មន្ត្រីបក្សប្រឆាំងចាត់ទុកការមិនអនុវត្តច្បាប់ចាប់ឧក្រិដ្ឋជនចាប់ជំរិត គឺជាការគប់គិតគ្នារវាងសមត្ថកិច្ចនិងជនល្មើស

មន្ត្រីជាន់ខ្ពស់បក្សប្រឆាំង ចាត់ទុកការមិនអនុវត្តច្បាប់ចាប់ឧក្រិដ្ឋជនជនជាតិចិន ដែលបានចាប់ជំរិតលើនារីរងគ្រោះអស់ជាច្រើនខែមកនេះ គឺជាការគប់គិតគ្នារវាងសមត្ថកិច្ច និងក្រុមឧក្រិដ្ឋជន ព្រោះនេះជាអំពើឧក្រិដ្ឋមិនអាចសម្រុះសម្រួលដោយគ្រាន់តែសងលុយឱ្យជនរងគ្រោះវិញ ហើយបញ្ចប់រឿងនោះទេ។

តំណាងរាស្ត្រគណបក្សសង្គ្រោះជាតិ លោក អ៊ុំ សំអាន ប្រាប់សារព័ត៌មាន The Cambodia Daily នៅថ្ងៃទី៧ មេសា នេះថា តុលាការ និងស្ថាប័នមានសមត្ថកិច្ចត្រូវតែបើកការស៊ើបអង្កេតលើសមត្ថកិច្ចដែលពាក់ព័ន្ធក្នុងរឿងនេះ ព្រោះពួកគេបានដឹងនូវអំពើឧក្រិដ្ឋកម្មនេះហើយ តែបែរជាព្យាយាមលាក់បាំងនូវរឿងនេះ ដោយការសម្រុះសម្រួលឱ្យជនល្មើសរួចខ្លួនទៅវិញ។

មន្ត្រីបក្សប្រឆាំងរូបនេះបញ្ជាក់ថា បើរដ្ឋាភិបាលមិនអើពើលុបបំបាត់ក្រុមឧក្រិដ្ឋជនដែលប្រើកម្ពុជាធ្វើជាទីតាំងសម្រាប់ប្រព្រឹត្តបទល្មើសទេ គឺស្មើនឹងរដ្ឋាភិបាលគប់គិតជាមួយក្រុមឧក្រិដ្ឋជនទាំងនោះដែរ ហើយទង្វើបែបនេះ គឺជាការបំផ្លាញប្រទេសកម្ពុជាសុទ្ធសាធ ខណៈជនរងគ្រោះពីការដឹកនាំបែបនេះ គឺពលរដ្ឋរបស់ខ្លួនឯងប៉ុណ្ណោះ។

ស្ត្រីរងគ្រោះពីករណីចាប់ជំរិតម្នាក់ឈ្មោះ ប៊ុន ស្រីទូច ត្រូវបានសារព័ត៌មានក្នុងស្រុកស្រង់សម្ដីកាលពីចុងសប្តាហ៍កន្លងទៅថា ខ្លួនត្រូវបានថៅកែជនជាតិចិន-ម៉ាឡេស៊ី ឈ្មោះ ស៊ែវ ជី ប្រើអំពើហិង្សាវាយដំលើរូបរាងកាយនឹងដំបងឆក់ ដោយជំរិតឱ្យផ្ទេរទឹកប្រាក់ចំនួន ២៤០០ដុល្លារអាមេរិកជាថ្នូរនឹងការដោះលែងឱ្យរួចខ្លួន។

ប្រភពដដែលអះអាងថា ជនជាតិទាំងនោះបានចាប់ពួកគេបង្ខំឱ្យលុតជង្គង់ដោយសង្កត់ក្បាលពួកគេទៅនឹងការ៉ូ បន្ទាប់មកក៏ដាក់ខ្នោះដៃទាំងសងខាង ហើយបានចាប់អ្នកទាំងពីរទៅលើអគារមួយជាន់ទៀត និងប្រើដំបងឆក់ចង្កេះនៅពេលដែលពួកគេរើបម្រះ។

