CATEGORY
ព័ត៌មានជាតិ
នគរបាលស្វែងរកជនសង្ស័យក្នុងករណីវាយប្រហារទឹកអាស៊ីតលើកទី២នៅឆ្នាំនេះ
នគរបាលក្រុងប៉ោយបែ៉ត ខេត្តបន្ទាយមានជ័យបានឲ្យដឹងកាលពីម្សិលមិញថា ពួកគេបានកំណត់អត្តសញ្ញាណជនដៃដល់ក្នុងករណីវាយប្រហារដោយទឹកអាស៊ីតកាលពីរសៀលថ្ងៃច័ន្ទហើយ ដែលបានធ្វើឲ្យស្ត្រីអាយុ៣០ឆ្នាំម្នាក់ចូលសម្រាកព្យាបាលនៅមន្ទីរពេទ្យ ហើយថាពួកគេកំពុងស្វែងរកចាប់ខ្លួនឲ្យបានឆាប់តាមដែលអាចធ្វើទៅបាន។
លោក អ៊ុំ សុផល អធិការនគរបាលក្រុងបានបដិសេធមិននិយាយលម្អិតនៅពេលត្រូវបានសួរថា តើនគរបាលបានស្វែងរកស្ត្រីដែលមិនទាន់ស្គាល់ឈ្មោះនៅឡើយដូចម្តេច។ស្ត្រីនោះបានរត់គេច បន្ទាប់ពីជះទឹកអាស៊ីតដាក់ជនរងគ្រោះឈ្មោះ តាំង គឹមជូ ខណៈដែលគាត់កំពុងអង្គុយហូបគុយទាវនៅផ្សារមួយ។
លោកបានមានប្រសាសន៍ថា "យើងកំពុងស្វែងរកចាប់ខ្លួនជនដៃដល់។ លោកបានបន្ថែមថា "នាងប្រចណ្ឌ ហើយនេះគឺជារឿងស្នេហា" ប៉ុន្តែ លោកបានបដិសេធមិនធ្វើអត្ថាធិប្បាយបន្ថែមទេ។
លោកស្រី Erin Bourgois អ្នកគ្រប់គ្រងគម្រោងនៅអង្គការជួយជនរងគ្រោះកម្ពុជាដោយសារអាស៊ីតបានមានប្រសាសន៍ថា ជនរងគ្រោះត្រូវបានបញ្ជូនបន្តពីខេត្តបន្ទាយមានជ័យមកមណ្ឌលវះកាត់កុមារក្នុងរាជធានីភ្នំពេញកាលពីព្រឹកម្សិលមិញ។ លោកស្រី Bourgois បានមានប្រសាសន៍ថា “គាត់ស្ថិតក្នុងស្ថានភាពនឹងនរ ហើយគាត់នឹងធ្វើការវះកាត់នៅពេលណាមួយនៅសប្តាហ៍ក្រោយនេះ"។ វាជាការវាយប្រហារដោយទឹកអាស៊ីតលើកទី២នៅឆ្នាំនេះ៕សារុន
កិច្ចព្រមព្រៀងនយោបាយជួយស្តារទំនុកចិត្តរបស់វិនិយោគិន
មជ្ឈដ្ឋានពាណិជ្ជកម្មនៅប្រទេសកម្ពុជាទំនងជាមានអារម្មណ៍ធូរស្រាលក្នុងចិត្ត បន្ទាប់ពីមានព័ត៌មានកាលពីថ្ងៃអង្គារ អំពីការបញ្ចប់ភាពទាល់ច្រកនយោបាយជិតមួយឆ្នាំ ដែលបានបណ្តាលឲ្យវិនិយោគផ្ទាល់ពីបរទេសថយចុះ។
យោងតាមលោក គ្រិស ហុបដិន (Chris Hobden) មន្ត្រីប្រមូលទិន្នន័យនៅក្រុមហ៊ុនអចលនទ្រព្យ CB...
