CATEGORY
ព័ត៌មានជាតិ
ឪពុករបស់ជនរងគ្រោះចំនួនពីរនាក់ក្នុងចំណោមជនរងគ្រោះចំនួនប្រាំនាក់ដែលបានស្លាប់ក្នុងហេតុការណ៍ឆេះក្លឹបកម្សាន្តក្នុងក្រុងបាវិតកាលពីថ្ងៃច័ន្ទ បានឲ្យដឹងកាលពីម្សិលមិញថា តំណាងរបស់ម្ចាស់ក្លឹបកម្សាន្តបានឲ្យប្រាក់មកខ្លួនដើម្បីកុំឲ្យដាក់ពាក្យប្តឹងទៅកាន់នគរបាល។
ស្របពេលនេះដែរ អធិការនគរបាលក្រុងបាវិតេនះបានលើកឡើងថា លោកនឹងមិនបញ្ជូនករណីេនះទៅកាន់សាលាដំបូងខេត្តស្វាយរៀងឡើយលុះត្រាតែលោកទទួលបានពាក្យបណ្តឹងជាផ្លូវការពីគ្រួសារជនរងគ្រោះ។
យោងតាមនគរបាលបានឲ្យដឹងថា ការទុស្សេខ្សែភ្លើងទំនងជាមូលហេតុដែលធ្វើឲ្យកើតមានអគ្គិភ័យនៅក្នុងក្លឹបកម្សាន្តស្តារ ដែលមានទីតាំងស្ថិតនៅក្នុងសង្កាត់បាវិត នាវេលាម៉ោង៣ទៀបភ្លឺឈានចូលថ្ងៃច័ន្ទ ដោយបណ្តាលឲ្យបុគ្គលិកចំនួនប្រាំនាក់បានស្លាប់ និងបុគ្គលិកម្នាក់ទៀតរងរបួសធ្ងន់។
លោក ប្រាក់ វ៉ន អាយុ៥៥ឆ្នាំជាឪពុករបស់ជនរងគ្រោះ ប្រាក់ ប៉េង អាយុ១៨ និង ប្រាក់ ឡយ អាយុ១៩ឆ្នាំ ដែលសុទ្ធតែស្លាប់ក្នុងអគ្គិភ័យបានលើកឡើងថា កាលពីថ្ងៃច័ន្ទ តំណាងរបស់ម្ចាស់ក្លឹបកម្សាន្តបានឲ្យប្រាក់សម្រាប់កូនប្រុសរបស់លោកក្នុងម្នាក់ៗ ១លានរៀល ។
លោកបានលើកឡើងទៀតថា កាលពីម្សិលមិញពួកគេបានត្រឡប់មកម្តងទៀតដោយផ្តល់ប្រាក់ច្រើនជាងមុនជាមួយសំណើមួយ។
លោកបាននិយាយថា "ក្រុមហ៊ុនបានឲ្យប្រាក់មកយើងចំនួន១.០០០ដុល្លារសម្រាប់កូនម្នាក់ៗ ហើយស្នើឲ្យយើងកុំដាក់ពាក្យប្តឹងពួកគេ"។
លោក ប្រាក់ វ៉ន បានលើកឡើងបន្ថែមទៀតថា លោកបានប្រាប់តំណាងទាំងនោះថា លោកចង់បានប្រាក់ច្រើនជាងនេះ ហើយពួកគេនិយាយថា ខ្លួននឹងទៅសួរថៅកែសិន។
លោកបាននិយាយថា "ពួកគេមិនអាចឲ្យប្រាក់បន្តិចបន្តួចេនះ ហើយដើរចេញបានឡើយ"។ លោកបានបន្ថែមទៀតថា លោកនឹងរង់ចាំរហូតដល់ពេលបុណ្យសពកូនប្រុសរបស់លោកដែលធ្វើឡើងកាលពីម្សិលមិញ ត្រូវបានបញ្ចប់ជាមុនសិន មុននឹងសម្រេចថាតើត្រូវដាក់ពាក្យប្តឹងទៅកាន់នគរបាល ឬក៏អត់នោះ។
លោក កែវ គង់ អធិការនគរបាលក្រុងបាវិតបានលើកឡើងថា មន្ត្រីកំពុងតែព្យាយាមកំណត់ពីមូលហេតុដែលបង្កឲ្យកើតមានអគ្គិភ័យនេះ ឬថា តើនរណាជាអ្នកទទួលខុសត្រូវនៅឡើយ។
លោកបានមានប្រសាសន៍ថា "ប្រសិនបើអគ្គិភ័យនេះបង្កឡើងដោយការទុស្សេខ្សែភ្លើង ក្រុមហ៊ុនត្រូវតែទទួលខុសត្រូវ ព្រោះពួកគេមិនបានសាងសង់ ក្លឹបកម្សាន្តឲ្យត្រូវតាមស្តង់ដារ"។
លោក កែវ គង់ បានបន្ថែមទៀតថា ករណីនេះនៅមិនទាន់ត្រូវបានបញ្ជូនទៅសាលាដំបូងខេត្តនៅឡើយទេ។
លោកបានមានប្រសាសន៍ទៀតថា "យើងកំពុងរង់ចាំជនរងគ្រោះដាក់ពាក្យបណ្តឹង។ នៅពេលយើងទទួលបានពាក្យបណ្តឹងរបស់ពួកគេ យើងនឹងចាត់វិធានការ"។
លោក ជា ឧត្តម អភិបាលក្រុងបាវិតក៏បានលើកឡើងផងដែរថា ប្រសិនបើរកឃើញថា ការទុស្សេខ្សែភ្លើងជាមូលហេតុបង្កឲ្យកើតមានអគ្គិភ័យនោះ អ៊ីចឹងម្ចាស់ក្លឹបគួរតែទទួលខុសត្រូវ។
លោក ជា ឧត្តម បានមានប្រសាសន៍ថា "ជាទូទៅ ក្រុមហ៊ុនត្រូវតែទទួលខុសត្រូវចំពោះបញ្ហាេនះ ពីព្រោះពួកគេគ្រប់គ្រងទីតាំងេនះ"។លោកបានឲ្យដឹងទៀតថា ប្រសិនបើអ្នកសើុបអង្កេតរកឃើញថា បុគ្គលិក ក្លឹបជាអ្នកបង្កឲ្យកើតមានអគ្គិភ័យ អ៊ីចឹងម្ចាស់ក្លឹបត្រូវតែចរចាជាមួយគ្រួសារជនរងគ្រោះ ដើម្បីរកដំណោះស្រាយដ៏សមរម្យមួយ។
តែទោះជាយ៉ាងណា កងរាជអាវុធហត្ថ និងមន្ត្រីមូលដ្ឋានដែលពាក់ព័ន្ធក្នុងករណីនេះបានលើកឡើងថា ខ្លួនមិនស្គាល់អត្តសញ្ញាណរបស់ម្ចាស់ក្លឹបឡើយ។
កាលពីថ្ងៃច័ន្ទ មន្ត្រីនគរបាលសង្កាត់បាវិតម្នាក់ដែលពាក់ព័ន្ធនឹងការសើុបអង្កេត និងដែលបដិសេធមិនប្រាប់ឈ្មោះព្រោះខ្លួនមិនត្រូវបានអនុញ្ញាតឲ្យនិយាយជាមួយប្រព័ន្ធផ្សព្វផ្សាយ បានឲ្យដឹងថា ខ្លួនជឿជាក់ថា ជនរងគ្រោះបានស្លាប់ដោយសារ ក្លឹបកម្សាន្តនេះមានច្រកចេញតែមួយ។
លោក ម៉ៅ ម៉ានិត អាយុ៣០ឆ្នាំ ដែលបានរងរបួសនៅក្នុងអគ្គិភ័យ និងដែលត្រូវបានបញ្ចូនទៅកាន់មន្ទីរពេទ្យកាល់ម៉ែតកាលពីព្រឹកថ្ងៃច័ន្ទ បានបញ្ជាក់កាលពីម្សិលមិញថា ក្លឹបកម្សាន្តនេះមានច្រកចេញចូលតែមួយប៉ុណ្ណោះ។
លោក ម៉ៅ ម៉ានិត បាននិយាយថា "មានច្រកតែមួយប៉ុណ្ណោះ ហើយអ្នកផ្សេងៗទៀតមិនអាចគេចចេញបាន ព្រោះអគ្គិភ័យឆាបឆេះត្រង់ច្រកចេញ"។ លោកបានបន្តថា លោកនឹងមិនដាក់ពាក្យប្តឹងម្ចាស់ក្លឹបកម្សាន្តទេ ព្រោះអគ្គិភ័យបានកើតឡើងដោយយថាហេតុ។
លោក ជា ឧត្តម បានឲ្យដឹងបន្តទៀតថា វាមិនមែនជាការទទួលខុសត្រូវរបស់ក្រុងបាវិតឡើយក្នុងការធានាឲ្យបានថា អគារត្រូវបានសាងសង់ឡើងតាមស្តង់ដារសុវត្ថិភាពនោះ។លោកបានមានប្រសាសន៍ថា "វាគឺជាការទទួលខុសត្រូវរបស់ក្រសួងរៀបចំដែនដី នគរូបនីយកម្ម និងសំណង់ ដែលអនុញ្ញាតឲ្យមានការសាងសង់អគារនេះ ហេតុដូច្នេះយើងគ្មានសិទ្ធិធ្វើកិច្ចការនេះឡើយ"។ លោក សេង ឡូត អ្នកនាំពាក្យក្រសួងនេះបានបដិសេធមិនធ្វើអត្ថាធិប្បាយឡើយ៕ស៊ុយឈាង
លោក ងួន នន្ទ និពន្ធនាយកកាសែតដំណឹងពេលព្រឹកបានទទួលមរណភាពក្នុងអាយុ៧៦ឆ្នាំ
លោក ងួន នន្ទ និពន្ធនាយកកាសែតដែលត្រូវបានចាប់ដាក់ពន្ធនាគារកាលពីឆ្នាំ១៩៩៤ ពីបទភ្ជាប់មន្ត្រីគណបក្សប្រជាជនកម្ពុជាទៅនឹងការប៉ុនប៉ងធ្វើរដ្ឋប្រហារកាលពីពេលនោះ បានទទួលមរណភាពនៅផ្ទះរបស់លោកក្នុងសហរដ្ឋអាមេរិកកាលពីថ្ងៃអាទិត្យ។ លោកមានអាយុ៧៦ឆ្នាំ។
លោក ម៉ាសល ងួន...
ប្រធានគណបក្សសម រង្ស៊ី រិះគន់លោក សម រង្ស៊ី
លោក គង់ គាំ ប្រធានគណបក្សសម រង្ស៊ី បានរិះគន់លោក សម រង្ស៊ី អតីតប្រធានគណបក្សនេះ ចំពោះការទុកជាមោឃៈនូវសេចក្តីសម្រេចដាក់បេក្ខជនជំនួសលោកស្រី ថាក់ ឡានី សមាជិកព្រឹទ្ធសភាពាក់កណ្តាលអាណត្តិរបស់លោកស្រីនោះ។
មានប្រសាសន៍តាមទូរស័ព្ទកាលពីម្សិលមិញ លោក គង់ គាំ ដែលបានកាន់តួនាទីជាប្រធានគណបក្សសម រង្ស៊ី បន្ទាប់ពីលោក សម រង្ស៊ី បានជួយបង្កើតគណបក្សសង្គ្រោះជាតិកាលពីខែកក្កដា ឆ្នាំ២០១២ បានមានប្រសាសន៍ថា សេចក្តីសម្រេចកាលពីថ្ងៃទី១៨ ខែកុម្ភៈបានបង្ហើបឲ្យដឹងនៅក្នុងលិខិតផ្ទៃក្នុងគណបក្សដែលទទួលបានកាលពីម្សិលមិញ អនុញ្ញាតឲ្យលោកស្រី ថាក់ ឡានី បម្រើការក្នុងអាណត្តិព្រឹទ្ធសភារបស់លោកស្រីនោះ ផ្ទុយនឹងការសន្យាដែលលោក សម រង្ស៊ី ធ្លាប់បានធ្វើក្នុងទីក្រុងប៉ារីសនៅចំពោះមុខសមាជិកគណបក្ស។
លោក គង់ គាំ បានមានប្រសាសន៍ថា "ការពិតគឺថា មានសមាជិកតែ៣រូបប៉ុណ្ណោះ គឺរូបខ្ញុំ លោក ហុង សុខហួរ និងលោក ទាវ វ៉ាន់ណុល...ត្រូវបានអនុញ្ញាតឲ្យនៅពេញមួយអាណត្តិចំពោះករណីលោកស្រី ថាក់ ឡានី លោក សម រង្ស៊ី បានសន្យាផ្លាស់ប្តូរលោកស្រីនៅពេលលោកស្រីកាន់បានពាក់កណ្តាលអាណត្តិ ដូច្នេះបន្ទាប់មកបេក្ខជនបម្រុងអាចកាន់តួនាទីលោកស្រី និងមានឱកាសបម្រើប្រទេសជាតិ"។
លោក គង់ គាំ បានមានប្រសាសន៍ថា វាមិនត្រឹមត្រូវសម្រាប់លោក សម រង្ស៊ី ដែលបច្ចុប្បន្នបានធ្វើដំណើរទៅទីក្រុងប៉ារីសនោះ ឥឡូវេនះបានកែប្រែសេចក្តីសម្រេចនោះ។
គេមិនអាចទាក់ទងលោកស្រី ថាក់ ឡានី និងលោក យឹម សុវណ្ណ អ្នកនាំពាក្យគណបក្សសង្គ្រោះជាតិដើម្បីសុំអត្ថាធិប្បាយបានទេកាលពីម្សិលមិញ៕សារុន
មន្ត្រីរដ្ឋបាលព្រៃឈើ និងនគរបាលចាប់ខ្លួនបុរស៧នាក់ចំពោះការកាប់ឈើតូចតាច
ក្រុមមន្ត្រីបាននិយាយកាលពីម្សិលមិញថា មន្ត្រីរដ្ឋបាលព្រៃឈើ និងនគរបាលកាលពីថ្ងៃច័ន្ទបានចាប់ខ្លួនបុរស៧នាក់ពីបទកាប់ឈើខុសច្បាប់ក្នុងស្រុកសេសាន ខេត្តស្ទឹងត្រែង ប៉ុន្តែ មេឃុំ និងអ្នកអភិរក្សម្នាក់បានលើកឡើងថា ការចាប់ខ្លួនបុរសទាំងនេះដែលប្រើកាំបិតផ្គាក់ នោះ ត្រូវបានគេប្រើដើម្បីបង្វែរការចាប់អារម្មណ៍ពីការកាប់ឈើខុសច្បាប់ទ្រង់ទ្រាយធំដែលកើតក្នុងបរិវេណទំនប់វារីអគ្គិសនីសេសានក្រោម២ដែលកំពុងសាងសង់ប៉ុណ្ណោះ។
លោក ទិត្យ វី នាយសង្កាត់រដ្ឋបាលព្រៃឈើស្រែគរ-ក្បាលរមាស បានមានប្រសាសន៍ថា បុរសទាំងប្រាំពីរនាក់នេះត្រូវបានចាប់ខ្លួនកាលពីព្រឹកថ្ងៃច័ន្ទនៅក្បែរព្រំប្រទល់ឃុំពីរ។
លោក ទិត្យ វី បានមានប្រសាសន៍ថា "ខ្ញុំអាចបញ្ជាក់ថា យើងបានចាប់ខ្លួនមនុស្សប្រាំពីរនាក់កាលពីព្រឹកម្សិលមិញ ពីព្រោះពួកគេបានរានដីព្រៃរបស់រដ្ឋដោយគ្មានការអនុញ្ញាត"។
លោកបានបន្ថែមថា បុរសទាំងនេះមានគម្រោងរានដីទំហំ៥ហិកតា ប៉ុន្តែ លោកបានបដិសេធមិនពន្យល់ថា តើលោកដឹងព័ត៌មាននេះដោយរបៀបណានោះឡើយ។
លោកបានមានប្រសាសន៍ដោយបដិសេធមិនចេញឈ្មោះបុរសទាំងប្រាំពីរនាក់នេះថា "យើងកំពុងសាកសួរពួកគេនៅការិយាល័យរបស់ខ្ញុំ"។
លោក ឡូត ម៉ារ៉ាន់ នាយប៉ុស្តិ៍ឃុំក្បាលរមាសបានបញ្ជាក់ពីការចាប់ខ្លួននេះ ប៉ុន្តែ លោកក៏បានបដិសេធមិនប្រាប់ឈ្មោះជនទាំងនេះដែរ។
លោកបានមានប្រសាសន៍ថា "មន្ត្រីរដ្ឋបាលព្រៃឈើបានសុំឲ្យមន្ត្រីនគរបាលរបស់ខ្ញុំជួយពួកគេក្នុងការចាប់ខ្លួនអ្នកដែលជាប់ពាក់ព័ន្ធការរានដី"។
ក្រុមហ៊ុនរ៉ូយ៉ាល់គ្រុប ជាក្រុមហ៊ុនគ្រប់គ្រងដោយអ្នកឧកញ៉ា គិត ម៉េង មានសិទ្ធិផ្តាច់មុខរានដីសាងសង់អាងស្តុកទឹកទំហំ៣៦.០០០ហិកតា សម្រាប់ទំនប់សេសានក្រោម២កម្លាំង៤០០មេហ្គាវ៉ាត់។
ប៉ុន្តែ លោក សៀក មេគង្គ មេឃុំស្រែគរ ដែលរស់នៅកន្លែងសាងសង់ទំនប់វារីអគ្គិសនីនោះបានមានប្រសាសន៍ថា អ្នកកាប់ឈើទ្រង់ទ្រាយធំមមាញឹកនឹងកាប់ឈើខុសច្បាប់
ហើយលាងតាមរយៈការសាងសង់អាងស្តុកទឹក។
លោក មេគង្គ បានមានប្រសាសន៍ពីការចាប់ខ្លួននោះថា "ខ្ញុំគិតថា ការចាប់ខ្លួននេះមិនត្រឹមត្រូវឡើយ"។ លោកបានមានប្រសាសន៍ថា "ពួកគេបានចាប់ខ្លួនមនុស្សធម្មតាដែលបានកាប់ឈើតូចៗសម្រាប់ចិញ្ចឹមជីវិតតែប៉ុណ្ណោះ។ ខ្ញុំមិនដែលឃើញមន្ត្រីណាចាប់ខ្លួនក្រុមហ៊ុនកាប់ឈើចំពោះការបំផ្លាញបរិស្ថាននោះឡើយ"។
លោក មៀច មាន អ្នកសម្របសម្រួលបណ្តាញការពារទន្លេ 3S ជាអង្គការមិនមែនរដ្ឋាភិបាលអភិរក្សក្នុងមូលដ្ឋានបានមានប្រសាសន៍ថា មន្ត្រីរដ្ឋបាលព្រៃឈើទំនងជាផ្តោតគោលដៅលើបុរសទាំងប្រាំពីរនាក់នេះ ដើម្បីធ្វើឲ្យឃើញហាក់ដូចជាមានការចាត់វិធានការទប់ស្កាត់ការកាប់ឈើខុសច្បាប់អ៊ីចឹង។
លោកបានមានប្រសាសន៍ថា "ការចាប់ខ្លួននេះត្រូវបានធ្វើឡើងដើម្បីឲ្យល្អមើលតែប៉ុណ្ណោះ។ ពួកគេចាប់ខ្លួនតែប្រជាពលរដ្ឋតូចតាចប៉ុណ្ណោះ ហើយមិនដែលចាប់ក្រុមហ៊ុនកាប់ឈើខុសច្បាប់ឡើយ"៕សារុន
កម្មករទាមទារឲ្យរដ្ឋាភិបាលអនុវត្តច្បាប់ការងារ
កម្មករប្រហែល៤០នាក់មកពីរោងចក្រកាត់ដេរ Meroson ក្នុងរាជធានីភ្នំពេញបានដាក់ញត្តិមួយដែលមានការចុះហត្ថលេខាពីអ្នករួមការងារចំនួន៧០០នាក់ជូនតំណាងលោកនាយករដ្ឋមន្ត្រី ហ៊ុន សែន កាលពីម្សិលមិញ ដោយអំពាវនាវសុំឲ្យលោកនាយករដ្ឋមន្ត្រីជួយធ្វើអន្តរាគមន៍នៅក្នុងជម្លោះជុំវិញអ្វីដែលពួកគេលើកឡើងថា រោងចក្រមិនបានបើកប្រាក់អតីតភាពការងារឲ្យបានសមរម្យ បន្ទាប់ពីបណ្តេញពួកគេពីការងារ។
ក្រុមកម្មករប្រហែល៤០នាក់នេះបានធ្វើការតវ៉ាម្តងហើយម្តងទៀតនៅរោងចក្រនេះចាប់តាំងពីពេលពួកគេត្រូវបានបណ្តេញចេញពីការងារកាលពីថ្ងៃទី១១ ខែមីនាមកម្លេ៉ះ ហើយសហជីពដែលដឹកនាំពួកគេបានច្រានចោលលទ្ធផលនៃកិច្ចពិភាក្សាដែលសម្របសម្រួលដោយរដ្ឋាភិបាលកាលពីសប្តាហ៍មុន។
អ្នកនយោបាយអ៊ុយក្រែនត្រូវគេស្វែងរកចាប់ខ្លួនពីបទចាប់រំលោភនៅកម្ពុជា
សមាជិកសភាអ៊ុយក្រែនម្នាក់និងជាអតីតនាយកប្រតិបត្តិទូរទស្សន៍កំពុងត្រូវអាជ្ញាធរកម្ពុជាស្វែងរកចាប់ខ្លួន ពីបទរំលោភអនីតិជនម្នាក់ក្នុងក្រុងភ្នំពេញកាលពីឆ្នាំ២០១១ និងត្រូវដាក់ឈ្មោះក្នុងបញ្ជីអាំងទែប៉ូលនៃឧក្រិដ្ឋជនត្រូវតាមចាប់ខ្លួនបំផុត។
យោងតាមវិបសាយរបស់អាំងទែប៉ូលបានឲ្យដឹងថា លោក មីកូឡា ខ្ញាហ្ស៊ឺស្គី (Mykola Kniazhytsky) អាយុ៤៦ឆ្នាំដែលបានជាប់ឆ្នោតជាសមាជិកសភានៃគណបក្សរណសិរ្សប្រជាជនកាលពីខែវិច្ឆិកា...
ក្រុមសិទ្ធិមនុស្សគ្រាំទ្រដោយសហរដ្ឋអាមេរិក និងអ្នកឃ្លាំមើលតុលាការខ្មែរក្រហម បានរិះគន់ដាច់ដោយឡែកពីគ្នាចំពោះរដ្ឋាភិបាលកម្ពុជា និងអង្គការសហប្រជាជាតិកាលពីម្សិលមិញ ទៅលើការខកខានមិនបានចាប់ខ្លួន បន្ទាប់ពីមានបទចោទកំបាំងមុខប្រឆាំងនឹងអតីតមេបញ្ជាការកងទ័ពជើងទឹក មាស មុត និងមេស្រុក អុឹម ចែម កាលពីថ្ងៃទី៣ ខែមីនា។
នៅក្នុងរបាយការណ៍ខ្លីមួយ អង្គការផ្តួចផ្តើមគំនិតយុត្តិធម៌សង្គមបើកចំហ បាននិយាយថា ដោយសារតែខ្វះតម្លាភាពនៅក្នុងអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) នោះ វាមិនអាចដឹងថា េហតុអ្វីពុំមានការចាប់ខ្លួន ចាប់តាំងពីមានបទចោទចេញដោយ លោក ម៉ាក ហាម៉ុន សហចៅក្រមស៊ើបអង្កេតអន្តរជាតិនៅក្នុងសំណុំរឿង ០០៣ និង០០៤ ដែលជំទាស់ដោយរដ្ឋាភិបាលនោះទេ។
របាយការណ៍អង្គការផ្តួចផ្តើមគំនិតយុត្តិធម៌សង្គមបើកចំហ បាននិយាយថា "ជាក់ស្តែង យ៉ាងហោចណាស់មានដីកាចាប់ខ្លួនមួយ ចេញក្នុងសំណុំរឿង ០០៣ និង ០០៤ ដោយចៅក្រម ហាម៉ុន ប៉ុន្តែ មិនត្រូវគោរព ឬអនុវត្តដោយប៉ូលិសយុត្តិធម៌ទេ"។
របាយការណ៍នោះបានបន្តថា "តម្លាភាពមិនគ្រប់គ្រាន់របស់តុលាការ ដែលទាក់ទងនឹងកង្វះខាតកិច្ចសហប្រតិបត្តិការក្នុងការអនុវត្តបទបញ្ជាតុលាការ មិនអាចធ្វើឲ្យដឹងថា តើប៉ូលិសយុត្តិធម៌បដិសេធទាំងស្រុងមិនអនុវត្តដីកានោះ យកលេសចំពោះការខកខានបែបហ្នឹង បានអូសបន្លាយពេលវេលា ឬរារាំងការចេញដីកាបែបហ្នឹង ដោយបញ្ជាក់ជាមុននូវភាពមិនសុខចិត្តអនុវត្តដីកាឬយ៉ាងណានោះទេ"។
របាយការណ៍នោះបន្តថា "ទោះជាយ៉ាងណាក៏ដោយ សេចក្តីពិស្តារមិនផ្លាស់ប្តូរលក្ខណៈមូលដ្ឋាន ឬផលប៉ះពាល់នៃការមិនសហការនោះទេ។ មិនមានការដោះសារ និងមិនមានដើមចមសម្រាប់ការបដិសេធរបស់ប៉ូលិសយុត្តិធម៌ក្នុងការមិនអនុវត្តបទបញ្ជាតុលាការឡើយ"។
លោក ម៉ៅ ច័ន្ទតារា ដែលទទួលបន្ទុកប៉ូលិសនៅ អ.វ.ត.ក. បានបដិសេធមិនធ្វើអត្ថាធិប្បាយនៅពេលសួរអំពីសំណុំរឿងនោះកាលពីម្សិលមិញ។ លោក នេត្រ ភត្រា អ្នកនាំពាក្យសាលាក្តីខ្មែរក្រហម ក៏បានបដិសេធមិនពន្យល់ថា ហេតុអ្វីក៏មិនមានការចាប់ខ្លួននោះដែរ។
លោកបានមានប្រសាសន៍ថា "សហចៅក្រមស៊ើបអង្កេតកំពុងធ្វើការក្នុងសំណុំរឿងនោះ ប៉ុន្តែ លើសពីនេះទៅទៀត មិនមានព័ត៌មានបច្ចុប្បន្នភាពទេ"។
នៅក្នុងសេចក្តីថ្លែងការណ៍ដាច់ដោយឡែកមួយ អង្គការឃ្លាំមើលសិទ្ធិមនុស្ស Human Rights Watchបានអំពាវនាវដល់អង្គការសហប្រជាជាតិដែលបានយល់ព្រមគ្រាំទ្រ អ.វ.ត.ក. នៅក្នុងឆ្នាំ២០០៣ ឲ្យដកខ្លួនចេញពីតុលាការ ប្រសិនបើរដ្ឋាភិបាលបន្តរារាំងការកាត់ទោសលោក មាស មុត និងអ្នកស្រី អុឹម ចែម។
លោក ប្រែ៊ត អាដាម នាយកអាស៊ីសម្រាប់អង្គការឃ្លាំមើលសិទ្ធិមនុស្ស Human Rights Watchត្រូវបានដកស្រង់សម្តីនៅក្នុងរបាយករាណ៍ថា "ការបដិសេធរបស់រដ្ឋាភិបាលកម្ពុជាដោយមិនសហការនាំមេដឹកនាំខ្មែរក្រហមមកកាត់ទោសនៅតុលាការដែលគាំទ្រដោយអង្គការសហប្រជាជាតិ នឹងជាជម្រើសចុងក្រោយបន្ទាប់ពីការរារាំង ការពន្យារពេល និងអំពើពុករលួយ អស់រយៈពេលជាច្រើនឆ្នាំកន្លងមកនេះ"។
លោក ប្រែ៊ត អាដាម បាននិយាយថា "ប្រសិនបើរដ្ឋាភិបាលខកខានមិនចាត់ការឲ្យបានឆាប់រហ័សទៅលើបទចោទរបស់ចៅក្រមទេ ដូច្នេះ ល្មមដល់ពេលអង្គការសហប្រជាជាតិបញ្ចប់ការចូលរួមរបស់ខ្លួន ហើយប្រទេសផ្តល់ជំនួយត្រូវឈប់ផ្តល់មូលនិធិដល់តុលាការនេះ។ ការបន្តគាំទ្រគឺគ្រាន់តែធ្វើឲ្យមានយុត្តិធម៌ចំអកលេងសើចសម្រាប់ជនរងគ្រោះ និងក្រុមគ្រួសាររបស់គេរាប់លាននាក់ប៉ុណ្ណោះ"។
នៅក្នុងសេចក្តីថ្លែងការណ៍របស់ខ្លួន អង្គការផ្តួចផ្តើមគំនិតយុត្តិធម៌សង្គមបើកចំហ បាននិយាយថា ការខកខានរបស់អង្គការសហប្រជាជាតិ និងមន្ត្រីអន្តរជាតិរបស់តុលាការក្នុងការមិនដោះស្រាយបញ្ហាជាសាធារណៈ គឺ "គួរឲ្យហួសចិត្ត"។
សេចក្តីថ្លែងការណ៍និយាយថា "ដំណើរការទៅមុខ ហាក់ដូចជាគ្មានអ្វីខុសកើតឡើង ពួកគេលើកឡើងអំពីក្តីបារម្ភថា តើពួកគេមានឆន្ទៈ ឬសមត្ថភាពអនុវត្តកិច្ចព្រមព្រៀងនោះ និងថាតើពួកគេអាចបើកសវនាការដោយកំបាំងមុខ ដើម្បីចៀសវាងការដោះស្រាយបញ្ហាពិតប្រាកដទាក់ទងនឹងការជ្រៀតជ្រែកផ្នែកនយោបាយ ឬយ៉ាងណាទេ"។
លោកនាយករដ្ឋមន្ត្រី ហ៊ុន សែន បានថ្លែងម្តងហើយម្តងទៀតអំពីការជំទាស់របស់លោកទៅនឹងសំណុំរឿង ០០៣ និង០០៤ ដោយអះអាងថា ការបន្តកាត់ទោសអតីតមន្ត្រីខ្មែរក្រហមអាចធ្វើឲ្យមានអស្ថិរភាពហិង្សាឡើងវិញ។
លោក មាស មុត ដែលជាប់ចោទពីបទសម្លាប់កម្មាភិបាលខ្មែរក្រហម ជាមួយនឹងជនជាតិវៀតណាម ថៃ និងជនបរទេសដទៃទៀត ដែលចាប់ខ្លួនបាននៅដែនសមុទ្រ និងអ្នកស្រី អឹុម ចែម ដែលជាប់សង្ស័យថា បានអនុវត្តវិសុទ្ធិកម្មនៅតំបន់ពាយព្យ បានសម្តែងការបារម្ភតិចតួចចំពោះបទចោទនោះ។
សួរកាលពីដើមខែនេះថា គាត់បានគិតយ៉ាងណាចំពោះបទចោទនោះ លោក មាស មុត បានមានប្រសាសន៍ថា លោកបារម្ភខ្លាំងនឹងការដាំដុះរបស់លោកក្នុងខេត្តបាត់ដំបង។ អ្នកស្រី អឹុម ចែម បានមានប្រសាសន៍ថា ចៅក្រម ហាម៉ុន គួរត្រូវជាប់គុកដោយសារតែចេញបទចោទនោះ៕(រាយការណ៍បន្ថែមដោយ ឃួន ណារីម) រើន
