26 C
Phnom Penh

TAG

ព្រាប កុល

អ្នក​វិនិយោគ​ក្នុង​ក្រុមហ៊ុន CIC Partner ទាមទារ​ឱ្យ​ថ្នាក់ដឹកនាំ​ទាំង ១៣​នាក់​សង​លុយ​ពួកគេ​វិញ បន្ទាប់ពី​បាត់​លុយ​វិនិយោគ​រាប់​សិប​លាន​ដុល្លារ

ដោយ៖ ហាស់ សាន សមាជិក​រងគ្រោះ​ពី​ការ​ផ្តល់​ប្រាក់កម្ចី​ដើម្បី​ទទួល​បាន​ការប្រាក់​ក្នុង​ក្រុមហ៊ុន CIC Partner ទាមទារ​ឱ្យ​អ្នក​គ្រប់គ្រង​ជាន់ខ្ពស់​ទាំង ១៣​នាក់​របស់​ក្រុមហ៊ុន​នេះ សង​លុយ​ពួកគេ​វិញ។ ទោះ​ជា​យ៉ាងណា​ក៏ដោយ ក្រុម​អ្នក​វិនិយោគ​ដែល​ដាក់​លុយ​រកស៊ី​នៅ​ក្នុង​ក្រុមហ៊ុន​នេះ​អះអាង​ថា បុរស​ម្នាក់​ដែល​គេ​ស្គាល់​ថា​ជា​ប្រធាន​ក្រុមប្រឹក្សាភិបាល​នៃ​ក្រុមហ៊ុន​ជិត ២០ មាន​រចនាសម្ព័ន្ធ​ដូចជា​សម្បុក​ពីងពាង និង​ជា​ថៅកែ​ហាង ផាកកាហ្វេ (Park Café) គឺ​លោក គុយ វ៉ាត បាន​ធ្វើ​ឲ្យ​បាត់​លុយ​រាប់​សិប​លាន​ដុល្លារ ដែល​ជា​លុយ​វិនិយោគ​នៅ​ក្នុង​ក្រុមហ៊ុន។ ពួកគេ​និយាយ​ថា លោក គុយ...

លោក យ៉ង់ ប៉ាក់ ដែល​រង​បណ្ដឹង​ពី​លោក ព្រាប កុល ត្រូវ​តុលាការ​បើក​កកាយ​ជា​ថ្មី​រឿង​ចេញ​សែក​ស្អុយ​កាលពី​ឆ្នាំ​២០២៣

អគ្គនាយក​ប្រតិបត្តិ​ក្រុមហ៊ុន អាហ្គ្រីប៊ី (AGRIBEE) ដែល​ជា​ម្ចាស់​គណនី​ហ្វេសប៊ុក​ឈ្មោះ ប៉ែន ជីវ័ន្ត (Chivann Pen) ត្រូវ​បាន​បើក​កកាយ​ឡើង​វិញ​សាជាថ្មី​នូវ​ការ​ចោទប្រកាន់​ពី​ការ​ចេញ​សែក​ស្អុយ​កាលពី​ឆ្នាំ​២០២៣ បន្ទាប់ពី​រង​នូវ​បណ្តឹង​ពី​សំណាក់​អតីត​ប្រធាន​អង្គការ​តម្លាភាព​កម្ពុជា​លោក ព្រាប កុល ពី​បទ​បរិហារ​កេរ្តិ៍​ក្នុង​ឆ្នាំ​២០២៤។ ក្រុម​កសិករ​ដែល​ជា​អ្នក​រកស៊ី​លក់​ទិញ​អង្កាម​ជាច្រើន​នាក់ កាលពី​ថ្ងៃទី​២៥ ខែ​មករា ឆ្នាំ​២០២៤ បាន​អំពាវនាវ​សុំ​ឱ្យ​ស្ថាប័ន​តុលាការ និង​ក្រសួង​ពាក់ព័ន្ធ មាន​ចំណាត់ការ​ដោះស្រាយ​ចំពោះ​អគ្គនាយក​ប្រតិបត្តិ​ក្រុមហ៊ុន អាហ្គ្រីប៊ី (AGRIBEE) លោក យ៉ង់ ប៉ាក់...

