ហាញ​។ នួន ជា​ បាន​ប្រាប់​តុលាការថា ការ​ជម្លៀស​ប្រជាជន​ចេញ​ពី​ទីក្រុង​ភ្នំពេញ​​ និង​ទីក្រុង​ផ្សេងៗទៀត​បាន​ធ្វើ​ឡើង​ដោយសារ​កង្វះ​ស្បៀង​អាហារ​នៅ​ទូទាំង​ប្រទេស និងដោយ​​​​សារ​ការ​ព្រួយ​បារម្ភ​ខ្លាច​យន្តហោះ​អាមេរិក​ទម្លាក់​គ្រាប់​បែក​​សម្លាប់​មនុស្ស​មិន​រើស​មុខ​នៅ​ប្រទេស​នេះ​ម្ដង​ទៀត​ ដូច​ដែល​ខ្លួន​ធ្លាប់​បាន​ធ្វើ​ក្រោម​ការ​ដឹក​នាំ​របស់​រដ្ឋាភិ​បាល​យោធា​ លន់ នល់។ នួន ជា បាន​ប្រាប់​តុលាការ​ថា “ ការ​បំផ្លិច​បំផ្លាញ​បង្ក​ឡើង​ដោយការ​ទម្លាក់​គ្រាប់បែក​​បាន​ធ្វើ​ឲ្យ​មានការ​ខ្លោច​ផ្សា​ក្នុង​​ចិត្ត​ណាស់​នៅ​ពេល​ទ្រព្យ​សម្បត្តិ​ ផ្ទះសំបែង​​ វត្តអារ៉ាម និង​សត្វពាហនៈ​រង​ការ​ប៉ះពាល់​ ហើយ​ជីវិត​របស់​ជន​ស្លូត​ត្រង់​រាប់​ពាន់​នាក់​បានបាត់​បង់​។ ដោយ​បាន​គិត​ដល់​សោកនាដកម្ម​ដែល​ទំនង​បំផុត​ថា​នឹង​កើត​ឡើង​ម្ដង​ទៀត​ និង​ដើម្បី​ធានា​សុវត្ថិ​ភាព និង​សន្តិសុខ​សម្រាប់​ប្រជា​ជន​ ថ្នាក់​ដឹក​នាំ​របប​កម្ពុជា​ប្រជា​ធិបតេយ្យ​ ជា​ពិសេស​គឺ​ ប៉ុល ពត បាន​សម្រេច​ចិត្ត​ជម្លៀស​ប្រជា​ជន​​​​​​​ចេញពីទីក្រុង​​”។ នួន ជា បាន​អះអាង​ថា ការ​ជម្លៀស​​នេះ​ត្រូវ​បាន​ “ ធ្វើ​ឡើង​ដោយ​ស្ម័គ្រ​ចិត្ត​គ្មាន​ការ​បង្ខិត​បង្ខំ​ ការ​ប្រើ​អំពើ​ហិង្សា​ ឬការ​សម្លាប់​ប្រជា​ជន​ឡើយ​”។ ផ្ទុយ​ពីការ​អះអាង​របស់​ នួន ជា សាក្សី​​ដែល​ស្ថិត​នៅក្នុង​ហេតុការណ៍​ឆ្នាំ​១៩៧៥​នេះ​បាន​ប្រាប់​តុលាការ​ម្ដង​ហើយ​ម្ដង​ទៀត​ថា ប្រជា​ជន​ត្រូវ​បាន​ជម្លៀស​ចេញ​ពី​ទីក្រុង​ដោយ​កង​ទ័ព​ខ្មែរ​ក្រហម​ប្រដាប់​អាវុធ​ ដែល​មួយ​ចំនួន​ក្នុង​ចំណោម​ពួកគេ​បាន​បាញ់​សម្លាប់​ប្រជា​ជន​ដែល​ហា៊ន​ប្រឆាំង​។ អ្នក​ជំងឺ​ និង​មនុស្ស​ជិត​ស្លាប់​ក៏ត្រូវ​បាន​បង្ខំ​ឲ្យ​ចាក​ចេញ​ពី​មន្ទីរ​​ពេទ្យ​នានា​​ឲ្យ​អស់​ដែរ​។ ក្នុង​ខែ​ឧសភា នួន ជា ខ្លួន​ឯង​បាន​សម្ដែង​វិប្បដិសារី​ដ៏​​គួរ​ឲ្យ​ភ្ញាក់​ផ្អើល​ ហើយថា​ គាត់​មាន​មន​សិការទទួល​ខុស​​ត្រូវ​​ចំពោះ​​អ្វី​ដែល​បាន​កើត​ឡើង​ក្នុង​របប​នោះ។ នួន ជា បាន​និយាយ​ប្រាប់​តុលាការ​នៅ​ពេល​នោះ​ថា “ ខ្ញុំ​ទទួល​ខុស​​ត្រូវ​ចំពោះ​អ្វី​ដែល​បាន​កើត​ឡើង​អំឡុង​សម័យ​កម្ពុជា​ប្រជា​ធិបតេយ្យ​។ ខ្ញុំ​មិន​គេច​វេះ​​ពី​ការ​ទទួល​ខុសត្រូវ​របស់​ខ្លួន​ឯង​ទេ​។ ខ្ញុំ​ទទួល​ខុស​​ត្រូវ​ដោយ​​សុទ្ធចិត្ត​។ ខ្ញុំ​​និយាយ​ដោយ​ស្មោះ​ត្រង់​។ ក្នុង​នាម​ជា​សមាជិក​នៃ​របប​កម្ពុជា​ប្រជា​ធិប​តេយ្យ​ ខ្ញុំ​ទទួល​យក​ការ​ទទួល​ខុស​ត្រូវ​នេះ”​។ ទោះ​ជាយ៉ាង​ណា​ នួន ជា ហាក់​ដូច​ជា​បាន​ផ្លាស់​ប្ដូរ​ចិត្ត​កាលពីម្សិលមិញ​ ដោយ​បាន​រិះ​គន់​ព្រះរាជអាជ្ញា​ចំពោះ​ការយក​​អត្ថបទ​ថត​ចម្លង​នៃ​ទស្សនាវដ្ដី​ទង់​ជាតិ​បដិវត្តន៍​របស់​របប​នេះ​មក​ធ្វើ​ជា​ភ័ស្តុតាង​បញ្ជាក់​ពី​តួនាទី​របស់​លោក​ក្នុង​របប​នេះ​ ដោយ​បាន​អះអាងយ៉ាង​ច្បាស់​​ថា ខ្លឹម​​សារ​​​នៅ​ក្នុង​​ទស្សនាវដ្ដី​នោះ​គឺ​ជា​ស្នាដៃ​របស់​ ប៉ុល ពត។ នួន ជា និយាយ​​​ថា “ តាម​ពិត​​  ទង់​ជាតិ​បដិវត្តន៍​​គ្មាន​អ្វី​ពាក់​ព័ន្ធ​ជាមួយ​ខ្ញុំ​ទេ​​។ គឺ ប៉ុល ពត តែម្នាក់​ឯង​ទេ ​ដែល​ធ្វើ​សេចក្ដី​សម្រេច​មុន​ពេល​អត្ថបទ​ណាមួយ​អាច​​​ចេញ​ផ្សាយ​បាន​។ និយាយ​រួម​ទៅ ​វា​មិន​មែន​​ជា​សេច​ក្ដី​សម្រេច​រួម​ទេ វា​គឺ​ជា​សេចក្ដី​សម្រេច​របស់​ ប៉ុល ពត តែ​ម្នាក់​ ដែល​មាន​​អំណាច​ទាំង​​ស្រុង​។អ្វី​ដែល​គាត់​ហា៊ន​និយាយ​គឺ​គាត់ហ៊ាន​​​ធ្វើ​​”។ នួន ជា និយាយ​បន្ត​ថា ខ្លួន​នឹងប្រឆាំង​​កា​រ​រាប់​បញ្ចូល​​អត្ថបទ​ដក​ស្រង់​ចេញ​ពី​សៀវ​ភៅ​និពន្ធ​ដោយ​​លោក​ ហ្វីលីព ឆត​ (Philip Short) លោក ដេវិ​ដ ឆាណ្ឌល័រ (David Chandler) និង​​លោក ហ្វ្រង់ស័រ ប៉ុនឆូត (Francois Ponchaud)។ នួន ជា ​បាន​និយាយ​ថា “ តាម​ពិត​ សៀវ​ភៅ​​ទាំង​នេះ ​បើ​ទោះ​ជាមាន​ឯកសារ​នៅ​ខាង​ក្នុង​​ក៏​វាមិន​ពិត​​១០០​ភាគរយ​ដែរ​”។ ​នួន ជា បាន​ស្វះស្វែង​បំភ្លឺ​ថា គាត់​មិន​ដែល​មាន​មុខ​តំណែង​ជា​​នាយក​រដ្ឋមន្ត្រី​ស្ដីទី​​ពេល​ ប៉ុល ពត អវត្តមាន​ទេ​​ ហើយ​បាន​ប្រាប់​​អង្គ​ជំនុំជម្រះ​ថា សម្ដី​របស​់​ខ្លួន​គឺ​មាន​ “ សារៈ​សំខាន់​​សម្រាប់​ការ​ទទួល​បាននូវ​​ការពិត​ និង​យុត្តិធម៌​​”។ ឆន្ទៈ​របស់​ នួន ជា ក្នុង​ការ​បន្ត​ស្រាយ​បំភ្លឺ​ផ្ទាល់​មាត់​នៅ​ចំពោះ​មុខ​តុលាការ​ គឺ​ផ្ទុយ​គ្នា​ពី​សហចុង​ចោទ​របស់​ខ្លួន​គឺ​ ខៀវ សំផន​ ដែល​បាន​ប្រាប់​តុលាការ​ថា ខ្លួន​នឹង​បន្ត​រក្សាភាព​ស្ងប់​ស្ងាត់​រហូត​ដល់​ចប់​សវនាការ​ជំនុំជម្រះ​​ទោស​របស់​ខ្លួន​។ ខៀវ សំផន បាន​ប្រាប់​តុលាការ​ថា “ ខ្ញុំ​សូម​ជម្រាប​លោក​ចៅក្រម​ថា ខ្ញុំ​មាន​មូលហេតុ​​ក្នុង​ការ​ប្រើ​សិទ្ធិ​​រក្សា​ភាព​ស្ងាត់ស្ងៀម”។ ខៀវ សំផន និយាយ​ដោយ​មិន​បរិយាយ​​លម្អិត​ថា “ មូល​ហេតុ​គឺ​ដោយសារ​តុលាការ​មិន​បាន​គោរព​សិទ្ធិ​របស់​ខ្ញុំ និង​សិទ្ធិ​របស់​មេធាវីចុង​ចោទ​។ ដំបូង​ឡើយ​ខ្ញុំ​មាន​ជំនឿ​លើ​តុលាការ​នេះ​ ប៉ុន្តែ​ក្រោយ​មក​ គឺ​នៅ​នាទី​​ចុង​ក្រោយ ​ខ្ញុំ​លែង​មាន​ជំនឿ​លើ​តុលាការ​ទៀត​ហើយ​”។ ព្រះរាជអាជ្ញារង​ជាន់​ខ្ពស់​ លោក​ តារីក អាប់​ឌុលហាក់ (Tarik Abdulhak) បាន​និយាយ​ថា លោកមាន​ភាព​​ “ ស្រឡាំង​កាំង​” ចំពោះ​​ការ​សម្រេច​ចិត្ត​របស់​ ខៀវ សំផន ព្រោះ​ចុង​ចោទ​រូប​នេះ​តែ​ង​បាន​បង្ហាញ​ពី​ចេតនា​របស់​ខ្លួ​ន​ក្នុង​ការ​ឆ្លើយ​សំណួរ​​។ លោក​បាន​ធ្វើ​ការ​កត់​សម្គាល់​ថា ភាព​ស្ងាត់​ស្ងៀម​របស់​ ខៀវ សំផន អាច​មាន​ផល​អាក្រក់​​ចំពោះ​គាត់​ខ្លួ​ន​ឯង​ ពេល​ចៅក្រម​​ពិចារណា​ចេញ​សេចក្ដី​សម្រេច​។ លោក ស្តេហ្វិន ហ៊ែតឌើ (Stephen Heder)​អតីត​ទីប្រឹក្សា​នៅការិយាល័យ​សហចៅក្រម​ស៊ើប​អង្កេត​ និង​ជា​អ្នក​ស្រាវជ្រាវ​ប្រវត្តិ​សាស្ត្រ​​ខ្មែរ​ក្រហម​ដ៏លេច​ធ្លោរ​មួយ​រូប​​ ក៏បាន​ចូល​រួម​ក្នុង​សវនាការ​ដែរ​កាលពីម្សិលមិញ​។ លោក ហ៊ែតឌើ ដែល​បាន​បដិសេធ​​ការ​អញ្ជើញ​ឲ្យ​មក​ធ្វើ​ជា​​សាក្សី​ជំនាញ​​កាលពីខែ​ឧសភា បាន​លាលែង​ពីតុលាការ​នេះ​ក្នុង​ឆ្នាំ​២០១១ ដោយ​បាន​លើក​ឡើង​អំពី​ “ បរិយា​កាស​អាប់​អួរ” ។ ការ​ផ្ដល់​សក្ខីកម្ម​របស់​លោកនឹង​បន្ត​នៅ​ថ្ងៃ​នេះ​៕ ប្រែសម្រួល​ដោយ ភួន ច័ន្ទសេរីវុធ

គណបក្ស​ប្រជា​ជន​កម្ពុជា​ចាត់​ប្អូន​ប្រុស​លោក កឹម​ សុខា ឲ្យ​និយាយ​បង្ខូច​គណបក្ស​សង្គ្រោះ​ជាតិ

​ស្រុក​ពាម​ជរ, ខេត្តព្រៃ​វែង- ខណៈ​ពេល​ដែល​លោក កឹម សុខា​ មេ​ដឹក​នាំ​គណ​បក្ស​ប្រឆាំង​កំពុង​ធ្វើ​ដំណើរ​ទូទាំង​ប្រទេស​​ដើម្បី​ស្វែង​រក​សំឡេង​​គាំ​ទ្រ​សម្រាប់​គណបក្ស​របស់​លោក​ក្នុង​ការ​បោះ​ឆ្នោត​ជាតិ​នៅ​ថ្ងៃ​ទី​២៨​ ខែ​កក្កដា​ខាង​មុខ​នេះ ឧត្តម​សេនីយ៍​ទោ ​​​កឹម​ សុខុន ត្រូវ​ជា​​ប្អូន​ប្រុស​បង្កើត​របស់​លោក​​​ដែល​បាន​ផ្ដាច់​ខ្លួន​ពី​គណបក្ស​ប្រឆាំង​ ក៏កំពុង​​ធ្វើដំណើរ​ក្នុង​នាម​ជា​តួឯក​តំណាង​ឲ្យ​គណ​បក្ស​កាន់​អំណាច​​​ដែរ ដើម្បី​បង្ខូច​កេរ្ដិ៍​ឈ្មោះ​​បក្ស​សង្គ្រោះ​ជាតិ​របស់​បង​ប្រុស​លោក។ ​នៅ​ក្នុងពិធីជួប​ជុំមួយ​ក្នុង​ខេត្ត​ព្រៃ​វែង​កាល​ពី​ម្សិល​មិញ ឧត្តម​សេនីយ៍ទោ កឹម សុខុន ​ដែលពី​មុន​ជា​អ្នក​នយោបាយ​គណ​បក្ស​​ប្រឆាំង​ ប៉ុន្ដែ​ពេល​នេះ​មាន​ឋានៈជា​ឧត្តម​សេនីយ៍​ផ្កាយ​​ពីរ​ក្នុង​ជួរ​នគរ​បាល​ជាតិ​នោះ ​បាន​ចូល​រួម​ជា​មួយ​បេក្ខ​ជន​​គណបក្ស​កាន់​អំណាច​ដើម្បី​ថ្លែង​សុន្ទរកថា​រយៈពេល​ជិត​បួន​ម៉ោង​ទៅ​កាន់អ្នក​គាំ​ទ្រ​គណបក្ស​ប្រជា​ជន​កម្ពុជា​ប្រហែល៧០០​នាក់​នៅ​ក្នុង​ឃុំ​ស្វាយ​ភ្លោះ​។ ​ឧត្តម​សេនីយ៍​ទោ កឹម សុខុន ​មាន​ប្រ​សាសន៍​​ទៅ​កាន់​អ្នក​ចូល​រួម​ថា គោល​នយោ​បាយ​របស់​​គណបក្ស​សង្គ្រោះ​ជាតិ​​ដែល​សន្យា​​​ដំឡើង​ប្រាក់​ខែ និង​ផ្ដល់​ប្រាក់​ឧបត្ថម្ភដល់​ចាស់​ជរា ប្រសិន​បើ​គណបក្ស​នេះ​ឈ្នះ​ឆ្នោត​នោះ គឺ​ជា​ការ​សន្យា​ខ្យល់​ ហើយ​លោក​បាន​ព្រមាន​ថា ពាក់​ព័ន្ធ​នឹង​ការ​បង្កើត​គណបក្ស​សង្គ្រោះ​ជាតិ លោក​ កឹម...

សកម្មភាព​​​ពាណិជ្ជកម្ម​​តាម​​​​​​កំពង់​​​ផែ​​​​​​ភ្នំពេញ​​​​​​កើន​​​ឡើង​​​២៩​​​ភា​​​គ​​​​​​រយ

យោង​​​តាម​​​តួលេខ​​​ចេញ​​​ផ្សាយ​​​កាល​​​ពី​​​ថ្ងៃ​​​ច័ន្ទ​​​ បាន​​​ឲ្យ​​​ដឹង​​​ថា ចំនួន​​​កុងតឺណ័រ​​​ដឹក​​​ទំនិញ​​​ឆ្លង​​​​​​កាត់​​​ច្រក​​​កំពង់​​​ផែ​​​ស្វយ័ត​​​​​​ភ្នំពេញ​​​ បាន​​​កើន​​​ឡើង​​​​​​២៩​​​ភាគ​​​រយ​​​ក្នុង​​​រយៈ​​​ពេល​​​ប្រាំមួយ​​​ខែ​​​ដំបូង​​​នៃ​​​​​​ឆ្នាំនេះ បើ​​​ប្រៀប​​​ធៀប​​​នឹង​​​រយៈ​​​ពេល​​​​​​ដូច​​​គ្នា​​​​​កាល​​​​​​ពី​​​ឆ្នាំ​​​មុន​​​។ កំពង់ផែ​​​នេះទទួលបាន​​​​​​កុងតឺណ័រស្តង់​​​ដា​​​រ​​​​​​​​​ចំនួន​​​៥០.១៥៧​​​​​​ចន្លោះ​​​ពីខែ​​​មករា​​​ដល់​​​ខែ​​​មិថុនា ពោល​​​គឺ​​​បាន​​​កើន​​​ឡើង​​​ពី​​​៣៨.៨៨២​​​​​​កុងតឺណ័រ ក្នុង​​​រយៈ​​​ពេល​​​ប្រាំមួយ​​​ខែ​​​ដំបូង​​​នៃ​​​ឆ្នាំ​​​២០១២។ លោក​​​ ហ៊ី បាវី អគ្គនាយក​​​កំពង់ផែ​​​ស្វយ័ត​​​​​​ភ្នំពេញ​​​​​​​​​ បាន​​​មា​​​ន​​​ប្រសាសន៍​​​ថា សកម្មភាព​​​ផលិត​​​​​​កម្ម​​​ផលិត​​​ផល​​​វាយនភណ្ឌ​​​​​​ក្នុង​​​ស្រុក​​​ដែល​​​បានកើន​​​ឡើង​​​ ព្រម​​​ទាំង​​​បរិមាណ​​​តម្រូវ​​​ការ​​​គ្រឿង​​​សំណង់​​​ និង​​ឧបករណ៍​​​ប្រើ​​​ប្រាស់​​​ក្នុង​​​វិស័យ​​​កសិកម្ម​​​ គឺ​​​ជា​​​កត្តា​​​ជំរុញ​​​ឲ្យ​​​ទំហំ​​​ពាណិជ្ជ​​​កម្ម​​​នេះ​​​កើន​​​ឡើង​​​។ ​​ លោក បាវី បន្ត​​​​​​ថា សកម្មភាព​​​ពាណិជ្ជ​​​កម្ម​​​ឆ្លង​​​កាត់​​​កំពង់​​​ផែ​​​ស្វយ័ត​​​​​​ភ្នំពេញ​​​​​​ទំនង​​​ជា​​​កើន​​​ឡើង​​​បន្ត​​​ទៀត​​​​​​។ លោក​​​បាន​​​មា​​​ន​​​ប្រសាសន៍​​ថា “ បរិ​​​មាណ​​​ទំនិញ​​​ពាណិជ្ជកម្ម​​​នឹង​​​ចាប់​​​ផ្ដើ​​​ម​​​កើន​​​ឡើង​​​បន្ថែម​​​ទៀត​​​នៅ​​​ដើម​​​ខែ​​​កក្កដា”។ លោក  ហ៊ី...

តុលាការ​​​ជំនុំជម្រះ​​ទោស​នគរ​បាល​ដែលបាញ់​អ្នក​​បើក​រថយន្ត​​រឿង​មិន​ផ្ដល់​ប្រាក់​​នៅ​កុង​ត្រូល​ជជុះ

កាល​ពី​​​​​​​ម្សិលមិញ សាលា​ដំបូង​រាជ​ធានី​ភ្នំពេញ​​​បាន​បើក​សវនាការ​​​​ជំនុំ​​​ជម្រះ​​​ទោស​​​អតីត​មន្ត្រី​នគរបាល​ពីរ​នាក់​ ​ត្រូវ​បាន​​​ចោទ​ប្រកាន់​​ពី​បទ​បាញ់​​​​ប្រហារ​​​បុរស​អាយុ​២៩​ឆ្នាំ​ម្នាក់​ ​ដែលបដិសេធ​​មិន​​​ផ្តល់​​​ប្រាក់​​​ឲ្យ​ខ្លួន​​​​នៅ​​​​​កុងត្រូល​​​ជជុះ​​​មួយ​​​កន្លែង​​​​កាល​ពី​ខែ​មករា​។ លោក សួស សំអាត ប្រធាន​​​​​​ក្រុម​​​ប្រឹក្សា​​​​ជំនុំ​ជម្រះ ឲ្យ​​​ដឹង​​​​ថា ឈ្មោះ យូ សុខគា អាយុ​៣០​ឆ្នាំ​និង​ គង់ ដារ៉ា អាយុ​៤៤​ឆ្នាំ កំពុង​ប្រឈម​នឹង​ការ​ចោទ​ប្រកាន់​ពី​បទ​ប៉ុន​ប៉ង​ជំរិត​​ទារ​ប្រាក់​ និង​ប្រើ​​​​ប្រាស់​​​អាវុធ​ខុស​ច្បាប់​។ នៅ​ក្នុង​សវនាការ​ ឈ្មោះ​​​ យូ សុខគា​ បាន​បដិសេធ​ថា មិន​បាន​បាញ់​ជន​រង​គ្រោះឈ្មោះ​​ ឌី វិចិត្រ​ ដែល​ត្រូវ​របួស​ដោយ​គ្រាប់​កាំភ្លើង​មួយ​គ្រាប់​ចំ​ទ្រូង​ខាង​ឆ្វេង​​​​ក្រោយ​​​​​​​កើតមាន​​​ហេតុការណ៍​នៅ​ផ្លូវ​លេខ​៥៩៨ នៅក្នុង​ខណ្ឌ​ឫស្សីកែវ​​​​​​​ទេ​​​ ប៉ុន្តែ​បាន​សារភាព​ថា ខ្លួន​​​បាន​​​​​​រាលកៃ​​​កាំ​​​ភ្លើង​​​និង​​​បាន​​​ទារ​​​​ប្រាក់​នោះ​​​​​មែន​​​។ ចម្លើយ​​​របស់ យូ សុខគា គឺ​​​ផ្ទុយ​​​​​​គ្នាពី​​​ការ​​​អះអាង​​​របស់​ជន​រង​គ្រោះ​ ​បាន​និយាយ​​​នៅ​មន្ទីរ​​ពេទ្យ​ថា​​​  ខ្លួន​​​គ្រាន់​​​តែ​បដិសេធ​​មិន​​​​ផ្តល់​​​ប្រាក់​​​​តាម​​​ការ​ទាម​ទារ​របស់​មន្ត្រី​នគរ​បាល​​​​​​​ពាក់ព័ន្ធ​​​ទាំង​ពីរ​នាក់​ ដែលបាន​​​​ឃាត់​​​​​​រថ​យន្ដ​​​​​របស់​​​គាត់​ពេល​​កំពុង​ដឹក​ម្ទេស​។លោកបាន​និយាយ​ថា “ ខ្ញុំ​បាន​ឃើញ​អ្នក​បើកបរ​នេះ​ចេញ​​ពី​រថយន្ត​ ហើយ​​​​ដើរ​​​​សំដៅ​​​មក​រក​ខ្ញុំ​​ដោយ​មាន​​កាន់​ដំបង​ដែក​ក្នុង​ដៃ​​​ផង​​​​ ​​ឃើញ​​​​ដូច្នេះ​​​ ខ្ញុំ​ក៏​​​​បាន​ដក​កាំភ្លើង​​ខ្លី​ចេញ​”។​​​ លោកបន្ត​​​ថា ​​​ខ្លួន​​​បាន​បាញ់​កាំភ្លើង​ឡើង​លើ​ ដើម្បី​ព្រមាន​​​​លោក វិចិត្រ។ សុខគា​​​​​​ ​សារភាព​ថា ខ្លួន​​​​​ទៅ​​​​​​​​​​​ឈរជើង​​​​​​នៅ​​​​លើ​​ផ្លូវ​លេខ​៥៩៨​​​​​​​​​ដោយ​​​គ្មាន​​​ការ​​​អនុញ្ញាត​​​​​​ជា​​​ប្រចាំ ​​​ដើម្បី​ជំរិត​​​​ទារ​ប្រាក់​ពី​អ្នក​បើក​បរ​ផ្សេង​​​ៗ ​​​ហើយ​​​​ថា ខ្លួន​​​​បាន​ធ្វើ​ដូច្នេះ​អស់​រយៈ​ពេល​​​​ប្រហែល​​​ពីរ​ឆ្នាំ​មក​ហើយ​។​ សុខគា​​​​​​ បន្ត​​​​ថា “ ខ្ញុំ​មិន​មែន​ជា​នគរបាល​ចរាចរទេ​ ប៉ុន្តែ​ខ្ញុំ​បាន​សម្រេច​ចិត្ត​ធ្វើ​បែប​នេះ​ ដើម្បី​​​​ផ្គត់ផ្គង់​​​ជីវ​ភាព​​​​ខ្វះខាត​​​​​​​​របស់​​​គ្រួសារ​​​​ខ្ញុំ​​​។ ខ្ញុំ​​​​​​សំណូម​​​ពរ​​​​​​​ឲ្យ​​​លោក​ចៅក្រម​​​មេត្តា​​​​កុំ​​​​ផ្តន្ទា​ទោស​​​ឲ្យ​​​ខ្ញុំ​​​ជាប់​​​ពន្ធនាគារ​​​យូរពេក​​​​”។ ​ចំណែក​​​ គង់ ដារ៉ា ​អះអាង​ថា ខ្លួន​​​ពុំ​​​​មាន​វត្ត​មាន​នៅ​​កន្លែង​កើត​ហេតុ​​ទេ ពេល​​​​មាន​ការ​បាញ់​ប្រហារ​​នោះ​​។ គាត់​បន្ត​ថា “ ខ្ញុំ​បាន​ឃើញ​មន្ត្រី​នគរ​បាល​ម្នាក់​​​ដេញ​តាម​រថយន្ត​​​​​​​​​មួយ​គ្រឿង​​ពេល​ខ្ញុំ​​​​កំពុង​​​ស្ថិត​នៅ​ស្ថានីយ​ប្រេង​ឥន្ធនៈ​​​មួយ​​​កន្លែង​​​ឆ្ងាយ​​​ពី​​​ទីនោះ​​​​​​។​​​​ ខ្ញុំ​មិន​បាន​ដឹង​ថា ​​​មាន​ការ​​​​​​​បាញ់​​​ប្រហារ​​​​នេះ​​ទេ​”។ ​​ចៅក្រម សំអាត ​ថ្លែង​​ថា ទង្វើ​​​របស់​ជន​សង្ស័យ​ទាំង​ពីរ​​​​នេះ​​​​​​ធ្វើ​ឲ្យ “ ​​​ប៉ះ​ពាល់​​យ៉ាង​​​​ខ្លាំង​​​​​ដល់​សាធារណជន​ និង​​​កិត្តិយស​​របស់​មន្ត្រី​នគរ​បាល​ផ្សេង​​​​ទៀត​”។សាល​ក្រម​នឹង​ត្រូវ​ប្រកាស​​​នៅ​ថ្ងៃ​ទី​២៥...

មន្ត្រី​​​មូល​​​ដ្ឋាន​​​​​ឲ្យ​​​ប្រជា​​​ពល​​​រដ្ឋ​​​​​គូស​សន្លឹក​ឆ្នោត​​​​សាក​​​ល្ប​​ង​​​សម្រាប់​ CPP

អ្នក​​​បោះ​​​ឆ្នោត​​​នៅ​​​ក្នុង​​​ខេត្ត​​​យ៉ាង​​​តិច​​​ចំនួន​​​ពីរ​​​បាន​​​លើក​​​ឡើង​​​កាល​​​ពី​​​ម្សិល​​​មិញ​​​ថា មន្ត្រី​​​មូល​​​ដ្ឋាន​​​បាន​​​ធ្វើ​​​ដំណើរ​​​ពី​​​ផ្ទះ​​​មួយ​​​ទៅ​​​ផ្ទះ​​​មួយ​​​ស្នើ​​​ឲ្យ​​​ប្រជា​​​ពល​​​រដ្ឋ​​​គូស​​​ និង​​​បោះ​​​ឆ្នោត​​​គាំទ្រ​គណ​​​បក្ស​​​ប្រជា​​​ជន​​​កម្ពុជា​​​របស់​​​លោក​​​នាយក​​​រដ្ឋ​​​មន្ត្រី ហ៊ុន សែន នៅ​​​លើ​​​សន្លឹក​​​ឆ្នោត​​​​សាក​​​ល្បង​​​ ដែល​​​ពួក​​​គេ​​​អះ​​​អាង​​​ថា ជា​​​ការ​​ហាត់​សមសម្រាប់​​​ការ​​​បោះ​​​ឆ្នោត​​​ជាតិ​​​នាថ្ងៃទី​​​២៨ ​ខែ​​​កក្កដា។ បណ្តា​អ្នក​​​ឃ្លាំ​​​មើល​​​ការ​​​បោះ​​​ឆ្នោត​​​ និង​​​សមា​​​ជិក​​​សភា​​​មក​​​ពី​​​គណ​​​បក្ស​​​ប្រឆាំង​​​បាន​​​លើក​​​ឡើង​​​ថា សកម្ម​​​ភាព​​​របស់​​​មន្ត្រី​​​មូល​​​ដ្ឋាន​​​គឺ​​​ជា​​​ការ​​​គំរាម​​​កំហែង​​​ ហើយ​​​ក៏​​​ជា​​​ការ​​​​​​បំពាន​​​ច្បាប់​​​បោះ​​​ឆ្នោត​​​ដែរ​​​ ដែល​​​គួរ​​​តែ​​​ធានា​​​ឲ្យ​​​បាន​​​​ថា មន្ត្រី​​​រដ្ឋា​​​ភិបាល​​​ដែល​​​ភាគ​​​ច្រើន​​​ជា​​​សមា​ជិក​​​​របស់​​​គណ​​​បក្ស​​​ប្រជា​​​ជន​​​កម្ពុជា​​​រក្សា​​​អព្យា​​​ក្រឹត​​​​ភាព​​​។ មន្ត្រី​​មួយ​រូប​មកពី​​​​គណៈកម្មាធិការ​​​ជាតិ​​​រៀប​​​ចំ​​​ការ​​​បោះ​​​ឆ្នោត​​​ មិន​​​បាន​​​ឯក​​​ភាព​​​ឡើយ ​ដោយ​​​លើក​​​ឡើង​​​ថា ការ​​​ឲ្យ​​​គូស​​​លើ​​​សន្លឹក​​​ឆ្នោត​​​សាក​​​ល្បង​​​នេះ វាគ្មាន​អ្វី​លើស​ពី​​​​ការ​ហាត់សម​​​អ្នក​​​បោះ​​​ឆ្នោត​​​ឡើយ។ ស្ត្រី​​​ម្នាក់​​​នៅ​​​ក្នុង​​​ស្រុក​​​កណ្តាល​​​ស្ទឹង ខេត្ត​​​កណ្តាលបាន​​​និយាយថា មន្ត្រី​​​ឃុំ​​​សៀម​​​រាប​​​ម្នាក់​បាន​​​ទៅ​ជាមួយ​​​សកម្ម​​​ជនគណ​​​​បក្ស​​​ប្រជា​​​ជន​​​កម្ពុជា​​​មួយ​​​ក្រុម​​​ ដែល​​​បាន​​​ធ្វើ​​​ដំណើរ​​​ពី​​​ផ្ទះ​​​មួយ​​​ទៅ​​​ផ្ទះ​​​មួយ​​​កាល​​​ពី​​​សប្តាហ៍​​​មុន ដោយ​​​មាន​​​សន្លឹក​​​ឆ្នោត​​​សាក​​​ល្បង​​​ជា​​​ច្រើនទៅ​ជា​មួយ​​​​​ដើម្បី​​​ណែ​​​នាំ​​​ប្រជា​​​ពល​​​រដ្ឋ​​​​​​ពី​​​របៀប​​​បោះ​​​ឆ្នោត​​​គាំ​ទ្រ​​​​គណ​​​បក្ស​​​កាន់​​​អំណាច​​​។ ជំនួស​​​ឲ្យ​​​ការ​​​អនុញ្ញាត​​​ឲ្យប្រជា​​​ពល​​​រដ្ឋ​​​គូស​​​​ក្នុង​ប្រអប់​​​លេខ​រៀង​គណ​​​បក្ស​​​នយោ​​​បាយ​​​ណា​​​មួយ​​​ក្នុង​​​ចំណោម​​​គណ​​​បក្ស​​​នយោ​​​បាយ​​​ទាំង​​​ប្រាំ​​​បី​​​ ដែល​​​មាន​​​នៅ​​​ក្នុង​​​សន្លឹក​​​ឆ្នោត​​​សាក​​​​ល្បង សកម្ម​​​ជន​​​បក្ស​​​កាន់​​​អំណា​​ច​​​ និង​​​មន្ត្រី​​​ថ្នាក់​​​​ឃុំ​​​បាន​​​ណែ​​​នាំ​​​ស្ត្រី​​​រូប​​​នេះ​​​គូស​ក្នុង​ប្រអប់​​​លេខ​រៀង​ទី​​​៤​​​សម្រាប់​​​គណ​​​បក្ស​​​ប្រជា​​​ជន​​​កម្ពុជា។ ស្ត្រី​​​រូប​​​នេះ​​​ដែល​​​និយាយ​​​ក្នុង​​​លក្ខខណ្ឌ​​​អនាមិក ​​​ព្រោះ​​​ខ្លាច​​​មាន​​​ការ​​​ធ្វើ​​​ទុក្ខ​​​បុក​​​ម្នេញ​​​ពី​​​មន្ត្រី​​​មូល​​​ដ្ឋាននោះ​​​បាន​​​លើក​​​ឡើង​​​ថា “ សន្លឹក​​​​ឆ្នោត​​​មាន​​​ស្លាក​​​សញ្ញា​​​គណ​​​បក្ស​​​ទាំង​​​អស់​​​ចាប់​​​ពី​​​លេខរៀង​ទី​​​១​​​រហូត​ដល់​​​លេខរៀង​ទី​​​៨ ​ហើយ​​​ពួក​​​គេ​​​បាន​​​ប្រាប់​​​ខ្ញុំ​​​ឲ្យ​​​គូស​​​លេខរៀងទី​​​៤​ដែល​​​មាន​​​​​​សញ្ញា​​​រូប​​​ទេវតា​​​របស់ ។ ហើយ​​​បន្ទាប់​​​មក​​​ពួក​​​គេ​​​បាន​​​យក​​​  ត្រឡប់​​​ទៅ​​​វិញ​​​ពេល​​​ដែល​​​ខ្ញុំ​​​គូស​​​​​រួច”។ គាត់​​​​​​និយាយ​​​បន្ត​​​ថា “ មុន​​​ពេល​​​ខ្ញុំ​​​គូស​​​លើ​​​​​​សន្លឹក​​​ឆ្នោត​​​ ខ្ញុំ​​​ងឿង​​​ឆ្ងល់​​​ ហើយ​​​ក៏សួរ​​​ពួក​​​គេ​​​ថា ​ហេតុ​​​អី្វបាន​​​ជា​​​ពួក​​​គេ​​​​​​ឲ្យ​​​ខ្ញុំ​​​គូស​​​លេខ​​​៤។​ ​ពួក​​​គេ​​​​​​និយាយ​​​ថា គ្រាន់​​​តែ​​​គូស​​​​​​ទៅ​​​បាន​​​ហើយ​​​។​ ​​យើង​​​គូស​​​លើវា​​​ ពីព្រោះ​​​យើង​​​បារម្ភ​​​​​ពី​​​សន្តិ​​​សុខ​​​​របស់​​​យើង​​​ ប្រសិន​​​បើ​​​យើង​​​បដិសេធ​​”។ បុរស​​​ម្នាក់​​​នៅ​​​ក្នុង​​​ស្រុក​​​ស្វាយ​​​ជ្រំ ខេត្ត​​​ស្វាយ​​​រៀង ដែល​​​និយាយក្នុង​​​លក្ខខណ្ឌ​​​អនា​មិក​ដែរ ព្រោះ​​​ខ្លាច​​​មាន​​​ការ​​​ធ្វើ​​​ទុក្ខ​​​បុក​​​ម្នេញ​​​ពី​​​អាជ្ញាធរ​​​មូល​​​ដ្ឋាន​​នោះ​​​បាន​​​និយាយ​​​ថា គាត់​​​ក៏​​​ទទួល​​​បាន​​​ការ​​​ណែ​​​នាំ​​​ឲ្យ​​​គូស​​​លើ​​​សន្លឹក​​​ឆ្នោត​​​ដូច​​​គ្នានេះ​​​ដែរ​​​។ បុរស​​​រូប​​​នេះ​​​បាន​​​លើក​​​ឡើង​​​​ថា អនុ​​​ប្រធាន​​​ភូមិ​​​របស់​​​​​​ខ្លួន​​​​នៅ​​​ក្នុង​​​ឃំុគោក​ព្រីង បាន​​​ធ្វើ​​​ដំណើរ​​​ពី​​​ផ្ទះ​​​មួយ​​​ទៅ​​​ផ្ទះ​​​មួយ​​​ជាមួយ​​​​សកម្ម​​​ជន​​​បក្ស​​​ប្រជា​​​ជន​​​កម្ពុជាមួយ​​​ក្រុម​​​កាលពី​​​ថ្ងៃ​​​សុក្រ ដោយ​​​ណែ​​​នាំ​​​ឲ្យ​​​ប្រជា​​​ពល​​​រដ្ឋ​​​គូស​​​លើ​​​សន្លឹក​​​ឆ្នោត​​​សាក​​​ល្បង​​​ ហើយ​​​សន្លឹក​​​ឆ្នោត​​​នេះ​​​ក៏​​​ត្រូវ​​​បាន​​​យក​​​ទៅ​​​វិញ​​​​​ដែរ​​​បន្ទាប់​​​ពី​​​គូស​​​រួច។ បុរស​​​រូប​​​នេះ​​​បាន​​​និយាយ​​​បន្ត​​​ថា “ ​​​ពួក​​​គេ​​​បាន​​​យក​​​សន្លឹក​​​ឆ្នោត​​​ដែល​​​មាន​​​ស្លាក​​​សញ្ញា​​​របស់​​​គណ​​​បក្ស​​​ទាំង​​​អស់​​​ ប៉ុន្តែ ស្លាក​​​សញ្ញា​​​ទេវតា​​​របស់​​​គណ​​​បក្ស​​​ប្រជា​​​ជន​​​កម្ពុជា​​​ឃើញ​​​ច្បាស់​​​ជាង​​​គេ​​​ ហើយ​​​ស្លាក​​​សញ្ញា​​​របស់​​​គណ​​​បក្ស​​​​ផ្សេងៗ​​​ឃើញ​​​ព្រាលៗ។នៅ​​​ពេល​​​ពួក​​​គេ​​​បាន​​​ចូលតាម​​​ផ្ទះ​​​នីមួយៗ​​​របស់​​​អ្នក​​​ភូមិ​​​ពួក​​​គេណែ​​​នាំ​​​ឲ្យ​​​អ្នក​​​ភូមិ​​គូស​​​​​​លេខរៀង​ទី​​​៤ ​ហើយ​​​​បន្ទាប់​​​មក​​​ពួក​​​គេ​​​ក៏​​​យក ​​​ នោះត្រឡប់​​​ទៅ​​​វិញ​​”។ បុរសរូប​​​នេះ​​​បាន​​​បន្ថែម​​​ថា  “ ប្រពន្ធ​​​ និង​​​កូន​​​ស្រី​​​របស់​​​ខ្ញុំ​​​បាន​​​គូស​​​លើ​​​សន្លឹក​​​ឆ្នោត​​​នេះ ​ប៉ុន្តែ ខ្ញុំ​​​បាន​​​បដិសេធ​​​ ពី​​​ព្រោះ​​​ខ្ញុំ​​​ដឹង​​​ពី​​​របៀប​​​គូស​​​​​​សម្រាប់​​​ការ​​​បោះ​​​ឆ្នោត​​​ហើយ​​​ ហើយ​​​វា​​​គឺ​​​ជា​​​ការ​​​ដាក់​​​សម្ពាធ​​​ នៅ​​​ពេល​​​ពួក​​​គាត់​​​បង្គាប់​​​ឲ្យ​​​គូស​​​លេខរៀងទី៤​​​នោះ”។​​​ ស្ត្រី​​ម្នាក់​ទៀតនៅ​​​ក្នុង​​​ស្រុក​​​រមាស​​​ហែក ​ខេត្ត​​​ស្វាយ​​​រៀងបាន​​​និយាយ​​​ថា អាជ្ញាធរ​​​ថែម​​ទាំង​បាន​​​អញ្ជើញ​​ប្រ​ជា​ពលរដ្ឋ​មូលដ្ឋាន​ជា​​​ច្រើន​​​​ក្រុម​​​ឲ្យទៅ​​​​​​កាន់​​​សាលាឃុំគគីរទៀត​ផង​កាល​​​ពី​​​សប្តាហ៍​​​មុន ហើយ​​​បាន​​​ណែ​​​នាំ​​​ពួក​​​គាត់​​​​ឲ្យគូស​​លើ​លេខ​រៀង​​​ទី៤​​​ ដែល​​​ជា​​​ប្រអប់​​​របស់​​​​​​​បក្ស​​​កាន់​​​អំណាច​​​នៅ​​​លើ​​​សន្លឹក​​​ឆ្នោត​​​​សាក​​​ល្បង​​​ ជា​ការ​អះអាង​មួយ​ដែល​មេឃុំ​ជា​អ្នក​រៀប​ចំ​ពិធី​នេះ​ឡើង​បញ្ជាក់​ថា​មាន​ពិត​មែន។ លោក​ស្រី ទេព សមុនី មេឃុំគោក​ព្រីង​បាន​​​លើក​​​ឡើង​​​ថា លោក​ស្រីមាន​​​សន្លឹក​​​ឆ្នោត​​​​សាក​​​ល្បង​​​១.០០០សន្លឹក​​​សម្រាប់​​​បង្រៀន​​​អ្នក​​​បោះ​​​ឆ្នោត​​​ដែល​​​គាំ​​​ទ្រ​​​គណ​​​បក្ស​​​ប្រជា​​​ជន​​​កម្ពុជា​​​ ប៉ុន្តែ លោក​​​ស្រី​​​បាន​​​បដិសេធ​​​​​​ការ​​​អះ​​​អាងដែល​​​ថា ប្រជា​​​ពល​​​រដ្ឋនៅ​​​ក្នុង​​​ពិធី​នេះ​​​ត្រូវ​​​បាន​​​បង្គាប់​​​ឲ្យ​​​គូស​​ ឬក៏អាជ្ញាធរ​​​មូល​​​ដ្ឋាន​​​បាន​​​សហ​ការ​​​ជាមួយ​​​សកម្ម​​​ជន​​​បក្ស​​​ប្រជា​​​ជន​​​កម្ពុជា​​​ដើម្បី​​​ធ្វើ​​​រឿង​​​នេះ​​​។ លោក​​​ស្រី​​​បាន​​​មាន​​​ប្រសាសន៍ថា​ “ យើង​​​បាន​​​ឲ្យ​​​សន្លឹក​​​ឆ្នោត​​​សាក​​​ល្បង​​​ទៅ​​​អ្នក​​​ភូមិ​​​រៀន​​​​គូ​​ស​​​ ប៉ុន្តែ យើង​​​មិន​​​បាន​​​ប្រាប់​​​ពួក​​​គាត់​​​ថា ​គណ​​​​បក្ស​​​ណា​​​ដែល​​​ពួក​​​គាត់​​​គួរ​​​តែ​​​គូស​​​នោះ​​​ឡើយ​​​ពី​​​ព្រោះ​​​នេះ​​​ជា​​​សិទ្ធិ​​​របស់​​​ពួក​​​គាត់​​​ក្នុង​​​ការ​​​ជ្រើស​​​​រើស​​​គណ​​​បក្ស​​​ដែល​​​ខ្លួន​​​ស្រឡាញ់”។ លោក​​​​ស្រី​​​បាន​​​បន្ត​​​ថា “ វា​​​មិន​​​មែន​​​ជា​​​ការ​​​បោក​​​ប្រាស់​​​ ឬជាការ​​​ដាក់​​​សម្ពាធ​​​លើ​​​អ្នក​​​ភូមិ​​​​​​ឡើយ​​​ ពី​​​ព្រោះ​​​នៅ​​​ពេល​​​ពួក​​​គាត់​​​ទៅ​​​បោះ​​​ឆ្នោត​​​​នៅ​តាម​ការិយា​ល័យ​​​​បោះ​​​ឆ្នោត​​​ យើង​​​មិន​​​ដឹង​​​ថា ​​​ពួក​​​គាត់​​​បោះ​​​ឆ្នោត​​​ឲ្យគណ​បក្ស​ណា​មួយ​​​​នោះ​​​ទេ”។ លោក ទេព នីថា អគ្គលេខា​​​ធិការ​​​គណៈ​​​កម្មា​​​ធិការ​​​ជាតិ​​​រៀប​​​ចំ​​​ការ​​​បោះ​​​ឆ្នោត​​​បាន​​​លើក​​​​ឡើង​​​ថា គ្មាន​​​អ្វី​​​ខុស​​​ទេ​ដែល​អាជ្ញាធរ​​​មូល​​​ដ្ឋាន​​​​អម​​​ដំណើរ​​​សកម្ម​​​ជន​​​បក្ស​​​ទៅ​​​បង្រៀន​​​អ្នក​​​បោះ​​​ឆ្នោត​​​ឲ្យចេះ​​​គូស​​​លើ​​​សន្លឹក​​​ឆ្នោត​​​សាក​​​ល្បង​​​នោះ​​​។​​​​​​​​​​​​​​​ លោក ទេព នីថា ក៏​​​​​​មាន​​​ប្រសា​សន៍​​​ដែរ​​​​ថា ​លោក​​​មិន​​​បាន​​​ឃើញ​​​អ្វី​​​ខុស​​​នោះ​​​ទេ ​ចំពោះ​​​ការ​​​គូស​​​លើ​​​សន្លឹក​​​ឆ្នោត​​​សាក​​​ល្បង​​​ដែល​​​​ប្រ​​​ជា​​ពល​​​រដ្ឋ​​​បាន​​តវ៉ា​​​កាលពី​​​ម្សិល​​​មិញ​នោះ។ លោកបាន​​​ថ្លែង​​​ថា “ ខ្ញុំ​​​មិន​​​ដឹង​​​ថា តើ​​​វា​​​ដាក់​​​​សម្ពាធ​​​​​លើ​​​ប្រជា​​​ពល​​​រដ្ឋ​​​យ៉ាង​​ម៉េចទេ។ ពួក​​​គេ​​​ទៅ​​​ដើម្បី​​​ទាក់​​​ទាញ​​​អ្នក​​​គាំទ្រ និង​​​បង្ហាញ​​​ប្រជា​​​ពលរដ្ឋ​​​ឲ្យ​​​​​ពី​​​របៀប​​​គូស​​​លើ​​​សន្លឹក​​​ឆ្នោត​​​ឲ្យ​បាន​ត្រឹម​ត្រូវ”។ លោក​​​មាន​​​ប្រសាសន៍​​​ថា “ វា​​​ខុស​ប្រសិន​​​​បើ​​​អាជ្ញាធរ​​​មូល​​​ដ្ឋាន​​​ទៅ​​​ជាមួយ​​​សមាជិក​​​គណ​​​​បក្ស​​​នយោ​​​បាយ​​​ ហើយ​​​ជំរុញ​​​អ្ន​​ក​​​ភូមិឲ្យ​​​​គូស​​​លើ​​​សន្លឹក​​​ឆ្នោត​​​សាក​​​ល្បង​​។ ប៉ុន្តែវា​​​មិន​អីទេ ប្រសិន​​​បើ​​​ពួក​​​គេ​​​ឈប់​​​សម្រាក​​​ ហើយ​​​ចុះ​តាម​មូលដ្ឋាន​​​ដូច​​​​មនុស្ស​​​ធម្មតា​​​នោះ”។ លោក គល់ បញ្ញា នាយក​​​គណៈ​​​កម្មា​​​ធិការ​​​ដើម្បី​​​​ការ​​​បោះ​​​ឆ្នោត​​​ដោយ​​​សេរី និង​​​យុត្តិធម៌​​​នៅ​​​កម្ពុជា ហៅ​កាត់ថា ខុមហ្វ្រែល មិន​​​​​​យល់​​​ស្រប​​​តាម​​​ការ​​​វាយ​​​តម្លៃ​​​នេះ​​​ឡើយ។ លោក​​​បាន​​​មាន​​​ប្រសាសន៍​​​ថា ភាព​​​គ្រោះ​​​ថ្នាក់​​​នៃ​​​ការ​​​គូ​​ស​​​សន្លឹក​​​ឆ្នោត​​​សាក​​​ល្បង​​​​​​គឺថា ​ហេតុការណ៍​​​បែប​​​នេះ​​​​​​ដាក់​​​សម្ពាធ​​​លើ​​​ប្រជា​​​ពល​​​រដ្ឋ​​​​ច្បាស់​ណាស់ឲ្យ​​​បោះ​​​ឆ្នោត​​គាំ​ទ្រ​​​គណ​​​បក្ស​​​ប្រជា​​​ជន​​​កម្ពុជា​​​នៅ​​​ថ្ងៃ​​​បោះ​​​ឆ្នោត​​​ជាតិ​​​មក​​​ដល់​​​ ជា​​​ពិសេស​​​ប្រសិន​​​បើ​​​អាជ្ញាធរ​​​មូល​​​ដ្ឋាន​​​ជាប់​​​ពាក់​​​ព័ន្ធ​​ ដែល​ជា​ការ​​​បំពាន​​​ច្បាប់​​​បោះ​​​ឆ្នោត​​​។ លោក គល់ បញ្ញា បាន​​​ថ្លែង​​​ថា “ ប្រសិន​​​បើ​​​ ​ ចូល​រួម​ជា​​មួយ​មេ​​​ភូមិនោះ​​​ជា​​​បញ្ហា ពីព្រោះ​​​ពួក​​​គេ​​គួរ​​​​តែ​​​នៅ​អព្យាក្រឹត​​​។​ច្បាប់​​​បោះ​​​ឆ្នោត​​​ចែង​​​ថា ពួក​​​គេ​​​  ត្រូវតែ​​​នៅអព្យា​​​ក្រឹត​​​ ហើយ​​​វា​ជះ​​​ឥទ្ធិ​ពល​​​​លើ​​​អ្នក​​​បោះ​​​ឆ្នោត ពីព្រោះ​​​មេភូមិ​​​ភាគ​​​ច្រើន​​​មក​​​ពី​​​គណ​​​បក្ស​​​ប្រ​​​ជា​​​ជន​​​កម្ពុជា​​​ ហើយ​​​ពួក​​​គេ​​​ជា​​​អ្នក​​​ឃ្លាំ​​​មើល​​​ការ​​​បោះ​​​ឆ្នោត”។ លោក​​​បានបន្ថែម​​​ថា “ មេភូមិ​​​មាន​​​ឥទ្ធិ​​​ពល​​​​ខ្លាំង។​វាបង្ក​ឲ្យ​មាន​​​បញ្ហា​​​មួយ​​​ចំនួន និង​​​ធ្វើ​​​ឲ្យ​​​ប្រជា​​​ពល​​​រដ្ឋ​​​ភ័យ​​​ខ្លាច”។ លោក គល់ បញ្ញា បាន​​​មាន​​​ប្រសាសន៍​​​ថា ​ខុមហ្វ្រែល​​​ទទួល​​​បានពាក្យ​​​​បណ្តឹង​​​មួយ​​​ចំនួន​​​ពី​​​អ្នក​​​បោះ​​​ឆ្នោត​​​ដែល​​​មាន​​​ការ​​​ព្រួយ​​​បារម្ភ​​​នៅ​​​​ទូទាំង​​​ប្រទេស​​​ ដូចជា​​​នៅ​​​ក្នុង​​​ខេត្ត​​​កំពង់​​​ចាម​ព្រៃវែង និង​​​ខេត្ត​​​សៀម​​​រាប ជា​​​ពិសេស​​​អ្នក​​​ដែល​​​គូស​​​​​​លើ​​​សន្លឹក​​​ឆ្នោត​​​សាក​​​ល្បងតែ​ម្តង។ លោក សុន ឆ័យ ដែល​​​កំពុង​​​ឈរ​ឈ្មោះ​ជា​បេក្ខ​ជន​តំណាង​រាស្ត្រ​គណ​​​បក្ស​​​សង្គ្រោះ​​​ជាតិ​​​មណ្ឌល​​​​ភ្នំ​​​ពេញ ​​​បាន​​​លើក​​​ឡើង​​​ថា ការ​​​គូស​​​លើ​​​សន្លឹក​​​ឆ្នោត​​​សាក​​​ល្បង​​​នេះ កើត​​​មាន​​​ជា​​​ច្រើន​​​កន្លែង ហើយ​​​កំពុង​​​តែ​​​ត្រូវ​​​បាន​​​ដឹក​​​នាំធ្វើ​​​​ដោយ​​​គណ​​​បក្ស​​​ប្រជា​​​ជន​​​កម្ពុជា​​​។ លោក​​​បាន​​​ថ្លែង​​​ថា “ ខណៈ​ពេល​​​ពួក​​​គេ​​ធ្វើ​​ពុត​ជាបង្រៀន​​​ប្រជា​​​ពលរដ្ឋ​​​អំពី​​​របៀប​​​បោះ​​​ឆ្នោត ពួក​​​គេ​​​ក៏​​​បង្ខំ​​​ប្រជា​​​ពលរដ្ឋ​ឲ្យ​​​​ចង​​​ចាំ​​​លេខ​រៀង​របស់​​​  ​ដែរ ​ហើយ​​​​​​បង្ខំ​​​ឲ្យ​​​ប្រជា​​​ពល​​​រដ្ឋ​​​សន្យា​​​នឹង​អាជ្ញា​​​ធរ​ថា នឹង​​​បោះ​​​ឆ្នោត​​​គាំ​ទ្រ​គណ​​​បក្ស​​​ប្រជា​​​ជន​​​កម្ពុជា។ នោះ​ជា​បញ្ហា​​​ដែល​កំពុង​កើត​​​មាន​​​ឡើង​​​នៅគ្រប់​​​ទី​​​កន្លែង​​​។ពួក​​​គេ​​​ប្រាប់​​​ប្រជា​​​ពលរដ្ឋ​​​ថា ត្រូវតែ​​​បោះ​​​ឆ្នោត​​​ឲ្យ​​​លេខ​​​៤។ ​នេះ​​​មិន​​​មែន​​​ការ​​​បង្រៀន​​​​​ទេ"។ លោក សុន ឆ័យ បាន​​​មាន​​​ប្រសាសន៍​​​ថា ​គណបក្ស​​​សង្គ្រោះ​​​ជាតិ​​​បាន​​​ដាក់​​​ពាក្យ​​​បណ្តឹង​​​ទៅគណៈ​​​កម្មា​​​ធិការ​​​ជាតិ​​​រៀប​​​ចំ​​​ការ​​​បោះ​​​ឆ្នោត​​​ ពាក់​ព័ន្ធ​នឹងការ​​​បង្រៀន​​​ប្រជា​​​ពល​​​រដ្ឋ​​​ឲ្យ​​​ចេះ​​​គូស​លើ​ស្លឹក​ឆ្នោត​​​​នេះ ប៉ុន្តែ ​​ទទួល​បាន​​​​​មក​​​វិញ​​​ត្រឹម​​​តែ​​​លេស​​​​ប៉ុណ្ណោះ​នៅ​​​ក្នុង​​​ការ​​​ឆ្លើយ​​​តប​​​។ លោក​​​បាន​​​ថ្លែង​​​​​​ថា គណៈ​​​កម្មាធិការ​​​ជាតិរៀប​ចំ​ការ​បោះ​ឆ្នោត​​​​ទទូច​ឲ្យ​​​​អាជ្ញាធរ​​​មូល​​​ដ្ឋាន​​​ កុំ​ចូល​រួម​ពាក់​​​ព័ន្ធ​។​​​ លោក​​​ សុន ឆ័យ បាន​​​បន្ថែមថា “ គណៈ​​​កម្មការ​​​បោះ​​​ឆ្នោត​​​ថ្មី​នេះ​មិន​​​សូវ​អើ​ពើនឹង​បណ្តឹង​​​នេះ​​​ឡើយ”៕ ប្រែសម្រួលដោយ ស៊ា សុយឈាង

អ្នក​គាំ​ទ្របក្ស​សង្គ្រោះ​ជាតិ​​ធ្វើ​បាតុកម្ម​នៅ​មុខ​សេតវិមាន​​ទាម​ទារ​ឲ្យ​លោក សម រង្ស៊ី​ វិល​មក​​កម្ពុជា

មូលនិធិ​សង្គ្រោះ​​ជាតិ​កម្ពុជា​(Cambodia National Rescue Foundation) ជា​អង្គការ​មួយ​ដែល​មាន​មូលដ្ឋាន​នៅ​សហ​រដ្ឋ​អាមេរិក សម្រាប់​​ផ្តល់​​ថវិកា​ដល់​គណបក្ស​សង្គ្រោះ​ជាតិ ជា​គណបក្ស​ប្រ​ឆាំង​​នៅ​ប្រទេស​កម្ពុជា​ នឹង​ធ្វើ​ការ​តវ៉ា​មួយ​នៅ​ព្រឹក​ថ្ងៃ​សុក្រ​ នៅ​មុខ​សេតវិមាន​ដើម្បី​អំពាវនាវ​ឲ្យ​ប្រធានាធិបតី​សហរដ្ឋ​អាមេរិក លោក បារ៉ាក់ អូបាម៉ា​ ដាក់​សម្ពាធ​មក​លើ​គណបក្ស​ប្រជាជន​កម្ពុជា​​កំពុង​កាន់​អំណាច​​ឲ្យ​ធានា​ថា​ការ​បោះ​ឆ្នោត​ជាតិ​​នៅ​ថ្ងៃ​ទី​២៨​ខែ​កក្កដា​នេះ​ប្រព្រឹត្តទៅ​ដោយសេរី និង​យុត្តិធម៌​ និង​​អនុញ្ញាត​​ឲ្យ​មេដឹក​នាំ​​គណបក្ស​របស់​ខ្លួន​គឺ​លោក សម រង្ស៊ី​ វិល​ត្រឡប់​​មក​​កម្ពុជា​វិញ​ដោយ​​សុវត្ថិភាព​។ លោក ទូច វិបុល ស្ថាបនិក​មូលនិធិ សង្គ្រោះ​​ជាតិ​កម្ពុជា ថ្លែងថា​ ប្រជា​​ពលរដ្ឋ​​ចំនួន​​១.០០០​​នាក់​​រំពឹង​ថា​នឹង​ចូល​រួម​ក្នុង​ការ​តវ៉ា​នេះ​។ លោក វិបុល បន្ត​ថា “ យើង​ដាក់​ញត្តិ​ជូន​ប្រធានាធិបតី លោក​អូបាម៉ា​ដើម្បី​ឲ្យ​លោក​បញ្ជូន​សារ​ដ៏​ខ្លាំង​និង​ឥត​ងាក​រេ​ជូន​រដ្ឋាភិ​បាល​​កម្ពុជា​ឲ្យ​គោរព​ច្បាប់​និង​​រៀប​ចំ​ការ​បោះ​ឆ្នោត​ប្រកប​ដោយសេរី​និង​យុត្តិធម៌​។​ជា​ពិសេស​យើង​ស្នើ​ឲ្យលោក  ​សម ​រង្ស៊ី វិល​​មក​​កម្ពុជា​វិញ​ប្រកប​ដោយ​​​សុវត្ថិភាព”។ លោក សម រង្ស៊ី​ ប្រកាស​កាល​ពី​ថ្ងៃ​អាទិត្យ​ថា  លោកអាច​នឹង​វិល​ត្រឡប់​មក​កម្ពុជា​​វិញ​នៅ​មុន​ការ​បោះ​ឆ្នោត​ទោះបី​ប្រឈម​នឹង​ទោស​ជាប់​ពន្ធនាគារ​រយៈពេល​១១​ឆ្នាំ​ក៏​ដោយ ដែល​ការ​ចោទ​ប្រកាន់​នេះ ​គេ​ដឹង​ជា​ទូទៅ​ថា​ជា​រឿង​នយោបាយ។ កាល​ពី​ម្សិលមិញ​ លោកស្រី​​​ មូរ សុខហួរ តំណាង​រាស្ត្រ​គណបក្ស​សង្គ្រោះ​ជាតិ​បាន​បញ្ជាក់​ថា ការ​តវ៉ា​នៅមុខ​សេតវិមាន គឺ​គាប់​ជួន​នឹង​ការ​សម្រេច​ចិត្ត​របស់​លោក​វិល​ត្រឡប់​មក​ប្រទេស​កម្ពុជា​វិញ។លោកស្រី​បន្ត​ថា “ យើង​ជឿជាក់​​ថា​ការ​តវ៉ា​នេះ នឹង​ធ្វើ​ឲ្យ​លោក សម​ រង្ស៊ី​វិល​ត្រឡប់​មក​ប្រទេស​កម្ពុជា​វិញ​ដោយ​សន្តិភាព​និង​ធានា​ឲ្យ​មាន​ការ​បោះ​ឆ្នោត​ដោយ​សេរី​និង​យុត្តិធម៌”។ លោក សម រង្ស៊ី បាន​ថ្លែង​តាម​រយៈអុី​ម៉េល​កាលពី​ម្សិល​មិញ​ថា​ លោកនឹង​ប្រកាស​​ថ្ងៃ​វិល​ត្រឡប់​របស់​លោក​​ឆាប់ៗ​​​នេះ ៕  ប្រែ​សម្រួល​ដោយ ឃិន ណៃ​

ថវិកា​សម្រាប់​​ជួស​​​ជុល​ផ្សារ​ដែល​ឆេះ​នៅ​ខេត្ត​សៀម​រាប​ បា​ន​​ពី​​មូល​​​និ​ធិ​គ្រាអាសន្ន​របស់​រដ្ឋា​ភិ​បាល​

យោង​តា​ម​មន្ត្រី​​​​​ជាន់​ខ្ពស់មួយ​រូប​មក​ពី​​​គណ​បក្ស​កា​ន់​​អំណាច​​​បា​ន​ឲ្យ​ដឹង​ថា ប្រាក់​ចំ​នួន​​​៣០០.០០០​​ដុល្លារ​សម្រាប់​​​ជួស​​​​ជុល​​ផ្សារ​​​ដើម​​ក្រ​ឡាញ់​ ​ដែលត្រូវ​​​អ​គ្គិ​ភ័យឆាប​ឆេះ​​​នៅ​ក្នុង​​ក្រុ​ង​សៀម​រាប​ និង​ដែល​ដើម​ឡើយ​​​ប្រកាស​​​កាល​​ពី​ថ្ងៃ​ច័ន្ទ​ថា ជា​​​ជំ​នួយ​បរិច្ចាគ​ពី​​លោក​​នា​​យក​រដ្ឋ​មន្ត្រី​ ​ហ៊ុន ​សែន ​នោះ តាម​ពិត​​​​នឹង​ទទួល​​​​​​បា​ន​ពី​​ថវិកា​រដ្ឋ។ ដោយមិ​ន​ដល់​​​បី​សប្តា​ហ៍​​ទៀត​ទេដល់​ថ្ងៃ​បោះ​ឆ្នោត​ជ្រើស​​តាំង​​តំ​​ណា​​​ង​រាស្ត្រ​​​នាថ្ងៃ​​​ទី២៨ ខែ​​កក្ក​ដា លោក​​នា​យក​រដ្ឋ​មន្ត្រីបា​ន​​សម្រេច​ផ្តល់​មូ​ល​​និ​ធិ​​គ្រាអាសន្ន​ ​ជា​​គោល​​បំ​ណង​​ដ៏​ធំ​ធេង​ និ​ង​​​ជាក់​លា​ក់​ ដែល​មិន​ធ្លាប់​បានដឹង ដើម្បី​​​ជួស​​ជុល​ផ្សារដែល​ត្រូវ​អ​គ្គិ​ភ័យ​​​​ឆាប​ឆេះ​កា​ល​​​ពី​ថ្ងៃ​សុក្រ​។ ​លោក ជា​ម យៀ​ប ​សមា​​​ជិ​ក​សភា​មក​ពី​គណ​បក្ស​ប្រជា​ជន​កម្ពុជា​​បា​ន​​​មា​ន​​ប្រ​សាសន៍​​ថា លោក ហ៊ុ​ន ​សែ​ន ​ក្នុង​​​ឋានៈ​ជា​​ប្រមុខរដ្ឋា​ភិ​បាល​​មា​ន​​អំណាច​បែ​ង​​ចែ​ក​​ប្រាក់​សម្រាប់​បុព្វហេតុផ្សេងៗដូច​​ជា​​​​កា​រ​​​ជួស​​​ជុល​​ផ្សារ​​ជាដើមនៅ​ពេល​​ចាំ​បាច់។ ​លោក ជាម យៀប ​​បា​ន​មាន​​ប្រ​សាសន៍​ថា “ ​​ក្នុង​ថវិ​កា​​ជាតិ​ មា​ន​​ថវិកា​បម្រុង​​​មួ​យ​សម្រាប់​ពេល​​​​ដែល​កម្ពុជា​ ​​ជួប​គ្រា​លំ​បាក ​​ដូច​ជា​​អគ្គិ​ភ័យ ឬ​​ទឹក​​ជ​ំ​នន់​​​ជាដើម”។ លោក​បា​ន​​បដិ​សេធ​មិន​​បញ្ជាក់​លម្អិត​​​ថា​ តើ​មូល​និធិ​នោះ​​​​មាន​ទំហំប៉ុន្មាន​​ទេ​។ ​​​កា​ល​ពី​ថ្ងៃ​​ច័ន្ទ លោក សៀង ណាំ​បេក្ខជន​តំ​​​ណា​ង​រាស្ត្រគ​ណ​បក្ស​ប្រជា​​ជន​កម្ពុជា​​មណ្ឌល​​ខេត្តសៀម​រា​ប​ បា​ន​ជួប​ជាមួ​យ​​អា​​​ជី​វ​ករ​​ប្រ​ហែល​២០០នាក់​ ដែល​បាន​​​បាត់​​បង់​​តូ​ប​លក់​​​របស់​ខ្លួន​​ក្នុ​ង​អគ្គិភ័យ​ ​ដែល​បណ្តាល​​ឲ្យ​​ខូ​​​ច​ខាតគិត​​ជា​ទឹក​​ប្រាក់​​​ប្រមាណ​​១លា​ន​​ដុល្លារ ​ហើយ​​បា​ន​​ប្រាប់​​​ពួក​​គេ​​​ថា លោក ហ៊ុន...

បញ្ហា​ប្រឈម​ថ្មី​ទាក់ទង​ប្រជា​ប្រិយភាព​របស់​គណបក្ស​ប្រជា​ជន​ស្ថិត​ក្នុង​ចំណោម​ព្រះសង្ឃ

គណបក្ស​ប្រជា​ជន​កម្ពុជា​មាន​​ឥទ្ធិពល​យូរ​មក​ហើយ​​លើ​ព្រះ​ពុទ្ធ​សាសនា​​នា​​​ក្នុង​ប្រទេស​​​​កម្ពុជា ដោយ​ព្រះ​សង្ឈ​ជា​ច្រើន​អង្គ​ រួម​ទាំង​សម្តេចសង្ឃ​​ ទេព​ វង្ស ដែល​ជា​សម្តេច​អគ្គ​មហា​​សង្ឃរាជ​ត្រូវ​គេ​ដឹង​ជាទូទៅ​ថា គាំទ្រ​គណ​​​​បក្ស​​​​កំពុង​កាន់​អំណាច។ ប៉ុន្តែ តាម​ការ​សម្ភាស​ជាមួយ​ព្រះ​សង្ឃ​ជាង​១២អង្គនៅ​វត្ត​សំខាន់​ៗ​ចំនួន​​បួន​នៅ​កណ្តាល​រាជ​ធានី​ភ្នំពេញ​កាលពី​ម្សិលមិញ ព្រះ​សង្ឃ​ទាំង​នេះ​បាន​បង្ហាញ​ពី​ព្រះទ័យ​របស់​ខ្លួន​បោះ​ឆ្នោត​គាំទ្រ​គណបក្ស​ប្រឆាំង​គឺ​គណ​បក្ស​សង្គ្រោះ​ជាតិ​នៅ​ពេល​បោះ​ឆ្នោត​​ជាតិ​នៅ​ខែ​នេះ។ នៅ​វត្ត​ឧណ្ណាលោម វត្ត​បទុម វត្ត​​​លង្កា និង​​​​វត្ត​ស្រះ​ចក​ ព្រះ​សង្ឃ​ដែល​ត្រូវ​បាន​សម្ភាស​ទាំងនោះ​បាន​មាន​សង្ឃ​ដីកា​ថា ការ​រំលោភ​បំពាន​សិទ្ធិ​មនុស្ស​ ការ​ចាប់​យក​ដីធ្លី និង​អំពើ​ហិង្សា​ពី​សំណាក់​នគរ​បាល​បាន​ធ្វើ​ឲ្យ​ព្រះ​សង្ឃ​ជា​ច្រើន​អង្គ​គាំទ្រ​គណបក្ស​ប្រឆាំង។ ព្រះ​សង្ឃ​មួយ​អង្គ​ព្រះ​ជន្ម​២៨ព្រះ​វស្សា​គង់​នៅ​វត្ត​ឧណ្ណាលោម បាន​មាន​សង្ឃ​ដីកា​ថា “ ព្រះ​សង្ឃ​ភាគ​ច្រើន​មាន​និន្នាការ​គាំ​ទ្រ​គណបក្ស​សង្គ្រោះ​ជាតិ​ជាង​គណ​បក្ស​ប្រជា​ជន​កម្ពុជា​ឥឡូវ​នេះ​ ពីព្រោះ​ព្រះ​អង្គ​យល់​ដឹង​អំពី​ស្ថាន​ភាព​​នៅ​ក្នុង​ប្រទេស​កម្ពុជា” ដោយ​ព្រះ​អង្គ​ពន្យល់​​ថា ព្រះ​អង្គ​ពេញ​ចិត្ត​គណ​បក្ស​សង្គ្រោះ​ជាតិ​​​ ដោយ​សារ​ផែន​ការ​របស់​គណបក្ស​នេះ​ការ​ពារ​សិទ្ធិ​របស់​ប្រ​ជា​ពល​រដ្ឋ និង​មានការ​ដំឡើង​ប្រាក់​ខែ​​​។“...

​កម្ពុជា​ ជា​ប្រទេស​ពុក​រលួយ​បំផុត​​ក្នុង​ចំណោម​ប្រទេស​ពុក​រលួយ​​នៅលើ​ពិភព​លោក

យោង​តាម​ការ​ស្ទង់​មតិ​របស់​អង្គការ​តម្លា​ភាព​អន្តរជាតិ​​​បាន​ឲ្យ​ដឹង​ថា ប្រជា​ពលរដ្ឋ​​កម្ពុជា​​ដឹង​ថា ​ប្រទេស​របស់​ខ្លួន​ជា​ប្រទេស​មួយ​ពុក​រលួយ​បំផុត​ក្នុង​ចំណោម​​ប្រទេស​​ពុក​រលួយ​ចំនួន​១០​ដែល​ពុក​រលួយ​បំផុត​នៅ​ក្នុង​ពិភព​លោក​ និង​ជា​ប្រទេស​​ពុក​រលួយ​បំផុត​នៅ​ក្នុង​តំបន់​អាស៊ី​ដោយ​ប្រជាពលរដ្ឋ​ជិត​៦០ភាគ​រយ​​ត្រូវ​បាន​ស្ទង់​មតិ​​ដោយ​អង្គការ​តម្លាភាព​អន្តរ​ជាតិ​ក្នុង​ឆ្នាំនេះ​​បាន​សារភាព​ថា​ ធ្លាប់​ បាន​ផ្ដល់​​សំណូក​ កាល​ពី១២ខែកន្លង​មក​។ យោង​តាម​​របាយ​ការ​ប្រឆាំង​នឹង​អំពើ​ពុក​​រលួយ​​ជា​សាកល​របស់​អង្គការ​តម្លាភាព​អន្តរ​ជាតិ​​សម្រាប់​ឆ្នាំ​២០១៣ ​ដែល​ផ្អែក​លើ​ការ​​​សម្ភាស​ ជាមួយ​ប្រជាពលរដ្ឋ​ចំនួន​១១៥.០០០​​នាក់ ក្នុង​​ប្រទេស​ចំនួន​១០៧ហើយ​បាន​ចេញ​​ផ្សាយ​កាលពី​ម្សិលមិញ​បាន​ឲ្យ​ដឹង​ថា ​មាន​តែ​​ប្រជាពលរដ្ឋ​នៃ​ប្រទេស​យេម៉ែន និង​ប្រទេស​​​​ចំនួន​ប្រាំ​ពីរ​​ក្នុង​តំបន់​អាហ្វ្រិក​​​ ដូចជា​ប្រទេស​​ស៊ីមបាវ៉េ កាមេរូន​​ និង​ម៉ូសំប៊ិក ប៉ុណ្ណោះ​បាន​រក​ឃើញ​ថា ប្រទេស​ទាំងនេះ​មាន​ចំណាត់​ថ្នាក់​ទាប​ជាង​ប្រទេស​កម្ពុជា​។ លោក ព្រាប កុល ​នាយក​ប្រតិបត្តិ​នៃ​អង្គការ​​​តម្លាភាព​អន្តរជាតិ​​កម្ពុជា​មាន​ប្រសា​សន៍​ក្នុង​ពិធី​ចេញ​របាយការណ៍​ក្នុង​រាជ​ធានី​ភ្នំពេញ​ថា​ “ ប្រទេស​ជិត​ខាង​របស់​យើង​​បាន​ដើរ​ទៅ​មុខ​ជាច្រើន​ជំហាន​រួច​ហើយ ក្នុង​​ការ​ប្រយុទ្ធ​ប្រឆាំង​នឹង​អំពើ​ពុករលួយ​ និង​ការ​សូក​ប៉ាន់​”។ នៅ​ទូទាំង​ប្រទេស​ក្នុង​តំបន់​អាស៊ី​អាគ្នេយ៍​​ប្រព័ន្ធ​តុលាការ​នៅ​ប្រទេស​កម្ពុជា គឺ​ពុក​រលួយ​​ដូច​កម្លាំង​​​នគរបាល​ដែរ។ យោង​​តាម​របាយ​ការណ៍​ដដែល​នេះ​​ឲ្យ​ដឹង​​ថា ប្រជា​ពលរដ្ឋ​ចំនួន​៦៥​ភាគរយ​ធ្លាប់​បាន​​​ផ្ដល់​សំណូក​ឲ្យ​នគរបាល​និង​ប្រព័ន្ធ​តុលាការ​ កាលពី​១២ខែកន្លង​ទៅ។ លោក ព្រាប កុល បន្ត​ថា “ នៅ​ក្នុង​តុលាការ​​មេធាវី​គ្រប់​ៗ​រូប​​យក​ថ្លៃ​លើ​សេវា​​​កម្ម។​ការ​ដាក់​​​​ពាក្យ​បណ្ដឹង​ទៅ​​ក្រឡា​បញ្ជី ​ការ​ចុះ​កំណត់​​ហេតុ​លើ​ពាក្យ​បណ្ដឹង​គឺ​មាន​​យក​ថ្លៃ​​ដែល​មិន​បាន​កំណត់​ដោយ​ច្បាប់​ ដូច្នេះ បញ្ហា​បែប​នេះ​​គឺ​ត្រូវចាត់​ថា ជា​ការ​ទទួល​​សំណូក។ តាម​​រយៈ​ប្រព័ន្ធ​តុលាការ​គឺ​មិន​មាន​ឱកាស​គេច​ចេញ​ពី​អំពើ​ពុក​រលួយ​បាន​ឡើយ”។ យោង​​តាម​របាយការណ៍​ដដែល​បាន​ឲ្យ​ដឹង​ទៀត​ថា ប្រជាពលរដ្ឋ​ចំនួន​១៥ភាគរយ​ដែល​បាន​សម្ភាស​បាន​លើក​ឡើង​ថា ពួកគាត់​បាន​ផ្ដល់​សំណូក​​​ ដើម្បី​ទទួល​បាន​សេវាកម្ម​។​តួលេខ​នេះ​ មាន​ចំនួន​​២៣​ភាគរយ​បើ​ធៀប​ទៅ​នឹង​ប្រជា​ពលរដ្ឋ​ ដែល​បាន​ឆ្លើយ​សំណួរ​នៅ​ក្នុង​ប្រទេស​ម៉ាឡេស៊ី​ និង​២៦ភាគរយ​នៅ​ក្នុង​ប្រទេស​វៀតណាម។តាម​ច្បាប់​របស់​អង្គភាព​ប្រឆាំង​អំពើ​​​ពុក​រលួយ​​ប្រទេស​កម្ពុជា​​ដែល​បាន​អនុម័ត​កាល​ពី​​ឆ្នាំ​២០១០ បាន​បញ្ជាក់​​ថា ការ​បង់​ថ្លៃ “ ការ​សម្រប​សម្រួល” ទៅ​ឲ្យ​មន្ត្រី​​រដ្ឋា​ភិបាល​គឺ​អាច​​មាន​ទោស​ដាក់​​ពន្ធនាគារ​​ចាប់​​ពី​៥ឆ្នាំ រហូត​ដល់​១០ឆ្នាំ។​ ច្បាប់​ថ្មី​នេះ​ក៏​តម្រូវ​ឲ្យ​ក្រុម​​ហ៊ុន​បរទេស​ដែល​ប្រតិបត្តិ​ការ​នៅ​កម្ពុជា​ស្ថិតនៅ​ក្រោម​ច្បាប់​ប្រឆាំង​នឹង​អំពើ​ពុក​រលួយ​​នេះ​ផង​ដែរ។ លោក ផៃ ស៊ីផាន អ្នក​នាំ​ពាក្យ​ទី​ស្ដី​ការ​គណៈរដ្ឋមន្ត្រីបាន​ច្រានចោល​នូវ​របាយ​ការណ៍​​នេះ​ ហើយ​លោក​បាន​ថ្លែង​ថា រដ្ឋាភិបាល​បាន​​បង្កើតច្បាប់​​ប្រឆាំង​នឹង​អំពើ​ពុក​រលួយ និង​និម្មិតកម្ម​​​នៃ​អង្គភាព​ប្រឆាំង​អំពើ​ពុក​រលួយ​គឺ​ជា​ភ័ស្តុតាង​បញ្ជាក់​ពី​ការ​តាំង​ចិត្ត​របស់​រដ្ឋា​ភិបាល​ក្នុង​ការ​ទប់​ស្កាត់​អំពើ​ពុក​រលួយ​​។ លោក​បន្ត​ទៀត​ថា “ ប្រទេស​កម្ពុជា​មាន​មោទនភាព​ក្នុង​ការ​ទប់​ស្កាត់​​​អំពើ​ពុក​រលួយ​​...​ហើយ​យើង​បាន​ធ្វើការ​ងារ​នេះ​ជាច្រើន​មក​ហើយ​ និង​យើង​បាន​បង្កើត​យន្តការ​ ដើម្បី​ទប់​ស្កាត់​​នឹង​អំពើ​ពុក​រលួយ​។យើង​កំពុង​ដើរ​លើ​ផ្លូវ​ត្រូវ​.... អំពើ​ពុក​រលួយ​បាន​កើត​ឡើង​នៅ​គ្រប់​ទីកន្លែង​ក្នុង​​ពិភពលោក។ ខ្ញុំ​នឹង​មិន​ស្ដាប់​របាយ​ការណ៍​ ​​ ថា មាន​ភាព​លម្អៀង​ប្រឆាំង​ចំពោះ​ប្រទេស​កម្ពុជា​ និង​គណបក្ស​ប្រជាជន​កម្ពុជា​ នោះ​ឡើយ​”។ ​របាយការណ៍​ដដែល​បាន​ឲ្យ​ដឹង​​ថា​ ប្រទេស​​ជាង​៨០​នៅ​លើ​ពិភព​លោក​​មាន​អំពើ​ពុក​រលួយ​​កាន់​តែ​អាក្រក់​ទៅ​ៗ​ ​ប៉ុន្តែ​ ​កម្ពុជា​​​ស្ថិត​ក្នុង​ចំណោម​​ប្រទេស​ចំនួន​១១​ដែល​​ប្រជា​ពល​រដ្ឋ​របស់​ខ្លួន​យល់​ដឹង​ប្រ​សើ​ជាង​មុន​៕ ប្រែសម្រួលដោយ ឃិន ណៃ​​​

កា​រ​​​រីក​រាលដាល​​​​របស់​សត្វ​ខ្យង​បំផ្លាញ​​​ដំណាំ​​ស្រូវ​នៅ​ក្នុ​ងស្រុក​​ព្រៃនប់ ខេត្តព្រះសី​ហនុ

សត្វ​ខ្យង​ដែល​​រាលដាល​​យា៉ង​ច្រើន​ក​ំ​​​​​ពុ​ង​បំ​ផ្លាញ​​​ស្រូ​វ​នៅ​ក្នុ​ង​​ស្រុក​ព្រៃ​​នប់​ ខេត្ត​ព្រះ​សី​ហ​នុ ​ដោ​យធ្វើ​ឲ្យ​មា​ន​កង្វល់​​ក្នុង​ចំ​ណោ​ម​​ កសិ​ករ​​ថា​ ទិ​ន្ន​ផល​បាន​មក​​​​ពី​កា​រ​​ប្រមូល​ផល​​ឆ្នាំ​នេះ​ នឹ​ង​​ធ្លាក់​ចុះ​​ខ្លាំ​ង​​​ជា​ង​ធម្ម​តា​។ លោក ​​អេង សំ​​អុល ​ប្រធា​ន​មន្ទីរ​កសិ​កម្ម​ស្រុក​​ព្រៃ​នប់​ បា​នឲ្យ​ដឹង​​​​កា​ល​ពី​ម្សិល​មិញ​​​ថា ​សត្វ​ខ្យង​​​បា​ន​​រាលដាល​​ទៅ​​​ដល់​​​ឃុំ​​ចំ​នួន​ប្រាំ​​ពីរ​​ក្នុង​​ចំ​ណោម​​១៤ឃុំ នៅ​ក្នុង​ស្រុកនេះ​។ ​លោក​​បា​ន​មា​ន​​ប្រ​សាស​ន៍​ថា “ សត្វ​ខ្យង​​បា​ន​ស៊ីសន្ទូ​ង​​អស់​​​ជា​ច្រើ​ន​។ ​កន្លែង​​​​ដែល​​​រង​ការ​ប៉ះ​​​ពាល់​​ខ្លាំង​បំផុត​ គឺ​​​​ឃុំ​​វាល​​រេញ និង​ឃុំ​សំ​រុ​ង ​​​ព្រោ​ះ​​ជម្រៅ​​​ទឹក​​នៅ​ទី​នោះ​​ធ្វើ​ឲ្យ​​វាល​ស្រែ​​​ងា​យរង​ការ​​​​ប៉ះ​ពាល់​”។ លោក ឡាង គាន ​​មេ​ភូមិ​​​ បត់សិរមាន់​ ក្នុង​ឃុំ​​ព្រៃ​​នប់​​​​ បា​ន​ឲ្យ​ដឹង​ថា​ ​សត្វ​ខ្យង​​​បា​ន​បំ​ផ្លាញ​​ស្រូ​វ​​​​អស់​១០​ហិកតា​​នៅ​ក្នុ​ង​ត​ំ​បន់​​នេះ​​។ ​លោក​​បា​ន​មា​ន​ប្រ​សាសន៍​ថា​ “ សត្វ​​ខ្យង​កំ​ពុ​ង​តែ​បំ​ផ្លាញ​សន្ទូង​ និ​ង​សំ​ណាប” ដោយ​បាន​បន្ថែមថា ​​កា​រ​​ព្យា​យាម​​​របស់​អ្នក​​ភូមិ​​​​ក្នុង​ការ​សម្លាប់​​វា​ដោ​យ​​ប្រើ​​ថ្នាំ​សម្លាប់​សត្វ​ល្អិត​ មិ​ន​​បា​ន​​​ទទួល​ជោ​គ​​ជ័យ​ទេ​។ ​លោក ហែ​ម ស​ុផាត ​​កសិករ​​​នៅ​​ភូមិ​​​ បត់​សិរមាន់ ​បា​ន​ឲ្យ​ដឹង​​ថា ​សត្វ​ខ្យង​​​ក៏​បា​ន​បំ​ផ្លាញ​ស្រូវ​​របស់​​ខ្លួន​ដែរ​។ លោក​​បា​ន​និយាយ​​កា​ល​​ពី​ថ្ងៃ​​ច័ន្ទ​ថា “ សត្វ​​ទាំ​ង​នេះ​​ស៊ី​​ស្រូ​វ​​​​ក្នុង​ស្រែ​​​របស់​ខ្ញុំ​​ស្ទើរតែ​​ទា​ំ​ង​អស់។ ​ខ្ញុំ​​​បា​ន​​​យក​​វា​​ចេញ​​អស់​ជា​ច្រើន​ហើយ​​​​កា​ល​​ពី​ម្សិល​មិញ​ ប៉ុន្តែ​​ ថ្ងៃ​នេះ​​វា​នៅ​តែ​មាន​ច្រើន​ដដែល​​​”។ លោក​បន្ថែម​ថា​ ខ្លួន​បាន​ស្នើ​ទៅការិយា​​ល័យ​កសិកម្ម​ស្រុក​ សុំ​ថ្នាំ​សម្លាប់​សត្វ​ល្អិត​ដើម្បី​កម្ចាត់​ខ្យង​ទាំង​នោះ​ហើយ​ ប៉ុន្តែ​នៅ​មិន​ទាន់​ទទួល​បាន​​ការ​ឆ្លើយ​តប​ទេ​។​​ លោក...

MEDIA FEEDS

Popular