26 C
Phnom Penh

TAG

ជិន ម៉ាលីន

ក្រសួង​យុត្តិធម៌​កំពុង​សិក្សា​ថា​តើ​ត្រូវ​បង្កើត​ច្បាប់​ថ្មី ឬ​ធ្វើ​វិសោធនកម្ម​ច្បាប់​ចាស់​ដាក់​ទោស​អ្នក​ថា​គ្មាន​អំពើ​ប្រល័យ​ពូជសាសន៍

ក្រសួង​យុត្តិធម៌ កំពុង​ពិនិត្យ​សិក្សា​ថា តើ​នឹង​ត្រូវ​បង្កើត​ច្បាប់​ថ្មី ឬ​ធ្វើ​វិសោធនកម្ម​លើ​ច្បាប់​ចាស់​ប្រឆាំង​នឹង​ការ​មិន​ទទួលស្គាល់​ឧក្រិដ្ឋកម្ម​ក្នុង​របប​ខ្មែរក្រហម ដែល​រដ្ឋសភា​បាន​អនុម័ត​កាលពី​ឆ្នាំ​២០១៣ បន្ទាប់ពី​សំណើ​របស់​ប្រធាន​ព្រឹទ្ធសភា​លោក ហ៊ុន សែន ឱ្យ​អ្នក​ច្បាប់​ពិចារណា​រៀបចំ​ច្បាប់​ផ្ដន្ទាទោស​ជន​ទាំងឡាយ​ណា​ដែល​ហ៊ាន​និយាយ​ថា កម្ពុជា​មិន​មាន​អំពើ​ប្រល័យ​ពូជសាសន៍។ អ្នក​នាំពាក្យ​ក្រសួង​យុត្តិធម៌ នៅ​ថ្ងៃទី​២៨ ខែ​ឧសភា បាន​ថ្លែង​ថា ក្រសួង​យុត្តិធម៌​កំពុង​ពិនិត្យ​សិក្សា​លើ​ច្បាប់​ដាក់​ទោស​អ្នក​ដែល​មិន​ទទួលស្គាល់​វត្តមាន​អំពើ​ប្រល័យ​ពូជសាសន៍​នៅ​កម្ពុជា ប៉ុន្តែ​លោក​នៅ​មិន​ទាន់​បញ្ជាក់​បាន​ទេ​ថា តើ​ត្រូវ​បង្កើត​ច្បាប់​ថ្មី ឬ​ធ្វើ​វិសោធនកម្ម​លើ​ច្បាប់​ចាស់​ប្រឆាំង​នឹង​ការ​មិន​ទទួលស្គាល់​ឧក្រិដ្ឋកម្ម​ក្នុង​របប​ខ្មែរក្រហម ដែល​រដ្ឋសភា​បាន​អនុម័ត​កាលពី​ឆ្នាំ​២០១៣។ បើ​តាម​លោក ជិន ម៉ាលីន អ្នក​នាំពាក្យ​ក្រសួង​យុត្តិធម៌ បាន​អះអាង​ថា នេះ​ជា​ការងារ​ដែល​មាន​សារសំខាន់ ប៉ុន្តែ​លោក​នៅ​មិន​ទាន់​អាច​បញ្ជាក់​បាន​ទេ​ថា...