ព្រឹទ្ធសភាអនុម័តច្បាប់បោះឆ្នោតដែលត្រូវបានធ្វើកំណែទម្រង់
ព្រឹទ្ធសភាបានអនុម័តច្បាប់បោះឆ្នោតថ្មីចំនួនពីរជាឯកច្ឆន្ទនៅក្នុងសម័យប្រជុំពិសេសមួយកាលពីម្សិលមិញ ដោយឥឡូវនេះច្បាប់ទាំងពីរនេះគ្រាន់តែតម្រូវឲ្យមានការពិនិត្យដោយក្រុមប្រឹក្សាធម្មនុញ្ញ និងឡាយព្រះហត្តលេខាដោយព្រះមហាក្សត្រ នរោត្តម សីហមុនី តែប៉ុណ្ណោះ។
យោងតាមលោក អ៊ុំ សារិទ្ធ អគ្គលេខាធិការព្រឹទ្ធសភាបានឲ្យដឹងថា ច្បាប់ទាំងពីរដែលព្រាងដោយសមាជិកគណបក្សប្រជាជនកម្ពុជានិងគណបក្សសង្គ្រោះជាតិនៅក្នុងកិច្ចប្រជុំដែលបានធ្វើឡើងចាប់ពីខែសីហា ដល់ខែមីនា និងអនុម័តដោយរដ្ឋសភាកាលពីសប្តាហ៍មុននោះ ត្រូវបានអនុម័តដោយសមាជិកព្រឹទ្ធសភា៤៩រូបក្នុងរយៈពេលមិនដល់មួយម៉ោងផង។
លោកបានមានប្រសាសន៍ថា "សម័យប្រជុំព្រឹទ្ធសភាគ្មានអ្វីខុសប្លែកពីសម័យប្រជុំរដ្ឋសភាទេ ពីព្រោះថ្នាក់ដឹកនាំនៃគណបក្សទាំងពីរបានយល់ព្រមជាគោលការណ៍ ហើយបានប្រើប្រាស់ក្រុមការងារទាំងពីរឲ្យព្រាងច្បាប់ទាំងពីរនេះជាយូរមកហើយ ហើយដោយមានការពិភាក្សាល្អិតល្អន់ទៀតផង។ ហេតុដូច្នោះហើយ ច្បាប់ទាំងពីរនេះត្រូវបានអនុម័តដោយគ្មានការកែប្រែ ឬពិភាក្សាដេញដោលឡើយ"។
លោក ហុង សុខហួរ សមាជិកព្រឹទ្ធសភាគណបក្សសមរង្ស៊ី បានមានប្រសាសន៍ថា សមាជិកព្រឹទ្ធសភា៩រូបរបស់គណបក្សលោកបានបោះឆ្នោតស្របតាមគណបក្សសង្គ្រោះជាតិ។
លោកបានមានប្រសាសន៍ថា "យើងមិនពេញចិត្ត១០០ភាគរយជាមួយច្បាប់ទាំងពីរនេះទេ ប៉ុន្តែយើងត្រូវតែទទួលយកអ្វីដែលយើងទទួលបានរហូតមកទល់ពេលនេះ ដូចជា ចំណុចសំខាន់នៃការមានគណៈកម្មាធិការជាតិរៀបចំការបោះឆ្នោតថ្មី និងបញ្ជីឈ្មោះបោះឆ្នោតថ្មីជាដើម"៕សារុន
នគរបាលនិយាយថា មនុស្សប្រាំនាក់បានបាត់បង់ជីវិតកាលពីពេលទៀបភ្លឺឈានចូលព្រឹកម្សិលមិញ បន្ទាប់ពីការទុស្សេខ្សែភ្លើងបង្កឲ្យមានអគ្គិភ័យឆាបឆេះភោជនីយដ្ឋានខារ៉ាអូខេ និងឌីស្កូមួយក្នុងក្រុងបាវិត ភាគខាងកើត។
លោក កែវ គង់ អធិការក្រុងបាវិត បានមានប្រសាសន៍ថា អគ្គិភ័យបានចាប់ផ្តើមឆេះក្លឹបកម្សាន្តយីហោស្តារ ក្នុងសង្កាត់បាវិតនៅវេលាម៉ោងប្រហែល៣ទៀបភ្លឺ បន្ទាប់ពីអំពូលភ្លើង និងឧបករណ៍បំពងសំឡេងដែលមានច្រើនពេកបានបង្កឲ្យទុស្សេខ្សែភ្លើងឆាបឆេះនៅជាប់កន្លែងរាំកម្សាន្ត។
លោកបានមានប្រសាសន៍ទៀតថា "អគ្គិភ័យបានធ្វើឲ្យក្លឹបនេះរងការខូចខាត៩០ភាគរយ ហើយបានសម្លាប់មនុុស្សប្រាំនាក់ និងបុរសម្នាក់ទៀតរងរបួស។ អគ្គិភ័យនេះមិនមែនបង្កឡើយដោយការធ្វេសប្រហែសទេ ប៉ុន្តែ វាបង្កឡើងដោយការទុស្សេខ្សែភ្លើង ពីព្រោះមានអំពូលភ្លើងច្រើនពេក"។
លោកបានបញ្ជាក់អត្តសញ្ញាណជនរងគ្រោះដែលស្លាប់ក្នុងហេតុការណ៍នេះមានឈ្មោះដូចជា កែម ឃីម អាយុ២៣ឆ្នាំ ខេង សារ៉ាន់ អាយុ២៦ឆ្នាំ ម៉ម រដ្ឋា អាយុ៣៤ឆ្នាំ ប្រាក់ ប៉េង អាយុ១៨ឆ្នាំ និងប្រាក់ ឡយ អាយុ១៩ឆ្នាំ។ ចំណែកឯបុរសដែលរងរបួសឈ្មោះ ម៉ៅ ម៉ានិត អាយុ៣០ឆ្នាំត្រូវបានបញ្ជូនបន្តមកកាន់មន្ទីរពេទ្យកាល់ម៉ែតក្នុងរាជធានីភ្នំពេញកាលពីព្រឹកម្សិលមិញ។
លោកបានមានប្រសាសន៍ទៀតថា ជនរងគ្រោះទាំងប្រាំមួយនាក់សុទ្ធតែជាបុគ្គលិកបម្រើការងារនៅក្លឹបកម្សាន្តនេះ។ លោកលើកឡើងថា "មានច្រកចេញចូលជាច្រើន។ ខ្ញុំមិនដឹងថា ហេតុអ្វីបានជាពួកគេគេចខ្លួនមិនរួចនោះទេ។ បើពួកគេនៅរស់ យើងមុខជាអាចសួរពួកគេដឹងពីមូលហេតុមិនខាន"។
លោក កែវ គង់ បានឲ្យដឹងទៀតថា រថយន្តពីរគ្រឿង និងភ្នាក់ងារពន្លត់អគ្គិភ័យប្រហែល៦០នាក់បានពន្លត់អណ្តាតភ្លើងឲ្យរលត់ទាំងស្រុងនៅម៉ោង១រសៀលម្សិលមិញ។
ទោះជាយ៉ាងណា មន្ត្រីនគរបាលសង្កាត់បាវិតមួយរូបដែលចូលរួមពាក់ព័ន្ធនៅក្នុងការសើុបអង្កេត ដែលសុំមិនបញ្ចេញឈ្មោះបានលើកឡើងថា ក្លឹបកម្សាន្តនេះមានច្រកចេញតែមួយប៉ុណ្ណោះ ហើយច្រកនោះត្រូវអណ្តាតភ្លើងឆាបឆេះយ៉ាងសន្ធោសន្ធៅធ្វើឲ្យជនរងគ្រោះមិនអាចគេចខ្លួនរួច។
លោកបានមានប្រសាសន៍ថា "នៅពេលក្លឹបនេះឆេះ អ្នកខ្លះគេចខ្លួនរួច ចំណែកឯអ្នកផ្សេងទៀតបានជាប់ក្នុងអគ្គិភ័យ ដោយសារតែមានច្រកចេញចូលតែមួយ ដែលត្រូវភ្លើងឆេះ។ពួកគេទំនងជាឈ្លក់ផ្សែងនៅជិតច្រកចេញពី ព្រោះពួកគេរកកន្លែងចេញមិនឃើញ"។
មន្ត្រីនគរបាលរូបនេះក៏បានលើកឡើងដែរថា ភ្នាក់ងារពន្លត់អគ្គិភ័យមានការពិបាកក្នុងការពន្លត់អគ្គិភ័យ ពីព្រោះផ្លូវចូលទៅក្នុងនោះអាចឲ្យរថយន្តចូលបានតែមួយគ្រឿងប៉ុណ្ណោះ។
លោក កែវ សុខន អធិការរងក្រុងបាវិតក៏បានមានប្រសាសន៍ដែរថា ជនរងគ្រោះទំនងជាស្លាប់ដោយសារការឈ្លក់ផ្សែង។
លោក ម៉ៅ ម៉ានិត ជនរងគ្រោះដែលរួចផុតពីសេចក្តីស្លាប់ក្នុងហេតុការណ៍េនះ និយាយមិនរួចទេកាលពីរសៀលថ្ងៃម្សិលមិញ ខណៈសម្រាកនៅលើគ្រែក្នុងមន្ទីរពេទ្យកាល់ម៉ែតដោយមានបង់រំុមុខ ដៃ និងជើង។
លោក ធារិទ្ធ ដែលត្រូវជាឪពុកមាសាច់ថ្លៃរបស់លោក ម៉ៅ ម៉ានិត បាននិយាយនៅក្បែរលោក ម៉ៅ ម៉ានិត ថា ក្រុមគ្រួសារបាននាំលោក ម៉ៅ ម៉ានិត មកកាន់មន្ទីរពេទ្យនេះកាលពីព្រឹកម្សិលមិញ ហើយកំពុងរង់ចាំវេជ្ជបណ្ឌិតពិនិត្យតាមដានស្ថានភាពរបស់គាត់។
គាត់បាននិយាយទៀតថា "ភ្លើងបានរលាកមុខ ដៃ ពោះ និងជង្គង់របស់វា។ វាបានប្រាប់ខ្ញុំថា វាបានយកអាវយឺតរំុមុខ ហើយរត់កាត់ភ្លើង ហើយមិត្តភក្តិប្រាំនាក់របស់វាបានជាប់នៅក្នុងអគ្គិភ័យ"។
គាត់បាននិយាយបន្តថា ក្លឹបកម្សាន្តស្តារបាននិយាយថា ខ្លួននឹងចេញថ្លៃព្យាបាលលោក ម៉ៅ ម៉ានិត ដោយសារតែក្លឹបនេះមានធានារ៉ាប់រង។
ទោះជាយ៉ាងណា កាលពីម្សិលមិញ គ្មានព័ត៌មានសម្រាប់ទំនាក់ទំនងទៅម្ចាស់ក្លឹបកម្សាន្តនេះទេ។
នៅក្នុងហេតុការណ៍ស្រដៀងគ្នាមួយកាលពីខែវិច្ឆិកា ជនជាតិខ្មែរបួននាក់ និងបុរសអូស្ត្រាលីម្នាក់បានបាត់បង់ជីវិត ក្រោយពីអគ្គិភ័យបង្កឡើយដោយការឆ្លងចរន្តអគ្គិភ័យបានបំផ្លាញភោជនីយដ្ឋាន និងឌីស្កូថេក ហីុបហប់ ក្នុងក្រុងសៀមរាប។
នគរបាលក្រុងសៀមរាបបានលើកឡើងក្នុងខែធ្នូថា ខ្លួនបានបិទការសើុបអង្កេតលើករណីអគ្គិភ័យដោយគ្មានការចាប់ខ្លួននរណាម្នាក់ឡើយ បន្ទាប់ពីពួកគេបានប្រកាសថា វាជាគ្រោះថ្នាក់ចៃដន្យ៕សុខុម
ឧត្តមសេនីយ៍ សៅ សុខា មេបញ្ជាការកងរាជអាវុធហត្ថលេើផ្ទៃប្រទេសបានបង្កើតគណៈកម្មការពិសេសមួយដើម្បីសើុបអង្កេតមន្ត្រីមួយក្រុមដែលបាញ់ប្រហារលើរថយន្តធុនធំមួយគ្រឿង ខណៈរថយន្តនេះបានបើកទម្លុះរបាំងប៉ុស្តិ៍ត្រួតពិនិត្យចំនួនពីរនៅក្នុងខេត្តត្បួងឃ្មុំកាលពីយប់ថ្ងៃព្រហស្បតិ៍ ហើយបន្ទាប់មកអ្នកបើកបរ និងព្រូឡានម្នាក់ត្រូវមន្ត្រីមួយក្រុមនេះវាយដំ បន្ទាប់ពីឃាត់រថយន្តរួច។
