CATEGORY
ព័ត៌មានជាតិ
អ្នកនេសាទមួយក្រុមមានគ្នាចំនួន២៣០នាក់ ដែលជាប់ទៅណាមិនរួចនៅក្នុងប្រទេសឥណ្ឌូណេស៊ី បានវិលត្រឡប់មកដល់កម្ពុជាវិញហើយកាលពីម្សិលមិញ បន្ទាប់ពីត្រូវបានជួយសង្គ្រោះពីការធ្វើការដូចទាសករនៅលើទូកនេសាទដែលបញ្ជាដោយជនជាតិថៃ។
អ្នកនេសាទកម្ពុជាជាង៣០០នាក់ត្រូវបានធ្វើមាតុភូមិនិវត្តពីប្រទេសឥណ្ឌូណេស៊ី ក្នុងរយៈពេលពីរខែមកនេះ រួមទាំងក្រុមអ្នកនេសាទកាលពីម្សិលមិញផង ក្រោយពីរដ្ឋាភិបាលឥណ្ឌូណេស៊ីបានអនុវត្តបម្រាមលើទូកនេសាទបរទេសដែលដាក់ចេញកាលពីខែវិច្ឆិកាដើម្បីគ្រប់គ្រងវិស័យេនះឲ្យបានប្រសើរជាងមុន។
បម្រាមនេះបានបង្ខំឲ្យទូកនេសាទដែលបញ្ជាដោយជន ជាតិថៃចូលចត និងដោយសារមានការសើុប អង្កេតពីសំណាក់ទីភ្នាក់ងារសារព័ត៌មាន AP បានឈានទៅដល់ការរកឃើញពលករចំណាកស្រុក រាប់ពាន់នាក់មកពីប្រទេសភូមា ប្រទេសកម្ពុជា និងប្រទេសថៃដែលត្រូវគេបង្ខំឲ្យ ធ្វើការនៅទូកទាំងនោះ។
អ្នកនេសាទ៩៧នាក់បានវិលត្រឡប់ពីកោះបេនជីណា ប្រទេសឥណ្ឌូណេស៊ីមកកាន់កម្ពុជាវិញ កាលពីខែឧសភា និងខែមិថុនា បន្ទាប់ពីត្រូវគេបង្ខំឲ្យធ្វើការដូចទាសករអស់រយៈពេលរាប់ខែ ឬរាប់ឆ្នាំ។ អ្នកនេសាទជាច្រើនក្នុងចំណោមនោះនិយាយថា ខ្លួនត្រូវគេរត់ពន្ធចូលក្នុងប្រទេសថៃដោយប្រើលេសថា ពួកគេនឹងទទួលបានការងារមានប្រាក់ខែខ្ពស់ មុនពេលត្រូវគេបង្ខំឲ្យធ្វើការនៅលើទូក។
បុរសដែលបានធ្វើមាតុភូមិនិវត្តកាលពីម្សិលមិញ គឺមកពីកោះអាំប៊ុន បន្ទាប់ពីមន្ត្រីការទូតកម្ពុជា និងក្រសួងជលផលរបស់ប្រទេសឥណ្ឌូណេស៊ីបានចរចាបញ្ជូនពួកគេត្រឡប់មកវិញ ជាមួយក្រុមហ៊ុនឧស្សាហកម្មភីធី ម៉ារីប៊ូ គ្រុប ជាក្រុមហ៊ុនតំណាងឲ្យទូកនេសាទថៃដែលអ្នកនេសាទទាំងនេះធ្វើការឲ្យក្នុងលក្ខខណ្ឌការងារដូចទាសករ។
នៅឯអាកាសយានដ្ឋានភ្នំពេញអន្តរជាតិកាលពីម្សិលមិញ លោកស្រី ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអគ្គលេខាធិការនៃគណៈកម្មាធិការជាតិដឹកនាំការបង្ក្រាបអំពើជួញដូរមនុស្ស បានមានប្រសាសន៍ថា ការដែលពលករចំណាកស្រុកឆ្លងដែនដោយខុសច្បាប់ មិនមែនមកពីកង្វះឱកាសការងារនៅក្នុងប្រទេសនោះទេ។
លោកស្រីបានគូសបញ្ជាក់ថា "អស់លោកត្រូវតែយល់ មិនថានៅកម្ពុជា ឬនៅបណ្តាប្រទេសធំៗទេ គឺសុទ្ធតែមានអ្នកធ្វើចំណាកស្រុក វាមិនមានន័យថា នៅក្នុងប្រទេសរបស់ពួកគេគ្មានការងារសម្រាប់ពួកគេឡើយ។ វាជាជម្រើសរបស់ពួកគេ។នៅពេលពួកគេគិតថា នៅកន្លែងណាបានប្រាក់ខែខ្ពស់ជាង ពួកគេនឹងធ្វើការជ្រើសរើស"។
ខណៈពេលអ្នកនេសាទរាប់រយនាក់ឡើងជិះរថយន្តក្រុងទៅកាន់សាលាខណ្ឌជ្រោយចង្វា លោកស្រីបានថ្លែងទៅកាន់ប្រព័ន្ធផ្សព្វផ្សាយថា លោកស្រីមិនដឹងច្បាស់ថា តើមានអ្នកនេសាទកម្ពុជាប៉ុន្មានអ្នកទៀតជាប់នៅក្នុងប្រទេសឥណ្ឌូណេស៊ីទេ។ លោកស្រីមានប្រសាសន៍ថា "យើងមិនអាចប៉ាន់ស្មានដឹងថា មានប៉ុន្មានអ្នកកំពុងស្ថិតក្នុងប្រទេសឥណ្ឌូណេស៊ីនោះទេ ពីព្រោះពួកគេទៅដោយខុសច្បាប់"។
លោក ឌី ថេហូយ៉ា មន្ត្រីកម្មវិធីទទួលបន្ទុកបញ្ហាចំណាកស្រុក និងការជួញដូរមនុស្សនៅមជ្ឈមណ្ឌលអប់រំច្បាប់សម្រាប់សហគមន៍ បានមានប្រសាសន៍ថា ការលើកឡើងរបស់លោកស្រី ជូ ប៊ុនអេង គឺជាការបង្វែរការចាប់អារម្មណ៍លើឧបសគ្គពិតដែលពលករធ្វើចំណាកស្រុកដើម្បីរកការងារធ្វើកំពុងតែប្រឈមមុខ។
លោកបានលើកឡើងថា "ភាគច្រើនពួកគាត់មកពីតំបន់ជនបទដែលការធ្វើស្រែចម្ការគឺជាជម្រើសតែមួយគត់របស់ពួកគាត់។ រដ្ឋាភិបាលកម្ពុជាគ្មានសមត្ថភាពជួយអ្នកទាំងេនះឲ្យទទួលបានការងារនៅទីនេះទេ។ ប្រសិនបើមាន ហើយពួកគាត់ទទួលបានការបណ្តុះបណ្តាលវិជ្ជាជីវៈ ម្លេ៉ះពួកគាត់មិនទៅប្រទេសថៃតាំងពីដំបូង"។
លោកបានទទួលស្គាល់ថា ក្រសួងការងារបានដំណើការមណ្ឌលបណ្តុះបណ្តាលវិជ្ជាជីវៈ និងមណ្ឌលការងារ ប៉ុន្តែ លោកបានបញ្ជាក់ថា វាមិនគ្រប់គ្រាន់ទេ។ ដោយសារតែគ្មានការបណ្តុះបណ្តាលត្រឹមត្រូវដើម្បីអភិវឌ្ឍជំនាញរបស់ពួកគាត់ បានធ្វើឲ្យពលករគ្មានជំនាញទៅស្វែងរកការងារធ្វើនៅក្នុងប្រទេសថៃ ពីព្រោះពួកគាត់អាចរកប្រាក់បានច្រើនជាងនៅកម្ពុជា។
លោកស្រី សារ៉ា ភាហ្សាណូ នាយកគម្រោងប្រឆាំងការជួញដូរមនុស្ស ដែលទទួលបានជំនួយមូលនិធីពីសហរដ្ឋអាមេរិក បានមានប្រសាសន៍ថា ការបណ្តុះបណ្តាលបន្ថែមដើម្បអភិវឌ្ឍជំនាញរបស់ពលករនៅកម្ពុជា នឹងជួយការពារពួកគេពីការត្រូវគេបង្ខំឲ្យធ្វើការនៅលើទូកនេសាទ។
លោកស្រីថ្លែងថា "ពលករដែលប្រឈមហានិភ័យបំផុត គឺពលករគ្មានជំនាញ។ ខ្ញុំគិតថា ចាំបាច់ត្រូវមានព័ត៌មានបន្ថែមទៀតស្តីពីឱកាសការងារ ហើយការបណ្តុះបណ្តាលបន្ថែម នឹងជួយការពារពលករតាមរយៈការធ្វើឲ្យពួកគេមិនសូវងាយរងគ្រោះ"។
លោក បឿន បើយ មកពីខេត្តសៀមរាប ដែលទើបតែវិលត្រឡប់មកប្រទេសឥណ្ឌូណេស៊ីវិញ និយាយថា គាត់គ្មានដីសម្រាប់ធ្វើកសិកម្មទេ ហើយគាត់បានទៅប្រទេសថៃ ដើម្បីរកការងារធ្វើ ពីព្រោះវាជាផ្លូវតែមួយគត់សម្រាប់គាត់ទទួលបានការងារធ្វើ។ គាត់និយាយថា "ការធ្វើការនៅលើទូកមិនងាយស្រួលទេ យើងធ្វើការហាលភ្លៀង និងកណ្តាលថ្ងៃ។ ពួកគេបង្ខំឲ្យយើងធ្វើការហើយធ្វើការទៀត ពីព្រោះពួកគេចង់បានត្រីច្រើន"។
