TAG
ស៊ឹង សែនករុណា
កម្ពុជាអំពាវនាវឱ្យ UN កុំធ្វើនយោបាយយូបនីយកម្មលើបញ្ហាសិទ្ធិមនុស្សនៅកម្ពុជា
ស្ថានបេសកកម្មអចិន្ត្រៃយ៍កម្ពុជាប្រចាំអង្គការសហប្រជាជាតិ ក្នុងក្រុងហ្សឺណែវ អំពាវនាវឱ្យការិយាល័យឧត្ដមស្នងការសហប្រជាជាតិទទួលបន្ទុកសិទ្ធិមនុស្ស គួរតែអនុវត្តការងាររបស់ខ្លួនឱ្យស្របតាមគោលការណ៍សកល អព្យាក្រឹត្យ តម្លាភាព ដោយកុំធ្វើនយោបាយយូបនីយកម្មលើបញ្ហាសិទ្ធិមនុស្សនៅកម្ពុជា។
ស្ថានបេសកកម្មអចិន្ត្រៃយ៍កម្ពុជាក្នុងក្រុងហ្សឺណែវ បានចេញសេចក្តីថ្លែងការណ៍ព័ត៌មានកាលពីថ្ងៃទី១២ ខែតុលា ឆ្នាំ២០២២ ស្ដីពីសមិទ្ធផលរបស់កម្ពុជាលើកិច្ចការសិទ្ធិមនុស្ស ដែលត្រូវបានផ្សព្វផ្សាយនៅថ្ងៃនេះថា ការិយាល័យឧត្ដមស្នងការសហប្រជាជាតិទទួលបន្ទុកសិទ្ធិមនុស្សគួរតែអនុវត្តការងាររបស់ខ្លួនឱ្យស្របតាមគោលការណ៍សកល អព្យាក្រឹត្យ តម្លាភាព សត្យានុម័ត និងមិនជ្រើសរើសតែមួយជ្រុងពីការអនុវត្តរបស់កម្ពុជា ដើម្បីធ្វើជារបាយការណ៍ក្នុងការវាយតម្លៃរបស់ខ្លួន។
ប្រភពដដែលលើកឡើងថា ការបំពេញការងាររបស់ការិយាល័យឧត្ដមស្នងការសហប្រជាជាតិទទួលបន្ទុកសិទ្ធិមនុស្ស ត្រូវតែចាត់ទុកសិទ្ធិមនុស្សទាំងអស់ រួមមានសិទ្ធិពលរដ្ឋ វប្បធម៌ សេដ្ឋកិច្ច នយោបាយ...
មន្ត្រី៖ ការបង្កើតស្ថាប័នសិទ្ធិមនុស្សជាតិគឺជាភស្តុតាងបង្ហាញពីឆន្ទៈរដ្ឋាភិបាលក្នុងការលើកស្ទួយសិទ្ធិមនុស្ស
មន្ត្រីសិទ្ធិមនុស្សរបស់រដ្ឋាភិបាលកម្ពុជា លើកឡើងថា ការបង្កើតស្ថាប័នសិទ្ធិមនុស្សជាតិ គឺជាភស្តុតាងបង្ហាញពីឆន្ទៈពិតប្រាកដរបស់រដ្ឋាភិបាល ក្នុងការលើកស្ទួយវិស័យសិទ្ធិមនុស្សនៅកម្ពុជា និងបញ្ជាក់ពីការប្តូរផ្តាច់ក្នុងការបំពេញកាតព្វកិច្ចសិទ្ធិមនុស្សអន្តរជាតិ ក្នុងនាមជារដ្ឋសមាជិកនៃអង្គការសហប្រជាជាតិផងដែរ។
ប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី បានលើកឡើងក្នុងពិធីបើកសិក្ខាសាលាស្ដីពីដំណើរឆ្ពោះទៅការបង្កើតស្ថាប័នជាតិសិទ្ធិមនុស្សកម្ពុជា នៅថ្ងៃទី១១ ខែតុលា ឆ្នាំ២០២២ នេះថា ស្ថាប័នសិទ្ធិមនុស្សជាតិនេះមានតួនាទីសំខាន់ណាស់ក្នុងការលើកកម្ពស់ និងការពារសិទ្ធិមនុស្ស និងសេរីភាពជាមូលដ្ឋានរបស់ពលរដ្ឋ។ លើសពីនេះ ក៏ដើរតួនាទីជាស្ពានភ្ជាប់ទំនាក់ទំនងរវាងរដ្ឋាភិបាល និងក្រុមអង្គការសង្គមស៊ីវិលជាតិ និងអន្តរជាតិលើការងារសិទ្ធិមនុស្សថែមទៀត។
លោក កែវ រ៉េមី...
