CATEGORY
ព័ត៌មានជាតិ
របាយការណ៍បង្ហាញកង្វះស្តង់ដាសុវត្ថិភាពក្នុងឧស្សាហកម្មកាត់ដេរ
របាយការណ៍ថ្មីមួយអំពីគ្រោះថ្នាក់ក្នុងរោងចក្រកាត់ដេរ បានលើកឡើងអំពីការខ្វះបទប្បញ្ញត្តិដើម្បីបង្ការអគ្គិភ័យ ហើយនឹងកង្វះទាំងស្រុងនូវស្តង់ដាអគារ និងការខកខានរបស់អាជ្ញាធរក្នុងការធ្វើអធិការកិច្ចឲ្យបានហ្មត់ចត់។
របាយការណ៍ស្តីអំពីប្រវត្តិហានិភ័យផ្នែកអគ្គិភ័យនិងសុវត្ថិភាពជីវិតរៀបចំដោយអង្គការពលកម្មអន្តរជាតិ ជាសេចក្តីសង្ខេបដែលចេញកាលពីថ្ងៃអង្គារ ធ្វើឡើងបន្ទាប់ពីមានគ្រោះថ្នាក់ជាច្រើននៅរោងចក្រក្នុងប្រទេសកម្ពុជា ក្នុងនោះមានអគ្គិភ័យមួយនៅរោងចក្រកាត់ដេរឆាង សេង ក្រុងភ្នំពេញ...
ពលករចំណាកស្រុកនៅប្រទេសថៃអាចប្រឈមនឹងការបណ្តេញចេញ
យោងតាមក្រុមមួយដែលត្រួតពិនិត្យការធ្វើចំណាកស្រុកក្នុងតំបន់បានឲ្យដឹងថា មានពលករខ្មែរចំណាកស្រុកចុះបញ្ជីជិត៧០០.០០០នាក់សព្វថ្ងៃកំពុងធ្វើការនៅប្រទេសថៃ ប៉ុន្តែពួកគេរាប់ពាន់នាក់អាចប្រឈមនឹងការបណ្តេញចេញ បន្ទាប់ពីប័ណ្ណការងារបណ្តោះអាសន្នរបស់ពួកគេផុតកំណុតនៅខែមីនា។
បណ្តាញចំណាកស្រុកមេគង្គ (MMN) បានចេញរបាយការណ៍ស្វែងរកការពិតមួយកាលពីថ្ងៃអង្គារដែលពិនិត្យរំហូរពលករខ្មែរចំណាកស្រុកពីប្រទេសថៃកាលពីខែមិថុនា។
លោកស្រី រេកូ ហារីម៉ា អ្នកសម្របសម្រួលប្រចាំតំបន់របស់បណ្តាញចំណាកស្រុកមេគង្គ...
សកម្មជនទិវាសិទ្ធិមនុស្សប្រឈមនឹងឧបសគ្គចូលក្រុង
សកម្មជននិងព្រះសង្ឃដែលកំពុងហែក្បួនមកពីទូទាំងប្រទេសចូលក្រុងភ្នំពេញ ដើម្បីអបអរទិវាសិទ្ធិមនុស្សនៅថ្ងៃពុធនេះ បានជួបនឹងការបិទផ្លូវ និងប៉ូលិសប្រដាប់អាវុធនៅជាយក្រុងកាលពីព្រឹកថ្ងៃអង្គារ និងបានចរចាបើកផ្លូវទៅវត្ត ដែលពួកគេចង់ស្នាក់នៅ។
អ្នកហែក្បួនមួយក្រុមប្រហែល៧០នាក់ដែលធ្វើដំណើរតាមបណ្តោយផ្លូវជាតិលេខ២បានជួបនឹងការបិទផ្លូវដោយប៉ូលិសប្រហែល៣០នាក់ក្នុងខណ្ឌមានជ័យ នៅម៉ោងប្រហែល១១ព្រឹកថ្ងៃអង្គារ ដែលនៅទីនោះពួកគាត់ត្រូវបានរារាំងមិនឲ្យឆ្លងកាត់អស់រយៈពេលប្រហែលមួយម៉ោង។
ប៉ុន្តែពេលទាក់ទងបានកាលពីថ្ងៃអង្គារ អធិការប៉ូលិសខណ្ឌស្តីទីលោក...
កំណត់ហេតុបញ្ជាក់ថាមិនឃើញការចូលសម្រាករបស់បុរសម្នាក់ពីមណ្ឌលសង្គមកិច្ចព្រៃស្ពឺ
បុគ្គលិកនៅមន្ទីរពេទ្យបង្អែករាជធានីភ្នំពេញបានលើកឡើងកាលពីម្សិលមិញថា ពួកគេមិនមានរបាយការណ៍អំពីការមកសម្រាកព្យាបាលកាលពីពេលថ្មីៗនេះរបស់បុរសម្នាក់ ដែលបានស្លាប់កាលពីចុងខែមុននៅមជ្ឈមណ្ឌលសង្គមកិច្ចព្រៃស្ពឺឡើយ ដោយច្រានចោលការអះរបស់មន្ត្រីក្រុងម្នាក់។
យោងតាមអង្គការសិទ្ធិមនុស្សលីកាដូបានឲ្យដឹងថា ទាំងការឆែកមើលឯកសារដោយប្រធានរដ្ឋបាលនៅមន្ទីរពេទ្យនេះ និងការពិនិត្យមើកការកត់ត្រាប្រចាំថ្ងៃរបស់មន្ទីរពេទ្យសម្រាប់ខែវិច្ឆិកា មិនមានភ័ស្តុតាងថា លោក សូ ភា ដែលបានមកសម្រាកព្យាបាលដោយដោយសារសុខភាពមិនល្អនៅមជ្ឈមណ្ឌលព្រៃស្ពឺកាលពីថ្ងៃទី២ ខែវិច្ឆិកា ហើយបានស្លាប់នៅទៅនោះកាលពីថ្ងៃទី២៦ ខែវិច្ឆិកា មកទីនោះឡើយ។
កាលពីថ្ងៃអាទិត្យអង្គការឃ្លាំមើលសិទ្ធិមនុស្ស និងអង្គការលីកាដូបានចេញសេចក្តីថ្លែងការណ៍មួយចោទប្រកាន់មជ្ឈមណ្ឌលសង្គមកិច្ចព្រៃស្ពឺថា មិនបានថែទាំលោក សូ ភា ឲ្យបានត្រឹមត្រូវ។
អង្គការសិទ្ធិមនុស្សនេះបានអំពាវនាវដដែលៗយូរមកហើយដល់រដ្ឋាភិបាលឲ្យបិទមជ្ឈមណ្ឌលនេះ និងមជ្ឈមណ្ឌលផ្សេងៗទៀតដូចនេះនៅទូទាំងប្រទេស ដែលជាកន្លែងឃំុខ្លួនបណ្តោះអាសន្ន និងក្រៅប្រព័ន្ធតុលាការដល់ជនអនាថា ស្ត្រីរកស៊ីផ្លូវភេទ និងអ្នកញៀនថ្នាំជាដើម។ អតីតអ្នកជាប់ឃុំបានរៀបរាប់ពីស្ថានភាពមិនល្អទាំងនោះ ហើយបាននិយាយថា មជ្ឈមណ្ឌលនេះពោរពេញដោយការរំលោភបំពានលើរាងកាយ។
អង្គការសិទ្ធិមនុស្សមិនអាចកំណត់មូលហេតុនៃការស្លាប់របស់លោក សូ ភា បានឡើយ ពីព្រោះសាកសពរបស់លោកត្រូវបានបូជានៅវត្តមួយក្បែរមជ្ឈមណ្ឌលនេះរួចហើយ ហើយមិនដែលធ្វើកោសល្យវិច័យឡើយ។
ឆ្លើយតបទៅនឹងការអះអាងរបស់អង្គការសិទ្ធិមនុស្សនៅថ្ងៃដដែលដែលអង្គការនេះបានចេញសេចក្តីថ្លែងការណ៍នោះ លោក សន សុផល ប្រធានមន្ទីរសង្គមកិច្ចរាជធានីភ្នំពេញបានមានប្រសាសន៍ថា លោក សូ ភា ត្រូវបានបញ្ជូនទៅមន្ទីរពេទ្យបង្អែករាជធានីអំឡុងពេលគាត់ស្នាក់នៅមជ្ឈមណ្ឌលនេះយ៉ាងតិចក៏ពីរលើកដែរ។ លោកបានមានប្រសាសន៍នៅពេលនោះថា "យើងបានបញ្ជូនគាត់ទៅព្យាបាលនៅមន្ទីរពេទ្យ ប៉ុន្តែ គាត់បានស្លាប់ដោយសារគាត់មានជំងឺធ្ងន់ធ្ងរ"។
អង្គការលីកាដូបានលើកឡើងថា បុគ្គលិកនៅមជ្ឈមណ្ឌលនេះ និងសាក្សីមួយចំនួនទៀតដែលដឹងពីករណីនេះបានប្រាប់អ្នកសើុបអង្កេតថា លោក សូ ភា បានមកដល់មានរាងកាយស្គាំងស្គម មានជំងឺ និងមានស្នាមកន្ទួលលើដងខ្លួន ហើយគ្មានមូលហេតុណាអនុញ្ញាតឲ្យគាត់ចេញពីកន្លែងនេះឡើយ។
អង្គការនេះលើកឡើងថា សន្តិសុខម្នាក់បានប្រាប់ក្រុមអ្នកសើុបអង្កេតថា ពួកគេមិនអាចនាំបុរសនេះទៅកាន់មន្ទីរពេទ្យបានទេ ពីព្រោះពួកគេ "ជាប់រវល់ខ្លាំងណាស់"។
កាលពីម្សិលមិញ បុគ្គលិកម្នាក់នៅមន្ទីរពេទ្យបង្អែករាជធានីបានផ្តល់ព័ត៌មានពីការលើកឡើងរបស់អង្គការលីកាដូ។ មន្ទីរពេទ្យនេះដែលជាអគារដ៏ចំណាស់ស្ថិតនៅតាមផ្លូវលេខ៦៩១ខាងជើងពហុកីឡាដ្ឋានជាតិអូឡាំពិកនោះ មិនមានរបាយការណ៍អេឡិចត្រូនិកអំពីអ្នកជំងឺឡើយ។
ប៉ុន្តែ លោក ចាន់ សុខជា ប្រធានរដ្ឋបាលបានមានប្រសាសន៍ថា លោកឆែករកមើលឯកសាររបស់មន្ទីរពេទ្យនេះរកមើលអ្នកជំងឺឈ្មោះ សូ ភា សម្រាប់ខែវិច្ឆិកា តែរកមិនឃើញឡើយ។ លោកបានមានប្រសាសន៍ថា "ខ្ញុំគិតថា គាត់មិនបានមកទីនេះទេ។ ប្រសិនបើគាត់មកទីនេះ គាត់នឹងមានឈ្មោះក្នុងបញ្ជីហើយ"។
សៀវភៅកត់ត្រាឈ្មោះអ្នកជំងឺថ្មីទាំងអស់រៀងរាល់ថ្ងៃរបស់មន្ទីរពេទ្យចាប់ពីថ្ងៃទី៥ ខែវិច្ឆិកា ដល់ថ្ងៃទី៣០ខែវិច្ឆិកា ដែលអ្នកយកព័ត៌មានបានពិនិត្យមើលមិនឃើញមានឈ្មោះលោក សូ ភា ឡើយ។
នៅពេលត្រូវបានទាក់ទងកាលពីម្សិលមិញ លោក សុផល ប្រធានមន្ទីរសង្គមកិច្ចបានអះអាងជាថ្មីម្តងទៀតថា បុរសរូបនេះត្រូវបានអនុញ្ញាតឲ្យចេញពីមជ្ឈមណ្ឌលសង្គមកិច្ចព្រៃស្ពឺដើម្បីព្យាបាលជំងឺ។...
បុរសបីនាក់ដែលជាប់ចោទពីបទឃុបឃិតជាមួយ “ភេរវករ” ច្រានចោលការចោទប្រកាន់
កាលពីម្សិលមិញ បុរសបីនាក់ដែលជាប់ចោទពីបទចូលរួមជាមួយលោក សួន សេរីរដ្ឋា អ្នកប្រឆាំងនៅបរទេស ក្នុងផែនការផ្ដួលរំលំរដ្ឋាភិបាលរបស់លោកនាយករដ្ឋមន្ត្រី ហ៊ុន សែន បានច្រានចោលការចោទប្រកាន់លើពួកគេអំឡុងសវនាការជំនុំជម្រះនៅសាលាដំបូងរាជធានីភ្នំពេញ។
លោក...
តុលាការសាកសួរសិស្សនាយនគរបាលម្នាក់ជុំវិញការសម្លាប់មិត្តស្រីរបស់ខ្លួន
សិស្សនាយនគរបាលអាយុ២៧ឆ្នាំម្នាក់ ដែលត្រូវបានចោទប្រកាន់ពីបទសម្លាប់មិត្តស្រីរបស់ខ្លួន មុនពេលយកសពនាងទៅទម្លាក់ចោលក្នុងទន្លេសាបនោះ ត្រូវបានសាលាដំបូងរាជធានីភ្នំពេញធ្វើការសាកសួរកាលពីម្សិលមិញ ដែលលោកបានតវ៉ាថា ខ្លួនគ្មានទោសទេ។
ហុង កាលីឌីន ត្រូវបានចាប់ខ្លួនរយៈពេលមួយសប្ដាហ៍ បន្ទាប់ពីសាកសព...
លោក ស ខេង រដ្ឋមន្ត្រីក្រសួងមហាផ្ទៃបានឲ្យដឹងកាលពីម្សិលមិញថា លោកនឹងព្យាយាមស្វែងរកដំណោះស្រាយជូនអ្នករត់ម៉ូតូឌុបដែលកំពុងតែត្អូញត្អែរអំពីច្បាប់ចរាចរណ៍ថ្មីដែលចែងថា ម៉ូតូមួយគ្រឿងអាចជិះបានតែមនុស្សពេញវ័យពីរនាក់ និងកូនក្មេងម្នាក់ប៉ុណ្ណោះ។
លោក ស ខេង បានលើកឡើងថា អ្នករត់ម៉ូតូឌុបមួយចំនួន និងអ្នករកស៊ីផ្សេងៗទៀតបានប្តឹងមកក្រសួងរបស់លោកថា ច្បាប់ថ្មីដែលត្រូវបានអនុម័តដោយសភាកាលពីថ្ងៃសុក្រ នឹងធ្វើឲ្យប្រាក់ចំណូលរបស់ពួកគេធ្លាក់ចុះ។
លោក ស ខេង បានមានប្រសាសន៍ថា "អ្នករត់ម៉ូតូឌុប ដែលប្រើម៉ូតូរបស់ខ្លួនដើម្បីជារបរចិញ្ចឹមជីវិត និងអ្នកផ្សេងៗមួយចំនួនទៀតបានតវ៉ាថា ច្បាប់ថ្មីនេះគួរតែបើកទូលាយជាងនេះ។ បើមិនដូច្នោះទេ គ្រួសាររបស់ពួកគេនឹងរងការលំបាក"។
នៅពេលថ្លែងទៅកាន់សិស្សានុសិស្សប្រហែល៣.០០០នាក់អំឡុងពិធីមួយស្តីពីសុវត្ថិភាពចរាចរណ៍នៅសាលាបឋមសិក្សាទួលស្វាយព្រៃក្នុងខណ្ឌចំការមនរាជធានីភ្នំពេញ លោក ស ខេង បានលើកឡើងថា លោកនឹងធ្វើការដើម្បីដោះស្រាយបញ្ហាទាំងនេះ។ លោកបានមានប្រសាសន៍បន្ថែមថា "យើងនឹងពិភាក្សាដើម្បីស្វែងរកដំណោះស្រាយ។ ប៉ុន្តែ នៅក្នុងដំណោះស្រាយនេះ យើងមិនត្រូវបានអនុញ្ញាតឲ្យធ្វើហួសព្រំដែនច្បាប់នោះទេ"។