អ្នកនេសាទទាំង២៣០នាក់នេះបានទទួលប្រាក់ខែរបស់ខ្លួន និងជិះយន្តហោះត្រឡប់មកប្រទេសកម្ពុជាវិញដោយឥតគិតថ្លៃ បន្ទាប់ពីរដ្ឋាភិបាលឥណ្ឌូណេស៊ី និងស្ថានទូតកម្ពុជានៅក្នុងទីក្រុងហ្សាការតាបានជួយអន្តរាគមន៍។
លោក មីុ គីម អាយុ៣៦ឆ្នាំមកពីខេត្តកំពង់ធំនិយាយថា គេប្រាប់គាត់ថា គាត់នឹងធ្វើការនេសាទនៅក្នុងដែនសមុទ្រថៃ ប៉ុន្តែ ទូកបែរជាចេញទៅប្រទេសឥណ្ឌូណេស៊ីទៅវិញ ធ្វើឲ្យគាត់ជាប់នៅទីនោះអស់រយៈពេលពីរឆ្នាំ។
គាត់និយាយទៀតថា "យើងត្រូវធ្វើការទាំងថ្ងៃទាំងយប់ ហើយពេលខ្លះបានដេកតែកន្លះម៉ោងប៉ុណ្ណោះ។ ខ្ញុំមិនចង់ត្រឡប់ទៅវិញទេ"៕សុខុម
រដ្ឋាភិបាលព្រងើយនឹងដីកាបង្គាប់ឲ្យចាប់ខ្លួនឧក្រិដ្ឋជនសង្គ្រាមជាប់ចោទ
ឯកសារដែលប្រកាសជាចំហចេញដោយសាលាក្តីកាលពីថ្ងៃពុធបង្ហាញថានគរបាលយុត្តិធម៌បានព្រងើយនឹងដីកាចាប់ខ្លួន លោក មាស មុត អតីតមេបញ្ជាការកងទ័ពជើងទឹកខ្មែរក្រហម និងជាឧក្រិដ្ឋជនសង្គ្រាមជាប់ចោទ ដោយធ្វើឲ្យរដ្ឋាភិបាលបំពានច្បាប់អង្គជំនុំជម្រះវិសាមញ្ញក្នុងតុលាការកម្ពុជា។
រួមជាមួយអតីតមេស្រុក អឹម ចែម លោក...
សេចក្តីព្រាងច្បាប់កំណត់អាយុអាចផឹកគ្រឿងសវឹងត្រឹម២១ឆ្នាំ
ក្រសួងសុខាភិបាល ធ្វើសេចក្តីព្រាងច្បាប់ដំបូងដើម្បីគ្រប់គ្រងការលក់និងការប្រើប្រាស់គ្រឿងស្រវឹង ដែលកំណត់អាយុស្របច្បាប់អាចផឹកគ្រឿងស្រវឹងគឺ២១ឆ្នាំ ហើយនឹងដាក់ពិន័យចំពោះអ្នកលក់ដែលលក់គ្រឿងស្រវឹងឲ្យក្មេងមិនទាន់គ្រប់អាយុ។
ការកំណត់អាយុ២១ឆ្នាំដែលអាចផឹកគ្រឿងស្រវឹងបាន នឹងផ្លាស់ប្តូរប្រទេសកម្ពុជាពីប្រទេសមួយដ៏ធូររលុងបំផុតមួយលើការគ្រប់គ្រងគ្រឿងស្រវឹងទាំងក្នុងថ្នាក់ពិភពលោក ទាំងក្នុងថ្នាក់តំបន់ទៅជាប្រទេសមួយដ៏តឹងរឹងបំផុត។ នៅក្នុងអាស៊ាន មានតែរដ្ឋាភិបាលប្រទេសឥណ្ឌូនេស៊ីមួយប៉ុណ្ណោះ ដែលកំណត់អាយុអាចផឹកគ្រឿងស្រវឹងឲ្យខ្ពស់។
កម្ពុជា ស្ទើរតែគ្មានច្បាប់ដែលគ្រប់គ្រងផ្ទាល់លើការទិញនិងការប្រើប្រាស់គ្រឿងស្រវឹង ឬធ្វើនិយ័តកម្មលើឧស្សាហកម្មគ្រឿងស្រវឹងនិងទីផ្សារលក់រាយទេ។
លោក ម៉ម ប៊ុនហេង រដ្ឋមន្ត្រីក្រសួងសុខាភិបាល បានមានប្រសាសន៍កាលពីថ្ងៃពុធថា គោលបំណងនៃការកំណត់អាយុដែលអាចផឹកគ្រឿងស្រវឹងឲ្យខ្ពស់ ដើម្បីការពារសុខភាពយុវជន និងបណ្តុះសីលធម៌ល្អ ដោយរារាំងពួកគេមិនឲ្យចូលបារ។
លោក ប៊ុនហេង បាននិយាយថា "ច្បាប់នេះនឹងដាក់កំហិតមនុស្សដែលមានអាយុក្រោម២១ឆ្នាំមិនឲ្យទិញគ្រឿងស្រវឹង ឬទៅផឹកគ្រឿងស្រវឹងនៅបារ។ ហើយវាមានសារៈសំខាន់ដែលច្បាប់នេះផ្តោតលើការគ្រប់គ្រងលើទាំងអ្នកលក់គ្រឿងស្រវឹង ទាំងអ្នកប្រើប្រាស់គ្រឿងស្រវឹង"។