តុលាការ​ច្រានចោល​សេចក្តី​ថ្លែងការណ៍​របស់​សហ​មេធាវី​ការពារ​សិទ្ធិ​លោក កឹម សុខា

តុលាការ​ក្រុង​ភ្នំពេញ ច្រានចោល​សេចក្តី​ថ្លែងការណ៍​របស់​សហ​មេធាវី​ការពារ​សិទ្ធិ​ប្រធាន​គណបក្ស​សង្គ្រោះ​ជាតិ លោក កឹម សុខា ដោយ​សំអាង​ថា ក្រុម​មេធាវី​ទាំងនោះ​មិន​បាន​ដាក់​សំណើ​មក​តំណាង​អយ្យការ​ដើម្បី​សុំ​ជួប​ពិរុទ្ធជន។ អ្នក​នាំពាក្យ​នៃ​អយ្យការ​អម​សាលាដំបូង​រាជធានី​ភ្នំពេញ បាន​ចេញ​សេចក្តី​ប្រកាស​ព័ត៌មាន​កាល​ថ្ងៃទី​១៥ ខែ​មីនា ឆ្នាំ​២០២៣ នេះ​ថា សេចក្តី​ថ្លែងការណ៍​របស់​សហ​មេធាវី​ការពារ​សិទ្ធិ​លោក កឹម សុខា ដោយ​លើកឡើង​ថា មាន​ការ​រារាំង និង​មិន​អនុញ្ញាត​ឱ្យ​ពួកគេ​ចូល​ជួប​ពិគ្រោះ​យោបល់​ច្បាប់​ជាមួយ​កូនក្ដី ដែល​នាំ​ឱ្យ​សហ​មេធាវី​ទាំងនោះ​មិន​អាច​អនុវត្ត​សិទ្ធិ​បំពេញ​កាតព្វកិច្ច និង​ទំនួល​ខុសត្រូវ​ចំពោះ​កូនក្ដី​បាន គឺជា​ការ​លើកឡើង​ប្រាសចាក​ពី​ការពិត និង​ធ្វើ​ឱ្យ​មាន​ការ​ភ័ន្តច្រឡំ​ដល់​សាធារណជន​យ៉ាង​ធ្ងន់ធ្ងរ។ សាលាដំបូង​រាជធានី​ភ្នំពេញ លើកឡើង​ថា សេចក្តី​សម្រេច​នៃ​សាលក្រម​ព្រហ្មទណ្ឌ​កាលពី​ថ្ងៃទី​០៣ ខែ​មីនា...

មន្ត្រី​អង្គការ​ក្រៅ​រដ្ឋាភិបាល៖ ការ​រិះគន់​នានា​លើ​កម្ពុជា​គឺ​ដោយសារ​តែ​កម្ពុជា​អនុវត្ត​ច្បាប់​ដោយ​បំពាន

មន្ត្រី​អង្គការ​ក្រៅ​រដ្ឋាភិបាល ថា​ការ​រិះគន់​នានា​លើ​កម្ពុជា​ជុំវិញ​ការ​រឹតត្បិត​សេរីភាព​បញ្ចេញមតិ គឺ​ដោយសារតែ​កម្ពុជា​បាន​អនុវត្ត​ច្បាប់​ដោយ​បំពាន​ជុំវិញ​ការ​ចាប់​ខ្លួន​សកម្មជន​សង្គម​នានា និង​សកម្មជន​នយោបាយ​ដោយ​ប្រើ​ក្រមព្រហ្មទណ្ឌ​ដែល​ផ្ទុយ​ពី​ខ្លឹមសារ​របស់​រដ្ឋធម្មនុញ្ញ។ អ្នក​នាំពាក្យ​សមាគម​ការពារ​សិទ្ធិមនុស្ស​អាដហុក លោក ស៊ឹង សែនករុណា ប្រាប់​សារព័ត៌មាន The Cambodia Daily នៅ​ថ្ងៃទី​៦ ធ្នូ នេះ​ថា ដើម្បី​ធានា​នូវ​យុត្តិធម៌ និង​សេរីភាព​នៃ​ការ​បញ្ចេញមតិ​របស់​ប្រជាពលរដ្ឋ និង​សុវត្ថិភាព​របស់​អ្នក​សារព័ត៌មាន​ឱ្យ​មាន​ភាព​ល្អ​ប្រសើរ រដ្ឋាភិបាល​កម្ពុជា​គួរតែ​បើក​ទូលាយ​ដល់​សកម្មជន​សង្គម អ្នក​នយោបាយ និង​អ្នក​សារព័ត៌មាន​ក្នុង​ការ​បញ្ចេញមតិ​ការពារ​ផល​ប្រយោជន៍​សាធារណៈ ដើម្បី​រួម​គ្នា​កែលំអ និង​កសាង​សង្គម​ជាតិ​ទាំងមូល​ដោយ​មិន​ប្រកាន់​និន្នាការ​នយោបាយ​ណា​មួយ​ដូច​ពេល​កន្លងមក។ លោក ស៊ឹង សែនករុណា...

