TAG
ប៉ា ងួនទៀង
ក្រុមឃ្លាំមើលចាត់ទុកការផ្សាយរបស់ក្រសួងព័ត៌មានរឿងចាប់ខ្លួនលោក ថាច់ សេដ្ឋា ថាជារឿងបំផ្លើស
ប្រធានមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) ចាត់ទុកការផ្សព្វផ្សាយរបស់ក្រសួងព័ត៌មានដែលថាគណបក្សភ្លើងទៀនបានឯកភាពនូវវិធានការច្បាប់ជុំវិញការចាប់ខ្លួនលោក ថាច់ សេដ្ឋា ថាជារឿងបំផ្លើស។
លោកបន្ថែមថា ទង្វើបែបនេះគឺជាការរំលោភលើកាតព្វកិច្ចរបស់ខ្លួនយ៉ាងធ្ងន់ធ្ងរដែលតម្រូវដោយច្បាប់ ក្នុងការបម្រើប្រជាពលរដ្ឋក្នុងនាមស្ថាប័នជាតិ។
ប្រធានមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) លោក ប៉ា ងួនទៀង ប្រាប់សារព័ត៌មាន The Cambodia Daily នៅថ្ងៃទី១៨ មករា នេះថា ការផ្សព្វផ្សាយរបស់ក្រសួងព័ត៌មាននូវរឿងមិនត្រឹមត្រូវបែបនេះ មិនត្រឹមតែលើកទឹកចិត្តឱ្យអង្គភាពសារព័ត៌មានក្នុងស្រុកមួយចំនួនផ្សព្វផ្សាយនូវព័ត៌មានក្លែងក្លាយទេ ថែមទាំងជាគំរូអាក្រក់យ៉ាងធ្ងន់ធ្ងរក្នុងសង្គមថែមទៀត។
លោក ប៉ា ងួនទៀង...
CCIM៖ រដ្ឋាភិបាលកំពុងប្រើយុទ្ធនាការយ៉ាងអនាធិបតេយ្យបង្ក្រាបប្រព័ន្ធផ្សព្វផ្សាយឯករាជ្យ
ប្រធានមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ លើកឡើងថា រដ្ឋាភិបាលកម្ពុជាកំពុងប្រើយុទ្ធនាការយ៉ាងអណាធិបតេយ្យបង្ក្រាបទៅលើប្រព័ន្ធផ្សព្វផ្សាយឯករាជ្យ ដោយការចោទប្រកាន់ ការចាប់ឃុំខ្លួនអ្នកសារព័ត៌មានដែលកំពុងបំពេញភារកិច្ចនៅកម្ពុជា។
ប្រធានមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) លោក ប៉ា ងួនទៀង ប្រាប់សារព័ត៌មាន The Cambodia Daily នៅថ្ងៃទី២៩ ធ្នូ នេះថា សព្វថ្ងៃនេះរដ្ឋាភិបាលកម្ពុជាកំពុងប្រើយុទ្ធនាការយ៉ាងអណាធិបតេយ្យបង្ក្រាបទៅលើប្រព័ន្ធផ្សព្វផ្សាយឯករាជ្យ ដោយការចោទប្រកាន់រហូតឈានដល់ការចាប់ឃុំខ្លួនអ្នកសារព័ត៌មាន ដែលជាការគំរាមកំហែងយ៉ាងធ្ងន់ធ្ងរដល់អ្នកសារព័ត៌មានអាជីពដែលកំពុងបំពេញភារកិច្ចនៅកម្ពុជាបច្ចុប្បន្ននេះ។
លោក ប៉ា ងួនទៀង លើកឡើងថា សេរីភាពសារព័ត៌មាននៅកម្ពុជាបានធ្លាក់ចុះខ្លាំងតាំងពីឆ្នាំ២០១៧ ក្រោយការរំលាយគណបក្សសង្គ្រោះជាតិ...
លោក ហ៊ុន សែន អំពាវនាវឱ្យព្រះសង្ឃនិងពលរដ្ឋក្រោកឈរប្រឆាំងលោក សម រង្ស៊ី
លោកនាយករដ្ឋមន្ត្រី ហ៊ុន សែន អំពាវនាវឲ្យព្រះសង្ឃ និងពលរដ្ឋខ្មែរក្រោកឈរប្រឆាំងលោក សម រង្ស៊ី ក្រោមហេតុផលថា លោក សម រង្ស៊ី បានប្រមាថព្រះមហាក្សត្រធ្ងន់ធ្ងរ។
ការអំពាវនាវរបស់លោក ហ៊ុន សែន ធ្វើឡើងក្នុងពិធីប្រគល់ស្រូវពូជដល់កសិករដែលរងគ្រោះដោយសារគ្រោះទឹកជំនន់នៅខេត្តពោធិ៍សាត់ នាព្រឹកថ្ងៃទី២៥ ខែតុលា ឆ្នាំ២០២២។
ការអំពាវនាវរបស់លោក ហ៊ុន សែន ឲ្យពលរដ្ឋខ្មែរប្រឆាំងលោក សម រង្ស៊ី ធ្វើឡើងក្រោយពីបណ្ដាញផ្សព្វផ្សាយរបស់លោក...
អ្នកឃ្លាំមើលថាក្រសួងទាំង២៧មានបទល្មើសទាំងអស់ដែលបង្កឲ្យមានអំពើពុករលួយធ្ងន់ធ្ងរ
មន្ត្រីជាន់ខ្ពស់នៃអង្គការក្រៅរដ្ឋាភិបាល រិះគន់ថា ក្រសួងទាំង ២៧ របស់កម្ពុជាដែលគ្រប់គ្រងដោយមេដឹកនាំបក្សកាន់អំណាច លោក ហ៊ុន សែន បង្កើតឱ្យមានបទល្មើសខុសច្បាប់ស្ទើរតែគ្រប់ក្រសួង និងបង្កឲ្យមានអំពើពុករលួយយ៉ាងធ្ងន់ធ្ងរនៅក្នុងសង្គម។
ប្រធានមជ្ឈមណ្ឌលកម្ពុជាដើម្បីប្រព័ន្ធផ្សាយឯករាជ្យ (CCIM) លោក ប៉ា ងួនទៀង បានលើកឡើងក្នុងកម្មវិធី Idea Talk នៃសារព័ត៌មាន The Cambodia Daily កាលពីថ្ងៃទី១០ ខែតុលា ថា...
អគ្គស្នងការរងនគរបាលជាតិប្រាប់មន្ត្រីត្រូវប្រកាន់ខ្ជាប់សច្ចធម៌ដើម្បីផ្តល់យុត្តិធម៌ដល់ពលរដ្ឋ
អគ្គស្នងការរងនគរបាលជាតិ លើកឡើងថា គ្រប់ជនសង្ស័យទាំងអស់ដែលត្រូវជាប់ពាក់ព័ន្ធក្នុងការស៊ើបអង្កេត មិនមែនសុទ្ធតែមានទោសនោះទេ ក្នុងនាមជាមន្ត្រីនគរបាលយុត្តិធម៌ម្នាក់ត្រូវប្រកាន់ខ្ជាប់នូវសច្ចធម៌ និងធ្វើការស៊ើបអង្កេតឲ្យបានច្បាស់លាស់ ដើម្បីជៀសវាងកើតមាននូវអំពើអយុត្តិធម៌ទៅលើប្រជាពលរដ្ឋដែលគ្មានកំហុស។
អគ្គស្នងការរងនគរបាលជាតិ លោក អ៊ី សុខឃី បានលើកឡើងក្នុងពិធីបិទវគ្គបំប៉នជំនាញស្ដីពីក្រមព្រហ្មទណ្ឌ ក្រមនីតិវិធីព្រហ្មទណ្ឌ និងវិធានការស៊ើបអង្កេតនៅអគ្គស្នងការដ្ឋាននគរបាលជាតិកាលពីថ្ងៃទី១៧ ខែសីហា ឆ្នាំ២០២២ ថា ក្នុងដំណាក់កាលស៊ើបអង្កេត គឺត្រូវរកខុស រកត្រូវ ក្នុងនោះបើស៊ើបអង្កេតទៅរកឃើញថាមានកំហុស ត្រូវតែធ្វើការចោទប្រកាន់ ប៉ុន្តែបើស៊ើបអង្កេតទៅរកឃើញថាគ្មានកំហុស ត្រូវតែធ្វើសេចក្តីរាយការណ៍បញ្ជាក់ថាគ្មានកំហុស នោះទើបសង្គមជាតិកម្ពុជាមានយុត្តិធម៌ពិតប្រាកដ។
អគ្គស្នងការរងនគរបាលជាតិរូបនេះណែនាំទៅកាន់សិក្ខាកាមជានគរបាលចំនួន...
តំណាងកម្មករណាហ្គាវើលដ៍បដិសេធការចោទប្រកាន់របស់សាលាក្រុងភ្នំពេញ
សហជីពការពារសិទ្ធិបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ (Naga World) អះអាងថា ក្រុមកូដករគ្មានបំណងប្រើប្រាស់ផ្លូវសាធារណៈដើម្បីធ្វើកូដកម្មទាមទារសិទ្ធិការងារនោះទេ។
ប្រធានសហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ កញ្ញា ឈឹម ស៊ីថរ បានលើកឡើងក្នុងកម្មវិធី Idea Talk នៃសារព័ត៌មាន The Cambodia Daily កាលពីថ្ងៃទី២៨ មិថុនា ឆ្នាំ២០២២ ថា ចាប់តាំងពីថ្ងៃដំបូងនៃការធ្វើកូដកម្ម អាជ្ញាធរកម្ពុជាបានរារាំងក្រុមកូដករជាប់រហូតមិនឱ្យធ្វើការតវ៉ាជាមួយនឹងក្រុមហ៊ុន ប៉ុន្តែក្រុមកូដករបានប្រកាន់ជំហរជាប់ជានិច្ចនូវការធ្វើកូដកម្មដោយអហិង្សា ដូច្នេះបើអាជ្ញាធររាំងខ្ទប់ពួកគេនៅកន្លែងណា ពួកគេនឹងធ្វើការទាមទារនៅកន្លែងនោះតែម្តង។
កញ្ញា...
លោក កឹម សុខា ថាសន្តិភាពពិតប្រាកដកើតមានលុះត្រាមិនទុកអ្នកមានទស្សនៈផ្ទុយជាសត្រូវ
មេដឹកនាំបក្សប្រឆាំងដែលកំពុងរងការរឹតត្បិតសេរីភាពពីគណបក្សកាន់អំណាច លោក កឹម សុខា លើកឡើងថា សន្តិភាពពិតប្រាកដកើតឡើងទៅបានលុះត្រាតែប្រទេសមួយអាចទទួលយកបាននូវទស្សនៈខុសគ្នា មិនចាត់ទុកគ្នាជាសត្រូវ និងគោរពសិទ្ធិមូលដ្ឋានរបស់មនុស្សគ្រប់រូបដោយមិនប្រកាន់និន្នាការអ្វីទាំងអស់។
ប្រធានគណបក្សសង្គ្រោះជាតិ ដែលមិនទាន់មានសេរីភាពពេញលេញរូបនេះបានសរសេរលើទំព័រហ្វេសប៊ុករបស់ខ្លួនកាលពីថ្ងៃទី១៧ ខែមេសា ឆ្នាំ២០២២ ក្នុងឱកាសខួបទី៤៧ឆ្នាំដែលរបបខ្មែរក្រហមដឹកនាំដោយ ប៉ុល ពត ឡើងកាន់អំណាចនៅកម្ពុជាថា របៀបដឹកនាំដែលចាត់ទុកអ្នកដែលមានទស្សនៈផ្សេង ឬមាននិន្នាការនយោបាយផ្ទុយពីខ្លួនជាសត្រូវ នឹងនាំឱ្យការដឹកនាំនោះឈានទៅរកការរំលោភសិទ្ធិជាមូលដ្ឋានរបស់ពលរដ្ឋយ៉ាងធ្ងន់ធ្ងរ ហើយក៏ជាកម្លាំងចលករមួយឆ្ពោះទៅរកការដឹកនាំតាមបែបប្រល័យពូជសាសន៍ផងដែរ។
លោក កឹម សុខា អះអាងថា ការកម្ចាត់អ្នកដែលមានទស្សនៈផ្សេង អាចត្រឹមតែបង្កើតភាពស្ងប់ស្ងាត់បណ្ដោះអាសន្នមួយគ្រាប៉ុណ្ណោះ...
អ្នកឃ្លាំមើលបារម្ភកម្ពុជាធ្លាក់ក្នុងអន្ទាក់ភូមិសាស្ត្រនយោបាយនិងទាសភាពសេដ្ឋកិច្ចរបស់ចិន
សកម្មជនដែលអត្ថាធិប្បាយកិច្ចព្រមព្រៀងសន្តិភាពក្រុងប៉ារីស លើកឡើងថា ប្រសិនបើមេដឹកនាំកម្ពុជាពឹងមហាអំណាចណាមួយផ្ដាច់មុខ នោះកម្ពុជានឹងធ្លាក់ចូលទៅក្នុងអន្ទាក់ភូមិសាស្ត្រនយោបាយ និងទាសភាពសេដ្ឋកិច្ចរបស់មហាអំណាចជាមិនខាន។
សកម្មជនកិច្ចព្រមព្រៀងចុងក្រោយនៃកិច្ចព្រមព្រៀងសន្តិភាពក្រុងប៉ារីស លោក ស្រ៊ុន ស្រ៊ន បានលើកឡើងនៅក្នុងកម្មវិធី Idea Talk នៃសារព័ត៌មាន The Cambodia Daily កាលពីចុងសប្តាហ៍កន្លងទៅនេះថា ខ្មែរនឹងលែងមានសេដ្ឋកិច្ចជារបស់ខ្លួនទៅថ្ងៃអនាគត។ លោកបន្តថា ពលរដ្ឋខ្មែរនឹងក្លាយជាកម្មករដាច់ថ្លៃបម្រើការឱ្យក្រុមហ៊ុនបរទេស ដូចជាទាសករលើទឹកដីរបស់ខ្លួនជារៀងរហូត ប្រសិនបើរដ្ឋាភិបាលកម្ពុជាមិនអាចសាងភាពឯករាជ្យឱ្យកម្ពុជាដោយខ្លួនឯងបានទេនោះ។
លោក ស្រ៊ុន ស្រ៊ន អះអាងថា...
ក្រុមសិទ្ធិមនុស្ស៖ ប្រទេសដែលពលរដ្ឋមិនមានសេចក្តីសុខផ្លូវកាយផ្លូវចិត្ត គឺមិនចាត់ទុកថាជាប្រទេសមានសន្តិភាពទេ
ក្រុមអ្នកឃ្លាំមើលសិទ្ធិមនុស្សនៅកម្ពុជា អះអាងថា ប្រទេសដែលមានសន្តិភាពសម្រាប់ពលរដ្ឋរបស់ខ្លួនពិតប្រាកដ លុះត្រាតែប្រទេសនោះចៀសផុតពីការគំរាមកំហែងដោយសង្គ្រាម និងប្រជាជននៃប្រទេសនោះមានសេចក្តីសុខទាំងផ្លូវកាយ និងផ្លូវចិត្ត ប៉ុន្តែផ្ទុយទៅវិញ បើពលរដ្ឋមានការគំរាមកំហែងទាំងផ្លូវកាយ និងផ្លូវចិត្ត នោះមិនអាចចាត់ទុកថាជាប្រទេសដែលមានសន្តិភាពជាដាច់ខាត។
អ្នកនាំពាក្យរបស់សមាគមការពារសិទ្ធិមនុស្សអាដហុក លោក ស៊ឹង សែនករុណា បានលើកឡើងក្នុងកម្មវិធី Idea Talk កាលពីថ្ងៃទី១៤ កុម្ភៈ នេះថា កម្ពុជា បានប្រកាន់យករបបលទ្ធិប្រជាធិបតេយ្យសេរីពហុបក្ស ដូច្នេះការធានាឱ្យបាននូវការដឹកនាំមួយដែលមិនបង្កការឈឺចាប់ទាំងផ្លូវចិត្ត និងផ្លូវកាយដល់ពលរដ្ឋ ទើបអាចចាត់ទុកបានថាជាប្រទេសដែលមានសន្តិភាពពិតប្រាកដ...
អ្នកជំនាញអង្គការសហប្រជាជាតិស្នើឲ្យកម្ពុជាផ្អាកអនុវត្តអនុក្រឹត្យស្ដីពីច្រកទ្វារអ៊ីនធឺណិតជាតិ
ក្រុមអ្នកជំនាញអង្គការសហប្រជាជាតិផ្នែកសិទ្ធិមនុស្ស ជំរុញឱ្យអាជ្ញាធរកម្ពុជាផ្អាកគម្រោងអនុវត្តអនុក្រឹត្យស្ដីពី «ច្រកទ្វារអ៊ីនធឺណិតជាតិ» នៅថ្ងៃទី១៦ ខែកុម្ភៈ ខាងមុខនេះ ដោយសារអនុក្រឹត្យនេះមានការរឹតត្បិត និងធ្វើឱ្យប៉ះពាល់ដល់សិទ្ធិឯកជន ព្រមទាំងជះឥទ្ធិពលអវិជ្ជមានយ៉ាងធ្ងន់ធ្ងរលើសេរីភាពប្រព័ន្ធអ៊ីនធឺណិត។
សេចក្ដីប្រកាសព័ត៌មានរបស់អ្នកជំនាញអង្គការសហប្រជាជាតិផ្នែកសិទ្ធិមនុស្ស បានចេញផ្សាយកាលពីថ្ងៃចន្ទ ទី៣១ មករា បានលើកឡើងថា អនុក្រឹត្យដែលគ្រោងនឹងចូលជាធរមាននៅថ្ងៃទី១៦ ខែកុម្ភៈ ខាងមុខនេះ នឹងជះឥទ្ធិពលអវិជ្ជមានយ៉ាងធ្ងន់ធ្ងរលើសេរីភាពប្រព័ន្ធអ៊ីនធឺណិត អ្នកការពារសិទ្ធិមនុស្ស និងសង្គមស៊ីវិលនៅក្នុងប្រទេសកម្ពុជា។
ប្រភពដដែលឲ្យដឹងថា អនុក្រឹត្យដែលមានលក្ខណៈរឹតត្បិតនេះ អាចនឹងមានផលប៉ះពាល់យ៉ាងអាក្រក់លើសិទ្ធិឯកជន និងបង្កើតបានជាហានិភ័យគ្រោះថ្នាក់មួយ ប្រសិនបើព័ត៌មានទាំងនោះត្រូវបានគេប្រើខុស។
អ្នកជំនាញអង្គការសហប្រជាជាតិបន្តថា អនុក្រឹត្យនេះបានផ្ដល់អំណាចលើសលប់ដល់ប្រតិបត្តិករច្រកទ្វារអ៊ីនធឺណិតជាតិ...