34 C
Phnom Penh

TAG

អំពើហិង្សា

សង្គម​ស៊ីវិល​ទទូច​ឱ្យ​រដ្ឋាភិបាល​ស្វែងរក​ក្រុម​ជន​ដៃ​ដល់​ដែល​ប្រើ​ហិង្សា​លើ​លោក នី ណាក់ មក​ផ្ដន្ទាទោស

ក្រុម​អង្គការ​សង្គម​ស៊ីវិល​ទទូច​ទៅ​រដ្ឋាភិបាល និង​សមត្ថកិច្ច ត្រូវ​ស្វែងរក​ជន​ក្រុម​ជន​ដៃ​ដល់​ដែល​ប្រើ​អំពើ​ហិង្សា​លើ​លោក នី ណាក់ យក​មក​ផ្ដន្ទាទោស​តាម​ច្បាប់ ដើម្បី​បញ្ចប់​ការ​រិះគន់​ទៅ​លើ​រដ្ឋាភិបាល​ថ្មី​ពី​សំណាក់​សាធារណជន ខណៈ​មាន​ការ​សង្ស័យ​ថា​ជា​ការ​រៀបចំ​ទុក​ជា​មុន។ ការ​ទាមទារ​នេះ ធ្វើឡើង​បន្ទាប់ពី​សកម្មជន​សង្គម​លោក នី ណាក់ កាលពី​ថ្ងៃទី​១២ ខែ​កញ្ញា ត្រូវ​ជន​មិន​ស្គាល់​មុខ​ជិះ​ម៉ូតូ​បុក​ពី​ក្រោយ​ឲ្យ​ដួល ហើយ​នាំគ្នា​ចុះ​មក​វាយ​នឹង​ដំបង​ដែក​ត្រង់​ក្បាល និង​កន្លែង​ផ្សេង​ទៀត​បណ្តាល​ឲ្យ​ចេញ​ឈាម​ស្រោច​លើ​ដងខ្លួន​ក្នុង​បំណង​ធ្វើ​ឃាត​រូបលោក។ អ្នក​នាំពាក្យ​សមាគម​ការពារ​សិទ្ធិមនុស្ស​អាដហុក លោក ស៊ឹង សែនករុណា បាន​ប្រាប់​សារព័ត៌មាន The Cambodia Daily ថា...

សកម្មជន​សង្គម​លោក នី ណាក់ ត្រូវ​ជន​មិន​ស្គាល់​វាយ​នឹង​ដំបង​ដែក​ត្រង់​ក្បាល​បំណង​ធ្វើ​ឃាត

សកម្មជន​សង្គម​លោក នី ណាក់ ត្រូវ​ជន​មិន​ស្គាល់​មុខ​ជិះ​ម៉ូតូ​បុក​ពី​ក្រោយ​ឱ្យ​ដួល ហើយ​នាំគ្នា​ចុះ​មក​វាយ​នឹង​ដំបង​ដែក​ត្រង់​ក្បាល និង​កន្លែង​ផ្សេង​ទៀត​បណ្តាល​ឱ្យ​ចេញ​ឈាម​ស្រោច​លើ​ដងខ្លួន ក្នុង​បំណង​ធ្វើ​ឃាត​រូបលោក នៅ​ថ្ងៃទី​១២ ខែ​កញ្ញា នេះ ហើយ​ស្ថានភាព​របស់​លោក​នៅ​ពេលនេះ​កំពុង​ស្ថិត​ក្នុង​ការ​សង្គ្រោះ​បន្ទាន់​នៅឡើយ។ ភរិយា​របស់​លោក នី ណាក់ សរសេរ​លើ​គណនី​ហ្វេសប៊ុក​ឈ្មោះ IMAN-KH ដែល​ជា​គណនី​ហ្វេសប៊ុក​របស់​លោក នី ណាក់ ផ្ទាល់​នៅ​ថ្ងៃទី​១២ កញ្ញា នេះ​ថា នៅ​រសៀល​ថ្ងៃទី​១២ ខែ​កញ្ញា ឆ្នាំ​២០២៣...

