TAG
គ.ជ.ប
ក្រុមតស៊ូមតិប្រកាសធ្វើយុទ្ធនាការពលរដ្ឋគេចពីការិយាល័យបោះឆ្នោតរយៈពេល៤៧ថ្ងៃមុនការបោះឆ្នោតជាតិមកដល់
ក្រុមអ្នកតស៊ូមតិ ប្រកាសធ្វើយុទ្ធនាការពលរដ្ឋគេចពីការិយាល័យបោះឆ្នោត ចាប់ពីថ្ងៃទី៥ ខែមិថុនា រហូតដល់ថ្ងៃទី២២ ខែកក្កដា ឆ្នាំ២០២៣ នៅមុនការបោះឆ្នោតជាតិមកដល់ ហើយពួកគេនឹងបង្ហាញអំពីវិធីសាស្ត្រដែលពលរដ្ឋអាចគេចពីការិយាល័យបោះឆ្នោតបាននៅយប់ថ្ងៃទី២២ ខែកក្កដា ឆ្នាំ២០២៣ ដែលជាថ្ងៃស។
អ្នកវិភាគឯករាជ្យ និងជាប្រធានវេទិកាពលរដ្ឋ លោក គឹម សុខ ប្រាប់សារព័ត៌មាន The Cambodia Daily នៅថ្ងៃទី១ មិថុនា នេះថា លោកមិនប្រឆាំងការបោះឆ្នោតទេ...
គ.ជ.ប បង្ហាញលទ្ធផលចាប់ឆ្នោត៖ គណបក្សប្រជាជនកម្ពុជាចាប់បានលេខរៀងទី១៨
យោងតាមលទ្ធផលនៃការចាប់ឆ្នោតដោយសម្តេចសង្ឃទាំងពីរគណៈនៅថ្ងៃចន្ទ នេះ គឺគណបក្សប្រជាជនកម្ពុជា ចាប់បានលេខរៀងទី១៨ ក្នុងចំណោមគណបក្សដែលឈរឈ្មោះចូលរួមប្រកួតនៅអាណត្តិទី៧ ខាងមុខនេះ ខណៈគណបក្សសំបុកឃ្មុំសង្គមប្រជាធិបតេយ្យឈរនៅលេខដើមគេបង្អស់ដែរ។
គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី២៩ ខែឧសភា ឆ្នាំ២០២៣ នេះបានរៀបចំការចាប់ឆ្នោតដើម្បីកំណត់លំដាប់លេខរៀងគណបក្សនយោបាយនៅលើសន្លឹកឆ្នោត សម្រាប់ការបោះឆ្នោតជ្រើសតាំងតំណាងរាស្ត្រអាណត្តិទី៧ ឆ្នាំ២០២៣ ដែលមានការចូលរួមពីសម្តេចព្រះសង្ឃរាជទាំងពីរគណៈ តំណាងគណបក្សនយោបាយ អ្នកសារព័ត៌មាន និងអង្គការក្រៅរដ្ឋាភិបាលផងដែរ។
ក្រោយពីការចាប់ឆ្នោតពេញមួយព្រឹក គណៈកម្មាធិការជាតិរៀបចំការបោះឆ្នោត ផ្សព្វផ្សាយពីលទ្ធផលនេះថា គណបក្សដែលចូលរួមចាប់លេខរៀងលើសន្លឹកឆ្នោតមានចំនួន ១៨គណបក្ស ក្នុងនោះគណបក្សដែលឈរនៅលេខរៀង៖
ទី១ គឺគណបក្សសំបុកឃ្មុំសង្គមប្រជាធិបតេយ្យរបស់លោក...
គ.ជ.ប នឹងចាប់ឆ្នោតកំណត់លំដាប់លេខរៀងបក្សនយោបាយលើសន្លឹកឆ្នោតនៅដើមសប្តាហ៍ក្រោយ
គណៈកម្មាធិការជាតិរៀបចំការបោះឆ្នោត (គ.ជ.ប) កំណត់កាលបរិច្ឆេទនៃការចាប់ឆ្នោតកំណត់លំដាប់លេខរៀងគណបក្សនយោបាយលើសន្លឹកឆ្នោតនៅដើមសប្តាហ៍ក្រោយ ស្របពេលដែលសហគមន៍អន្តរជាតិចាត់ទុកការបោះឆ្នោតនៅពេលនេះជាការបោះឆ្នោតដែលគ្មានតម្លាភាព មិនសេរី ត្រឹមត្រូវ និងយុត្តិធម៌។
គណៈកម្មាធិការជាតិរៀបចំការបោះឆ្នោត (គ.ជ.ប) បានចេញសេចក្តីប្រកាសព័ត៌មានកាលពីថ្ងៃទី២៥ ខែឧសភា ឆ្នាំ២០២៣ នេះថា ការកំណត់កាលបរិច្ឆេទនៃការចាប់ឆ្នោតដើម្បីកំណត់លំដាប់លេខរៀងគណបក្សនយោបាយលើសន្លឹកឆ្នោតនេះ នឹងមានការចូលរួមពីសម្តេចសង្ឃរាជទាំងពីរគណៈ តំណាងក្រសួងស្ថាប័នពាក់ព័ន្ធ តំណាងគណបក្សនយោបាយ តំណាងសមាគម អ្នកសារព័ត៌មាន និងតំណាងអង្គការមិនមែនរដ្ឋាភិបាលផងដែរ។
ការសម្រេចកំណត់កាលបរិច្ឆេទចាប់ឆ្នោតដើម្បីកំណត់លំដាប់លេខរៀងគណបក្សនយោបាយលើសន្លឹកឆ្នោតនេះ ធ្វើឡើងបន្ទាប់ពី គ.ជ.ប បានបិទបញ្ចប់ទទួលចុះឈ្មោះគណបក្សនយោបាយដែលបានដាក់ពាក្យចូលរួមការបោះឆ្នោតជាតិឆ្នាំ២០២៣ កាលពីពេលថ្មីៗនេះ។
ដំណើរការនៃការបោះឆ្នោតជាតិរបស់ប្រទេសកម្ពុជាអាណត្តិទី៧ ឆ្នាំ២០២៣...
មន្ត្រីបក្សភ្លើងទៀនថា គ.ជ.ប កំពុងអនុវត្តល្បិចមិនឱ្យបក្សខ្លួនចូលរួមបោះឆ្នោតនៅខែកក្កដានេះ
គណៈកម្មាធិការជាតិរៀបចំការបោះឆ្នោត (គ.ជ.ប) រងនូវការរិះគន់ថា កំពុងអនុវត្តល្បិចនយោបាយខ្មៅកខ្វក់របស់គណបក្សប្រជាជនកម្ពុជា ដើម្បីទប់ស្កាត់គណបក្សភ្លើងទៀនមិនឱ្យចូលរួមការបោះឆ្នោតនៅខែកក្កដា ឆ្នាំ២០២៣ ខាងមុខនេះ ក្រោមលេសមិនសមហេតុផលមួយចំនួនបន្ថែមពីលើការរារាំងបេក្ខភាពលោក រ៉ុង ឈុន មិនឱ្យឈរឈ្មោះឱ្យគណបក្សភ្លើងទៀន កាលពីពេលថ្មីៗនេះ។
មន្ត្រីជាន់ខ្ពស់គណបក្សភ្លើងទៀនមួយរូបនៅក្នុងប្រទេសកម្ពុជា បានប្រាប់សារព័ត៌មាន The Cambodia Daily ក្នុងលក្ខខណ្ឌមិនបញ្ចេញឈ្មោះនៅថ្ងៃទី១២ ឧសភា នេះថា នៅពេលដែលគណៈកម្មាធិការជាតិរៀបចំការបោះឆ្នោតកំពុងបង្កើនលេសបន្ថែមទៀតដើម្បីធ្វើទុក្ខបុកម្នេញលើគណបក្សភ្លើងទៀន ដោយការទាមទាររកច្បាប់ដើមស្ដីពីការចុះឈ្មោះក្នុងបញ្ជីគណបក្សនយោបាយដែលចេញដោយក្រសួងមហាផ្ទៃនោះ គឺជាចេតនារារាំងការចូលរួមក្នុងការបោះឆ្នោតរបស់គណបក្សភ្លើងទៀនប៉ុណ្ណោះ។
មន្ត្រីបក្សភ្លើងទៀនរូបនេះអះអាងថា ច្បាប់ដើមស្ដីពីការចុះឈ្មោះក្នុងបញ្ជីគណបក្សនយោបាយដែលចេញដោយក្រសួងមហាផ្ទៃ ត្រូវបានតំណាងរាស្ត្រស្ត្រីម្នាក់របស់គណបក្ស...
គ.ជ.ប៖ គណបក្សចំនួន៦បានដាក់បញ្ជីបេក្ខជនតំណាងរាស្ត្រក្នុងការបោះឆ្នោតនៅខែកក្កដាខាងមុខនេះ
គណៈកម្មាធិការជាតិរៀបចំការបោះឆ្នោត (គ.ជ.ប) ប្រកាសថានៅពេលនេះមានគណបក្សនយោបាយចំនួន ៦ ហើយដែលបានចុះបញ្ជីគណបក្សនយោបាយ និងបញ្ជីបេក្ខជនតំណាងរាស្ត្រសម្រាប់ឈរឈ្មោះបោះឆ្នោតក្នុងការបោះឆ្នោតជ្រើសតាំងតំណាងរាស្ត្រអាណត្តិទី៧ នៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ។
គណៈកម្មាធិការជាតិរៀបចំការបោះឆ្នោតបានចេញសេចក្តីប្រកាសព័ត៌មានកាលពីថ្ងៃទី២៥ ខែមេសា ឆ្នាំ២០២៣ ថា គិតត្រឹមថ្ងៃអង្គារ ទី២៥ មេសា មានគណបក្សចំនួន៦ ដូចជាគណបក្សប្រជាជនកម្ពុជា គណបក្សយុវជនកម្ពុជា គណបក្សខ្មែររួបរួមជាតិ គណបក្សធម្មាធិបតេយ្យ គណបក្សកម្លាំងប្រជាធិបតេយ្យ និងគណបក្សសញ្ជាតិកម្ពុជា បានដាក់បញ្ជីបេក្ខជនតំណាងរាស្ត្ររួចរាល់ហើយសម្រាប់ចូលរួមការបោះឆ្នោតនៅខែកក្កដា...
គ.ជ.ប នឹងអញ្ជើញស្ថានទូតរុស្ស៊ីធ្វើជាភ្ញៀវពិសេសចូលរួមឃ្លាំមើលការបោះឆ្នោតនៅខែកក្កដា
ប្រធានគណៈកម្មាធិការជាតិរៀបចំការបោះឆ្នោត អះអាងថា គ.ជ.ប នឹងអញ្ជើញស្ថានទូតរុស្ស៊ីប្រចាំនៅកម្ពុជា ចូលរួមសង្កេតការណ៍ការបោះឆ្នោតជ្រើសតាំងតំណាងរាស្ត្រអាណត្តិទី៧ នៅខែកក្កដា ឆ្នាំ២០២៣ ខាងមុខនេះក្នុងនាមជាភ្ញៀវពិសេស។
ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) លោក ប្រាជ្ញ ចន្ទ បានចេញសេចក្តីប្រកាសព័ត៌មានកាលពីថ្ងៃទី២០ ខែមេសា ឆ្នាំ២០២៣ នេះថា សហព័ន្ធរុស្ស៊ី អះអាងថា ប្រជាធិបតេយ្យនៅកម្ពុជាមានលក្ខណៈសមស្របទៅកត្តាប្រជាសាស្ត្រ ភូមិសាស្ត្រ វប្បធម៌ និងនយោបាយជាក់ស្ដែងពិតប្រាកដរបស់កម្ពុជា។
លោក ប្រាជ្ញ ចន្ទ...
