CATEGORY
ព័ត៌មានជាតិ
លោក ហ៊ុន សែន ប្រជែងជាមួយលោក សុខ អាន នៅពិធីប្រណាំងទូកនៅឆ្នាំនេះ
កាលពីម្សិលមិញ លោកនាយករដ្ឋមន្ត្រី ហ៊ុន សែន បានប្រជែងជាមួយលោកនាយករដ្ឋមន្ត្រី សុខ អាន ឲ្យយកទូកលឿនបំផុតរបស់លោកសម្រាប់ធ្វើការប្រណាំងនៅថ្ងៃទី១ នៃពិធីបុណ្យអុំទូកនៅខែក្រោយនេះ។
ថ្លែងទៅកាន់និស្សិតសាកលវិទ្យាល័យឯកទេសនៃកម្ពុជាជាង៦.០០០នាក់...
សន្តិសុខរោងចក្រវាយដំកម្មករខណៈពេលពួកគេធ្វើការតវ៉ា
ជនរងគ្រោះ និងនគរបាលបានលើកឡើងកាលពីម្សិលមិញថា កម្មករម្នាក់នៅរោងចក្រកាត់ដេរដែលកាន់កាប់ដោយជនជាតិចិនក្នុងខណ្ឌដង្កោ រាជធានីភ្នំពេញ ត្រូវបានសន្តិសុខក្រុមហ៊ុនវាយដំកាលពីថ្ងៃពុធ ខណៈពេលកំពុងតវ៉ានៅខាងក្រៅរោងចក្រ។
មឿន ប្រុស អាយុ១៩ឆ្នាំបាននិយាយថា គាត់បានរងរបួសក្បាលបន្ទាប់ពីសន្តិសុខបួននាក់ដែលធ្វើការនៅរោងចក្រកាត់ដេរ...
កាលពីម្សិលមិញ លោកនាយករដ្ឋមន្ត្រី ហ៊ុន សែន បានលើកឡើងថា មន្ត្រីរាជការដែលទទួលបានប្រាក់ខែទាបជាង៨០០.០០០រៀល ក្នុងមួយខែ នឹងមិនជាប់ពន្ធបៀវត្សរ៍ឡើយ ពោលគឺគ្រាន់តែប៉ុន្មានថ្ងៃប៉ុណ្ណោះបន្ទាប់ពីក្រសួងសេដ្ឋកិច្ចនិងហិរញ្ញវត្ថុបានផ្ញើសារខុសគ្នាដាច់ស្រឡះមួយដល់កម្មកររោងចក្រកាត់ដេរនៅក្នុងប្រទេសកម្ពុជា។
លោកនាយករដ្ឋមន្ត្រី ហ៊ុន សែន បានមានប្រសាសន៍ក្នុងពិធីប្រគល់សញ្ញាបត្រនៅកោះពេជ្រថា " មន្ត្រីរាជការណាដែលទទួលបានប្រាក់បៀវត្សរ៍ក្រោម៨០០.០០០រៀលនឹងមិនជាប់ពន្ធបៀវត្សរ៍នោះទេ។ពាក់ព័ន្ធនឹងបញ្ហានេះ រដ្ឋនឹងផ្តល់ឧបត្ថម្ភធន ហើយនឹងខាតបង់ប្រាក់ចំណូលចំនួន១០លានដុល្លារ ប៉ុន្តែ វាគ្រាន់តែជាចំនួនតិចតួចប៉ុណ្ណោះ"។
សេចក្តីប្រកាសរបស់លោកនាយករដ្ឋមន្ត្រីត្រូវបានធ្វើឡើងប្រហែលជាមួយសប្តាហ៍ បន្ទាប់ពីលោក គង់ វិបុល អគ្គនាយកនៃអគ្គនាយកដ្ឋានពន្ធដារនៅក្រសួងសេដ្ឋកិច្ច និងហិរញ្ញវត្ថុ បានប្រាប់មេដឹកនាំសហជីពថា សមាជិករបស់ខ្លួន ដែលនឹងត្រូវដំឡើងប្រាក់ខែគោលដល់១០០ដុល្លារក្នុងខែមករា គួរតែត្រៀមខ្លួនបង់ពន្ធបៀវត្សរ៍ចំនួន៥ភាគរយប្រសិនបើទីបំផុតពួកគេទទួលបានប្រាក់ខែគោលលើសពី៥០០.០០០រៀល ក្នុងមួយខែ។