លោក ព្រាប កុល បដិសេធ​ដាច់អហង្ការ​ចំពោះ​ការ​ចោទ​ប្រកាន់​ថា​លោក​បាន​កិបកេង​លុយ​ជិត​១០០​លាន​ដុល្លារ​ពី​ក្រុមហ៊ុន CIC

អតីត​ប្រធាន​អង្គការ​តម្លាភាព​កម្ពុជា​លោក ព្រាប កុល ចេញ​មុខ​បដិសេធ​ដាច់អហង្ការ​ចំពោះ​ការ​ចោទប្រកាន់​ដែល​ថា លោក​បាន​កិបកេង​លុយ​ជិត ១០០​លាន​ដុល្លារ​អាមេរិក (៨០​លាន​ដុល្លារ) ពី​ក្រុមហ៊ុន ខេមបូឌាន អ៊ីនវេស្ទ័រ ឃែបភីថល ផាតនឺ (Cambodian Investor Partner)។ លោក ព្រាប កុល ដែល​បច្ចុប្បន្ន​មាន​ឋានៈ​ជា​រដ្ឋមន្ត្រី​ប្រតិភូ​អម​នាយករដ្ឋមន្ត្រី ប្រាប់​សារព័ត៌មាន The Cambodia Daily នៅ​ថ្ងៃទី​២៥ មករា...

ម្ចាស់​គណនី​ហ្វេសប៊ុក​ដែល​ចោទ​លោក ព្រាប កុល ថា​លួច​លុយ​ជិត​១០០​លាន​ដុល្លារ​ត្រូវ​បាន​សមត្ថកិច្ច​ចាប់​ខ្លួន​តាម​បណ្ដឹង​របស់​លោក ព្រាប កុល

ម្ចាស់​គណនី​ហ្វេសប៊ុក​ឈ្មោះ ប៉ែន ជីវ័ន្ត (Chivann Pen) ដែល​ផ្សព្វផ្សាយ​ថា អតីត​ប្រធាន​អង្គការ​តម្លាភាព​កម្ពុជា​លោក ព្រាប កុល បាន​លួច​កិបកេង​លុយ​ជិត ១០០​លាន​ដុល្លារ​អាមេរិក (៨០​លាន​ដុល្លារ) ពី​ក្រុមហ៊ុន ខេមបូឌាន អ៊ីនវេស្ទ័រ ឃែបភីថល ផាតនឺ (Cambodian Investor Capital Partner) ដែល​ហៅ​កាត់​ថា CIC Partner...

លោក ព្រាប កុល ព្រមាន​ប្តឹង​អ្នក​ចោទ​លោក​ថា​បាន​លួច​លុយ​ជិត ១០០​លាន​ដុល្លារ​ពី​ក្រុមហ៊ុន​មូលធន​វិនិយោគ CIC

រដ្ឋមន្ត្រី​អម​នាយករដ្ឋមន្ត្រី និង​ជា​អតីត​ប្រធាន​អង្គការ​តម្លាភាព​កម្ពុជា​លោក ព្រាប កុល ព្រមាន​ប្តឹង​ម្ចាស់​គណនី​ហ្វេសប៊ុក​ឈ្មោះ ប៉ែន ជីវ័ន្ត (Chivann Pen) បន្ទាប់ពី​ម្ចាស់​គណនី​ហ្វេសប៊ុក​រូប​នេះ​ចោទ​រូបលោក​ថា បាន​លួច​ដក​លុយ​ជិត ១០០​លាន​ដុល្លារ​អាមេរិក (៨០​លាន​ដុល្លារ) ពី​ក្រុមហ៊ុន​គ្រប់គ្រង​មូលធន​វិនិយោគ​ដ៏​ធំ​មួយ​ឈ្មោះ CIC។ មេធាវី​របស់​លោក ព្រាប កុល គឺ​លោក សារ៉េត សារ៉េនឌី បាន​ចេញ​លិខិត​ជូនដំណឹង​មួយ​កាលពី​ថ្ងៃទី​១៦ ខែ​មករា ឆ្នាំ​២០២៤ ទៅ​កាន់​ម្ចាស់​គណនី​ហ្វេសប៊ុក​ឈ្មោះ...