សង្គមស៊ីវិលស្វាគមន៍រដ្ឋាភិបាលបន្តឧបត្ថម្ភប្រាក់ដល់ពលរដ្ឋក្រីក្រ បើមិនកេងចំណេញនយោបាយ
សង្គមស៊ីវិលស្វាគមន៍រដ្ឋាភិបាលកម្ពុជាដែលបន្តឧបត្ថម្ភសាច់ប្រាក់ដល់ពលរដ្ឋដែលរងគ្រោះដោយកូវីដ-១៩ និងពលរដ្ឋក្រីក្រ ប្រសិនបើការជួយនោះធ្វើឡើងដោយមិនឆ្លៀតឱកាសកេងចំណេញនយោបាយ។
អ្នកនាំពាក្យសមាគមការពារសិទ្ធិមនុស្សអាដហុក លោក ស៊ឹង សែនករុណា បានប្រាប់សារព័ត៌មាន The Cambodia Daily នៅថ្ងៃទី៦ តុលា នេះថា វិបត្តិសេដ្ឋកិច្ចរបស់ពលរដ្ឋដែលរងគ្រោះដោយសារជំងឺកូវីដ-១៩ គឺជារឿងចាំបាច់ណាស់ដែលរដ្ឋាភិបាលត្រូវយកចិត្តទុកដាក់ និងដោះស្រាយឲ្យបានទាន់ពេលវេលា។ ដោយឡែកការផ្តល់នូវការឧបត្ថម្ភរបស់រដ្ឋាភិបាលលើការដោះស្រាយបញ្ហានេះ សង្គមស៊ីវិលក៏មានការតាមដាន ត្រួតពិនិត្យ និងវាយតម្លៃតាមរយៈភស្តុតាងដែលខ្លួនទទួលបានច្បាស់លាស់ដែរ មិនមែនអង្គការក្រៅរដ្ឋាភិបាលចេះតែរិះគន់ដោយគ្មានមូលដ្ឋានត្រឹមត្រូវនោះទេ។
មន្ត្រីសង្គមស៊ីវិលរូបនេះលើកឡើងថា លោកអំពាវនាវឲ្យរដ្ឋាភិបាលបំពេញកាតព្វកិច្ចរបស់ខ្លួនឲ្យបានល្អចំពោះពលរដ្ឋដូចអ្វីដែលខ្លួនបានអះអាងបន្តទៀត ព្រោះថាអង្គការសង្គមស៊ីវិលនឹងអបអរសាទរជានិច្ចចំពោះសកម្មភាពរបស់រដ្ឋាភិបាល ដែលមានបំណងជួយទៅដល់ពលរដ្ឋដែលកំពុងជួបការលំបាកដោយពិតប្រាកដ។...
លោក ហ៊ុន សែន ថាគោលការណ៍បែងចែកអំណាចកំពូលទាំងបីបានចែងយ៉ាងច្បាស់ក្នុងរដ្ឋធម្មនុញ្ញ
បុរសខ្លាំងកម្ពុជា លោក ហ៊ុន សែន អះអាងថា រដ្ឋធម្មនុញ្ញកម្ពុជាបានចែងយ៉ាងច្បាស់អំពីគោលការណ៍នៃការបែងចែកអំណាចកំពូលទាំងបីដាច់ដោយឡែកពីគ្នា គឺអំណាចនីតិប្រតិបត្តិ មានរដ្ឋាភិបាល អំណាចនីតិប្បញ្ញត្តិ មានរដ្ឋសភា និងអំណាចតុលាការផងដែរ ហើយរដ្ឋធម្មនុញ្ញក៏ត្រូវបានចាត់ទុកជាច្បាប់កំពូលរបស់កម្ពុជាយ៉ាងរឹងមាំថែមទៀត។
មេដឹកនាំប្រើអំណាចរំលោភរដ្ឋធម្មនុញ្ញនៃប្រទេសរបស់ខ្លួនរូបនេះ បានអះអាងក្នុងខួបលើកទី២៩ឆ្នាំដែលកម្ពុជាបានប្រកាសឱ្យប្រើប្រាស់រដ្ឋធម្មនុញ្ញជាផ្លូវការ កាលពីចុងសប្តាហ៍កន្លងទៅថា ច្បាប់ និងសេចក្តីសម្រេចទាំងឡាយនៃស្ថាប័ននានារបស់រដ្ឋ ត្រូវតែស្របទៅនឹងរដ្ឋធម្មនុញ្ញជាដាច់ខាត ក្នុងនោះ រដ្ឋធម្មនុញ្ញក៏បានអនុម័តនូវសិទ្ធិជាមូលដ្ឋានរបស់ពលរដ្ឋ និងគោលការណ៍នីតិរដ្ឋផងដែរ។
លោកបន្ថែមថា កម្ពុជាបានប្ដេជ្ញាគោរពដាច់ខាតនូវរបបរាជានិយមអាស្រ័យរដ្ឋធម្មនុញ្ញ និងរបបប្រជាធិបតេយ្យសេរីពហុបក្សដោយឥតងាករេ។
លោក ហ៊ុន សែន...
អគ្គស្នងការរងណែនាំមន្ត្រីនគរបាលក្រោមឱវាទរក្សាក្រមសីលធម៌វិជ្ជាជីវៈនិងគោរពសិទ្ធិពលរដ្ឋ
អគ្គស្នងការរងនគរបាលជាតិ លោក ឆាយ គឹមខឿន ណែនាំឱ្យមន្ត្រីនគរបាលដែលទើបបញ្ចប់វគ្គបណ្តុះបណ្តាលវិជ្ជាជីវៈជិត ៣០០នាក់ រក្សាឲ្យបានក្រមសីលធម៌វិជ្ជាជីវៈរបស់ខ្លួន និងលើកកម្ពស់ការគោរពសិទ្ធិមនុស្ស ការគោរពសិទ្ធិសេរីភាពរបស់ប្រជាពលរដ្ឋ។
អគ្គស្នងការរងនគរបាលជាតិ លោក ឆាយ គឹមខឿន បានលើកឡើងក្នុងពិធីបិទវគ្គបណ្តុះបណ្តាលវិជ្ជាជីវៈនគរបាលចំនួន ២៥៧នាក់នៅសាលានគរបាលមិត្តភាពកម្ពុជា-វៀតណាម កាលពីថ្ងៃទី២១ ខែកញ្ញា ឆ្នាំ២០២២ នេះថា ក្នុងនាមជាមន្ត្រីអនុវត្តច្បាប់ ត្រូវមានភាពស្មោះត្រង់ក្នុងវិជ្ជាជីវៈ ប្រកាន់ខ្ជាប់នូវវិន័យ និងភាពស្អាតស្អំក្នុងការបម្រើពលរដ្ឋដោយស្មើភាព ដើម្បីថែរក្សា និងលើកកម្ពស់ជាប្រចាំនូវជំនឿរបស់ពលរដ្ឋមកលើកម្លាំងនគរបាលជាតិ...
ក្រសួងប្រកាសកំណត់ប្រាក់ឈ្នួលអប្បបរមាកម្មករចំនួន២០០ដុល្លារសម្រាប់ឆ្នាំ២០២៣
ក្រសួងការងារកម្ពុជា បានកំណត់ជាផ្លូវការស្ដីពីការកំណត់ប្រាក់ឈ្នួលអប្បបរមាសម្រាប់កម្មករនិយោជិតផ្នែកវាយនភណ្ឌ កាត់ដេរ ផលិតស្បែកជើង និងផលិតផលធ្វើដំណើរ និងកាបូប ចំនួន ២០០ដុល្លារអាមេរិកក្នុងមួយខែសម្រាប់ឆ្នាំ២០២៣ បន្ទាប់ពីប្រមុខរដ្ឋាភិបាលកម្ពុជា លោក ហ៊ុន សែន បន្ថែម ២ដុល្លារ។
ក្រសួងការងារ និងបណ្ដុះបណ្ដាលវិជ្ជាជីវៈ បានចេញប្រកាសព័ត៌មាននៅថ្ងៃទី២១ ខែកញ្ញា ឆ្នាំ២០២២ នេះថា ចាប់ពីថ្ងៃទី១ ខែមករា ឆ្នាំ២០២៣ តទៅ កម្មករនិយោជិតផ្នែកវាយនភណ្ឌ...
អ្នកឃ្លាំមើល៖ ការទាមទារឲ្យលោក កឹម សុខា សារភាព គឺមកពីតុលាការរកមិនឃើញកំហុស
សង្គមស៊ីវិល និងអ្នកវិភាគ លើកឡើងថា ការទាមទារឲ្យប្រធានគណបក្សសង្គ្រោះជាតិ លោក កឹម សុខា សារភាពទទួលកំហុស គឺដោយសារតុលាការរកមិនឃើញទោសកំហុសរបស់លោក កឹម សុខា។
អ្នកនាំពាក្យសមាគមការពារសិទ្ធិមនុស្សអាដហុក លោក ស៊ឹង សែនករុណា ប្រាប់សារព័ត៌មាន The Cambodia Daily ថា បើតាមច្បាប់ មុនចាប់ខ្លួន និងចោទប្រកាន់លើបុគ្គលណាម្នាក់ តុលាការត្រូវរកភស្តុតាង អង្គហេតុ...
សង្គមស៊ីវិលនិងសហជីពរិះគន់ការដំឡើងឋានៈលោក ឈូក បណ្ឌិត ដែលបាញ់រះលើកម្មករកាលពី១០ឆ្នាំមុន
សង្គមស៊ីវិល និងសហជីពអះអាងថា វាជាគំរូដ៏អាក្រក់សម្រាប់សង្គមដែលរដ្ឋាភិបាលរបស់បុរសខ្លាំងដំឡើងឋានន្តរសក្តិអតីតអភិបាលក្រុងបាវិត លោក ឈូក បណ្ឌិត ជាជនដៃដល់មួយរូបដែលធ្លាប់បាញ់រះលើកម្មកររោងចក្រអំឡុងពេលទាមទារលក្ខខណ្ឌការងារ កាលពី ១០ឆ្នាំមុនពីឋានន្តរស័ក្តិមន្ត្រីថ្នាក់លេខ៣ មកជាឧត្តមមន្ត្រីថ្នាក់លេខ៤។
លោក ប៉ាវ ស៊ីណា បានសរសេរលើហ្វេសប៊ុកនាថ្ងៃសុក្រ ទី២ កញ្ញា នេះថា ពួកគាត់មិនដែលបំភ្លេចចំពោះព្រឹត្តិការណ៍ដែលលោក ឈូក បណ្ឌិត បានបាញ់ប្រហារមកលើកម្មករកាលពីឆ្នាំ២០១២ ដែលបណ្តាលឲ្យកម្មការិនីបីនាក់រងរបួសស្ទើរតែបាត់បង់ជីវិតនោះទេ។ លោកថា ទោះបីជាលោក ឈូក...
កញ្ញា សេង ធារី ទាមទារផ្លាស់ប្ដូរមកជាប់ឃុំនៅក្នុងពន្ធនាគារព្រៃសវិញ
សកម្មជនសិទ្ធិមនុស្ស កញ្ញា សេង ធារី ទាមទារផ្លាស់ប្ដូរការឃុំខ្លួនពីខេត្តព្រះវិហារ មកឃុំខ្លួននៅក្នុងពន្ធនាគារព្រៃសក្នុងទីក្រុងភ្នំពេញវិញ ពីព្រោះការឃុំខ្លួនបច្ចុប្បន្ននៅឆ្ងាយ បង្កផលពិបាកសម្រាប់អ្នកដែលចង់ទៅសួរសុខទុក្ខ។
ប្រធានគណៈកម្មាធិការកម្ពុជាឯករាជ្យប្រឆាំងអំពើពុករលួយ អ្នកស្រី ម៉ម ស៊ីថា បានសរសេរលើគណនីហ្វេសប៊ុករបស់ខ្លួនកាលពីថ្ងៃទី២២ ខែសីហា ឆ្នាំ២០២២ ថា អ្នកស្រីបានចូលទៅពន្ធនាគារខេត្តព្រះវិហារ ជួបសំណេះសំណាលដោយផ្ទាល់ជាមួយកញ្ញា សេង ធារី។ អ្នកស្រីបន្តថា ស្មារតីរបស់កញ្ញា សេង ធារី មិនស្រុតចុះនោះឡើយ...
មេសិទ្ធិមនុស្សរដ្ឋាភិបាលថាលំហសេរីភាពនៅកម្ពុជាកំពុងប្រតិបត្តិការដោយសេរីនិងគ្មានការត្រួតពិនិត្យ
ប្រធានគណៈកម្មាធិការសិទ្ធិមនុស្សកម្ពុជា អះអាងប្រាប់អ្នករាយការណ៍ពិសេសអង្គការសហប្រជាជាតិស្ដីពីសិទ្ធិមនុស្សនៅកម្ពុជាថា រាជរដ្ឋាភិបាលកម្ពុជាបានបើកលំហសេរីភាពសារព័ត៌មាន សិទ្ធិបញ្ចេញមតិរបស់ពលរដ្ឋ និងគ្មានការគាបសង្កត់ទៅលើការប្រតិបត្តិការងាររបស់ក្រុមអង្គការសង្គមស៊ីវិល ដើម្បីការធានានូវលំហប្រជាធិបតេយ្យនៅប្រទេសកម្ពុជា។
ប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី បានចេញសេចក្តីប្រកាសព័ត៌មានខ្លួនកាលពីថ្ងៃទី១៧ ខែសីហា ឆ្នាំ២០២២ នេះ ស្ដីពីលទ្ធផលនៃជំនួបជាមួយអ្នករាយការណ៍ពិសេសអង្គការសហប្រជាជាតិស្ដីពីសិទ្ធិមនុស្សនៅកម្ពុជា លោក វីទិត ម៉ុនតាប៊ន (Vitit MUNTARBHORN) ថា ច្បាប់នៅប្រទេសកម្ពុជាបានការពាររបបប្រជាធិបតេយ្យ សេរីពហុបក្ស ដែលមិនអនុញ្ញាតឱ្យមានការកែប្រែ ឬធ្វើវិសោធនកម្មណាមួយឡើយ...