CATEGORY
ព័ត៌មានជាតិ
រដ្ឋាភិបាលទទួលយកការដាក់ពាក្យសុំបង្កើតគណបក្សពីក្រុមអ្នកប្រឆាំង
កាលពីម្សិលមិញ ក្រសួងមហាផ្ទៃបានទទួលយកការដាក់ពាក្យសុំបង្កើតគណបក្សនយោបាយថ្មីមួយ ដែលដាក់ជូនដោយមេដឹកនាំនិរទេសខ្លួននៃក្រុមប្រឆាំងមួយ ដែលលោកនាយករដ្ឋមន្ត្រី ហ៊ុន សែន ផ្ទាល់បានចាត់ទុកថា ជាអង្គការភេរវកម្ម។
ចលនាអំណាចពលរដ្ឋខ្មែរ ដែលត្រូវបានដឹកនាំពីសហរដ្ឋអាមេរិកដោយមានលោក...
គណបក្សប្រជាជនកម្ពុជានិយាយថា អាសនៈសភាចំនួន១២៣គឺគ្រប់គ្រាន់ហើយ
ឧបនាយករដ្ឋមន្ត្រី ប៊ិន ឈិន និងលោក គួយ ប៊ុនរឿន មន្ត្រីជាន់ខ្ពស់របស់គណបក្សប្រឆាំង បានមានប្រសាសន៍កាលពីម្សិលមិញថា ពេលនេះគណបក្សប្រជាជនកម្ពុជា...
យោងតាមទីប្រឹក្សាមួយរូបរបស់លោកនាយករដ្ឋមន្រ្តី ហ៊ុន សែន បានឲ្យដឹងថា កាលពីម្សិលមិញ លោកនាយករដ្ឋមន្ត្រី ហ៊ុន សែន បានត្រឡប់មកពីប្រទេសកូរ៉េខាងត្បូងវិញហើយ ដោយនាំមកជាមួយនូវការឯកភាពលើកិច្ចព្រមព្រៀងមួយចំនួនជាមួយកូរ៉េខាងត្បូង ក្នុងនោះរួមមានទាំងកិច្ចព្រមព្រៀងដែលមានបំណងបង្កើតសាកលវិទ្យាល័យកសិកម្មមួយនៅក្នុងប្រទេសកម្ពុជាក្រោមជំនួយពីប្រទេសកូរ៉េខាងត្បូងផងដែរ។
នៅពេលថ្លែងទៅកាន់អ្នកយកព័ត៌មាននៅអាកាសយានដ្ឋានអន្តរជាតិភ្នំពេញ ពេលលោក ហ៊ុន សែន ត្រឡប់មកវិញ លោក កៅ គឹមហួន រដ្ឋមន្ត្រីអមនាយករដ្ឋមន្ត្រី បានលើកឡើងថា លោកនាយករដ្ឋមន្ត្រីបានប្រើឱកាសនៃកិច្ចប្រជុំកំពូលអាស៊ាន-កូរ៉េខាងត្បូងដើម្បីស្នើឲ្យទីភ្នាក់ងារកិច្ចសហប្រតិបត្តិការអន្តរជាតិកូរ៉េ (Koica) ជួយផ្តល់មូលនិធិដើម្បីបង្កើតសាកលវិទ្យាល័យអភិវឌ្ឍន៍ជនបទថ្មីមួយ។
លោកបានមានប្រសាសន៍ថា "សំណើរបស់លោកនាយករដ្ឋមន្ត្រីគឺចង់ឲ្យមានការបង្កើតសាកលវិទ្យាល័យអភិវឌ្ឍន៍ជនបទមួយ តាមរយៈជំនួយពី Koica ។ លោកស្រីប្រធានាធិបតី បានមានប្រសាសន៍ថា លោកស្រីនឹងចាត់តាំងក្រុមការងារមួយក្រុមឲ្យមកធ្វើការជាមួយភាគីកម្ពុជារបស់យើង"។
លោក គឹមហួន ក៏បានលើកឡើងទៀតដែរថា លោក ហ៊ុន សែន ក៏បានស្នើឲ្យ Koica ជួយបង្កើតមជ្ឈមណ្ឌលផ្តល់វគ្គបណ្តុះបណ្តាលនៅកម្ពុជាផងដែរ។
