CATEGORY
ព័ត៌មានជាតិ
អ្នកនយោបាយអាមេរិកដើមកំណើតខ្មែរចូលរួមក្នុងការតវ៉ានៅពន្ធនាគារព្រៃស
បីសប្តាហ៍បន្ទាប់ពីបានក្លាយជាសមាជិកសភាអាមេរិកដើមកំណើតខ្មែរទី១ លោក ម៉ម រ៉ាឌី បានចូលរួមជាមួយអ្នកតវ៉ារាប់រយនាក់ក្នុងក្រុងភ្នំពេញកាលពីថ្ងៃអាទិត្យ ដើម្បីទាមទារឲ្យមានការដោះលែងសកម្មជន សមាជិកបក្សប្រឆាំង និងព្រះសង្ឃ១៧អង្គនិងនាក់ ពីពន្ធនាគារព្រៃស។
លោក...
ប្រឈមនឹងការកាត់ជំនួយ រដ្ឋាភិបាលបង្ខំចិត្តដឹកនាំការប្រយុទ្ធប្រឆាំងអេដស៍
ក្រុមមន្ត្រីនិងអ្នកជំនាញបាននិយាយថា ម្ចាស់ជំនួយសំខាន់ពីរដែលបានគាំទ្រការប្រយុទ្ធប្រឆាំងហ៊ីវ/អេដស៍ដោយជោគជ័យជាខ្លាំងនៅប្រទេសកម្ពុជា គ្រោងនឹងកាត់ជំនួយរបស់ខ្លួនជាច្រើន ជាការដាក់សម្ពាធលើរដ្ឋាភិបាលឲ្យបង្កើនការចំណាយផ្ទាល់របស់ខ្លួន។
យោងតាមលោក លី ពេញសុន អនុប្រធានមជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ...
កាលពីម្សិលមិញ លោក កឹម សុខា អនុប្រធានគណបក្សសង្គ្រោះជាតិបានគំរាមថា សមាជិកសភាទាំង៥៥រូបរបស់គណបក្សប្រឆាំងអាចធ្វើពហិការមិនចូលសភាជាថ្មីម្ដងទៀតប្រសិនបើគណបក្សប្រជាជនកម្ពុជាបន្តរារាំងដល់ការចរចាអំពីកំណែទម្រង់ការបោះឆ្នោត។
ថ្លែងនៅវេទិកាសាធារណៈមួយក្នុងក្រុងពោធិ៍សាត់ លោក កឹម សុខា...
ក្រុមមន្ត្រី និងអ្នកភូមិបានលើកឡើងកាលពីម្សិលមិញថា អាជ្ញាធរខេត្តពោធិ៍សាត់កាលពីថ្ងៃសៅរ៍ បានចាប់ខ្លួនស្ត្រីម្នាក់ដែលព្យាយាមរារាំងពួកគេមិនឲ្យឈូសបំផ្លាញផ្ទះរបស់គាត់ ហើយបន្ទាប់មកបានបន្តបំផ្លាញផ្ទះរបស់គាត់ និងផ្ទះអ្នកភូមិ១១គ្រួសារទៀតដែលជាប់ពាក់ព័ន្ធក្នុងវិវាទដីធ្លីមួយជាមួយក្រុមហ៊ុនរបស់ឧកញ៉ា ទ្រី ភាព ដែលរកស៊ីខាងឈើ...
នគរបាលបានឲ្យដឹងកាលពីម្សិលមិញថា ការស៊ើបអង្កេតរបស់នគរបាលអន្តោប្រវេសន៍រយៈពេលមួយឆ្នាំបានបញ្ចប់ដោយមានការចាប់ខ្លួនបុរសជនជាតិបង់ក្លាដែស១៧នាក់កាលពីថ្ងៃសៅរ៍ដែលបានសម្ងំលាក់ខ្លួននៅក្នុងរាជធានីភ្នំពេញ និងក្នុងក្រុងប៉ោយប៉ែតដើម្បីគេចពីការចោទប្រកាន់ពីបទជួញដូរមនុស្សនៅក្នុងប្រទេសកំណើតរបស់ខ្លួន។
យោងតាមលោក អ៊ុក ហៃសិលា ប្រធានផ្នែកស៊ើបអង្កេតនៅនាយកដ្ឋានអន្តោប្រវេសន៍ក្រសួងមហាផ្ទៃបានឲ្យដឹងថា អ្នករត់គេចខ្លួនបីនាក់ត្រូវបានចាប់ខ្លួននៅផ្ទះសំណាក់មួយក្នុងខណ្ឌឫស្សីកែវ រាជធានីភ្នំពេញនៅម៉ោង៣រសៀល ដែលបានបែកចេញពីកន្លែងបុរស១៤នាក់ទៀតស្នាក់នៅនោះក៏ជាប់ពាក់ព័ន្ធក្នុងក្រុមជួញដូរមនុស្សផងដែរ។
ឧត្តមសេនីយ៍ទោ ហៃសិលា បានមានប្រសាសន៍ថា "យើងបានធ្វើការស៊ើបអង្កេតករណីនេះកាលពីឆ្នាំមុន ចាប់តាំងពីយើងទទួលបានព័ត៌មានថាពួកគេជាប់ពាក់ព័ន្ធក្នុងការជួញដូរស្ត្រីពីប្រទេស ស្រីលង្កា និងបង់់ក្លាដែស ទៅប្រទេសឥណ្ឌា និងប្រទេសប៉ាគីស្ថាន"។
លោកបានបដិសេធមិននិយាយថា តើការចាប់ខ្លួននេះធ្វើឡើងតាមសំណើរបស់អាជ្ញាធរបង់ក្លាដែស ឬធ្វើអត្ថាធិប្បាយបន្ថែមអំពីការស៊ើបអង្កេតដែលឈានទៅរកការចាប់ខ្លួននេះឡើយ។
លោក ស៊ឹម សំអាត នាយនគរបាលអន្តោប្រវេសន៍នៅច្រកទ្វារអន្តរជាតិប៉ោយប៉ែត បានមានប្រសាសន៍ថា មន្ត្រីនគរបាលអន្តោប្រវេសន៍ប្រហែល៣០នាក់បានឆ្មក់ចូលក្រុងប៉ោយប៉ែតនៅម៉ោងប្រហែល៤និង៣០នាទីរសៀលថ្ងៃសៅរ៍ តាមការណែនាំរបស់ឧត្តមសេនីយ៍ សុខ ផល ប្រធាននាយកដ្ឋានអន្តោប្រវេសន៍។
លោក សំអាត បានមានប្រសាសន៍ថា "បន្ទាប់ពីខ្ញុំទទួលបានបទបញ្ជាពីឧត្តមសេនីយ៍ សុខ ផល...យើងបានចាប់ផ្តើមឆែកឆេរផ្ទះសំណាក់ទាំងអស់ក្នុងក្រុងប៉ោយប៉ែតដើម្បីស្វែងរកជនសង្ស័យទាំងនេះ"។ លោកបានមានប្រសាសន៍ថា ទីបំផុតយើងបានរកឃើញបុរសទាំងនេះនៅក្នុងបន្ទប់ផ្ទះសំណាក់៩៩៩ក្នុងក្រុងប៉ោយប៉ែត។ លោក សំអាត បានមានប្រសាសន៍ថា បុរសទាំងនេះអាយុខ្ទង់២០ឆ្នាំដល់៣០ឆ្នាំ ហើយមានលិខិតឆ្លងដែនមានសុពលភាព និងទិដ្ឋាការហួសសុពលភាព។
ឧត្តមសេនីយ៍ឯក ឃុន សំបូរ អនុប្រធាននាយកដ្ឋានអន្តោប្រវេសន៍បានមានប្រសាសន៍ថា ជោគវាសនារបស់បុរសទាំងនេះដែលត្រូវបានឃុំខ្លួននៅទីស្នាក់ការរបស់នាយកដ្ឋាននេះនៅក្នុងរាជធានីភ្នំពេញនោះ មិនទាន់សម្រេចនៅឡើយទេ។
ឧត្តមសេនីយ៍ឯក សំបូរ បានមានប្រសាសន៍ថា "យើងកំពុងពិនិត្យដើម្បីរកមើលថា តើមានសន្ធិសញ្ញាបត្យាប័នរវាងប្រទេសទាំងពីរឬយ៉ាងណា។ប៉ុន្តែពួកគេបានរស់នៅក្នុងប្រទេសរបស់យើងដោយខុសច្បាប់ ដូច្នេះយើងមានសិទ្ធិបញ្ជូនពួកគេទៅប្រទេសរបស់ខ្លួនវិញ"។ លោកបានមានប្រសាសន៍ថា "យើងមានការលំបាកក្នុងការសាកសួរពួកគេណាស់នៅថ្ងៃនេះ ពីព្រោះ ពួកគេមិនអាចនិយាយភាសាអង់គ្លេសបានទេ ដូច្នេះយើងត្រូវការអ្នកបកប្រែ"៕សារុន
រដ្ឋលេខាធិការក្រសួងទេសចរណ៍ម្នាក់លាលែងពីតំណែង បន្ទាប់ពីរងការរិះគន់
យោងតាមព្រះរាជក្រឹត្យបានឲ្យដឹងថា លោកស្រី សម មុន្នីកា រដ្ឋលេខាធិការក្រសួងទេសចរណ៍ ដែលរងការរិះគន់តាមបណ្ដាញទំនាក់ទំនងសង្គមប៉ុន្មានសប្ដាហ៍ថ្មីនេះ ដោយសារការទាមទារប្រាក់សំណងជំងឺចិត្តហួសហេតុចំពោះរបួសស្នាមបន្តិចបន្តួចអំឡុងគ្រោះថ្នាក់ចរាចរណ៍មួយបានលាលែងពីតំណែងកាលពីសប្ដាហ៍មុន។
ពេលទាក់ទងកាលពីម្សិលមិញ លោកស្រី មុន្នីកា...
យោងតាមច្បាប់ចម្លងនៃព្រះរាជក្រឹត្យមួយ ដែលទទួលបានកាលពីម្សិលមិញបានឲ្យដឹងថា លោក នរ៉ាណាឫទ្ធិ អានន្ទដាយ៉ាត ដែលលាលែងពីតំណែងជាលេខាផ្ទាល់របស់ព្រះអង្គម្ចាស់ នរោត្តម រណឫទ្ធិ កាលពីខែកញ្ញា...
ឧកញ៉ាលេចធ្លោម្នាក់ត្រូវបាញ់សម្លាប់ក្នុងហេតុការណ៍តាមបាញ់ប្រហារមួយ
យោងតាមនគរបាលបានឲ្យដឹងថា អ្នកជំនួញដ៏លេចធ្លោម្នាក់នៅក្នុងរាជធានីភ្នំពេញ បានស្លាប់បន្ទាប់ពីខ្មាន់កាំភ្លើងមិនស្គាល់អត្តសញ្ញាណម្នាក់បាញ់ត្រូវចំនួនប្រាំមួយគ្រាប់នៅខាងក្រៅហាងលក់ផ្លែឈើមួយក្នុងខណ្ឌចំមន កាលពីថ្ងៃសៅរ៍។
នគរបាលបានឲ្យដឹងថា លោកឧកញ៉ា អុឹង ម៉េងជឺ អាយុ៥៣ឆ្នាំ ម្ចាស់ក្រុមហ៊ុនផ្គត់ផ្គង់សម្ភារសំណង់ទើបតែចុះពីរថយន្តម៉ាក...
លោក ហ៊ុន សែន បកស្រាយចំពោះកិច្ចព្រមព្រៀងទទួលជនភៀសខ្លួនជាមួយអូស្ត្រាលី
ជាថ្មីម្ដងទៀត លោកនាយករដ្ឋមន្ត្រី ហ៊ុន សែន បាននិយាយការពារសេចក្ដីសម្រេចរបស់រដ្ឋាភិបាលក្នុងការតាំងទីលំនៅថ្មីដល់អ្នកស្វែងរកសិទ្ធិជ្រកកោន ដែលត្រូវបានស្ទាក់ចាប់ដោយអាជ្ញាធរអូស្ត្រាលី ហើយបានឃុំខ្លួននៅលើប្រទេសដែនកោះណូរូ នៅពេលនេះនៅក្នុងលិខិតមួយច្បាប់ផ្ញើជូនលោក ហេង...