អាដហុក៖ ស្ថានភាព​សិទ្ធិមនុស្ស​នៅ​កម្ពុជា​ធ្លាក់​ចុះ​ខ្លាំង​រយៈពេល​៣​ខែ​ដើម​ឆ្នាំ​២០២៣

ក្រុម​អ្នក​ការពារ​សិទ្ធិមនុស្ស បាន​កត់សម្គាល់​ឃើញ​ថា ស្ថានភាព​សិទ្ធិមនុស្ស​នៅ​កម្ពុជា​ក្នុង​រយៈពេល ៣​ខែ​ដើម​ឆ្នាំ​២០២៣ នេះ បាន​ធ្លាក់​ចុះ​ខ្លាំង ក្នុង​នោះ​មាន​សកម្មជន​គណបក្ស​នយោបាយ​បាន​រង​នូវ​ការ​វាយប្រហារ​ពី​ក្រុម​មិន​ស្គាល់​មុខ។ សមាគម​ការពារ​សិទ្ធិមនុស្ស​អាដហុក បាន​ចេញ​សេចក្តី​ថ្លែងការណ៍​កាលពី​ថ្ងៃទី​២៦ ខែ​មេសា ឆ្នាំ​២០២៣ ថា អាដហុក​មាន​ការ​ព្រួយបារម្ភ​យ៉ាង​ខ្លាំង និង​ធ្វើការ​ថ្កោលទោស​ចំពោះ​ជន​ទាំងឡាយ​ដែល​បាន​ប្រព្រឹត្ត​អំពើ​ហិង្សា ជាពិសេស​ទៅ​លើ​សកម្មជន​នយោបាយ​ទាំង​នា​ពេល​កន្លងមក និង​នា​ពេល​ថ្មីៗ​នេះ ដូចជា​ការ​ជិះ​ម៉ូតូ​តាម​វាយ​ពីក្រោយ ការ​ស្ទាក់​វាយ​នឹង​ដំបង ការ​កាប់​នឹង​កាំបិត ការ​គប់​វាយ​នឹង​ដុំ​ថ្ម ការ​វាយ​ទាត់​ធាក់ ការ​ធាក់​ផ្តួល​ម៉ូតូ និង​បើក​រថយន្ត​បុក ជាដើម។ អង្គការ​ក្រៅ​រដ្ឋាភិបាល​ដែល​ធ្វើការ​លើ​វិស័យ​សិទ្ធិមនុស្ស​នេះ លើកឡើង​ថា...

សង្គម​ស៊ីវិល​អំពាវនាវ​ឱ្យ​ស្ត្រី​ឈប់​ទ្រាំ​នឹង​អំពើ​ហិង្សា​ព្រោះ​ជា​ការ​លើក​ទឹកចិត្ត​ជន​បង្ក​ហ៊ាន​កាន់តែ​ខ្លាំង

មន្ត្រី​សង្គម​ស៊ីវិល​ទទួល​បន្ទុក​សិទ្ធិមនុស្ស អំពាវនាវ​ដល់​ស្ត្រី​ដែល​រង​នូវ​ការ​ប្រព្រឹត្ត​អំពើ​ហិង្សា សូម​កុំ​ទ្រាំ​ពេក ព្រោះ​ជា​ការ​លើក​ទឹកចិត្ត​ឱ្យ​ជន​បង្ក​ហ៊ាន​ប្រើ​អំពើ​ហិង្សា​ដែល​អាច​នឹង​បង្ក​គ្រោះថ្នាក់​ដល់​ខ្លួន​កាន់តែ​ខ្លាំង។ អ្នក​នាំពាក្យ​សមាគម​ការពារ​សិទ្ធិមនុស្ស​អាដហុក លោក ស៊ឹង សែនករុណា ប្រាប់​សារព័ត៌មាន The Cambodia Daily នៅ​ថ្ងៃទី​២៧ មេសា នេះ​ថា ស្ត្រី​ខ្មែរ​ភាគច្រើន​បាន​ផ្តល់​តម្លៃ​ឱ្យ​បុរស​ជា​ស្វាមី​ខ្លាំង​ហួសហេតុ ពីព្រោះ​តែ​ប្តី​ជា​មេ​គ្រួសារ ប្តី​ជា​មនុស្ស​ត្រូវ​រ៉ាប់រង​នូវ​ជំហរ​សេដ្ឋកិច្ច​គ្រួសារ និង​ខ្លាច​ខ្មាស​គេ ជាដើម ដូច្នេះ​ស្ត្រី​ដែល​ជា​ភរិយា​តែង​អត់ធ្មត់​នូវ​ការ​ប្រើ​អំពើ​ហិង្សា​ទាំងឡាយ​ពី​សំណាក់​បុរស​ដែល​ជា​ស្វាមី​ជានិច្ច រហូត​ទាល់តែ​ស្ថានភាព​ដុនដាប​ខ្លាំង​ទើប​គាត់​ដាច់ចិត្ត​ទម្លាយ​រឿង​ទាំងនោះ។ លោក ស៊ឹង សែនករុណា លើកឡើង​ថា...

លោក ហ៊ុន សែន បញ្ចប់​តំណែង​មន្ត្រី​អាកាសចរ​ស៊ីវិល​ករណី​ដក​កាំភ្លើង​ភ្ជង់​អ្នក​បើក​រថយន្ត​តាម​ផ្លូវ

លោក ហ៊ុន សែន បញ្ចប់​មុខតំណែង​មន្ត្រី​អាកាសចរ​ស៊ីវិល លោក បែល វ៉ាន់ដែត បន្ទាប់ពី​មន្ត្រី​រូប​នេះ​បាន​ដក​កាំភ្លើង​ភ្ជង់​ទៅ​លើ​អ្នក​បើក​រថយន្ត​នៅ​តាម​ដងផ្លូវ​ដូច​គ្នា​ក្នុង​រឿង​ស៊ីផ្លេ​រថយន្ត។ ក្នុង​អនុក្រឹត្យ​ចុះ​ថ្ងៃទី​១១ ខែ​មេសា ឆ្នាំ​២០២៣ លោក ហ៊ុន សែន បាន​សម្រេច​បញ្ចប់​តំណែង​អគ្គនាយករង​នៃ​អគ្គនាយកដ្ឋាន​រដ្ឋបាល និង​កិច្ចការ​ទូទៅ​នៃ​រដ្ឋលេខាធិការដ្ឋាន​អាកាសចរ​ស៊ីវិល លោក បែល វ៉ាន់ដែត ចាប់ពី​ថ្ងៃ​ចុះហត្ថលេខា​នេះ​តទៅ។ ការ​ចេញ​អនុក្រឹត្យ​ដក​តំណែង​លោក បែល វ៉ាន់ដែត នេះ លោក ហ៊ុន...

ស្ទង់មតិ៖ បុរស​៧​នាក់​ក្នុង​ចំណោម​១០​នាក់​សេព​គ្រឿង​ស្រវឹង​បង្ក​ឱ្យ​មាន​អំពើ​ហិង្សា​ក្នុង​គ្រួសារ

បើ​តាម​ការ​ស្ទង់មតិ​របស់​ក្រសួង​សុខាភិបាល និង​ស្ថាប័ន​ពាក់ព័ន្ធ​ផ្សេង​ទៀត បាន​បង្ហាញ​ថា បុរស ៧​នាក់​ក្នុង​ចំណោម ១០​នាក់ ឬ​ស្មើ​នឹង ៧០% សេព​គ្រឿង​ស្រវឹង​បង្ក​ឲ្យ​មាន​អំពើ​ហិង្សា​លើ​ស្ត្រី​ដែល​ជា​ដៃគូ​បន្ទាប់ពី​សេព​គ្រឿង​ស្រវឹង។ យោង​តាម​របាយការណ៍​ស្ដីពី​ការ​អង្កេត​ប្រជាសាស្ត្រ និង​សុខភាព​កម្ពុជា ឆ្នាំ​២០២១-២០២២ ដែល​ចេញ​ផ្សាយ​កាលពី​ថ្ងៃទី​៤ ខែ​មេសា ឆ្នាំ​២០២៣ ឲ្យ​ដឹង​ថា ក្នុង​មួយ​ខែ​បុរស​ចំនួន ១០% បាន​ពិសា​គ្រឿង​ស្រវឹង​ជា​រៀងរាល់​ថ្ងៃ ឬ​ស្ទើរតែ​រាល់​ថ្ងៃ។ ចំណែក​ចំនួន ៦០% បាន​សេព​គ្រឿង​ស្រវឹង​ចន្លោះ​ពី ១​ថ្ងៃ​ទៅ ៥​ថ្ងៃ ហើយ​ចំនួន...

តុលាការ​លើកលែង​ការ​ចោទប្រកាន់​និង​បន្ថយ​ទោស​អតីត​មន្ត្រី​ផ្កាយ​២​ម្នាក់​ដែល​ប្រើ​ហិង្សា​លើ​ស្ត្រី

តុលាការ​ខេត្ត​កំពង់ស្ពឺ បាន​លើកលែង​ការ​ចោទប្រកាន់ និង​បន្ធូរ​បន្ថយ​ទោស​ដល់​អតីត​មន្ត្រី​យោធា​ផ្កាយ​២​ម្នាក់ ដែល​បាន​ចាប់​បង្ខាំង និង​ប្រើ​អំពើ​ហិង្សា​លើ​ស្ត្រី​ម្នាក់​បណ្តាល​ឲ្យ​រង​របួស​ធ្ងន់​កាលពី​ដើម​ឆ្នាំ​២០២១។ យោង​តាម​ដីកា​របស់​ចៅក្រម​ជំនុំជម្រះ​សាលាដំបូង​ខេត្ត​កំពង់ស្ពឺ លោក ស៊ លីនណា ដែល​បាន​ចេញ​ផ្សាយ​កាលពី​ថ្ងៃទី​២២ ខែ​ធ្នូ ឆ្នាំ​២០២២ សម្រេច​ឲ្យ​ឈ្មោះ សូយ ចាន់សឿន ឬ ទេស ចាន់សឿន ហៅ​វ៉ា រួច​ផុត​ពី​បទ​ចោទប្រកាន់​ពី​បទ «បង្ខាំង​ដោយ​ខុស​ច្បាប់» ប្រព្រឹត្ត​នៅ​ក្រុង​តាខ្មៅ ខេត្ត​កណ្តាល និង​ខេត្ត​កំពង់ស្ពឺ កាលពី​ថ្ងៃទី​២២...

សមត្ថកិច្ច​បញ្ជូន​សំណុំរឿង​អតីត​អភិបាល​រង​ខេត្ត​កែប​ទៅ​តុលាការ​ករណី​បៀតបៀន​និង​ប្រើ​ហិង្សា

ស្នងការ​នគរបាល​ខេត្ត​កែប បញ្ជូន​សំណុំរឿង​អតីត​អភិបាល​រង​ខេត្ត​នេះ​ទៅ​តុលាការ ករណី​ប្រព្រឹត្ត​អំពើ​ហិង្សា​លើ​ស្ត្រី​ដែល​ជា​មន្ត្រី​ពន្ធដារ​ម្នាក់ និង​ករណី​បៀតបៀន​លើ​ស្ត្រី ២​នាក់ បន្ទាប់ពី​លោក ហ៊ុន សែន បាន​ដក​តំណែង បើ​ទោះបីជា​អតីត​មន្ត្រី​រូប​នេះ​កំពុង​គេច​ខ្លួន​ក្តី។ បើ​តាម​លោក សម្បត្តិ សុធារដ្ឋ ស្នងការ​នគរបាល​ខេត្ត​កែប ប្រាប់​សារព័ត៌មាន​ក្នុង​ស្រុក​ថា នៅ​ថ្ងៃទី​២ ខែ​មករា ឆ្នាំ​២០២៣ នេះ សមត្ថកិច្ច​បាន​បញ្ជូន​សំណុំរឿង​អតីត​អភិបាល​រង​ខេត្ត​កែប លោក ភូ លិ ករណី​បង្ក​របួស​ស្នាម និង​បៀតបៀន​លើ​ស្ត្រី...

លីកាដូ​បារម្ភ​ករណី​អាជ្ញាធរ​ប្រើ​ហិង្សា​ចាប់​ពលរដ្ឋ​១៩​នាក់​បន្ទាប់ពី​មាន​ជម្លោះ​ដីធ្លី​ជាមួយ​ក្រុមហ៊ុន​សុខ​សំណាង​នៅ​ខេត្ត​ឧត្ដរមានជ័យ

អង្គការ​លីកាដូ លើកឡើង​ថា ពលរដ្ឋ​ចំនួន ១៩​នាក់ ត្រូវ​បាន​សមត្ថកិច្ច​ចាប់​ខ្លួន​ដាក់​ពន្ធនាគារ​ដោយ​ប្រើ​អំពើ​ហិង្សា និង​ដុត​ផ្ទះសម្បែង​របស់​ពួកគេ​ចោល​ជា​បន្តបន្ទាប់ ក្រោយ​មាន​ទំនាស់​ដីធ្លី​ជាមួយ​ក្រុមហ៊ុន​ចម្ការ​កៅស៊ូ សុខ សំណាង ស្ថិត​នៅ​ឃុំ​ត្រពាំងប្រាសាទ ស្រុក​ត្រពាំងប្រាសាទ ខេត្ត​ឧត្ដរមានជ័យ។ ក្នុង​សេចក្ដី​ប្រកាស​របស់​អង្គការ​ការពារ​សិទ្ធិមនុស្ស​លីកាដូ ចេញ​ផ្សាយ​នៅ​ថ្ងៃទី​១៤ ខែ​ធ្នូ ឆ្នាំ​២០២២ ថា បច្ចុប្បន្ន​អ្នក​ភូមិ​ចំនួន ៨​នាក់​កំពុង​ស្ថិត​ក្រោម​ការ​ឃុំ​ខ្លួន​បណ្ដោះអាសន្ន ដើម្បី​រង់ចាំ​សវនាការ ចំណែក​អ្នក​ភូមិ​ផ្សេង​ទៀត​ដែល​ត្រូវ​បាន​ចាប់​ខ្លួន​ដាក់​ពន្ធនាគារ​ជា​បន្តបន្ទាប់​ពាក់ព័ន្ធ​នឹង​ជម្លោះ​ដីធ្លី​ជាមួយ​ក្រុមហ៊ុន សុខ សំណាង។ ក្នុង​នោះ​បុរស​ចំនួន ៧​នាក់​ដែល​ត្រូវ​បាន​ចាប់​ខ្លួន​ដោយ​កម្លាំង​នគរបាល​ប្រដាប់​ដោយ​កាំភ្លើង​បាញ់​រះ​កាលពី​ខែ​កញ្ញា...

រដ្ឋបាល​ខណ្ឌ​៧មករា​ផ្អាក​ការងារ​មន្ត្រី​មួយ​រូប​ក្រោយ​ប្រើ​អំពើ​ហិង្សា​លើ​បុរស​រើស​អេតចាយ

រដ្ឋបាល​ខណ្ឌ​៧មករា រាជធានី​ភ្នំពេញ ផ្អាក​ការងារ​របស់​មន្ត្រី​សមត្ថកិច្ច​ម្នាក់​រយៈពេល ៦​ខែ​ដោយ​មិន​ទទួល​បាន​ប្រាក់​បៀវត្សរ៍ ក្រោយពី​មន្ត្រី​រូប​នេះ​ប្រើ​អំពើ​ហិង្សា​លើ​បុរស​អ្នក​រើស​អេតចាយ​ម្នាក់។ ក្នុង​សេចក្តី​ប្រកាស​ព័ត៌មាន​របស់​រដ្ឋបាល​ខណ្ឌ​៧មករា ចុះ​ថ្ងៃទី​៤ ខែ​វិច្ឆិកា កន្លងទៅ​នេះ ឲ្យ​ដឹង​ថា បុរស​ឈ្មោះ ឆាំ ឆាន ដែល​ជា​មន្ត្រី​នៅ​ខណ្ឌ​៧មករា រាជធានី​ភ្នំពេញ ត្រូវ​បាន​ដក​បញ្ឈរ​ជើង​ដោយ​មិន​ទទួល​ប្រាក់​បៀវត្សរ៍​ក្នុង​រយៈពេល ៦​ខែ។ បើ​តាម​រដ្ឋបាល​ខណ្ឌ​៧មករា បាន​ព្យាយាម​រៀបរាប់​ថា ក្រុម​ការងារ​របស់​ខ្លួន​ចំនួន ៤​នាក់​បាន​ចុះ​ទៅ​រៀបចំ​សណ្ដាប់ធ្នាប់​លើ​ផ្លូវ​១៦៤ ក្នុង​សង្កាត់​វាលវង់ ខណ្ឌ​៧មករា កាលពី​រសៀល​ថ្ងៃទី​៣ ខែ​វិច្ឆិកា ឆ្នាំ​២០២២។...

Latest news