លោក ប៊ុនហេង បាននិយាយថា សេចក្តីព្រាងច្បាប់នេះ ត្រូវបានអនុម័តដោយក្រសួងយុត្តិធម៌ពីរសប្តាហ៍មុន និងត្រូវពិនិត្យសើរើបន្ថែមទៀត។
លោករដ្ឋមន្ត្រីក្រសួងសុខាភិបាលរូបនេះ បាននិយាយថា "សេចក្តីព្រាងច្បាប់នេះ នឹងត្រូវពិភាក្សាដោយគណៈកម្មការអន្តរក្រសួងក្នុងពេលឆាប់ៗនេះ"។
សេចក្តីពិស្តារនៃសេចក្តីព្រាងច្បាប់នេះ ត្រូវបានប្រកាសនៅឯសន្និសីទសារព័ត៌មានកាលពីថ្ងៃពុធ ដែលមានអ្នកតំណាងចូលរួមមកពីអង្គការសុខភាពពិភពលោក ចលនាកម្ពុជាដើម្បីសុខភាព និងអ្នកជំនាញគោលនយោបាយគ្រឿងស្រវឹងចក្រភពអង់គ្លេស លោក ជេមស៍ នីកុល។
ក្រុមពិភាក្សាដែលសំដៅលើការស្រាវជ្រាវថ្មីៗនេះបង្ហាញថា ៩៦ភាគរយនៃជនជាតិខ្មែរ បានគាំទ្រដល់រដ្ឋាភិបាលក្នុងការគ្រប់គ្រងការប្រើគ្រឿងស្រវឹង ដែលអង្គការសុខភាពពិភពលោកនិយាយថា កំពុងតែកើនឡើង។
លោក នីកុល បាននិយាយថា ជាការចាំបាច់ដែលត្រូវធ្វើនិយ័តកម្មលើឧស្សាហកម្មនេះ ក្នុងពេលដែលក្រុមហ៊ុនធំៗអន្តរជាតិ បានមានគោលដៅលើតំបន់នេះ ដោយប្រើទីផ្សារនិងការផ្សាយពាណិជ្ជកម្មកាន់តែទំនើបៗ។
លោក នីកុល បាននិយាយថា "គំនិតនៃការកំណត់អាយុ២១ឆ្នាំដែលអាចផឹកគ្រឿងស្រវឹងបាន គឺអ្វីដែលអាចកើតឡើង ត្រង់ថាយុវជនចាប់ផ្តើមផឹកគ្រឿងស្រវឹងរយៈពេលពីរបីឆ្នាំ មុននឹងដល់អាយុស្របច្បាប់"៕ រើន
អ្នកភូមិប្រាំមួយនាក់មកពីខេត្តឧត្ដរមានជ័យបានធ្វើដំណើរមកកាន់រាជធានីភ្នំពេញកាលពីម្សិលមិញ ដើម្បីស្នើសុំឲ្យរដ្ឋាភិបាលថ្នាក់កំពូលប្រគល់ដីចម្ការត្រឡប់មកវិញដែលប្រជាពលរដ្ឋរាប់ពាន់គ្រួសារនិយាយថា ជាដីរបស់ខ្លួនដែលត្រូវក្រុមហ៊ុនចម្ការអំពៅគ្រប់គ្រងដោយថៃចំនួនបី លួចប្លន់យកទៅ។
កាលពីខែមីនា ក្រសួងកសិកម្មបានដកហូតកម្មសិទ្ធិដីទំហំ២០.០០០ហិកតា ដែលខ្លួនបានជួលឲ្យក្រុមហ៊ុនមីតភុល (Mitr Phol) កាលពីឆ្នាំ២០០៨...
នគរបាលបានឲ្យដឹងកាលពីម្សិលមិញថា ក្មេងប្រុស១៣នាក់បានចេញមកចោទប្រកាន់ជនជាតិបារាំងម្នាក់ពីបទរំលោភបំពានផ្លូវភេទពួកគេនៅក្នុងខេត្តកណ្តាល។
លោក ឡៅ លីន ប្រធាននាយកដ្ឋានប្រឆាំងការជួញដូរមនុស្សក្រសួងមហាផ្ទៃបានមានប្រសាសន៍ថា ចាប់តាំងពីការចាប់ខ្លួនលោក បឺណាត ល្វីស ហ្វ្រង់ស័រ ស៊ូដេលល័រ (Bernard Louis Francois Soudeller) អាយុ៥០ឆ្នាំនៅក្នុងស្រុកស្អាងខេត្តកណ្តាលកាលពីថ្ងៃច័ន្ទមក ឪពុកម្តាយកុមារជាង១២នាក់បានដាក់ពាក្យបណ្តឹងប្តឹងបុរសរូបេនះ។ លោកបានមានប្រសាសន៍ថា សរុបមានជនរងគ្រោះ១៣នាក់អាយុពី៧ដល់១៣ឆ្នាំ។
យោងតាមលោក ឡៅ លីន បានឲ្យដឹងថា បុរសជនជាតិបារាំងរូបនេះអះអាងថា ជាប្រធានក្រុមហ៊ុនអេកូទេសចរណ៍មួយឈ្មោះ LW Future...
