CATEGORY
ពាណិជ្ជកម្ម
យោងតាមទីភ្នាក់ងារសារព័ត៌មានរដ្ឋបានឲ្យដឹងថា ការវិនិយោគរបស់ចិនក្នុងគម្រោងសាងសង់នៅក្នុងរយៈពេលបួនខែដើមឆ្នាំនេះបានកើនលើសពាក់កណ្តាលរួចទៅហើយនៃចំនួនសរុបក្នុងឆ្នាំ២០១៣ នៅពេលដែលវិនិយោគទុនចិនក្នុងគម្រោងសាងសង់មានតម្លៃជាទឹកប្រាក់២,៧ពាន់លានដុល្លារ។
យោងតាមទីភ្នាក់ងារសារព័ត៌មាន អាកាប៉េ បានឲ្យដឹងថា លោក ទេព ថុន អនុរដ្ឋលេខាធិការនៃក្រសួងដែនដី នគរូបនីយកម្ម និងសំណង់បានមានប្រសាសន៍នៅឯពិធីបើកការដ្ឋានអភិវឌ្ឍខុនដូមួយរបស់ចិននៅកោះពេជ្រ ក្នុងរាជធានីភ្នំពេញកាលពីថ្ងៃសៅរ៍ថា តម្លៃសរុបនៃការវិនិយោគរបស់ចិនក្នុងវិស័យសំណង់កើនឡើងដល់១,៤ពាន់លានដុល្លារនៅឆ្នាំនេះ។
លោក បេង ហុង សុជាតិខេមរ៉ូ អ្នកនាំពាក្យរបស់ក្រសួងរៀបចំដែនដី នគរូបនីយកម្ម និងសំណង់បានបញ្ជាក់ពីភាពត្រឹមត្រូវនៃតួលេខរបស់លោក ទេព ថុន និងបានមានប្រសាសន៍ថា ក្រុមហ៊ុនអភិវឌ្ឍន៍ចិនកំពុងតែបោះទុនកាន់តែច្រើនក្នុងគម្រោងសាងសង់ធំៗទាំងគម្រោងពាណិជ្ជកម្ម និងទាំងគម្រោងសាងសង់លំនៅដ្ឋាន។
ដោយគម្រោងធំៗជាច្រើនដែលបានកើនឡើងនៅក្នុងប្រទេសចិន អំឡុងពេលវិស័យសំណង់រីកចម្រើនខ្លាំងនៅទសវត្សរ៍មុន ប៉ុន្តែបានធ្លាក់ដល់កម្រិតទាបខ្លាំង លោក សុជាតិខេមរ៉ូ បានមានប្រសាសន៍ថា រដ្ឋាភិបាលកម្ពុជាកំពុងតែធានាថា សំណង់របស់ចិននៅទីនេះមិនជួបវាសនាដូចនោះទេ។
លោកបានមានប្រសាសន៍ថា " បានស្នើសុំការអនុញ្ញាតពីក្រសួងនេះដើម្បីអភិវឌ្ឍគម្រោងសាងសង់របស់ខ្លួនឲ្យបានត្រឹមត្រូវ។ យើងមានមន្ត្រីជំនាញនិងអ្នកពិគ្រោះយោបល់របស់យើងដើម្បីពិនិត្យគម្រោងរបស់ពួកគេឲ្យបានត្រឹមត្រូវ"។
ការសន្យាវិនិយោគសរុបក្នុងគម្រោងសំណង់បានកើនឡើង៤១៣ភាគរយ អំឡុងរយៈពេលបីខែដើមឆ្នាំនេះ បើប្រៀបធៀបរយៈពេលដូចគ្នាកាលពីឆ្នាំមុន ជាមួយនឹងគម្រោងដែលត្រូវបានអនុម័តចំនួន៥០មានតម្លៃ៨៥១លានដុល្លារចាប់ពីខែមករា ដល់ខែមីនា បើប្រៀបធៀបនឹងគម្រោងចំនួន៣៦មានតម្លៃ២០៦លានដុល្លារក្នុងត្រីមាសដំបូងកាលពីឆ្នាំទៅ នេះបើយោងតាមតួលេខចុងក្រោយពីក្រសួងរៀបចំដែនដី នគរូបនីយកម្ម និងសំណង់។
យោងតាមសេចក្តីរាយការណ៍របស់ទីភ្នាក់ងារសារព័ត៌មាន អាកាប៉េ បានឲ្យដឹងថា លោក ទេព ថុន បានមានប្រសាសន៍នៅឯពិធីបើកការដ្ឋានអភិវឌ្ឍ កាសា មេរីឌាន...
អ្នកជំនួញជនជាតិជប៉ុនដែលរងការចោទប្រកាន់ជាសាធារណៈក្នុងសប្តាហ៍នេះ ថាបានបោកប្រាស់យកប្រាក់ជាច្រើនលានដុល្លារពីជនរួមជាតិរបស់ខ្លួនជិត១០០នាក់ ក្នុងគម្រោងអចលនទ្រព្យនៅប្រទេសកម្ពុជានោះ កាលពីម្សិលមិញ បានប្រកាសដាក់ចេញនូវគម្រោងបច្ចេកវិទ្យាថ្មីមួយ នៅខេត្តបន្ទាយមានជ័យ។
លោក អុីគូអូ កុនណូ (Ikuo Konno) ដែលបាននិយាយថា លោកជាទីប្រឹក្សាលោកឧបនាយករដ្ឋមន្ត្រី កែ គឹមយ៉ាន នោះ បានប្រកាសនៅក្នុងសន្និសីទសារព័ត៌មានកាលពីម្សិលមិញថា គម្រោងវិនិយោគរួមរវាងក្រុមហ៊ុន តៃតិច សូលូសិន (Taitech Solutions) ដែលមានមូលដ្ឋាននៅទីក្រុងតូក្យូ និងក្រុមហ៊ុន អេអេភី អុីនធើណេសិនណល ខេមបូឌា (AAP International Cambodia) របស់លោក នឹងចាប់ផ្តើមផលិតអេក្រង់ទូរស័ព្ទដៃនៅឆ្នាំក្រោយ។
លោក កុណូ បានមានប្រសាសន៍ថា "យើងកំពុងរៀបចំផែនការបោះទុនវិនិយោគចំនួន៤លានដុល្លារ ដើម្បីសាងសង់រោងចក្រមួយនៅខេត្តបន្ទាយមានជ័យ នៃប្រទេសកម្ពុជា ដើម្បីផលិតអេក្រង់ទូរស័ព្ទដៃ ពីព្រោះខ្ញុំគិតថា ថ្លៃដើមពលកម្មនៅប្រទេសនេះមានកម្រិតទាប បើធៀបនឹងប្រទេសដទៃទៀត ដូចជា ប្រទេសចិន និងប្រទេសវៀតណាមជាដើម"។
ក្នុងសន្និសីទសារព័ត៌មានប្រារព្ធនៅអគារការិយាល័យ ភ្នំពេញថៅវើ (Phnom Penh Tower)...
បញ្ញត្តិករព្រមានក្រុមហ៊ុនទូរស័ព្ទស្មាត ឲ្យដោះស្រាយជម្លោះជាមួយក្រុមហ៊ុនទូរស័ព្ទ qb
យោងតាមលិខិតមួយច្បាប់ពីបញ្ញត្តិករទូរគមនាគមន៍កម្ពុជា ហៅកាត់ TRC ជូនចំពោះប្រធាននាយកប្រតិបត្តិរបស់ក្រុមហ៊ុនទូរស័ព្ទស្មាត (Smart) ដែលទទួលបានកាលពីម្សិលមិញបានឲ្យដឹងថា កាលពីសប្ដាហ៍មុន TRC បានព្រមានក្រុមហ៊ុនទូរស័ព្ទស្មាតថា...
ការនាំចេញដំឡូងមីធ្លាក់ចុះ២៤លានដុល្លារក្នុងរយៈពេលបួនខែដំបូង
យោងតាមតួលេខរបស់ក្រសួងពាណិជ្ជកម្មកាលពីម្សិលមិញបានឲ្យដឹងថា ការនាំចេញដំឡូងមីបានធ្លាក់ចុះប្រហែល២៤លានដុល្លារ អំឡុងរយៈពេលបួនខែដំបូងនៃឆ្នាំ២០១៤បើធៀបនឹងរយៈពេលដូចគ្នាទៅនឹងឆ្នាំមុន។
តួលេខនេះបង្ហាញថា ចាប់តាំងពីខែមករាដល់ខែមេសាឆ្នាំនេះ ប្រទេសកម្ពុជាបាននាំចេញដំឡូងមី២០៣.៩៣៤តោន មានតម្លៃប្រហែល១៣លានដុល្លារ។ នៅក្នុងរយៈពេលដូចគ្នាកាលពីឆ្នាំមុន ដំឡូងមី២៧៣.៤១៥តោន គឺប្រហែល៣៨លានដុល្លារ...