អ្នកភូមិធ្វើការតវ៉ាបួនថ្ងៃជាប់ៗគ្នាជុំវិញវិវាទដីធ្លីក្នុងខេត្តកណ្តាល
អ្នកភូមិប្រហែល២៥០នាក់បានតវ៉ាប្រឆាំងក្រុមហ៊ុនអភិវឌ្ឍន៍ផានអុីម៉ិច កាលពីម្សិលមិញ ខណៈដែលមេឃុំរបស់ពួកគាត់ប្រឈមនឹងការសាកសួរនៅសាលាដំបូងខេត្តកណ្ដាលជុំវិញវិវាទដីធ្លីមួយ។
រយៈពេលបួនថ្ងៃជាប់ៗគ្នា អ្នកភូមិមកពីឃុំពញាឮ បានប្រមូលផ្ដុំគ្នានៅមុខតុលាការ ដោយចោទក្រុមហ៊ុនផានអុីម៉ិចថា បានរំលោភយកដីចំនួន៦៣ហិកតា ដែលជាកម្មសិទ្ធិរបស់អ្នកភូមិ១៨០គ្រួសារ។
កាលពីខែមុន ក្រុមហ៊ុនអភិវឌ្ឍន៍នេះបានដាក់ពាក្យបណ្ដឹងប្ដឹងអ្នកភូមិ១២គ្រួសារថា...
អ្នកភូមិខេត្តក្រចេះមកស្នាក់នៅក្នុងវត្តសាមគ្គីរង្សីម្តងទៀតតវ៉ាអំពីវិវាទដីធ្លីរបស់ខ្លួន
អ្នកភូមិប្រហែល១៦០នាក់មកពីស្រុកស្នួល ខេត្តក្រចេះដែលបានជាប់ពាក់ព័ន្ធនឹងវិវាទដីធ្លីជាមួយម្ចាស់ចម្ការម្នាក់គឺជាអ្នកដែលត្រូវបានបណ្តេញចេញថ្មីៗមកស្នាក់នៅក្នុងវត្តសាមគ្គីរង្សី ក្នុងរាជធានីភ្នំពេញ។
អ្នកនាំពាក្យសាលារាជធានីម្នាក់ដែលបានប្រឹងប្រែងម្តងហើយម្តងទៀតក្នុងរយៈពេលប៉ុន្មានខែថ្មីៗនេះដើម្បីរារាំងវត្តនេះមិនឲ្យក្លាយជាកន្លែងជ្រកកោនសម្រាប់អ្នកតវ៉ាមកពីតាមខេត្តបានមានប្រសាសន៍កាលពីម្សិលមិញថា អាជ្ញាធរនឹងស្នើឲ្យអ្នកភូមិចាកចេញ។
អ្នកភូមិប្រហែល១០០នាក់បានមកដល់វត្តនេះកាលពីព្រឹកម្សិលមិញ ហើយអ្នកភូមិ៦៤នាក់ទៀតបានមកដល់នៅពេលរសៀលតាមរថយន្តពីរគ្រឿងបន្ទាប់ពីលោក គង់ ចំរើន ជាលេខានៅខុទ្ទកាល័យលោកនាយករដ្ឋមន្ត្រីបានទទួលយកញត្តិរបស់ពួកគាត់នៅសួនមុខវត្តបទុមក្នុងរាជធានីភ្នំពេញ ដែលស្នើសុំជំនួយក្នុងវិវាទដីធ្លីនេះកាលពីថ្ងៃពុធ។
អ្នកស្រី អ៊ុត សៀងហៃ អាយុ៦៦ឆ្នាំ បាននិយាយកាលពីម្សិលមិញថា "ខ្ញុំនឹងស្នាក់នៅវត្តនេះរហូតដល់សម្តេច ហ៊ុន សែន ចេញលិខិតមួយច្បាប់បញ្ជាឲ្យអាជ្ញាធរខេត្តប្រគល់ដីឲ្យពួកយើងវិញ"។ អ្នកស្រីបានបន្ថែមថា អ្នកភូមិជាច្រើននាក់ទៀតមានគម្រោងចូលមកពីស្រុកស្នួលនៅថ្ងៃនេះ។