ពេលទៅដល់លើអគារនោះ ស្ត្រីរងគ្រោះបានអង្វរសុំឱ្យដោះលែងជាថ្នូរនឹងការប្រគល់លុយឱ្យតាមការបង្ខំរបស់ពួកគេ ដោយជនជាតិចិនទាំងនោះបញ្ជាឱ្យស្ត្រីរងគ្រោះផ្ទេរលុយចំនួន ២៤០០ដុល្លារទាំងដៃជាប់ខ្នោះ ទើបក្រុមឧក្រិដ្ឋជនទាំងនោះដោះលែងឱ្យរួចខ្លួនត្រឡប់ទៅផ្ទះវិញ។

ស្ត្រីរងគ្រោះរូបនេះអះអាងថា ករណីនេះបានកើតឡើងជិត ២ខែមកហើយចាប់តាំងពីថ្ងៃទី២៦ ខែមករា ឆ្នាំ២០២៥ រហូតដល់ពេលនេះ ប៉ុន្តែខ្លួនមិនទាន់ទទួលបានយុត្តិធម៌ពីអំពើចាប់ជំរិតនេះនៅឡើយទេ ព្រោះសមត្ថកិច្ចគ្រាន់តែសម្រុះសម្រួលឱ្យទទួលយកលុយចំនួន ២៤០០ដុល្លារដែលជនជាតិចិននោះបានជំរិតយក និងចំនួនលុយ ១ពាន់ដុល្លារទៀតជាថ្នូរនឹងការសងជំងឺចិត្ត។

ទាក់ទិននឹងបញ្ហានេះ គេហទំព័រអន្តរជាតិឈ្មោះ NUMBEO បានចេញផ្សាយពីឧក្រិដ្ឋកម្មដែលកើតមាននៅប្រទេសក្នុងតំបន់អាស៊ីប្រចាំឆ្នាំ២០២៤ (Crime index in Southeast Asia-2024) កាលពីចុងឆ្នាំ២០២៤ ថា ឆ្នាំ២០២៤ ប្រទេសកម្ពុជាជាប់ចំណាត់ថ្នាក់លេខ១ ជាប្រទេសសម្បូរឧក្រិដ្ឋកម្មខ្លាំងជាងគេបំផុតក្នុងចំណោមប្រទេសនៅតំបន់អាស៊ាន។

សារព័ត៌មាន The Cambodia Daily មិនទាន់អាចទាក់ទងលោក ឈឿន សុចិត្ត ស្នងការនគរបាលខេត្តកណ្តាល ដើម្បីសុំការបំភ្លឺបន្ថែមជុំវិញករណីចាប់ជំរិតនេះបាននៅឡើយទេរហូតដល់ម៉ោងផ្សាយនេះ ព្រោះទូរសព្ទមិនចូល៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

លោក ហ៊ុន ម៉ាណែត ហៅក្រុមប្រឆាំងនៅក្រៅស្រុកមករៀនពីបច្ចេកទេសកិច្ចការព្រំដែនឱ្យច្បាស់លាស់

លោក អ៊ុំ សំអាន អំពាវនាវឱ្យដោះលែងលោក កឹម សុខា និងអ្នកទោសមនសិការ បើរដ្ឋាភិបាលកម្ពុជាចង់សងគុណអាមេរិក

ក្រសួងការពារជាតិកម្ពុជាអះអាងថាទាហានថៃ ប្រើគ្រឿងចក្រជីកលេណដ្ឋានរំលោភបូរណភាពទឹកដីខ្មែរយ៉ាងធ្ងន់ធ្ងរ

មន្ត្រីបក្សជំទាស់ចោទរដ្ឋអំណាចខ្មែរយកចិត្តទុកដាក់សាសន៍យៀកណាមជាងសាសន៍ខ្មែរ

មន្ត្រីបក្សប្រឆាំងស្នើលោក ហ៊ុន ម៉ាណែត ពន្យល់ពលរដ្ឋអំពីមូលហេតុទាហានថៃ ជីកលេណដ្ឋាននៅប្រាសាទតាមាន់ធំ

មន្ត្រីបក្សប្រឆាំងមន្ទិលពីផែនការរៀបចំឱ្យជនជាតិវៀតណាមក្នុងបឹងទន្លេសាបទៅរស់នៅលើដីគោកវិញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន