សហរដ្ឋអាមេរិកផ្តល់ជំនួយបន្ទាន់បន្ថែម ៤លានដុល្លារសម្រាប់ការប្រយុទ្ធប្រឆាំងជំងឺ Covid-19 នៅកម្ពុជា

សហរដ្ឋអាមេរិក ប្រកាសផ្តល់ជំនួយបន្ថែមចំនួន ៤លានដុល្លារជាជំនួយបន្ទាន់លើកម្មវិធីប្រយុទ្ធប្រឆាំងនឹងជំងឺ Covid-19 សម្រាប់ប្រទេសកម្ពុជា តាមរយៈទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID)។

ស្ថានទូតអាមេរិកប្រចាំនៅកម្ពុជា បានចេញសេចក្ដីប្រកាសព័ត៌មាននៅថ្ងៃទី០៩ ខែសីហា ថា ជំនួយនេះនឹងផ្តល់ការគាំទ្រទាន់ពេលវេលាសម្រាប់កម្ពុជា ក្នុងការគ្រប់គ្រងស្ថានការណ៍ ជាពិសេសបង្កើនការចាក់វ៉ាក់សាំង និងបង្កើនសមត្ថភាពធ្វើតេស្ដរកជំងឺ Covid-19។ ថ្មីៗនេះ សហរដ្ឋអាមេរិកបានផ្ដល់ជំនួយជាវ៉ាក់សាំង Johnson & Johnson ចំនួនជាង ១លានដូស (១.០៦០.១០០ដូស) ដល់កម្ពុជាតាមរយៈយន្តការកូវ៉ាក់។

លោកឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា W. Patrick Murphy មានប្រសាសន៍នៅក្នុងសេចក្ដីថ្លែងការណ៍នោះថា ការលើកកម្ពស់សន្តិសុខផ្នែកសុខភាពសកល និងការត្រៀមទប់ទល់នឹងការផ្ទុះឡើងនៃជំងឺ មានសារសំខាន់ណាស់មិនត្រឹមតែដើម្បីការពារសុខភាព និងសុវត្ថិភាពតែប៉ុណ្ណោះទេ តែថែមទាំងដើម្បីធានាវិបុលភាពនៃសេដ្ឋកិច្ច និងការពារសន្តិសុខរបស់ប្រទេសយើងផងដែរ។ លោកបន្តថា សហរដ្ឋអាមេរិកមានមោទកភាពណាស់ក្នុងការផ្តល់ការគាំទ្រនេះ ដែលនឹងជួយប្រជាជនកម្ពុជាក្នុងការការពារខ្លួនរបស់ពួកគេ អ្នកជិតខាង និងអនាគតនៃសេដ្ឋកិច្ចរបស់ពួកគេ។

ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា លោក W. Patrick Murphy

ស្ថានទូតអាមេរិកបានឲ្យដឹងទៀតថា ជំនួយនេះគឺជាការបន្ថែមលើជំនួយចំនួនជាង ១១លានដុល្លាររបស់សហរដ្ឋអាមេរិកក្នុងការប្រយុទ្ធប្រឆាំងជំងឺ Covid-19 ដល់កម្ពុជា តាំងពីជំងឺនេះបានផ្ទុះឡើងជាលើកដំបូង។

ស្ថានទូតបញ្ជាក់ទៀតថា តាមរយៈភ្នាក់ងារ និងអង្គភាពជំនាញរបស់ខ្លួន សហរដ្ឋអាមេរិកបានប្ដេជ្ញាចិត្តក្នុងការធ្វើជាដៃគូជាមួយប្រទេសកម្ពុជា ដើម្បីកម្ចាត់រោគរាតត្បាត Covid-19 ដើម្បីបន្ធូរបន្ថយផលប៉ះពាល់ធ្ងន់ធ្ងរផ្នែកសង្គម និងសេដ្ឋកិច្ច ហើយកសាងឡើងវិញនូវពិភពលោកមួយដែលមានការត្រៀមរៀបចំល្អជាងមុនប្រឆាំងនឹងការផ្ទុះឡើងនៃជំងឺនេះទៅអនាគត៕

សហរដ្ឋអាមេរិកផ្តល់ជំនួយបន្ទាន់បន្ថែម ៤លានដុល្លារសម្រាប់ការប្រយុទ្ធប្រឆាំងជំងឺ Covid-19 នៅកម្ពុជា

បទវិភាគ

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

បទវិភាគ៖ បក្សប្រឆាំងនៅថៃឡើងកាន់អំណាច បានទាញឱ្យមានការផ្សះផ្សាជាតិទូលំទូលាយ

បទវិភាគ៖ ហ្វីលីពីនលេងហ្គេមជាមួយចិនដើម្បីអូសចិនទៅកាន់តុលាការអន្តរជាតិសាជាថ្មីទៀតករណីជម្លោះដែនសមុទ្រ

បទវិភាគ៖ ពិភពលោកទំនងមិនអាចជួយបញ្ចប់ភ្លើងកំហឹងរបស់អ៊ីស្រាអែលបានទេ

អត្ថបទវិភាគ៖ ដំណោះស្រាយនយោបាយតឹងតែង

បទវិភាគ៖ បក្សកាន់អំណាចបង្កើតបន្ទប់ឃ្លាំមើលអ្នកប្រើប្រាស់អ៊ីនធឺណិត១០ឆ្នាំមកហើយ

បទវិភាគ៖ បើបក្សប្រឆាំងនៅថៃឈ្នះឆ្នោត តើពលរដ្ឋកម្ពុជាគួរបង្ហាញឆន្ទៈបោះឆ្នោតដូចម្តេចនៅខែកក្កដា?

បទវិភាគ៖ អ្វីនៅពីក្រោយមេដឹកនាំចិនសម្រេចលើកទូរសព្ទនិយាយទៅរកលោក ហ្សេឡេនស្គី?

អត្ថបទទាក់ទង

រាជរដ្ឋាភិបាលថានឹងបន្តគាំទ្រកម្មវិធីរាវរកឆ្អឹងសពទាហានអាមេរិកាំងកាលពីសម័យសង្គ្រាម

សហរដ្ឋអាមេរិកព្យាយាមភ្ជាប់ទំនាក់ទំនងយោធាឡើងវិញជាមួយកងយោធពលខេមរភូមិន្ទកម្ពុជា

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

ថ្ងៃទី១៧មេសាឆ្នាំនេះ លោក ហ៊ុន សែន ត្រូវគេចាត់ទុកថាកំពុងបើកសករាជជ្រែករាជ្យដូចសេ្តចកន

ភាគ២៖ ម្ចាស់ភាគហ៊ុនរងគ្រោះក្នុងក្រុមហ៊ុន CIC Partner ទាមទារស៊ើបអង្កេតករណីបាត់លុយរាប់សិបលានដុល្លារ

ក្រុមហ៊ុន CIC Partner បាត់លុយ តើបាត់ទៅឯណា អ្នកណាទទួលខុសត្រូវ?

អ៊ុយក្រែន និង ICC សហការប្រមូលភស្តុតាងនាំខ្លួនលោក ពូទីន និងបក្ខពួកយកទៅកាត់ទោសករណីសម្លាប់រង្គាលនៅអ៊ុយក្រែន

សូមមេត្តាជួយគាំទ្រសារព័ត៌មានឯករាជ្យនៅកម្ពុជា។