គ្រូបង្រៀនខ្លះចាត់ទុកចំណាត់ថ្នាក់ទី១២០ នៃវិស័យអប់រំកម្ពុជា គឺជាការដាស់តឿនឱ្យកែសម្រួលឡើងវិញ

គ្រូបង្រៀនតាមសាលារដ្ឋមួយចំនួន ចាត់ទុកការដាក់ចំណាត់ថ្នាក់នៃវិស័យអប់រំនៅកម្ពុជាស្ថិតនៅលេខរៀងទី១២០ ដែលផ្តល់ដោយបណ្ដាញវាយតម្លៃការអប់រំសកល (World Population Review) នោះ គឺជាការដាស់តឿនឱ្យរដ្ឋមន្ត្រីក្រសួងអប់រំ យុវជន និងកីឡា លោក ហង់ ជួន ណារ៉ុន កែសម្រួលប្រព័ន្ធអប់រំរបស់កម្ពុជាដែលកំពុងបម្រើឱ្យបក្សកាន់អំណាចសព្វថ្ងៃនេះឡើងវិញ។

គ្រូបង្រៀនតាមសាលាវិទ្យាល័យមួយចំនួនក្នុងខេត្តបាត់ដំបង បានប្រាប់សារព័ត៌មាន The Cambodia Daily ក្នុងលក្ខខណ្ឌមិនបញ្ចេញឈ្មោះដើម្បីរក្សាសុវត្ថិភាពផ្ទាល់ខ្លួននៅថ្ងៃទី១ មេសា នេះថា ប្រព័ន្ធអប់រំកម្ពុជាសព្វថ្ងៃនេះមិនមែនជាថ្នាលបណ្តុះបណ្តាលកូនខ្មែរឱ្យមានចំណេះដឹងផ្នែកបច្ចេកទេស និងជាថ្នាលបណ្តុះបណ្តាលមនសិការឱ្យពួកគេស្នេហាជាតិអ្វីនោះទេ ប៉ុន្តែជាថ្នាលបំពាក់បំប៉នមនោគមន៍វិជ្ជាឱ្យស្រឡាញ់គណបក្សប្រជាជនកម្ពុជា និងស្រឡាញ់សន្តិភាពក្លែងក្លាយប៉ុណ្ណោះ។

ប្រភពដដែលលើកឡើងថា គ្រប់គ្រឹះស្ថានអប់រំសិក្សាទាំងអស់នៅទូទាំងប្រទេស ចាប់តាំងពីថ្នាក់បឋមសិក្សាឡើងទៅ ត្រូវបានបក្សកាន់អំណាចរៀបចំឱ្យមាននាយកម្នាក់គ្រប់គ្រងគ្រឹះស្ថានអប់រំមួយ ដើម្បីអនុវត្តការងាររបស់គណបក្ស ដូចជា ការតម្រូវឱ្យគ្រូបង្រៀនក្នុងសាលាចូលជាសមាជិកគណបក្ស រៃអង្គាសលុយឱ្យគណបក្សប្រចាំឆ្នាំ រៃអង្គាសលុយចូលរួមកាកបាទក្រហម រៃអង្គាសលុយសម្រាប់ឃោសនាគណបក្សនៅមូលដ្ឋាន ឬក្នុងឃុំ-សង្កាត់របស់ខ្លួន ជាដើម។

ជាងនេះទៀត ប្រព័ន្ធអប់រំមួយនេះក៏កំពុងត្រូវបានគ្របដណ្ដប់ដោយសហភាពសហព័ន្ធយុវជនកម្ពុជា (ស.ស.យ.ក) របស់លោក ហ៊ុន ម៉ានី គ្រប់កន្លែង ខណៈគ្រូបង្រៀនដែលជាសមាជិកអង្គភាពមួយនេះ ក៏នឹងក្លាយជាមនុស្សដែលមានឥទ្ធិពល និងអំណាចនៅក្នុងសាលាថែមទៀត ទោះពួកគេមិនមែនជាគណៈគ្រប់គ្រងសាលាក៏ដោយ ហើយអ្នកទាំងនោះក៏អាចនឹងឡើងលឿនដែរ។

ក្រៅពីត្រូវបានគ្រប់គ្រងដោយសហភាពសហព័ន្ធយុវជនកម្ពុជា ប្រព័ន្ធអប់រំមួយនេះក៏ធ្លាក់ទៅក្នុងការប្រព្រឹត្តអំពើពុករលួយធ្ងន់ធ្ងរដែរ ដូចជា ការគប់គិតគ្នារវាងបុគ្គលិកអប់រំ និងនាយកសាលា ជាដើម ដោយការទទួលបាននូវសំណូកសូកប៉ាន់ ជាថ្នូរនឹងការផ្តល់ម៉ោងបង្រៀនក្នុងសាលារដ្ឋតិចតួច ដើម្បីឱ្យពួកគេអាចទៅបង្រៀននៅសាលាឈ្នួលដែលទទួលបានប្រាក់ខែខ្ពស់ ឬដើម្បីឱ្យពួកគេអាចបើកម៉ោងបង្រៀនគួរ ជាដើម។

បុគ្គលិកអប់រំដដែលនេះអះអាងថា សាលារៀនដែលនៅតាមទីជនបទមិនសូវមានគ្រូបង្រៀនទេ ហើយក៏បង្រៀនសិស្សមិនពេញលេញដែរ។

កាលពីថ្ងៃទី៣១ ខែមីនា ឆ្នាំ២០២៥ ក្រសួងអប់រំ យុវជន និងកីឡា បានចេញសេចក្តីថ្លែងការណ៍មួយ ដោយចាត់ទុកថាការផ្តល់ចំណាត់ថ្នាក់ឱ្យវិស័យអប់រំរបស់កម្ពុជាជាប់លេខរៀងទី១២០ ដែលជាចំណាត់ថ្នាក់មិនអាចទទួលយកបាន និងមិនមែនធ្វើឡើងតាមបែបវិទ្យាសាស្ត្រ។

ការច្រានចោលនេះ ធ្វើឡើងបន្ទាប់ពីគេហទំព័ររបស់បណ្ដាញវាយតម្លៃការអប់រំសកល (World Population Review 2025) បានចេញផ្សាយពីចំណាត់ថ្នាក់នៃការអប់រំនៅលើពិភពលោកកាលពីពេលថ្មីៗនេះ ដោយក្នុងនោះ គេហទំព័រមួយនេះបានដាក់ពិន្ទុឲ្យកម្ពុជាស្ថិតនៅលេខរៀងទី១២០ ជាចំណាត់ថ្នាក់ដែលស្ថិតនៅទាបជាងប្រទេសទីម័រខាងកើត ប្រទេសថៃ និងប្រទេសឡាវ ផងដែរ៕

គ្រូបង្រៀនខ្លះចាត់ទុកចំណាត់ថ្នាក់ទី១២០ នៃវិស័យអប់រំកម្ពុជា គឺជាការដាស់តឿនឱ្យកែសម្រួលឡើងវិញ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

អ្នកដាក់ហ៊ុនបង្កើតសាលាបញ្ញាសាស្ត្រអន្តរជាតិ ចោទអ្នកគ្រប់គ្រងថាកិបកេងថវិកា

អង្គភាពប្រឆាំងអំពើពុករលួយ អះអាងសាជាថ្មីថាគ្មានការបែកធ្លាយវិញ្ញាសាមុនប្រឡងបាក់ឌុបទេ

អង្គភាពប្រឆាំងអំពើពុករលួយថាវិញ្ញាសាគណិតវិទ្យាអំឡុងប្រឡងបាក់ឌុបមានលទ្ធភាពបែកធ្លាយពិតមែន

ក្រសួងអប់រំត្រៀមខ្លួនទទួលនិស្សិតខ្មែរវិលពីប្រទេសថៃ មកសិក្សានៅកម្ពុជាវិញ បើមានករណីប្រមាថ

លោក ហ៊ុន សែន ប្រកាសសង់អន្តេវាសិកដ្ឋាននិស្សិតស្រីក្រីក្រលើផ្ទៃដី ២ហិកតាជាដីរបស់អ្នកស្រី ហ៊ុន ម៉ាណា

សង្គមស៊ីវិល៖ គម្លាតអ្នកមាននិងអ្នកក្រដាច់ឆ្ងាយពេក នាំឱ្យមាននិន្នាការផ្សេងគ្នារវាងការអប់រំនិងបញ្ហាក្រពះ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន