CATEGORY
ព័ត៌មានជាតិ
យោងតាមការចុះបញ្ជីនៅក្នុងផ្សារមូលបត្រអូស្ត្រាលីកាលពីចុងខែមុន ក្រុមហ៊ុនរុករករ៉ែរបស់អូស្ត្រាលីឈ្មោះ Renaissance Minerals បានចាប់ផ្តើមបន្តការរុករករ៉ែនៅតំបន់ស្រទាប់រ៉ែមាសអូរខ្វាវក្នុងខេត្តមណ្ឌលគិរី បន្ទាប់ពីប្រើប្រាស់ចំនួន៦លានដុល្លារដើម្បីធ្វើការសាកល្បងរុករករ៉ែមាសនៅតំបន់ដែលអាចមានរ៉ែមាសច្រើនមួយចំនួន។
ក្រុមហ៊ុន Renaissance Minerals ដែលទទួលបានសិទ្ធិ១០០ភាគរយក្នុងគម្រោងរុករករ៉ែមាសនៅលើទឹកដីកម្ពុជាក្នុងដីទំហំ១.១០០គឺឡូម៉ែត្រក្រឡាបានលើកឡើងថា វាគឺជាជំហានបន្ទាប់នៃការរុករករ៉ែ ដោយចាប់ផ្តើមនៅក្នុងកម្មវិធីជីកយករ៉ែដ៏សំខាន់មួយក្បែរតំបន់ស្រទាប់រ៉ែមាសអូរខ្វាវ ដែលអាចមានរ៉ែមាសប្រមាណប្រហែល១,២លានអោន។
លោក Justin Tremain នាយកគ្រប់គ្រងក្រុមហ៊ុន Renaissance Minerals បានលើកឡើងនៅក្នុងសេចក្តីថ្លែងការណ៍មួយថា "កម្មវិធីជីកយករ៉ែនេះ និងជាកម្មវិធីដ៏ធំបំផុតមិនដែលធ្លាប់មានឡើយរបស់ក្រុមហ៊ុន Renaissance...
ក្រុមសិទ្ធិមនុស្សទទួលរងការរំខានជាបន្តបន្ទាប់នៅក្នុងខេត្តឧត្តរមានជ័យ
បុគ្គលិកអង្គការមិនមែនរដ្ឋាភិបាលដែលសម្ភាសអ្នកដែលត្រូវគេបណ្តេញចេញក្នុងខេត្តឧត្តរមានជ័យបាននិយាយថា នគរបាលបានសណ្តោងយករថយន្តរបស់ខ្លួនដោយគ្មានមូលហេតុកាលពីថ្ងៃសៅរ៍ ហើយបានព្យាយាមដណ្តើមយកម៉ាស៊ីនថតមួយគ្រឿង ហើយនេះជាករណីលើកទី៣ហើយ ដែលអាជ្ញាធរក្នុងតំបន់នោះបានឆាឆៅបុគ្គលិកអង្គការនេះតាំងពីខែមុនមក។
បុគ្គលិកផ្នែកសិទ្ធិដីធ្លីរបស់អង្គការសមធម៌កម្ពុជាបានស្ថិតនៅឯការិយាល័យអង្គការសិទ្ធិមនុស្ស អាដហុក កាលពីថ្ងៃសៅរ៍ សម្ភាសន៍ប្រជាជនដែលចោទក្រុមហ៊ុនស្ករសអង្គររបស់ថៃ...
ប្រធានសហគមន៍ខ្មែរកម្ពុជាក្រោមដាក់ពាក្យបណ្ដឹងជុំវិញករណីគំរាមធ្វើឃាត
អ្នករៀបចំការតវ៉ាប្រឆាំងជនជាតិវៀតណាមកាលពីសប្ដាហ៍មុន បានដាក់ពាក្យបណ្ដឹងកាលពីថ្ងៃសុក្រទៅក្រសួងមហាផ្ទៃជុំវិញការគំរាមធ្វើឃាតជាច្រើន ដែលលោកទទួលបានអំឡុងការតវ៉ាទាំងនោះ។
រយៈពេលប្រាំថ្ងៃចាប់ពីថ្ងៃទី៦ ខែតុលាទៅ ក្រុមអ្នកតវ៉ាបានហែក្បួនក្នុងរាជធានីភ្នំពេញឆ្ពោះទៅស្ថានទូតវៀតណាម និងដុតទង់ជាតិវៀតណាម ហើយបច្ចុប្បន្នកំពុងទាមទារឲ្យស្ថានទូតនេះសូមអភ័យទោសចំពោះការអត្ថាធិប្បាយរបស់លោក ត្រាន វ៉ាន់ថុង...
យោងតាមរបាយការណ៍ដែលចេញដោយអាជ្ញាធរអប្សរាកាលពីម្សិលមិញបានឲ្យដឹងថា អាជ្ញាធរអប្សរា និងនគរបាលមូលដ្ឋានកំពុងស្វែងរកភ្ញៀវទេសចរម្នាក់មកពីប្រទេសនូវែលសេឡង់ ដែលជាប់ចោទថា បានវាយបំបែករូបព្រះពុទ្ធបដិមាមួយអង្គនៅក្នុងប្រាសាទបាយ័ននៅឧទ្យានបុរាណវត្ថុអង្គរកាលពីសប្ដាហ៍មុន។
យោងតាមរបាយការណ៍ដដែលនោះបានឲ្យដឹងថា ភ្ញៀវទេសចរនោះឈ្មោះ Willemijn Vermaat អាយុ៤០ឆ្នាំ បានបាត់ខ្លួននៅក្នុងប្រាសាទបាយ័នកាលពីល្ងាចថ្ងៃព្រហស្បតិ៍ ហើយអ្នករត់រ៉ឺម៉កម៉ូតូកង់បីដឹកគាត់បានសុំឲ្យនគរបាលទេសចរជួយស្វែងរករូបគាត់។
ពួកគេបានលើកគ្នាដើររក ប៉ុន្តែមិនអាចរកគាត់ឃើញឡើយរហូតដល់ព្រឹកព្រលឹមថ្ងៃសុក្រទើបបុគ្គលិកជួសជុលប្រាសាទបានឃើញរូបគាត់ ហើយនគរបាលបានឃាត់ខ្លួនគាត់ដើម្បីធ្វើការសាកសួរ។
ដោយសារហេតុផលមិនច្បាស់លាស់ នគរបាលបានដោះលែងអ្នកស្រី Vermaat នៅល្ងាចថ្ងៃសុក្រ ប៉ុន្តែភ្លាមៗបន្ទាប់មកគេឃើញ ព្រះពុទ្ធបដិមានៅក្នុងប្រាសាទ ដែលគេរកឃើញស្រ្តីនោះ បានបែកបាក់ជាច្រើនបំណែក។ របាយការណ៍នេះបន្តថា ប៉ុន្តែនៅពេលពួកគេស្វះស្វែងនាំស្ត្រីរូបនេះទៅកន្លែងឃុំខ្លួនវិញ គាត់បានចាកចេញពីប្រទេសបាត់ទៅហើយ។
របាយការណ៍ដដែលនេះបានឲ្យដឹងថា អាជ្ញាធរអប្សរាកំពុងសហការជាមួយនគរបាលការពារបេតិកភណ្ឌ និងនគរបាលទេសចរដើម្បីស្វែងរកឧក្រិដ្ឋជន ដែលបានបំផ្លាញព្រះពុទ្ធបដិមានេះយកមកផ្ដន្ទាទោសតាមច្បាប់"។
ព្រះពុទ្ធបដិមាដែលអ្នកស្រី Vermaat ត្រូវបានចោទប្រកាន់ថា បានបំផ្លាញនោះ កសាងតាំងពីរជ្ជកាលព្រះបាទជ័យវរ្ម័នទី៧ នៅចុងសតវត្សរ៍ទី១២មកម្លេ៉ះ។ ព្រះពុទ្ធបដិមាអង្គនេះ ត្រូវបានវាយបំបែកជាច្រើនបំណែករួចមកហើយនៅពេលត្រូវបានរកឃើញដំបូង ប៉ុន្តែត្រូវបានជួសជុលឡើងវិញនៅឆ្នាំ១៩៨៨ ហើយយកមកដាក់តាំងនៅប្រាសាទបាយ័ន។
លោក ម៉ាន់ ឈឿន នាយនគរបាលការពារបេតិកភណ្ឌខេត្តបានទទួលស្គាល់ថា អ្វីដែលបានកើតឡើងនៅក្នុងប្រាសាទនេះកាលពីយប់ថ្ងៃព្រហស្បតិ៍មិនច្បាស់លាស់ឡើយ ហើយថា គ្មានភ័ស្តុតាងផ្ទាល់ដើម្បីបង្ហាញថា អ្នកស្រី Vermaat ទទួលខុសត្រូវចំពោះការបំផ្លាញព្រះពុទ្ធបដិមានេះឡើយ។
លោកបានមានប្រសាសន៍ថា " យើងមិនមានភ័ស្តុតាងដើម្បីបង្ហាញថា ស្ត្រីរូបនេះបានបំផ្លាញព្រះពុទ្ធបដិមានេះឡើយ ពីព្រោះយើងមិនបានឃើញផ្ទាល់ភ្នែកឡើយ ប៉ុន្តែយើងសង្ស័យថា ស្ត្រីរូបនេះបានធ្វើវា ពីព្រោះគាត់បាននៅទីនោះ"។
លោក ម៉ាន់ ឈឿន បានមានប្រសាសន៍ថា លោកឧបនាយករដ្ឋមន្ត្រី សុខ អាន ប្រធានអាជ្ញាធរអប្សរានឹងជួបប្រជុំជាមួយមន្ត្រីនូវែលសេឡង់ ដើម្បីពិភាក្សាអំពីហេតុការណ៍នេះ។
អាជ្ញាធរអប្សរាបានបិទប្រាសាទបាយ័នមិនឲ្យភ្ញៀវទេសចរចូលទស្សនាជាបណ្ដោះអាសន្ន ហើយបានដឹកបំណែកព្រះពុទ្ធបដិមានោះទៅសារមន្ទីរព្រះនរោត្តម ស៊ីហនុ-អង្គរ ដើម្បីធ្វើការសិក្សា និងជួសជុល។ អ្នកស្រី Vermaat...
នគរបាលបាននិយាយកាលពីម្សិលមិញថា ខ្លួនបានដោះលែងបុរសពីរនាក់ដែលជាប់ពាក់ព័ន្ធនឹងការគប់គ្រាប់បែកនៅក្នុងខណ្ឌសែនសុខ រាជធានីភ្នំពេញកាលពីយប់ថ្ងៃព្រហស្បតិ៍ដែលបានបណ្តាលឲ្យក្មេងប្រុសអាយុ១១ឆ្នាំម្នាក់ស្លាប់ និងមនុស្សប្រាំនាក់ទៀតរងរបួស។
លោក ស៊ន ស៊ីន អាយុ៥៦ឆ្នាំ ជាអ្នកគួកជេដីបានបរិភោគអាហារពេលល្ងាចជាមួយកូនៗមិនមិត្តភក្តិរបស់គាត់នៅទីធ្លាមុខផ្ទះក្នុងសង្កាត់ឃ្មួញនៅម៉ោងប្រហែល៧យប់ ថ្ងៃព្រហស្បតិ៍ ស្រាប់តែបុរសពីរនាក់បានជិះម៉ូតូកាត់ផ្ទះនោះ បានបានគប់គ្រាប់បែកមួយគ្រាប់សំដៅពួកគាត់តែម្តង។
ក្មេងប្រុស ស៊ីន ដារ៉ា អាយុ១១ឆ្នាំ ត្រូវជាកូនរបស់លោក ស៊ីន បានស្លាប់នៅមន្ទីរពេទ្យគន្ធបុប្ផានៅយប់ថ្ងៃនោះដោយសាររងរបួសធ្ងន់ធ្ងរនៅក្នុងហេតុការណ៍នោះ។ មនុស្សប្រាំនាក់ទៀតបានរងរបួសនៅក្នុងការផ្ទុះគ្រាប់បែកនោះដែររួមមាន លោក ស៊ីន ដែលកំពុងសម្រាកព្យាបាលនៅមន្ទីរពេទ្យនៅឡើយ។
កាលពីយប់ថ្ងៃព្រហស្បតិ៍ នគរបាលខណ្ឌបានចាប់ខ្លួនជនសង្ស័យពីរនាក់ដែលគេឃើញជិះម៉ូតូមានពណ៌ដូចគ្នានឹងម៉ូតូដែលសាក្សីបានរៀបរាប់ប្រាប់។
កាលពីម្សិលមិញ លោក សួង ម៉ុក ចៅសង្កាត់បានកំណត់អត្តសញ្ញាណបុរសទាំងពីរនាក់នោះដែលមានឈ្មោះដូចគ្នា ប៉ុន្តែមិនជាប់ទាក់ទងគ្នាទេ គឺឈ្មោះ ម៉ុល ម៉ៅ អាយុ២៦ឆ្នាំ និង ម៉ុល ម៉ៅ អាយុ២៩ឆ្នាំ។
លោក ម៉ុក បានមានប្រសាសន៍ថា " បុរសទាំងពីរនាក់នេះត្រូវបានចាប់ខ្លួនខណៈពេលកំពុងជិះម៉ូតូពីកន្លែងធ្វើការមកផ្ទះរបស់ខ្លួនវិញ"។
លោកបានមានប្រសាសន៍ថា " នគរបាលបានឃាត់ខ្លួនពួកគេដោយសារពួកគេជិះម៉ូតូដូចគ្នា ប៉ុន្តែចម្លើយរបស់បុរសទាំងពីរនាក់នេះនៅពេលត្រូវបានសួរបង្ហាញថា ពួកគេមិនមែនជាជនដៃដល់ទេ"។ លោកបានបន្ថែមថា បុរសទាំងពីរនាក់នេះត្រូវបានដោះលែងវិញកាលពីយប់ថ្ងៃសុក្រ។
លោក ម៉ុក បានមានប្រសាសន៍ថា ខណៈដែលសាក្សីបានរៀបរាប់ពីភិនភាគម៉ូតូរបស់ជនដៃដល់ថា គ្មានស្លាកលេខនោះ គឺបើកបរដោយឈ្មោះ ម៉ុល ម៉ៅ ដែលមានអាយុច្រើន។
លោក ជួន ណារិន ស្នងការរងនគរបាលរាជធានីបានមានប្រសាសន៍កាលពីថ្ងៃសុក្រថា លោកជឿថា ការគប់គ្រាប់បែកនេះគឺជាការសងសឹក។ ឧត្តមសេនីយ៍ត្រី ជួន ណារិន មិនអាចទាក់ទងបានទេកាលពីម្សិលមិញ។
លោក ញៀន ណន នាយប៉ុស្តិ៍សង្កាត់ឃ្មួញបានមានប្រសាសន៍កាលពីម្សិលមិញថា ទាំងនគរបាលសង្កាត់ និងនគរបាលខណ្ឌមិនបានកំណត់អត្តសញ្ញាណជនសង្ស័យថ្មីណាមួយឡើយ។ លោកបានមានប្រសាសន៍ថា " នៅពេលយើងដឹងថា ពួកគេជានរណា យើងនឹងចាប់ខ្លួនពួកគេ ប៉ុន្តែយើងមិនទាន់បានកំណត់អត្តសញ្ញាណពួកគេនៅឡើយទេ"។
ដោយរៀបរាប់តាមទូរស័ព្ទពីមន្ទីរពេទ្យកាលពីម្សិលមិញ លោក ស៊ីន បាននិយាយថា នគរបាលសង្កាត់បានបង្ហាញរូបថតបុរសឈ្មោះ ម៉ៅ ទាំងពីរនាក់នេះដល់រូបគាត់។
លោកបាននិយាយថា "ពួកគេមិនមែនជាជនដៃដល់ទេ ពីព្រោះនៅថ្ងៃនៃការគប់គ្រាប់បែកនោះ ខ្ញុំបានឃើញជនដៃដល់ច្បាស់ ហើយវាមិនមែនជាពួកគេទេនៅក្នុងរូបថតនេះ"។ លោកបានបន្ថែមថា លោកមិនដឹងថា តើមូលហេតុអ្វីបានជាលោកគឺជាគោលដៅនៅក្នុងការវាយប្រហារនោះឡើយ។ លោកបាននិយាយថា " ខ្ញុំមិនដែលមានជម្លោះជាមួយអ្នកផ្សេងទេ ហើយខ្ញុំក៏មិនដែលបានធ្វើអ្វីខុសដែរ"៕សារុន
