តំបន់​ត្រីកោណ​អភិវឌ្ឍន៍ (CLV)

គណៈកម្មាធិការ​សិទ្ធិមនុស្ស​កម្ពុជា អះអាង​ថា រដ្ឋាភិបាល​គ្មាន​ជម្រើស​ណា​ផ្សេង​ក្រៅពី​ការ​ចាប់​ខ្លួន​អ្នក​ដែល​ប្រឆាំង​នឹង​កិច្ចសហប្រតិបត្តិការ​តំបន់​ត្រីកោណ​អភិវឌ្ឍន៍ កម្ពុជា ឡាវ និង​វៀតណាម (CLV-DTA) នោះ​ទេ ព្រោះ​ពួកគេ​ប្រើ​អាវុធ​ជាតិ​ផ្ទុះ។ ប្រធាន​គណៈកម្មាធិការ​សិទ្ធិមនុស្ស​កម្ពុជា លោក កែវ រ៉េមី ចេញ​សេចក្តី​ប្រកាស​ព័ត៌មាន​កាលពី​ថ្ងៃទី​៤ ខែ​កញ្ញា ឆ្នាំ​២០២៤ បន្ទាប់ពី​ជួប​ពិភាក្សា​ការងារ​ជាមួយ​អ្នកស្រី រេយដា អ៊ែលហេច (Roueida El Hage) តំណាង​ការិយាល័យ​ឧត្ដមស្នងការ​ទទួល​បន្ទុក​សិទ្ធិមនុស្ស​អង្គការ​សហប្រជាជាតិ ប្រចាំ​នៅ​កម្ពុជា (OHCHR)...

អតីត​មេដឹកនាំ​បក្ស​ប្រឆាំង​លោក សម រង្ស៊ី ជំរុញ​ឱ្យ​មេដឹកនាំ​បក្ស​កាន់​អំណាច​លោក ហ៊ុន សែន ប្តឹង​ក្រុមហ៊ុន​សេវាកម្ម​ផែនទី​នានា បើ​គាត់​ប្រាកដ​ថា​បង្គោល​ព្រំដែន​កម្ពុជា-វៀតណាម មិន​បាន​រំកិល​ចូល​ដី​ខ្មែរ​រាប់​សិប​គីឡូម៉ែត្រ​ដូច​ក្រុមហ៊ុន​សេវាកម្ម​ផែនទី​ទាំងនេះ​បាន​បង្ហាញ​ទេ​នោះ។ អតីត​ប្រធាន​គណបក្ស​សង្គ្រោះ​ជាតិ​លោក សម រង្ស៊ី សរសេរ​លើ​ទំព័រ​ហ្វេសប៊ុក​របស់​ខ្លួន​នៅ​ថ្ងៃទី​៤ កញ្ញា នេះ​ថា បន្ទាប់ពី​ផ្ទៀងផ្ទាត់​ជាច្រើនលើក​ច្រើនសា លោក​នៅតែ​រក​ឃើញ​ថា​បង្គោល​ព្រំដែន​កម្ពុជា-វៀតណាម ពិត​ជា​បាន​រំកិល​ចូល​ដី​ខ្មែរ​រាប់​សិប​គីឡូម៉ែត្រ​ប្រាកដ​មែន។ លោក​ថា បើ​លោក ហ៊ុន សែន មិន​សុខចិត្ត​ទេ គាត់​អាច​ដាក់​ពាក្យ​បណ្តឹង​ក្រុមហ៊ុន​សេវាកម្ម​ផែនទី​ទាំងនេះ​បាន ដូចជា Apple...

ប្រធាន​គណបក្ស​ជំនាន់​ថ្មី លោក មាជ សុវណ្ណារ៉ា ព្រមាន​នឹង​ផ្សព្វផ្សាយ​វីដេអូ​នៃ​ការ​បញ្ចេញមតិ​របស់​លោក​ពី​ជីវភាព​កម្មករ​ខ្មែរ​ក្នុង​ចម្ការ​កៅស៊ូ​វៀតណាម ក្នុង​ខេត្ត​រតនគិរី កាលពី​ឆ្នាំ​មុន​ឡើងវិញ ប្រសិនបើ​តុលាការ​យក​វីដេអូ​ចាស់​នោះ​មក​ភ្ជាប់​នឹង​ការ​ប្រឆាំង​គម្រោង​អភិវឌ្ឍន៍​ត្រីកោណ (CLV) ដែល​កំពុង​ផ្ទុះ​ឡើង​នៅ​ពេលនេះ។ លោក មាជ សុវណ្ណារ៉ា ប្រាប់​សារព័ត៌មាន The Cambodia Daily នៅ​ថ្ងៃទី​៤ កញ្ញា នេះ​ថា ដីកា​របស់​តុលាការ​ខេត្ត​រតនគិរី គឺជា​ដីកា​ដែល​បង្គាប់​ឱ្យ​ចាប់​ខ្លួន​លោក​តាំង​ថ្ងៃទី​៨ ខែ​កញ្ញា ឆ្នាំ​២០២៣ មក​ម្ល៉េះ...

តំណាងរាស្ត្រ​គណបក្ស​សង្គ្រោះ​ជាតិ លោក អ៊ុំ សំអាន ទាមទារ​ឱ្យ​រាជរដ្ឋាភិបាល​ដែល​កំពុង​គ្រប់គ្រង​ដោយ​គណបក្ស​ប្រជាជន​កម្ពុជា បង្ហាញ​ផែនទី​ថ្មី​ខ្នាត ១/២៥០០០ ដែល​ខ្លួន​បាន​ប្រើប្រាស់​ក្នុង​ការ​កំណត់​ខ្សែបន្ទាត់​ព្រំដែន​ជាមួយ​វៀតណាម កន្លង​មក ព្រោះ​ផែនទី​ថ្មី​នេះ​ធ្វើ​ឱ្យ​កម្ពុជា​បាត់បង់​ទឹកដី​ទៅ​ប្រទេស​វៀតណាម។ លោក អ៊ុំ សំអាន សរសេរ​លើ​ទំព័រ​ហ្វេសប៊ុក​របស់​លោក​កាលពី​ថ្ងៃទី​២ ខែ​កញ្ញា ថា ផែនទី​ថ្មី​ខ្នាត ១/២៥០០០ ដែល​បង្កើត​ឡើង​ដោយ​រដ្ឋាភិបាល​វៀតណាម និង​បាន​យក​ទៅ​បោះពុម្ព​នៅ​ក្រុមហ៊ុន​មួយ​នៅ​ប្រទេស​ដាណឺម៉ាក គឺ​មាន​លក្ខណៈ​ខុស​គ្នា​ស្រឡះ​ពី​ផែនទី​បោន​ខ្នាត ១/១០០០០០ ដែល​បន្សល់​ទុក​ដោយ​រដ្ឋាភិបាល​បារាំង នៅ​អង្គការ​សហប្រជាជាតិ។ លោក អ៊ុំ...

ដំណាល​ពេល​នឹង​ការ​ធ្វើ​បាតុកម្ម​ពី​សំណាក់​ពលរដ្ឋ​ខ្មែរ​នៅ​បរទេស​ជាច្រើន​លើក​នេះ ក្រុម​បញ្ញវន្ត​ខ្មែរ​នៃ​ក្រុមប្រឹក្សា ២៣ តុលា ១៩៩១ មាន​លោក ស្រី ពុធសាវឌី ជា​ប្រធាន ដែល​មាន​ទីស្នាក់ការ​នៅ​ប្រទេស​បារាំង បាន​ចេញ​សេចក្តី​ថ្លែងការណ៍​ដោយ​ហៅ​តំបន់​ត្រីកោណ​អភិវឌ្ឍន៍​រួម ថា​ជា​យុទ្ធសាស្ត្រ​សង្គ្រាម​ប្រជាសាស្ត្រ។ ក្នុង​សេចក្តី​ថ្លែងការណ៍​ជាង​ពីរ​ទំព័រ កាលពី​ចុង​ខែ​សីហា សរសេរ​ថា៖ ប្រវត្តិសាស្ត្រ​បង្ហាញ​ថា សញ្ជ័យ​ទឹកដី ឬ​ការ​ឈ្នះ​ស្រេចបាច់​មាន​ប្រៀប​ជា​ស្ថាពរ អាច​បាន​មកពី​សង្គ្រាម​ហិង្សា​ដោយ​កាប់​សម្លាប់​ជីវិត​មនុស្ស ឬ​ក៏​សង្គ្រាម​អហិង្សា​ដោយ​វិធី​បង្កើន​ចំនួន​ប្រជាជន​ឲ្យ​កើន​លឿន ឬ​សង្គ្រាម​ប្រជាសាស្ត្រ ដែល​គេ​ប្រើ​ជា​អាវុធ​វាតទី​និយម​ដ៏​ស័ក្តិសិទ្ធិ​បំផុត ដើម្បី​ធានា​ឲ្យ​សញ្ជ័យ​មួយ​ឋិតឋេរ និង​ស្ថាពរ។ សេចក្តី​ថ្លែងការណ៍​បន្ត​ទៀត​ថា ប្រតិបត្តិការ​នៃ​សង្គ្រាម​ប្រជាសាស្ត្រ​ប្រព្រឹត្ត​ទៅ​សន្សឹមៗ...

អ្នក​ឃ្លាំមើល​សង្គម អះអាង​ថា ការ​រំលោភ​សិទ្ធិមនុស្ស​គឺជា​កត្តា​ដ៏​ចម្បង​នាំ​ទៅ​ដល់​ការ​បញ្ចប់​វាសនា​ដឹកនាំ​របស់​រដ្ឋាភិបាល ខណៈ​ការ​បាត់បង់​ផលប្រយោជន៍​របស់​កម្ពុជា​ដែល​នឹង​ទទួល​បាន​ពី​សហគមន៍​អន្តរជាតិ ក៏​កើត​ចេញពី​ការ​រំលោភ​សិទ្ធិ​ពលរដ្ឋ​ផង​ដែរ។ អ្នក​ប្រឹក្សា​យោបល់​ផ្នែក​អភិវឌ្ឍន៍​ផ្នត់គំនិត និង​ការ​ស្រាវជ្រាវ លោក សេក សុជាតិ ប្រាប់​សារព័ត៌មាន The Cambodia Daily នៅ​ថ្ងៃទី​២ កញ្ញា នេះ​ថា ការ​អនុវត្ត​វិធានការ​ចាប់​ឃុំ​ខ្លួន​អ្នក​សម្ដែង​មតិ​មិនមែន​ជា​ដំណោះស្រាយ​ល្អ​ទេ​សម្រាប់​ប្រទេស​ប្រកាន់​របប​ប្រជាធិបតេយ្យ ខណៈ​រដ្ឋាភិបាល​ក៏​នឹង​រង​នូវ​ការ​រិះគន់​ពី​បណ្តា​ប្រទេស​នានា​ដែរ។ លោក​ថា ការ​ចាប់​ខ្លួន​អ្នក​សម្ដែង​មតិ​មាន​តែ​បន្ថែម​បញ្ហា​ឱ្យ​រដ្ឋាភិបាល​ខ្លួនឯង និង​ប្រទេស​កម្ពុជា​រួម​ទាំង​ប្រជាពលរដ្ឋ​ទៅវិញ​ប៉ុណ្ណោះ ព្រោះ​ក្រសែភ្នែក​អន្តរជាតិ​តែង​យកចិត្ត​ទុកដាក់​សិទ្ធិ​សេរីភាព​បញ្ចេញមតិ និង​សិទ្ធិ​នយោបាយ​របស់​ពលរដ្ឋ​ជានិច្ច។ ប្រភព​ដដែល​លើកឡើង​ថា ពលរដ្ឋ​សម្ដែង​មតិ​មិន​ពេញ​ចិត្ត​នឹង​រដ្ឋាភិបាល​ដែល​ស្រប​ទៅ​នឹង​មាត្រា​ដែល​មាន​ចែង​ក្នុង​រដ្ឋធម្មនុញ្ញ គឺជា​សកម្មភាព​ស្រប​ច្បាប់​ដែល​គួរតែ​ត្រូវ​បាន​លើក​ទឹកចិត្ត។ លោក...

ពលរដ្ឋ​ខ្មែរ​ស្នេហា​ជាតិ​មាតុភូមិ បាន​ចូលរួម​ធ្វើ​បាតុកម្ម​នា​ចុង​សប្តាហ៍​មុន​នេះ​ចាប់ពី​ប្រទេស​កូរ៉េខាងត្បូង​ដល់​សហរដ្ឋ​អាមេរិក ក្នុង​រដ្ឋ​កាលីហ្វ័រនីញ៉ា និង​រដ្ឋ​វ៉ាស៊ីនតុន ជំទាស់​ទៅ​នឹង​កិច្ចព្រមព្រៀង​ដាក់​ខេត្ត​ខ្មែរ​បួន​ទៅ​អភិវឌ្ឍ​រួម​ជាមួយ​ប្រទេស​យៀកណាម ដែល​ពួកគេ​គិត​ថា​វា​ស្មើ​នឹង​ឲ្យ​ទឹកដី​ទៅ​គេ។ ក្រុម​អ្នកវិភាគ​លើកឡើង​ថា រដ្ឋាភិបាល​ត្រកូល​ហ៊ុន​នឹង​ក្លាយ​ជា​សត្រូវ​របស់​ប្រជាជាតិ​ខ្មែរ​គ្រប់​ជំនាន់ បើ​នៅតែ​មានះ​មិន​ដក​ខ្លួន​ចេញពី​មហិច្ឆតា​ឈ្លានពាន​ដាក់​ទឹកដី​ខ្មែរ​ក្នុង​គម្រោង​អភិវឌ្ឍន៍​ត្រីកោណ CLV ជាមួយ​វៀតណាម ទេ​នោះ ខណៈ​ការ​ធ្វើ​បាតុកម្ម​នឹង​ផ្ទុះ​កាន់តែ​ធំ​ឡើងៗ​នៅ​ទូទាំង​ពិភពលោក ហើយ​អាច​នឹង​កើត​មាន​នៅ​ក្នុង​ប្រទេស​កម្ពុជា​ក្នុង​ពេល​ណា​មួយ​មិន​ខាន។ អ្នកវិភាគ​នយោបាយ និង​ជា​ប្រធាន​វេទិកា​ពលរដ្ឋ​លោក គឹម សុខ ប្រាប់​សារព័ត៌មាន The Cambodia Daily នៅ​ថ្ងៃទី​២ កញ្ញា នេះ​ថា រដ្ឋាភិបាល​ត្រកូល​ហ៊ុន​នឹង​ក្លាយ​ជា​សត្រូវ​របស់​កូន​ខ្មែរ​គ្រប់​និន្នាការ​នយោបាយ​ទាំងអស់...

រាជរដ្ឋាភិបាល​អះអាង​ថា ប្រមូល​ថវិកា​បាន​ជាង ១១​លាន​ដុល្លារ​អាមេរិក​នៅ​ក្នុង​យុទ្ធនាការ​កសាង​ហេដ្ឋារចនាសម្ព័ន្ធ​តាម​ព្រំដែន គិត​ត្រឹម​ថ្ងៃទី​២៨ សីហា ដែល​ថវិកា​ទាំងនោះ​បាន​មកពី​ការ​ចូលរួម​របស់​ប្រជាពលរដ្ឋ​ខ្មែរ តាមរយៈ​ការ​ប្រកាស​អំពាវនាវ​ពី​ប្រមុខ​រដ្ឋាភិបាល​លោក ហ៊ុន ម៉ាណែត។ យោង​តាម​មូលនិធិ​កសាង​ហេដ្ឋារចនាសម្ព័ន្ធ​តាម​ព្រំដែន បាន​ឲ្យ​ដឹង​ថា ត្រឹម​ពេល​មួយ​សប្តាហ៍ រដ្ឋាភិបាល​កៀរគរ​ប្រជាពលរដ្ឋ​បរិច្ចាគ​លុយ​បាន​ជាង ១១​លាន​ដុល្លារ​អាមេរិក ក្នុង​ចំណោម​អ្នក​ចូលរួម​ប្រមាណ ១៨​ម៉ឺន​នាក់។ ប្រធាន​ព្រឹទ្ធសភា​កម្ពុជា លោក ហ៊ុន សែន បាន​សរសេរ​នៅ​លើ​ហ្វេសប៊ុក​របស់​លោក​ថា លោក​មាន​ការ​ភ្ញាក់ផ្អើល និង​សប្បាយ​រីករាយ​យ៉ាង​ខ្លាំង​ដោយ​បាន​ទទួល​ដំណឹង​ថា មូលនិធិ​អភិវឌ្ឍន៍​ហេដ្ឋារចនាសម្ព័ន្ធ​តាម​ព្រំដែន​ដោយ​ផ្ដោត​លើ​ការ​ស្ថាបនា​ផ្លូវថ្នល់ ត្រូវ​បាន​ចូលរួម​ដោយ​ប្រជាជន​នៅ​តាម​មូលដ្ឋាន។ អ្នក​សង្កេតការណ៍​ខ្មែរ​និយាយ​ថា នេះ​អាច​ចាត់ទុក​ជា​សញ្ញា​នៃ​ការ​ស្រឡាញ់​ជាតិ​មាតុភូមិ​ពី​សំណាក់​ប្រជាពលរដ្ឋ​ខ្មែរ​ម្ចាស់​ប្រទេស...

ប្រធាន​វិទ្យុ​សំឡេង​ប្រជាធិបតេយ្យ លើកឡើង​ថា ការ​សម្រេច​ដាក់​ខេត្ត​ខ្មែរ​ទាំង​៤ ចូល​ទៅ​ក្នុង​តំបន់​អភិវឌ្ឍន៍​ត្រីកោណ គឺជា​ការ​សម្រេច​ដោយ​ឯកច្ឆន្ទ​របស់​លោក ហ៊ុន សែន មិនមែន​ជា​ការ​សម្រេច​ចេញពី​គណបក្ស​ប្រជាជន​កម្ពុជា ឬ​ចេញពី​រដ្ឋសភា ឬ​ចេញពី​ព្រះមហាក្សត្រ​នោះ​ទេ។ ប្រធាន​វិទ្យុ​សំឡេង​ប្រជាធិបតេយ្យ វីអូឌី (VOD) លោក ប៉ា ងួនទៀង លើកឡើង​ក្នុង​កម្មវិធី Idea Talk នៃ​សារព័ត៌មាន The Cambodia Daily កាលពី​រាត្រី​ថ្ងៃទី​២៨ សីហា...

អតីត​មេដឹកនាំ​បក្ស​ប្រឆាំង​លោក សម រង្ស៊ី ចាត់ទុក​រដ្ឋាភិបាល​ដែល​ដឹកនាំ​ដោយ​គណបក្ស​ប្រជាជន​កម្ពុជា និង​កំពុង​គ្រប់គ្រង​ដោយ​គ្រួសារ​លោក ហ៊ុន សែន ជា​រដ្ឋាភិបាល​កញ្ជើ​ធ្លុះ ព្រោះ​ជា​រដ្ឋាភិបាល​ដែល​មិន​ចេះ​រៀបចំ​ដឹកនាំ​ប្រទេស​ឱ្យ​រីកចម្រើន គឺ​ចេះ​តែ​បំផ្លាញ​ជាតិ​ឯង។ អតីត​ប្រធាន​គណបក្ស​សង្គ្រោះ​ជាតិ លោក សម រង្ស៊ី សរសេរ​លើ​ទំព័រ​ហ្វេសប៊ុក​របស់​ខ្លួន​កាលពី​យប់​ថ្ងៃទី​២៨ សីហា នេះ​ថា កាលពី​រៀបចំ​ព្រឹត្តិការណ៍​ស៊ីហ្គេម (Seagame) នា​អំឡុង​ខែ​ឧសភា ឆ្នាំ​២០២៣ រដ្ឋាភិបាល​ចាស់​របស់​លោក ហ៊ុន សែន បាន​ចំណាយ​លុយ​ជាតិ​ជាង...