តុលាការចោទប្រកាន់បុរសម្នាក់ពីបទឆបោកបន្ទាប់ពីបោកប្រាស់អ្នកភូមិយកប្រាក់អស់ ១០០.០០០ដុល្លារ
ក្រុមមន្ត្រីបាននិយាយថា កាលពីម្សិលមិញសាលាដំបូងខេត្តស្វាយរៀងបានចោទប្រកាន់បុរសម្នាក់ពីបទឆបោកដែលតាមចោទថា បានបោកប្រាស់ប្រជាជនជាង១០០គ្រួសារយកបានប្រាក់សរុបអស់១០០.០០០ដុល្លារដោយការបញ្ចុះបញ្ចូលពួកគាត់ឲ្យខ្ចីប្រាក់នៅធនាគារអេស៊ីលីដា ដោយប្រើប្រាស់ដីរបស់ខ្លួនជាដើមទុន ហើយបន្ទាប់មកយកប្រាក់ទាំងនោះទៅដាក់ក្រុមហ៊ុនខ្លែងក្លាយរបស់ជននេះ។
លោក កែវ សុថា នាយការិយាល័យនគរបាលព្រហ្មទណ្ឌកម្រិតស្រាលខេត្តបានមានប្រសាសន៍ថា ក្រុមមន្ត្រីបានចាប់ខ្លួនលោក ចិត្ត សារិន អនុប្រធានទីភ្នាក់ងារអភិវឌ្ឍន៍ភូមិកម្ពុជាក្នុងឃុំពងទឹកស្រុករំដួលកាលពីថ្ងៃអង្គារ។ លោកបានបន្ថែមថា លោក ចិត្ត រ៉េន ជាបងប្អូនប្រុសរបស់គាត់គឺជាប្រធានទីភ្នាក់ងារនេះ ហើយកំពុងរត់គេចខ្លួននៅឡើយ។
លោក សុថា បានមានប្រសាសន៍ថា កាលពីឆ្នាំ២០១៣ បងប្អូនប្រុសបង្កើតនេះបានចាប់ផ្តើមប្រាប់អ្នកភូមិថា ប្រសិនបើពួកគាត់ប្រើប្រាស់ដីរបស់ខ្លួនដើម្បីខ្ចីប្រាក់ ហើយយកប្រាក់នោះទៅដាក់នៅក្រុមហ៊ុនពួកគេនោះ ពួកគាត់នឹងទទួលបានការប្រាក់៤០ភាគរយ បន្ទាប់ពីរយៈពេលពីរឆ្នាំ។
លោក សុថា បានមានប្រសាសន៍ថា "យើងបានព្យាយាមរំឭកប្រាប់ពួកគាត់ថា ពួកគាត់នឹងមានបញ្ហានៅពេលអនាគតមិនខាន"។
យោងតាមលោក សុថា បានឲ្យដឹងថា នគរបាលបានចាប់ខ្លួនលោក សារិន បន្ទាប់ពីទទួលបានពាក្យបណ្តឹងពីប្រជាជន១៣គ្រួសារកាលពីថ្ងៃ៣០ខែឧសភា។ គ្រួសារទាំងនេះមានការសង្ស័យ បន្ទាប់ពីជួបប្រជុំជាមួួយធនាគារអេស៊ីលីដា។
លោក សុថា បានមានប្រសាសន៍ថា ប្រជាជនប្រហែល១០០គ្រួសារបានខ្ចីប្រាក់កាលពីឆ្នាំ២០១៣ ហើយទទួលបានការប្រាក់របស់ខ្លួនតាមការសន្យាបន្ទាប់ពីរយៈពេលពីរឆ្នាំ។លោកបានពន្យល់ថា រឿងនេះបានធ្វើឲ្យពួកគាត់ និងអ្នកផ្សេងទៀតជឿជាក់ ដោយបានទៅខ្ចីប្រាក់បន្ថែមទៀត។
លោក ហឹុង ប៊ុនជា អគ្គព្រះរាជអាជ្ញាសាលាដំបូងខេត្តស្វាយរៀងបានមានប្រសាសន៍ថា លោកបានចោទប្រកាន់បុរសឈ្មោះ សារិន ពីបទឆបោកកាលពីម្សិលមិញ។
លោក សុត ដន មេឃុំពងទឹកបានមានប្រសាសន៍ថា លោកបានព្យាយាមប្រាប់អ្នកភូមិថា ពួកគាត់អាចចាញ់បោកគេ...
មន្ត្រីម្នាក់និយាយថា នឹងមានមនុស្ស៣០.០០០នាក់ចូលរួមក្នុងពិធីដង្ហែសពលោក ជា ស៊ីម
មន្ត្រីរៀបចំពិធីបុណ្យម្នាក់បានឲ្យដឹងកាលពីម្សិលមិញថា មនុស្សជាង៣០.០០០នាក់រំពឹងថា នឹងចូលរួមពិធីដង្ហែសពលោក ជា ស៊ីម ប្រធានគណបក្សប្រជាជនកម្ពុជាក្នុងរាជធានីភ្នំពេញនៅថ្ងៃសុក្រ ដោយមានការពង្រឹងសន្តិសុខតឹងរ៉ឹងនៅក្នុងរាជធានី។
លោក ជា ស៊ីម...
អ្នកនេសាទកម្ពុជា២៣០នាក់វិលត្រឡប់ពីឥណ្ឌូណេស៊ីតាមយន្តហោះឈ្នួល
អ្នកនេសាទកម្ពុជាជាង២០០នាក់ដែលជាប់ទៅណាមិនរួចនៅក្នុងប្រទេសឥណ្ឌូណេស៊ីគ្រោងនឹងវិលត្រឡប់មកដល់ប្រទេសកម្ពុជាវិញនៅព្រឹកនេះតាមយន្តហោះឈ្នួលធុនBoeing 737 មួយគ្រឿង ក្រោយមានអន្តរាគមន៍ពីក្រសួងជលផលរបស់ប្រទេសឥណ្ឌូណេស៊ី និងមន្ត្រីការទូតកម្ពុជានៅក្នុងទីក្រុងហ្សាការតា។
យោងតាមសេចក្ដីថ្លែងការណ៍មួយចេញដោយក្រសួងការបរទេសកម្ពុជាកាលពីម្សិលមិញបានឲ្យដឹងថា អ្នកនេសាទសរុបចំនួន២៣០នាក់គ្រោងនឹងត្រឡប់ពីកោះអាំប៊ុន (Ambon) ក្រោយមានការចរចាជាមួយក្រុមហ៊ុនឧស្សាហកម្ម ភីធី...
កាលពីម្សិលមិញ លោក កឹម សុខា អនុប្រធានគណបក្សប្រឆាំងបានលើកឡើងថា រដ្ឋាភិបាលគួរតែយកបញ្ហាវៀតណាមឈ្លានពានចូលទឹកដីកម្ពុជាទៅកាន់តុលាការអន្តរជាតិ ប្រសិនបើកំណត់ទូតនាពេលថ្មីៗរបស់ខ្លួនផ្ញើទៅកាន់ប្រទេសវៀតណាម ដើម្បីទាមទារឲ្យវៀតណាមគោរពបូរណភាពទឹកដីកម្ពុជានៅតែមិនត្រូវបានយកចិត្តទុកដាក់នោះ។
កាលពីសប្តាហ៍មុន ក្រសួងការបរទេសបានផ្ញើកំណត់ទូតដោយប្រើពាក្យធ្ងន់ៗទៅប្រទេសវៀតណាមដោយទាមទារឲ្យវៀតណាមគោរពខ្សែបន្ទាត់ព្រំដែន បន្ទាប់ពីក្រុមមន្ត្រីបានរកឃើញស្រះទឹកធំៗចំនួនប្រាំដែលជីកដោយជនជាតិវៀតណាមចូលមកយ៉ាងជ្រៅក្នុងទឹកដីកម្ពុជាក្នុងខេត្តរតនគិរី។
នៅក្នុងកំណត់ទូតថ្មីបំផុតផ្ញើជូនលោក ហេង សំរិន ប្រធានរដ្ឋសភាកាលពីថ្ងៃអង្គារ លោក ហោ ណាំហុង រដ្ឋមន្ត្រីក្រសួងការបរទេសបានច្រានចោលការអះអាងរបស់គណបក្សប្រឆាំងដែលថា កំណត់ទូតនេះបង្ហាញពីការផ្លាស់ប្តូរក្នុងគោលនយោបាយរបស់រដ្ឋាភិបាលកម្ពុជាបន្ទាប់ពីភាពកម្សោយក្នុងការប្រឆាំងនឹងការលុកលុយឈ្លានពានបែបនេះជាយូរឆ្នាំរួចមកនោះ។
លោក ហោ ណាំហុង បានសរសេរថា "ចាប់តាំងពីឆ្នាំ២០១៣ ដល់២០១៥មានកំណត់ទូតចំនួនប្រាំបីច្បាប់បានចេញរួចមកហើយ ដោយមិនរាប់បញ្ចូលកំណត់ទូតពីរចុងក្រោយដែលធ្វើឡើងនៅថ្ងៃទី១២ និងថ្ងៃទី១៤ ខែមិថុនា ឆ្នាំ២០១៥នេះពាក់ព័ន្ធនឹងការដែលវៀតណាមចូលជីកស្រះនៅស្រុកអូរយ៉ាដាវ ខេត្តរតនគិរី"។
លោកបានសរសេរបន្ថែមថា "កំណត់ទូតធ្វើឡើងនៅថ្ងៃទី១២ ខែមិថុនា និងថ្ងៃទី១៤ខែមិថុនា ឆ្នាំ២០១៥នេះមិនមែនជាកំណត់ទូតដំបូងដែលរដ្ឋាភិបាលតាមរយៈក្រសួងការបរទេស និងកិច្ចសហប្រតិបត្តិការអន្តរជាតិបានផ្ញើដើម្បីតវ៉ាចំពោះការឈ្លានពានបូរណភាពទឹកដីកម្ពុជាដូចដែលពលរដ្ឋបាននិយាយនោះឡើយ"។
ជាការឆ្លើយតបវិញ លោក កឹម សុខា ដែលបាននិយាយតាមវិទ្យុសំឡេងប្រជាធិបតេយ្យ(VOD ) កាលពីរសៀលម្សិលមិញបានលើកឡើងថា ប្រសិនបើអ្វីដែលលោក ហោ ណាំហុងនិយាយជាការពិតនោះ អ៊ីចឹងរដ្ឋាភិបាលគួរតែចាត់វិធានការឲ្យបានកាន់តែខ្លាំងជាងមុន ដើម្បីឆ្លើយតបនឹងការឈ្លានពានទឹកដី។
លោក កឹម សុខា បានលើកឡើងទាក់ទិននឹងកំណត់ក្នុងពេលថ្មីៗរបស់ក្រសួងការបរទេសថា "អ្នកគ្រប់គ្នាដែលជាពលរដ្ឋខ្មែរមកពីគណបក្សកាន់អំណាច ឬគណបក្សប្រឆាំងយកចិត្តទុកយ៉ាងខ្លាំងដាក់អំពីការឈ្លានពានរបស់បរទេស ហើយវាជារឿងត្រឹមត្រូវដែលត្រូវធ្វើដើម្បីឆ្លើយតបការឈ្លានពាន"។
លោកបានបន្ថែមថា "ប៉ុន្តែ រឿងសំខាន់នោះនៅត្រង់ថា តើកំណត់ទូតទាំងនេះមានប្រសិទ្ធភាព ឬអត់។ ប្រសិនបើគ្មានការឆ្លើយតបប្រកបដោយប្រសិទ្ធភាពពីប្រទេសវៀតណាមទេ យើងមិនអាចរង់ចាំបានឡើយ។ តាមដែលខ្ញុំដឹង កំណត់ទូតបានចេញចាប់ពីឆ្នាំ២០១៣រហូតដល់ឆ្នាំ២០១៥"។
លោក កឹម សុខា បានមានប្រសាសន៍បន្ថែមថា "បញ្ហាឈ្លានពាននៅតែបន្តកើតមាន។ ប្រសិនបើកំណត់ទូតលើកដំបូងមានប្រសិទ្ធភាព អ៊ីចឹងវាគឺជារឿងល្អ ។ប៉ុន្តែប្រសិនបើគ្មានប្រសិទ្ធភាពទេនោះ យើងត្រូវតែប្តូរជំហា៊នមួយផ្សេងទៀតដើម្បីរកដំណោះស្រាយ។ ដូចអ្វីដែលរដ្ឋាភិបាលធ្លាប់បានធ្វើជាមួយប្រទេសថៃទាក់ទិននឹងកំណត់ទូត។ នៅពេលវាគ្មានប្រសិទ្ធភាព រដ្ឋាភិបាលត្រូវតែប្តូរជំហ៊ានមួយផ្សេងទៀតដោយដាក់ពាក្យបណ្តឹងទៅកាន់តុលាការអន្តរជាតិ។ ប្រសិនបើគ្មានការឆ្លើយតបប្រកបដោយប្រសិទ្ធភាពនៅក្នុងសំណុំរឿងនេះ រដ្ឋាភិបាលគួរតែបង្ហាញជំហររបស់ខ្លួននូវអ្វីដែលខ្លួននឹងធ្វើបន្ទាប់មកទៀត"។
អនុប្រធានគណបក្សសង្គ្រោះជាតិរូបនេះ ក៏បានអំពាវនាវឲ្យរដ្ឋាភិបាលរក្សាតម្លាភាពនៅក្នុងការដោះស្រាយបញ្ហាពាក់ព័ន្ធនឹងព្រំដែនផងដែរ ដោយលោកលើកឡើងថា កាលពីពេលកន្លងមក រដ្ឋាភិបាលតែងតែបដិសេធថា មិនដឹងអំពីការឈ្លានពានណាមួយរបស់វៀតណាមចូលទឹកដីកម្ពុជាឡើយ ឬក៏ច្រានចោលការអះអាងដូច្នេះ។
លោក កឹម សុខា បានមានប្រសាសន៍ថា "ឥឡូវនេះវាលេចធ្លាយកំណត់ទូតដែលលើកឡើងថា ពួកគេដឹងថា មានការឈ្លានពានជាយូរមកហើយ។ កាលពីពេលកន្លងមកអ្វីដែលយើងនិយាយ ពួកគេអះអាងថា យើងនិយាយអត់ការពិត។ ការលាក់បាំងបែបនេះវាលាក់ការពិត ហើយមិនអាចដោះស្រាយបញ្ហាបានឡើយ"។
ក្រសួងការបរទេស ក៏បានផ្ញើកំណត់ទូតមួយផ្សេងទៀតទៅវៀតណាមផងដែរកាលពីម្សិលមិញ ដោយស្នើឲ្យរដ្ឋាភិបាលវៀតណាមបញ្ឈប់ការជីកដីធ្វើគ្រឹះសម្រាប់ការសាងសង់ប៉ុស្តិ៍យោធានៅក្នុងទឹកដីកម្ពុជាក្នុងស្រុកកោះធំ ខេត្តកណ្តាល។
កំណត់ទូតនេះបានលើកឡើងថា សំណើលើកដំបូងត្រូវបានធ្វើឡើងនៅថ្ងៃទី២៤ខែមេសា ប៉ុន្តែ ចាប់តាំងពីពេលនោះមករហូតមកទល់ពេលនេះ អាជ្ញាធរវៀតណាមនៅតែធ្វើព្រងើយកន្តើយ។
ពេលនិយាយតាមវិទ្យុជាមួយលោក កឹម សុខា កាលពីរសៀលម្សិលមិញ លោក សម រង្ស៊ី មេដឹកនាំគណបក្សសង្គ្រោះជាតិបានសរសើរដល់វិធានការក្នុងពេលថ្មីៗរបស់រដ្ឋាភិបាលចំពោះបញ្ហាព្រំដែនវៀតណាមដោយសារ"វប្បធម៌" សន្ទនារបស់លោក ជាមួយលោកនាយករដ្ឋមន្ត្រី ហ៊ុន សែន ។
ប៉ុន្តែ លោក សម រង្ស៊ី បានក្រើនរំឭកចំពោះអ្នកគាំទ្រគណបក្សប្រឆាំងថា បរិយាកាសនយោបាយដែលមានអាយុកាលត្រឹមតែប៉ុន្មានខែនេះមិនអាចនាំមកនូវដំណោះស្រាយយ៉ាងឆាប់រហ័សពាក់ព័ន្ធនឹងការឈ្លានពានទឹកដី ដែលលោកបាននិយាយត្រឡប់ទៅកាន់ពេលវេលាមួយដែលមិនទាន់មានពាក្យថា "វៀតណាម"នោះបានឡើយ។
លោកបានមានប្រសាសន៍ដោយនិយាយពាក់ព័ន្ធនឹងពាក្យថាយួននោះថា "ខ្ញុំចង់បញ្ជាក់ថា វប្បធម៌សន្ទនាមិនមែនជាថ្នាំទិព្វដែលអាចដោះស្រាយបញ្ហាទាំងអស់ដែលកើតមានរាប់រយឆ្នាំមកហើយជាមួយយួនបានភ្លាមៗនោះឡើយ"។
លោកបានមានប្រសាសន៍បន្ថែមទៀតថា "ត្រឡប់ទៅកាន់អំឡុងពេលនោះវិញ គ្មានពាក្យថា វៀតណាមទេ យើងស្គាល់ត្រឹមថា យួន ហើយយើងបានប្រយុទ្ធគ្មានជាមួយយួនមកពីអាណាម។ ហេតុដូច្នេះយើងមានការឈឺចាប់ និងមានបញ្ហាជាមួយយួនអស់រយៈពេល៤០០ឆ្នាំមកហើយ។ បញ្ហានេះមិនអាចដោះស្រាយភ្លាមៗបានឡើយ"៕ស៊ុយឈាង
សេចក្តីព្រាងច្បាប់ស្តីពីអង្គការមិនមែនរដ្ឋាភិបាលទៅដល់សភា
សេចក្តីព្រាងច្បាប់ដ៏ចម្រូងចម្រាសដែលស្នើឡើងដើម្បីដាក់កម្រិតលើអង្គការមិនមែនរដ្ឋាភិបាល បានទៅដល់ដៃសភាហើយ ដែលនៅទីនោះ អ្នកនាំពាក្យម្នាក់បាននិយាយថា វាទំនងនឹងឲ្យមានការពិភាក្សាជាសាធារណៈមុនការបោះឆ្នោតអនុម័ត។
អង្គការមិនមែនរដ្ឋាភិបាល ដែលបារម្ភថា គណបក្សប្រជាជនកម្ពុជាកាន់អំណាចនឹងប្រើច្បាប់នេះដើម្បីបំបិទមាត់អ្នករិះគន់របស់ខ្លួននោះ សង្ឃឹមថា រដ្ឋាភិបាលនឹងពិភាក្សាច្បាប់នេះ...