លោក ឡុង ឌីម៉ង់ អ្នកនាំពាក្យសាលារាជធានីភ្នំពេញបានមានប្រសាសន៍ថា អាជ្ញាធរនឹងមិនអត់ឱនចំពោះអ្នកភូមិដែលស្នាក់នៅវត្តនេះឡើយ។ លោកបានមានប្រសាសន៍កាលពីម្សិលមិញថា "យើងនឹងបញ្ជូនមន្ត្រីរបស់យើងទៅពិនិត្យមើល ហើយប្រសិនបើើយើងឃើញមនុស្សស្នាក់នៅទីនោះ យើងនឹងស្នើសុំឲ្យពួកគាត់ត្រឡប់ទៅផ្ទះវិញ ពីព្រោះយើងមិនចង់ឲ្យរឿងតូចកាន់តែធំទៅៗឡើយ"។
ក្រុមអ្នកភូមិដែលអះអាងថា បានចាប់ផ្តើមផ្លាស់មករស់នៅលើដីស្ថិតក្នុងឃុំស្នួលនេះ កាលពីឆ្នាំ២០០០ បានជាប់ពាក់ព័ន្ធនឹងវិវាទដីធ្លីជាមួយក្រុមហ៊ុន Horizon Agriculture Development ដែលបានទិញដីនេះកាលពីឆ្នាំ២០១០ ដើម្បីធ្វើចម្ការដំឡូងមី និងចម្ការម្រេច បន្ទាប់ពីក្រុមហ៊ុន Growest Trading...
យោងតាមមន្ត្រីមួយរូបបានឲ្យដឹងថា រោងពុម្ពមួយរបស់ជប៉ុនបានដកខ្លួនចេញពីការបោះពុម្ពផ្សាយសៀវភៅមគ្គុទេសក៍របស់វៀតណាម ដែលមានរូបប្រាសាទអង្គរវត្តនៅលើក្របមុខ បន្ទាប់ពីមានការតវ៉ាពីសំណាក់ស្ថានទូតខ្មែរប្រចាំនៅប្រទេសជប៉ុន។
លោក ស៊ឹម វីរៈ លេខាទី១នៅស្ថានទូតខ្មែរប្រចាំប្រទេសជប៉ុន បានលើកឡើងនៅក្នុងសារមួយតាមហ្វេសប៊ុកថា ស្ថានទូតបានធ្វើការតវ៉ាប្រឆាំងនឹងក្រុមហ៊ុនបោះពុម្ពអាស៊ូកា...
ឃាត់ខ្លួនមន្ត្រីកងរាជអាវុធហត្ថម្នាក់រួចដោះលែងវិញបន្ទាប់ពីមានការគំរាមបាញ់់សម្លាប់
មន្ត្រីនគរបាលបាននិយាយថា មន្ត្រីកងរាជអាវុធហត្ថម្នាក់ត្រូវបានឃាត់ខ្លួនយកមកសាកសួរ ក្រោយពីមានការចោទថា បានវាយបុរសម្នាក់ ហើយបានដកកាំភ្លើងភ្ជង់ទៀតបន្ទាប់ពីមានគ្រោះថ្នាក់ចរាចរណ៍តូចតាចមួយក្នុងខណ្ឌ៧មករា។
ប៉ុន្តែបើទោះណាជាមានការចោទប្រកាន់បែបនេះក៏ដោយ ក៏នគរបាលលើកឡើងថា ពួកគេមិនមានគម្រោងបញ្ជូនមន្ត្រីកងរាជអាវុធហត្ថរូបនេះទៅតុលាការដែរ ហើយបានដោះលែងគាត់វិញបន្ទាប់ពីធ្វើការអប់រំរួច។
យោងតាមរបាយការណ៍ដែលបានចុះផ្សាយក្នុងគេហទំព័ររបស់អគ្គស្នងការដ្ឋាននគរបាលជាតិបានឲ្យដឹងថា គ្រោះថ្នាក់ចរាចរណ៍នេះបានកើតឡើងនៅពេលជនរងគ្រោះឈ្មោះ...
