CATEGORY
ព័ត៌មានជាតិ
ក្រសួងអប់រំនឹងចុះធ្វើអធិការកិច្ចនៅតាមសាលារៀនទូទាំងប្រទេស ដោយមិនប្រកាសឲ្យដឹងមុនឡើយ
រដ្ឋមន្ត្រីក្រសួងអប់រំបានមានប្រសាសន៍កាលពីម្សិលមិញថា ក្រសួងអប់រំនឹងចុះធ្វើអធិការកិច្ចចោះៗ និងដោយមិនប្រកាសឲ្យដឹងជាមុននៅតាមសាលារៀនទូទាំងប្រទេស ក្នុងគោលបំណងពង្រឹងការខិតខំរបស់ខ្លួនដើម្បីបោសសម្អាតប្រព័ន្ធអប់រំ។
ថ្លែងនៅសិក្ខាសាលាមួយស្ដីពីកំណែទម្រង់ប្រព័ន្ធអប់រំនៅរដ្ឋសភា លោក ហង់ ជួន ណារ៉ុន រដ្ឋមន្ត្រីក្រសួងអប់រំបានមានប្រសាសន៍ថា...
ក្រុមមន្ត្រីបានឲ្យដឹងថា កាលពីម្សិលមិញ បុរសចំនួនប្រាំពីរនាក់ និងស្ត្រីម្នាក់បានស្លាប់នៅក្នុងខេត្តក្រចេះនៅពេលរថយន្តដែលដឹកពួកគេទៅធ្វើការនៅចម្ការដំឡូងមីបានក្រឡាប់នៅតាមផ្លូវដី។ មនុស្សចំនួន១២នាក់ផ្សេងទៀតដែលរួមទាំងអ្នកបើករថយន្តក៏បានរងរបួសផងដែរ។
យោងតាមលោក ថន ប៉ូច នាយរងនគរបាលចរាចរខេត្តេនះបានឲ្យដឹងថា ហេតុការណ៍គ្រោះថ្នាក់ចរាចរណ៍នេះបានកើតឡើងនៅម៉ោងប្រហែល៩ព្រឹកនៅក្នុងឃុំឃ្សឹម ស្រុកស្នួល នៅពេលអ្នកបើកបររថយន្តដែលដឹកកម្មករចំនួន១៩នាក់បាត់បង់ការគ្រប់គ្រងលើរថយន្តរបស់ខ្លួន រួចហើយក៏ក្រឡាប់ដោយសង្កត់លើកម្មករ។
លោកបានមានប្រសាសន៍ថា "មនុស្សចំនួនប្រាំមួយនាក់បានស្លាប់ភ្លាមៗនៅពេលរថយន្តសង្កត់ពីលើពួកគេ ហើយពីរនាក់ផ្សេងទៀតបានស្លាប់ ខណៈគ្រូពេទ្យព្យាយាមជួយសង្គ្រោះនៅក្នុងមន្ទីរពេទ្យបង្អែកខេត្ត"។ លោកបានបន្តថា លោក ចាន់ ថន អ្នកបើកបររថយន្តនេះបានរងរបួសធ្ងន់ត្រង់ទ្រូង និងជើង ហើយគឺជាអ្នកដែលរងរបួសធ្ងន់ជាងគេក្នុងចំណោមអ្នកដែលរងរបួសទាំងអស់។
លោក ប៉ូច បានមានប្រសាសន៍បន្ថែមថា "គាត់ត្រូវបានបញ្ជូនទៅកាន់មន្ទីរពេទ្យមួួយក្នុងរាជធានីភ្នំពេញ ព្រោះជើងទាំងសងខាងរបស់គាត់បានបាក់ ហើយឆ្អឹងត្រគាក និងទ្រូងរបស់គាត់រងរបួសធ្ងន់"។
លោក ប៉ូច បានលើកឡើងទៀតថា នគរបាលនៅមិនទាន់កំណត់អត្តសញ្ញាណអ្នកដែលស្លាប់ ឬក្រុមហ៊ុនដែលពួកគេធ្វើការឲ្យនៅឡើយទេ។ ប៉ុន្តែ លោកបានបន្ថែមថា កម្មករទាំងនេះត្រូវបានគេមកទទួលយកជារៀងរាល់ថ្ងៃតាមរយៈរថយន្តទ្រុឌទ្រោមស្រដៀងៗគ្នាទៅកាន់ចម្ការដំឡូងមីមួយកន្លែង ក្នុងចំណោមចម្ការដំឡូងមីជាច្រើននៅក្នុងតំបន់នេះ។
លោកបានមានប្រសាសន៍បន្តែមទៀតថា "អ្នកបើកបរជាធម្មតាតែងតែបើកតាមផ្លូវដី ព្រោះវាជាផ្លូវកាត់បើធៀបនឹងផ្លូវជាតិលេខ៧ ហើយវាអាចចំណេញសាំង"។ លោកបានបន្ថែមថា គ្រោះថ្នាក់ចរាចរណ៍តែងតែកើតមានជារឿយៗតាមផ្លូវដីបែបនេះ។
លោក ជា សុគីម អធិការនគរបាលស្រុកបានលើកឡើងថាគ្រោះថ្នាក់នេះគឺជាកំហុសរបស់អ្នកបើកបរ ដែលឥឡូវកំពុងស្ថិតក្រោមការឃ្លាំមើលរបស់នគរបាលនៅក្នុងមន្ទីរពេទ្យដែលគេមិនបានប្រាប់ឈ្មោះមួយក្នុងរាជធានីភ្នំពេញ។
លោក សុគីម បានមានប្រសាសន៍ថា "ខ្ញុំជឿជាក់ថា អ្នកបើកបរបានបើកលឿនពេក ហើយខ្វះការប្រុងប្រយ័ត្ន។ វាគឺជាផ្លូវរដិបរដុប ហេតុដូច្នេះគ្រោះថ្នាក់អាចកើតឡើងគ្រប់ពេលវេលា ប៉ុន្តែ នេះគឺជាលើកដំបូងហើយដែលយើងបានឃើញមានមនុស្សស្លាប់រហូតដល់ទៅប្រាំបីនាក់"។
មានការពារសុវត្ថិភាពតិចតួចសម្រាប់កម្មករធ្វើការងារនៅក្នុងចម្ការដែលគេជួលឲ្យធ្វើការតាមរដូវ និងដែលប្រឈមនឹងគ្រោះថ្នាក់ដោយសារម្ចាស់កសិដ្ឋានប្រើប្រាស់ផ្លូវកាត់ព្រោះចង់កាត់បន្ថយការចំណាយ និងចង់ចំណេញសាំង ហើយចង់គេចពីអាជ្ញាធរនោះ។
យោងតាមកញ្ញា ហា៊ន ជីវគុណ អ្នកសម្របសម្រួលនៅអង្គការសិទ្ធិមនុស្សអាដហុកប្រចាំខេត្តនេះបានឲ្យដឹងថា តាមពិតទៅអ្នកបើកបរគឺជាម្ចាស់ចម្ការដំឡូងមីនេះតែម្តង។
កញ្ញាបាននិយាយថា "ជនរងគ្រោះត្រូវបានគេដឹកទៅកាន់ក្រុមហ៊ុនខ្មែរអង្គរនៅក្នុងស្រុកស្នួល ហើយអ្នកបើកបរគឺជាម្ចាស់ក្រុមហ៊ុននេះ "។
កញ្ញា ជីវគុណ បានលើកឡើងទៀតថា ខ្លួននៅ មិនទាន់ដឹងនៅឡើយទេ ថាតើមន្ទីរពេទ្យនៅក្នុងរាជធានីភ្នំពេញមួយណា ដែលអ្នកបើកបររូបនេះកំពុងសម្រាកព្យាបាល ប៉ុន្តែ កញ្ញា សង្ឈឹមថា អ្នកបើកបររូបនេះនឹងអាចជួយកំណត់អត្តសញ្ញាណជនរងគ្រោះ ដែលគ្មានឯកសារ និងដែលត្រូវមានគេជួលឲ្យធ្វើការជាបណ្តោះអាសន្នដោយគ្មានកិច្ចសន្យា។
កញ្ញាបាននិយាយទៀតថា "កាលពីឆ្នាំមុន មនុស្សពីរនាក់បានស្លាប់នៅកន្លែងដដែលនេះ ហើយយើងមានការភ្ញាក់ផ្អើលយ៉ាងខ្លាំងនៅពេលនេះដែលបានឃើញថា គ្រោះថ្នាក់បែបនេះកើតឡើងម្តងទៀត ប៉ុន្តែ ធ្ងន់ធ្ងរជាងមុន។ រហូតមកទល់ពេលេនះ យើងនៅមិនទាន់ទទួលបានពាក្យបណ្តឹងណាមួយពីគ្រួសារអ្នកស្លាប់ ឬអ្នករងរបួសនៅឡើយទេ"៕ស៊ុយឈាង
នគរបាលដុតជម្រករបស់សហគមន៍ជនជាតិដើមភាគតិចក្នុងខេត្តមណ្ឌលគិរី
មន្ត្រីមូលដ្ឋានម្នាក់បាននិយាយថា កាលពីម្សិលមិញនគរបាលខេត្តមណ្ឌលគិរីបានដុតជម្រកជាង១៣០ដែលជាកម្មសិទ្ធិរបស់សហគមន៍ជនជាតិដើមភាគតិចព្នង ក្នុងស្រុកកែវសីមា ដែលអាជ្ញាធរចោទថា បានសាងសង់ខុសច្បាប់លើដីរបស់ក្រុមហ៊ុនចម្ការកៅស៊ូវៀតណាម។
ទោះជាយ៉ាងណា អ្នកភូមិជនជាតិដើមភាគតិចព្នងជាង២០០គ្រួសារអះអាងថា ក្រុមហ៊ុន Binh Phuoc...
