លោក សយ សុភាព ថាអាមេរិកអាចនឹងបញ្ជូនក្រុមប្រឆាំងមកកម្ពុជា ខណៈមន្ត្រីបក្សប្រឆាំងថាជាចេតនាភូតកុហក

ចាងហ្វាងកាសែតដែលស្និទ្ធនឹងបក្សកាន់អំណាច លើកឡើងថា សហរដ្ឋអាមេរិកអាចនឹងបញ្ជូនក្រុមអ្នកនយោបាយប្រឆាំងត្រឡប់ទៅកម្ពុជាក្នុងពេលដែលគោលជំហរនយោបាយរបស់អាមេរិកកំពុងផ្លាស់ប្ដូរនៅពេលនេះ។

អគ្គនាយកកាសែតដើមអម្ពិល លោក សយ សុភាព លើកឡើងក្នុងវីដេអូឃ្លីបមួយដែលត្រូវបានបង្ហោះលើគណនីហ្វេសប៊ុករបស់ខ្លួននៅថ្ងៃទី២០ មីនា នេះថា កន្លងមក ទឹកដីអាមេរិកជាឋានសួគ៌ឋានសុខរបស់ក្រុមជ្រុលនិយម ដែលពួកគេអាចធ្វើអ្វីៗស្រេចនឹងចិត្ត ប៉ុន្តែនៅពេលនេះ ក្នុងស្ថានភាពដែលជំហរនយោបាយរបស់អាមេរិកកំពុងប្រែប្រួល ពួកគេមិនទទួលបានការគាំទ្រផ្នែកណាមួយពីមហាអំណាចនេះទៀតទេ។

លោក សយ សុភាព ជំរុញឱ្យក្រុមអ្នកនយោបាយប្រឆាំងនឹងរដ្ឋាភិបាលកម្ពុជា ទាំងនៅក្រៅស្រុក និងនៅក្នុងស្រុក គួរតែដល់ពេលដែលត្រូវផ្លាស់ប្ដូរឥរិយាបថនយោបាយរបស់ខ្លួនហើយ ព្រោះអាមេរិកមិនបន្តនយោបាយគាំទ្រពួកគេដូចពេលមុនទៀតទេ ទោះក្រុមឧទ្ទាមក្រៅច្បាប់មិនគិតថាអាមេរិកនឹងចាប់បញ្ជូនខ្លួនពួកគេទៅកម្ពុជាវិញក៏ដោយ ប៉ុន្តែការប្រែប្រួលអាចនឹងកើតមានឡើងបានគ្រប់ពេលទាំងអស់។

តំណាងរាស្ត្រគណបក្សសង្គ្រោះជាតិ លោក អ៊ុំ សំអាន ប្រាប់សារព័ត៌មាន The Cambodia Daily នៅថ្ងៃទី២០ មីនា នេះដែរថា ការលើកឡើងរបស់លោក សយ សុភាព បង្កប់នូវចេតនាភូតកុហកពលរដ្ឋខ្មែរយ៉ាងច្បាស់ ហើយការនិយាយបែបនេះក៏បង្ហាញអំពីការមិនយល់ដឹងរបស់គាត់ចំពោះច្បាប់អន្តោប្រវេសន៍សហរដ្ឋអាមេរិកដែរ។

លោក អ៊ុំ សំអាន លើកឡើងថា រដ្ឋាភិបាលសហរដ្ឋអាមេរិក មិនអាចបញ្ជូនអ្នកនយោបាយដែលមានសញ្ជាតិអាមេរិកាំង ឬអ្នកទទួលបានសិទ្ធិជ្រកកោននយោបាយដែលរស់នៅក្នុងប្រទេសគេឡើយ ចំណែកឯមនុស្សដែលរដ្ឋាភិបាលអាមេរិកចាប់បញ្ជូនខ្លួនទៅប្រទេសកំណើតវិញ រួមទាំងជនជាតិខ្មែរផងក្នុងរយៈពេលចុងក្រោយនេះ គឺដោយសារអ្នកទាំងនោះប្រព្រឹត្តបទល្មើសឧក្រិដ្ឋធ្ងន់ធ្ងរប៉ុណ្ណោះ ហើយមិនទាន់ចូលសញ្ជាតិអាមេរិកាំង។

