មគ្គុទ្ទេសក៍ទេសចរណ៍អំពាវនាវឱ្យរដ្ឋាភិបាលគិតគូរពីស្ថានភាពសេដ្ឋកិច្ចរបស់ពួកគេដែលកំពុងរងផលប៉ះពាល់ដោយ Covid-19
មគ្គុទ្ទេសក៍ទេសចរណ៍ប្រចាំតំបន់ប្រាសាទបុរាណក្នុងខេត្តសៀមរាប អំពាវនាវឱ្យរដ្ឋាភិបាលកម្ពុជា និងក្រសួងទេសចរណ៍ ជួយគិតគូរពីស្ថានភាពសេដ្ឋកិច្ចរបស់ពួកគេដែលកំពុងរងផលប៉ះពាល់ធ្ងន់ធ្ងរដោយសារតែវិស័យមួយនេះត្រូវផ្អាកដំណើរការអស់រយៈពេលជិត ២ឆ្នាំ ព្រោះតែជំងឺរាតត្បាតសកល។
ម្ចាស់គណនី Facebook ឈ្មោះ ប៊ុន វុន បានសរសេរលើបណ្ដាញសង្គមរបស់ខ្លួនកាលពីថ្ងៃទី២៨ ខែកញ្ញា ឆ្នាំ២០២១ នេះថា មគ្គុទ្ទេសក៍ទេសចរណ៍ពិតមែនតែបានបណ្តុះបណ្តាលចេញពីក្រសួងទេសចរណ៍ ប៉ុន្តែមគ្គុទ្ទេសក៍ទេសចរណ៍ទាំងអស់មិនត្រូវបានចាត់ចូលជាបុគ្គលិករបស់រដ្ឋនោះទេ។ ជាងនេះទៀត ពួកគេត្រូវរកការងារជាឯកជនផ្ទាល់ខ្លួនដោយខ្លួនឯង ប៉ុន្តែរាល់សេវានានាដើម្បីមានសិទ្ធិជាអ្នកណែនាំភ្ញៀវស្របច្បាប់ ពួកគេត្រូវបង់លុយឱ្យស្ថាប័នរដ្ឋជាប្រចាំ។
ប្រភពដដែលបានត្អូញត្អែរថា នៅពេលដែលមគ្គុទ្ទេសក៍ទេសចរណ៍ស្នើសុំពាក្យប្រឡងត្រូវបង់លុយចំនួន ៥ដុល្លារ ហើយពេលចូលរៀនវគ្គបណ្តុះបណ្តាលត្រូវបង់លុយ ៦០០ដុល្លារ...
ភាគីពាក់ព័ន្ធសម្រេចដំឡើងប្រាក់ឈ្នួលកម្មករចំនួន ២ដុល្លារនៅឆ្នាំ២០២២
ក្រសួងការងារ និងបណ្តុះបណ្តាលវិជ្ជាជីវៈ ឱ្យដឹងថា ប្រាក់ឈ្នួលកម្មករនិយោជិតដំឡើងបានតែ ២ដុល្លារប៉ុណ្ណោះនៅឆ្នាំ២០២២ ខាងមុខនេះ ដែលធ្វើឲ្យប្រាក់ឈ្នួលគោលរបស់កម្មករកើនពីចំនួន ១៩២ដុល្លារក្នុងមួយខែនៅឆ្នាំ២០២១ ដល់ ១៩៤ដុល្លារក្នុងមួយខែនៅឆ្នាំ២០២២។
ការប្រកាសប្រាក់ឈ្នួលកម្មករនៅថ្ងៃនេះ ធ្វើឡើងបន្ទាប់ពីក្រុមប្រឹក្សាជាតិប្រាក់ឈ្នួលអប្បបរមាបានជួបចរចាត្រីភាគីជាលើកទីពីរ ដោយបោះឆ្នោតជ្រើសរើសយកតួលេខចុងក្រោយសម្រាប់ការដំឡើងប្រាក់ឈ្នួលគោលរបស់កម្មករឆ្នាំ២០២២ ខាងមុខនេះ។
សេចក្ដីប្រកាសព័ត៌មានរបស់ក្រសួងការងារ និងបណ្តុះបណ្តាលវិជ្ជាជីវៈ ចេញផ្សាយនៅថ្ងៃទី២៨ ខែកញ្ញា ឆ្នាំ២០២១ ឱ្យដឹងថា ការបោះឆ្នោតដំឡើងប្រាក់ឈ្នួលកម្មករនៅថ្ងៃនេះដោយមានសមាជិកជាតំណាងភាគីកម្មករនិយោជិតចំនួន ១៧រូប តំណាងភាគីនិយោជកចំនួន ១៧រូប និងតំណាងភាគីរាជរដ្ឋាភិបាលចំនួន ១៧រូប។...
តុលាការរបបសឹកភូមាបង្ខំអ្នកស្រី ស៊ូជី ឆ្លើយសារភាពថាគាំទ្ររដ្ឋាភិបាលឯកភាពជាតិ តែអ្នកស្រីថាជាសិទ្ធិរបស់ពលរដ្ឋ
អ្នកស្រី អ៊ុងសាន ស៊ូជី អតីតទីប្រឹក្សារដ្ឋមានឋានៈស្មើនឹងប្រធានាធិបតី បានថ្លែងថា ការបង្កើតរដ្ឋាភិបាលឯកភាពជាតិ និងកម្លាំងរបស់រដ្ឋាភិបាលនេះ គឺជាសិទ្ធិ និងឆន្ទៈរបស់ប្រជាជន។
បើតាមមេធាវីរបស់អ្នកស្រី គឺអ្នកស្រី ស៊ូជី បានថ្លែងដូចនេះនៅក្នុងការជំនុំជម្រះក្ដីលើសំណុំរឿងពុករលួយប្រឆាំងនឹងអតីតទីប្រឹក្សារដ្ឋភូមារូបនេះ ហើយចម្លើយរបស់អ្នកស្រី គឺជាការឆ្លើយតបទៅនឹងការចោទសួររបស់រដ្ឋអាជ្ញាដែលបានសួរអ្នកស្រីថា តើមានជាប់ពាក់ព័ន្ធនឹងការបង្កើតរដ្ឋាភិបាលឯកភាពជាតិដែរឬទេ។ នេះបើតាមវិទ្យុ RFA ជាភាសាភូមា ដែលបានធ្វើសេចក្ដីរាយការណ៍នៅថ្ងៃអង្គារ ទី២១ កញ្ញា នេះ។
តាមមេធាវី Khin Maung...
IDEA TALK៖ តើការវិភាគផ្តល់ប្រយោជន៍បែបណាដល់សង្គមជាតិ?
កម្មវិធី Idea Talk សម្រាប់រាត្រីថ្ងៃទី២១ ខែកញ្ញា ឆ្នាំ២០២១ ស្តីអំពី៖ «តើការវិភាគផ្តល់ប្រយោជន៍បែបណាដល់សង្គមជាតិ?»។
លោក ហ៊ុន សែន ប្ដេជ្ញារក្សានូវសន្តិភាពជូនកម្ពុជាឲ្យខាងតែបានទោះក្នុងតម្លៃណាក៏ដោយ
លោក ហ៊ុន សែន ប្ដេជ្ញាថាទោះក្នុងតម្លៃណាក៏ដោយ លោកនឹងរក្សានូវសន្តិភាព និងស្ថិរភាពដែលកម្ពុជាទទួលបានដោយលំបាកឱ្យបានជាដាច់ខាត ដើម្បីធានានូវការអភិវឌ្ឍប្រទេសជាតិប្រកបដោយចីរភាព។
ប្រមុខរដ្ឋាភិបាលកម្ពុជា បានប្រកាសពីជំហររបស់កម្ពុជានៅក្នុងឱកាសទិវាសន្តិភាពអន្តរជាតិ ២១ កញ្ញា ឆ្នាំ២០២១ ដែលត្រូវបានផ្សព្វផ្សាយនៅថ្ងៃនេះថា កម្ពុជាបានខិតខំអភិវឌ្ឍខ្លួនក្លាយជាប្រទេសមួយដែលអាចចូលរួមចំណែកយ៉ាងសកម្មនៅក្នុងបុព្វហេតុសន្តិភាពពិភពលោក ក្រោយកម្ពុជាឆ្លងកាត់នូវវិបត្តិភ្លើងសង្គ្រាមអស់រយៈពេលជាងពីរទសវត្សរ៍កន្លងមក។
បុរសខ្លាំងដែលតែងគំរាមចាប់ពលរដ្ឋខ្លួនឯង បានអះអាងថា លោកសូមចូលរួមជាមួយសហគមន៍អន្តរជាតិដើម្បីអបអរសាទរប្រារព្ធទិវាសន្តិភាពអន្តរជាតិនេះ ដើម្បីលើកកម្ពស់ការយល់ដឹងជាសកលអំពីគុណតម្លៃនៃសន្តិភាព និងបង្ហាញពីឆន្ទៈរបស់កម្ពុជាក្នុងការបន្តកសាង និងថែរក្សាសន្តិភាពឱ្យបានគង់វង្សយូរអង្វែង។
បែបនេះក្តី ក្រុមអ្នកសង្កេតការណ៍រិះគន់ថា ការដឹកនាំរបស់លោក ហ៊ុន សែន អស់រយៈពេលជាង...
ភាគ២៖ តើការដកទ័ពរបស់អាមេរិកពីកាប៊ុលមកពង្រឹងតំបន់ឥណ្ឌូប៉ាស៊ីហ្វិក អាចនាំឱ្យមានការជឿជាក់ពីសម្ពន្ធមិត្តកម្រិតណា?
នេះជាកិច្ចសម្ភាសន៍ភាគ២ ក្នុងកម្មវិធី IDEA TALK របស់សារព័ត៌មាន ឌឹ ខេមបូឌា ដេលី នៅថ្ងៃពុធ ទី២៥ ខែសីហា ឆ្នាំ២០២១ ស្ដីអំពី «តើសម្ពន្ធមិត្តអាមេរិកក្នុងតំបន់ឥណ្ឌូ-ប៉ាស៊ីហ្វិក នឹងមានជំនឿចិត្តប៉ុនណាក្នុងការដកទ័ពចេញពីទីក្រុងកាប៊ុល ប្រទេសអាហ្វហ្គានីស្ថាន ដើម្បីផ្ដោតលើយុទ្ធសាស្ត្រគោលនយោបាយការបរទេសអាមេរិក?»។
វាគ្មិនចូលរួមក្នុងកម្មវិធីនេះមានលោកស្រី អូលីវៀ អ៊ីណូស (Olivia Enos) អ្នកវិភាគគោលនយោបាយជាន់ខ្ពស់មជ្ឈមណ្ឌលសិក្សាអាស៊ី វិទ្យាស្ថាន Davis...
អ្នកឃ្លាំមើល៖ ដើម្បីឲ្យវិស័យទេសចរណ៍អាចងើបឡើងវិញបាន រដ្ឋាភិបាលត្រូវរក្សាសុវត្ថិភាពសុខាភិបាលនិងសន្តិសុខ
មន្ត្រីអង្គការអភិវឌ្ឍន៍ផ្នត់គំនិត លើកឡើងថា ដើម្បីឲ្យវិស័យទេសចរណ៍នៅកម្ពុជាអាចងើបឡើងវិញបាន រដ្ឋាភិបាលនិងក្រសួងពាក់ព័ន្ធត្រូវធានានូវសុវត្ថិភាពជូនភ្ញៀវទេសចរដែលចូលទៅកម្ពុជាជាចម្បង ទាំងសុវត្ថិភាពផ្នែកសុខាភិបាល និងសុវត្ថិភាពផ្នែកសន្តិសុខសង្គម។
នាយកប្រតិបត្តិនៃអង្គការអភិវឌ្ឍន៍ផ្នត់គំនិត បណ្ឌិត សេក សុជាតិ បានប្រាប់សារព័ត៌មាន The Cambodia Daily នៅថ្ងៃទី១៦ ខែកញ្ញា ថា ក្រៅពីសុវត្ថិភាពភ្ញៀវទេសចរទាំងក្នុងស្រុក និងភ្ញៀវទេសចរបរទេស ក្រសួងទេសចរណ៍ត្រូវតែជួយរៀបចំ និងពង្រឹងសេវាផ្សេងៗក្នុងវិស័យនេះតាមគ្រប់មធ្យោបាយរបស់ខ្លួន ដូចជាវិស័យសណ្ឋាគារ ជាដើម ដើម្បីជំរុញឲ្យមានដំណើរការល្អ និងមានលទ្ធភាពពេញលេញក្នុងការត្រៀមខ្លួនទទួលភ្ញៀវទេសចរឡើងវិញនៅពេលនេះ។
លោកអះអាងថា...
លោក ខៀវ សុភ័គ បដិសេធឈ្មោះ ចាន់ វិទូ ជាជំនួយការលោក ស ខេង ហើយស្នើចាត់វិធានការតាមច្បាប់
អ្នកនាំពាក្យក្រសួងមហាផ្ទៃ លោក ខៀវ សុភ័គ បានបដិសេធបុគ្គលម្នាក់ឈ្មោះ ចាន់ វិទូ លែងជាជំនួយការរបស់លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃទៀតហើយ។ ជាងនេះទៅទៀត លោកបានស្នើឲ្យសមត្ថកិច្ចចាត់វិធានការតាមផ្លូវច្បាប់ទៅលើបុគ្គលរូបនេះ ប្រសិនបានប្រព្រឹត្តបទល្មើសអ្វីមួយ។
លោក ខៀវ សុភ័គ ថ្លែងប្រាប់អ្នកសារព័ត៌មានក្នុងស្រុកនៅថ្ងៃទី១៦ ខែកញ្ញា បន្ទាប់ពីមានពលរដ្ឋជាង ១០០គ្រួសាររស់នៅភូមិឈើទាល២ ឃុំឈើទាល ស្រុកកៀនស្វាយ បានប្រមូលផ្តុំគ្នាលើកបដាតវ៉ាពីមុខសាលាខេត្តកណ្តាល ដោយសារឈ្មោះ...
ក្រុមអាជ្ញាធរសន្តិសុខខណ្ឌដូនពេញរារាំងក្រុម «ស្ត្រីថ្ងៃសុក្រ» តវ៉ានៅមុខស្ថានទូតអាមេរិក
ក្រុមអាជ្ញាធរសន្តិសុខរបស់ខណ្ឌដូនពេញ បានរារាំងក្រុម «ស្ត្រីថ្ងៃសុក្រ» តវ៉ានៅមុខស្ថានទូតអាមេរិក នៅថ្ងៃទី១០ ខែកញ្ញា ឆ្នាំ២០២១ ដោយលើកហេតុផលថា សម័យ Covid-19 អាជ្ញាធរហាមការជួបជុំគ្នា។
ក្រុម «ស្ត្រីថ្ងៃសុក្រ» ជាក្រុមដែលភាគច្រើនជាភរិយា និងកូនរបស់អតីតមន្ត្រី និងអ្នកគាំទ្រគណបក្សសង្គ្រោះជាតិ ដែលអាជ្ញាធររដ្ឋាភិបាលលោក ហ៊ុន សែន បានចាប់ខ្លួន និងកំពុងជាប់ពន្ធនាគារ។
ក្រុមស្ត្រីថ្ងៃសុក្រទាំងនោះមានគ្នាប្រមាណ ១០នាក់ បានស្រែកទាមទារឲ្យរដ្ឋាភិបាល «ដោះលែង» សមាជិកគ្រួសាររបស់គាត់...
មន្ត្រីក្រសួងពាណិជ្ជកម្មចោទអគ្គនាយកកាំកុងត្រូលថាកិបកេងលុយជាតិជិត ១០ម៉ឺនដុល្លារអាមេរិក
មន្ត្រីរាជការជាច្រើននៃក្រសួងពាណិជ្ជកម្ម បានអះអាងថា អគ្គនាយកនៃអគ្គនាយកដ្ឋានកាំកុងត្រូលនៃក្រសួងពាណិជ្ជកម្ម ដែលហៅកាត់ថា ក.ប.ប. លោក ផាន អូន បានកិបកេងលុយពីគម្រោងទិញដីសាងសង់អគារមន្ទីរពិសោធន៍សាខា ក.ប.ប. ប្រចាំខេត្តរតនគិរី ចំនួនជាង ៧ម៉ឺនដុល្លារអាមេរិកកាលពីពេលថ្មីៗនេះ។
មន្ត្រីរាជការនៃក្រសួងពាណិជ្ជកម្មទាំងនោះបានបន្តសរសេរលិខិតមកសារព័ត៌មាន The Cambodia daily នៅថ្ងៃទី៧ ខែកញ្ញា ដើម្បីឱ្យជួយផ្សព្វផ្សាយពីករណីប្រព្រឹត្តអំពើពុករលួយរបស់លោក ផាន អូន ដែលបានកិបកេងថវិកាជាតិពីគម្រោងទិញដីសាងសង់អគារមន្ទីរពិសោធន៍នៃសាខា ក.ប.ប. ប្រចាំខេត្តរតនគិរី...