នគរបាលបានឲ្យដឹងកាលពីម្សិលមិញថា បុរសពីរនាក់បានស្លាប់ និងម្នាក់ទៀតបាក់ជើងទាំងពីរកាលពីថ្ងៃសុក្រ នៅពេលរថយន្តវ៉ែនរបស់ពួកគេដែលដឹកឈើមានតម្លៃបានក្រឡាប់ ខណៈដែលបានព្យាយាមបើកគេចពីប៉ុស្តិ៍ត្រួតពិនិត្យរបស់នគរបាលតាមផ្លូវជាតិលេខ៧ក្្នុងខេត្តក្រចេះ។
យោងតាមលោក យឿន ផាន នាយរងនគរបាលចរាចរស្រុកបានឲ្យដឹងថា រថយន្តវ៉ែនម៉ាក...
កម្មករកាត់ដេររាប់ពាន់នាក់ហែក្បួនទាមទារដំឡើងប្រាក់ខែគោល
កម្មករកាត់ដេរជាង១.០០០នាក់បានជួបជុំគ្នា និងហែក្បួននៅក្នុងរាជធានីភ្នំពេញកាលពីម្សិលមិញ ដើម្បីទាមទារ " ប្រាក់ឈ្នួលសមរម្យ" ពីរោងចក្ររបស់ពួកគេ ហើយនេះគឺជាការហែក្បួនធំបំផុតក្នុងវិស័យកាត់ដេរចាប់តាំងពីកងរាជអាវុធហត្ថបានបង្ក្រាបបង្ហូរឈាមលើបាតុកម្មទាមទារដំឡើងប្រាក់ខែគោលកាលពីខែមករាមក។
បុគ្គលិកអង្គការសិទ្ធិមនុស្សម្នាក់បាននិយាយកាលពីម្សិលមិញថា ទាហានថៃបានបាញ់ និងធ្វើឲ្យអ្នកកាប់ឈើខុសច្បាប់យ៉ាងតិចបួននាក់រងរបួសធ្ងន់ ដែលបានឆ្លងចូលទឹកដីថៃពីស្រុកត្រពាំងប្រាសាទ ខេត្តឧត្តរមានជ័យ កាលពីសប្ដាហ៍មុន។
យោងតាមលោក ស្រី ណារិន អ្នកឃ្លាំមើលនៅអង្គការសិទ្ធិមនុស្សអាដហុកប្រចាំខេត្តឧត្តរមានជ័យ...
អ្នកកាសែតស៊ើបអង្កេតការកាប់ឈើខុសច្បាប់ត្រូវគេបាញ់សម្លាប់
ក្រុមមន្ត្រីបាននិយាយថា អ្នកកាសែតអាយុ៤៩ឆ្នាំម្នាក់ដែលតាមសេចក្តីរាយការណ៍ថាកំពុងស៊ើបអង្កេតការកាប់ឈើខុសច្បាប់ក្នុងខេត្តក្រចេះនោះ ត្រូវបានគេបាញ់សម្លាប់កាលពីរំលងអធ្រាត្រឈានចូលថ្ងៃអាទិត្យ។ តែក្នុងពេលប៉ុន្មានម៉ោងប៉ុណ្ណោះ នគរបាលបានចាប់ខ្លួនបុរស៣នាក់ មានមេប៉ុស្តិ៍ឃុំម្នាក់ មន្ត្រីរាជអាវុធហត្ថម្នាក់ និងទាហានម្នាក់។
យោងតាមលោក សុខ...