វាមានរយៈពេលបួនឆ្នាំហើយគិតមកទល់ពេលនេះ ដែលជនរងគ្រោះចំនួន៣៥៣នាក់ ដែលភាគច្រើនជាបុរស និងស្ត្រីវ័យក្មេងបានស្លាប់នៅថ្ងៃផ្តាច់ព្រ័ត្រនៃពិធីបុណ្យអុំទូក ដោយសារការផ្អើលរត់ជាន់គ្នាលើស្ពានដ៏តូចចង្អៀតមួយឆ្លងទៅកោះពេជ្រ។
ខួបរំឭកហេតុការណ៍សោកនាដកម្មដែលរដ្ឋាភិបាលបាននិយាយថា ជាគ្រោះថ្នាក់បាត់បង់ជីវិតមនុស្សច្រើនបំផុតក្នុងពេលតែមួយចាប់តាំងពីរបបខ្មែរក្រហមដួលរលំមកនេះ ត្រូវបានប្រារព្ធឡើងកាលពីថ្ងៃសុក្រ ដោយមន្ត្រីគណបក្សសង្គ្រោះជាតិ ក្រុមគ្រួសារជនរងគ្រោះ និងព្រះសង្ឃដែលបានជួបជុំគ្នានៅស្តូបរំឭកវិញ្ញាណក្ខន្ធកោះពេជ្រដើម្បីធ្វើពិធីបង្សុកូលឧទ្ទិសដល់អ្នកស្លាប់។
ចំណែកឯសាលារាជធានីគ្រោងរៀបចំជាវិធីរំឭកវិញ្ញាណក្ខន្ធដាច់ដោយឡែកមួយនៅថ្ងៃសៅរ៍នេះ។
លោកស្រី មូរ សុខហួរ តំណាងរាស្ត្រគណបក្សសង្គ្រោះជាតិ ដែលបានចូលរួមក្នុងពិធីកាលពីថ្ងៃសុក្រ ជាមួយលោក សម រង្ស៊ី ប្រធានគណបក្សនេះ បានមានប្រសាសន៍បន្ទាប់ពីពិធីនេះថា "យើងបានឧទ្ទិសដល់ហេតុការណ៍សោកនាដកម្មនៃការរត់ជាន់លើបុរស ស្ត្រី និងកុមារជាង៣០០នាក់ ដែលបានបាត់បង់ជីវិត ជារឿងដែលយើងអាចទប់ស្កាត់បាន ហើយរហូតមកទល់ពេលនេះ ការសើុបអង្កេតមិនទាន់រកបានចម្លើយដែលយើងអាចទទួលយកបាននៅឡើយទេ"។
អាជ្ញាធរបានរងការចោទប្រកាន់ថាមានការធ្វេសប្រហែសក្រោយពីសោកនាដកម្មនេះចំពោះការមិនបានគ្រប់គ្រងហ្វូងមនុស្សយ៉ាងច្រើនកកកុញដែលនាំគ្នាសម្រុកទៅកោះពេជ្រនៅយប់នោះ។ ទោះជាយ៉ាងណា ការសើុបអង្កេតមួយដែលរដ្ឋាភិបាលចេញបញ្ជា បានរកឃើញថា ការរត់ជាន់គ្នានោះបង្កឡើងដោយការភ័យស្លន់ស្លោថា ស្ពានជិតបាក់ ហើយចាប់តាំងពីពេលនោះមកគ្មាននរណាម្នាក់ត្រូវបានចាប់ឲ្យទទួលខុសត្រូវចំពោះសោកនាដកម្មនោះឡើយ។