សហ​មេធាវី​ថា​តុលាការ​មិន​ហ៊ាន​ចោទ​សួរ​លើ​អង្គហេតុ​រដ្ឋ​បរទេស​ឃុបឃិត​ជាមួយ​លោក កឹម សុខា

សហ​មេធាវី​ការពារ​ក្តី​ប្រធាន​គណបក្ស​សង្គ្រោះ​ជាតិ លោក កឹម សុខា ថា​តុលាការ​នៅតែ​មិន​ហ៊ាន​សាកសួរ​លើ​អង្គហេតុ​ពិតប្រាកដ​ទាក់ទង​ទៅ​នឹង​រដ្ឋ​បរទេស​មួយ​ណា​ដែល​ថា​បាន​ឃុបឃិត​ជាមួយ​លោក កឹម សុខា ដើម្បី​ផ្តួល​រំលំ​រាជរដ្ឋាភិបាល​កម្ពុជា​នោះ។ សហ​មេធាវី​ការពារ​ក្តី​មេដឹកនាំ​បក្ស​ប្រឆាំង លោក ចាន់ ចេន បាន​ប្រាប់​អ្នក​សារព័ត៌មាន​បន្ទាប់ពី​សវនាការ​លើក​ទី​៤២ លើ​ប្រធាន​គណបក្ស​សង្គ្រោះ​ជាតិ​ពេញ​មួយ​ព្រឹក​នៅ​មុខ​សាលាដំបូង​រាជធានី​ភ្នំពេញ នៅ​ថ្ងៃទី​១ ខែ​មិថុនា ឆ្នាំ​២០២២ ថា សហ​មេធាវី​ការពារ​ក្តី​ទាំងអស់​របស់​លោក កឹម សុខា បាន​ទាមទារ​ឲ្យ​តុលាការ​សាកសួរ​លើ​អង្គហេតុ​ពិតប្រាកដ ប៉ុន្តែ​តុលាការ​បែរ​ជា​ព្យាយាម​ចោទ​សួរ​លើ​ខ្លឹមសារ​ក្នុង​វីដេអូ​ជាង​មួយ​ម៉ោង ដែល​តុលាការ​បាន​កាត់​ជា​កង់ៗ​ប្រវែង ១៦​នាទី​ម្តង...

លោក កឹម សុខា ថា​តែង​លើក​បញ្ហា​ប្រជាធិបតេយ្យ សិទ្ធិមនុស្ស និង​យុត្តិធម៌​រាល់​ជំនួប​ជាមួយ​ទូត​បរទេស

