CATEGORY
ព័ត៌មានជាតិ
ជនជាតិចិននិងអ្នកភូមិរបួសក្នុងការប៉ះទង្គិចគ្នាទាក់ទិននឹងជម្លោះដីធ្លី
ប៉ូលិសបាននិយាយកាលពីថ្ងៃអាទិត្យថា មនុស្សយ៉ាងហោចណាស់ពីរនាក់បានរងរបួសកាលពីថ្ងៃសុក្រ នៅពេលដែលនិយោជិតបួននាក់នៃក្រុមហ៊ុន ហាម៉ីនីវិន អិនវេសមេន (Hameniven Investment) របស់ចិន បានប៉ះទង្គិចគ្នាជាមួយអ្នកភូមិនៅខេត្តត្បូងឃ្មុំ...
តុលាការដោះលែងស្ត្រីម្នាក់ដែលជាប់ចោទពីបទសម្លាប់ម្តាយរបស់ខ្លួន ឲ្យនៅក្រៅឃុំ
កាលពីថ្ងៃសុក្រ សាលាដំបូងខេត្តកោះកុងបានដោះលែងស្ត្រីម្នាក់ដែលត្រូវបានចោទប្រកាន់ថា បានកាប់ម្តាយរបស់ខ្លួនរហូតដល់ស្លាប់នោះ ឲ្យនៅក្រៅឃុំ ជាការចោទប្រកាន់ដែលក្រុមគ្រួសារ និងអង្គការសិទ្ធិមនុស្សបានបដិសេធ។
ប៉ុន្មានថ្ងៃប៉ុណ្ណោះ បន្ទាប់ពីការសម្លាប់អ្នកស្រី ម៉េង សាយ អាយុ៥៣ឆ្នាំ ដោយកាប់នឹងពូថៅ កាលពីថ្ងៃទី២៨ខែឧសភា នៅក្នុងក្រុងខេមរភូមិន្ទមក នគរបាលបានកំណត់បទឧក្រិដ្ឋនេះទៅលើកូនស្រីរបស់ជនរងគ្រោះឈ្មោះ ផាន់ នីស៊ិន អាយុ៣១ឆ្នាំ ផ្អែកលើការផ្តល់សក្ខីកម្មពីមិត្តភក្តិម្នាក់ក្នុងចំណោមមិត្តភក្តិរបស់ នីស៊ិន ។
សាក្សីបានលើកឡើងថា ពួកគេបានឃើញមិត្តភក្តិម្នាក់ឈ្មោះ ជា មុំ នៅកន្លែងកើតហេតុនោះ។ ស្ត្រីរូបនោះត្រូវបានឃាត់ខ្លួនដើម្បីសាកសួរ ហើយខ្សែក និងខ្សែដៃ ដែលជារបស់ស្ត្រីដែលបានស្លាប់នោះត្រូវបានរកឃើញនៅផ្ទះរបស់គាត់។
អ្នកស្រី ជា មុំ បានប្រាប់នគរបាលថា គាត់បានឃើញអ្នកស្រី នីស៊ិន សម្លាប់ ហើយថា ស្ត្រីជាកូនស្រីរូបនេះបានយកគ្រឿងអលង្ការរបស់ម្តាយខ្លួនមកសូកគាត់ដើម្បីឲ្យគាត់នៅស្ងៀម។
កាលពីម្សិលមិញ លោក មិន មករា ចៅក្រមសើុបសួរបានអះអាងថា លោកបានដោះលែងអ្នកស្រី នីស៊ិន ឲ្យនៅក្រៅឃុំ ប៉ុន្តែ បានបដិសេធមិននិយាយពីករណីនេះទេ។ អ្នកស្រី ជា មុំ នៅក្នុងពន្ធនាគារនៅឡើយ ក្នុងនាមជាអ្នកសមគំនិតនៃអំពើឃាតកម្មនោះ ។
លោក ឡាយ ម៉េងលាំង នាយការិយាល័យនគរបាលព្រហ្មទណ្ឌកម្រិតស្រាលខេត្តបានមានប្រសាសន៍ថា ចៅក្រម មិន មករា បានសរសេរលិខិតទៅក្រសួងយុត្តិធម៌កាលពីសប្តាហ៍មុនដែលមានខ្លឹមសារថា ករណីចោទប្រកាន់អ្នកស្រី នីស៊ិន ខ្វះភ័ស្តុតាង។