គ.ជ.បនិងក្រសួងមហាផ្ទៃទស្សនកិច្ចនៅបារាំងរកមធ្យោបាយគាំទ្រការរៀបចំការបោះឆ្នោត
គណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប. និងក្រសួងមហាផ្ទៃ ទៅទស្សនកិច្ចនៅបារាំង ដើម្បីរកមធ្យោបាយគាំទ្រការរៀបចំការបោះឆ្នោតនៅពេលខាងមុខ ខណៈបារាំងបន្តទាមទារឲ្យកម្ពុជាបើកលំហដល់បក្សប្រឆាំង ប្រព័ន្ធផ្សព្វផ្សាយ និងសង្គមស៊ីវិល។
បើតាមស្ថានទូតបារាំងប្រចាំប្រទេសកម្ពុជា បានសរសេរលើហ្វេសប៊ុកនៅថ្ងៃទី២១ ខែមីនា ឆ្នាំ២០២៣ ថា គណៈប្រតិភូមួយក្រុមនៃគណៈកម្មាធិការជាតិរៀបចំការបោះឆ្នោត (គ.ជ.ប) និងក្រសួងមហាផ្ទៃកម្ពុជា បានទស្សនកិច្ចទៅទីក្រុងប៉ារីស៍ កាលពីថ្ងៃទី១៥ ដល់ថ្ងៃទី១៧ ខែមីនា ក្រោយពីសំណើរបស់ប្រធានាធិបតីបារាំង។
ប្រភពដដែលថា ដំណើរទស្សនកិច្ចនេះដើម្បីស្វែងរកមធ្យោបាយគាំទ្រប្រទេសកម្ពុជាក្នុងការរៀបចំការបោះឆ្នោតជ្រើសរើសតំណាងរាស្ត្រថ្ងៃទី២៣ ខែកក្កដា ឆ្នាំ២០២៣...
តុលាការកំពូលកាត់ក្ដីឱ្យលោក សុន ឆ័យ ចាញ់បក្សប្រជាជននិងគ.ជ.ប ជុំវិញរឿងរិះគន់ការបោះឆ្នោត
តុលាការកំពូលសម្រេចតម្កល់សាលដីការបស់សាលាឧទ្ធរណ៍លើសំណុំរឿងរបស់លោក សុន ឆ័យ អនុប្រធានគណបក្សភ្លើងទៀន «ទុកជាបានការ» ដោយឲ្យចាញ់ក្ដីគណបក្សប្រជាជនកម្ពុជា និង គ.ជ.ប។
ការសម្រេចនេះ បន្ទាប់ពីតុលាការកំពូលបានបើកសវនាការបណ្ដឹងសារទុក្ខរបស់អនុប្រធានគណបក្សភ្លើងទៀន លោក សុន ឆ័យ ដែលប្ដឹងមិនសុខចិត្តចំពោះសាលាឧទ្ធរណ៍កាត់ឲ្យចាញ់ក្ដីបក្សកាន់អំណាច និង គ.ជ.ប ក្នុងសំណុំរឿងបរិហារកេរ្តិ៍កាលពីថ្ងៃទី១៧ ខែកុម្ភៈ កន្លងទៅ។
ប្រធានក្រុមប្រឹក្សាជំនុំជម្រះ លោក ជីវ កេង នៅថ្ងៃព្រហស្បតិ៍ ទី២៣ កុម្ភៈ...
