CATEGORY
ព័ត៌មានជាតិ
អាជ្ញាធរជំរុញឲ្យអ្នកភូមិទទួលយកសំណងពីក្រុមហ៊ុនខេឌីស៊ី
កាលពីម្សិលមិញ អាជ្ញាធរខេត្តកំពង់ឆ្នាំងបានជំរុញឲ្យអ្នកភូមិដែលជាប់ពាក់ព័ន្ធនឹងវិវាទដីធ្លីជាមួយក្រុមហ៊ុនខេឌីស៊ី ទទួលយកសំណងពីក្រុមហ៊ុនអភិវឌ្ឍន៍មួយនេះ ដោយសន្យាថា នឹងស្នើសុំដីសម្បទានសង្គមកិច្ចឲ្យទៅពួកគាត់ផងដែរ។
លោកស្រី ដោក សុធា ប្រធានក្រុមប្រឹក្សាខេត្តបានមានប្រសាសន៍ថា...
សហជីពបន្ទន់ជំហរទាមទារប្រាក់ខែគោលតែនៅមានការខ្វែងគំនិតគ្នា
សហជីពបានព្រមព្រៀងបន្ទាប់ការទាមទាររបស់ខ្លួនក្នុងការដំឡើងប្រាក់ខែគោលនៅឆ្នាំក្រោយក្នុងវិស័យកាត់ដេរដ៏សំខាន់ តាមការបោះឆ្នោតលើដំណោះស្រាយប្រាក់ខែថ្មីនេះ។ ទោះជាយ៉ាងនេះក្តី ពួកគេនៅតែខ្វែងគំនិតគ្នារវាងតួលេខដាក់ចេញដោយរដ្ឋាភិបាលនិងរោងចក្រ។
គណៈកម្មាធិការប្រឹក្សាការងារ (LAC) ដែលមានតំណាងមកពីសហជីព រោងចក្រ និងរដ្ឋាភិបាល គ្រោងនឹងបោះឆ្នោតនៅខែតុលាអំពីប្រាក់ខែគោលថ្មី...
អ្នកបើករ៉ឺម៉កម៉ូតូតវ៉ានៅខាងក្រៅផ្សារទំនើបអីុអន
អ្នកបើករ៉ឺម៉កម៉ូតូដែលមិនសប្បាយចិត្តមួយក្រុមតូច បានតវ៉ានៅខាងក្រៅផ្សារទំនើបអីុអនកាលពីម្សិលមិញ ក្នុងរាជធានីភ្នំពេញ ដើម្បីទាមទារឲ្យផ្សារទំនើបនេះបោះបង់ចោលកិច្ចព្រមព្រៀងសិទ្ធិអាទិភាព ដែលខ្លួនមានជាមួយសមាគមរួមគ្នាដើម្បីអភិវឌ្ឍកម្ពុជា (CCDA) ។
យោងតាមកិច្ចព្រមព្រៀង ដែលចូលជាធរមានកាលពីថ្ងៃច័ន្ទ សមាជិក...
រោងចក្របន្ទោសកម្មករបណ្តាលឲ្យពួកគេទៅចូលរួមការតវ៉ាវិញ
កាលពីម្សិលមិញ កម្មករធ្វើកូដកម្មរាប់ពាន់នាក់ដែលបានត្រឡប់ចូលធ្វើការវិញនៅរោងចក្រស្បែកជើងក្នុងខេត្តកំពង់ចាមនោះ បន្តធ្វើកូដកម្មវិញបន្ទាប់ពីថៅកែរបស់ខ្លួនបានប្រាប់ពួកគេឲ្យជ្រើសរើសរវាងសហជីព និងក្រុមហ៊ុន។
កម្មករប្រហែល៥.០០០នាក់មកពីរោងចក្រស្បែកជើង Juhui ដែលកាន់កាប់ដោយជនជាតិចិនតៃវ៉ាន់នៅក្នុងស្រុកជើងព្រៃ បានធ្វើកូដកម្មកាលពីថ្ងៃច័ន្ទទាមទារដំឡើងប្រាក់កម្រៃ រួមទាំងប្រាក់បន្ថែមម៉ោង...
មន្ត្រីរដ្ឋាភិបាលបានលើកឡើងកាលពីម្សិលមិញថា សិប្បកម្មផលិតទឹកត្រី និងទឹកស៊ីអុីវគួរតែបន្ថែមជាតិដែកលើផលិតផលរបស់ខ្លួន ដើម្បីធ្វើឲ្យសុខភាពរបស់ប្រជាពលរដ្ឋខ្មែរប្រសើរឡើង។
អំឡុងសិក្ខាសាលាមួយស្ដីពីការបន្ថែមជាតិដែកលើទឹកត្រី និងទឹកស៊ីអុីវដ៏ពេញនិយម លោក សាត សាមី...
នគរបាលចោទប្រកាន់មនុស្ស៧នាក់ពីបទរំលោភបូកលើក្មេងស្រីម្នាក់ក្នុងខេត្តកំពង់ចាម
នគរបាលនិងមន្ត្រីតុលាការបាននិយាយថា កាលពីថ្ងៃច័ន្ទបុរសប្រាំពីរនាក់ ដែលតាមចោទថា បានរំលោភបូកលើក្មេងស្រីអាយុ១៧ឆ្នាំម្នាក់ នៅក្រោយមន្ទីរពេទ្យបង្អែកខេត្តកំពង់ចាម ដែលនាងបានទៅមើលម្ដាយរបស់នាងឈឺកាលពីម្សិលមិញ ត្រូវបានសាលាដំបូងខេត្តធ្វើការចោទប្រកាន់។
លោក អុ៊ក...
ដោយមានការអំពាវនាវឲ្យអភិរក្សជាជាងការវាយកម្ទេចអគារប៊ូឌីង ដ៏ល្បីឈ្មោះក្នុងរាជធានីភ្នំពេញ កាលពីម្សិលមិញ សាលារាជធានីបានដកចេញវិញនូវការអះអាងរបស់ខ្លួនកាលពីដើមសប្តាហ៍នេះដែលថា អគារប៊ូឌីងនេះគួរតែត្រូវវាយកម្ទេចចោលនោះ។
កាលពីថ្ងៃអង្គារ លោក ប៉ា សុជាតិវង្ស អភិបាលរាជធានីភ្នំពេញបានលើកឡើងថា អគារប៊ូឌីងដែលជាអគារប្រវត្តិសាស្ត្រមានសភាពទ្រុឌទ្រោម ហើយថា "វាដល់ពេលត្រូវវាយកម្ទេចចោលហើយ"។
លោក ប៉ា សុជាតិវង្ស បានពន្យល់ថា លោកកំពុងតែពិភាក្សាជាមួយក្រុមហ៊ុនសាជីវកម្មវិនិយោគកម្ពុជាក្រៅប្រទេស (OCIC) ដើម្បីផ្តល់លំនៅដ្ឋានផ្សេងនៅក្រៅរាជធានីដល់អ្នករស់នៅក្នុងអគារប៊ូឌីង ដែលលោកបានលើកឡើងថា លែងអាចរស់នៅក្នុងផ្ទះរបស់ខ្លួនដោយមានសុវត្ថិភាពទៀតហើយនោះ។
ប៉ុន្តែ កាលពីម្សិលមិញ លោក ឡុង ឌីម៉ង់ អ្នកនាំពាក្យសាលារាជធានីភ្នំពេញបានលើកឡើងថា ថ្នាក់លើរបស់លោកបានយល់ច្រឡំ។ លោក ឌីម៉ង់ បានមានប្រសាសន៍ថា "គោលដៅរបស់អភិបាលរាជធានីគឺមិនមែន ឡើយ។ អភិបាលរាជធានីគ្រាន់តែពន្យល់ថា OCIC មានគម្រោងបង្កើតក្រុងរណបនៅខណ្ឌជ្រោយចង្វា ជាកន្លែងដែលមានលំនៅដ្ឋានសមរម្យសម្រាប់រស់នៅប៉ុណ្ណោះ។ លំនៅដ្ឋានទាំងអស់ សុទ្ធតែមានសភាពទ្រុឌទ្រោម ហើយអាចបាក់ស្រុត"។