បទបញ្ជាមួយច្បាប់ដែលចុះហត្ថលេខាដោយឧត្តមសេនីយ៍ សៅ សុខា កាលពីថ្ងៃច័ន្ទ បានតែងតាំងលោក សិុន សុផានី ប្រធានស្នងការនៃស្នងការដ្ឋានកងរាជអាវុធហត្ថលើផ្ទៃប្រទេសជាអ្នកដឹកនាំគណៈកម្មការដែលមានសមាជិកចំនួន៩រូបនេះ ហើយបានតែងតាំងលោក គង់ សុថារិន នាយការិយាល័យបទល្មើសព្រហ្មទណ្ឌនៃកងរាជអាវុធហត្ថលើផ្ទៃប្រទេសជាអនុប្រធាន។
បទបញ្ជានេះមានខ្លឹមសារថា "គណៈកម្មការនេះនឹងសើុបអង្កេតលើហេតុការណ៍បាញ់ប្រហារដែលកើតឡើងអំឡុងប្រតិបត្តិការរបស់នាយទាហាននិងនាយទាហានរងនៃកងរាជអាវុធហត្ថខេត្តត្បូងឃ្មុំ និងកងរាជអាវុធហត្ថខេត្តព្រៃវែងកាលពីថ្ងៃទី១៩ ខែមីនា"។
យោងតាមនគរបាលមូលដ្ឋានបានឲ្យដឹងថា លោក ណេន ស៊ីដា អាយុ៣០ឆ្នាំ និង ធឿន ណើប អាយុ២០ឆ្នាំ ជាព្រូឡានត្រូវបានឃាត់ឲ្យឈប់នៅក្នុងស្រុកស្វាយអន្ទរខេត្តព្រៃវែងកាលពីយប់ថ្ងៃទី១៩ ខែមីនា បន្ទាប់ពីពួកគេបានបុករថយន្តមួយគ្រឿង ហើយបើកទម្លុះរបាំងប៉ុស្តិ៍ត្រួតពិនិត្យចំនួនពីររបស់កងរាជអាវុធហត្ថក្នុងខេត្តត្បូងឃ្មុំដែលជាខេត្តជាប់ខេត្តព្រៃវែង។
នគរបាលមូលដ្ឋានបានលើកឡើងទៀតថា មន្ត្រីនគរបាលកងរាជអាវុធហត្ថបានបាញ់ទម្លុះកញ្ចក់មុខរបស់រថយន្តធុនធំនេះដើម្បី ឃាត់ឲ្យឈប់ ហើយបានចងអ្នកបើកបរនិងព្រូឡាន បន្ទាប់មកបានវាយដំពួកគេ។ រូបភាពរបស់បុរសទាំងពីរនាក់ដែលមានស្នាមរបួស និងស្នាមជាំត្រូវបានគេចែករំលែកយ៉ាងសុះសាយតាមបណ្តាញទំនាក់ទំនងសង្គមកាលពីចុងសប្តាហ៍។ អ្នកបើកបរ និងព្រូឡានត្រូវបានដោះលែងពីមន្ទីរឃុំឃាំងនៅថ្ងៃដដែលបន្ទាប់ពីការបាញ់ប្រហារ។
អ្នកបើកបររថយន្តបានលើកឡើងថា ខ្លួនបានបើកទម្លុះរបាំងប៉ុស្តិ៍ត្រួតពិនិត្យព្រោះខ្លួនគិតថា ប៉ុស្តិ៍ត្រួតពិនិត្យទាំងនេះត្រូវក្រុមមន្ត្រីពុករលួយបានបង្កើតឡើងដោយខុសច្បាប់ដើម្បីជំរិតទារប្រាក់។ អ្នកបើកបររូបនេះបានលើកឡើងទៀតថា បន្ទាប់មកក្រុមមន្ត្រីបានយកស្វាយកាំភ្លើងអាកា៤៧វាយមុខរបស់គាត់ ចងដៃ និងចងជើងគាត់ព័ទ្ធទៅក្រោយ ហើយបន្តទាត់ធាក់រូបគាត់ទៀត ខណៈគាត់ដួលលើដី។
បទបញ្ជារបស់ឧត្តមសេនីយ៍ សៅ សុខា បានផ្តល់សិទ្ធិឲ្យគណៈកម្មការថ្មីនេះក្នុងការជួបជាមួយមន្ត្រី នៅក្នុងខេត្តទាំងពីរនេះ ហើយកោះហៅជនសង្ស័យមកសាកសួរ។ បន្ទាប់មកគណៈកម្មការនេះត្រូវតែរាយការណ៍ត្រឡប់ទៅឲ្យឧត្តមសេនីយ៍ សៅ សុខា ដោយផ្ទាល់។
លោក គឹម ផាន់នី មេបញ្ជាការរង កងរាជអាវុធហត្ថខេត្តព្រៃវែងបានលើកឡើងថា គណៈកម្មការនេះនឹងទៅដល់ខេត្តរបស់លោកនៅក្នុងថ្ងៃនេះ។ លោកបានលើកឡើងទៀតថា មាន កងរាជអាវុធហត្ថសរុបចំនួនប្រាំមួយនាក់ដែលជាជនសង្ស័យក្នុងនោះបីនាក់មកពីខេត្តត្បូងឃ្មុំ និងបីនាក់ទៀតមកពីខេត្តព្រៃវែង ហើយថា នគរបាលដែលគេមិនដឹងចំនួនពិតប្រាកដមកពីស្រុកស្វាយអន្ទរ ក៏មានជាប់ពាក់ព័ន្ធដែរ។
លោក សុខ គ្រីន មេបញ្ជាការកងរាជអាវុធហត្ថខេត្តព្រៃវែងបានលើកឡើងថា គេស្គាល់អត្តសញ្ញាណរបស់ជនសង្ស័យទាំងនេះហើយ ប៉ុន្តែ លោកបានបដិសេធមិនប្រាប់នោះឡើយ។លោកបានលើកឡើងទៀតថា មន្ត្រីទាំងនេះកំពុងបំពេញការងាររបស់ខ្លួននៅឡើយ ហើយនៅមិនទាន់ត្រូវបានចាប់ខ្លួនឡើយ ព្រោះអាជ្ញាធរកំពុងរង់ចាំលទ្ធផលនៃកិច្ចប្រជុំជាមួយគណៈកម្មការពិសេសក្នុងថ្ងៃនេះ។
លោកបានមានប្រសាសន៍ថា "យើងបានសើុបអង្កេតហេតុការណ៍បាញ់ប្រហារនេះរួចហើយ ហើយកងរាជអាវុធហត្ថនឹងធ្វើដំណើរមកនៅថ្ងៃស្អែកដើម្បីប្រមូលព័ត៌មានអំពីករណីនេះ"៕ស៊ុយឈាង