លោកបានមានប្រសាសន៍ថា "លោកនាយករដ្ឋមន្ត្រីបានស្នើសុំជំនួយដើម្បីឲ្យមានការបង្កើតមជ្ឈមណ្ឌលបច្ចេកវិទ្យា និងផលិតភាពនៅកម្ពុជារួមមានទាំងមជ្ឈមណ្ឌលបណ្តុះបណ្តាលភាសាកូរ៉េ ដែលនឹងត្រូវស្នើសុំជំនួយតាមរយៈ Koica ផងដែរ"។
លោក គឹមហួន បានលើកឡើងបន្ថែមទៀតថា លោកនាយករដ្ឋមន្ត្រីបានស្នើដល់លោកស្រី Park ឲ្យផ្តល់ជំនួយទាំងនេះតាមរយៈកម្ចី និងកម្ចីគ្មានការប្រាក់។
លោកបានប្រាប់អ្នកយកព័ត៌មានថា"លោកនាយករដ្ឋមន្ត្រីបានស្នើឲ្យរដ្ឋាភិបាលកូរ៉េពិចារណាផ្តល់កម្ចី៤០ភាគរយតាមរយៈកញ្ចប់ហិរញ្ញវត្ថុមួយ"។
កាលពីខែមិថុនា កូរ៉េខាងត្បូងបានចុះហត្ថលេខាផ្តល់ជំនួយក្នុងទឹកប្រាក់២១លានដុល្លារដល់កម្ពុជា សម្រាប់ឆ្នាំ២០១៤ ក្នុងនោះរួមមាន៨លានដុល្លារសម្រាប់គម្រោងមួយ ដែលដើរតាម "ចលនាភូមិថ្មី" ហៅជាភាសាកូរ៉េថា Saemaul Undong ជាចលនាមួយដែលផ្តល់របៀបធ្វើកសិកម្មតាមប្រពៃណីកូរ៉េ។
ជំនួយ២,៥លានដុល្លារបន្ថែមទៀត គឺត្រូវបានផ្តល់សម្រាប់ការអភិវឌ្ឍផ្សារមូលបត្រកម្ពុជា ដែលក្នុងនោះមាន៤៥ភាគរយគ្រប់គ្រងដោយផ្សារមូលបត្រកូរ៉េខាងត្បូង។
អំឡុងសន្និសីទកាសែតកាលពីម្សិលមិញ លោក គឹមហួន បានលើកឡើងថា លោកនាយករដ្ឋមន្ត្រី ហ៊ុន សែន ក៏បានស្នើឲ្យលោកស្រី Park ពិចារណាបើកផ្លូវសម្រាប់ពលករខ្មែរចំណាកស្រុកឲ្យមានឱកាសទៅធ្វើការនៅប្រទេសកូរ៉េខាងត្បូងឲ្យបានកាន់តែច្រើន និងលើកកម្ពស់ពាណិជ្ជកម្មទ្វេភាគីដែលលោកលើកឡើងថា បានកើនឡើងពី៥៣៨លានដុល្លារក្នុងឆ្នាំ២០១១ ដល់៧៥០លានដុល្លារកាលពីឆ្នាំមុនផងដែរ។
លោកបានមានប្រសាសន៍ថា "គ្មានការកំណត់ចំនួននោះទេ ប៉ុន្តែ អ្វីដែលយើងចង់បាននោះគឺ ចង់ឲ្យពួកគេបង្កើនចំនួនពលករខ្មែរចំណាកស្រុក។ ឧទាហរណ៍ បច្ចុប្បន្នយើងមានពលករខ្មែរចំណាកស្រុកចំនួន៣៥.០០០នាក់ ហេតុដូច្នេះវាគួរតែអាចកើនឡើងដល់៤០.០០០នាក់ ឬ៤៥.០០០នាក់ ឬ៥០.០០០នាក់"។
យោងតាមលោក គឹមហួន ដែលបដិសេធមិននិយាយលម្អិតអំពីកិច្ចព្រមព្រៀងបានឲ្យដឹងបន្ថែមទៀតថា អំឡុងពេលនៅក្នុងទីក្រុងសេអ៊ូល លោកនាយករដ្ឋមន្ត្រី ហ៊ុន សែន ក៏បានធ្វើជាអធិបតីភាពចំពោះការចុះហត្ថលេខាលើអនុស្សរណៈនៃការយោគយល់គ្នាចំនួន៥រវាងប្រទេសទាំងពីរដែលរួមមានកិច្ចព្រមព្រៀងស្តីពីវិស័យអប់រំ សហគ្រិនវ័យក្មេង វិស័យសុខាភិបាល កម្មសិទ្ធិបញ្ជា និងវិស័យលក់រាយផងដែរ៕ ស៊ុយឈាង
ការខំប្រឹងប្រែងរបស់អង្គការសហប្រជាជាតិដើម្បីកំណត់ទីតាំងរបស់ក្រុមជនជាតិភាគតិចម៉ុងតាញ៉ា ដែលកំពុងលាក់ខ្លួននៅក្នុងខេត្តរតនគិរី ត្រូវបានអាក់ខានបន្តទៀតកាលពីម្សិលមិញ ដោយសារអភិបាលខេត្តមិនអាចជួបជាមួយគណៈប្រតិភូរបស់ខ្លួនសាជាថ្មី ពោលគឺបួនថ្ងៃ បន្ទាប់ពីអង្គការសហប្រជាជាតិបានធ្វើដំណើរទៅខេត្តដែលនៅភាគឦសានមួយនេះ។
ទោះបីជាគណៈប្រតិភូអង្គការសហប្រជាជាតិរំពឹងថា ខ្លួននឹងបានជួបជាមួយលោក ថោង សាវុន អភិបាលខេត្តរតនគិរី កាលពីម្សិលមិញក្តី តែលោកស្រី Wan-Hea Lee តំណាងប្រចាំប្រទេសរបស់ការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សបានលើកឡើងថា លោក ថោង សាវុន មិនបាននៅក្នុងខេត្តរតនគិរីទេ ថ្វីបើអភិបាលខេត្តរូបនេះបានជូនដំណឹងដល់អ្នកយកព័ត៌មានកាលពីថ្ងៃអាទិត្យថា លោកកំពុងធ្វើដំណើរមកកាន់ខេត្តេនះវិញក្តី។
លោកស្រី Lee បានលើកឡើងតាមរយៈអីុម៉ែលមួយកាលពីម្សិលមិញថា "ថ្ងៃេនះយើងត្រូវបានគេជូនដំណឹងមកថា លោកអភិបាលខេត្តរតនគិរីនឹងត្រឡប់មកខេត្តនេះវិញនៅថ្ងៃស្អែក។ យើងកំពុងរង់ចាំគាត់ ដើម្បីនាំក្រុមជនជាតិភាគតិចនេះទៅកន្លែងមានសុវត្ថិភាពឲ្យបានឆាប់តាមដែលអាចធ្វើទៅបាន ជាពិសេសអ្នកដែលគេប្រាប់មកថា កំពុងមានជំងឺនោះ"។
កាលពីថ្ងៃសុក្រសប្តាហ៍មុន អង្គការសហប្រជាជាតិត្រូវអាជ្ញាធរខេត្តប្រាប់ថា ពួកគេមិនអាចជួបជាមួយជនជាតិភាគតិចម៉ុងតាញ៉ាបានឡើយ រហូតទាល់តែលោក ថោង សារុន ត្រឡប់មកខេត្តរតនគិរីវិញសិន។
លោក លី វិន អភិបាលខេត្តនេះបានលើកឡើងថា លោក ថោង សាវុន បានត្រឡប់មកខេត្តរតនគិរីវិញហើយកាលពីម្សិលមិញ ហើយថា កិច្ចប្រជុំរវាងលោក និងអង្គការសហប្រជាជាតិត្រូវបានគ្រោងរៀបចំធ្វើឡើងនៅថ្ងៃនេះ។
លោក លី វិន បានមានប្រសាសន៍ថា "លោកអភិបាលខេត្តទើបតែត្រឡប់មកពីរាជធានីភ្នំពេញវិញនៅថ្ងៃរសៀលនេះ ហើយគាត់គ្រោងជួបជាមួយគណៈប្រតិភូអង្គការសហប្រជាជាតិនៅថ្ងៃនេះ"។ លោកបានបន្ថែមថា គណៈប្រតិភូអង្គការសហប្រជាជាតិអាចជួបជាមួយអ្នកស្វែងរកសិទ្ធិជ្រកកោន ឬមិនជួបនោះ គឺវានៅតែគ្មានការធានាឡើយ។
អ្នកភូមិជនជាតិភាគតិចម៉ុងតាញ៉ាចំនួន១៣នាក់ដែលសុទ្ធតែជាជនជាតិដើមភាគតិចចារ៉ាយនោះកំពុងលាក់ខ្លួននៅក្នុងព្រៃក្នុងស្រុកលំផាត់ អស់រយៈពេលប្រាំពីរសប្តាហ៍មកហើយ បន្ទាប់ពីគេចពីការផ្តន្ទាទោសក្នុងប្រទេសវៀតណាម។
ដំណើរចុងក្រោយមកកាន់ខេត្តរតនគិរីនេះ ត្រូវបានធ្វើឡើងបន្ទាប់ពីគណៈប្រតិភូអង្គការសហប្រជាជាតិបានត្រឡប់ទៅកាន់រាជធានីភ្នំពេញវិញកាលពី ថ្ងៃទី៥ ខែធ្នូ ក្រោយពេលព្យាយាមដោយមិនការអស់រយៈពេលបីថ្ងៃដើម្បីជួបជាមួយអ្នកស្វែងរកសិទ្ធិជ្រកកោនដោយអាជ្ញាធរមូលដ្ឋានបានទាមទារលិខិតអនុញ្ញាតពីក្រសួងមហាផ្ទៃជាមុនសិន។
អ្នកភូមិជនជាតិដើមភាគតិចចារ៉ាយម្នាក់ ដែលផ្តល់ស្បៀងអាហារ និងទឹកដល់ក្រុមជនជាតិភាគតិចម៉ុងតាញ៉ានេះបានឲ្យដឹងថា គាត់ជឿជាក់ថា អាជ្ញាធរមានបំណងពន្យារពេលការចរចាជាមួយអង្គការសហប្រជាជាតិ។
អ្នកភូមិរូបនេះដែលស្នើសុំលាក់អត្តសញ្ញាណ ដោយខ្លាចក្រែងមានការធ្វើទុក្ខបុកម្មេញនោះ បាននិយាយថា "ខ្ញុំគិតថា អាជ្ញាធរមិនចង់ជួបជាមួយអង្គការសហប្រជាជាតិនោះទេ ហេតុដូច្នេះហើយ បានជាពួកគេពន្យារពេលការជួបប្រជុំ ព្រោះពួកគេចង់ចាប់ខ្លួនជនភៀសខ្លួន ហើយបញ្ជូនពួកគេទៅប្រទេសវៀតណាមវិញ"។ លោកបានបន្ថែមថា នគរបាលមូលដ្ឋានត្រូវបានបញ្ជូនឲ្យទៅស្វែងរកកន្លែងលាក់ខ្លួននៅក្នុងព្រៃចំនួនបីកន្លែងរបស់ក្រុមជនជាតិភាគតិចម៉ុងតាញ៉ាកាលពីម្សិលមិញ៕ស៊ុយឈាង
កងរាជអាវុធហត្ថចុះបង្ក្រាបកន្លែងផលិត និងកន្លែងលក់កាវក្លែងក្លាយនៅខេត្តស្ទឹងត្រែង
មន្ត្រីមួយរូបបានឲ្យដឹងកាលពីម្សិលមិញថា កាលពីសប្ដាហ៍មុន កងរាជអាវុធហត្ថនៅក្នុងក្រុងស្ទឹងត្រែង បានឆ្មក់ចូលផ្ទះចំនួនប្រាំបី និងតូបមួយចំនួនទៀតដែលជាកន្លែងផលិត និងលក់កាវក្លែងក្លាយ។
យោងតាមលោក ដួង វិចិត្រ ប្រធានមន្ទីរព័ត៌មាន...