ការទៅរកសេវាប្រឹក្សាជំងឺផ្លូវចិត្តទៀងទាត់អាចជួយព្យាបាលរបួសផ្លូវចិត្តបាន
កែនសុធារី អាយុ២០ឆ្នាំបានដឹងយ៉ាងច្រើនអំពីគ្រោះថ្នាក់ដ៏ធ្ងន់ធ្ងរនៃជំងឺផ្លូវចិត្ត។សុធារីគឺជានិស្សិតឆ្នាំទី២ផ្នែកចិត្តវិទ្យានៅសាកលវិទ្យាល័យភូមិន្ទភ្នំពេញហើយបានសិក្សាមុខវិជ្ជាបញ្ហាសុខភាពផ្លូវចិត្តដែលជាផ្នែកមួយនៃមុខវិជ្ជាដទៃទៀតប៉ុន្តែនាងខ្លួនឯងផ្ទាល់ក៏មានជំងឺធ្លាក់ទឹកចិត្តដែរ។
នាងបាននិយាយកាលពីថ្ងៃសុក្រថា " ខ្ញុំមានបញ្ហាដោយសារតែសម្ពាធពីការសិក្សាប៉ុន្តែវាមិនដល់ថ្នាក់ធ្វើឲ្យខ្ញុំចង់ធ្វើអត្តឃាតដូចអ្នកផ្សេងៗទៀតនោះទេ"។ជាមួយនឹងនិស្សិតមិនទាន់បញ្ចប់ការសិក្សារាប់រយនាក់ផ្សេងទៀតសុធារី បានចូលរួមទិវាសុខភាពផ្លូវចិត្តយុវជនលើកទី២នៅក្នុងបរិវេណសាកលវិទ្យាល័យភូមិន្ទភ្នំពេញ។ទិវានេះមានគោលបំណងលុបបំបាត់របួសផ្លូវចិត្តដែលកើតឡើងយ៉ាងច្រើននៅក្នុងសង្គមកម្ពុជា។
លោកស្រីសេក ស៊ីសុខុមប្រធានដេបា៉តឺម៉ង់ចិត្តវិទ្យានៅសាកលវិទ្យាល័យភូមិន្ទភ្នំពេញនេះបានឲ្យដឹងថាមនុស្សជាច្រើនតែងតែវាយតម្លៃចំពោះអ្នកផ្សេងៗទៀតដែលស្វែងរកជំនួយដើម្បីដោះស្រាយការកៀបសង្កត់ផ្នែកផ្លូវចិត្តនិងជំងឺផ្លូវចិត្តផ្សេងៗទៀតរបស់ខ្លួន។
លោកស្រីបានមានប្រសាសន៍ថា " នៅពេលពួកគេមានបញ្ហាសុខភាពផ្លូវចិត្តពួកគេមិនហ៊ានទៅរកសេវាប្រឹក្សានោះទេព្រោះពួកគេខ្លាចក្រែងថាអ្នកផ្សេងៗទៀតហៅខ្លួនថាឆ្កួត"។
លោកស្រីបានលើកឡើងទៀតថាភាពក្រីក្រ ភាពគ្មានការងារធ្វើនិងការទទួលបន្ទុកក្នុងការផ្គត់ផ្គង់គ្រួសាររបស់ខ្លួនបូករួមទាំងការងាយស្រួលក្នុងការចាប់យកគ្រឿងញៀននិងគ្រឿងស្រវឹងផងនោះបានធ្វើឲ្យយុវជនខ្មែរងាយរងហានិភ័យនៃបញ្ហាសុខភាពផ្លូវចិត្ត។
ហើយទំហំនៃបញ្ហានេះគឺកើតមានយ៉ាងច្រើននៅក្នុងសង្គមកម្ពុជា។ការសិក្សាមួយធ្វើឡើងដោយសាកលវិទ្យាល័យភូមិន្ទភ្នំពេញកាលពីឆ្នាំ២០១២បង្ហាញថាអត្រាធ្វើអត្តឃាតនៅក្នុងប្រទេសកម្ពុជាមាន៤២,៥ភាគរយក្នុងចំណោមមនុស្ស១០០.០០០នាក់គឺខ្ពស់ជាងឆ្ងាយណាស់ពីអត្រាជាមធ្យមនៅទូទាំងពិភពលោកដែលមានត្រឹមតែ១៦ភាគរយ។
លោកស្រី...