ប្រធាន​គណបក្ស​សង្គ្រោះ​ជាតិ​ដែល​មិន​ទាន់​មាន​សេរីភាព​ពេញលេញ លោក កឹម សុខា បាន​បញ្ចេញ​សារ​បី​ថ្ងៃ​ជាប់​គ្នា​តាំងពី​ថ្ងៃ​ទី​១៣ ដល់​ថ្ងៃ​ទី​១៥ ឧសភា ថា​រាល់​ជំនួប​របស់​លោក​ជាមួយ​ឯកអគ្គរាជទូត​តំណាង​រដ្ឋ​បរទេស គឺ​លោក​តែងតែ​លើកឡើង​អំពី​ការ​វិវឌ្ឍ​នូវ​ស្ថានភាព​នៃ​ដំណើរ​ប្រជាធិបតេយ្យ សិទ្ធិមនុស្ស យុត្តិធម៌​នៅ​កម្ពុជា និង​សិទ្ធិ​សេរីភាព​របស់​លោក​ក្នុង​ការ​ចូលរួម​បម្រើ​ប្រទេស​ជាតិ។ លោក កឹម សុខា បាន​សរសេរ​លើ​គណនី​ហ្វេសប៊ុក​របស់​លោក​កាលពី​ថ្ងៃ​ទី​១៣ ឧសភា ថា លោក​បាន​ជួប​ពិភាក្សា​ការងារ​រយៈពេល​ជាង​ពីរ​ម៉ោង​ជាមួយ​ឯកអគ្គរាជទូត​ជប៉ុន​ប្រចាំ​កម្ពុជា លោក Masahiro Mikami ដែល​ជា​តំណាង​ប្រទេស​មហាអំណាច​អាស៊ី​មួយ បន្ទាប់ពី​លោក​បាន​ជួប​ជាមួយ​តំណាង​ប្រទេស​មហាអំណាច​អាមេរិក និង​តំណាង​ប្រទេស​មហាអំណាច​អឺរ៉ុប...

អ្នក​នាំ​ពាក្យ៖ តុលាការ​ចោទ​តែ​លោក កឹម សុខា មិន​ចោទ​រដ្ឋ​បរទេស​ណា​មួយ​ឡើយ

អ្នក​នាំពាក្យ​ក្រសួង​យុត្តិធម៌ លោក ជិន ម៉ាលីន បាន​បកស្រាយ​ជា​ថ្មី​ថា តុលាការ​ចោទប្រកាន់​តែ​លោក កឹម សុខា ពី​បទ «សន្ទិដ្ឋភាព​ជាមួយ​រដ្ឋ​បរទេស» ប៉ុន្តែ​តុលាការ​មិន​បាន​ចោទប្រកាន់​រដ្ឋ​បរទេស​ណា​មួយ​ក្នុង​សំណុំរឿង​លោក កឹម សុខា ឡើយ។ លោក ជិន ម៉ាលីន បាន​សរសេរ​លើ​ហ្វេសប៊ុក​កាលពី​ថ្ងៃ​ទី​១៥ ឧសភា បកស្រាយ​ថា ក្រុម​មេធាវី​របស់​លោក កឹម សុខា បាន​លើកឡើង​ដោយ​ព្យាយាម​ទាញ​រដ្ឋ​បរទេស​ឱ្យ​ចូល​ខ្លួន​ក្នុង​សំណុំរឿង និង​បាន​និយាយ​ថា...