ថវិការដ្ឋរបស់កម្ពុជាបានបន្តកើនឡើងកាលពីឆ្នាំមុន ដោយចំណូលរបស់រដ្ឋាភិបាលកើនឡើង៨ភាគរយបើធៀបនឹងឆ្នាំ២០១២ ដោយសារតែការប្រមូលពន្ធបានច្រើនជាងមុនចំណែកឯការចំណាយវិញបានកើនឡើង៣២ភាគរយដល់៣,១ពាន់លានដុល្លារ នេះបើយោងតាមសេចក្ដីថ្លែងការណ៍មួយរបស់ក្រសួងសេដ្ឋកិច្ច និងហិរញ្ញវត្ថុ។
សេចក្ដីថ្លែងការណ៍ដដែលនេះលើកឡើងថា ចំណូលក្នុងស្រុកសរុបក្នុងឆ្នាំ២០១៣មានចំនួន២,០៧ពាន់លានដុល្លារ ពោលគឺកើនឡើង៨ភាគរយបើធៀបនឹងចំណូលក្នុងស្រុកសរុប១,៩ពាន់លានដុល្លារនៅក្នុងឆ្នាំ២០១២ ខណៈដែលឧស្សាហកម្មសំខាន់ៗនៅក្នុងប្រទេសបានប៉ះប៉ូវផលប៉ះពាល់អវិជ្ជមាននៅក្នុងសេដ្ឋកិច្ចដែលបង្កឡើងដោយសារស្ថានភាពនយោបាយគ្មានស្ថិរភាព និងគ្រោះធម្មជាតិ។
សេចក្ដីថ្លែងការណ៍នេះបានលើកឡើងបន្តថា "នៅក្នុងខែធ្នូ ឆ្នាំ២០១៣ សេដ្ឋកិច្ចបានដំណើរការធម្មតាដោយសារតែស្ថិរភាពម៉ាក្រូសេដ្ឋកិច្ច ទោះបីជាមានគ្រោះទឹកជំនន់ និងស្ថានភាពនយោបាយក្រោយការបោះឆ្នោតក្ដី។ ការកើនឡើង គឺនៅក្នុងវិស័យកាត់ដេរ សំណង់ ទេសចរណ៍ និងវិនិយោគ"។
នៅក្នុងខែធ្នូ ចំណូលបានពីពន្ធគយបានកើនឡើង១៩,២ភាគរយបើធៀបនឹងខែធ្នូ ឆ្នាំ២០១២។ កំណើននេះទទួលបានដោយសារការខិតខំប្រឹងប្រែងរបស់នាយកដ្ឋានគយនិងរដ្ឋាករក្នុងការប្រមូលពន្ធនាំចូលយ៉ាងតឹងរ៉ឹង ដោយចាប់ផ្ដើមពីខែវិច្ឆិកា។
លោក ចាយអឺន ម៉េណុន (JayantMenon) សេដ្ឋវិទូជាន់ខ្ពស់នៅការិយាល័យសមាហរណកម្មសេដ្ឋកិច្ចប្រចាំតំបន់នៃធនាគារអភិវឌ្ឍន៍អាស៊ី បានមានប្រសាសន៍ថា ទោះបីជាទិន្នន័យរបស់ក្រសួងសេដ្ឋកិច្ច និងហិរញ្ញវត្ថុ បង្ហាញថា ពេលនេះកំពុងមានការខិតខំប្រឹងប្រែងដើម្បីបង្កើនចំណូលរបស់រដ្ឋាភិបាលក្ដី ក៏មូលដ្ឋានគិតពន្ធចាំបាច់នៅតែត្រូវពង្រីកបន្ថែម។
លោកបានលើកឡើងនៅក្នុងអុីម៉េលមួយថា "ចាំបាច់ត្រូវតែពង្រីកមូលដ្ឋានគិតពន្ធដើម្បីធានាឲ្យបានថា ការកើនឡើងនេះប្រកបដោយនិរន្តរភាព ហើយប្រែក្លាយប្រភពចំណូលបានពីពន្ធជាក់លាក់មួយចំនួន (ឧទាហរណ៍ គយ និងពាណិជ្ជកម្មពាក់ព័ន្ធ) ទៅជាចំណូលទូទៅ (ផ្អែកលើការប្រើប្រាស់ ឬការចំណាយ)។ ពេលនេះបញ្ហាប្រឈមដ៏ធំ គឺការប្រមូលពន្ធ មិនមែនបញ្ហាលិខិតុបករណ៍ពន្ធ ឬប្រភេទពន្ធនោះទេ"។
លោក ស្រី ចន្ធី សេដ្ឋវិទូឯករាជ្យបានមានប្រសាសន៍ថា ការចំណាយរបស់រដ្ឋាភិបាលលើវិស័យសំខាន់ៗ ដូចជា សេវាសង្គមដែលរួមមានការអប់រំ និងការបណ្ដុះបណ្ដាលជាដើម គឺនៅមានកម្រិតទាប ទោះបីជារដ្ឋាភិបាលមានការប្ដេជ្ញាចិត្តក្នុងការពង្រឹងសមត្ថភាពរបស់កម្មករនិយោជិតឲ្យមានជំនាញខ្ពស់ជាងមុនក្ដី។លោកបានមានប្រសាសន៍ទៀតថា "ការចំណាយលើសេវាសង្គម គឺនៅទាបនៅឡើយបើធៀបនឹងផលិតផលក្នុងស្រុកសរុប"។
ក្រសួងសេដ្ឋកិច្ច និងហិរញ្ញវត្ថុបានប៉ាន់ប្រមាណថា នៅក្នុងឆ្នាំ២០១៣ ការចំណាយរបស់រដ្ឋាភិបាលលើសេវាសង្គម គឺស្មើត្រឹម៤,៤ភាគរយប៉ុណ្ណោះនៃផលិតផលក្នុងស្រុកសរុប(GDP)៕ សុខុម
អគ្គលេខាធិការនៃសមាគមសម្រាប់ការអភិវឌ្ឍន៍កៅស៊ូរបស់កម្ពុជាបានមានប្រសាសន៍កាលពីម្សិលមិញថា តម្លៃកៅស៊ូរបស់កម្ពុជា ដែលធ្លាក់ចុះខ្លាំងបានធ្លាក់ចុះដល់កម្រិតទាបខ្លាំង ដោយសាររងឥទ្ធិពលកាន់តែខ្លាំងពីផែនការរបស់ប្រទេសថៃ ដែលគ្រោងនឹងលក់ចេញកៅស៊ូពីស្តុករបស់ខ្លួនក្នុងបរិមាណដ៏ច្រើន។
ខណៈដែលតម្លៃកៅស៊ូធ្លាក់ចុះទូទាំងសកលលោក ពោលគឺធ្លាក់ចុះដល់១.៥០០ដុល្លារក្នុងមួយតោន ពោលគឺធ្លាក់ចុះប្រហែល៣១ភាគរយ បើគិតតាំងពីដើមឆ្នាំនេះ ដែលតម្លៃលក់កៅស៊ូគឺ ២.២០០ដុល្លារក្នុងមួយតោននោះ លោក ម៉ែន សុភ័ក្ត្រ បានមានប្រសាសន៍ថា វិស័យនេះកំពុងតែជួបស្ថានភាពលំបាកគួរឲ្យបារម្ភ។
តម្លៃធ្លាក់ចុះនេះបាននាំឲ្យរោងចក្រកែច្នៃជាច្រើនផ្អាកដំណើរការ ពីព្រោះពួកគេកំពុងតែជួបស្ថានភាពលំបាកក្នុងការចំណាយលើកម្មករ។ ប្រជាជនកំពុងតែទទួលប្រាក់ចំណេញតិចតួចបំផុត ហើយប្រសិនបើតម្លៃធ្លាក់ចុះទៀត ពួកគេនឹងខាតបង់"។
រោងចក្រប្រមាណ៣០ទៅ៤០ភាគរយនៃរោងចក្រចំនួន៦០នៅក្នុងប្រទេសកម្ពុជាដែលកែច្នៃកៅស៊ូឆៅបានផ្អាកដំណើរការ ហើយប្រជាជនកំពុងតែខិតខំធ្វើការដោយទទួលបានប្រាក់ចំណេញបន្តិចបន្តួច។
តម្លៃកៅស៊ូក្នុងស្រុក និងលើទីផ្សារពិភពលោកបាននិងកំពុងតែធ្លាក់ចុះរយៈពេលបីបួនឆ្នាំមកហើយ ដោយសារតែការព្រួយបារម្ភអំពីបរិមាណផ្គត់ផ្គង់លើសពីតម្រូវការ និងកំណើនសេដ្ឋកិច្ចយឺតៗនៅក្នុងប្រទេសចិន ដែលជាប្រទេសនាំចូលកៅស៊ូធំបំផុតក្នុងពិភពលោក។ ប្រទេសថៃដែលជាប្រទេសផ្គត់ផ្គង់កៅស៊ូលំដាប់ទី៣នៅលើពិភពលោកបានប្រកាសកាលពីដើមខែនេះថា ខ្លួននឹងលក់ចេញកៅស៊ូក្នុងស្តុកប្រមាណ២០០.០០០តោន ដែលខ្លួនប្រមូលបានអំឡុងកម្មវិធីឧបត្ថម្ភធនរបស់រដ្ឋសម្រាប់ទិញកៅស៊ូ ពីប្រជាជនក្នុងតម្លៃខ្ពស់ជាងតម្លៃទីផ្សារ។
លោក សុភ័ក្ត្រ បានមានប្រសាសន៍ថា សកម្មភាពនេះនឹងធ្វើឲ្យទីផ្សារមានភាពប្រែប្រួលខ្លាំង និងបន្ទាបតម្លៃកៅស៊ូកម្ពុជាបន្ថែមទៀត។ លោក សុភ័ក្ ត្រ បានឲ្យដឹងថា "ការលក់កៅស៊ូរបស់ប្រទេសថៃនឹងធ្វើឲ្យបរិមាណផ្គត់ផ្គង់កើនឡើងកាន់តែច្រើននៅក្នុងទីផ្សារអន្តរជាតិ។ នេះនឹងប៉ះពាល់ដល់តម្លៃកៅស៊ូរបស់កម្ពុជាដែលជាប្រទេសផ្គត់ផ្គង់ផលិតផលកៅស៊ូតែប្រាំភាគរយប៉ុណ្ណោះលើពិភពលោក យើងគ្មានជម្រើស ប៉ុន្តែត្រូវធ្វើតាមប្រទេសផ្គត់ផ្គង់កៅស៊ូធំៗលើពិភពលោក"។
ការនាំចេញកៅស៊ូអំឡុងត្រីមាសដំបូងនៃឆ្នាំនេះ មានបរិមាណកើនឡើង ប៉ុន្តែចំនួនទឹកប្រាក់ចំណូលថយចុះ បើធៀបទៅនឹងរយៈពេលដូចគ្នាកាលពីឆ្នាំមុន។ ចាប់ពីទីខែមករា ដល់ខែមីនា កម្ពុជាបាននាំចេញកៅស៊ូ១៩.០៤១តោន គិតជាចំនួនទឹកប្រាក់គឺ៣៧,៦លានដុល្លារ បើធៀបនឹងឆ្នាំ២០១៣នាំចេញកៅស៊ូ១៥.០១៨តោន គិតជាចំនួនទឹកប្រាក់គឺ៤១,២លានដុល្លារ។
លោក សុភ័ក្ត្រ បានមានប្រសាសន៍ថា ការបង្កើនសកម្មភាពដាំដុះដោយការពង្រីកទីផ្សារនាំចេញរបស់កម្ពុជា គឺជាវិធីមួយដែលមិនអាចទៅរួចឡើយ ដោយសារធនធានមានកម្រិតរបស់ប្រទេសនេះ។ លោកបានមានប្រសាសន៍ថា "យើងមិនអាចបង្កើនការនាំចេញកៅស៊ូច្រើនទៀតទេ ពីព្រោះសមត្ថភាពរបស់យើងដល់កម្រិតអតិបរមាហើយ។ ការដាំដុះមានកម្រិតរបស់កម្ពុជា និងសកម្មភាពផ្គត់ផ្គង់គ្មានស្ថិរភាព នាំឲ្យកម្ពុជាមានការលំបាកក្នុងការស្វែងរកទីផ្សារផ្សេងៗទៀត"។
លោក ទូច ចាន់ធី ម្ចាស់ចម្ការកៅស៊ូនៅក្នុងខេត្តត្បូងឃ្មុំ បានមានប្រសាសន៍ថា ចាប់តាំងពីខែធ្នូមក គាត់ត្រូវទម្លាក់ថ្លៃកៅស៊ូរាវដល់៥០ភាគរយ ពោលគឺពីប្រហែល៨.០០០រៀល (ប្រហែលពីរដុល្លារក្នុងមួយគីឡូក្រាម) មកត្រឹម៤.៨០០រៀល (ប្រហែល១,២ដុល្លារ) នៅខែនេះ។ លោកបានឲ្យដឹងថា "បើទោះជាកម្មកររបស់ខ្ញុំ និងខ្ញុំបានព្រមព្រៀងបន្ទាបប្រាក់ឈ្នួលក៏ដោយ ក៏មុខជំនួញរបស់ខ្ញុំនៅតែជួបបញ្ហាលំបាកដដែល"។
ប្រធានរោងចក្រមួយនៅខេត្តកំពង់ចាម ដែលសុំមិនបញ្ចេញឈ្មោះ ដោយសារអ្នកស្រីមិនត្រូវបានអនុញ្ញាតឲ្យនិយាយជាមួយអ្នកកាសែត បានឲ្យដឹងថា រោងចក្រកែច្នៃកៅស៊ូរបស់អ្នកស្រីកំពុងដំណើរទាំងខាតបង់។ អ្នកស្រីបានឲ្យដឹងថា "ខ្ញុំស្នើឲ្យកសិករកាត់បន្ថយការដាំដុះរបស់ខ្លួន ដើម្បីកាត់បន្ថយការផ្គត់ផ្គង់ ហើយតម្លៃកៅស៊ូកើនឡើងវិញ"។
អ្នកស្រី យូ សេង ដែលជាឈ្មួញទិញកៅស៊ូនៅក្នុងខេត្តត្បូងឃ្មុំ បានមានប្រសាសន៍ថា ដើម្បីឲ្យឧស្សាហកម្មនេះរឹងមាំ និងកាត់បន្ថយឥទ្ធិពលសេដ្ឋកិច្ចពីខាងក្រៅ វាជាការចាំបាច់ត្រូវតែធ្វើពិពិធកម្មមុខរបរដែលនឹងបង្កើនតម្លៃនៅក្នុងសង្វាក់ផ្គត់ផ្គង់កៅស៊ូ។...