លោក វិបុល បានដកស្រង់ចេញពីច្បាប់ពន្ធដារឆ្នាំ១៩៩៧ ដែលតម្រូវឲ្យបុគ្គលិកមានប្រាក់ខែលើសពី៥០០.០០០រៀលបង់ពន្ធប្រាក់បៀវត្សរ៍របស់ខ្លួន។
លោក រស់ ភារុណ អ្នកនាំពាក្យក្រសួងសេដ្ឋកិច្ច និងហិរញ្ញវត្ថុមិនអាចទាក់ទងសុំការធ្វើអត្ថាធិប្បាយបានទេកាលពីម្សិលមិញ។
លោក ជា មុនី ប្រធានសហជីពសេរីកម្មករបានព្រមានថា សហជីពរបស់លោកនឹងធ្វើការតវ៉ា ប្រសិនបើរដ្ឋាភិបាលមិនយកពន្ធបៀវត្សរ៍ស្មើភាពគ្នាទេនោះ។
លោកបានមានប្រសាសន៍ថា "វាមិនត្រឹមត្រូវនោះទេ ព្រោះមន្ត្រីរាជការមានថ្ងៃឈប់សម្រាកច្រើនជាងបុគ្គលិកក្រុមហ៊ុន និងកម្មករ។ ខ្ញុំកំពុងរង់ចាំ និងអង្កេតមើលថា តើមន្ត្រីរាជការដែលទទួលបានប្រាក់ខែ៥០០.០០០រៀលចាំបាច់បង់ពន្ធបៀវត្សរ៍ ឬមិនបង់"៕ស៊ុយឈាង
លោក ថោង ខុន រដ្ឋមន្ត្រីក្រសួងទេសចរណ៍បានឲ្យដឹងកាលពីថ្ងៃពុធថា ភ្ញៀវទេសចរជនជាតិកូរ៉េ និងជប៉ុនកំពុងបង្វែរគោលដៅរបស់ខ្លួនពីសណ្ឋាគារក្នុងក្រុងសៀមរាប ដោយសារតែការកក់បន្ទប់ពីសំណាក់ភ្ញៀវទេសចរជនជាតិចិនមានការកើនឡើង។
ថ្លែងនៅក្នុងពិធីតាំងពិព័រណ៍ចំនួនបីថ្ងៃរបស់ក្រសួងទេសចរណ៍នៅកោះពេជ្រកាលពីថ្ងៃពុធ លោក ថោង ខុន បានអំពាវនាវឲ្យវិនិយោគិនសាងសង់សណ្ឋាគារបន្ថែមទៀតក្នុងក្រុងសៀមរាប ដើម្បីផ្តល់កន្លែងស្នាក់នៅឲ្យបានគ្រប់គ្រាន់ដល់ភ្ញៀវទេសចរជនជាតិជប៉ុន និងកូរ៉េ ដែលជារឿយៗតែងតែកក់បន្ទប់ជាក្រុមៗ ហើយលំបាកក្នុងការស្វែងរកកន្លែងស្នាក់នៅអំឡុងរដូវដែលសម្បូរទៅដោយភ្ញៀវទេសចរ។
លោក ថោង ខុន បានមានប្រសាសន៍ថា "នៅក្នុងវេទិកាក្នុងពេលថ្មីនេះក្នុងប្រទេសកូរ៉េ និងជប៉ុន ក្រុមហ៊ុនទេសចរណ៍ជប៉ុនបានលើកឡើងដោយចំៗថា ពួកគេមិនអាចកក់បន្ទប់សណ្ឋាគារក្នុងក្រុងសៀមរាបនៅរដូវដែលសម្បូរទៅដោយភ្ញៀវទេសចរបានឡើយ ព្រោះចំនួនភ្ញៀវទេសចរជនជាតិចិនមានការកើនឡើងយ៉ាងខ្លាំង"។
