អង្គការក្រៅរដ្ឋាភិបាលរួមគ្នាធ្វើយុទ្ធនាការទាមទារយុត្តិធម៌ឱ្យសកម្មជនចលនាមាតាធម្មជាតិទាំង ៥នាក់

អង្គការក្រៅរដ្ឋាភិបាលជាច្រើន នាំគ្នាធ្វើយុទ្ធនាការផ្សព្វផ្សាយវីដេអូនៃការចាប់ខ្លួនសកម្មជនចលនាមាតាធម្មជាតិទាំង ៥នាក់ ក្នុងខួប ១ឆ្នាំ ដើម្បីទាមទាររកយុត្តិធម៌ឱ្យអ្នកទោសមនសិការទាំងនេះ ក្រោយពួកគេត្រូវបានឃុំខ្លួនក្នុងពន្ធនាគារអស់រយៈពេល ១២ខែមកហើយនោះ។

ចលនាមាតាធម្មជាតិកម្ពុជា សមាគមការពារសិទ្ធិមនុស្សអាដហុក និងអង្គការលីកាដូ រួមទាំងមជ្ឈមណ្ឌលការពារសិទ្ធិមនុស្ស ជាដើម នៅថ្ងៃទី២ កក្កដា នេះ បានធ្វើយុទ្ធនាការផ្សព្វផ្សាយវីដេអូព្រោងព្រាតលើបណ្ដាញសង្គមហ្វេសប៊ុក ដែលសកម្មជនចលនាមាតាធម្មជាតិទាំង ៥នាក់ត្រូវបានចាប់ខ្លួនកាលពីដើមខែកក្កដា ឆ្នាំ២០២៤ កន្លងទៅ។

អង្គការក្រៅរដ្ឋាភិបាលទាំងនេះ លើកឡើងថា យុទ្ធនាការនេះធ្វើឡើងដើម្បីគោរពវីរភាព និងភាពក្លាហានរបស់សកម្មជន និងក្រុមដែលត្រូវប្រឈមនឹងការគំរាមកំហែង ឬការប្រមាថដោយសារតែសកម្មភាពការពារបរិស្ថាន ហើយក៏ដើម្បីទាមទារឱ្យមានការដោះលែងដោយគ្មានលក្ខខណ្ឌចំពោះសកម្មជនបរិស្ថានទាំង ៥រូប ដែលត្រូវបានឃុំខ្លួនដោយសារតែការខិតខំប្រឹងប្រែងក្នុងការការពារបរិស្ថានផងដែរ។

ប្រភពដដែល អំពាវនាវឱ្យមានការដោះលែងសកម្មជនទាំងនោះជាបន្ទាន់ និងដោយគ្មានលក្ខខណ្ឌ ដើម្បីឱ្យពួកគេបានបន្តសកម្មភាពការងារការពារបរិស្ថានបន្ថែមទៀត ខណៈអង្គការសង្គមស៊ីវិលនៅតែបន្តឈរក្នុងសាមគ្គីភាពជាមួយសកម្មជនបរិស្ថានដូចមុន។

កាលពីថ្ងៃទី២ ខែកក្កដា ឆ្នាំ២០២៤ សកម្មជនចលនាមាតាធម្មជាតិ ៥នាក់ រួមមាន លោក យីម លាងហ៊ី លោក ថុន រដ្ឋា លោក លី ចាន់ដារ៉ាវុត កញ្ញា ឡុង គន្ធា និងកញ្ញា ភួន កែវរស្មី ត្រូវបានសមត្ថកិច្ចចាប់ខ្លួនភ្លាមៗ បន្ទាប់ពីចៅក្រមសាលាដំបូងរាជធានីភ្នំពេញប្រកាសផ្ដន្ទាទោស ក្រោមបទចោទ «ប្រមាថអង្គព្រះមហាក្សត្រ និងបទរួមគំនិតក្បត់» ដែលត្រូវឃុំខ្លួនក្នុងពន្ធនាគារចាប់ពី ៦ឆ្នាំដល់ ៨ឆ្នាំ។