លោក ម៉េងលាំង ដែលបានពិនិត្យការសើុបអង្កេត និងបានប្រកាន់តាមការសន្និដ្ឋានរបស់ខ្លួននោះបានមានប្រសាសន៍ថា "ខ្ញុំមិនយល់ ហើយមិនដឹងត្រូវនិយាយអ្វីឡើយ។ យើងប្រមូលបានភ័ស្តុតាង៧០ទៅ៨០ភាគរយ ប៉ុន្តែប្រសិនបើតុលាការគិតថា មានភ័ស្តុតាងមិនគ្រប់គ្រាន់ក្នុងការចោទប្រកាន់ជនសង្ស័យនោះ វាជាឆន្ទានុសិទ្ធិរបស់តុលាការ"។
លោក ញៀប សាមឿន អ្នកសម្របសម្រួលនៅអង្គការអាដហុកប្រចាំខេត្តនេះដែលបានសរសេរលិខិតផ្ញើជូនចៅក្រមរូបនោះកាលពីពីរសប្តាហ៍មុនស្នើសុំឲ្យដោះលែងអ្នកស្រី នីស៊ិន បានមានប្រសាសន៍ថា សេចក្តីសម្រេចដោះលែងឲ្យនៅក្រៅឃុំកាលពីថ្ងៃសុក្រ គឺហួសពេលកំណត់។
យោងតាមលោក សាមឿន បានឲ្យដឹងថា ការសើុបអង្កេតរបស់អង្គការអាដហុកបានរកឃើញថា អ្នកស្រី នីស៊ិន ត្រូវបានមនុស្សជាច្រើននាក់បានឃើញនៅផ្សារមួយនៅពេលគាត់ប្រុងសម្លាប់ម្តាយរបស់ខ្លួននោះ។
លោកបានមានប្រសាសន៍ថា សមាជិកក្រុមគ្រួសារក៏បាននិយាយអំពីទំនាក់ទំនងល្អរវាងម្តាយ និងកូនស្រីនេះដែរ។
លោកបានមានប្រសាសន៍ថា "យើងស្វាគមន៍ការដោះលែងនេះ ប៉ុន្តែ តុលាការគួរតែដោះលែងជនសង្ស័យរូបនេះឆាប់ជាងនេះ"៕សារុន
តំណាងរាស្ត្រនិងអ្នកផ្សេងទៀតប៉ះទង្គិចជាមួយជនជាតិវៀតណាមនៅព្រំដែន
យោងតាមសាក្សីនិងមេប៉ុស្តិ៍មូលដ្ឋានម្នាក់បានឲ្យដឹងថា លោក រៀល ខេមរិន្ទ្រ តំណាងរាស្ត្រគណបក្សប្រឆាំង និងមនុស្សប្រហែល១០នាក់ផ្សេង តាមសេចក្តីរាយការណ៍ថាបានទទួលរងការវាយតប់ពីសំណាក់ជនស៊ីវិល វៀតណាមកាលពីថ្ងៃអាទិត្យ អំឡុងការប៉ុនប៉ងមិនបានសម្រេចដើម្បីពិនិត្យបង្គោលព្រំដែនមាន...
ក្រុម មន្ត្រីបាននិយាយកាលពីម្សិលមិញថា ក្មេងប្រុងអាយុ១៥ឆ្នាំម្នាក់ត្រូវបានផ្តន្ទាទោសឲ្យជាប់ពន្ធនាគារ ក្នុងក្រុងដូនកែវ ខេត្តតាកែវ កាលពីសប្តាហ៍មុនបន្ទាប់ពីបានចាប់កុមារីម្នាក់ជាចំណាប់ខ្មាំង ខណៈដែលស្ថិតក្រោមឥទ្ធិពលថ្នាំញៀន។
យោង តាមលោក សែម...