អ្នកប្រព្រឹត្តល្មើសច្បាប់សញ្ជាតិមួយបែបទៀត គឺអ្នកសុំសិទ្ធិជ្រកកោននយោបាយបានហើយ ចូលសញ្ជាតិអាមេរិកាំងបានហើយ បែរជាវិលមកបម្រើគាំទ្ររដ្ឋាភិបាលផ្ដាច់ការផ្ដាច់មុខវិញ ពីព្រោះគេចាត់ទុកជាការបំពេញឯកសារក្លែងបំភ័ន្តស្វែងរកប្រយោជន៍លើទម្រង់លេខ N-400 ត្រង់ភាគ១១ ហើយនិងបំពានសម្បថ perjury។

មន្ត្រីបក្សប្រឆាំងរូបនេះអះអាងថា ពិតមែនតែជំហរនយោបាយរបស់ប្រធានាធិបតីអាមេរិកថ្មីមានការផ្លាស់ប្ដូរគួរឱ្យកត់សម្គាល់ក៏ពិតមែន ប៉ុន្តែក៏មិនដល់ថ្នាក់បញ្ជូនជនភៀសខ្លួននយោបាយត្រឡប់ទៅប្រទេសកម្ពុជា ឱ្យរដ្ឋាភិបាលត្រកូលហ៊ុនធ្វើបាបពួកគេវិញនោះទេ ព្រោះច្បាប់អន្តោប្រវេសន៍របស់អាមេរិក គឺជាច្បាប់ដែលមនុស្សគ្រប់គ្នាត្រូវគោរព មិនមែនដូចច្បាប់អន្តោប្រវេសន៍របស់កម្ពុជាដែលអាចឱ្យលោក ហ៊ុន សែន ផ្លាស់ប្ដូរស្រេចនឹងចិត្តនោះទេ។

គេសង្កេតឃើញថា អ្នកនយោបាយប្រឆាំងដែលកំពុងរស់នៅនិរទេសខ្លួននៅក្រៅប្រទេស ដូចជាអាមេរិក បារាំង កាណាដា អូស្ត្រាលី និងប្រទេសមួយចំនួនទៀត ជាដើម បានចេញធ្វើសកម្មភាពនយោបាយជាបន្តបន្ទាប់ ដើម្បីតវ៉ាទាមទារឱ្យរដ្ឋាភិបាលកម្ពុជាស្ដារលទ្ធិប្រជាធិបតេយ្យឡើងវិញ ខណៈរដ្ឋាភិបាលកម្ពុជាបានច្រានចោលនូវការទាមទារទាំងនោះជាបន្តបន្ទាប់៕

លោក សយ សុភាព ថាអាមេរិកអាចនឹងបញ្ជូនក្រុមប្រឆាំងមកកម្ពុជា ខណៈមន្ត្រីបក្សប្រឆាំងថាជាចេតនាភូតកុហក

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

លោក ហ៊ុន ម៉ាណែត ហៅក្រុមប្រឆាំងនៅក្រៅស្រុកមករៀនពីបច្ចេកទេសកិច្ចការព្រំដែនឱ្យច្បាស់លាស់

លោក អ៊ុំ សំអាន អំពាវនាវឱ្យដោះលែងលោក កឹម សុខា និងអ្នកទោសមនសិការ បើរដ្ឋាភិបាលកម្ពុជាចង់សងគុណអាមេរិក

ក្រសួងការពារជាតិកម្ពុជាអះអាងថាទាហានថៃ ប្រើគ្រឿងចក្រជីកលេណដ្ឋានរំលោភបូរណភាពទឹកដីខ្មែរយ៉ាងធ្ងន់ធ្ងរ

មន្ត្រីបក្សជំទាស់ចោទរដ្ឋអំណាចខ្មែរយកចិត្តទុកដាក់សាសន៍យៀកណាមជាងសាសន៍ខ្មែរ

មន្ត្រីបក្សប្រឆាំងស្នើលោក ហ៊ុន ម៉ាណែត ពន្យល់ពលរដ្ឋអំពីមូលហេតុទាហានថៃ ជីកលេណដ្ឋាននៅប្រាសាទតាមាន់ធំ

មន្ត្រីបក្សប្រឆាំងមន្ទិលពីផែនការរៀបចំឱ្យជនជាតិវៀតណាមក្នុងបឹងទន្លេសាបទៅរស់នៅលើដីគោកវិញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន