TAG
រុស្ស៊ី-អ៊ុយក្រែន
តើរបបលោក ពូទីន អាចត្រូវដាក់ជារបបឧក្រិដ្ឋកម្មប្រល័យពូជសាសន៍លើជនជាតិអ៊ុយក្រែនដែរឬទេ?
មកដល់ពេលនេះ សង្គ្រាមរុស្ស៊ីឈ្លានពានអ៊ុយក្រែន មានរយៈពេល ១០ខែទៅហើយ។ វិនាសកម្មដ៏ខ្លោចផ្សាបំផុតកើតមានពាសពេញទឹកដីអ៊ុយក្រែន។ ប្រជាជនអ៊ុយក្រែនស្លាប់បាត់បង់ជីវិត និងស្លាប់ដោយសារជំងឺតម្កាត់ផ្សេងៗ ដោយសារតែសហគមន៍របស់ពួកគេរស់នៅដោយរងការបំផ្លាញពីគ្រាប់មីស៊ីលរបស់រុស្ស៊ី។
មន្ទីរពេទ្យ សាលារៀន មជ្ឈមណ្ឌលកម្សាន្តរបស់កុមារ សុទ្ធតែត្រូវបំផ្លាញដោយគ្រាប់មីស៊ីលរបស់រុស្ស៊ី។ បន្ថែមពីនេះ នៅពេលរដូវត្រជាក់កំពុងតែមកដល់ រុស្ស៊ីបានបាញ់មីស៊ីលស្រោចចូលទៅទឹកដីអ៊ុយក្រែន បំផ្លាញប្រព័ន្ធចរន្តអគ្គិសនី និងប្រព័ន្ធកម្ដៅទឹកក្ដៅរបស់ប្រទេសនេះ ដែលជួយផ្តល់កម្ដៅនៅពេលរដូវត្រជាក់មកដល់។
ប្រធានាធិបតីអ៊ុយក្រែន ហ្សេឡេនស្គី បានថ្លែងទៅកាន់សហគមន៍អន្តរជាតិឲ្យជួយអនុម័តដាក់របបរុស្ស៊ីជារបបភេរវកម្ម និងប្រល័យពូជសាសន៍។
គេពុំទាន់ដឹងថា ប្រជាជនអ៊ុយក្រែនមកដល់ពេលនេះស្លាប់ពិតប្រាកដចំនួនប៉ុន្មានម៉ឺននាក់នោះទេ ប៉ុន្តែរបាយការណ៍របស់អង្គការសហប្រជាជាតិបានឱ្យដឹងកាលពីពេលថ្មីៗនេះថា ប្រជាជនអ៊ុយក្រែនស្លាប់ដោយសារតែគ្រាប់មីស៊ីលរបស់ប្រទេសរុស្ស៊ី និងស្លាប់ដោយសារតែធ្លាក់ខ្លួនឈឺ...
អាមេរិកនិងសាធារណរដ្ឋបារាំងបន្តប្ដេជ្ញាចិត្តរួមគ្នាប្រឆាំងរុស្ស៊ីឈ្លានពានអ៊ុយក្រែន
លោក ចូ បៃដិន ប្រធានាធិបតីសហរដ្ឋអាមេរិកបានទទួលជួបមេដឹកនាំបារាំង គឺប្រធានាធិបតី Emmanuel Macron នៅសេតវិមានកាលពីថ្ងៃព្រហស្បតិ៍ ទី១ ធ្នូ។ លោក បៃដិន ទទួលសមភាគីបារាំងជាលើកដំបូងចាប់តាំងពីលោកក្លាយជាប្រធានាធិបតីសហរដ្ឋអាមេរិកនៅថ្ងៃទី២០ ខែមករា ឆ្នាំ២០២១។
តាមទីភ្នាក់ងារព័ត៌មាន Reuters ជំនួបកំពូលនៃមេដឹកនាំប្រទេសសមាជិកណាតូបានលើកឡើងជាច្រើនអំពីបញ្ហាពិភពលោក តែបញ្ហាសង្គ្រាមរុស្ស៊ីឈ្លានពានអ៊ុយក្រែន និងបញ្ហាឥទ្ធិពលចិនក្នុងតំបន់ឥណ្ឌូ-ប៉ាស៊ីហ្វិក គឺជាប្រធានបទសំខាន់ជាងគេ ហើយបញ្ហាកម្មវិធីនុយក្លេអ៊ែរអ៊ីរ៉ង់ក៏ស្ថិតក្នុងរបៀបវារៈនៃជំនួបរបស់មេដឹកនាំប្រទេសទាំងពីរដែរ។
លោក John Kirby អ្នកនាំពាក្យក្រុមប្រឹក្សាសន្តិសុខជាតិប្រចាំសេតវិមាន...
មេដឹកនាំណាតូថារុស្ស៊ីមានផែនការយកឈ្នះសង្គ្រាមនៅរដូវរងានេះ តែណាតូរួមកម្លាំងកាន់តែខ្លាំងជួយអ៊ុយក្រែន
មេដឹកនាំណាតូ (NATO) ថាប្រធានាធិបតីរុស្ស៊ី លោក វ៉្លាឌីមៀរ ពូទីន (Vladimir Putin) កំពុងតែប្រើប្រាស់រដូវត្រជាក់ជាអាវុធមុតស្រួចយកឈ្នះសង្គ្រាមលើទឹកដីអ៊ុយក្រែន តែលោកថាអ៊ុយក្រែនកំពុងក្លាយជាសមាជិកណាតូហើយនៅពេលនេះ។
អគ្គលេខាធិការអង្គការយោធាណាតូ បានធ្វើការវាយប្រហារទៅលើប្រធានាធិបតីរុស្ស៊ី វ៉្លាឌីមៀរ ពូទីន ថាកំពុងតែប្រើប្រាស់រដូវរងាឆ្នាំនេះ គឺជាអាវុធនៃសង្គ្រាមដើម្បីយកប្រៀប និងយកឈ្នះសង្គ្រាមលើទឹកដីអ៊ុយក្រែន ខណៈលោករំឭកថា ណាតូតាំងចិត្តរួចស្រេចហើយនឹងអនុញ្ញាតឲ្យអ៊ុយក្រែនក្លាយជាសមាជិករបស់ខ្លួនបណ្ដើរៗហើយនៅពេលនេះ។ នេះបើតាមការចុះផ្សាយរបស់ទីភ្នាក់ងារសារព័ត៌មាន Reuters នៅថ្ងៃទី៣០ វិច្ឆិកា នេះ។
ការវាយប្រហាររបស់រុស្ស៊ី បង្កទុក្ខវេទនាដល់ពលរដ្ឋអ៊ុយក្រែនខ្វះប្រភពទឹក...
កិច្ចប្រជុំ G20 បិទបញ្ចប់ដោយថ្លែងការណ៍ថ្កោលទោសរុស្ស៊ី ខណៈមីស៊ីលមួយគ្រាប់ធ្លាក់ចូលទឹកដីប៉ូឡូញ
កិច្ចប្រជុំកំពូលរបស់មេដឹកនាំប្រទេសសេដ្ឋកិច្ចជឿនលឿន G-20 បានបិទបញ្ចប់នៅថ្ងៃពុធនេះ ដោយការចេញសេចក្ដីថ្លែងការណ៍ថ្កោលទោសរុស្ស៊ី វាយប្រហារដោយគ្រាប់មីស៊ីលទៅលើប្រទេសអ៊ុយក្រែន កាលពីយប់ទៀបភ្លឺ ដែលយ៉ាងតិចមីស៊ីលជាង ៩០គ្រាប់បានធ្លាក់នៅទូទាំងប្រទេសអ៊ុយក្រែន ហើយយ៉ាងហោចមួយគ្រាប់បានធ្លាក់ចូលទឹកដីប៉ូឡូញ បណ្ដាលឱ្យមនុស្ស ២នាក់ស្លាប់។
នៅក្នុងការបិទបញ្ចប់ជំនួបកំពូលនៃប្រទេស G-20 ប្រធានាធិបតីឥណ្ឌូនេស៊ី បានផ្ទេរសិទ្ធិជាប្រធានវេនប្រចាំឆ្នាំ២០២៣ ឱ្យទៅនាយករដ្ឋមន្ត្រីនៃប្រទេសឥណ្ឌា។ សេចក្ដីថ្លែងការណ៍បានសម្ដែងការព្រួយបារម្ភអំពីប្រតិកម្មរបស់ប្រទេសប៉ូឡូញ ដែលគិតថាសង្គ្រាមកំពុងរអិលធ្លាក់ចូលទៅប្រទេសប៉ូឡូញ ដែលជាសមាជិកណាតូ។
ប្រធានាធិបតីឥណ្ឌូនេស៊ី លោក ចូកូ វិដូដូ បានប្រាប់ក្រុមអ្នកសារព័ត៌មានថា សេចក្ដីថ្លែងការណ៍រួមរបស់មេដឹកនាំ G-20...
លោក ហ៊ុន សែន ថាកម្ពុជាប្រឆាំងដាច់ខាតចំពោះការឈ្លានពានរបស់រុស្ស៊ីលើអ៊ុយក្រែន
បុរសខ្លាំងកម្ពុជា លោក ហ៊ុន សែន អះអាងថា កម្ពុជានៅតែប្រកាន់ខ្ជាប់ និងគោរពនូវគោលការណ៍ដែលបានចែងក្នុងធម្មនុញ្ញអង្គការសហប្រជាជាតិ និងច្បាប់អន្តរជាតិនានាជានិច្ច ដោយប្រឆាំងដាច់ខាតចំពោះការឈ្លានពានរបស់រុស្ស៊ីលើអធិបតេយ្យភាពរបស់អ៊ុយក្រែនសព្វថ្ងៃ។
លោក ហ៊ុន សែន បានអះអាងក្នុងជំនួបជាមួយរដ្ឋមន្ត្រីការបរទេសអ៊ុយក្រែន លោក ឌឹមីត្រូ គូលេបា (Dmytro Kuleba) នៅថ្ងៃពុធ សប្តាហ៍ នេះថា កម្ពុជានៅតែរក្សាជំហរប្រឆាំងនឹងការឈ្លានពានប្រឆាំងការគំរាមកំហែង ឬការប្រើប្រាស់ហិង្សាមកលើអធិបតេយ្យភាពជាតិ បូរណភាពដែនដីរបស់រដ្ឋឯករាជ្យ និងមិនគាំទ្រដល់ការបំបែករដ្ឋ...
ឥណ្ឌូនេស៊ីសង្ឃឹមថាជំនួបកំពូលនៃមេដឹកនាំ G-20 នឹងជួយបញ្ចប់សង្គ្រាមនៅអ៊ុយក្រែន
នៅមុនជំនួបកំពូលនៃមេដឹកនាំប្រទេសសេដ្ឋកិច្ចជឿនលឿន G-20 ដែលនឹងប្រព្រឹត្តទៅនៅពាក់កណ្ដាលខែវិច្ឆិកា ខែក្រោយនេះ ប្រធានាធិបតីឥណ្ឌូនេស៊ី សង្ឃឹមថាតាមរយៈវេទិកានេះ អាចរុញឲ្យមេដឹកនាំនៃបណ្ដាប្រទេស G-20 ជួយសម្របសម្រួលឲ្យមានជំនួបរវាងប្រធានាធិបតីរុស្ស៊ី វ៉្លាឌីមៀរ ពូទីន និងសមភាគីអ៊ុយក្រែន វ៉ូឡូឌីមៀ ហ្សេឡេនស្គី (Volodymyr Zelenskyy) ឬយ៉ាងហោចណាស់ក៏មានជំនួបរវាងលោក ចូ បៃដិន និងលោក ពូទីន ដែរ។
បើតាមបណ្ដាញផ្សាយព័ត៌មាន Aljazeera ឲ្យដឹងថា...
នាយករដ្ឋមន្ត្រីថ្មីអង់គ្លេសសន្យានឹងលោក បៃដិន គាំទ្រអ៊ុយក្រែនប្រឆាំងរុស្ស៊ីនិងទប់ទល់ឥទ្ធិពលចិន
នៅពេលនេះ មហាអំណាចអង់គ្លេស មាននាយករដ្ឋមន្ត្រីថ្មីម្នាក់ទៀតហើយដែលនាំឲ្យចក្រភពមួយនេះមាននាយករដ្ឋមន្ត្រីដល់ទៅ ៣រូបសម្រាប់ឆ្នាំ២០២២ នេះ។
លោក Rishi Sunak គឺជានាយករដ្ឋមន្ត្រីថ្មីទី៣ នៃចក្រភពអង់គ្លេស ដែលទើបទទួលបានការគាំទ្រពីសមាជិកសភាមកពីគណបក្សអភិរក្សនិយម ដែលកំពុងកាន់អំណាច។
អង់គ្លេសមាននាយករដ្ឋមន្ត្រី ២រូបហើយនៅក្នុងរយៈពេល ៣ឆ្នាំចុងក្រោយនេះ។ លោក បូរីស ចនសុន បានកាន់តំណែងនាយករដ្ឋមន្ត្រីបានជាង ៣ឆ្នាំ។ ចំណែកនាយករដ្ឋមន្ត្រីអង់គ្លេស ទី២ គឺអ្នកស្រី លី ត្រាស់ កាន់តំណែងបានតែ...
លោក ពូទីន អនុម័តច្បាប់អាជ្ញាសឹកលើតំបន់៤ដែលយកពីអ៊ុយក្រែន តើលោកធ្វើដូចនេះដើម្បីអ្វី?
ក្នុងកិច្ចប្រជុំក្រុមប្រឹក្សាសន្តិសុខ លោក ពូទីន ប្រធានាធិបតីរុស្ស៊ីបានប្រកាសផ្ដល់អំណាចបន្ទាន់ឱ្យមេដឹកនាំតំបន់ចំនួនបួនដែលទើបកាត់យកចេញពីអ៊ុយក្រែន តាមការបោះឆ្នោតប្រជាមតិដែលអង្គការសហប្រជាជាតិថ្កោលទោស ថាជាទង្វើខុសច្បាប់ និងរំលោភធម្មនុញ្ញអង្គការសហប្រជាជាតិយ៉ាងធ្ងន់ធ្ងរ។
តាមសារព័ត៌មាន Washington post តំបន់ចំនួនបួននេះ គឺតំបន់ដូណេត តំបន់លូហាន់ នៅភាគខាងកើត តំបន់ខឺសុន និងតំបន់ហ្សាប៉ូរីហ្ស៊ីយ៉ា នៅភាគខាងត្បូងប្រទេសអ៊ុយក្រែន ឱ្យប្រើប្រាស់ច្បាប់អាជ្ញាសឹក។
នៅក្នុងការចាក់ផ្សាយរបស់ទូរទស្សន៍រុស្ស៊ី លោក ពូទីន បាននិយាយក្នុងកិច្ចប្រជុំក្រុមប្រឹក្សាសន្តិសុខជាតិរុស្ស៊ី ថា ច្បាប់នេះមានគោលដៅការពារសុវត្ថិភាពរបស់ប្រជាជន និងប្រឆាំងជនណាដែលមកបង្កប់ខ្លួននៅក្នុងតំបន់នោះ។
តែអ្នកវិភាគចាត់ទុកក្រឹត្យច្បាប់អាជ្ញាសឹករបស់លោក ពូទីន...
រុស្ស៊ីបាញ់មីស៊ីលកម្ទេចប្រព័ន្ធអគ្គិសនី និងប្រព័ន្ធផ្គត់ផ្គង់ទឹកស្អាតរបស់អ៊ុយក្រែន
ក្នុងមួយសប្ដាហ៍មកនេះ មហាអំណាចរុស្ស៊ីបានបើកប្រតិបត្តិថ្មីមួយទៀត ដោយបាញ់មីស៊ីល និងការវាយប្រហារដោយយន្តហោះដ្រូន (Drones) ទៅលើទីក្រុងជាច្រើនរបស់អ៊ុយក្រែន។
នៅថ្ងៃអង្គារ ទី១៨ តុលា នេះ បណ្ដាញផ្សាយព័ត៌មាន Newsweek បានធ្វើសេចក្ដីរាយការណ៍ថា កងទ័ពរុស្ស៊ីបានបន្តបាញ់ស្រោចពីលើយន្តហោះចម្បាំង និងយន្តហោះ Drones ដោយបាញ់កម្ទេចប្រព័ន្ធអគ្គិសនី និងប្រព័ន្ធផ្គត់ផ្គង់ទឹកស្អាតរបស់អ៊ុយក្រែន ដែលមើលទៅរុស្ស៊ីដោះដូរយុទ្ធសាស្ត្រនៅក្នុងសង្គ្រាមដែលឈានដល់ជិត ២៤០ថ្ងៃមកនេះ។
អ្នកសង្កេតការណ៍គិតថា រុស្ស៊ីមានផែនការចង់បំផ្លាញប្រព័ន្ធផ្ដល់កំដៅរបស់ប្រទេសអ៊ុយក្រែន ដែលធ្វើឲ្យអ៊ុយក្រែនជួបផលវិបាកដោយសារតែរដូវរងាចូលមកដល់នេះ គឺចាំបាច់ត្រូវការថាមពល និងអគ្គិសនីកំដៅ។
អភិបាលក្រុង Zhytomyr...
យោធាណាតូព្រមានរុស្ស៊ីថាបើផ្ដើមសង្គ្រាមនុយក្លេអ៊ែរគឺដើរជាន់បន្ទាត់ក្រហមរបស់ណាតូហើយ
នៅក្នុងកិច្ចប្រជុំថ្នាក់រដ្ឋមន្ត្រីការពារជាតិណាតូ (NATO) រយៈពេល ២ថ្ងៃនៅក្នុងសប្ដាហ៍នេះនៅទីក្រុងប្រ៊ុចសែល ប្រទេសបែលហ្សិក អគ្គលេខាធិការអង្គការណាតូ លោក Jens Stoltenberg បានព្រមានរុស្ស៊ីថា បើក្រុងមូស្គូ ផ្ដើមសង្គ្រាមនុយក្លេអ៊ែរ គឺជាការដើរជាន់បន្ទាត់ក្រហមរបស់ណាតូហើយ។ នេះបើតាមការចុះផ្សាយរបស់សារព័ត៌មាន Business Standard នៅថ្ងៃសុក្រ ទី១៤ តុលា នេះ។
ការព្រមានរបស់មេដឹកនាំអង្គការយោធាណាតូ បានធ្វើឡើងនៅមុនកងទ័ពណាតូធ្វើសមយុទ្ធទ័ពនុយក្លេអ៊ែររបស់ខ្លួននៅសប្ដាហ៍ក្រោយនេះ។
សមយុទ្ធរបស់ទ័ពនុយក្លេអ៊ែរណាតូដែលដាក់រហស្សនាមថា Steadfast Noon មានយន្តហោះចម្បាំងមកពី...