នៅទីបំផុត សាលារាជធានីបានវាយកម្ទេចស្ពាននោះចោល ហើយបានសាងសង់ស្ពានបេតុងដ៏រឹងមាំចំនួនពីរជំនួសស្ពានចាស់។ ប៉ុន្តែ ការព្យាយាមរបស់តំណាងរាស្ត្រគណបក្សប្រឆាំង ដើម្បីចាប់ផ្តើមធ្វើការសើុបអង្កេតឯករាជ្យជាលើកទី២ក្នុងបំណងស្វែងរកឫសគល់ដែលនាំឲ្យមានការរត់ជាន់គ្នានោះ ត្រូវបានគណបក្សកាន់អំណាចច្រានចោល។
អ្នកស្រី សោម សុភាព អាយុ៤៦ឆ្នាំដែលបានបាត់បង់ជីវិតកូនប្រុសអាយុ១៩ឆ្នាំឈ្មោះ ចាន់ សុវណ្ណរិទ្ធ នៅក្នុងហេតុការណ៍រត់ជាន់គ្នានោះ និងដែលមានគម្រោងចូលរួមពិធីនៅថ្ងៃនេះ បាននិយាយថា ចាប់តាំងពីទទួលបានសំណង១៤.០០០ដុល្លារ ចំពោះការបាត់បង់ជីវិតកូនប្រុសរួចមក អ្នកស្រីទទួលបានព័ត៌មានតិចតួចណាស់ពីអាជ្ញាធរ។
អ្នកស្រីនិយាយថា "ខ្ញុំបារម្ភថា ពួកគេនឹងបំភ្លេចវាចោល ហើយខ្ញុំចង់ឲ្យធ្វើពិធីនេះរហូត"។ អ្នកស្រីលើកឡើងទៀតថា រៀងរាល់ខែវិច្ឆិកា គឺជាពេលកើតទុក្ខក្រៀមក្រំសម្រាប់អ្នកស្រី ដោយសារតែអ្នកស្រីនឹកឃើញដល់កូនប្រុសច្បងរបស់ខ្លួន។ អ្នកស្រីបាននិយាយថា "ពេលខ្ញុំចេញពីធ្វើការត្រឡប់មកដល់ផ្ទះវិញ ហើយសម្លឹងទៅគ្រែ ខ្ញុំស្រមៃឃើញគេកំពុងអង្គុយរង់ចាំខ្ញុំ។ បើគេនៅរស់ គេនឹងមានអាយុជាង២០ឆ្នាំ ហើយប្រហែលជាមានសង្សារច្រើន ឬប្រហែលជាខ្ញុំមានកូនប្រសាផងក៏មិនដឹង"។
លោក ខាត់ ឆន អាយុ៥៣ឆ្នាំ ដែលកូនប្រុសវ័យ១២ឆ្នាំរបស់គាត់ឈ្មោះ ឆិល ឆាត បានស្លាប់ក្នុងហេតុការណ៍នោះ ក៏មានគម្រោងចូលរួមក្នុងពិធីនៅថ្ងៃនេះដែរ។ គាត់និយាយថា មានរបស់មួយចំនួនដែលធ្វើឲ្យគាត់ឈឺចាប់ពេលសម្លឹងមើលវា ហើយការសម្លឹងមើលក្មេងដទៃធំដឹងក្តី ធ្វើឲ្យគាត់នឹកឃើញដល់កូនប្រុសរបស់ខ្លួន។
គាត់បាននិយាយទៀតថា "ពេលខ្ញុំឃើញកង់របស់វា សៀវភៅរបស់វា និងអ្វីៗដែលកូនប្រុសរបស់ខ្ញុំធ្លាប់លេង ទឹកភ្នែករបស់ខ្ញុំក៏ស្រក់ចុះដោយមិនដឹងខ្លួន។ ខ្ញុំបានរក្សាទុកអ្វីគ្រប់យ៉ាងដែលជារបស់កូនប្រុសខ្ញុំ ខ្ញុំនឹងមិនលក់វាទេ"៕សុខុម (រាយការណ៍បន្ថែមដោយ Holly Robertson)