លោកបានមានប្រសាសន៍បន្តថា "ខ្ញុំចង់អំពាវនាវឲ្យវិនិយោគិនទាំងអស់ផ្តោតការចាប់អារម្មណ៍ឲ្យបានកាន់តែខ្លាំងជាងមុន ហើយវិនិយោគនៅក្នុងការសាងសង់សណ្ឋាគារនៅក្នុងតំបន់ទេសចរណ៍ដ៏សំខាន់នេះជាទីដែលខ្វះបន្ទប់សម្រាប់ភ្ញៀវទេសចរស្នាក់នៅ"។
យោងតាមក្រសួងទេសចរណ៍បានឲ្យដឹងថា នៅក្នុងរយៈពេលប្រាំបីខែដំបូងនៃឆ្នាំនេះ ភ្ញៀវទេសចរជនជាតិចិនមកខេត្តសៀមរាបបានកើនឡើង១៤,៨ភាគរយ បើធៀបទៅនឹងរយៈពេលដូចគ្នាកាលពីឆ្នាំមុន ពោលគឺបានកើនឡើងពីភ្ញៀវទេសចរចំនួន១៨១.២២៤នាក់ ដល់២០៨.១៨០នាក់។ ចំណែកឯភ្ញៀវទេសចរជនជាតិកូរ៉េ និងជប៉ុនវិញបានកើនឡើងពី២,៩៤ភាគរយដល់២៥០.៩២៦នាក់ និងពី៤,៥ភាគរយដល់៩៩.៣៩៩នាក់។
កាលពីឆ្នាំកន្លងទៅ ការហោះហើរដោយផ្ទាល់រវាងប្រទេសចិននិងកម្ពុជា មានការកើនឡើងដោយសារតែការខិតខំប្រឹងប្រែងរបស់រដ្ឋាភិបាលក្នុងការទាក់ទាញភ្ញៀវទេសចរជនជាតិចិនឲ្យបានច្រើន។
យោងតាមរបាយការណ៍កាលពីខែកក្កដា ដែលត្រូវបានចេញដោយមជ្ឈមណ្ឌលអាកាសចរណ៍អាស៊ីប៉ាស៊ីហ្វិក (Centrefor Asia Pacific Aviation) ដែលមានមូលដ្ឋាននៅក្នុងទីក្រុងស៊ីដនី មានខ្លឹមសារថា "ប្រទេសកម្ពុជា គឺជាប្រទេសដែលនៅជិតប្រទេសចិន អ្វីៗមានតម្លៃថោក ហើយមានវប្បធម៌ស្រដៀងគ្នា ដោយធ្វើឲ្យជនជាតិចិនងាយស្រួលក្នុងការទទួលទាននិងធ្វើដំណើរទូទាំងប្រទេសកម្ពុជា។ អត្ថប្រយោជន៍មួយទៀតសម្រាប់ប្រទេសកម្ពុជា គឺថាភ្ញៀវទេសចរជនជាតិចិនភាគច្រើនដែលមកកម្សាន្តក្នុងប្រទេសកម្ពុជា គឺកម្សាន្តតែក្នុងប្រទេសកម្ពុជាប៉ុណ្ណោះ"៕ស៊ុយឈាង
ចៅក្រមនៅសាលាក្ដីខ្មែរក្រហមបានច្រានចោលការប្រឹងប្រែងចុងក្រោយបំផុតរបស់ជនសង្ស័យម្នាក់ក្នុងសំណុំរឿង០០៤ដែលមិនទាន់សម្រេចនៅឡើយរបស់តុលាការនេះ ដើម្បីចូលរួមនៅក្នុងការស៊ើបអង្កេត ដោយធ្វើឲ្យមានក្ដីបារម្ភជាថ្មីថា តុលាការនេះកំពុងតែបដិសេធសិទ្ធិទទួលបានសវនាការយុត្តិធម៌របស់ជនសង្ស័យ។
នៅក្នុងសេចក្ដីសម្រេចមួយចុះថ្ងៃទី៣០ ខែកញ្ញា អង្គបុរេជំនុំជម្រះនៃសាលាក្ដីនេះ បានច្រានចោលសំណើសុំកែប្រែសេចក្តីសម្រេចមួយដោយសហចៅក្រមស៊ើបអង្កេតអន្តរជាតិ ម៉ាក ហាម៉ុន...
លោក អីុ ឈាន លាលែងពីតំណែង តែអ្នកគាំទ្រនាំគ្នាតវ៉ាជំទាស់
មន្ត្រីមួយរូបនៅក្រសួងមហាផ្ទៃបានឲ្យដឹងថា ឧត្តមសេនីយ៍ឯក អីុ ឈាន ដែលជាអតីតអង្គរក្សរបស់ ប៉ុល ពត បានលាលែងពីតំណែងជាប្រធានក្រុមប្រឹក្សាខេត្តប៉ៃលិន។
មានពាក្យចចាមអារា៉មលេចឮសុសសាយជាច្រើនថ្ងៃមកហើយថា ឧត្តមសេនីយ៍ឯក អីុ ឈាន អភិបាលទី១នៃខេត្តប៉ៃលិន នឹងលាលែងពីតំណែងរបស់លោកដោយធ្វើឲ្យអ្នកគាំទ្រប្រមាណ១.០០០នាក់នាំគ្នាតវ៉ានៅខាងមុខគេហដ្ឋានរបស់លោកកាលពីថ្ងៃពុធ។
កាលពីយប់មិញ លោក សក់ សេដ្ឋា រដ្ឋលេខាធិការក្រសួងមហាផ្ទៃបានបញ្ជាក់ពីពាក្យចចាមអារ៉ាមនេះ។ លោក សក់ សេដ្ឋា បានមានប្រសាសន៍ថា "ខ្ញុំទើបតែទទួលបានព័ត៌មានពីអភិបាលខេត្តប៉ៃលិនមកថា បានដាក់លិខិតលាលែងពីតំណែងរបស់គាត់ជាប្រធានក្រុមប្រឹក្សាខេត្ត។ ខ្ញុំមិនដឹងអ្វីបន្ថែមទៀតទេ រហូតដល់ខ្ញុំបានជួបគាត់"។
ឧត្តមសេនីយ៍ឯក អីុ ឈាន អាយុ៦៣ឆ្នាំបានក្លាយជាអភិបាលខេត្តប៉ៃលិន នៅពេលខេត្តនេះត្រូវបានកាត់ផ្តាច់ចេញពីខេត្តបាត់ដំបងកាលពីឆ្នាំ១៩៩៦ជាផ្នែកនៃកិច្ចព្រមព្រៀងមួយដែលធ្វើឲ្យ លោក អៀង សារី អតីតរដ្ឋមន្ត្រីក្រសួងការបរទេសនៅសម័យខ្មែរក្រហមយល់ព្រមចុះចូលជាមួយរដ្ឋាភិបាលក្រុងភ្នំពេញ ជាមួយនឹងកងទ័ពបះបោរប្រមាណ៥.០០០នាក់។
កាលពីខែមិថុនា ឧត្តមសេនីយ៍ឯក អីុ ឈាន បានលាលែងពីតំណែងនោះ ហើយត្រូវបានជំនួសតំណែងវិញដោយអភិបាលរងខេត្ត គឺលោក កើត សុធា។
លោក គង់ ឌួង ប្រធានមន្ទីរព័ត៌មានខេត្តប៉ៃលិនបានឲ្យដឹងកាលពីម្សិលមិញថា លោកបានឃើញលិខិតលាលែងពីតំណែងរបស់ឧត្តមសេនីយ៍ឯក អីុ ឈាន ប៉ុន្តែ មិនច្បាស់ទេថាតើការចូលនិវត្តរបស់លោកត្រូវបានធ្វើឡើងជាផ្លូវការឬអត់ឡើយ។
លោក គង់ ឌួង បានមានប្រសាសន៍ថា "ឯកឧត្តម អីុ ឈាន បានស្នើសុំចូលនិវត្ត ប៉ុន្តែ គាត់ចង់ឲ្យសហការីបន្តការងាររបស់គាត់ ព្រោះពួកគេជាសហការីរបស់គាត់ចាប់តាំងពីសង្គ្រាមស៊ីវិលមកម្លេ៉ះ"។
ទោះជាយ៉ាងណា កាលពីថ្ងៃពុធ លោក លី សាមិទ្ធ ថ្នាក់ក្រោមរបស់លោក គង់ ឌួង នៅមន្ទីរព័ត៌មានបានលើកឡើងថា ឧត្តមសេនីយ៍ឯក អីុ ឈាន ទទួលបានបទបញ្ជាពីរដ្ឋាភិបាលឲ្យលាលែងពីតំណែង។ លោកបានឲ្យដឹងថា អ្នកដែលត្រូវជំនួសត្រូវបានជ្រើសរើសរួចហើយ គឺលោក ឡៃ ចាន់ឆៃ អតីតស្នងការនគរបាលខេត្ត ដែលបានលាលែងពីតំណែងកាលពីខែឧសភា។
លោក លី សាមិទ្ធ បានឲ្យដឹងថា ឧត្តមសេនីយ៍ឯក អីុ ឈាន បានបាត់បង់ការគាំទ្រពីពលរដ្ឋនៅខេត្តប៉ៃលិនយ៉ាងច្រើន ដោយសារតែជំនួញរបស់ភរិយាលោក គឺលោកស្រី បាន ស្រីមុំ សមាជិកសភាមកពីគណបក្សប្រជាជនកម្ពុជា ព្រោះថា ក្រុមហ៊ុនរបស់លោកស្រីមានជាប់ពាក់ព័ន្ធក្នុងជម្លោះដីធ្លីជាមួយអ្នកភូមិមូលដ្ឋាន។
ឧត្តមសេនីយ៍ឯក អីុ ឈាន មិនអាចទាក់ទងសុំការធ្វើអត្ថាធិប្បាយបានទេកាលពីម្សិលមិញ។
លោក គង់ ឌួង បានឲ្យដឹងថា ការសំដែងការគាំទ្រពីសំណាក់អ្នកគាំទ្រយ៉ាងច្រើនរបស់ ឧត្តមសេនីយ៍ឯក អីុ ឈាន កាលពីថ្ងៃពុធ គឺបង្ហាញឲ្យឃើញថា លោកបានធ្វើកិច្ចការជាច្រើនជូនខេត្តប៉ៃលិននេះ ដែលជាមូលដ្ឋានដ៏រឹងមាំក្នុងចំណោមមូលដ្ឋានដ៏រឹងមាំចុងក្រោយមួយចំនួនរបស់ខ្មែរក្រហម។
លោក គង់ ឌួង បានមានប្រសាសន៍ថា "ភាគច្រើននៃអ្នកទាំងនោះគឺជាកូនៗរបស់មិត្តភក្តិរបស់គាត់។ ឪពុកម្តាយរបស់ពួកគេ គឺជាអតីតទាហានខ្មែរក្រហមក្នុងសង្គ្រាមស៊ីវិល ហើយពួកគេចង់សុំកុំឲ្យ ឯកឧត្តម អីុ ឈាន លាលែងពីតំណែង។ ព្រោះមិត្តភក្តិភាគច្រើនរបស់គាត់សុទ្ធតែមានអាយុជាង៦០ឆ្នាំពួកគាត់បានប្រាប់កូនៗរបស់ខ្លួនឲ្យស្រឡាញ់គាត់ ”។
លោក គង់ ឌួង បានលើកឡើងបន្តថា ឧត្តមសេនីយ៍ឯក អីុ ឈាន បានធានាចំពោះអ្នកគាំទ្រថា លោកនឹងមិនចាកចេញពីក្រុងប៉ៃលិនឡើយ ដោយដល់ពេលមួយបានធ្វើឲ្យអ្នកគាំទ្រសម្រេចឈប់តវ៉ា ហើយត្រឡប់ទៅផ្ទះវិញ។
កុល ស្រីម៉ៅ អាយុ២១ឆ្នាំជានិស្សិតម្នាក់ ដែលចូលរួមក្នុងការសុំឲ្យ ឧត្តមសេនីយ៍ឯក អីុ ឈាន បន្តតំណែងរបស់លោកបានលើកឡើងថា ប្រសិនបើលោកពិតជាលាលែងពីតំណែងមែននោះ អ្នកប៉ៃលិននឹងនាំគ្នាមកជួបជុំគ្នាតវ៉ាម្តងទៀត។
ស្រីម៉ៅ បាននិយាយថា "យើងបានឃើញហើយថា ទីក្រុងប៉ៃលិន មានមន្ទីរពេទ្យ សាលារៀន ផ្លូវថ្នល់ ហើយជីវភាពរស់នៅរបស់ប្រជាពលរដ្ឋមានភាពប្រសើរឡើង នេះដោយសារតែស្នាដៃរបស់គាត់។ យើងស្រឡាញ់គាត់"៕ស៊ុយឈាង
សំណើសុំឲ្យសមាជិកក្រុមប្រឹក្សាគណបក្សសង្គ្រោះជាតិនៅក្រៅឃុំត្រូវបានបដិសេធ
មេធាវីរបស់លោក ស៊ំុ វុទ្ធី បាននិយាយថា សមាជិកក្រុមប្រឹក្សាគណបក្សសង្គ្រោះជាតិរូបនេះ ដែលត្រូវបានចាប់ខ្លួននិងដាក់ពន្ធនាគារ ទាក់ទិននឹងការសង្ស័យអំពីតួនាទីរបស់លោកក្នុងការតវ៉ារបស់គណបក្សប្រឆាំងកាលពីខែកក្កដា ដែលបានប្រែក្លាយទៅជាហិង្សានោះ ត្រូវបានសាលាដំបូងរាជធានីភ្នំពេញបដិសេធការសុំនៅក្រៅឃុំកាលពីម្សិលមិញ។
លោក ស៊ំុ...
ការតវ៉ារបស់ខ្មែរកម្ពុជាក្រោមបញ្ចប់ចំពេលមានការគំរាមសម្លាប់
ខណៈពេលដែលការតវ៉ាប្រឆាំងវៀតណាមរយៈពេល៥ថ្ងៃបានបញ្ចប់កាលពីម្សិលមិញ មេដឹកនាំម្នាក់នៃការតវ៉ា ដែលឈានដល់មានការដុតទង់ជាតិវៀតណាមជាបន្តបន្ទាប់នៅមុខស្ថានទូតវៀតណាមនោះ បាននិយាយថា លោកបានទទួលការគំរាមសម្លាប់ជាច្រើនលើក។
តាំងពីថ្ងៃសៅរ៍មក ក្រុមអ្នកតវ៉ាបានដើរកាត់ទីក្រុង និងសំដៅទៅស្ថានទូតវៀតណាម ដើម្បីទាមទារឲ្យមានការសុំអភ័យទោសប្រជាពលរដ្ឋខ្មែរ ចំពោះសម្តីកាលពីខែកក្កដា...
ជនជាប់ចោទពីបទឆបោកសុំដកចៅក្រមមួយរូបដែលមិនគោរពតាមវិធានរបស់តុលាការ
កាលពីម្សិលមិញ តុលាការកំពូលបានពន្យារពេលសវនាការរបស់ខ្លួនជុំវិញសំណើរបស់បុរសជនជាតិអង់គ្លេសម្នាក់ឈ្មោះ ហ្គ្រេក ហ្វ្រីយ៉េត (Gregg Fryett) ដែលជាជនជាប់ចោទពីបទឆបោកសុំដកចៅក្រមមួយរូបក្នុងសំណុំរឿងនេះចេញ បន្ទាប់ពីដើមចោទបានចោទប្រកាន់តុលាការថា មិនបានគោរពតាមវិធានរបស់តុលាការ។
លោក...
