TAG
បោះឆ្នោតថ្នាក់ជាតិ
បក្សភ្លើងទៀនស្នើសុំជួបរដ្ឋមន្ត្រីក្រសួងមហាផ្ទៃជាថ្មីរឿងលិខិតចុះបញ្ជីគណបក្សច្បាប់ដើម
គណបក្សភ្លើងទៀនស្នើសុំជួបរដ្ឋមន្ត្រីក្រសួងមហាផ្ទៃជាថ្មីទៀត ដើម្បីសុំឲ្យរដ្ឋមន្ត្រីក្រសួងនេះជួយផ្ដល់លិខិតចុះបញ្ជីគណបក្សច្បាប់ដើម បន្ទាប់ពីគណៈកម្មាធិការជាតិរៀបចំការបោះឆ្នោតមិនឲ្យចូលរួមការបោះឆ្នោតកាលពីខែកក្កដា។
ការដាក់លិខិតជាថ្មីទៀតទៅក្រសួងមហាផ្ទៃ ធ្វើឡើងបន្ទាប់ពីក្រសួងនេះបានបដិសេធមិនជួបជាមួយគណបក្សភ្លើងទៀនកាលពីដើមខែសីហា និងមុនការបោះឆ្នោតជ្រើសតាំងតំណាងរាស្ត្រកាលពីខែមិថុនា ឆ្នាំ២០២៣ ដោយក្រសួងប្រាប់ឲ្យគណបក្សនេះរង់ចាំរហូតដល់មានរដ្ឋាភិបាលថ្មី។
ក្នុងលិខិតរបស់គណបក្សភ្លើងទៀន ចុះថ្ងៃទី៤ ខែកញ្ញា ឆ្នាំ២០២៣ ដែលបានដាក់ទៅក្រសួងមហាផ្ទៃ កាលពីថ្ងៃទី៧ កញ្ញា ឲ្យដឹងថា ការដាក់លិខិតជាថ្មីទៀតនេះដើម្បីស្នើសុំជួបរដ្ឋមន្ត្រីក្រសួងមហាផ្ទៃ លោក ស សុខា ជួយផ្តល់ដំណោះស្រាយពាក់ព័ន្ធឯកសារលិខិតបញ្ជាក់ការចុះបញ្ជីគណបក្សភ្លើងទៀន ដែលតម្កល់ទុកនៅក្រសួងមហាផ្ទៃ។
ប្រភពដដែលថា គណបក្សភ្លើងទៀនត្រូវការឯកសារលិខិតបញ្ជាក់ការចុះបញ្ជីគណបក្សច្បាប់ដើម ដើម្បីយកទៅប្រើប្រាស់ក្នុងការចុះបញ្ជីគណបក្សនយោបាយឈរឈ្មោះបោះឆ្នោត។ ប្រសិនបើគ្មានឯកសារច្បាប់ដើមទេ គណបក្សភ្លើងទៀននឹងត្រូវប្រឈមការបដិសេធជាថ្មីដោយគណៈកម្មាធិការជាតិរៀបចំការបោះឆ្នោត...
លោក ហ៊ុន សែន ប្រកាសប្រើហ្វេសប៊ុកវិញបន្ទាប់ពីបណ្ដេញបុគ្គល២២រូបនៃក្រុមហ៊ុន Meta ចេញពីកម្ពុជា
លោក ហ៊ុន សែន ប្រកាសប្រើ Facebook វិញ បន្ទាប់ពីក្រុមហ៊ុននេះបានផ្ដល់យុត្តិធម៌ឲ្យលោក បើទោះបីជាកាលពីខែសីហា ឆ្នាំ២០២៣ កន្លងទៅ លោកប្រកាសថាឈប់ប្រើ Facebook ដោយងាកមកប្រើ TikTok របស់ចិន និង Telegram របស់រុស្ស៊ី ម្ដងវិញនោះ។
អតីតនាយករដ្ឋមន្ត្រីកម្ពុជា លោក ហ៊ុន សែន បានសរសេរលើហ្វេសប៊ុកកាលពីថ្ងៃទី៣ ខែកញ្ញា...
