CATEGORY
ព័ត៌មានជាតិ
កាលពីម្សិលមិញ នគរបាលបានកំណត់អត្តសញ្ញាណបុរសខ្មែរអាណិកជនអាមេរិក ម្នាក់ថាជាបុគ្គលដែលខ្លួនចាប់បាននៅក្នុងរាជធានីភ្នំពេញ កាលពីថ្ងៃច័ន្ទ បន្ទាប់ពីក្រុមអ្នកយកព័ត៌មានដែលចុះទៅយកព័ត៌មានក្នុងហេតុការណ៍គ្រោះថ្នាក់ចរាចរណ៍មួយ បានរងការប្រើអំពើហិង្សា និងបាញ់បោះពីសំណាក់អ្នកពាក់ព័ន្ធក្នុងគ្រោះថ្នាក់នោះដែលពាក់ព័ន្ធនឹងរថយន្តមួយគ្រឿងពាក់ស្លាកលេខនគរបាល។
លោក ស៊្រាង ប៊ុណ្ណារ៉ា នាយរងប៉ុស្តិ៍នគរបាលសង្កាត់ស្រះចក ដែលបានដឹកនាំកម្លាំងនគរបាលចុះទៅកាន់កន្លែងកើតហេតុគ្រោះថ្នាក់ចរាចរណ៍ពាក់ព័ន្ធនឹងរថយន្តជាច្រើនគ្រឿងនៅជិតវត្តភ្នំ ក្នុងខណ្ឌដូនពេញ នៅវេលាម៉ោងប្រហែល១រំលងអធ្រាត្រ បានបញ្ចេញឈ្មោះជនសង្ស័យដែលចាប់ខ្លួនបានថាមានឈ្មោះ មឿន សារ៉ាមិទ្ធ អាយុ៣២ឆ្នាំ ខ្មែររស់នៅសហរដ្ឋអាមេរិក។
លោក ស៊្រាង ប៊ុណ្ណារ៉ា បានមានប្រសាសន៍ថា លោក មឿន សារ៉ាមិទ្ធ មិនជាប់សង្ស័យពីបទបាញ់ប្រហារទៅលើអ្នកកាសែតទេ ប៉ុន្តែស្ថិតក្នុងចំណោមមនុស្សប៉ុន្មាននាក់ដែលបានព្យាយាមបង្ខំឲ្យក្រុមអ្នកកាសែតលុបរូបថត និងវីដេអូចោល។
លោកបានលើកឡើងបន្តថា "ម្នាក់ក្នុងចំណោមជនសង្ស័យផ្សេងៗទៀត បានផ្ទុះអាវុធបីគ្រាប់ ហើយយើងបានចាប់ខ្លួនបុរសម្នាក់ ជាជនសង្ស័យម្នាក់ដែលជាប់ពាក់ព័ន្ធនឹងពួកគេ ហើយបានបញ្ជូនគាត់ទៅតុលាការនៅព្រឹកនេះ។ គាត់គឺជាជនសង្ស័យម្នាក់ ពីព្រោះគាត់បានទៅរារាំងក្រុមអ្នកកាសែតមិនឲ្យថតរូប។ យើងចាប់ខ្លួនគាត់ដើម្បីធ្វើការសាកសួរជុំវិញការចោទប្រកាន់អំពីការប្រើអំពើហិង្សាដោយចេតនាទៅលើក្រុមអ្នកកាសែត ដើម្បីបំផ្លាញទ្រព្យសម្បត្តិរបស់ពួកគេ រួមមានកាមេរ៉ា និងទូរស័ព្ទស្មាតហ្វូន។ យើងមិនដឹងអ្វីលើសពីនេះទេ។ នេះគឺជាការចោទប្រកាន់របស់ក្រុមអ្នកកាសែត។ បើគាត់មិនធ្វើអ្វីខុសទេ យើងនឹងដោះលែងគាត់ ហើយប្រគល់រថយន្តឲ្យវិញ"។
នៅខាងក្រៅសាលាដំបូងរាជធានីភ្នំពេញកាលពីម្សិលមិញ ខណៈពេលត្រូវបញ្ជូនខ្លួនត្រឡប់ទៅកាន់អធិការដ្ឋាននគរបាលខណ្ឌវិញបន្ទាប់ពីសាកសួររួច លោក មឿន សារ៉ាមិទ្ធ បាននិយាយថា គាត់គ្រាន់តែឈប់នៅកន្លែងកើតហេតុដើម្បីជួយធ្វើការសម្របសម្រួលតែប៉ុណ្ណោះ។
មុនពេលត្រូវនាំចូលរថយន្តនគរបាល គាត់និយាយថា "ពួកគេចោទប្រកាន់ខ្ញុំខុសហើយ ព្រោះខ្ញុំមិនដឹងអីទេ។ ខ្ញុំគ្រាន់តែបើករថយន្តដើរលេងជុំវិញ ប៉ុណ្ណោះ ព្រោះខ្ញុំទើបមកពីបរទេស។ ខ្ញុំទើបតែមកលេង ហើយខ្ញុំឃើញប្រជាជនខ្មែរឈ្លោះគ្នា។ ខ្ញុំស្រឡាញ់ប្រជាជនខ្មែរ ដូច្នេះហើយខ្ញុំក៏ព្យាយាមឃាត់ពួកគេ"។
ព្រះរាជអាជ្ញារង កែវ សុជាតិ អមសាលាដំបូងរាជធានីភ្នំពេញ បានមានប្រសាសន៍ថា គ្មានបទចោទប្រកាន់លើលោក មឿន សារ៉ាមិទ្ធ ទេ ហើយថា គាត់ត្រូវបានឃុំខ្លួនដើម្បីធ្វើការសាកសួរបន្ថែម។ មុនពេលបដិសេធមិនធ្វើអត្ថាធិប្បាយបន្ថែមទៀត លោកមានប្រសាសន៍បន្តថា "បន្ទាប់ពីការសាកសួរនៅថ្ងៃនេះ យើងនៅមិនទាន់សម្រេចថា តើត្រូវចោទប្រកាន់ជនសង្ស័យឬយ៉ាងណានៅឡើយទេ"។
យោងតាមរបាយការណ៍របស់នគរបាលបានឲ្យដឹងថា ពាក្យបណ្ដឹងជុំវិញឧបទ្ទវហេតុកាលពីយប់ថ្ងៃច័ន្ទ ត្រូវបានដាក់ដោយអ្នកកាសែតប្រាំពីរនាក់ រួមមានបីនាក់មកពីបណ្ដាញព័ត៌មានកម្ពុជា (CNC) ម្នាក់មកពីទូរទស្សន៍ហង្សមាស ម្នាក់មកពីទូរទស្សន៍ប៉ុស្តិ៍លេខ៣ និងពីរនាក់ទៀតមកពីគេហទំព័រព័ត៌មានតាមអុីនធើណិត។
លោក វ៉ាន សាវ៉េត មន្ត្រីនគរបាលព្រហ្មទណ្ឌខណ្ឌដូនពេញ បានមានប្រសាសន៍នៅខាងក្រៅតុលាការថា នគរបាលបានដកហូតរថយន្តហុងដាពណ៌ក្រហមមួយគ្រឿងដែលពាក់ស្លាកលេខនគរបាល រថយន្តតូចមួយគ្រឿង និងរថយន្ត Daewoo Tico មួយគ្រឿង។
លោកមានប្រសាសន៍ថា "រថយន្តពីរគ្រឿងរក្សាទុកនៅប៉ុស្តិ៍នគរបាលសង្កាត់ស្រះចក ហើយមួយគ្រឿងទៀតរក្សាទុកនៅអធិការដ្ឋាននគរបាលខណ្ឌ។ ជនសង្ស័យកំពុងត្រូវឃុំខ្លួននៅអធិការដ្ឋាននគរបាលខណ្ឌនៅថ្ងៃនេះ បន្ទាប់ពីការសាកសួររបស់តុលាការនៅពេលព្រឹក"។
លោក ង៉ូវ ឌីណា អ្នកកាន់កាមេរ៉ាថតឲ្យទូរទស្សន៍ហង្សមាស ដែលស្ថិតក្នុងចំណោមអ្នកដែលដាក់ពាក្យប្ដឹងនិយាយថា ខ្លួនបានឃើញលោក មឿន សារ៉ាមិទ្ធ វាយអ្នកយកព័ត៌មាន និងឆក់យកកាមេរ៉ារបស់ពួកគេ ហើយគិតថា គាត់គឺជាអ្នកដែលគេទូរស័ព្ទហៅឲ្យមកជួយអន្តរាគមន៍អ្នកដែលពាក់ព័ន្ធក្នុងគ្រោះថ្នាក់ចរាចរណ៍នេះ។
គាត់បាននិយាយទៀតថា "ខ្ញុំបានឃើញគាត់អង្គុយក្នុងរថយន្តផ្នែកខាងក្រោយជាមួយនារីពីរនាក់ រួមមានទាំង ឱក សុមាវត្តី ផង ហើយបន្ទាប់មកខ្ញុំឃើញគាត់ជាមនុស្សដំបូងគេដែលបង្កបញ្ហាជាមួយក្រុមអ្នកយកព័ត៌មាន ហើយព្យាយាមឆក់យកកាមេរ៉ារបស់យើង។ យើងឃើញបុរសសក់វែងនោះវាយអ្នកយកព័ត៌មាន។ ខ្ញុំបានប្រាប់គាត់ថា យើងជាអ្នកកាសែត ប៉ុន្តែគាត់មិនស្ដាប់ទេ"។
លោក ង៉ូវ ឌីណា បានលើកឡើងថា លោក មឿន សារ៉ាមិទ្ធ មិនមែនជាអ្នកបាញ់ទេ ប៉ុន្តែគាត់ពាក់ព័ន្ធសកម្មនៅក្នុងការប្រវាយប្រតប់គ្នានោះ។ លោកបានបន្តថា "បើគាត់មិននៅខាងក្រុមធ្វើខុសទេ នៅពេលគាត់ឃើញគ្រោះថ្នាក់ ហេតុអ្វីគាត់មកជួយបុរសទាំងនោះ?”។ លោក ស្រា៊ង ប៊ុណ្ណារ៉ា នាយរងប៉ុស្តិ៍សង្កាត់ស្រះចក បានមានប្រសាសន៍ថា សមត្ថកិច្ចកំពុងតាមស្វែងរកមនុស្ស១០នាក់ទៀត ដែលជាប់ពាក់ព័ន្ធក្នុងករណីនេះដើម្បីមកធ្វើការសាកសួរ៕ សុខុម
អតីតអ្នកវិភាគនយោបាយឯករាជ្យលើកសរសើរចៅហ្វាយថ្មីរបស់ខ្លួន
នៅពេលថ្លែងជាសាធារណៈជាលើកដំបូងក្នុងនាមជាទីប្រឹក្សារបស់លោក កឹម សុខា អនុប្រធានគណបក្សសង្គ្រោះជាតិ លោក ឡៅ ម៉ុងហៃ អ្នកវិភាគនយោបាយឯករាជ្យជាយូរមកហើយបានប្រាប់អ្នកភូមិអំឡុងពិធីជួបសំណេះសំណាលមួយ ដែលរៀបចំឡើងដោយគណបក្សប្រឆាំងកាលពីចុងសប្ដាហ៍ថា...
កាលពីម្សិលមិញ អង្គការឃ្លាំមើលសិទ្ធិមនុស្សបានជំរុញឲ្យរដ្ឋាភិបាលលើកលែងការចោទប្រកាន់ពីការធ្វើកុបកម្មលើសកម្មជនគណបក្សប្រឆាំងមួយក្រុម ដែលគ្រោងបន្តបើកសវនាការជំនុំជម្រះនៅថ្ងៃព្រហស្បតិ៍ ពីបទជាប់ពាក់ព័ន្ធក្នុងការតវ៉ាប្រឆាំងនឹងការបិទទីលានប្រជាធិបតេយ្យក្នុងរាជធានីភ្នំពេញ ដែលបានប្រែក្លាយជាហិង្សា។
សកម្មជនទាំងនោះត្រូវបានសាលាដំបូងរាជធានីភ្នំពេញ ធ្វើការចោទប្រកាន់ពីបទដឹកនាំ ឬចូលរួមក្នុងកុបកម្ម បន្ទាប់ពីការតវ៉ាកាលពីថ្ងៃទី១៥ ខែកក្កដា នៅទីលានប្រជាធិបតេយ្យ...
អ្នកកាសែតត្រូវគេដណ្តើមយកកាមេរ៉ានិងបាញ់ពេលចុះយកព័ត៌មានគ្រោះថ្នាក់ចរាចរណ៍មួយកន្លែង
អ្នកកាសែតមួយក្រុមដែលសម្រុកទៅកាន់កន្លែងគ្រោះថ្នាក់រថយន្តក្នុងខណ្ឌដូនពេញកាលពីព្រឹកថ្ងៃច័ន្ទបាននិយាយថា ពួកគេទទួលរងការវាយដំនិងបាញ់ដោយមនុស្សមួយក្រុមដែលពាក់ព័ន្ធក្នុងគ្រោះថ្នាក់នោះ ហើយបានកញ្ឆក់យកកាមេរ៉ាវីដេអូ និងទូរស័ព្ទស្មាតហ្វូនរបស់ខ្លួន។
មេប៉ុស្តិ៍សង្កាត់ស្រះចក លោក កាន់ វណ្ណៈ បាននិយាយថា រថយន្តហុងដា...
នួន ជា អះអាងថា រកឃើញសាក្សីខ្មែរក្រហមដ៏សំខាន់ដែលមិនទាន់ប្រើ
ក្រុមមេធាវីការពារក្តីតំណាងឲ្យ នួន ជា និយាយថា ខ្លួនបានរកឃើញសាក្សីមិនដែលបានសម្ភាសម្នាក់ឈ្មោះ រស់ ញឹម ជាលេខាភូមិភាគពាយព្យដ៏មានអំណាចនៃរបបកម្ពុជា ប្រជាធិបតេយ្យដែលត្រូវបានបណ្តេញចេញពីជួរបក្សនៅក្នុងឆ្នាំ១៩៧៨។
ក្រុមមេធាវីនេះនិយាយថា...
តំណាងរាស្ត្រគណបក្សសង្គ្រោះជាតិទៅសួរសុខទុក្ខអ្នកទោសដែលធ្វើកូដកម្មបង្អត់អាហារ
លោកស្រី មូរ សុខហួរ តំណាងរាស្ត្រគណបក្សប្រឆាំងបានមានប្រសាសន៍ថា សកម្មជនប្រឆាំងការបណ្ដេញចេញចំនួន១០នាក់ ដែលត្រូវតុលាការកាត់ឲ្យជាប់ទោស និងដែលកំពុងធ្វើកូដកម្មបង្អត់អាហារនៅពន្ធនាគារព្រៃស ក្នុងរាជធានីភ្នំពេញ មានស្ថានភាពសុខភាពខ្សោយអំឡុងពេលលោកស្រីចុះទៅសួរសុខទុក្ខពួកគេកាលពីរសៀលម្សិលមិញ។...
នគរបាលបាននិយាយថា បុរសអាយុ៣២ឆ្នាំម្នាក់បានស្លាប់កាលពីរំលងអធ្រាត្រឈានចូលព្រឹកម្សិលមិញ នៅពេលម៉ូតូរបស់ខ្លួនត្រូវរថយន្តតូយ៉ូតាឡង់គ្រីស័រ ដែលបើកបរក្នុងល្បឿនយ៉ាងលឿនបុក ហើយអ្នកបើកបររថយន្តបានរត់គេចខ្លួនបន្ទាប់ពីអូសម៉ូតូក្រោមរថយន្តចម្ងាយប្រហែល១គីឡូម៉ែត្រ។
យោងតាមលោក សេង ចាន់ថន នាយរងនគរបាលចរាចររាជធានីបានឲ្យដឹងថា...
ក្រុមហ៊ុន Toll Group លក់ភាគហ៊ុនផ្លូវដែកទាំងអស់ឲ្យទៅក្រុមហ៊ុន Royal Group
ក្រុមហ៊ុនភ័ស្តុភារ Toll Group របស់ប្រទេសអូស្ត្រាលី បានប្រកាសកាលពីម្សិលមិញថា ខ្លួនបានលក់ភាគហ៊ុនទាំង៥៥ភាគរយរបស់ខ្លួននៅក្នុងគម្រោងផ្លូវដែកនៅកម្ពុជា ឲ្យទៅក្រុមហ៊ុន Royal Group ដែលជាដៃគូវិនិយោគរួមគ្នារបស់ខ្លួនក្នុងចំនួនទឹកប្រាក់មិនបង្ហើបឲ្យដឹង...
កាលពីម្សិលមិញ សាលាដំបូងរាជធានីភ្នំពេញបានបើកសវនាការជំនុំជម្រះរឿងក្តីបុរសបីនាក់ពីបទសម្លាប់ពាណិជ្ជករជនជាតិចិនម្នាក់ដ៏ឃោរឃៅ ដែលត្រូវបានគេប្រទះឃើញស្លាប់កាលពីថ្ងៃទី៣ ខែឧសភា នៅក្នុងរោងចក្រផលិតមួកតូចមួយ នៅក្នុងខណ្ឌពោធិ៍សែនជ័យ។
សយ ហួង អាយុ២៣ឆ្នាំ បានសារភាពនៅក្នុងតុលាការថា...
នគរបាលរឹបអូសឈើខុសច្បាប់ ហើយសង្ស័យលើមន្ត្រីរដ្ឋបាលព្រៃឈើម្នាក់
នគរបាលខេត្តស្ទឹងត្រែងបានរឹបអូសឈើខុសច្បាប់ពេញមួយរថយន្តកាលពីថ្ងៃអាទិត្យ ហើយកំពុងស៊ើបអង្កេតមន្ត្រីរដ្ឋបាលព្រៃឈើម្នាក់ដែលបានព្យាយាមមកយកឈើ្ររបស់ខ្លួនបន្ទាប់ពីការរឹបអូស។
លោក ផាត សុផាណា នាយនគរបាលព្រហ្មទណ្ឌប្រឆាំងបទល្មើសសេដ្ឋកិច្ចខេត្តបានមានប្រសាសន៍កាលពីម្សិលមិញថា មន្ត្រីរបស់លោកបានឃាត់រថយន្តនេះនៅប៉ុស្តិ៍ត្រួតពិនិត្យមួយតាមផ្លូវជាតិលេខ៧ ក្នុងក្រុងស្ទឹងត្រែងដើម្បីពិនិត្យរកអាជ្ញាប័ណ្ណដឹកឈើ។
លោកបានមានប្រសាសន៍ថា ប៉ុន្តែ បន្ទាប់ពីឃាត់រថយន្ត...