បេក្ខជនរាប់ពាន់មឺុននាក់បានសម្រុកមកកាន់វិទ្យាល័យ និងអនុវិទ្យាល័យនានាទូទាំងរាជធានីភ្នំពេញកាលពីចុងសប្តាហ៍កន្លងមកនេះដើម្បីធ្វើតេស្តប្រឡងភាសាកូរ៉េ ដោយសង្ឃឹមថានឹងមានឱកាសរកបានការងារមានប្រាក់ខែខ្ពស់នៅក្នុងប្រទេសកូរ៉េខាងត្បូង នេះបើយោងតាមបេក្ខជនប្រឡងបានលើកឡើងកាលពីម្សិលមិញ។
យោងតាមកាលវិភាគប្រឡងដែលត្រូវបានប្រកាសកាលពីដើមខែនេះដោយក្រសួងការងារ និងបណ្តុះបណ្តាលវិជ្ជាជីវៈ ដែលបានរៀបចំការប្រឡងនេះ បានបង្ហាញថា សិស្សបានចូលរួមប្រឡងនៅសាលាចំនួនប្រាំពីរកាលពីថ្ងៃសៅរ៍ និងថ្ងៃអាទិត្យ ។
នៅឯអនុវិទ្យាល័យចតុមុខក្នុងខណ្ឌដូនពេញកាលពីម្សិលមិញ ថោង បូរ៉េត អាយុ២៩ឆ្នាំមកពីខេត្តកំពង់ស្ពឺ បាននិយាយថា គាត់មានបំណងធ្វើការនៅក្នុងប្រទេសកូរ៉េខាងត្បូងនៅរោងចក្រផលិតទូរស័ព្ទដៃ ឬគ្រឿងសង្ហារិម។
បុរសរូបនេះបាននិយាយថា "អ្នកជិតខាងខ្ញុំដែលទទួលបានប្រាក់ពីកូនៗដែលកំពុងធ្វើការនៅទីនោះ បានប្រាប់ខ្ញុំថា បើខ្ញុំធ្វើការនៅទីនោះ ខ្ញុំនឹងទទួលបានយ៉ាងហោចណាស់១.០០០ដុល្លារក្នុងមួយខែ ។ ខ្ញុំធ្លាប់ធ្វើជាជាងជួសជុលម៉ាស៊ីនដេរ នៅរោងចក្រមួយក្នុងខេត្តតាកែវ។ នៅទីនោះខ្ញុំទទួលបានប្រហែល២០០ដុល្លារប៉ុណ្ណោះក្នុងមួយខែ"។
បុរសរូបនេះបាននិយាយបន្តទៀតថា គាត់បានចំណាយប្រាក់៥០ដុល្លារ ទៅលើថ្លៃវគ្គសិក្សាភាសាកូរ៉េរយៈពេលប្រាំមួយខែនៅមជ្ឈមណ្ឌលភាសាមួយកន្លែងនៅជាយរាជធានីភ្នំពេញ បន្ទាប់មកបានចំណាយ២៤ដុល្លារទៅឲ្យក្រសួងការងាររបស់កូរ៉េខាងត្បូងដើម្បីធ្វើតេស្តប្រឡងភាសាកូរ៉េកាលពីម្សិលមិញ។
នៅឯអនុវិទ្យាល័យចតុមុខដដែល នារីម្នាក់ឈ្មោះ ឈាង គន្ធា អាយុ២២ឆ្នាំមកពីខេត្តកណ្តាលនិយាយថា បងស្រីរបស់នាងរកបានការងារធ្វើនៅក្នុងប្រទេសកូរ៉េខាងត្បូង ហើយបានបញ្ចុះបញ្ចូលនាងឲ្យធ្វើតាមខ្លួន។
នាងនិយាយថា "ពេលនេះ គាត់ទទួលបាន១.៣០០ដុល្លារក្នុងមួយខែពីការងារកោររោមជ្រូក។ គាត់អាចផ្ញើ១.២០០ដុល្លារមកផ្ទះវិញជារៀងរាល់ខែ ដោយសារកន្លែងធ្វើការរបស់គាត់ចេញថ្លៃស្នាក់នៅ និងអាហារ"។
នាងនិយាយទៀតថា កាលពីនាងធ្វើការនៅរោងចក្រកាត់ដេរមួយកន្លែងក្នុងឆ្នាំ២០១៣នាងទទួលបានតែ១០០ដុល្លារប៉ុណ្ណោះក្នុងមួយខែ៕សុខុម
បក្សសង្គ្រោះជាតិរៃអង្គាសបាន២០០.០០០ដុល្លារក្នុងសប្តាហ៍ដំបូងសម្រាប់ស្ថានីយទូរទស្សន៍
លោក សម រង្ស៊ី មេដឹកនាំគណបក្សប្រឆាំងបានមានប្រសាសសន៍កាលពីម្សិលមិញថា ទឹកប្រាក់ជាង២០០.០០០ដុល្លារ ត្រូវបានរៃអង្គាសកាលពីចុងសប្តាហ៍ដំបូងនៃយុទ្ធនាការរបស់គណបក្ស សង្គ្រោះជាតិក្នុងការរៃអង្គាសប្រាក់ដែលចាំបាច់សម្រាប់ដំណើរការ ស្ថានីយទូរទស្សន៍ដែលមានទំនាក់ទំនងជាមួយគណបក្សប្រឆាំងលើកដំបូងក្នុ ងប្រទេសកម្ពុជានៅដំណាច់ឆ្នាំនេះ។
កាលពី...