ក្រោយចាប់ខ្លួនសកម្មជនបរិស្ថានទាំង ៥នាក់ តុលាការបានបញ្ជូនពួកគេទៅឃុំខ្លួននៅតាមបណ្តាខេត្តដាច់ៗពីគ្នា ក្នុងនោះ លោក យីម លាងហ៊ី ត្រូវឃុំខ្លួននៅពន្ធនាគារខេត្តកំពង់ស្ពឺ លោក លី ចាន់ដារ៉ាវុត ត្រូវឃុំខ្លួននៅពន្ធនាគារខេត្តកណ្តាល លោក ថុន រដ្ឋា ត្រូវឃុំខ្លួននៅពន្ធនាគារខេត្តត្បូងឃ្មុំ កញ្ញា ភួន កែវរស្មី ត្រូវឃុំខ្លួននៅពន្ធនាគារខេត្តពោធិ៍សាត់ ខណៈកញ្ញា ឡុង គន្ធា ត្រូវឃុំខ្លួននៅពន្ធនាគារខេត្តព្រះវិហារ។

មាត្រា៣៥ នៃរដ្ឋធម្មនុញ្ញកម្ពុជា ចែងថា ប្រជាពលរដ្ឋខ្មែរទាំងពីរភេទមានសិទ្ធិចូលរួមយ៉ាងសកម្មក្នុងជីវភាពនយោបាយ សេដ្ឋកិច្ច សង្គមកិច្ច និងវប្បធម៌របស់ប្រទេសជាតិ។

ទាក់ទិននឹងបញ្ហានេះ សហគមន៍អឺរ៉ុប បានចេញរបាយការណ៍ស្ដីពីស្ថានភាពសិទ្ធិមនុស្ស និងលទ្ធិប្រជាធិបតេយ្យសម្រាប់ឆ្នាំ២០២៤ កាលពីពេលថ្មីៗនេះថា រយៈពេល ១ឆ្នាំពេញក្នុងឆ្នាំ២០២៤ នៃការដឹកនាំរបស់លោក ហ៊ុន ម៉ាណែត មិនបានធ្វើឱ្យស្ថានភាពសិទ្ធិមនុស្ស និងប្រជាធិបតេយ្យប្រសើរឡើងនោះទេ ព្រោះការរឹតត្បិតសិទ្ធិសេរីភាព និងសិទ្ធិនយោបាយនៅតែបន្តដូចមុនដដែល៕

អង្គការក្រៅរដ្ឋាភិបាលរួមគ្នាធ្វើយុទ្ធនាការទាមទារយុត្តិធម៌ឱ្យសកម្មជនចលនាមាតាធម្មជាតិទាំង ៥នាក់

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

តុលាការកំពូលបដិសេធសំណើសុំដោះលែងសកម្មជនចលនាមាតាធម្មជាតិទាំង ៥នាក់

តុលាការកំពូលបដិសេធសំណើសុំដោះលែងសកម្មជនចលនាមាតាធម្មជាតិទាំង ៥នាក់

អ្នកឃ្លាំមើលស្នើឱ្យរដ្ឋាភិបាលដោះស្រាយបញ្ហាផ្ទៃក្នុង ដោយការដោះលែងអ្នកទោសមនសិការទាំងអស់

សង្គមស៊ីវិលអំពាវនាវឱ្យរដ្ឋាភិបាលដោះលែងអ្នកទោសមនសិការដែលត្រូវបានចោទពីបទគប់គិតជាមួយរដ្ឋបរទេស

តុលាការកំពូលបដិសេធសំណើសុំនៅក្រៅឃុំរបស់សកម្មជនចលនាមាតាធម្មជាតិទាំង៥នាក់

ក្រុមអង្គការសង្គមស៊ីវិលអំពាវនាវឱ្យដោះលែងសកម្មជនចលនាមាតាធម្មជាតិឱ្យមានសេរីភាពឡើងវិញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន