ឌឹ ខេមបូឌា ដេលី

នៅក្នុងជំនួបកាលពីម្សិលម៉ិញរវាងលោកហ៊ុន សែននិងលោក កេនតារ៉ុសូនូរ៉ា(Kentaro Sonoura)តំណាងលោកនាយករដ្ឋមន្រ្ដីជប៉ុន អំពីការស្វែងរកលទ្ធភាពក្នុងការរកដំណោះស្រាយរួមមួយតាមវិធីចរចាគ្នារវាងរបបបក្សកាន់អំណាច និងបក្សសង្គ្រោះជាតិដើម្បីបញ្ចប់វិបត្តិនយោបាយនៅកម្ពុជាជាលទ្ធផលលោកហ៊ុនសែន ប្រកាន់ជំហរថានឹងមិនធ្វើការចរចាជាមួយបក្សប្រឆាំងនោះឡើយ។

អង្គការឃ្លាំមើលសិទ្ធិមនុស្សអន្តរជាតិយូមែន រ៉ៃស៍ វច្ឆ(Human Rights Watch)កាលពីថ្ងៃសុក្របានរិះគន់ក្រុមប្រឹក្សាសិទ្ធិមនុស្សរបស់អង្គការសហប្រជាជាតិថាមិនបានយកចិត្តទុកដាក់ឬចាត់វិធានការ ចំាបាច់នានាដើម្បីស្តារស្ថានការណ៍នយោបាយនៅកម្ពុជា។

សេចក្តីប្រកាសព័ត៌មានរបស់ក្រសួងរៀបចំដែនដីនគរូបនីយកម្ម និងសំណង់ឲ្យដឹងថាក្រុមហ៊ុនរបស់លោកលីយ៉ុងផាត់ ត្រូវតែរ៉ាប់រងផ្ដល់ដី និងផ្ដល់លុយឲ្យពលរដ្ឋដែលមានជម្លោះដីធ្លីនៅក្នុងខេត្តកោះកុង ដោយសារក្រុមហ៊ុនបានយល់ព្រមកាត់ដីឲ្យរដ្ឋទំហំ៨២៥ហិកតារ នៅឃុំជីខលើស្រុកស្រែអំបិល ដើម្បីឲ្យរដ្ឋអាចមានលទ្ធភាពក្នុងការធ្វើកម្មសិទ្ធជូនប្រជាពលរដ្ឋវិញ។

សាលាដំបូងខេត្តកំពង់ស្ពឺកាលពីថ្ងៃព្រហស្បតិ៍ម្សិលម៉ិញបានផ្តន្ទាទោសស្ត្រីដែលបានយកស្បែកជើងគប់លើបដាគណបក្សប្រជាជនកម្ពុជាដែលមានរូបលោក ហេង សំរិន និងលោកហ៊ុន សែន ឱ្យជាប់ពន្ធនាគាររយៈពេល ២ឆ្នាំនិងពិន័យជាប្រាក់ចំនួន ប្រាំលានរៀលពីបទប្រមាថនិងញុះញង់ឱ្យមានការរើសអើង។

តំណាងអយ្យការអមសាលាដំបូងរាជធានីភ្នំពេញ កាលពីថ្ងៃព្រហស្បតិ៍បានចេញដីកាកោះហៅលោក សម រង្ស៊ី មួយករណីទៀត ឲ្យខ្លួនចូលឆ្លើយបំភ្លឺនៅថ្ងៃទី៧ខែឧសភា ពីបទចោទប្រកាន់ថាមានការជាប់ពាក់ព័ន្ធនឹងការចុះកិច្ចព្រមព្រៀងសម្ងាត់កាត់ទឹកដីកម្ពុជា ចំនួន៤ខេត្តទៅឲ្យលោកកុក ក្សរមេដឹកនាំជនជាតិដើមភាគតិច ម៉ុងតាញ៉ាកាលពីថ្ងៃទី១៤ខែ មេសាឆ្នាំ២០១៣។

ប្រទេសចំនួន៤៥រួមមានសហរដ្ឋអាមេរិក កាណាដា អង់គ្លេស បារាំង អូស្ត្រាលី និងប្រទេសចំនួន៤០ទៀតបានទាមទារឲ្យរដ្ឋាភិបាលទីក្រុងភ្នំពេញផ្តល់ភាពស្របច្បាប់ក្រុមប្រឹក្សាឃុំសង្កាត់របស់គណបក្សសង្គ្រោះជាតិឡើងវិញ និងលុបចោលការធ្វើវិសោធនកម្មច្បាប់ស្តីពីគណបក្សនយោបាយ។

របាយការណ៍សន្ទស្សន៍របស់មូលនិធិអាល្លឺម៉ង់មួយឈ្មោះប៊ើតធែលស្មាន់ ស្ទីវទង់(Bertelsmann Stiftung)ស្តីពីការបម្រែបម្រួលឆ្ពោះទៅរកលទ្ធិប្រជាធិបតេយ្យទីផ្សារសេដ្ឋកិច្ចសេរីនិងអភិបាលកិច្ច សម្រាប់ឆ្នាំ២០១៨ រកឃើញថាគុណភាពនៃលទ្ធិប្រជាធិបតេយ្យ សេដ្ឋកិច្ចទីផ្សារសេរីនិងប្រព័ន្ធអភិបាលកិច្ចនៅកម្ពុជាកំពុងធ្លាក់ចុះ យ៉ាងខ្លាំងដែលមិនធ្លាប់មានពីមុនមកក្នុងរយៈពេលជិតពីរទសវត្សរ៍ ចុងក្រោយនេះ។

តំណាងរាស្រ្តគណបក្សសង្គ្រោះជាតិបានដាក់លិខិតរួមគ្នាមួយ កាលពីថ្ងៃច័ន្ទទៅអគ្គនាយកដ្ឋានពន្ធនាគារនៃក្រសួងមហាផ្ទៃស្នើសុំចូលពន្ធនាគារដើម្បីជួបសួរសុខទុក្ខអ្នកទោសនយោបាយជាច្រើនរូបដែលកំពុងជាប់ឃុំឃាំងក្នុងពន្ធនាគារព្រៃស។

ក្រុមប្រឹក្សាសិទ្ធិមនុស្សនៃអង្គការសហប្រជាជាតិ ក្នុងទីក្រុងហ្សឺណែវ ប្រទេសស្វីសកាលពីថ្ងៃទី២១ខែមីនាម្សិលម៉ិញបានទាមទារឲ្យរដ្ឋាភិបាលទីក្រុងភ្នំពេញដោះលែងលោក កឹម សុខា ប្រធានគណបក្សសង្គ្រោះជាតិជាបន្ទាន់និងដោយឥតលក្ខខណ្ឌ លុបចោលការរំលាយគណបក្សសង្គ្រោះជាតិអនុញ្ញាតឲ្យសមាជិករបស់គណបក្សនេះចំនួន ១១៨រូបអាចមានសិទ្ធិធ្វើនយោបាយឡើងវិញ និងដោះលែងរាល់អ្នក ទោសនយោបាយទាំងអស់ឲ្យមានសេរីភាព។

ប្រទេសថៃបានធ្វើជាម្ចាស់ផ្ទះក្នុងការរៀបចំកិច្ចប្រជុំ គណៈកម្មាធិការព្រំដែនទូទៅថៃ-កម្ពុជាលើកទី១៣ដែលបានប្រព្រឹត្តទៅនៅទីក្រុងបាងកកប្រទេសថៃកាលពីម្សិលម៉ិញ ដែលមានការចូលរួមពីរដ្ឋមន្ត្រីក្រសួងការពារប្រទេសថៃមន្រ្តីខាងកិច្ចការព្រំដែនថៃ រដ្ឋមន្ត្រីក្រសួងការពារជាតិកម្ពុជានិងមន្រ្តីខាងកិច្ចការព្រំដែនរបស់កម្ពុជា។