អ្នក​នាំពាក្យ​ក្រសួង​យុត្តិធម៌​បដិសេធ​សំណើ​មន្ត្រី​ជាន់ខ្ពស់​គណបក្ស​ភ្លើង​ទៀន

អ្នក​នាំពាក្យ​ក្រសួង​យុត្តិធម៌​បដិសេធ​សំណើ​របស់​មន្ត្រី​ជាន់ខ្ពស់​គណបក្ស​ភ្លើង​ទៀន ដែល​បាន​ស្នើ​ទៅ​ក្រសួង​យុត្តិធម៌ ឱ្យ​ទម្លាក់​ចោល​បទ​ចោទ និង​ការ​ដោះលែង​សកម្មជន​គណបក្ស​ភ្លើង​ទៀន ឱ្យ​នៅ​ក្រៅ​ឃុំ ព្រមទាំង​ពន្យារ​នីតិវិធី​តុលាការ​កុំ​ឱ្យ​មាន​ការ​កោះហៅ​ក្នុង​អំឡុង​ពេល​រៀបចំ​ការ​បោះឆ្នោត​ឃុំ-សង្កាត់​នៅ​ខែ​មិថុនា ខាងមុខ​នេះ។ អ្នក​នាំពាក្យ​ក្រសួង​យុត្តិធម៌ លោក ជិន ម៉ាលីន បាន​សរសេរ​លើ​គណនី​ហ្វេសប៊ុក​របស់​លោក​កាលពី​ថ្ងៃ​ទី​៣ ឧសភា ថា តាម​គោលការណ៍​ច្បាប់ ការ​ទម្លាក់​ចោល​បទ​ចោទ ឬ​ការ​ដោះលែង​ឱ្យ​នៅ​ក្រៅ​ឃុំ​ជា​សមត្ថកិច្ច​របស់​តុលាការ​ដែល​ជា​ស្ថាប័ន​ឯករាជ្យ ដោយ​ផ្អែកលើ​អង្គហេតុ និង​អង្គ​ច្បាប់។ ដោយឡែក​ក្រសួង​យុត្តិធម៌​ដែល​ជា​ស្ថាប័ន​នីតិប្រតិបត្តិ ពុំ​មាន​សមត្ថកិច្ច និង​សិទ្ធិ​អំណាច​ក្នុង​ការ​ជ្រៀតជ្រែក​កិច្ចការ​របស់​តុលាការ​នោះ​ទេ។ លោក​បន្ថែម​ថា មាន​តែ​ការ​ចូលរួម​នៅក្នុង​ដំណើរការ​នីតិវិធី​របស់​តុលាការ​ប៉ុណ្ណោះ​ដែល​ជា​មធ្យោបាយ​ខាង​ផ្លូវច្បាប់​តែ​មួយ​គត់ ក្នុង​ការ​ការពារ​ខ្លួន​តាមរយៈ​នៃ​ការ​ពឹងពាក់​មេធាវី​ដើម្បី​ជួយ​ការពារ​ក្តី​នៅ​ក្នុង​ដំណើរការ​នីតិវិធី​របស់​តុលាការ​នោះ។ លោក ជិន...

មន្ត្រី​ក្រសួង​យុត្តិធម៌​ថា​ការ​ស្នើសុំ​ឲ្យ​រដ្ឋ​បរទេស​ចូល​បំភ្លឺ​គឺ​ជា​ល្បិច​របស់​ភាគី​ជន​ជាប់ចោទ

មន្ត្រី​ជាន់ខ្ពស់​នៃ​ក្រសួង​យុត្តិធម៌ ចោទ​ថា ការ​ស្នើសុំ​ឲ្យ​រដ្ឋ​បរទេស​ចូល​បំភ្លឺ​ក្នុង​សវនាការ​ជុំវិញ​សំណុំរឿង​ប្រធាន​គណបក្ស​សង្គ្រោះ​ជាតិ លោក កឹម សុខា គ្រាន់តែ​ជា​ល្បិច​របស់​ភាគី​ជន​ជាប់ចោទ ដើម្បី​រុញ​ឱ្យ​រដ្ឋ​បរទេស​ចូល​ក្នុង​សំណុំរឿង​របស់​ខ្លួន ក្នុង​ចេតនា​ប្រើប្រាស់​ឥទ្ធិពល​នៃ​រដ្ឋ​បរទេស​នោះ​ដើម្បី​ដាក់​សម្ពាធ​លើ​កម្ពុជា ក្នុង​បំណង​ជួយ​ដក​ខ្លួន​ចេញពី​សំណុំរឿង​ដែល​តុលាការ​បាន​ចោទប្រកាន់​ប៉ុណ្ណោះ។ អ្នក​នាំពាក្យ​ក្រសួង​យុត្តិធម៌ លោក ជិន ម៉ាលីន កាលពី​ថ្ងៃ​ទី​២៧ ខែ​មេសា ឆ្នាំ​២០២២ បាន​លើកឡើង​ថា យោង​តាម​ទិដ្ឋភាព​ច្បាប់ និង​អនុសញ្ញា​ទីក្រុង​វីយ៉ែន ស្ដីពី​ទំនាក់ទំនង​ការទូត​រវាង​រដ្ឋ និង​រដ្ឋ មន្ត្រី​ទូត​បរទេស​តែង​មាន​អភ័យ​ឯកសិទ្ធិ​ជានិច្ច មិន​ចំណុះ​ទៅ​នឹង​អំណាច​តុលាការ​នៃ​រដ្ឋ​ដែល​ជា​ម្ចាស់​ប្រទេស​នោះ​ឡើយ។ លោក ជិន...