តុលាការចោទប្រកាន់ក្មេងប្រុសជំទង់ម្នាក់ពីបទរំលោភក្មេងស្រីអាយុ៨ឆ្នាំ
នគរបាលមូលដ្ឋានបានឲ្យដឹងកាលពីម្សិលមិញថា កាលពីថ្ងៃច័ន្ទ សាលាដំបូងខេត្តរតនគិរីបានចោទប្រកាន់ក្មេងប្រុសអាយុ១៧ឆ្នាំម្នាក់ពីបទរំលោភក្មេងស្រីជិតខាងអាយុ៨ឆ្នាំនៅផ្ទះរបស់នាងស្ថិតក្នុងស្រុកវើនសៃ។
លោក ផែន ឌីណា ស្នងការរងនគរបាលខេត្តបានមានប្រសាសន៍ថា"សាលាដំបូងខេត្តបានចោទប្រកាន់ក្មេងប្រុសរូបនេះកាលពីល្ងាចម្សិលមិញពីបទរំលោភមានស្ថានទម្ងន់ទោស។ យើងបានបញ្ជូនជននេះទៅឃុំខ្លួនបណ្តោះអាសន្ននៅពន្ធនាគារខេត្ត"។
លោក ឌីណា បានមានប្រសាសន៍ថា...
ខណៈជនភៀសខ្លួនដែលត្រូវបានឃុំខ្លួនដោយប្រទេសអូស្ត្រាលីនៅលើប្រទេសដែនកោះណូរូស្ថិតនៅភាគខាងត្បូងមហាសមុទ្រប៉ាស៊ីហ្វិកបន្តច្រានចោលការតាំងទីលំនៅថ្មីនៅក្នុងប្រទេសកម្ពុជា
លោក កឹម សុខា លើកឡើងថា ច្បាប់ស្ដីពីតុលាការគួរតែលើកយកមកពិភាក្សាឡើងវិញ
លោក កឹម សុខា អនុប្រធានគណបក្សសង្គ្រោះជាតិបានថ្លែងទៅកាន់ក្រុមអ្នកគាំទ្រកាលពីម្សិលថា ក្នុងពេលឆាប់ៗនេះតំណាងរាស្ត្រទាំង៥៥រូបរបស់គណបក្សលោកនឹងស្នើឲ្យមានការពិភាក្សាឡើងវិញលើច្បាប់កំណែទម្រង់តុលាការដ៏ចម្រូងចម្រាសទាំងបី ដែលត្រូវបានរដ្ឋសភាអនុម័តកាលពីឆ្នាំមុនអំឡុងការធ្វើពហិការមិនចូលសភារបស់គណបក្សប្រឆាំង។
នៅក្នុងពិធីប្រារព្ធខួបនៃការបោកគ្រាប់បែកលើបាតុកម្មមួយរបស់គណបក្សប្រឆាំង ដែលបានសម្លាប់មនុស្ស១៦នាក់កាលពីខែមីនា ឆ្នាំ១៩៩៧ លោក កឹម សុខា បានមានប្រសាសន៍ថា ការធ្វើវិសោធនកម្មច្បាប់ទាំងបីនេះគឺជាអាទិភាពរបស់គណបក្សសង្គ្រោះជាតិ ក្រោយពីគណៈកម្មាធិការជាតិរៀបចំការបោះឆ្នោត (គ.ជ.ប.) ត្រូវបង្កើតឡើងនៅពេលប៉ុន្មានសប្ដាហ៍ខាងមុខនេះ។
ព្រះមហាក្សត្រ នរោត្តម សីហមុនី ឡាយព្រះហត្តលេខាលើច្បាប់បោះឆ្នោតថ្មី
សមាជិកសភាគណបក្សប្រឆាំងម្នាក់បាននិយាយកាលពីម្សិលមិញថា ព្រះមហាក្សត្រ នរោត្តម សីហមុនី បានឡាយព្រះហស្តលេខាលើច្បាប់បោះឆ្នោតថ្មីចំនួនពីរកាលពីសប្ដាហ៍មុន ដែលមិនប្រកាសជាសាធារណៈ ដែលបានចូលជាធរមានដ៏ចម្រូងចម្រាស។
លោក យ៉ែម បុញ្ញឫទ្ធិ...
