វីដេអូ

សង្គមស៊ីវិលស្នើឲ្យរដ្ឋាភិបាលកម្ពុជាចរចាជាមួយភាគីថៃករណីថៃចាប់បញ្ជូនខ្លួនពលរដ្ឋខ្មែរ ក្រុមសង្គមស៊ីវិលក្នុងស្រុកបានស្នើទៅរបបក្រុងភ្នំពេញឲ្យចរចាជាមួយភាគីថៃដើម្បីរកដំណោះស្រាយលើបញ្ហាសមត្ថកិច្ចថៃចុះចាប់ពលរដ្ឋខ្មែរដែលធ្វើការខុសច្បាប់ហើយបញ្ជូនមកកាន់ប្រទេសកម្ពុជាវិញ។

លោកហ៊ុន សែនអះអាងថា គ្មានការដោះលែងលោកកឹម សុខាដូចការលើកឡើងរបស់អតីតមេបក្សប្រឆាំនោះឡើយ លោកហ៊ុន សែន កាលពីថ្ងៃពុធបានព្រមានធ្ងន់ថា គ្មានគម្រោងដោះលែងលោកកឹម សុខាដូចការលើកឡើងរបស់លោកសម រង្ស៊ីនោះទេ។

ពាណិជ្ជកម្មកម្ពុជាទៅអាមេរិកមានការកើនឡើងជាងឆ្នាំ២០១៧ ក្រសួងពាណិជ្ជកម្មកម្ពុជាកាលពីថ្ងៃពុធឲ្យដឹងថា ក្នុងរយៈពេល៩ខែដំបូង ឆ្នាំ២០១៨នេះ ទំហំពាណិជ្ជកម្មកម្ពុជាជាមួយអាមេរិកមានចំនួន៣ពាន់លានដុល្លារ កើនឡើង៣៩% បើធៀបនឹងរយៈពេលដូចគ្នាកាលពីឆ្នាំ២០១៧។

ពលរដ្ឋមានជម្លោះដីធ្លីក្នុងខេត្តក្រចេះទាមទារឲ្យមន្រ្តីជាន់ខ្ពស់របស់អង្គការសហ ប្រជាជាតិ​ធ្វើអន្តរាគមន៍ ពលរដ្ឋដែលមានជម្លោះដីធ្លីពីខេត្តក្រចេះ កាលពីថ្ងៃអង្គារបាននាំគ្នាដាក់ញត្តិនៅការិយាល័យឧត្ដមស្នងការសហប្រជាជាតិ ដើម្បីស្នើសុំឲ្យអ្នកស្រី Rhona Smith អន្តរាគមន៍ទៅរបបលោកហ៊ុន សែនឲ្យដោះស្រាយបញ្ហាវិវាទដីធ្លីរបស់ពួកគេឲ្យបានឆាប់ចប់។

រដ្ឋាភិបាលអំពាវនាវកុំឲ្យមានការដំឡើងថ្លៃក្នុងពេលបុណ្យសមុទ្រខេត្តកោះកុងនៅខែធ្នូខាងមុខ ក្រសួងទេសចរណ៍អំពាវនាវឲ្យម្ចាស់សណ្ឋាគារ និងអាហារដ្ឋានកុំដំឡើងថ្លៃក្នុងថ្ងៃបុណ្យសមុទ្រក្នុងខេត្តកោះកុង នៅខែធ្នូខាងមុខ។

បេសកជនពិសេសរបស់អ.ស.ប.ជំរុញឲ្យកម្ពុជាគោរពសិទ្ធិមនុស្សដើម្បីចៀសវាងការដកហូតប្រព័ន្ធអនុគ្រោះពន្ធ បេសកជនពិសេសរបស់អង្គការសហប្រជាជាតិ(អ.ស.ប.)ទទួលបន្ទុកសិទ្ធិមនុស្សនៅកម្ពុជា អ្នកស្រីRhona Smithបានព្រមានគណៈកម្មាធិការសិទ្ធិមនុស្សរបស់រដ្ឋាភិបាលកម្ពុជាថា ដើម្បីចៀសវាងការដកប្រព័ន្ធអនុគ្រោះពន្ធពីសហភាពអឺរ៉ុប លុះត្រាតែកម្ពុជាគោរពសិទ្ធិមនុស្ស លទ្ធិប្រជាធិបតេយ្យ យុត្តិធម៌សង្គម និងសន្តិភាព។

មន្រ្តីជាន់ខ្ពស់របស់លោកហ៊ុន សែន៖ ការដកប្រព័ន្ធអនុគ្រោះពន្ធEBA ដូចជាការបំផ្លាញសមិទ្ធផលរបស់ខ្លួននៅកម្ពុជា មន្រ្តីជាន់ខ្ពស់នៃគណៈកម្មាធិការសិទ្ធិមនុស្សកម្ពុជា លោកកែវ រ៉េមី អះអាងថា ការពិចារណារបស់សហគមន៍អឺរ៉ុបលើការដកប្រព័ន្ធអនុគ្រោះពន្ធ EBA ចេញពីកម្ពុជាគឺដូចជាការបំផ្លាញសមិទ្ធផល នៃវិស័យកាត់ដេរនៅកម្ពុជាអីចឹងដែរ។

អាមេរិកចង់ឃើញកម្ពុជាមានទំនាក់ទំនងជាមួយខ្លួនឡើងវិញ ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជាលោកWilliam Heidtដែលទើបបញ្ចប់អាណត្តិនៅកម្ពុជាជំរុញឲ្យកម្ពុជាបង្កើនចំណងមិត្តភាពរវាងកម្ពុជា និងអាមេរិកឲ្យកាន់តែមានភាពរីកចម្រើនជាងនេះ។

សមត្ថកិច្ចខណ្ឌដូនពេញដោះលែងសកម្មជនដីធ្លីបីនាក់ក្រោយពីឃុំឃាំងមួយរយៈខ្លី សមត្ថកិច្ចខណ្ឌដូនពេញបានដោះលែងសកម្មជនដីធ្លីបីនាក់វិញក្រោយពេលបានឃុំខ្លួនមួយរយៈពេលខ្លីកាលពីថ្ងៃទី៥ ខែវិច្ឆិកា ពាក់ព័ន្ធនឹងការធ្វើបាតុកម្មករណីជម្លោះដីធ្លីនៅមុខផ្ទះលោកហ៊ុន សែន។

លោកហ៊ុន សែនជំរុញឲ្យបង្ក្រាបឱសថក្លែងក្លាយ និងខូចគុណភាពដែលមានក្នុងទីផ្សារក្នុងប្រទេស លោកហ៊ុន សែនកាលពីថ្ងៃទី៥ ខែវិច្ឆិកា បានជំរុញឲ្យមានការរួមគ្នាប្រយុទ្ធប្រឆាំងនឹងឱសថក្លែងក្លាយ និងខូចគុណភាព ដែលលោកចាត់ទុកថា ជាបញ្ហាសាកល។