ទោះបីជាលោក ឌីម៉ង់ បានលើកឡើងកាលពីម្សិលមិញថា មន្ទីររៀបចំដែនដី និងនគរោបនីយកម្មរាជធានីបានចុះទៅត្រួតពិនិត្យអគារនេះក្នុងពេលថ្មីៗនេះដោយរកឃើញថា វាគ្មានសុវត្ថិភាពក៏ដោយ ក៏មន្ត្រីជាច្រើននៅក្នុងអគារនេះមិនអាចផ្តល់ព័ត៌មានលម្អិតនៃការវាយតម្លៃបានដែរ។
អ្នករស់នៅក្នុងអគារ រួមទាំងមេភូមិម្នាក់ផងបាននិយាយថា ពួកគាត់មិនដឹងពីការចុះមកត្រួតពិនិត្យនេះទេ ហើយថា គ្មាននរណាម្នាក់ក្នុងចំណោមពួកគាត់ត្រូវបានយកមកពិភាក្សាពិគ្រោះយោបល់អំពីផែនការរបស់សាលារាជធានីដែលគ្រោងវាយកម្ទេចលំនៅដ្ឋានរបស់ពលរដ្ឋប្រហែល៦០០គ្រួសារ ដែលរស់នៅក្នុងអគារប៊ូឌីងនេះឡើយ។
កាលពីម្សិលមិញ អង្គការសង្គមសីុវិលចំនួនប្រាំបួនបានចេញសេចក្តីថ្លែងការណ៍មួយដែលមានចំណងជើងថា "ឈប់វាយកម្ទេចទីក្រុងរបស់យើង" ដោយស្នើឲ្យអាជ្ញាធរបញ្ចូលអ្នករស់នៅក្នុងអគារក្នុងការពិភាក្សារបស់ខ្លួនអំពីវាសនារបស់អគារ ហើយផ្តល់ភ័ស្តុតាងនៃការត្រួតពិនិត្យជាផ្លូវការមួយ។
អង្គការសង្គមសីុវិលទាំងនេះ ដែលរួមមានមជ្ឈមណ្ឌលអប់រំច្បាប់សម្រាប់សហគមន៍ និងក្រុមការងារពិសេសសិទ្ធិលំនៅដ្ឋានដែរនោះបានអំពាវនាវឲ្យមានការវាយតម្លៃដោយឯករាជ្យលើសុវត្ថិភាពរបស់អគារនេះ ហើយផ្តល់នូវលទ្ធផល ដែលរកឃើញដល់គ្រួសារដែលរងផលប៉ះពាល់ និងសង្គមស៊ីវិល។
លោកស្រី ណាលី ពីឡូក ប្រធានអង្គការសិទ្ធិមនុស្សលីកាដូ បានលើកឡើងក្នុងសេចក្តីថ្លែងការណ៍ថា "រដ្ឋាភិបាលមានកាតព្វកិច្ចពិគ្រោះយោបល់ទាំងជាមួយអ្នករស់នៅក្នុងអគារ និងសង្គមស៊ីវិលស្តីពីការអភិវឌ្ឍរាជធានីរបស់ខ្លួន"។
លោក ជុច ភឿន រដ្ឋលេខាធិការក្រសួងវប្បធម៌ និងវិចិត្រសិល្បៈបានលើកឡើងកាលពីម្សិលមិញថា មន្ត្រីបច្ចេកទេសបានត្រៀមខ្លួនដើម្បីចុះទៅត្រួតពិនិត្យអគារប្រវត្តិសាស្ត្រនោះហើយ ប្រសិនបើសាលារាជធានីស្នើឲ្យធ្វើដូច្នោះ។
លោកបានមានប្រសាសន៍ថា "ប្រសិនបើ ត្រូវបានវាយកម្ទេចចោលដោយគ្មានមន្ត្រីបច្ចេកទេសចុះទៅត្រួតពិនិត្យនោះ វាជារឿងគួរឲ្យអាម៉ាស់ណាស់។
អគារប៊ូឌីង ដែលជាអគារនិមិត្តរូបនៃស្ថាបត្យកម្មថ្មីរបស់ខ្មែរបង្កើតឡើងដោយលោក វណ្ណ ម៉ូលីវណ្ណ ស្ថាបត្យករខ្មែរដ៏ល្បីល្បាញនោះ បានបញ្ចប់ការសាងសង់នៅក្នុងឆ្នាំ១៩៦៣។
លោក លូ បានហាប់ ជនជាតិកម្ពុជា និងលោក Vladimir Bodiansky ជនជាតិរុស្ស៊ី ជាស្ថាបត្យករដែលសាងសង់អគារនេះ ត្រូវបានផ្តល់ប្រឹក្សាដោយលោក វណ្ណ ម៉ូលីវណ្ណ ដែលបានគូរប្លង់អគារប្រវត្តិសាស្ត្រជាច្រើននៅក្នុងរាជធានីភ្នំពេញ ដែលរួមមានផ្សារធំថ្មី សាលសន្និសីទចតុមុខ និងពហុកីឡាដ្ឋានជាតិអូឡាំពិកជាដើម។
លោក ប៉ែន សិរីបញ្ញា ស្ថាបត្យករមួយរូបដែលធ្វើការនៅក្នុងផ្នែកនៃគម្រោងរបស់លោក វណ្ណ ម៉ូលីវណ្ណ ជាគម្រោងបង្កើតឡើងក្នុងឆ្នាំ២០០៩ដើម្បីប្រមូលផ្តុំវិចិត្រករ ស្ថាបត្យករ និងប្រវត្តិវិទូ បានលើកឡើងថា ការវាយកម្ទេចអគារប៊ូឌីងនេះចោល គឺដូចជាការកម្ទេចប្រវត្តិសាស្ត្រចោល ហើយបានធ្វើឲ្យអ្នកជំនាន់ក្រោយអស់សង្ឃឹម។
លោក សិរីបញ្ញា បាននិយាយទាក់ទងនឹងការគ្រោងកម្ទេចអគារប្រវត្តិសាស្ត្រនេះចោលថា "វាបំបាក់ទឹកចិត្តនិស្សិតរៀនផ្នែកស្ថាបត្យកម្មក្នុងប្រទេសកម្ពុជា ព្រោះគ្មានដានសម្រាប់ក្មេងជំនាន់ក្រោយសិក្សាអំពីប្រវត្តិសាស្ត្ររបស់ខ្លួន។ វាគឺជាការបាត់បង់ប្រវត្តិសាស្ត្រ វាមិនមែនគ្រាន់តែចំពោះអគារប៊ូឌីងនេះតែមួយទេ ប៉ុន្តែ ចំពោះស្ថាបត្យកម្មទំនើបរបស់ខ្មែរទាំងអស់ផងដែរ។ វាមិនមែនគ្រាន់តែបាត់បង់សម្រាប់ពលរដ្ឋខ្មែរទេ ប៉ុន្តែ សម្រាប់ពលរដ្ឋទាំងអស់នៅទូទាំងពិភពលោក"៕ ស៊ុយឈាង
(រាយការណ៍បន្ថែមដោយ Matt Blomberg)
កាលពីម្សិលមិញ អង្គការឃ្លាំមើលសិទ្ធិមនុស្សបានចោទប្រកាន់រដ្ឋាភិបាលកម្ពុជាថា បានដាក់ការចោទប្រកាន់លើមេដឹកនាំសហជីពដ៏លេចធ្លោបំផុតមួយចំនួននៅក្នុងប្រទេសកម្ពុជា ដើម្បីបង្ខំពួកគេឲ្យមកចរចាអំពីការទាមទារដំឡើងប្រាក់ខែ និងបានជំរុញឲ្យម្ចាស់ជំនួយអន្តរជាតិជួយជំរុញមេដឹកនាំរដ្ឋាភិបាលកម្ពុជាឲ្យលើកលែងចោទប្រកាន់ ដែល"ទាក់ទិននឹងរឿងនយោបាយ"នេះ។
នៅក្នុងសប្តាហ៍នេះ សាលាដំបូងរាជធានីភ្នំពេញបានចោទប្រកាន់មេដឹកនាំសហជីពយ៉ាងតិចចំនួនប្រាំរូប ចំពោះការពាក់ព័ន្ធរបស់ពួកគេនៅក្នុងការធ្វើកូដកម្មក្នុងវិស័យកាត់ដេរទូទាំងប្រទេសកាលពីចុងខែធ្នូ និងដើមខែមករា។ ពួកគេត្រូវបានចោទប្រកាន់ពីបទបង្កអំពើហិង្សា ធ្វើឲ្យខូចខាតទ្រព្យសម្បត្តិ គំរាមបំផ្លិចបំផ្លាញ និងពីបទធ្វើឲ្យស្ទះចរាចរណ៍ដែលមានស្ថានទម្ងន់ទោស។
កាលពីថ្ងៃអង្គារ ក្រឡាបញ្ជីមួយរូបបានកំណត់អត្តសញ្ញាណជនសង្ស័យទាំងប្រាំនាក់នោះ ថា ជាមេដឹកនាំសហជីពដែលរួមមានលោក រ៉ុង ឈុន លោក អាត់ ធន់ លោក ប៉ាវ ស៊ីណា លោក ស្រី យ៉ាង សុភ័ណ្ឌ និងលោក ជា មុនី ហើយថា មនុស្សចំនួនពីរនាក់ផ្សេងទៀតដែលលោកស្រីមិនអាចចាំអត្តសញ្ញាណក៏បានជាប់ក្នុងករណីនេះដែរ។
នៅ ក្នុងសេចក្តីថ្លែងការណ៍របស់ខ្លួនកាលពីម្សិលមិញ អង្គការឃ្លាំមើលសិទ្ធិមនុស្ស ក៏បានកំណត់អត្តសញ្ញាណថា លោកស្រី ម៉ម ញឹម មេដឹកនាំសហជីពមួយរូបដែរនោះក៏ស្ថិតក្នុងចំណោមជនសង្ស័យដែលត្រូវបានចោទប្រកាន់ទាំងនេះដែរ។
លោក ប្រេដ អាដាម នាយកប្រចាំតំបន់អាស៊ីរបស់អង្គការតស៊ូមតិ ដែលមានមូលដ្ឋាននៅក្នុងទីក្រុងញូវយ៉ក បានលើកឡើងក្នុងសេចក្តីថ្លែងការណ៍ថា " អាជ្ញាធរកម្ពុជាកំពុងបន្តដាក់ការចោទប្រកាន់លើសកម្មជនការងារ ដើម្បីព្យាយាមធ្វើឲ្យពួកគេបោះបង់ចោលការទាមទារដំឡើងប្រាក់ខែ និងលក្ខខណ្ឌការងារល្អរបស់ខ្លួន"។
មេដឹកនាំសហជីពដែលរងការចោទប្រកាន់ទាំងនោះ គឺស្ថិតក្នុងចំណោមអ្នកដែលជួយរៀបចំបាតុកម្មកាលពីខែធ្នូ និងខែមករា ដោយអំពាវនាវឲ្យរដ្ឋាភិបាលដំឡើងប្រាក់ខែគោលរបស់កម្មករកាត់ដេរ ពី៩៥ដុល្លារ ដល់១៦០ដុល្លារ។ កូដកម្មបានក្លាយទៅជាមានការបង្ហូរឈាមកាលពីថ្ងៃទី៣ ខែមករា នៅពេលកងរាជអាវុធហត្ថបានបាញ់ទៅលើអ្នកតវ៉ា ដោយបណ្តាលឲ្យកម្មករកាត់ដេរយ៉ាងតិចប្រាំនាក់បាត់បង់ជីវិត និងរងរបួសជាច្រើននាក់ទៀត។
រដ្ឋាភិបាលបានយល់ព្រមដំឡើងប្រាក់ខែគោលរបស់កម្មករនៅឆ្នាំក្រោយ ហើយកំពុងតែចរចាជាមួយសហជីព និងរោងចក្រជុំវិញថា តើត្រូវដំឡើងប្រាក់ខែប៉ុន្មានឲ្យកម្មករ ប៉ុន្តែ ការទាមទារដំឡើងប្រាក់ខែដល់១៥០ដុល្លារ ឬលើសពីនេះរបស់សហជីពគឺវាហួសឆ្ងាយពីលទ្ធភាពដែលរដ្ឋាភិបាល និងរោងចក្របាននិយាយថា ខ្លួនមិនអាចធ្វើបាន។
នៅក្នុងសេចក្តីថ្លែងការណ៍របស់ខ្លួន អង្គការសិទ្ធិមនុស្សបានអំពាវនាវឲ្យម្ចាស់ជំនួយរបស់ប្រទេសកម្ពុជាដាក់សម្ពាធលើរដ្ឋាភិបាល ដើម្បីឲ្យលើកលែងការចោទប្រកាន់ថ្មីៗ ដែលត្រូវបានដាក់ទៅលើមេដឹកនាំសហជីព។
លោក អាដាម បានមានប្រសាសន៍ថា "ម្ចាស់ជំនួយរបស់ប្រទេសកម្ពុជាគួរតែបញ្ជាក់ឲ្យបានច្បាស់ថា ខ្លួននឹងមិនអាចទទួលយកការចោទប្រកាន់ទាក់ទិនរឿងនយោបាយណាផ្សេងទៀតឡើយ ហើយគួរតែទាមទារឲ្យមានការលើកលែងការចោទប្រកាន់ទាំងនេះ"។
លោក អិុត សំហេង រដ្ឋមន្ត្រីក្រសួងការងារបានថ្លែងនៅក្រៅពិធីប្រគល់សញ្ញាបត្រកាលពីម្សិលមិញថា ករណីនេះមិនស្ថិតក្នុងដៃរបស់រដ្ឋាភិបាលទេ។
លោក អិុត សំហេង បានមានប្រសាសន៍ថា "យើងមិនអាចលូកដៃចូលក្នុងប្រព័ន្ធតុលាការបានឡើយ តុលាការនឹងបំពេញតួនាទីរបស់ខ្លួន ហើយយើងមិនអាចធ្វើអន្តរាគមន៍បានទេ"៕ ស៊ុយឈាង
អាជ្ញាធរសវនកម្មជាតិរុះរើទីតាំង បន្ទាប់ពីការដោះដូរដីជាមួយក្រុមហ៊ុនឯកជន
អាជ្ញាធរសវនកម្មជាតិដែលមានទីតាំងស្ថិតនៅលើដីត្រូវបា៉ន់តាមបណ្ដោយផ្លូវលេខ២៤០ក្នុងរាជធានីភ្នំពេញ កំពុងតែរុះរើទៅកាន់ទីតាំងថ្មីក្នុងខណ្ឌសែនសុខ បន្ទាប់ពីមានការដោះដូរដីជាមួយក្រុមហ៊ុនមួយ ដែលជារបស់ឧត្តមសេនីយ៍យោធាមួយរូប នេះបើយោងតាមការឲ្យដឹងពីមន្ត្រីនៅអាជ្ញាធរនេះ និងអ្នកផ្សេងៗទៀតពាក់ព័ន្ធនឹងកិច្ចព្រមព្រៀងនេះ។
លោក ឌួង ងៀប...
តុលាការចោទប្រកាន់បុរសវៀតណាម៧នាក់ដែលវាយយុវជនខ្មែរ
ក្រុមមន្ត្រីបាននិយាយថា កាលពីម្សិលមិញ សាលាដំបូងរាជធានីភ្នំពេញ បានចោទប្រកាន់បុរសវៀតណាម៧នាក់ពីបទប្រព្រឹត្តអំពើហិង្សាដោយចេតនា វាយប្រហារយុវជនមួយក្រុមកាលពីល្ងាចថ្ងៃសៅរ៍ នៅខណ្ឌច្បារអំពៅ បណ្តាលឲ្យយុវជនអាយុ១៩ឆ្នាំម្នាក់ដាច់រយះត្រូវដេរជាង៣០ថ្នេរ។
ហេតុការណ៍នៅសង្កាត់ព្រែកប្រាបានបង្កឲ្យមានការតវ៉ាជាខ្លាំងកាលពីថ្ងៃច័ន្ទ ពេលដែលជនរងគ្រោះ កែវ...