លោក សម រង្ស៊ី ប្រធានគណបក្សសង្គ្រោះជាតិបានមានប្រសាសន៍កាលពីម្សិលមិញថា ពេលនេះគណបក្សប្រឆាំងមានផែនទីព្រំដែនកម្ពុជា-វៀតណាម ដែលត្រឹមត្រូវតាមរដ្ឋធម្មនុញ្ញហើយ ហើយមិនយូរទេនឹងចាប់ផ្តើមប្រើប្រាស់វាជាមួយបច្ចេកវិទ្យា GPS ដើម្បីបញ្ជាក់ថា តើបង្គោលព្រំដែនដែលត្រូវបានបោះនៅតាមបណ្តោយព្រំដែនប្រវែង១.២២៨គីឡូម៉ែត្រត្រឹមត្រូវដែរ ឬទេ។
ក្នុងរយៈពេលមួយខែមកនេះ ក្រុមតំណាងរាស្ត្រគណបក្សសង្គ្រោះជាតិបានអំពាវនាវឲ្យរដ្ឋាភិបាលបញ្ចេញផែនទីផ្លូវការនៃព្រំដែនកម្ពុជា-វៀតណាមដើម្បីឲ្យក្រុមការងាររបស់គណបក្សសង្គ្រោះជាតិពិនិត្យផ្ទៀងផ្ទាត់ថា តើបង្គោលព្រំដែនត្រូវបានបោះត្រឹមត្រូវ ដែរឬទេ ប៉ុន្តែ ត្រូវរដ្ឋាភិបាលបានបដិសេធ។
លោក សម រង្ស៊ី បានមានប្រសាសន៍កាលពីម្សិលមិញថា គណបក្សប្រឆាំងបានងាកទៅប្រមូលច្បាប់ចម្លងនៃផែនទីដែលត្រូវបានបង្កើតឡើងអំឡុងការត្រួតត្រារបស់អាណានិគមនិយមបារាំង ពីវិទ្យាស្ថានភូមិសាស្ត្រជាតិ (National Geographic Institute) ក្នុងទីក្រុងប៉ារីស។
ទាំង២៦បំណែកនៃផែនទីនេះដែលត្រូវបានគូរដោយប្រើខ្នាត១/១០០.០០០ នឹងត្រូវប្រើប្រាស់ដើម្បីជួយដល់តំណាងរាស្ត្រគណបក្សសង្គ្រោះជាតិអំឡុងពេលចុះទៅពិនិត្យមើលការរំលោភបំពានទឹកដីពីសំណាក់វៀតណាម។
លោក សម រង្ស៊ី បានមានប្រសាសន៍ថា "យើងចង់ពិនិត្យមើលបង្គោលព្រំដែន។ យើងត្រូវការប្រើប្រាស់កុំព្យូទ័រដើម្បីប្តូរទិន្នន័យផែនទីទៅជាទម្រង់ឌីជីថល ហើយយើងនឹងទៅពិនិត្យមើលបង្គោលព្រំដែន និងប្រមូលកូអ័រដោណេ GPS ហើយកុំព្យូទ័រនឹងជួួយយើងពិនិត្យផ្ទៀងផ្ទាត់កន្លែងជាក់លាក់ទាំងនោះ។ យើងនឹងពិនិត្យមើលថា តើបង្គោលព្រំដែនដែលបោះរួច ស្ថិតនៅខាងក្នុង ឬខាងក្រៅទឹកដីកម្ពុជានៅក្នុងផែនទីនេះ"។
បំណែកនីមួយៗនៃបំណែកផែនទីទាំង២៦ ត្រូវបានលោក ហុង សុខហួរ សមាជិកព្រឹទ្ធសភាមកពីគណបក្ស សម រង្ស៊ី ស្គែនយ៉ាងច្បាស់នៅវិទ្យាស្ថានភូមិសាស្ត្រជាតិ ក្នុងទីក្រុងប៉ារីស ហើយនាំយកមកកម្ពុជាដោយសារតែរដ្ឋាភិបាលគ្មានឆន្ទៈផ្តល់ច្បាប់ចម្លងនៃផែនទីនេះ។
រដ្ឋធម្មនុញ្ញចែងថា ផែនទីព្រំដែនដែលគូរចន្លោះពីឆ្នាំ១៩៣៣ ដល់ឆ្នាំ១៩៥៣ដោយប្រើខ្នាត១/១០០.០០០ គឺជាផែនទីស្របច្បាប់តែមួយគត់។
លោក សម រង្ស៊ី បានមានប្រសាសន៍ថា "មានផែនទីតែមួយគត់ នេះគឺផែនទី។ វាជាអ្វីដែលមានចែងយ៉ាងច្បាស់នៅក្នុងរដ្ឋធម្មនុញ្ញ"។
លោក សុខ ឦសាន អ្នកនាំពាក្យគណបក្សប្រជាជនកម្ពុជា បានមានប្រសាសន៍ថា រដ្ឋាភិបាលរីករាយនឹងពិនិត្យផ្ទៀងផ្ទាត់ថា តើផែនទីដែលគណបក្សសង្គ្រោះជាតិមាននៅក្នុងដៃគឺជាផែនទីត្រឹមត្រូវដែរឬទេ ប៉ុន្តែ បានយល់ស្របនឹងលោក សម រង្ស៊ី ថា វាគួរតែជាក់ស្តែង។
អ្នកនាំពាក្យរូបនេះបានលើកឡើងទៀតថា "មានផែនទីតែមួយគត់។ ផែនទីដែលរដ្ឋាភិបាលប្រើប្រាស់ដើម្បីកំណត់ព្រំដែនកម្ពុជា-វៀតណាម ត្រូវបានបន្សល់ទុកពីសម័យអាណានិគមនិយមបារាំង ហើយផែនទីនេះក៏ត្រូវបានព្រះមហាក្សត្រ នរោត្តម សីហនុ យកទៅរក្សាទុកនៅអង្គការសហប្រជាជាតិដែរនៅក្នុងឆ្នាំ១៩៦៤។ ដូច្នេះហើយគ្មានអ្វីចម្លែកទេចំពោះរឿងនេះ។ ប្រសិនបើគាត់មានផែនទី សូមយកវាប្រគល់ឲ្យគណៈកម្មការព្រំដែនរបស់រដ្ឋាភិបាល ហើយគណៈកម្មការព្រំដែននឹងផ្ទៀងផ្ទាត់"។
លោក វ៉ា គឹមហុង ប្រធានគណៈកម្មការព្រំដែនរួមកម្ពុជា-វៀតណាម បានមានប្រសាសន៍ថា លោកមិនដឹងច្បាស់ថា តើគណបក្សសង្គ្រោះជាតិចោទប្រកាន់គណៈកម្មការរបស់លោកថា បានបោះបង្គោលព្រំដែនខុសដោយគ្មានផែនទីបែបនេះដោយរបៀបណាឡើយ ប៉ុន្តែ បានមានប្រសាសន៍ថា លោកស្វាគមន៍ការពិនិត្យផ្ទៀងផ្ទាត់េនះ។
លោកបានមានប្រសាសន៍បន្តថា "ខ្ញុំរីករាយដែលពេលនេះគណបក្សសង្គ្រោះជាតិមានផែនទី។ ពួកគេបានរិះគន់យើងដោយគ្មានផែនទីជាច្រើនឆ្នាំមកហើយ។ អ្នកជំនាញខាង IT និង GPS របស់គណបក្សសង្គ្រោះជាតិអាចធ្វើរឿងេនះបាន។ ប្រសិនបើពួកគេមានសមត្ថភាពវាស់បង្គោលព្រំដែនដោយប្រើ GPS និងផែនទីរបស់ពួកគេ យើងសូមអបអរសាទរពួកគេ។ នេះគឺដើម្បីប្រទេសរបស់យើង និងផលប្រយោជន៍ជាតិ។ យើងស្វាគមន៍គណបក្សសង្គ្រោះជាតិដែលមានផែនទីធ្វើការជាមួយ"។
ចាប់តាំងពីខែមុនមក...
មនុស្សរាប់រយនាក់តវ៉ានៅមុខរដ្ឋសភាជំទាស់នឹងច្បាប់អង្គការមិនមែនរដ្ឋាភិបាល
អង្គការមិនមែនរដ្ឋាភិបាលបានប្រមូលផ្តុំមនុស្សប្រហែល៣០០នាក់មកជួបជុំគ្នានៅមុខរដ្ឋសភាកាលពីម្សិលមិញដើម្បីតវ៉ានឹងការអនុម័តច្បាប់ដែលនឹងបង្ខំឲ្យអង្គការមិនមែនរដ្ឋាភិបាលទាំងអស់ និងសមាគមនានានៅក្នុងប្រទេសចុះឈ្មោះ និងដាក់របាយការណ៍ទៀងទាត់ទៅរដ្ឋាភិបាល។
អ្នករិះគន់សេចក្តីព្រាងច្បាប់នេះ ដែលកំពុងត្រូវបានពិនិត្យនៅរដ្ឋសភានៅមុនការបោះឆ្នោតនោះ លើកឡើងថា ច្បាប់នេះមានភាពមិនច្បាស់លាស់ និងបទប្បញ្ញត្តិទូលំទូលាយដែលនឹងផ្តល់ អំណាចបន្ថែមទៀតដល់រដ្ឋាភិបាលក្នុងការបិទ ឬបដិសេធការចុះឈ្មោះដល់អង្គការនានា...
កសិករពីរនាក់ជាប់ពន្ធនាគារ អ្នកតស៊ូមតិសិទ្ធិមនុស្សត្រូវបានកោះហៅជុំវិញវិវាទដីធ្លី
កសិករពីរនាក់ដែលជាប់ពាក់ព័ន្ធនៅក្នុងវិវាទដីធ្លីមួយដែលធ្វើឲ្យ អ្នកតស៊ូមតិសិទ្ធិមនុស្សដ៏លេចធ្លោរមួយរូប និងមន្ត្រីតុលាការចំនួនពីររូបដាក់ពាក្យប្ដឹងគ្នាទៅវិញ ទៅមកនោះ ត្រូវបានរកឃើញថា មានទោសកំហុស ពីបទរានដីដោយខុសច្បាប់កាលពីថ្ងៃសុក្រ ដោយសាលាដំបូងខេត្តសៀមរាប ហើយត្រូវបានផ្ដន្ទាទោសឲ្យជាប់ពន្ធនាគាររយៈពេលពីរឆ្នាំ។
បុរសទាំងពីរនាក់នេះ...
បន្ទាប់ពីដំណើរចុះទៅកាន់តំបន់មានជម្លោះតាមបណ្ដោយព្រំដែនកម្ពុជា-វៀតណាមអស់រយៈពេលប៉ុន្មានសប្ដាហ៍រួចមក គណបក្សសង្គ្រោះជាតិបានចេញសេចក្ដីថ្លែងការណ៍ផ្លូវការមួយកាលពីថ្ងៃព្រហស្បតិ៍ ដោយទាមទារឲ្យរដ្ឋាភិបាលរុះរើគណៈកម្មាធិការព្រំដែនរបស់ខ្លួន លុបចោលសន្ធិសញ្ញាព្រំដែនឆ្នាំ២០០៥ និងយកសំណុំរឿងប្រឆាំងនឹងវៀតណាមទៅកាន់តុលាការអន្តរជាតិ។
យុទ្ធនាការចុងក្រោយក្នុងចំណោមយុទ្ធនាការជាយូរមកហើយរបស់គណបក្សសង្គ្រោះជាតិប្រឆាំងនឹងការដោះស្រាយរបស់រដ្ឋាភិបាលក្នុងការវាស់វែងព្រំដែនរបស់កម្ពុជាជាមួយប្រទេសវៀតណាម គឺផ្ដោតលើតំបន់ចំនួនបួនមានដូចជាខេត្តរតនគិរី ខេត្តមណ្ឌលគិរី ខេត្តកណ្ដាល និងខេត្តត្បូងឃ្មុំ។
នៅក្នុងសេចក្ដីថ្លែងការណ៍មួយចេញកាលពីថ្ងៃព្រហស្បតិ៍...