មន្ត្រីជាន់ខ្ពស់បក្សប្រឆាំងថាតម្លៃប្រេងឥន្ធនៈឡើងថ្លៃជាផែនការប្រមូលលុយរបស់លោក ហ៊ុន សែន
មន្ត្រីជាន់ខ្ពស់បក្សប្រឆាំង ត្អូញត្អែរថា បោះឆ្នោតរួចភ្លាម តម្លៃប្រេងឥន្ធនៈឡើងថ្លៃភ្លែត ដែលនេះបង្ហាញថាគណបក្សប្រជាជនកម្ពុជារបស់លោក ហ៊ុន សែន កំពុងរៀបផែនការប្រមូលលុយត្រឡប់មកវិញដែលពួកគេបានចំណាយយ៉ាងច្រើនសន្ធឹកសន្ធាប់សម្រាប់ធ្វើយុទ្ធនាការបោះឆ្នោត និងការរៀបចំកីឡាស៊ីហ្គេមដែលមិនយកលុយពីកីឡាករបរទេសនៅមុនការបោះឆ្នោតនោះ។
តំណាងរាស្ត្រអតីតគណបក្សសង្គ្រោះជាតិលោក អ៊ុំ សំអាន បានសរសេរលើទំព័រហ្វេសប៊ុករបស់លោកនៅថ្ងៃទី២ សីហា នេះថា តម្លៃប្រេងឥន្ធនៈនៅបណ្តាប្រទេសមួយចំនួននៅលើពិភពលោក ជាពិសេសនៅសហរដ្ឋអាមេរិក មុនបោះឆ្នោត និងក្រោយការបោះឆ្នោតនៅកម្ពុជា គឺនៅឋិតឋេរដដែល មិនឡើងថ្លៃនោះទេ ប៉ុន្តែចម្លែកអីតែស្រុកខ្មែរ អីក៏ចៃដន្យម្ល៉េះ មុនបោះឆ្នោតមិនឡើងថ្លៃទេ តែគ្រាន់តែបោះឆ្នោតរួចភ្លាមស្រាប់តែឡើងថ្លៃភ្លែតតែម្តង។
លោក...
លោក ហ៊ុន សែន តែងតាំងលោក សួន សេរីរដ្ឋា អតីតប្រធានបក្សអំណាចខ្មែរជាទីប្រឹក្សា
បុរសខ្លាំងក្រាញអំណាចតពូជនៅកម្ពុជាលោក ហ៊ុន សែន តែងតាំងអតីតប្រធានគណបក្សអំណាចខ្មែរលោក សួន សេរីរដ្ឋា ធ្វើជាទីប្រឹក្សាផ្ទាល់។
ក្នុងសេចក្តីសម្រេចស្ដីពីការតែងតាំងមន្ត្រីគណបក្ស ចុះថ្ងៃទី២៧ ខែកក្កដា កន្លងទៅ ហើយដែលសារព័ត៌មាន The Cambodia Daily ទើបបានទទួល ឲ្យដឹងថា ការតែងតាំងលោក សួន សេរីរដ្ឋា ជាទីប្រឹក្សារបស់លោក ហ៊ុន សែន ប្រធានគណបក្សប្រជាជនកម្ពុជា ធ្វើឡើងតាមការសម្រេចគណៈអចិន្ត្រៃយ៍នៃគណៈកម្មាធិការកណ្ដាល។
អតីតប្រធានគណបក្សអំណាចខ្មែរលោក...
វៀតណាមអបអរជ័យជម្នះរបស់គណបក្សប្រជាជនកម្ពុជាក្នុងការបោះឆ្នោតជាតិឆ្នាំ២០២៣
អគ្គលេខាធិការគណៈកម្មាធិការមជ្ឈិមបក្សកុម្មុយនីស្តវៀតណាម អបអរសាទរគណបក្សប្រជាជនកម្ពុជា ដែលបានទទួលជ័យជម្នះក្នុងការបោះឆ្នោតជាតិឆ្នាំ២០២៣ នេះ និងសូមឱ្យទំនាក់ទំនងក្នុងភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ បន្តរឹងមាំយូរអង្វែងរវាងវៀតណាម និងកម្ពុជាទៅថ្ងៃអនាគត។
អគ្គលេខាធិការគណៈកម្មាធិការមជ្ឈិមបក្សកុម្មុយនីស្តវៀតណាម លោក ង្វៀន ភូជុង (Nguyen Phu Trung) បានចេញលិខិតអបអរសាទរមួយទៅកាន់លោក ហ៊ុន សែន ក្នុងនាមជាសមមិត្តរបស់ខ្លួនកាលពីថ្ងៃទី២៥ ខែកក្កដា ដែលត្រូវបានផ្សព្វផ្សាយនៅថ្ងៃទី២ សីហា នេះថា «ជាមួយស្មារតីសមមិត្តដែលផ្សារភ្ជាប់យ៉ាងជិតស្និទ្ធរហូតមក...