ម្ដាយចុងសារភាពថា ខ្លួនបានវាយដំកូនចុងយ៉ាងព្រៃផ្សៃរហូតដល់ស្លាប់
នគរបាលបាននិយាយថា កាលពីម្សិលមិញស្ត្រីវ័យ២៧ឆ្នាំម្នាក់ បានសារភាពថា ខ្លួនបានវាយដំកូនប្រុសចុងអាយុ៦ឆ្នាំរបស់ខ្លួនយ៉ាងព្រៃផ្សៃនៅផ្ទះរបស់ខ្លួនក្នុងរាជធានីភ្នំពេញ រយៈពេលជាច្រើនថ្ងៃ អំឡុងសប្ដាហ៍មុនបណ្ដាលឲ្យកុមាររងគ្រោះស្លាប់ដោយសាររបួសក្នុងធ្ងន់ធ្ងរ។
ស្ត្រីជាម្ដាយចុងដែលមានឈ្មោះថា សេង ស្រីទីន ត្រូវបានចាប់ខ្លួនកាលពីថ្ងៃអាទិត្យ...
កាលពីម្សិលមិញ សាលាដំបូងរាជធានីភ្នំពេញបានបើកសវនាការជំនុំជម្រះរឿងក្ដីបុរសម្នាក់ ដែលជាប់ចោទពីសម្លាប់ក្មេងស្រីអាយុ១៣ឆ្នាំម្នាក់នៅក្នុងខណ្ឌពោធិ៍សែនជ័យ កាលពីឆ្នាំមុន ដើម្បីប្លន់យកក្រវិលមាសមួយគូតម្លៃប្រហែល៥៦ដុល្លារ។
ជនសង្ស័យឈ្មោះ ខុម បូរ៉ា អាយុ២៤ឆ្នាំ បដិសេធថា...
កូនប្រុសរបស់លោក ស៊ិន ស៊ីសាមុត នឹងទទួលបានសិទ្ធិជាម្ចាស់បទចម្រៀងរបស់ឪពុកលោក
កូនប្រុសរបស់អ្នកចម្រៀងសំឡេងមាស ស៊ិន ស៊ីសាមុត បាននិយាយកាលពីថ្ងៃសុក្រថា ក្រសួងពាណិជ្ជកម្មនឹងផ្តល់ឲ្យលោកនូវសិទ្ធិផ្តាច់មុខលើបទចម្រៀងមួយចំនួនក្នុងចំណោមបទចម្រៀងរបស់ឪពុកលោកនៅសប្តាហ៍ក្រោយ ហើយលោកបានអំពាវនាវឲ្យសាធារណជនផ្ញើឯកសារមកលោក ដើម្បីឲ្យលោកអាចធ្វើជាម្ចាស់លើឯកសារទាំងនោះ។
លោក ស៊ិន...
អង្គការ NGOs នៅក្រៅប្រទេសកម្ពុជាគាំទ្របណ្តឹងនៅតុលាការព្រហ្មទណ្ឌអន្តរជាតិ
អង្គការមិនមែនរដ្ឋាភិបាលចំនួន៤០ ដែលសុទ្ធតែនៅក្រៅប្រទេសកម្ពុជា បានចុះហត្ថលេខាលើលិខិតមួយដែលត្រូវបញ្ជូនទៅតុលាការព្រហ្មទណ្ឌអន្តរជាតិ ICC កាលពីថ្ងៃសុក្រ ដោយបានស្នើឲ្យបើកការស៊ើបអង្កេតបឋមលើបណ្តឹងកាលពីខែតុលា ដែលចោទ"អ្នកកាន់អំណាច" នៅប្រទេសខ្មែរ អំពីឧក្រិដ្ឋកម្មប្រឆាំងមនុស្សជាតិ។
កាលពីថ្ងៃទី៧ខែតុលា...
សកម្មជនយុវជនគណបក្សសង្គ្រោះជាតិមួយក្រុម ដែលត្រូវបានចាប់ខ្លួន និងត្រូវបានជាប់ពន្ធនាគារបន្ទាប់ពីការតវ៉ាដោយហិង្សាកាលពីថ្ងៃទី១៥ ខែកក្កដា នៅទីលានប្រជាធិបតេយ្យនោះ ត្រូវបានកោះហៅឲ្យទៅបង្ហាញខ្លួននៅសវនាការជំនុំជម្រះនៅសាលាដំបូងរាជធានីភ្នំពេញនៅថ្ងៃទី២៥ ខែធ្នូ នេះបើយោងតាមសម្តីមេធាវីម្នាក់ក្នុងចំណោមមេធាវីរបស់ពួកគេ។
លោក សម សុគង់...