ពេលនេះលោក ឆៃ វិទូ ដែលជាសន្តិសុខសណ្តាប់ធ្នាប់ម្នាក់នៅសង្កាត់ស្រះចក កំពុងស្រពេចស្រពិលនៅឡើយ។ ប៉ុន្តែ វាមិនមែនគ្រាន់តែដោយសារគាត់រងរបួសក្បាលធ្ងន់ធ្ងរអំឡុងបាតុកម្មហិង្សារបស់គណបក្សប្រឆាំងនៅជិតទីលានប្រជាធិបតេយ្យថ្ងៃទី១៥ ខែកក្កដា ប៉ុណ្ណោះទេ។
សន្តិសុខសណ្តាប់ធ្នាប់ដែលទទួលបានប្រាក់ខែតិចតួចរូបនេះ កំពុងតែព្យាយាមគិតរកនឹកមូលហេតុដែលគាត់ត្រូវគេបញ្ជាឲ្យទៅល្បាតនៅឯបាតុកម្មហិង្សានៅទីលានប្រជាធិបតេយ្យកាលពីសប្តាហ៍មុន និងអ្នកដែលគួរទទួលខុសត្រូវចំពោះការវាយដំមកលើរូបគាត់។
បុរសវ័យ ៤៥ឆ្នាំរូបនេះបាននិយាយពីលើគ្រែក្នុងមន្ទីរពេទ្យកាល់ម៉ែតកាលពីម្សិលមិញថា "ខ្ញុំមិនដឹងថា ហេតុអ្វីបានជាគេបញ្ជូនពួកយើងទៅកន្លែងតវ៉ានៅថ្ងៃនោះទេ"។
ភ្នែកស្តាំរបស់គាត់នៅជាំនៅឡើយ ធ្វើឲ្យគាត់ពិបាកបើកភ្នែក រីឯក្បាលរបស់គាត់ដែលរងរបួសយ៉ាងជ្រៅក៏កំពុងរុំបង់ថ្មីនៅឡើយដែរ។ គាត់និយាយថា " យើងមិនធ្លាប់ទៅជួយសន្តិសុខខណ្ឌដូនពេញ ឬសន្តិសុខសង្កាត់ណាផ្សេងឡើយពីមុនមក។ ប្រហែលជាដោយសារខ្វះកម្លាំងហើយមើលទៅ។ ខ្ញុំមិនទាន់ដឹងថា គួរបន្ទោសអ្នកណាទេ រដ្ឋាភិបាលត្រូវតែស្វែងរកជនល្មើសឲ្យខ្ញុំ"។
លោក វិទូ ស្ថិតក្នុងចំណោមសន្តិសុខចំនួន៣៧នាក់ដែលរងរបួស ដោយក្នុងនោះមានប្រាំមួយនាក់រងរបួសធ្ងន់ នៅពេលបាតុករគាំទ្រគណបក្សប្រឆាំងបានវាយសងសឹកយ៉ាងខា្លាំងទៅលើសន្តិសុខស្លៀកពាក់ឯកសណ្ឋានពណ៌ទឹកប៊ិចមួយក្រុម ដែលគេបញ្ជូនឲ្យទៅបំបែកការតវ៉ា "រំដោះទីលានប្រជាធិបតេយ្យ"។
សន្តិសុខខណ្ឌដូនពេញមានឈ្មោះល្បីណាស់នៅឆ្នាំនេះដោយសារពួកគេបានប្រើអំពើហិង្សាព្រៃផ្សៃទៅលើអ្នកតវ៉ា ចំណែកឯកម្លាំងសន្តិសុខដែលបានជួបជុំគ្នាដើម្បីបំបែកការតវ៉ាកាលពីថ្ងៃទី១៥ ខែកក្កដា ក៏មានលាយឡំសន្តិសុខមិនសូវមានបទពិសោធន៍មកពីអង្គភាពផ្សេងៗដែរ នេះបើយោងតាមការលើកឡើងរបស់លោក គួច ចំរើន អភិបាលខណ្ឌដូនពេញ។
លោក គួច ចំរើន បានមានប្រសាសន៍ថា អាជ្ញាធរត្រូវការកម្លាំងបន្ថែម ពីព្រោះវា "ច្បាស់ណាស់" ថា បាតុករគាំទ្រគណបក្សសង្គ្រោះជាតិ ដឹកនាំដោយលោកស្រី មូរ សុខហួរ តំណាងរាស្ត្រជាប់ឆ្នោត មានបំណងចូលទៅក្នុងទីលានប្រជាធិបតេយ្យ បំពានបម្រាមមិនឲ្យធ្វើបាតុកម្មជាសាធារណៈ។
លោកមានប្រសាសន៍ថា "ចាប់តាំងពីពួកគេប្រកាសថា ពួកគេនឹងមករំដោះទីលានប្រជាធិបតេយ្យមក យើងបានកោះហៅសន្តិសុខបន្ថែមទៀតទៅកាន់ទីនោះនៅថ្ងៃនោះ។ ហើយមានពេលខ្លះ យើងក៏បានសុំជួយពីខណ្ឌផ្សេងៗទៀតដែរ"។
ប៉ុន្តែលោក គួច ចំរើន ក៏មានប្រសាសន៍ដែរថា សន្តិសុខមិនសូវមានបទពិសោធន៍ដែលមកពីអង្គភាពផ្សេងៗទៀត នឹងមិនត្រូវបានបញ្ជូនទៅឡើយ ប្រសិនបើអាជ្ញាធរគិតថា អាចកើតមានអំពើហិង្សា។
លោកបានមានប្រសាសន៍អំពីបាតុករគាំទ្រគណបក្សប្រឆាំងថា "យើងមិនបានដឹងពីចេតនាប្រើអំពើហិង្សាគិតទុកជាមុនរបស់ពួកគេឡើយ។ ប្រសិនបើយើងដឹង យើងក៏មិននាំសន្តិសុខរបស់យើងឲ្យមកប្រឈមតតាំងនឹងពួកគេដែរ"។
អាជ្ញាធរបានចាប់ខ្លួនតំណាងរាស្ត្រគណបក្សសង្គ្រោះជាតិប្រាំពីររូប និងសកម្មជនគណបក្សមួយរូបទៀត ក្រោយពីមានហេតុការណ៍ប៉ះទង្គិចគ្នាដោយហិង្សា។ សាលាដំបូងរាជធានីភ្នំពេញបានចោទប្រកាន់ពួកគេភ្លាមៗពីបទដឹកនាំកុបកម្ម និងបទញុះញង់ឲ្យប្រព្រឹត្តបទឧក្រិដ្ឋ។បន្ទាប់ពីជាប់ពន្ធនាគារប្រហែលមួយសប្តាហ៍ មន្ត្រីគណបក្សសង្គ្រោះជាតិ ត្រូវបានដោះលែងកាលពីថ្ងៃអង្គារ ពោលគឺតែប៉ុន្មានម៉ោងប៉ុណ្ណោះបន្ទាប់ពីលោកនាយករដ្ឋមន្ត្រី ហ៊ុន សែន និងលោក សម រង្ស៊ី បានចុះកិច្ចព្រមព្រៀងដើម្បីបញ្ចប់ស្ថានភាពជាប់គាំងផ្នែកនយោបាយនៅក្នុងប្រទេស។
គណបក្សប្រជាជនកម្ពុជាបានចោទប្រកាន់គណបក្សសង្គ្រោះជាតិថាជាអ្នកផ្តល់ដំបងឈើឲ្យបាតុករ។ ទោះជាយ៉ាងណា វីដេអូស្តីពីហេតុការណ៍ប៉ះទង្គិចគ្នានោះដែលត្រូវបានបង្ហោះតាមអីុនធើណិត បានបង្ហាញយ៉ាងច្បាស់ថា បាវអង្ករច្រកដំបងពេញ ត្រូវគេដាក់ចុះពីរថយន្តមួយគ្រឿងរបស់សាលារាជធានី និងប្រើដោយសន្តិសុខ។
លោក វិទូ និយាយថា គាត់មិនដឹងថា ដំបងទាំងនោះចេញពីកន្លែងណាទេ។ បុរសដែលត្រូវគេដាល់ ទាត់ធាក់ និងវាយដំរូបនេះ និយាយទៀតថា "វាច្របូកច្របល់ណាស់។ មនុស្សជាច្រើនបានមកសួរខ្ញុំថា ខ្ញុំធ្វើការឲ្យអ្នកណា។ ខ្ញុំមិនទាន់ទាំងបានឆ្លើយផង ពួកគេក៏ចាប់ផ្តើមវ៉ៃខ្ញុំ"។
លោក វិទូ ដែលទទួលបានប្រាក់ខែត្រឹមតែ២៥ដុល្លារពីការងារជាសន្តិសុខសណ្តាប់ធ្នាប់សង្កាត់ និងប្រកបរបរជាអ្នករត់ម៉ូតូឌុបដែរនោះ និយាយថា គាត់និងសន្តិសុខផ្សេងៗទៀតបានចាកចេញពីជួរមុខនៃបាតុកម្ម នៅពេលភាពតានតឹងចាប់ផ្ដើមពុះកញ្ជ្រោលឡើង។ គាត់និយាយទៀតថា ភ្លាមនោះនៅសល់តែគាត់ម្នាក់ឯងគត់ ហើយមានបុរសមួយក្រុមពោរពេញដោយកំហឹងព័ទ្ធគាត់ជុំជិត ហើយស្រែកគំហកដាក់គាត់ខ្លាំងៗ។
លោក វិទូ និយាយថា "ខ្ញុំបានអង្វរឲ្យពួកគេឈប់ ប៉ុន្តែ ពួកគេគិតតែពីវ៉ៃខ្ញុំ ហើយខ្ញុំក៏សន្លប់។ យើងមិនដែលគិតដល់ថាមានរឿងបែបនេះកើតឡើងទេ។ មេរបស់យើងមិនដែលនិយាយថា វានឹងអាចទៅជាបែបនេះឡើយ"។
បុរសរូបនេះនិយាយបន្តថា គាត់មិនស្គាល់ឈ្មោះ ឬលេខទូរស័ព្ទរបស់មេគាត់នៅក្នុងចួរកម្លាំងសន្តិសុខសង្កាត់ទេ។ លោក ឃឹម វុត្ថា ប្រធានសន្តិសុខខណ្ឌដូនពេញ បានបដិសេធមិននិយាយអំពីបាតុកម្មហិង្សានេះទេ។
លោក វិទូ បានលើកឡើងថា គាត់នឹងបន្តធ្វើការងារជាសន្តិសុខដដែល ជាការងារមួយដែលជាធម្មតាពាក់ព័ន្ធនឹងការបោសសំអាតអ្នកសុំទានពីតាមផ្លូវ និងជួយសម្រួលចរាចរណ៍។ គាត់បានបន្តថា "ខ្ញុំនឹងនៅតែធ្វើជាសន្តិសុខដដែលនៅពេលខ្ញុំជា។ ប៉ុន្តែ ខ្ញុំនឹងគិតឲ្យបានពីរដងមុននឹងយល់ព្រមទៅកន្លែងបាតុកម្មនៅទីលានប្រជាធិបតេយ្យ"៕សុខុម
កាលពីម្សិលមិញ លោក សាយ សំអាល់ រដ្ឋមន្ត្រីក្រសួងបរិស្ថាន បានជួបជាមួយតំណាងអង្គការសហប្រជាជាតិ និងតំណាងអង្គការក្រៅរដ្ឋាភិបាល ដើម្បីពិភាក្សាគ្នាអំពីវិវាទដែលកំពុងបន្តកើតមានរវាងក្រុមហ៊ុនចិន Union Development Group (UDG) ដ៏មានឥទ្ធិពល និងអ្នកភូមិខេត្តកោះកុងដែលនិយាយថា ពួកគាត់ត្រូវបានបណ្តេញចេញពីដីធ្លី ហើយជម្រករបស់ពួកគាត់ត្រូវគេដុតបំផ្លាញ។
កាលពីខែកុម្ភៈ លោក សាយ សំអាល់ បានចុះទៅក្រុមហ៊ុន UDG ដែលកាលពីឆ្នាំ២០០៨ទទួលបានដីសម្បទានទំហំ៤៥.០០០ហិកតាដើម្បីសាងសង់សណ្ឋាគារ អាកាសយានដ្ឋាន និងទីលានវាយកូនហ្គុលហ្វ៍នៅខាងក្នុងព្រំប្រទល់ឧទ្យានជាតិបទុមសាគរ ប៉ុន្តែ អ្នកភូមិនៅក្នុងស្រុកគិរីសាគរ និងស្រុកបទុមសាគរដែលរងផលប៉ះពាល់និយាយថា ពួកគាត់ខកចិត្តនៅពេលលោក សាយ សំអាល់ មិនបានជួបជាមួយពួកគាត់ដើម្បីស្តាប់ពីទុក្ខលំបាករបស់ខ្លួន។
កាលពីម្សិលមិញ មិនអាចទាក់ទងទៅលោក សាយ សំអាល់ បានទេ ប៉ុន្តែកាលពីថ្ងៃពុធលោកបានថ្លែងប្រាប់ក្រុមអ្នកយកព័ត៌មាននៅសន្និសីទកាសែតថា ក្រុមហ៊ុននេះកំពុងស្ថិតក្រោមកាតព្វកិច្ច "អនុវត្តកិច្ចសន្យា និងប្លង់មេរបស់ខ្លួន" ខណៈប្រជាពលរដ្ឋដែលរងផលប៉ះពាល់ដោយសារការអភិវឌ្ឍនេះ និងអ្នកដែលទទួលបានសំណង "ត្រូវទទួលយកអ្វីដែលកិច្ចសន្យារបស់ក្រុមហ៊ុនបានសន្យាផ្តល់ឲ្យពួកគាត់"។
ទោះជាយ៉ាងណា អ្នកភូមិនិយាយថា ដីដែលពួកកាត់តាំងលំនៅថ្មីមិនអាចធ្វើស្រែចម្ការបានទេ។ ព័ត៌មានមួយបង្ហោះលើទំព័រហ្វេសប៊ុករបស់រដ្ឋមន្ត្រីរូបនេះកាលពីម្សិលមិញ មានខ្លឹមសារដូច្នេះថា "ឯកឧត្តមបានបង្ហាញជំហរ ហើយថា ក្រសួងបរិស្ថានចង់ដោះស្រាយបញ្ហានេះផ្អែកលើគោលការណ៍ឈ្នះៗ និងគិតពីផលប្រយោជន៍របស់ប្រជាពលរដ្ឋកម្ពុជា។ ឯកឧត្តមចាត់ទុកការចូលរួមរបស់អង្គការនានាថាជាភាពដៃគូដ៏សំខាន់ ប៉ុន្តែ តួនាទីរបស់អង្គការទាំងនោះមិនត្រូវបង្កបញ្ហា ឬបម្រើផលប្រយោជន៍នយោបាយឡើយ"។
នៅក្នុងសេចក្តីថ្លែងការណ៍មួយ អង្គការវេទិកានៃអង្គការមិនមែនរដ្ឋាភិបាល បានលើកឡើងថា ប្រជាពលរដ្ឋ៣៩៨គ្រួសារក្នុងចំណោមប្រជាពលរដ្ឋរងផលប៉ះពាល់ចំនួន១.៩៦៣គ្រួសារ មិនទាន់ទទួលបានសំណងណាមួយសម្រាប់ការបាត់បង់ដីធ្លីរបស់ខ្លួននៅឡើយទេ ហើយកន្លែងតាំងលំនៅថ្មីខ្វះទឹក បង្គន់អនាម័យ និងផ្ទះសមរម្យ។
លោកស្រី វ៉ាន ហ៊ាលី (Wan Hea-Lee) តំណាងការិយាល័យឧត្តមស្នងការសហប្រជាជាតិទទួលបន្ទុកសិទ្ធិមនុស្ស (OHCHR) បានលើកឡើងនៅក្នុងអីុម៉េលមួយថា ជំនួបរៀបចំឡើងដោយអង្គការវេទិកានៃអង្គការមិនមែនរដ្ឋាភិបាលនេះមានសារៈប្រយោជន៍។
លោកស្រីបានមានប្រសាសន៍បន្ថែមទៀតថា " យើងបានសួរថា តើគណៈកម្មាធិការ យល់ព្រមជួបគ្នាជាប្រចាំជាមួយអង្គការពាក់ព័ន្ធដូចដែលមានវត្តមាននៅថ្ងៃនេះដើម្បីប្រាប់គ្នាទៅវិញទៅមកឲ្យបានដឹងអំពីស្ថានភាពវិវឌ្ឍន៍។គាត់បានយល់ព្រមហើយ។ យើងបានស្នើសុំឲ្យបង្កើតយន្តការខុសប្លែកពីគេមួយសម្រាប់ដោះស្រាយពាក្យបណ្តឹងរបស់គ្រួសារនីមួយៗ ដោយសារតែយន្តការដែលមានស្រាប់ មិនបានដោះស្រាយវា ហើយគាត់ក៏បានយល់ព្រមដែរ"៕ សុខុម (រាយការណ៍បន្ថែមដោយ LaurenCrothers)
គណបក្សសង្គ្រោះជាតិនឹងបង្កើតគណៈរដ្ឋមន្ត្រីស្រមោលនៅក្នុងរដ្ឋសភា
គណៈរដ្ឋមន្ត្រីស្រមោលនឹងបង្កើតឡើងនៅក្នុងរដ្ឋសភា នៅពេលដែលតំណាងរាស្ត្រជាប់ឆ្នោតគណបក្សសង្គ្រោះជាតិស្បថចូលកាន់តំណែង ជាទង្វើមួយដែលកាលពី៩ឆ្នាំមុនធ្វើឲ្យតំណាងរាស្ត្រគណបក្សប្រឆាំងមួយរូបជាប់ពន្ធនាគារតាមការចោទប្រកាន់ពីបទញុះញង់ឲ្យមានការបះបោរ។
លោកនាយករដ្ឋមន្ត្រី ហ៊ុន សែន និងលោក សម រង្ស៊ី មេដឹកនាំគណបក្សប្រឆាំងបានព្រមព្រៀងគ្នាកាលពីថ្ងៃអង្គារ...
កម្មកររោងចក្រទាមទារឲ្យមានអន្តរាគមន៍ពីសាលាខណ្ឌពោធិ៍សែនជ័យ
តំណាងសហជីពម្នាក់បាននិយាយថា កាលពីម្សិលមិញកម្មកររោងចក្រប្រហែល២០០នាក់បានហែក្បួនពីរោងចក្រ Sun Well Shoe Factory តាមផ្លូវវេងស្រេងខណ្ឌពោធិ៍សែនជ័យ ដោយបានទាមទារឲ្យមានអន្តរាគមន៍ក្នុងជម្លោះកំពុងកើតមានជុំវិញបញ្ហាប្រាក់ខែរបស់កម្មករ។
លោក សៀង...