អ្នកឃ្លាំមើលថាវត្តមាននាវាកងទ័ពជើងទឹកចិននៅកម្ពុជា គ្រាន់តែជាកិច្ចសហប្រតិបត្តិការធម្មតាប៉ុណ្ណោះ

អ្នកឃ្លាំមើលសង្គម លើកឡើងថា វត្តមាននាវាកងទ័ពជើងទឹកចិន នៅកម្ពុជា នាពេលនេះ គ្រាន់តែជាកិច្ចសហប្រតិបត្តិការធម្មតារវាងចិន និងកម្ពុជា ប៉ុណ្ណោះ គឺខុសពីវត្តមានកងទ័ពចិន ក្នុងយុទ្ធនាការសមយុទ្ធយោធាជាមួយកងទ័ពអាកាសថៃ ក្នុងពេលជម្លោះព្រំដែនកម្ពុជា-ថៃ បានកំពុងផ្ទុះឡើងកាលពីខែកក្កដា កន្លងទៅ។

ប្រធានក្រុមប្រឹក្សាឃ្លាំមើលកម្ពុជា លោក ម៉ែន ណាត ប្រាប់សារព័ត៌មាន The Cambodia Daily នៅថ្ងៃទី១០ តុលា នេះថា ទោះវត្តមាននាវាកងទ័ពជើងទឹករំដោះប្រជាជនចិន ចូលចតនៅកំពង់ផែស្វយ័តក្រុងព្រះសីហនុ ស្របពេលកម្ពុជា មានជម្លោះព្រំដែនជាមួយថៃ ក្នុងពេលនេះក៏ដោយ ក៏គ្រាន់តែជាកិច្ចសហប្រតិបត្តិការរវាងប្រទេសទាំងពីរប៉ុណ្ណោះ។

លោកថា វត្តមាននាវាទាំងនេះមិនមែនជាការបង្ហាញពីបំណងរបស់ចិន ក្នុងការការពារកម្ពុជា ពីជម្លោះព្រំដែនជាមួយថៃ នោះទេ ខណៈថៃ ក៏មិនសប្បាយចិត្តនឹងចិន អំពីរឿងនេះដែរ តែទោះជាយ៉ាងណា ចិនមិនខ្វល់ឡើយ។

លោកបន្តថា ក្នុងកាលៈទេសៈណាក៏ដោយ ចិនមិនចង់ឱ្យមានការប៉ះទង្គិចទំនាក់ទំនងទាំងថៃ ទាំងកម្ពុជា ជាមួយខ្លួននោះទេ ព្រោះអ្វីដែលចិន សម្លឹងឃើញពីថៃ និងកម្ពុជា គឺប្រយោជន៍របស់ចិន ទាំងការទូត និងសេដ្ឋកិច្ច។

ប្រធានក្រុមប្រឹក្សាឃ្លាំមើលកម្ពុជារូបនេះ បញ្ជាក់ថា ក្នុងជម្លោះព្រំដែនជាមួយថៃ កម្ពុជាមិនអាចពឹងចិន ឱ្យបញ្ឈប់ការឈ្លានពានរបស់ថៃ បានទេ ព្រោះចិន គ្មានឥទ្ធិពលទៅលើថៃ ដូចអាមេរិកឡើយ ប៉ុន្តែចិន អាចដើរតួត្រឹមតែជាសាក្សីប៉ុណ្ណោះក្នុងជម្លោះនេះ ដូចជា ធ្វើជាសាក្សីក្នុងកិច្ចព្រមព្រៀងឈប់បាញ់កាលពីពេលកន្លងទៅ ជាដើម។

នៅថ្ងៃទី១០ ខែតុលា ឆ្នាំ២០២៥ នេះ សារព័ត៌មានដែលស្និទ្ធនឹងរដ្ឋាភិបាលកម្ពុជា Fresh News បានរាយការណ៍ថា នាវាកងទ័ពជើងទឹករំដោះប្រជាជនចិន ចំនួន ២គ្រឿង ចូលចតនៅកំពង់ផែស្វយ័តក្រុងព្រះសីហនុ រយៈពេល ៥ថ្ងៃ ចាប់ពីថ្ងៃទី១០ ដល់ថ្ងៃទី១៤ ខែតុលា ឆ្នាំ២០២៥ ដើម្បីពង្រឹងកិច្ចសហប្រតិបត្តិការ និងរឹតចំណងមិត្តភាពរវាងប្រទេសទាំងពីរ។

ទាក់ទិននឹងបញ្ហានេះ កាលពីថ្ងៃទី១៥ ខែកញ្ញា សារព័ត៌មានរដ្ឋចិន ស៊ិនហួ (Xinhua) ផ្សាយថា ចិន និងថៃ បានប្រកាសធ្វើសមយុទ្ធកងទ័ពអាកាសរួមគ្នារហូតដល់ដំណាច់ខែកញ្ញា ឆ្នាំ២០២៥ ខណៈសមយុទ្ធនេះ ធ្វើឡើងក្រោយសង្គ្រាមកម្ពុជា-ថៃ ទើបតែត្រូវបានបញ្ចប់ត្រឹមតែ ១៧ថ្ងៃប៉ុណ្ណោះ។

យ៉ាងណាក៏ដោយ ឯកអគ្គរដ្ឋទូតចិន ប្រចាំប្រទេសកម្ពុជា លោក វ៉ាង វិនពិន (Wang Wenbin) បានសរសេរលើទំព័រហ្វេសប៊ុករបស់ខ្លួនកាលពីថ្ងៃទី៨ ខែតុលា ថា ចិនគាំទ្រកម្ពុជា យ៉ាងម៉ឺងម៉ាត់ក្នុងការរក្សាការពារបូរណភាពជាតិ សន្តិសុខ និងផលប្រយោជន៍អភិវឌ្ឍន៍ និងជាដៃគូជាទីទុកចិត្តបានជាដរាប៕

អ្នកឃ្លាំមើលថាវត្តមាននាវាកងទ័ពជើងទឹកចិននៅកម្ពុជា គ្រាន់តែជាកិច្ចសហប្រតិបត្តិការធម្មតាប៉ុណ្ណោះ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

អ្នកឃ្លាំមើលរិះគន់រដ្ឋាភិបាលកម្ពុជាដែលគ្រាន់តែតវ៉ាថៃឈ្លានពាន ប៉ុន្តែមិនព្រមប្ដឹងទៅតុលាការអន្តរជាតិ

ចិន ប្រគល់នាវាចម្បាំងមួយគ្រឿងឱ្យកម្ពុជា ខណៈនាវាចម្បាំងរុស្ស៊ី ៣គ្រឿងចូលសំចតនៅក្រុងព្រះសីហនុ

យោធាថៃ បន្តរាយលួសបន្លាចូលក្នុងទឹកដីខ្មែរជិត ១គីឡូម៉ែត្របន្ថែមទៀតនៅខេត្តពោធិ៍សាត់

លោក ម៉ែន ណាត ថាដោយសារកម្ពុជាគប់គិតជាមួយវៀតណាមកែខ្សែបន្ទាត់ព្រំដែនសម័យបារាំង ទើបមាន MoU ជាមួយថៃ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន