ក្រសួងព័ត៌មានអះអាងថាស្ថានភាពសេរីភាពសារព័ត៌មាននៅកម្ពុជាមានភាពល្អប្រសើរជិត ៨០%

ក្រសួងព័ត៌មាន អះអាងថា ជិត ៨០% (៧៩,៨%) នៃអ្នកសារព័ត៌មាននៅកម្ពុជាបាននិយាយថា ស្ថានភាពសេរីភាពសារព័ត៌មាននៅកម្ពុជាមានភាពល្អប្រសើរ បើទោះបីជាកម្ពុជារងនូវការរិះគន់ជាបន្តបន្ទាប់ពីមជ្ឈដ្ឋានជាតិ និងអន្តរជាតិជុំវិញការរឹតត្បិតសេរីភាពសារព័ត៌មាន។

រដ្ឋមន្ត្រីក្រសួងព័ត៌មាន លោក នេត្រ ភក្ដ្រា លើកឡើងក្នុងពិធីបើកសន្និបាតបូកសរុបលទ្ធផលការងារឆ្នាំ២០២៤ កាលពីថ្ងៃទី២០ ខែមករា ឆ្នាំ២០២៥ នេះថា សេរីភាពសារព័ត៌មាននៅកម្ពុជាមិនមែនស្ថិតនៅលើបបូរមាត់របស់បរទេស ឬបបូរមាត់របស់អង្គការក្រៅរដ្ឋាភិបាលមួយចំនួនដែលទទួលជំនួយពីបរទេស ដែលត្រូវបានវាយតម្លៃតាមរបៀបវារៈរបស់គេនោះទេ។

លោក នេត្រ ភក្ដ្រា អះអាងថា ដោយសារតែប្រទេសកម្ពុជាជានិច្ចកាលតែងតែរងនូវភាពអយុត្តិធម៌ពីរបាយការណ៍អង្គការអន្តរជាតិមួយចំនួនដែលទាក់ទងទៅនឹងស្ថានភាពសិទ្ធិមនុស្ស សេរីភាពការបញ្ចេញមតិ និងសេរីភាពសារព័ត៌មាន ដូច្នេះកម្ពុជាចាំបាច់ត្រូវចេញរបាយការណ៍មួយដែលឆ្លុះបញ្ចាំងពីគ្រប់មជ្ឈដ្ឋានទាំងអស់ ដើម្បីបង្ហាញស្ថានភាពសេរីភាពសារព័ត៌មានក្នុងប្រទេសរបស់ខ្លួន។

អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ លោក សេក សុជាតិ ប្រាប់សារព័ត៌មាន The Cambodia Daily នៅថ្ងៃទី២១ មករា នេះថា ការបញ្ចេញរបាយការណ៍ស្ដីពីស្ថានភាពសេរីភាពសារព័ត៌មានរបស់រដ្ឋាភិបាលក្នុងកម្រិតល្អស្ទើរផុតលេខ ស្របពេលដែលអង្គភាពសារព័ត៌មានឯករាជ្យត្រូវបានកម្ចាត់ចេញពីកម្ពុជាអស់គ្មានសល់សព្វថ្ងៃនេះ មិនអាចឆ្លុះបញ្ចាំងពីការពិតនៃរបាយការណ៍នេះបានទេ។

លោក សេក សុជាតិ លើកឡើងថា បើគ្រាន់តែចេញរបាយការណ៍វាយតម្លៃខ្លួនឯង នោះគឺគ្រាន់តែបង្ហាញពីរបាយការណ៍ដែលគ្មានតម្លាភាពប៉ុណ្ណោះ ប៉ុន្តែដើម្បីឱ្យរបាយការណ៍នេះមានតម្លាភាព និងអាចទុកចិត្តបាន ទាល់តែត្រូវបានផ្ទៀងផ្ទាត់ជាមួយរបាយការណ៍របស់ស្ថាប័នស្រាវជ្រាវអន្តរជាតិដែលធ្វើការតាមដាន និងស្រាវជ្រាវលើបញ្ហានេះ។

ជុំវិញបញ្ហានេះ មជ្ឈមណ្ឌលសិទ្ធិមនុស្សកម្ពុជា (CCHR) បានចេញផ្សាយរបាយការណ៍របស់ខ្លួនកាលពីចុងខែវិច្ឆិកា ឆ្នាំ២០២៤ កន្លងទៅថា សិទ្ធិសេរីភាពបញ្ចេញមតិ សេរីភាពសារព័ត៌មាន និងសិទ្ធិទទួលព័ត៌មាន នៅតែបន្តវាយប្រហារនៅក្នុងប្រទេសកម្ពុជាចាប់តាំងពីដើមខែកញ្ញា ឆ្នាំ២០២៣ រហូតដល់ចុងខែសីហា ឆ្នាំ២០២៤ កន្លងទៅ។

មជ្ឈមណ្ឌលសិទ្ធិមនុស្សកម្ពុជា បញ្ជាក់ថា ចាប់តាំងពីដើមខែកញ្ញា ឆ្នាំ២០២៣ រហូតដល់ចុងខែសីហា ឆ្នាំ២០២៤ ត្រូវបានគេរកឃើញថាស្ថានភាពសេរីភាពសារព័ត៌មានស្ថិតក្នុងការរឹតត្បិតធ្ងន់ធ្ងរ ក្នុងនោះ អាជ្ញាបណ្ណប្រព័ន្ធផ្សព្វផ្សាយយ៉ាងតិចចំនួន ៣ ត្រូវបានដកហូត ខណៈអ្នកសារព័ត៌មានជិត ២០នាក់ (១៧នាក់) ត្រូវប្រឈមមុខនឹងផ្លូវច្បាប់៕

ក្រសួងព័ត៌មានអះអាងថាស្ថានភាពសេរីភាពសារព័ត៌មាននៅកម្ពុជាមានភាពល្អប្រសើរជិត ៨០%

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

សង្គមស៊ីវិលព្រមានថា កង្វះការរាយការណ៍ដោយឯករាជ្យ កម្ពុជាត្រូវបានគ្របដណ្ដប់ដោយព័ត៌មានមិនពិតនិងក្លែងបន្លំ

ក្រុមអង្គការសង្គមស៊ីវិលប្រារព្ធទិវាសេរីភាពសារព័ត៌មានពិភពលោក ខណៈសេរីភាពសារព័ត៌មាននៅកម្ពុជាកំពុងប្រឈម

របាយការណ៍បង្ហាញថាស្ថានភាពសិទ្ធិមនុស្សនៅកម្ពុជាឆ្នាំ២០២៥ នៅតែបន្តរឹតត្បិត បើធៀបនឹងឆ្នាំ២០២៤

រដ្ឋសភាអនុម័តទទួលយកសេចក្តីព្រាងច្បាប់ស្ដីពីការប្រឆាំងការឆបោកតាមប្រព័ន្ធបច្ចេកវិទ្យាទៅពិនិត្យ

ឧទ្ធរណ៍ខេត្តបាត់ដំបង លើកពេលប្រកាសសាលដីកាសំណុំរឿងអ្នកកាសែតអនឡាញពីរនាក់ទៅចុងខែមីនា

សហព័ន្ធអ្នកសារព័ត៌មានកម្ពុជាចាត់ទុកការចាប់ខ្លួនអ្នកកាសែតនៅដើមឆ្នាំនេះថាប៉ះពាល់ដល់គោលនយោបាយរដ្ឋាភិបាល

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

ក្រសួង​ព័ត៌មាន​អះអាង​ថា​ស្ថានភាព​សេរីភាព​សារព័ត៌មាន​នៅ​កម្ពុជា​មាន​ភាព​ល្អ​ប្រសើរ​ជិត ៨០%

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

ក្រសួងព័ត៌មានអះអាងថាស្ថានភាពសេរីភាពសារព័ត៌មាននៅកម្ពុជាមានភាពល្អប្រសើរជិត ៨០%