លោក សុខ ថា អាយុ៥១ឆ្នាំជាអ្នករត់ម៉ូតូឌុបម្នាក់ដែលកំពុងចាំម៉ូយកាលពីម្សិលមិញ តាមបណ្តោយផ្លូវលេខ៥១ បានលើកឡើងថា ច្បាប់ថ្មីនេះមិនគ្រាន់តែប៉ះពាល់ដល់ប្រាក់ចំណូលរបស់គាត់នោះទេ ប៉ុន្តែ ថែមទាំងប៉ះពាល់ដល់ការចំណាយរបស់អ្នកធ្វើដំណើរផងដែរ។
លោក សុខ ថា បាននិយាយថា "ឧទាហរណ៍ ប្រសិនបើមនុស្សពីរនាក់ជិះម៉ូតូឌុបតែមួយគ្រឿង ពួកគាត់ចំណាយត្រឹមតែ៧.០០០រៀលប៉ុណ្ណោះ ប៉ុន្តែ ប្រសិនបើពួកគាត់ជិះម៉ូតូឌុបចំនួនពីរគ្រឿងពួកគាត់នឹងចំណាយ១០.០០០រៀល"។
យោងតាមលោក ស ខេង បានឲ្យដឹងទៀតថា មានគ្រោះថ្នាក់ចរាចរណ៍សរុបចំនួន៤.៨៤០ករណីគិតពីដើមឆ្នាំ រហូតដល់ខែវិច្ឆិកាឆ្នាំ២០១៤នេះ ពោលគឺវាបានកើនឡើង១២ភាគរយបើប្រៀបធៀបទៅនឹងឆ្នាំមុន ហើយវាបណ្តាលឲ្យមនុស្សស្លាប់ចំនួន២.១៤៨នាក់។
លោកស្រី Michelle Yeoh ជាតារាសម្តែងម្នាក់ និងជាឯកអគ្គរដ្ឋទូតសុច្ឆន្ទៈសុវត្ថិភាពផ្លូវគោករបស់មូលនិធិ Asia Injury Prevention Foundationដែលកាលពីម្សិលមិញ បានឧបត្ថម្ភមួកសុវត្ថិភាពដល់សិស្សានុសិស្សនៅសាលាបឋមសិក្សានេះបានសង្កត់ធ្ងន់ពីសារៈសំខាន់នៃការពាក់មួកសុវត្ថិភាពពេលបើកបរ។
លោកស្រី Yeoh បានប្រាប់សិស្សានុសិស្សដែលកំពុងលើកមួកសុវត្ថិភាពថា "នេះគឺជាអាវុធដើម្បីប្រយុទ្ធនឹងសត្រូវនៅលើផ្លូវថ្នល់។ នៅពេលអ្នកធ្វើដំណើរ ហើយពាក់មួកសុវត្ថិភាព ចូរចងចាំថាអ្នកនឹងមានសន្តិភាព និងជ័យជម្នះ"៕ស៊ុយឈាង
សហជីពអះអាងថា រោងចក្របណ្តេញកម្មករដោយសារការធ្វើកូដកម្ម
សមាជិកសហជីពបានអះអាងថា កម្មករដែលកំពុងធ្វើកូដកម្មប្រហែល១.២០០នាក់នៅរោងចក្រកាត់ដេរ Now Corp ក្នុងខេត្តកណ្តាលត្រូវបានបណ្តេញចេញពីការងារនៅពេលពួកគេទៅបើកប្រាក់ខែរបស់ខ្លួនកាលពីម្សិលមិញ ប៉ុន្តែ រោងចក្រនេះបានច្រានចោលការអះអាងនេះដោយលើកឡើងថា កម្មករនៅតែត្រូវបានជួលឲ្យធ្វើការដដែល។
កម្មករដែលធ្វើការនៅរោងចក្រគ្រប់គ្រងដោយជនជាតិកូរ៉េ និងកម្ពុជាក្នុងស្រុកអង្គស្នួលដែលដឹកនាំដោយសម្ព័ន្ធសហជីពមិត្តភាពកម្មករ និងសម្ព័ន្ធសហជីពជាតិបាននាំគ្នាធ្វើកូដកម្មតាំងពីថ្ងៃទី១ ខែធ្នូមក។
អ្នកគ្រប់គ្រងនៅរោងចក្រនេះបានយល់ព្រមធ្វើតាមការទាមទារចំនួនប្រាំបីចំណុចក្នុងចំណោមការទាមទារចំនួន១២ចំណុច ប៉ុន្តែ បានបដិសេធមិនព្រមធ្វើតាមចំណុចដែលនៅសេសសល់នោះឡើយ រួមទាំងប្រាក់អាហារថ្ងៃត្រង់មួយដុល្លារផងដែរ។
លោក ហ្វា សាលី ប្រធានសម្ព័ន្ធសហជីពជាតិបានលើកឡើងថា រោងចក្របានបណ្តេញកម្មករដែលកំពុងធ្វើកូដកម្មប្រហែល១.២០០នាក់ចេញពីការងារ បន្ទាប់ពីបើកប្រាក់ខែចុងក្រោយឲ្យកម្មករសរុបចំនួន១.៨០០នាក់ ដែលធ្វើការនៅក្នុងរោងចក្រនេះ។ លោក ហ្វា សាលី បានមានប្រសាសន៍ថា "ថ្ងៃេនះរោងចក្របានយល់ព្រមបើកប្រាក់ខែសម្រាប់ខែវិច្ឆិកាឲ្យកម្មករ ហើយបន្ទាប់មកបានបណ្តេញពួកគាត់ចេញពីការងារ ព្រោះពួកគាត់កំពុងធ្វើកូដកម្មដើម្បីទាមទារអត្ថប្រយោជន៍ផ្សេងៗ"។ លោកបានបន្ថែមថា "រោងចក្រកំពុងរំលោភច្បាប់ការងារយ៉ាងខ្លាំង ព្រោះពួកគេបានបណ្តេញកម្មករដែលកំពុងធ្វើកូដកម្មចេញពីការងារដោយមិនផ្តល់ប្រាក់អតីតភាពការងារដល់ពួកគាត់"។
លោក ម៉េត វាសនា ជំនួយការប្រធានរដ្ឋបាលនៅរោងចក្រ Now Corp នេះបានច្រានចោលការអះអាងនេះដោយលើកឡើងថា កម្មករមិនបានបាត់បង់ការងាររបស់ខ្លួនឡើយ។ លោកបាននិយាយថា "ការចោទប្រកាន់របស់សហជីព និងកម្មករគឺមិនត្រឹមត្រូវទេ ព្រោះថៅកែរបស់យើងកំពុងពិចារណាអំពីការទាមទាររបស់ពួកគេនៅឡើយ។ បញ្ហានេះត្រូវសហជីព និងកម្មករបង្កឡើងដើម្បីធ្វើឲ្យរោងចក្រមានភាពច្របូកច្របល់"។ លោកបាននិយាយបន្ថែមថា "អ្នកគ្រប់គ្រងរបស់យើងគោរពច្បាប់។ យើងដឹងថាសហជីពកំពុងតែញុះញង់កម្មករឲ្យធ្វើការទាមទារ ដែលរោងចក្រមិនអាចទទួលយកបាន"។
ប៉ុន្តែ អ្នកស្រី ភួង លក្ខិណា អាយុ៣០ឆ្នាំជាកម្មការិនីម្នាក់ និងជាតំណាងសហព័ន្ធសហជីពមិត្តភាពកម្មករនៅរោងចក្រនេះបានលើកឡើងថា វាច្បាស់ហើយថា កម្មករដែលកំពុងធ្វើកូដកម្មពិតជាត្រូវបានបណ្តេញចេញពីរោងចក្រ Now...
រដ្ឋាភិបាលគ្រោងដំឡើងឧបករណ៍លួចស្តាប់យកការណ៍លើបណ្តាញទូរស័ព្ទ និងអិុនធឺណិត
មន្ត្រីក្រសួងមហាផ្ទៃមួយរូបបានបញ្ជាក់កាលពីម្សិលមិញថា រដ្ឋាភិបាលកំពុងមានគម្រោងដំឡើងឧបករណ៍លួចស្ដាប់សំឡេងលើបណ្ដាញរបស់ក្រុមហ៊ុនផ្ដល់សេវាទូរស័ព្ទចល័ត និងអុីនធើណិតទាំងអស់នៅទូទាំងប្រទេស ដោយធ្វើឲ្យមានក្តីបារម្ភចំពោះអធិការកិច្ចដែលក្រសួងមហាផ្ទៃ បានអនុវត្តដោយស្ងាត់ៗទៅលើបណ្ដាក្រុមហ៊ុនទូរគមនាគមន៍នៅក្នុងប្រទេសកាលពីខែតុលា។
លោក ឆៃ ស៊ីណារិទ្ធ ប្រធាននាយកដ្ឋានកណ្ដាលសន្តិសុខនៃក្រសួងមហាផ្ទៃ បានមានប្រសាសន៍ថា...
លោក យឹម សុវណ្ណ អ្នកនាំពាក្យគណបក្សសង្គ្រោះជាតិបានមានប្រសាសន៍កាលពីម្សិលមិញថា គណបក្សសង្គ្រោះជាតិបានជ្រើសរើសលោកស្រី គុណ លំអង អ្នកផ្តល់ហិរញ្ញវត្ថុដល់គណបក្សប្រឆាំងយូរមកហើយ ជាប្រធានក្រុមហ៊ុនឯកជនដែលបានបង្កើតឡើងកាលពីខែតុលាដើម្បីដំណើរការស្ថានីយទូរទស្សន៍ថ្មីរបស់ខ្លួន។
កាលពីចុងខែមុន ក្រសួងព័ត៌មានបានផ្តល់អាជ្ញាប័ណ្ណដល់ក្រុមហ៊ុន Cambodian Independent Media ដែលត្រូវបានចុះបញ្ជីដោយគណបក្សសង្គ្រោះជាតិកាលពីចុងខែតុលាដើម្បីដំណើរការស្ថានីយទូរទស្សន៍ ដែលមានទំនាក់ទំនងជាមួយគណបក្សប្រឆាំងលើកដំបូងក្នុងប្រទេសកម្ពុជា។
លោក យឹម សុវណ្ណ បានមានប្រសាសន៍កាលពីម្សិលមិញថា ឥឡូវនេះគណបក្សសង្គ្រោះជាតិកំពុងរៀបចំចាប់ផ្តើមដំណើរការនេះ ហើយថា លោកស្រី គុណ លំអង ដែលបានឈរឈ្មោះជាបេក្ខជនតំណាងរាស្ត្រមណ្ឌលតាកែវមិនទទួលបានជោគជ័យនៅការបោះឆ្នោតកាលពីឆ្នាំមុននេះ នឹងធ្វើជាប្រធានក្រុមប្រឹក្សានាយក។
លោកស្រី គុណ លំអង ដែលជាភរិយារបស់លោក ហុង សុខហួរ សមាជិកព្រឹទ្ធសភាគណបក្សសមរង្ស៊ី ដែរនោះបានមានប្រសាសន៍ថា ក្រុមហ៊ុន Cambodian Independent...