លោក ស ខេង រដ្ឋមន្ត្រីក្រសួងមហាផ្ទៃបានជួបជាមួយម្ចាស់រោងចក្រ និងវិនិយោគិននៅក្នុងវិស័យកាត់ដេរកាលពីម្សិលមិញ ដោយផ្ដល់ការធានាថា រដ្ឋាភិបាលនឹងអនុម័តច្បាប់សហជីពដ៏ចម្រូងចម្រាសមួយ ដើម្បីរក្សាសណ្ដាប់ធ្នាប់នៅក្នុងឧស្សាហកម្មដ៏ធំបំផុតរបស់ប្រទេសកម្ពុជានេះ ដែលផ្ដល់ការងារឲ្យកម្មករប្រមាណ៦០០.០០០នាក់។
លោក ស ខេង បានលើកឡើងថា កងកម្លាំងដែលស្ថិតក្រោមការបញ្ជារបស់លោកនឹងមិនប្រើកម្លាំងដើម្បីឲ្យកម្មកររក្សាសណ្តាប់ធ្នាប់ឡើយ ប៉ុន្តែ ថា លោកនឹងធ្វើការជាមួយក្រសួងការងារ ដើម្បីជំរុញឲ្យមានការអនុម័តច្បាប់ ដែលនឹងអាចជួយឲ្យរដ្ឋាភិបាល អាចគ្រប់គ្រងលើសហជីពបានកាន់តែមានប្រសិទ្ធភាពជាងមុន ហើយនឹងផ្តល់ឲ្យតុលាការនូវសិទ្ធិអំណាចដើម្បីដកអាជ្ញាប័ណ្ណណាដែលខ្លួនគិតថា ប្រើតួនាទីដោយខុសច្បាប់។
លោក ស ខេង បានប្រាប់តំណាងសមាគមរោងចក្រកាត់ដេរនៅកម្ពុជា (GMAG) អំឡុងកិច្ចប្រជុំមួយនៅក្រសួងមហាផ្ទៃថា "ជួនកាលខ្ញុំអាចចូលរួមទប់ស្កាត់បាតុកម្ម និងរកដំណោះស្រាយជួនបាតុករ ប៉ុន្តែ ខ្ញុំមិនអាចប្រើកម្លាំង បាញ់បោះ ឬក៏ប្រើអំពើហិង្សាលើកម្មករបានឡើយ"។
លោក ស ខេង បានបន្តថា "ខ្ញុំទទួលស្គាល់ថា ពិតជាមានសហជីពច្រើនខ្លាំងណាស់" ។លោកបានប៉ាន់ប្រមាណថា មានសហជីពចំនួន៤.០០០និងសហព័ន្ធសហជីពចំនួន៩០ដែលកំពុងមានប្រតិបត្តិការនៅក្នុងប្រទេស។ លោកបានមានប្រសាសន៍បន្ថែមទៀតថា "ខ្ញុំគិតថា វាគឺជាការទទួលខុសត្រូវរបស់រដ្ឋាភិបាលក្នុងការដោះស្រាយបញ្ហានេះ ហើយខ្ញុំនឹងសហការជាមួយឯកឧត្ដម អិុត សំហេង ដើម្បីរៀបចំច្បាប់នេះ។ យើងចាំបាច់ត្រូវតែធ្វើវា។ វាគឺជារឿងចាំបាច់ទោះបីវាជារឿងដ៏ចម្រូងចម្រាសក៏ដោយ"។
សេចក្ដីព្រាងច្បាប់សហជីពដែលត្រូវបានប្រកាសឲ្យសាធារណជនដឹងឮកាលពីខែឧសភា ត្រូវបានត្រួតពិនិត្យមើលដោយអង្គការពលកម្មអន្តរជាតិ (ILO) ដែលលើកឡើងថា សេចក្ដីព្រាងច្បាប់នេះនៅមិនទាន់ឆ្លើយតបគ្រប់គ្រាន់ទៅនឹងអនុសញ្ញាអន្តរជាតិ ដែលចុះហត្ថលេខាដោយប្រទេសកម្ពុជា ដើម្បីធានានូវសិទ្ធិជួបជុំគ្នា និងសិទ្ធិក្នុងការបង្កើតសហជីពនៅឡើយទេ។
ច្បាប់ដែលត្រូវបានស្នើឡើងនេះផ្តល់ឲ្យតុលាការ ដែលកាលពីខែមុនបានដាក់មេដឹកនាំសហជីពដ៏លេចធ្លោបំផុតមួយចំនួនស្ថិតក្រោមការឃ្លាំមើលរបស់តុលាការនូវសិទ្ធិអំណាចដ៏ទូលំទូលាយ ដើម្បីដកអាជ្ញាប័ណ្ណរបស់សហជីព។ សេចក្តីព្រាងច្បាប់នេះក៏បានចែងផងដែរថា កម្មករយ៉ាងតិច២០ភាគរយនៅក្នុងរោងចក្រមួយ ដាច់ខាតត្រូវយល់ព្រមចូលរួមជាមួយសហជីពមុនពេលសហជីពត្រូវបានអនុញ្ញាតឲ្យចុះឈ្មោះនៅក្រសួងការងារ។
មេដឹកនាំសហជីព និងអ្នកតស៊ូមតិពាក់ព័ន្ធនឹងការងារព្រួយបារម្ភថា ច្បាប់នេះនឹងត្រូវបានប្រើដើម្បីគាបសង្កត់សកម្មជនសហជីព ហើយរារាំងមិនឲ្យសហជីពថ្មីចុះឈ្មោះ ដែលរដ្ឋាភិបាលពេញចិត្ត រីឯវិនិយោគិនក្នុងវិស័យនេះវិញជំទាស់ថា ការដែលមានសហជីពច្រើនវាធ្វើឲ្យមានការលំបាកក្នុងការចរចាគ្នា ឬក្នុងការរក្សាសន្តិភាពក្នុងវិស័យឧស្សាហកម្មនេះ។
កិច្ចប្រជុំរវាងលោក ស ខេង និង GMAC ត្រូវបានធ្វើឡើងចំពេលមានភាពតានតឹងក្នុងការចរចាគ្នាទាក់ទិននឹងប្រាក់ខែគោលថ្មីក្នុងវិស័យកាត់ដេរ ដែលគ្រោងនឹងបោះឆ្នោតនៅសប្ដាហ៍នេះ ប៉ុន្តែ ត្រូវបានក្រសួងការងារពន្យារពេលដល់ខែវិច្ឆិកា ដោយគ្មានការពន្យល់នៅក្នុងសប្ដាហ៍នេះ។
កាលពីខែធ្នូឆ្នាំមុន ជាពេលចុងក្រោយដែលរដ្ឋាភិបាលបានដំឡើងប្រាក់ខែគោលរបស់កម្មករ សហជីពចំនួនប្រាំមួយបានធ្វើបាតុកម្មទូទាំងប្រទេស ដែលធ្វើឲ្យប៉ះពាល់ដល់វិស័យនេះ ហើយត្រូវបានបញ្ចប់ទៅវិញនៅថ្ងៃទី៣ ខែមករា នៅពេលកងរាជអាវុធហត្ថបានបើកការបាញ់ប្រហារលើក្រុមអ្នកតវ៉ាគប់ដុំថ្ម ដោយបណ្ដាលឲ្យកម្មករចំនួនប្រាំនាក់បាត់បង់ជីវិត និងរាប់សិបនាក់ផ្សេងទៀតរងរបួស។
លោក ស ខេង បានធានាចំពោះម្ចាស់រោងចក្រថា លោកនឹងធ្វើអ្វីៗគ្រប់យ៉ាងដែលលោកអាចធ្វើទៅបាន ដើម្បីរារាំងកុំឲ្យមានភាពចលាចលម្តងទៀត។
លោកបានមានប្រសាសន៍ថា "ខ្ញុំនឹងព្យាយាមឲ្យអស់ពីសមត្ថភាពក្នុងការដឹកនាំកងកម្លាំងដើម្បីរក្សាសណ្តាប់ធ្នាប់ រក្សាសន្តិសុខ និងរារាំងកុំឲ្យមានអំពើហិង្សា ឬការបាញ់ប្រហារ"៕ ស៊ុយឈាង