នាយករដ្ឋមន្ត្រីថ្មីប្ដេជ្ញាអនុវត្តកម្មវិធីនយោបាយរបស់រាជរដ្ឋាភិបាលដែលបានសន្យាជាមួយពលរដ្ឋមុនបោះឆ្នោត
នាយករដ្ឋមន្ត្រីបន្តវេនពីឪពុក គឺលោក ហ៊ុន ម៉ាណែត ដែលទើបឡើងកាន់តំណែងថ្មីៗ បានប្ដេជ្ញាអនុវត្តឲ្យបានសម្រេចជោគជ័យនូវ «កម្មវិធីនយោបាយរបស់រាជរដ្ឋាភិបាល» ទាំង ៥ចំណុចដែលជាការសន្យារបស់គណបក្សប្រជាជនកម្ពុជាជាមួយពលរដ្ឋនៅមុនការបោះឆ្នោត។
ការថ្លែងនេះ បន្ទាប់ពីរដ្ឋសភាអនុម័តគាំទ្រទាំងស្រុងលើសមាសភាពគណៈរដ្ឋមន្ត្រី ដោយលោក ហ៊ុន ម៉ាណែត ជានាយករដ្ឋមន្ត្រីថ្មីរបស់កម្ពុជា នាថ្ងៃទី២២ ខែសីហា ឆ្នាំ២០២៣។
ខ្លឹមសារទាំង ៥ចំណុចដែលរដ្ឋាភិបាលថ្មីដឹកនាំដោយលោក ហ៊ុន ម៉ាណែត ដាក់ទៅរដ្ឋសភា ក្នុងនោះមាន៖
ការធានាការពារឲ្យបានដាច់ខាតនូវសន្តិភាព ស្ថិរភាព សន្តិសុខ...
ព្រះមហាក្សត្រ៖ រដ្ឋសភាត្រូវបំពេញភារកិច្ចរបស់ខ្លួនតាមរដ្ឋធម្មនុញ្ញនិងច្បាប់ជាធរមាន
ព្រះមហាក្សត្រមានព្រះរាជបន្ទូលទៅកាន់រដ្ឋសភាដែលជាអង្គការមានអំណាចនីតិប្បញ្ញត្តិ អំណាចនីតិប្បញ្ញត្តិ ត្រូវបំពេញភារកិច្ចរបស់ខ្លួនឲ្យដូចមានកំណត់ក្នុងរដ្ឋធម្មនុញ្ញ និងច្បាប់ជាធរមាន បន្ទាប់ពីបេក្ខជនជាប់ឆ្នោតទាំង ១២៥រូបចូលធ្វើសច្ចាប្រណិធាននៅក្នុងព្រះបរមរាជវាំង ដើម្បីចូលកាន់តំណែងក្នុងរដ្ឋសភាជាផ្លូវការ។
ព្រះករុណាព្រះបាទសម្តេចព្រះ បរមនាថ នរោត្តម សីហមុនី មានបន្ទូលដូច្នេះនៅក្នុងកិច្ចប្រជុំលើកដំបូង និងសម័យប្រជុំលើកទី១ សម្រាប់នីតិកាលទី៧ នាថ្ងៃទី២១ ខែសីហា ឆ្នាំ២០២៣ នេះ ដើម្បីប្រកាសពីសុពលភាពក្រុមសមាជិកសភាថ្មី និងអនុម័តបទបញ្ជាផ្ទៃក្នុងរបស់រដ្ឋសភា។
ក្នុងសេចក្តីប្រកាសព័ត៌មានរបស់រដ្ឋសភាដដែលថា ក្រុមសមាជិកសភាទាំង ១២៥រូប ក្នុងនោះមកពីគណបក្សប្រជាជនកម្ពុជា ១២០រូប និងគណបក្សហ៊្វុនស៊ិនប៉ិច...
រដ្ឋសភានីតិកាលទី៧ នឹងបើកសម័យប្រជុំដំបូងនៅថ្ងៃទី២១សីហា ក្រោមព្រះរាជអធិបតីភាពព្រះមហាក្សត្រ
រដ្ឋសភានីតិកាលទី៧ នឹងប្រារព្ធពិធីបើកសម័យប្រជុំលើកដំបូងនៅថ្ងៃទី២១ ខែសីហា ឆ្នាំ២០២៣ វេលាម៉ោង ៨:០០ព្រឹក ក្រោមព្រះរាជអធិបតីភាពដ៏ខ្ពង់ខ្ពស់បំផុតរបស់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។
យោងតាមសេចក្តីជូនដំណឹងរបស់អគ្គលេខាធិការដ្ឋានរដ្ឋសភា បានឲ្យដឹងថា ក្នុងពិធីដ៏មហោឡារិក និងជាប្រវត្តិសាស្ត្រនេះ ឥស្សរជនជាន់ខ្ពស់ អង្គទូតប្រចាំព្រះរាជាណាចក្រកម្ពុជា និងតំណាងអង្គការក្រៅរដ្ឋាភិបាលមួយចំនួន ក៏ត្រូវបានអញ្ជើញចូលរួមជាកិត្តិយសផងដែរ។
បន្ទាប់ពីពិធីបើកសម័យប្រជុំដំបូងខាងលើនេះ សម័យប្រជុំរដ្ឋសភាលើកទី១ នីតិកាលទី៧ នឹងផ្តើមការងារក្រោមអធិបតីភាពរបស់លោក ហេង សំរិន ព្រឹទ្ធសមាជិករដ្ឋសភា...
មន្ត្រីបក្សប្រឆាំងថាលោក ហ៊ុន សែន កំពុងរៀបផែនការគ្រប់គ្រងស្ថាប័នកំពូលៗបីដើម្បីរក្សាអំណាចត្រកូលហ៊ុនឱ្យរឹងមាំទៅថ្ងៃមុខ
មន្ត្រីបក្សប្រឆាំងមួយរូបអះអាងថា លោក ហ៊ុន សែន កំពុងរៀបចំពូជអម្បូររបស់គាត់ និងពូជអម្បូរមន្ត្រីជាន់ខ្ពស់បក្សកាន់អំណាច ឱ្យកាន់តំណែងធំៗក្នុងជួររដ្ឋាភិបាលអាណត្តិថ្មីក្នុងបំណងរក្សាអំណាចត្រកូលហ៊ុនឱ្យរឹងមាំ ដើម្បីឈានទៅរកការគ្រប់គ្រងស្ថាប័នសំខាន់ៗទាំងបីរបស់ជាតិ គឺស្ថាប័នរដ្ឋសភា ស្ថាប័នព្រឹទ្ធសភា និងស្ថាប័នរាជរដ្ឋាភិបាល។
មន្ត្រីជាន់ខ្ពស់គណបក្សសង្គ្រោះជាតិលោក អ៊ុំ សំអាន បានសរសេរលើទំព័រហ្វេសប៊ុករបស់ខ្លួនកាលពីថ្ងៃទី៩ សីហា ថា មុននឹងបើកកិច្ចប្រជុំសភាពេញអង្គដើម្បីរៀបចំបង្កើតក្បាលម៉ាស៊ីនរបស់រដ្ឋសភា និងក្បាលម៉ាស៊ីនរបស់រដ្ឋាភិបាល លោក ហ៊ុន សែន បានរៀបចំមន្ត្រីជាន់ខ្ពស់ក្នុងបក្សកាន់អំណាចដែលជាសេណារីយ៉ូរបស់គាត់ឱ្យកាន់តំណែងកំពូលៗក្នុងជួររដ្ឋាភិបាល និងស្ថាប័នជាតិសំខាន់ៗយ៉ាងតក់ក្រហល់ ដើម្បីទប់ស្កាត់អំណាចមន្ត្រីជាន់ខ្ពស់ក្នុងបក្សរបស់ខ្លួនផ្សេងទៀត...
IDEA TALK៖ ចក្ខុវិស័យដើម្បីកម្ពុជាសម្រាប់រដ្ឋាភិបាលថ្មី
កម្មវិធី Idea TalK សម្រាប់រាត្រីថ្ងៃទី១០ ខែសីហា ឆ្នាំ២០២៣ ស្តីអំពី៖ «ចក្ខុវិស័យដើម្បីកម្ពុជាសម្រាប់រដ្ឋាភិបាលថ្មី»។
អតីតតំណាងរាស្ត្រ៖ ការតែងតាំងលោក ហ៊ុន ម៉ាណែត ជានាយករដ្ឋមន្ត្រីគឺរំលោភខ្លឹមសារដើមរដ្ឋធម្មនុញ្ញ
តំណាងរាស្ត្រអតីតគណបក្សសង្គ្រោះជាតិ លោក សួន សុរីដា ចាត់ទុកការតែងតាំងលោក ហ៊ុន ម៉ាណែត ជានាយករដ្ឋមន្ត្រីរបស់ប្រទេសកម្ពុជាសម្រាប់អាណត្តិទី៧ នេះ ថាជាទង្វើរំលោភខ្លឹមសារដើមរបស់រដ្ឋធម្មនុញ្ញកម្ពុជា ក្នុងការធានានូវភាពជាម្ចាស់ប្រទេសរបស់ពលរដ្ឋខ្មែរដែលប្រកាន់យករបបប្រជាធិបតេយ្យ សេរីពហុបក្ស និងដឹកនាំតាមបែបរបបសភានិយមតាំងពីឆ្នាំ១៩៩៣ មក។
លោក សួន សុរីដា បានសរសេរលើគណនីហ្វេសប៊ុករបស់លោកនៅថ្ងៃទី៨ សីហា នេះថា ការតែងតាំងនាយករដ្ឋមន្ត្រីថ្មីនៃប្រទេសកម្ពុជាសម្រាប់អាណត្តិថ្មីនេះ គឺប្រៀបបាននឹងកូនមាន់កើតមុនមេមាន់ ព្រោះថាមុននឹងតែងតាំងបុគ្គលណាម្នាក់ជានាយករដ្ឋមន្ត្រី ទាល់តែបុគ្គលរូបនោះក្លាយជាសមាជិកសភាស្របច្បាប់ពេញលក្ខណៈជាមុនសិន។
លោក សួន...
លោក ហ៊ុន សែន ប្រកាសជួបសមាជិករដ្ឋាភិបាលអាណត្តិចាស់ថ្មីបន្ទាប់ពីផ្ទេរតំណែងឱ្យកូនប្រុសដឹកនាំបន្ត
មេដឹកនាំផ្ដាច់ការលោក ហ៊ុន សែន ប្រកាសជួបសំណេះសំណាលជាមួយសមាជិករដ្ឋាភិបាលក្នុងអាណត្តិចាស់ និងអាណត្តិថ្មីនៅថ្ងៃទី១០ ខែសីហា សប្ដាហ៍នេះ មុនរដ្ឋសភាបើកកិច្ចប្រជុំផ្លូវការនៅថ្ងៃទី២១ ខែសីហា ដើម្បីបង្កើតរាជរដ្ឋាភិបាលអាណត្តិទី៧ បន្ទាប់ពីមានការផ្ទេរតំណែងនាយករដ្ឋមន្ត្រីឲ្យលោក ហ៊ុន ម៉ាណែត ដែលជាកូនប្រុសច្បងឲ្យដឹកនាំបន្ត។
បើតាមសារព័ត៌មានគាំទ្ររដ្ឋាភិបាលកម្ពុជា fresh news ដែលបានចុះផ្សាយនាថ្ងៃទី៨ សីហា នេះថា ជំនួបដែលលោក ហ៊ុន សែន ជួបជាមួយសមាជិករដ្ឋាភិបាលក្នុងអាណត្តិចាស់ និងអាណត្តិថ្មី...
គណបក្សភ្លើងទៀនខកចិត្តបន្ទាប់ពីក្រសួងមហាផ្ទៃបដិសេធសំណើសុំជួបលោក ស ខេង
គណបក្សភ្លើងទៀនសម្ដែងការខកចិត្ត បន្ទាប់ពីក្រសួងមហាផ្ទៃបដិសេធលិខិតរបស់គណបក្សនេះដែលស្នើសុំជួបរដ្ឋមន្ត្រីក្រសួងមហាផ្ទៃ លោក ស ខេង ដើម្បីស្វែងរកដំណោះស្រាយពាក់ព័ន្ធលិខិតបញ្ជាក់ការចុះបញ្ជីបក្សនយោបាយនៅក្រសួងមហាផ្ទៃរបស់បក្សភ្លើងទៀន។
សេចក្ដីថ្លែងការណ៍ចុះថ្ងៃទី០៣ ខែសីហា ឆ្នាំ២០២៣ របស់គណបក្សភ្លើងទៀន ឲ្យដឹងថា នេះមិនមែនជាលើកទីមួយទេដែលក្រសួងមហាផ្ទៃមិនទទួលលិខិតរបស់គណបក្សភ្លើងទៀន ពាក់ព័ន្ធការរកដំណោះស្រាយជុំវិញឯកសារលិខិតបញ្ជាក់ការចុះបញ្ជីគណបក្សនយោបាយនៅក្រសួងមហាផ្ទៃរបស់គណបក្សភ្លើងទៀននោះ។
ជាក់ស្ដែង កាលពីថ្ងៃទី១២ ខែមិថុនា ឆ្នាំ២០២៣ គណបក្សភ្លើងទៀនថាខ្លួនបានដាក់លិខិតដូចគ្នានេះទៅក្រសួងមហាផ្ទៃដែរ ប៉ុន្តែត្រូវក្រសួងមហាផ្ទៃបដិសេធ ដោយទាមទារឲ្យគណបក្សភ្លើងទៀនដាក់លិខិតនេះនៅក្រោយការបោះឆ្នោតជ្រើសតាំងតំណាងរាស្ត្រនីតិកាលទី៧ ថ្ងៃទី២៣ ខែកក្កដា ឆ្នាំ២០២៣ វិញ។
ប៉ុន្តែក្រោយពីបោះឆ្នោតរួចហើយ បែរជាក្រសួងមហាផ្ទៃមិនទទួលយកលិខិតរបស់គណបក្សភ្លើងទៀន ដែលបានដាក់ទៅកាលពីថ្ងៃទី២...