វិស័យទេសចរណ៍ជួបបញ្ហាប្រឈមខ្វះបុគ្គលិកជំនាញ
ក្រុមមន្ត្រីនៅក្រសួងទេសចរណ៍ និងអ្នកជំនាញឧស្សាហកម្មឲ្យដឹងថា វិស័យទេសចរណ៍នៅក្នុងប្រទេសកម្ពុជាកំពុងតែកើនឡើងក្នុងអត្រាមិនប្រាកដប្រជា ព្រោះតែកម្លាំងការងារមានជំនាញមិនអាចឆ្លើយតបបានតាមតម្រូវការកំពុងកើនឡើង និងឱកាសក្នុងឧស្សហកម្មបដិសណ្ឋារកិច្ច។
លោក គង់ សុភារក្ស ប្រធាននាយកដ្ឋានស្ថិតិនៅក្រសួងទេសចរណ៍បានមានប្រសាសន៍ថា ខណៈដែលចំនួនភ្ញៀវទេសចរកើនឡើងឥតឈប់ឈររៀងរាល់ឆ្នាំ...
កាលពីម្សិលមិញ ក្រសួងពាណិជ្ជកម្មបានជួបប្រជុំជាមួយបេក្ខជនដែលឈរឈ្មោះប្រជែងយកតំណែងជាប្រធានសហព័ន្ធអ្នកនាំចេញអង្ករកម្ពុជា(CRF) ដែលទើបនឹងបង្កើតថ្មីដើម្បីវាយតម្លៃពីការដាក់ពាក្យរបស់បេក្ខជននីមួយៗនៅមុនការបោះឆ្នោតនៅចុងខែនេះ។
លោក ម៉ៅ ថូរ៉ា រដ្ឋលេខាធិការក្រសួងពាណិជ្ជកម្មបានជួបប្រជុំជាមួយពាណិជ្ជករ និងអ្នកជំនាញខាងឧស្សាហកម្ម រួមមានលោកឧកញ៉ា លីម ប៊ុនហេង អគ្គនាយកក្រុមហ៊ុនអង្ករ ឡូរ៉ង់ គ្រុប លោកឧកញ៉ា តែ តាំងប៉ោ ប្រធានសម្ព័ន្ធសមាគមសហគ្រាសធុនតូច និងមធ្យមនៃកម្ពុជា តំណាងលោកឧកញ៉ា ភូ ពុយ ប្រធានសមាគមម៉ាសីុនកិនស្រូវកម្ពុជា និងអ្នកឧកញ៉ា គិត ម៉េង អគ្គនាយកក្រុមហ៊ុនរ៉ូយ៉ាល់ គ្រុប ជាដើម។
ប្រធានដែលជាប់ឆ្នោតនឹងដឹកនាំសហព័ន្ធនេះ ដែលមានបំណងប្រមូលក្រុមហ៊ុនម៉ាស៊ីនកិនស្រូវ និងក្រុមហ៊ុននាំចេញឲ្យរួបរួមគ្នា ដើម្បីពង្រឹងវិស័យឧស្សាហកម្មនេះ និងដើម្បីផ្សព្វផ្សាយអំពីអង្ករកម្ពុជានៅលើឆាកអន្តរជាតិ។
លោក លីម ប៊ុនហេង បានមានប្រសាសន៍សំដៅដល់ការធ្វើសមាហរណកម្មរបស់កម្ពុជាចូលក្នុងសហគមន៍អាស៊ានក្នុងឆ្នាំ២០១៥ថា "យើងចង់ជួយកម្ពុជាពង្រីកទីផ្សារអង្កររបស់ខ្លួន និងបង្កើនផលិតកម្ម និងការលក់ពីមួយឆ្នាំទៅមួយឆ្នាំ។ យើងនឹងលក់អង្កររបស់យើងទៅទីផ្សារក្នុងតំបន់ គឺមិនចាំបណ្តោយឲ្យអង្ករនៅក្នុងតំបន់ហូរចូលមកក្នុងទីផ្សាររបស់យើងនោះទេ"។
សមាគមនេះសង្ឃឹមថា នឹងសម្រេចបានតាមចំណុចដៅប្រកបដោយមហច្ឆិតារបស់រដ្ឋាភិបាលក្នុងការនាំចេញអង្ករឲ្យបាន១លានតោនក្នុងឆ្នាំ២០១៥។កាលពីឆ្នាំមុន ការនាំអង្ករសរុបបានកើនឡើងដល់ត្រឹមតែ៣៧៨.៨៥៦តោនប៉ុណ្ណោះ។ នៅដើមឆ្នាំ២០១៤មានលទ្ធផលគួរឲ្យខកចិត្ត ដោយសារការនាំចេញពីខែមករា ដល់ខែមីនាបានធ្លាក់ចុះ១១ភាគរយបើប្រៀបធៀបទៅនឹងរយៈពេលដូចគ្នានេះកាលពីឆ្នាំមុន។
ទោះបីជាបេក្ខជនពីររូប គឺអ្នកឧកញ៉ា គិត ម៉េង និងលោកឧកញ៉ា តែ តាំងប៉ោ មិនបានបោះទុនច្រើនលើឧស្សាហកម្មស្រូវអង្ករក៏ដោយ ក៏លោកឧកញ៉ា តែ តាំងប៉ោ បានមានប្រសាសន៍ថា លោកគិតថា លោកមានទំនាក់ទំនង និងចំណេះធ្វើក្នុងការដោះស្រាយបញ្ហាដែលធ្វើឲ្យរាំងស្ទះដល់វិស័យនេះ ដូចជា កង្វះគ្រឿងចក្រទំនើបៗ និងពូជស្រូវដែលមានគុណភាពខ្ពស់ជាដើម។
លោកបានមានប្រសាសន៍បន្ថែមទៀតថា "ខ្ញុំកំពុងឈរឈ្មោះជាប្រធាន CRF ពីព្រោះខ្ញុំចង់ជួយសម្រេចចំណុចដៅនៃការនាំចេញអង្ករឲ្យបាន១លានតោននៅឆ្នាំ២០១៥។ ខ្ញុំអាចទៅស្វែងរក ទីផ្សារសម្រាប់អង្ករកម្ពុជាបាន ហើយបានលើកឡើងពីបញ្ហាទាំងនេះដល់រដ្ឋាភិបាលដើម្បីស្វែងរកដំណោះស្រាយ"៕ សុខុម
ការគ្រប់គ្រងរបស់ក្រុមហ៊ុនផលិតរថយន្តជប៉ុន និងបស្ចិមប្រទេសនៅក្នុងទីផ្សាររបស់កម្ពុជា ប្រហែលជាត្រូវរង្គោះរង្គើដោយសាររថយន្ត Great Wall របស់ចិននៅចុងឆ្នាំនេះ ខណៈពេលដែលក្រុមហ៊ុននេះកំពុងតែសម្លឹងរកឱកាសពង្រីកខ្លួនតាមរយៈការសាងសង់រោងចក្រដំឡើងរថយន្តមួយនៅក្នុងរាជធានីភ្នំពេញ។
លោក ពាង ម៉ាន់ (Peang Mann)...
ការកែទម្រង់គយដើម្បីដំណើរឆ្ពោះទៅរកសមាហរណកម្មសេដ្ឋកិច្ចអាស៊ាន
ធនាគារអភិវឌ្ឍន៍អាស៊ី (ADB) បានលើកឡើងក្នុងពិធីសម្ពោធរបាយការណ៍ថ្មីរបស់ខ្លួនកាលពីម្សិលមិញថា ប្រទេសកម្ពុជាត្រូវពន្លឿនកម្មវិធីកែទម្រង់គយ ដើម្បីត្រៀមខ្លួនរួចរាល់សម្រាប់ទទួលបានផលប្រយោជន៍ពេញលេញពីរំហូរពាណិជ្ជកម្ម និងវិនិយោគដ៏ច្រើន បន្ទាប់ពីសហគមន៍សេដ្ឋកិច្ចអាស៊ានត្រូវបានបង្កើតឡើងក្នុងឆ្នាំ២០១៥។
របាយការណ៍សហគមន៍សេដ្ឋកិច្ចអាស៊ានកំពុងដំណើរការបានបង្ហាញថា ដើម្បីទទួលបានផលប្រយោជន៍ពីរំហូរកាន់តែសេរីនៃទំនិញ ពលកម្ម និងមូលធន ប្រទេសកម្ពុជាត្រូវកាត់បន្ថយនីតិវិធីដែលមានច្រើនជ្រុល និងលុបបំបាត់ឧបស័គ្គចំពោះពាណិជ្ជកម្ម។
របាយការណ៍នេះមានខ្លឹមសារថា “ប្រទេសឥណ្ឌាបំពេញការងារមិនបានល្អផ្នែកគយដូចជាបញ្ហាថ្លៃចំណាយលើកុងតឺន័រនាំចូលនិងនាំចេញ និងពេលវេលា ព្រមទាំងឯកសារចាំបាច់សម្រាប់សម្រេចដំណើរការពាណិជ្ជកម្ម... ក៏ប៉ុន្តែ ប្រទេសកម្ពុជា និងសាធារណរដ្ឋប្រជាមានិតឡាវមានស្ថានភាពកាន់តែអាក្រក់ជាងប្រទេសឥណ្ឌាទៅទៀត”។
ប្រទេសកម្ពុជាមានភាពរីកចម្រើនផ្នែកភ័ស្តុភារ ក៏ប៉ុន្តែ នៅតែស្ថិតនៅចំណាត់ថ្នាក់ទាបផ្នែកប្រសិទ្ធភាពសាកលលោក។ នៅក្នុងរបាយការណ៍សន្ទស្សន៍ប្រសិទ្ធភាពភ័ស្តុភាររបស់ធនាគារពិភពលោក (World Bank) ដែលត្រូវបានចេញផ្សាយកាលពីម្សិលមិញ បានបង្ហាញថា ប្រទេសកម្ពុជាជាប់ចំណាត់ថ្នាក់ទី៨៣ ក្នុងចំណោម១៦០ប្រទេស ដែលនេះជាភាពរីកចម្រើនមួយសម្រាប់ឆ្នាំ២០១២ ដែលកម្ពុជាឈរនៅចំណាត់ទី១០១។
របាយការណ៍សន្ទស្សន៍នេះមានខ្លឹមសារថា “វឌ្ឍនភាពរបស់ប្រទេសកម្ពុជាសម្រេចបានតាមរយៈការកែទម្រង់ និងការធ្វើទំនើបកម្មលើប្រតិបត្តិការនាំចូល នាំចេញ និងដឹកជញ្ជូនរបស់ខ្លួន ដូចជា ការកែលម្អ និងការធ្វើសុខដុមនីយកម្មលើនីតិវិធីគយ ឈានទៅរកស្តង់ដារអន្តរជាតិ”។
ទោះបីជាយ៉ាងណា លោក ជេយ៉េន ម៉េណុន (Jayant Menon) ប្រធានសេដ្ឋវិទូនៅការិយាល័យសមាហរណកម្មសេដ្ឋកិច្ចតំបន់នៃធនាគារអភិវឌ្ឍន៍អាស៊ី បានលើកឡើងថា ទោះបីជាមានចំណុចរីកចម្រើនក៏ដោយ ក៏ប្រទេសកម្ពុជាត្រូវតាមឲ្យទាន់ប្រទេសជិតខាងរបស់ខ្លួន ក្នុងការអនុវត្តគោលការណ៍ច្រកចេញចូលតែមួយទូទាំងប្រទេសសម្រាប់ នីតិវិធីគយ។
សេវាកម្មច្រកចេញចូលតែមួយ នឹងជួយប្រមូលផ្តុំនាយកដ្ឋានរដ្ឋាភិបាល និងទិន្នន័យសម្រាប់សម្របសម្រួលដំណើរការដាក់ពាក្យធ្វើពាណិជ្ជកម្មកាន់តែលឿន។
លោក ម៉េណុនបានមានប្រសាសន៍នៅក្នុងពិធីនោះថា “ប្រទេសកម្ពុជាត្រូវខិតខំធ្វើការនៅផ្នែកគយ ដើម្បីពង្រឹងសមត្ថភាព។ យើងត្រូវធ្វើការប្រកបដោយភាពស៊ី សង្វាក់គ្នានៅផ្នែកច្រកចេញចូលតែមួយនៅទូទាំងប្រទេស ដើម្បីឲ្យស្របតាមនីតិវិធីច្រកចេញចូលតែមួយអាស៊ាន។ នេះគឺជាបញ្ហាប្រឈម ដ៏ធំមួយ”។
លោក ប៉ាន់ សរ៉ាសក្តិ រដ្ឋលេខាធិការក្រសួងពាណិជ្ជកម្ម បានលើកឡើងថា ទោះជា នីតិវិធីស្វ័យប្រវត្តិនៅកំពង់ផែ និងនៅតាមព្រំដែន បានជួយដល់ដំណើរការធ្វើពាណិជ្ជកម្មក៏ដោយ ក៏ប៉ុស្តិ៍ត្រួតពិនិត្យគយត្រូវការបចេ្ចកវិទ្យាទំនើបជាងមុន។ លោកបានមានប្រសាសន៍ថា “យើងបានចាប់ផ្តើមពីចំណុចសូន្យ។ យើងត្រូវបង្កើនល្បឿនតាមពិភពលោក ហើយយើងត្រូវអភិវឌ្ឍបច្ចេកវិទ្យា”។
លោក ស្រី ចាន់ធី សេដ្ឋវិទូឯករាជ្យ បានសរសើរកិច្ចខិតខំប្រឹងប្រែងថ្មីៗរបស់រដ្ឋាភិបាល ក្នុងការប្រមូលពន្ធនៅផ្នែកគយលើទំនិញនាំចូល ក៏ប៉ុន្តែ លោក បានលើក ឡើងថា នៅមានការងារជាច្រើនទៀតដែលត្រូវធ្វើ។
លោកបានមានប្រសាសន៍ថា “ប្រទេសកម្ពុជាត្រូវការប្រព័ន្ធគយដែលមានភាព ស្មុគស្មាញជាងមុន ដើម្បីឲ្យអ្នកធ្វើពាណិជ្ជកម្មអាចតាមដានរំហូរទំនិញ និងសកម្មភាពនាំចេញនាំចូលឲ្យមានល្បឿនលឿនជាងមុន។ នៅពេលសម្រេចបានរឿងនេះ អ្វីគ្រប់យ៉ាង នឹងស្របតាមស្តង់ដារ និងមានភាពងាយស្រួល ហើយសមាជិកអាស៊ានអាចប្រើប្រាស់ប្រព័ន្ធ តែមួយបាន”៕ សុធា