អ្នកវិភាគ៖ លោក កឹម សុខា អាច​ប្តឹង​មន្ត្រី​ក្រសួង​យុត្តិធម៌​ទៅ​ក្រុមប្រឹក្សា​ធម្មនុញ្ញ​អំពី​ការ​រំលោភ​រដ្ឋធម្មនុញ្ញ

អ្នក​តាមដាន​ស្ថានការណ៍​នយោបាយ​កម្ពុជា រិះគន់​មន្ត្រី​ក្រសួង​យុត្តិធម៌​ដែល​ជំរុញ​ឱ្យ​ប្រធាន​គណបក្ស​សង្គ្រោះ​ជាតិ លោក កឹម សុខា សារភាព​ទោស ថា​បំពាន​ទៅលើ​គោលការណ៍​ច្បាប់​យ៉ាង​ធ្ងន់ធ្ងរ លោក កឹម សុខា អាច​ប្តឹង​អំពី​ការ​រំលោភ​រដ្ឋធម្មនុញ្ញ​ទៅ​ក្រុមប្រឹក្សា​ធម្មនុញ្ញ។ អ្នកវិភាគ​នយោបាយ និង​សង្គម បណ្ឌិត ឡៅ ម៉ុងហៃ បាន​សរសេរ​លើ​គណនី​ហ្វេសប៊ុក​របស់​លោក​កាលពី​ថ្ងៃ​ទី​៧ ខែ​មីនា ថា ការ​លើក​យក​សំណុំរឿង​លោក កឹម សុខា មក​បកស្រាយ​របស់​អ្នក​នាំពាក្យ​ក្រសួង​យុត្តិធម៌ លោក ជិន...

អង្គការ​ឃ្លាំមើល​សេរីភាព​ពិភពលោក​ដាក់​ពិន្ទុ​កម្ពុជា​ជា​ប្រទេស​ដែល​គ្មាន​សិទ្ធិ​សេរីភាព

អង្គការ​ឃ្លាំមើល​សេរីភាព​ពិភពលោក (Freedom House) ចេញ​ផ្សាយ​របាយការណ៍​ប្រចាំ​ឆ្នាំ​របស់​ខ្លួន​ស្ដីពី «សិទ្ធិ​នយោបាយ និង​សេរីភាព​ជនស៊ីវិល» ថា​កម្ពុជា​ជា​ប្រទេស​ដែល​គ្មាន​សិទ្ធិ​សេរីភាព​ក្នុង​ចំណោម​ប្រទេស​អាស៊ាន​ចំនួន​៥ ផ្សេង​ទៀត។ ក្នុង​របាយការណ៍​ប្រចាំ​ឆ្នាំ​២០២១ ដែល​ចេញ​ផ្សាយ​នៅ​ខែ​កុម្ភៈ ឆ្នាំ​២០២២ របស់​អង្គការ​ឃ្លាំមើល​សេរីភាព​ពិភពលោក (Freedom House) ក៏​បាន​វាយតម្លៃ​ប្រទេស​សិង្ហបុរី ម៉ាឡេស៊ី ហ្វីលីពីន និង​ឥណ្ឌូនេស៊ី ស្ថិត​ក្នុង​ចំណោម​ប្រទេស​មាន​សេរីភាព​ខ្លះ (Partly Freedom) ប៉ុន្តែ​អ្វី​ដែល​គួរ​ឲ្យ​ចាប់អារម្មណ៍​នោះ Freedom House បាន​ឲ្យ​ចំណាត់ថ្នាក់​ទីម័រខាងកើត...

Latest news