អ្នកស្រី ពុង ឈីវកេក ប្រធានអង្គការសិទ្ធិមនុស្សលីកាដូ បានបដិសេធមិនទទួលយកការតែងតាំងអ្នកស្រីជាសមាជិក "អព្យាក្រឹត"នៃគណៈកម្មាធិការជាតិរៀបចំការបោះឆ្នោតទ្វេបក្ស (គ.ជ.ប.) ដោយបង្ខំឲ្យគណបក្សប្រជាជនកម្ពុជា និងគណបក្សសង្គ្រោះជាតិ ត្រូវជ្រើសរើសបេក្ខជនថ្មី សម្រាប់តំណែងចុងក្រោយសំខាន់នៅក្នុងគណៈកម្មាធិការនេះ។
អ្នកស្រី ឈីវកេក ត្រូវបានជ្រើសរើសដោយគណបក្សប្រជាជនកម្ពុជា និងគណបក្សសង្គ្រោះជាតិ ក្នុងរយៈពេលមិនដល់មួយសប្តាហ៍ផង បន្ទាប់ពីមានកិច្ចព្រមព្រៀងផ្នែកនយោបាយកាលពីថ្ងៃទី២២ ខែកក្កដា ដែលបានបញ្ចប់ការធ្វើពហិការមិនចូលសភារបស់គណបក្សសង្គ្រោះជាតិ ជាថ្នូរនឹងការបង្កើត គ.ជ.ប. ថ្មីមួយ ដែលមានសមាជិកបួនរូបមកពីគណបក្សនីមួយៗ និងបេក្ខជនអព្យាក្រឹតម្នាក់។
ប៉ុន្តែ អ្នកស្រីបានមានប្រសាសន៍នៅក្នុងសេចក្តីថ្លែងការណ៍នៅព្រឹកថ្ងៃអង្គារនេះថា អ្នកស្រីមិនអាចទទួលយកមុខតំណែងនៅក្នុង គ.ជ.ប. នេះបានទេ។
អ្នកស្រី ឈីវកេក បានមានប្រសាសន៍ថា "ទោះបីជា វាជាកិត្តិយសដ៏ធំធេង ដែលត្រូវបានជ្រើសរើសសម្រាប់តំណែងដ៏សំខាន់នេះក៏ដោយ ក៏ខ្ញុំសោកស្តាយយ៉ាងខ្លាំង ដែលត្រូវបដិសេធមិនទទួលយកសំណើធ្វើជាសមាជិកទី៩ នៃ គ.ជ.ប. ថ្មីនេះ"។ អ្នកស្រីបានមានប្រសាសន៍ថា "ខ្ញុំសូមអភ័យទោសចំពោះជនរួមជាតិរបស់ខ្ញុំ ដែលមានជំនឿលើខ្ញុំ ហើយដែលខ្ញុំអាចធ្វើឲ្យខកចិត្ត" ។
អ្នកស្រី ឈីវកេក កាលពីដំបូងបានទទួលយកតំណែងរបស់អ្នកស្រីកាលពីឆ្នាំមុន ដោយមានលក្ខខណ្ឌមួយចំនួន រួមមាន អ្នកស្រីត្រូវមានអភ័យឯកសិទ្ធិពីការផ្តន្ទាទោសដូចគ្នានឹងសភាតំណាងរាស្ត្រដែរ ហើយបានមានប្រសាសន៍កាលពីថ្ងៃអង្គារថា សិទ្ធិនៃសមាជិក គ.ជ.ប. ដែលត្រូវអនុម័តរួចហើយនោះ មិនគ្រប់គ្រាន់តាមការរំពឹងទុករបស់អ្នកស្រីឡើយ។
អ្នកស្រី ឈីវកេក បានមានប្រសាសន៍ថា "នៅពេលនោះ តួនាទីនៃសមាជិកទី៩ ត្រូវគេរៀបរាប់ប្រាប់ខ្ញុំថាជា "សមាជិកឯករាជ្យ ដែលនឹងធ្វើឲ្យស្ថាប័ននេះអព្យាក្រឹត ដែលខ្លួនត្រូវការដើម្បីរៀបចំការបោះឆ្នោតស្របទៅតាមរដ្ឋធម្មនុញ្ញ និងច្បាប់ជាតិ"។ អ្នកស្រីប្រធានលីកាដូរូបនេះ បានមានប្រសាសន៍ថា ៉ថ្ងៃនេះ ខ្ញុំសន្និដ្ឋានថា កិច្ចការនេះមិនមានលទ្ធភាពទៅរួចទេ។៉
ការតែងតាំងសម្រាប់តំណែងប្រាំបីផ្សេងទៀត នៅក្នុង គ.ជ.ប. បានបើកកាលពីថ្ងៃសុក្រ ហើយមន្ត្រីមកពីគណបក្សទាំងពីរ បាននិយាយថា ពួកគេសង្ឃឹមថា នឹងបង្កើតគណៈកម្មាធិការបោះឆ្នោតនេះមុនចូលឆ្នាំខ្មែរ។
ទោះជាយ៉ាងណាក៏ដោយ គណបក្សប្រជាជនកម្ពុជា និងគណបក្សសង្គ្រោះជាតិ ឥឡូវនេះនឹងត្រូវជ្រើសរើសបេក្ខជនអព្យាក្រឹតថ្មីម្នាក់ ដើម្បីបង្កើតគណៈកម្មាធិការ ដែលគណបក្សទាំងពីរបានចំណាយពេលចរចាអស់រយៈពេលប្រាំពីរខែ។
ស្ថិតក្រោមច្បាប់ថ្មី ដែលបង្កើត គ.ជ.ប. ថ្មីនោះ គ.ជ.ប. ចាស់ដែលគណបក្សសង្គ្រោះជាតិចោទថា បានជួយសម្របសម្រួលការបន្លំក្នុងការបោះឆ្នោតឆ្នាំ២០១៣ នឹងបន្តដំណើរការរហូតទាល់តែសមាជិកទាំងប្រាំបួនរូបរបស់គណៈកម្មាធិការនេះស្បថចូលកាន់តំណែង៕
និពន្ធនាយកកាសែតរស្មីកម្ពុជាស្លាប់ក្នុងអាយុ៥៤ឆ្នាំ
លោក ប៉ែន សមិទ្ធិ និពន្ធនាយកកាសែតរស្មីកម្ពុជា និងជាប្រធានក្លឹបអ្នកកាសែតកម្ពុជាយូរមកហើយនោះបានស្លាប់កាលពីម្សិលមិញក្នុងរាជធានីភ្នំពេញក្នុងអាយុ៥៤ឆ្នាំ។
លោក ប៉ែន សីហនាថ កូនប្រុសរបស់លោកបាននិយាយកាលពីម្សិលមិញថា "ឪពុករបស់ខ្ញុំបានស្លាប់ដោយសារជំងឺកាលពីព្រឹកមិញនេះ"។...
តុលាការចោទប្រកាន់បុរសរឹតកសម្លាប់ក្មេងប្រុសម្នាក់ពីបទ មនុស្សឃាតដោយគិតទុកជាមុន
នគរបាលបាននិយាយថា កាលពីម្សិលមិញ សាលាដំបូងខេត្តកំពង់ចាមបានចោទប្រកាន់អ្នកភូមិម្នាក់ពីបទមនុស្សឃាតដោយគិតទុកជាមុន ដោយបានយកខ្សែនីឡុងរឹតកសម្លាប់ក្មេងប្រុសអាយុ៧ឆ្នាំ បន្ទាប់ពីក្មេងប្រុសរូបនេះបានធាក់ក្មួយប្រុសរបស់ខ្លួនអំឡុងពេលឈ្លោះគ្នា។
លោក ចាន់ ហោ នាយរងការិយាល័យនគរបាលព្រហ្មទណ្ឌខេត្តបានមានប្រសាសន៍ថា ចៅក្រម...