AUTHOR NAME
ឌឹ ខេមបូឌា ដេលី
2597 POSTS
0 COMMENTS
ភាគ២៖ សេចក្តីរាយការណ៍អំពីសេដ្ឋី និងសេដ្ឋិនីខ្មែរបើកក្រុមហ៊ុនសម្បកទទេឆ្លងទ្វីប
តើមានសេដ្ឋីស្រុកខ្មែរណាខ្លះប្រមូលទ្រព្យពីស្រុកខ្មែរទៅលាក់ទុកនៅបរទេស តាមកោះឯនាយសមុទ្រ ដោយបើកក្រុមហ៊ុនបំភ័ន្តភ្នែក?
តទៅនេះ ជាភាគទី២ នៃសេចក្តីរាយការណ៍ស្រង់ពីសំណុំឯកសារប៉ាណាម៉ា។
ឯកសារប៉ាណាម៉ា (Panama Papers) ដែលធ្លាយចេញជាសាធារណៈធ្លាក់ក្នុងដៃក្រុមអ្នកកាសែតស៊ើបអង្កេតអន្តរជាតិ (International Consortium of Investigative Journalists = ICIJ) នៅឆ្នាំ២០១៦ មានចំនួន ១១លាន ៥សែនឯកសារ។ ឯកសារទាំងនេះមានរឿងទាក់ទងនឹងក្រុមហ៊ុនសម្បក ឬស្នូកទទេឯនាយសមុទ្រ (offshore shell companies)...
អាមេរិកនិងឥណ្ឌូនេស៊ីស្ថាបនាមជ្ឈមណ្ឌលហ្វឹកហ្វឺនទ័ពជើងទឹករួមគ្នានៅសមុទ្រចិនខាងត្បូង
ឥណ្ឌូនេស៊ី និងសហរដ្ឋអាមេរិកនៅពេលនេះ កំពុងរួមដៃគ្នាស្ថាបនាមជ្ឈមណ្ឌលហ្វឹកហ្វឺនទ័ពជើងទឹករួមគ្នានៅលើកោះ Riau ស្ថិតនៅជាប់នឹងសមុទ្រចិនខាងត្បូងដែលជាប់ព្រំដែនទឹកឥណ្ឌូនេស៊ី។
សារព័ត៌មាន The star and Stripes បានចុះផ្សាយកាលពីថ្ងៃទី៣០ ខែមិថុនា ថា ប្រទេសទាំងពីរបានសម្រេចបើកការដ្ឋានស្ថាបនាមជ្ឈមណ្ឌលហ្វឹកហ្វឺនទ័ពជើងទឹក បន្ទាប់ពីបានសន្យាសហការគ្នាក្នុងការការពារលំហសមុទ្ររបស់ឥណ្ឌូនេស៊ី នៅសមុទ្រចិនខាងត្បូង។
ភាពជាដៃគូនេះ ត្រូវបានគេមើលឃើញថាជាគំរូមួយរបស់អាមេរិកចំពោះឥណ្ឌូនេស៊ី ដែលបានប្រកាន់ជំហរតឹងរ៉ឹងប្រឆាំងនឹងចិនលើបញ្ហាជុំវិញសមុទ្រចិនខាងត្បូង ដែលប្រទេសមហាយក្សមួយនេះកំពុងមានជម្លោះជាមួយប្រទេសជិតខាងក្នុងតំបន់អាស៊ាន និងដែនកោះតៃវ៉ាន់។
ឯកអគ្គរដ្ឋទូតសហរដ្ឋអាមេរិកប្រចាំនៅឥណ្ឌូនេស៊ី លោក Sung Kim ថ្លែងថា ក្នុងនាមជាមិត្ត...
IDEA TALK៖ អាជីវកម្មចិញ្ចឹមបង្កង និងការគាំទ្រពីរដ្ឋាភិបាលលើមុខរបរផ្នែកកសិកម្ម
កម្មវិធី Idea Talk សម្រាប់រាត្រីថ្ងៃទី០១ ខែកក្កដា ឆ្នាំ២០២១ ស្តីអំពី៖ «អាជីវកម្មចិញ្ចឹមបង្កង និងការគាំទ្រពីរដ្ឋាភិបាលលើមុខរបរផ្នែកកសិកម្ម»។
កូនប្រុសជនផ្ដាច់ការ Gaddafi ប្រកាសឈរឈ្មោះជាបេក្ខជនប្រធានាធិបតី
Saif al-Islam Gaddafi ជាកូនប្រុសរបស់ជនផ្ដាច់ការ Muammar Gaddafi នៃប្រទេសលីប៊ី ដែលទើបចេញមុខជាសាធារណៈបន្ទាប់ពីត្រូវបានដោះលែងពីពន្ធនាគារ ប្រកាសខ្លួនលោកថាជាបេក្ខជនសម្រាប់តំណែងប្រធានាធិបតីនៅក្នុងការបោះឆ្នោតជិត ៦ខែទៀតនេះ។
តាមគេហទំព័រនៃសារព័ត៌មានរបស់វិទ្យុសំឡេងសហរដ្ឋអាមេរិក ផ្សាយជាភាសាអង់គ្លេស បានចុះផ្សាយកាលពីថ្ងៃទី២៩ មិថុនា ថា ប្រទេសលីប៊ី នឹងរៀបចំការបោះឆ្នោតប្រធានាធិបតីនៅក្នុងខែធ្នូ ឆ្នាំ២០២១ នេះ។
តែការបោះឆ្នោតនេះ ពោរពេញដោយការបារម្ភអំពីអំពើហិង្សាទាំងក្នុងអំឡុងយុទ្ធនាការឃោសនាបោះឆ្នោត និងក្រោយបោះឆ្នោត។ ក្រុមប្រទេសលោកសេរី និងអ្នកសង្កេតការណ៍អង្គការសហប្រជាជាតិ កំពុងសម្លឹងទៅរកប្រទេសលីប៊ី ក្នុងដំណើរទៅរកការបោះឆ្នោតមួយក្រោមហានិភ័យដ៏គ្រោះថ្នាក់។
ក្រុមអ្នកជំនាញកិច្ចការប្រជាធិបតេយ្យអន្តរជាតិ...
អង្គការសហប្រជាជាតិ៖ ការលើកស្ទួយសិទ្ធិមនុស្សនិងបរិស្ថាន មិនមែនជាបទល្មើសព្រហ្មទណ្ឌទេ
អង្គការសហប្រជាជាតិផ្នែកសិទ្ធិមនុស្ស និងបរិស្ថាន បង្ហាញកង្វល់ជាខ្លាំងអំពីការឃុំខ្លួនសកម្មជនបរិស្ថាន និងអំពាវនាវទៅរដ្ឋាភិបាលកម្ពុជា ឱ្យគោរពតាមការប្ដេជ្ញាចិត្តរបស់ខ្លួនចំពោះការគោរពសិទ្ធិមនុស្ស និងបរិស្ថាន ហើយថាការងារឃ្លាំមើល និងការពារបរិស្ថាន មិនមែនជាបទល្មើសព្រហ្មទណ្ឌនោះឡើយ។
កាលពីថ្ងៃទី១៦ ខែមិថុនា ឆ្នាំ២០២១ សមត្ថកិច្ចបានចាប់ខ្លួនសកម្មជនបរិស្ថាន ៤នាក់ ប៉ុន្តែម្នាក់ត្រូវបានដោះលែងវិញ។ ចំណែក ៣នាក់ទៀត ក្នុងនោះមានយុវជន លី ចាន់ដារ៉ាវុទ្ធ យុវជន យឹម លាងហ៊ី និងកញ្ញា ស៊ុន...
ពលរដ្ឋថាបទល្មើសកាប់ព្រៃកោងកាងបន្តកើតមាននៅស្រុកព្រៃនប់ខេត្តព្រះសីហនុ
បទល្មើសចូលទន្ទ្រានកាន់កាប់តំបន់ការពារព្រៃកោងកាង និងព្រៃលិចទឹកនៅស្រុកព្រៃនប់ ខេត្តព្រះសីហនុ ធ្វើជាកម្មសិទ្ធិខុសច្បាប់ បានកើតឡើងយ៉ាងអនាធិបតេយ្យ ប៉ុន្តែមិនមានអាជ្ញាធរចុះបង្ក្រាបទេ ដោយទុកឲ្យជនល្មើសធ្វើសកម្មភាពកាប់រានស្រេចតែអំពើចិត្ត។
ពលរដ្ឋរស់នៅស្រុកព្រៃនប់ បានឲ្យដឹងថា បទល្មើសទន្ទ្រានដីព្រៃកោងកាង និងព្រៃលិចទឹកនៅចំណុចភូមិជម្ពូខ្មៅ ឃុំទួលទទឹង រាល់ថ្ងៃនេះ គឺមិនឃើញមានអាជ្ញាធរមានវិធានការបង្ក្រាបឲ្យមានប្រសិទ្ធភាពទេ។ សកម្មភាពទន្ទ្រានដីព្រៃលិចទឹករបស់ជនទុច្ចរិតទាំងនោះ គឺបានធ្វើឲ្យប៉ះពាល់ដល់ការប្រកបរបរធ្វើនេសាទសមុទ្ររបស់ពលរដ្ឋ ដែលអាស្រ័យផលពីព្រៃកោងកាង និងព្រៃលិចទឹកទាំងនោះយ៉ាងធ្ងន់ធ្ងរ។
ប្រធានសហគមន៍នេសាទជម្ពូខ្មៅ លោក ទេព កុសល បានបង្ហាញការព្រួយបារម្ភថា បទល្មើសកាប់រានដីព្រៃលិចទឹកខាងលើនេះ រូបលោក និងប្រជានេសាទសមុទ្ររស់នៅឃុំទួលទទឹង...
អ្នកឃ្លាំមើលសិទ្ធិមនុស្សអំពាវនាវឲ្យអាជ្ញាធរកម្ពុជាលើកទឹកចិត្តពលករខ្មែរដែលត្រឡប់មកពីថៃ ឲ្យទទួលបានការពិនិត្យរកវីរុស Covid-19 ឲ្យបានហ្មត់ចត់
ក្រុមអ្នកតស៊ូមតិខាងផ្នែកសិទ្ធិការងារ អំពាវនាវឲ្យអាជ្ញាធរកម្ពុជា ផ្តល់ការលើកទឹកចិត្តដល់ពលករខ្មែរដែលបម្រើការនៅប្រទេសថៃ ទាំងពលករដែលមានឯកសារត្រឹមត្រូវ និងមិនមានឯកសារគ្រប់គ្រាន់ ឲ្យពួកគាត់ត្រឡប់ចូលទៅកម្ពុជាវិញដោយពុំមានការភ័យខ្លាច ដើម្បីទទួលការពិនិត្យរកវីរុស Covid-19 ឲ្យបានហ្មត់ចត់តាមវិធានរបស់ក្រសួងសុខាភិបាល។
ការអះអាងនេះ ធ្វើឡើងបន្ទាប់ពីគណៈកម្មាធិការជាតិប្រយុទ្ធប្រឆាំងជំងឺ Covid-19 បានចេញលិខិតណែនាំដល់មន្ត្រីអាជ្ញាធរមូលដ្ឋាននៅតាមបណ្តាខេត្តតាមបណ្តោយព្រំដែនខ្មែរ-ថៃ ឲ្យមានការប្រុងប្រយ័ត្នខ្ពស់ពីជំងឺ Covid-19 បំប្លែងថ្មីដែលកំពុងឆ្លងលើពលរដ្ឋខ្មែរ។
នាយកប្រតិបត្តិមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស លោក មឿន តុលា បានប្រាប់សារព័ត៌មាន The Cambodia Daily នៅថ្ងៃទី៣០...
សហព័ន្ធខ្មែរអូស្ត្រាលីប្រកាសធ្វើបុណ្យគម្រប់ខួប៥ឆ្នាំនៃមរណភាពបណ្ឌិត កែម ឡី
សហព័ន្ធខ្មែរអូស្ត្រាលីសាជីវកម្មក្នុងរដ្ឋវ៉ិកតូរីយ៉ា ប្រកាសធ្វើបុណ្យគម្រប់ខួប ៥ឆ្នាំនៃមរណភាពបណ្ឌិត កែម ឡី នៅថ្ងៃទី១០ ខែកក្កដា ឆ្នាំ២០២១ ខាងមុខនេះ។
ប្រធានសហព័ន្ធខ្មែរអូស្ត្រាលីសាជីវកម្មក្នុងរដ្ឋវ៉ិកតូរីយ៉ា លោក ហុង លីម នៅថ្ងៃទី៣០ ខែមិថុនា នេះបានប្រកាសធ្វើបុណ្យគម្រប់ខួប ៥ឆ្នាំនៃមរណភាពបណ្ឌិត កែម ឡី នៅថ្ងៃទី១០ ខែកក្កដា ឆ្នាំ២០២១ ខាងមុខនេះ ដោយអញ្ជើញពលរដ្ឋ និងជនរួមជាតិខ្មែរទាំងអស់ឲ្យមកចូលរួមពិធីបុណ្យនេះឲ្យបានច្រើនកុះករ។
ពិធីបុណ្យគម្រប់ខួប...
អាមេរិកនិងអ៊ុយក្រែន រួមនឹងណាតូ ធ្វើសមយុទ្ធរួមគ្នានៅសមុទ្រខ្មៅ ខណៈរុស្ស៊ីបាញ់កាំជ្រួចព្រមាននៅតំបន់ដែនទឹកគ្រីមមៀ
នៅទីបំផុត សហរដ្ឋអាមេរិកសម្រេចប្រឈមនឹងហានិភ័យក្នុងការបាញ់ព្រមាននៃកងកាំជ្រួចរបស់រុស្ស៊ី ដោយក្រុងវ៉ាស៊ីនតោន ជ្រើសរើសការធ្វើសមយុទ្ធនាវាចម្បាំងជាមួយកងនាវាចម្បាំងរបស់ប្រទេសអ៊ុយក្រែន និងកងនាវានៃប្រទេសសមាជិកណាតូ នៅដែនសមុទ្រខ្មៅ ជាទីដែលក្រុងម៉ូស្គូ អះអាងដោយឯកតោភាគីថាជាដែនទឹករបស់ខ្លួន ហើយព្រមានបាញ់កាំជ្រួចដាក់នាវាណាដែលហ៊ានចូលតំបន់នោះ។
សហរដ្ឋអាមេរិក រួមនឹងសម្ព័ន្ធមិត្តណាតូ បានបញ្ចេញឥរិយាបថប្រឆាំងនឹងរុស្ស៊ី ដែលប៉ុនប៉ងកាន់កាប់ដែនទឹករបស់ប្រទេសអ៊ុយក្រែន ជាអតីតធ្លាប់ជ្រកក្រោមដំបូលរបស់សហភាពសូវៀត។ ក្នុងស្ថានភាពតានតឹងនេះ រុស្ស៊ី ត្រូវបានរាយការណ៍មកថា បានបាញ់កាំជ្រួចដែលជាប្រព័ន្ធការពារដែនអាកាសរបស់រុស្ស៊ី ឱ្យធ្លាក់ក្នុងសមុទ្រខ្មៅ ខណៈនាវាចម្បាំងអាមេរិក និងអ៊ុយក្រែន រួមនឹងកងនាវាយោធាណាតូ កំពុងធ្វើសមយុទ្ធនៅតំបន់នោះ។
សេចក្តីរាយការណ៍របស់ទីភ្នាក់ងារព័ត៌មាន AFP បានឱ្យដឹងថា...
ពលរដ្ឋក្រុងព្រះសីហនុចោទប្រធានអគ្គិសនីខេត្តថាកំណត់ថាមពលប្រើប្រាស់ប្រចាំខែរបស់ពលរដ្ឋខុសប្រក្រតី
ពលរដ្ឋរស់នៅក្រុងព្រះសីហនុ បានត្អូញត្អែរថា ការគណនាចរន្តអគ្គិសនីនៅក្នុងមូលដ្ឋាននេះ គឺមានភាពមិនប្រក្រតី ដោយគីឡូវ៉ាត់ភ្លើងប្រើប្រាស់ប្រចាំខែនីមួយៗបានកើនជាលំដាប់ចាប់តាំងពីមានជំងឺ Covid-19 រាតត្បាតមក ប៉ុន្តែបែរជាចោទពលរដ្ឋថាប្រើប្រាស់ភ្លើងខ្ជះខ្ជាយទៅវិញ។
ពលរដ្ឋរស់នៅក្រុងព្រះសីហនុ មានចម្ងល់ថា ទោះបីពួកគាត់បានប្រើប្រាស់ភ្លើងអគ្គិសនីសន្សំសំចៃ ប៉ុន្តែវិក្កយបត្រថ្លៃភ្លើងប្រចាំខែបានបន្តកើនគីឡូជាលំដាប់។ ពលរដ្ឋបានទទូចស្នើដល់ថ្នាក់ដឹកនាំខេត្ត និងមន្ត្រីថ្នាក់លើត្រួតពិនិត្យចំពោះអគ្គិសនីកើនឡើងខុសប្រក្រតី ដែលជាការដាក់បន្ទុកដល់ពួកគាត់ថែមមួយកម្រិតទៀតនោះ។
ពលរដ្ឋខ្លះទៀតបានអះអាងថា នៅក្នុងអំឡុងពេលជំងឺ Covid-19 រាតត្បាតខ្លាំងនៅក្រុងព្រះសីហនុ គឺពួកគាត់បានបិទទ្វារផ្ទះទុកចោលមួយរយៈ ប៉ុន្តែសម្រាប់កុងទ័រភ្លើងនៅតែដើរឥតឈប់ និងត្រូវបង់ថ្លៃភ្លើងប្រចាំខែជាបន្តបន្ទាប់។
ពលរដ្ឋភាគច្រើនបានចោទលោក សោ លីម ប្រធានអគ្គិសនីខេត្តព្រះសីហនុ ថាមានជាប់ពាក់ព័ន្ធនឹងការកេងបន្លំថាមពលប្រើប្រាស់របស់ពលរដ្ឋ...