យុវជន​នៅ​កូរ៉េ៖ លោក ព្រាប កុល មាន​កំហុស​ត្រង់​ចូលរួម​ជាមួយ​ជន​បង្កើត​ភាព​អយុត្តិធម៌​ឱ្យ​ពលរដ្ឋ​ខ្មែរ​ជាង​កន្លះ​នគរ

ប្រធាន​ចលនា​យុវជន​គណបក្ស​សង្គ្រោះ​ជាតិ​ប្រចាំ​ប្រទេស​កូរ៉េខាងត្បូង ត្អូញត្អែរ​ថា ការ​សម្រេច​ចិត្ត​ទៅ​ចូលរួម​ធ្វើ​កិច្ចការ​ជាមួយ​បុគ្គល​ណា​ម្នាក់ មិនមែន​ជា​កំហុស​នោះ​ទេ​ដើម្បី​ជួយ​ប្រទេស​ជាតិ ព្រោះ​ជា​សិទ្ធិ​របស់​បុគ្គល​ម្នាក់ៗ ប៉ុន្តែ​កំហុស​របស់​លោក ព្រាប កុល គឺ​នៅ​ត្រង់​ថា គាត់​បាន​ទៅ​ចូលរួម​ជាមួយ​ជន​ដែល​បង្កើត​ភាព​អយុត្តិធម៌​ឲ្យ​ពលរដ្ឋ​ខ្មែរ​ជាង​កន្លះ​នគរ ដែល​ស្មើ​នឹង​គាត់​ទៅ​ចូលរួម​គាំទ្រ​អំពើ​អយុត្តិធម៌​នេះ​ដែរ។ ប្រធាន​ចលនា​យុវជន​គណបក្ស​សង្គ្រោះ​ជាតិ​ប្រចាំ​ប្រទេស​កូរ៉េខាងត្បូង លោក យ៉ង់ ស៊ីណេត សរសេរ​លើ​គណនី​ហ្វេសប៊ុក​របស់​លោក​នៅ​ថ្ងៃទី​១៧ ឧសភា នេះ​ថា ទង្វើ​អយុត្តិធម៌​របស់​មនុស្ស​ដែល​លោក ព្រាប កុល បាន​ទៅ​ចុះចូល​ជាមួយ គឺ​ពិត​មិន​អាច​ឲ្យ​ជនរងគ្រោះ​ជាង​កន្លះ​នគរ​ទទួល​យក​បាន​ទេ ជាពិសេស​ពួកគេ​បាន​កាត់ក្តី​ឲ្យ​ប្រធាន​គណបក្ស​សង្គ្រោះ​ជាតិ លោក...

លោក ព្រាប កុល ថា​ជំនាញ​របស់​លោក​អាច​អនុវត្ត​បាន​តែ​នៅ​ក្នុង​រដ្ឋាភិបាល​ប៉ុណ្ណោះ

លោក ព្រាប កុល អតីត​នាយក​ប្រតិបត្តិ​អង្គការ​តម្លាភាព​កម្ពុជា អះអាង​ថា ជំនាញ​ដែល​ខ្លួន​បាន​ធ្វើ​នៅ​តាម​អង្គការ​ក្រៅ​រដ្ឋាភិបាល​ជាង ២០​ឆ្នាំ​មក​នេះ អាច​អនុវត្ត​បាន​តែ​នៅ​ក្នុង​រដ្ឋាភិបាល​ប៉ុណ្ណោះ មិន​អាច​អនុវត្ត​នៅ​ក្នុង​បក្ស​ប្រឆាំង​បាន​ទេ។ លោក ព្រាប កុល បាន​លើកឡើង​ក្នុង​សន្និសីទ​សារព័ត៌មាន​នៅ​ថ្ងៃទី​១៦ ខែ​ឧសភា ឆ្នាំ​២០២៣ នេះ​ថា តាមរយៈ​នៃ​ការ​ដឹកនាំ​របស់​រាជរដ្ឋាភិបាល​កម្ពុជា លោក​នឹង​អាច​ធ្វើ​កំណែ​ទម្រង់​ឱ្យ​បាន​កាន់តែ​ច្រើន ជាពិសេស​ការ​បង្កើត​ទំនាក់ទំនង​ជាមួយ​វិនិយោគិន​បរទេស​ឱ្យ​មក​បណ្ដាក់​ទុន​នៅ​កម្ពុជា​ឱ្យ​បាន​កាន់តែ​ច្រើន​ជាង​ពេល​បច្ចុប្បន្ន​នេះ​ថែម​ទៀត។ ប្រភព​ដដែល​លើកឡើង​ថា ក្នុង​នាម​លោក​ជា​មន្ត្រី​ដែល​មាន​ជំនាញ​ខាង​បច្ចេកទេស កិច្ចការ​របស់​លោក​នឹង​ជួយ​រដ្ឋាភិបាល​ឱ្យ​អាច​រៀបចំ​ប្រព័ន្ធ​គ្រប់គ្រង​អភិបាលកិច្ច​ល្អ​ក្នុង​ប្រព័ន្ធ​ដឹកនាំ​របស់​រដ្ឋ​ឱ្យ​បាន​កាន់តែ​ល្អ​ប្រសើរ ហើយ​នៅ​ពេល​ដែល​រៀបចំ​ប្រព័ន្ធ​អភិបាលកិច្ច​បាន​ល្អ​ហើយ​នោះ នឹង​ធ្វើ​ឱ្យ​ប្រព័ន្ធ​នៃ​ការ​គ្រប់គ្រង​របស់​រដ្ឋ​កាន់តែ​មាន​លំនឹង​ទៅ​ថ្ងៃ​អនាគត​ជាមិនខាន។ អតីត​មន្ត្រី​ជាន់ខ្ពស់​អង្គការ​សង្គម​ស៊ីវិល​រូប​នេះ​អំពាវនាវ​ឱ្យ​មជ្ឈដ្ឋាន​នានា គោរព​នូវ​ការ​សម្រេច​ចិត្ត​របស់​លោក​នៅ​ពេល​ដែល​លោក​សម្រេច​ចិត្ត​ចូលរួម​ជាមួយ​រដ្ឋាភិបាល​កម្ពុជា​នៅ​ពេលនេះ ព្រោះ​ថា​ការ​ស្រឡាញ់​រាប់អាន​លោក​មិន​ត្រូវ​ភ្ជាប់​មក​ជាមួយ​នូវ​លក្ខខណ្ឌ​គណបក្ស​ណា​មួយ​នោះ​ទេ...

លោក ព្រាប កុល ប្រកាស​ធ្វើ​សន្និសីទ​កាសែត​ក្រោយ​មាន​ការ​រិះគន់​រឿង​ចុះចូល​បក្ស​កាន់​អំណាច

អតីត​ប្រធាន​អង្គការ​តម្លាភាព​កម្ពុជា ប្រកាស​ធ្វើ​សន្និសីទ​សារព័ត៌មាន​នៅ​ថ្ងៃ​អង្គារ​នេះ បន្ទាប់ពី​មាន​ការ​រិះគន់​ដូច​ព្យុះសង្ឃរា ក្រោយ​ពេល​លោក​បាន​ចុះចូល​ជាមួយ​បក្ស​កាន់​អំណាច និង​ទទួល​បាន​ការ​តែងតាំង​ជា​មន្ត្រី​ជាន់ខ្ពស់​ក្នុង​ជួរ​រាជរដ្ឋាភិបាល​កម្ពុជា​ពី​ព្រះមហាក្សត្រ តាម​ការ​ស្នើសុំ​របស់​លោក ហ៊ុន សែន កាលពី​ពេល​ថ្មីៗ​នេះ។ លោក ព្រាប កុល បាន​សរសេរ​លើ​គណនី​ហ្វេសប៊ុក​របស់​លោក​កាលពី​ថ្ងៃទី​១៤ ឧសភា ថា លោក​នឹង​ធ្វើ​សន្និសីទ​សារព័ត៌មាន​នៅ​ថ្ងៃទី​១៦ ខែ​ឧសភា ឆ្នាំ​២០២៣ នេះ ដើម្បី​បំភ្លឺ​ជុំវិញ​ការ​សម្រេច​ចិត្ត​របស់​លោក​ក្នុង​ការ​ចូលរួម​បម្រើ​ជាតិ​ជាមួយ​រដ្ឋាភិបាល​កម្ពុជា​នៅ​ពេលនេះ។ ការ​ប្រកាស​ធ្វើ​សន្និសីទ​នេះ ធ្វើឡើង​បន្ទាប់ពី​សកម្មជន​សង្គម មន្ត្រី​អង្គការ​ក្រៅ​រដ្ឋាភិបាល អ្នកវិភាគ​ឯករាជ្យ អ្នក​ឃ្លាំមើល​សង្គម និង​អ្នក​សង្កេតការណ៍...

Latest news