គ.ជ.ប ប្រកាសទទួលពាក្យចុះឈ្មោះសង្កេតការណ៍បោះឆ្នោតដល់អង្គភាពសារព័ត៌មាន
គណៈកម្មាធិការជាតិរៀបចំការបោះឆ្នោត (គ.ជ.ប) ប្រកាសចែកពាក្យ និងទទួលពាក្យដល់អង្គភាពសារព័ត៌មានជាតិ និងអន្តរជាតិដែលមានបំណងយកព័ត៌មានអំពីដំណើរការនៃការបោះឆ្នោតជ្រើសតាំងតំណាងរាស្ត្រ នៅចុងខែកក្កដា ឆ្នាំ២០២៣ ខាងមុខនេះ ស្របពេលដែលសេរីភាពសារព័ត៌មាននៅកម្ពុជាកំពុងរងការគាបសង្កត់ធ្ងន់ធ្ងរ។
គ.ជ.ប ចេញសេចក្តីជូនដំណឹងនៅថ្ងៃទី១៣ កុម្ភៈ នេះថា ខ្លួននឹងចែកពាក្យ និងទទួលពាក្យពីអង្គភាពសារព័ត៌មានដែលមានបំណងយកព័ត៌មានអំពីដំណើរការនៃការបោះឆ្នោតជាតិអាណត្តិទី៧ នេះ ក្នុងនោះសារព័ត៌មានជាតិចាប់ផ្តើមពីថ្ងៃទី១ ខែមេសា ដល់ថ្ងៃទី១២ ខែកក្កដា ខណៈសារព័ត៌មានអន្តរជាតិនឹងចាប់ផ្តើមពីថ្ងៃទី១ ខែមេសា ដល់ថ្ងៃទី១៩ ខែកក្កដា ឆ្នាំ២០២៣...
គ.ជ.បនឹងបិទផ្សាយអ្នកបានចុះឈ្មោះនិងអ្នកដែលត្រូវលុបឈ្មោះពីបញ្ជីឈ្មោះបោះឆ្នោតនៅសប្តាហ៍ក្រោយ
គណៈកម្មាធិការជាតិរៀបចំការបោះឆ្នោត ដែលហៅកាត់ថា គ.ជ.ប នឹងបិទផ្សាយឈ្មោះប្រជាពលរដ្ឋដែលបានចុះឈ្មោះបោះឆ្នោតរួចរាល់ និងអ្នកដែលត្រូវបានលុបឈ្មោះចេញពីបញ្ជីឈ្មោះអ្នកបោះឆ្នោត ចាប់ពីថ្ងៃទី១៣ ដល់ថ្ងៃទី២៣ ខែមករា ឆ្នាំ២០២៣ នៅតាមសាលាឃុំ-សង្កាត់ទូទាំងប្រទេស និងលើគេហទំព័ររបស់ គ.ជ.ប។
គណៈកម្មាធិការជាតិរៀបចំការបោះឆ្នោត ចេញសេចក្តីជូនដំណឹងស្ដីពីការបិទផ្សាយបញ្ជីឈ្មោះបោះឆ្នោតដំបូងនៅថ្ងៃទី៥ ខែមករា ឆ្នាំ២០២៣ នេះថា ការបិទផ្សាយបញ្ជីបោះឆ្នោតដំបូង និងបញ្ជីឈ្មោះអ្នកបោះឆ្នោតដែលនឹងត្រូវលុបចេញពីបញ្ជីបោះឆ្នោត មានគោលបំណងឱ្យប្រជាពលរដ្ឋទៅពិនិត្យផ្ទៀងផ្ទាត់ឈ្មោះ និងទិន្នន័យផ្សេងៗរបស់ខ្លួនក្នុងបញ្ជីបោះឆ្នោត ព្រមទាំងអាចសុំកែតម្រូវតាមរយៈនៃការប្តឹងតវ៉ា ឬការប្តឹងជំទាស់របស់ពួកគេ។
គណៈកម្មាធិការជាតិរៀបចំការបោះឆ្នោត អះអាងថា ជនណាក៏ដោយក៏មានសិទ្ធិប្តឹងតវ៉ា...