តុលាការលោក ហ៊ុន សែន ឃុំខ្លួនពលរដ្ឋ២នាក់បន្ទាប់ពីនិយាយរិះគន់លោក ហ៊ុន ម៉ាណែត
តុលាការក្រោមបញ្ជារបស់លោក ហ៊ុន សែន ចាប់ខ្លួនពលរដ្ឋ ២នាក់យកទៅឃុំខ្លួននៅពន្ធនាគារព្រៃស បន្ទាប់ពីពួកគេបាននិយាយរិះគន់លោក ហ៊ុន ម៉ាណែត ដែលនឹងធ្វើជានាយករដ្ឋមន្ត្រីបន្តវេនពីឪពុកនៅល្ងាចថ្ងៃទី២២ ខែសីហា ឆ្នាំ២០២៣ ខាងមុខនេះ។
ក្នុងដីកាបង្គាប់ឲ្យឃុំខ្លួនរបស់ចៅក្រមស៊ើបសួរសាលាដំបូងរាជធានីភ្នំពេញ លោក ហុង ពៅ ចុះថ្ងៃទី០១ ខែសីហា ឆ្នាំ២០២៣ ឲ្យដឹងថា ការបង្គាប់ឲ្យសមត្ថកិច្ចនាំខ្លួនស្ត្រីម្នាក់ឈ្មោះ ឌី សូរនាត យកទៅឃុំខ្លួននៅពន្ធនាគារព្រៃស ក្រោមហេតុផលថា...
IDEA TALK៖ តើរបបបន្តពូជអំណាចនៅកម្ពុជាជាការវាយបំបាក់ស្មារតីរដ្ឋធម្មនុញ្ញកម្រិតណា?
កម្មវិធី Idea Talk សម្រាប់រាត្រីថ្ងៃទី០២ ខែសីហា ឆ្នាំ២០២៣ ស្តីអំពី៖ «តើរបបបន្តពូជអំណាចនៅកម្ពុជាជាការវាយបំបាក់ស្មារតីរដ្ឋធម្មនុញ្ញកម្រិតណា?»។
មហាបុរសខ្លាំងនៅរុស្ស៊ី សម្រេចមិនទៅប្រជុំកំពូល BRICSនៅអាហ្រ្វិកខាងត្បូង តើអាចមកពី ICC ចេញដីកាចាប់ខ្លួន?
កាលពីសប្ដាហ៍មុន វិមានក្រឹមឡាំងបានជូនដំណឹងទៅរដ្ឋាភិបាលអាហ្វ្រិកខាងត្បូង វិញថា លោកប្រធានាធិបតី វ៉្លាឌីមៀរ ពូទីន នឹងមិនទៅចូលរួមប្រជុំកំពូលនៃមេដឹកនាំអង្គការសហប្រតិបត្តិការសេដ្ឋកិច្ច ឬហៅកាត់ថា BRICS ដែលនឹងធ្វើនៅលើទឹកដីនៃប្រទេសអាហ្វ្រិកមួយនេះនៅថ្ងៃទី២០ ខែសីហា ខាងមុខនេះទេ។
តែសេចក្ដីជូនដំណឹងរបស់ក្រុងមូស្គូ មិនបានបញ្ជាក់អំពីមូលហេតុនោះទេ គ្រាន់តែប្រាប់ថា លោករដ្ឋមន្ត្រីការបរទេស ហ្សេហ្គេស ស្គូយរូវ ត្រូវទៅជំនួសលោក ពូទីន។
នេះជាចំណោទមួយដែលត្រូវលើកមកចោទសួរថា ហេតុអ្វីបានជាមហាបុរសខ្លាំងនៅរុស្ស៊ី ដូរជំហរបែបនេះ ដែលកន្លងមកតែងតែប្រកាសថាលោក ពូទីន ត្រូវតែទៅចូលរួមប្រជុំនៃមេដឹកនាំ...
សមាគមខ្មែរកម្ពុជាក្រោមទាមទារឱ្យរដ្ឋាភិបាលវៀតណាមដោះលែងពលរដ្ឋខ្មែរក្រោមនិងបញ្ឈប់រឹតត្បិតសេរីភាព
សមាគមខ្មែរកម្ពុជាក្រោមទាមទារឲ្យរដ្ឋាភិបាលវៀតណាម ដោះលែងពលរដ្ឋខ្មែរក្រោមចំនួន ៣នាក់ដែលត្រូវបានចាប់ខ្លួនដោយចោទប្រកាន់ «កេងចំណេញលើសិទ្ធិសេរីភាព និងលទ្ធិប្រជាធិបតេយ្យ បំពានផលប្រយោជន៍របស់រដ្ឋ និងសិទ្ធិសេរីភាពស្របច្បាប់នៃអង្គការចាត់តាំង និងបុគ្គល» តាមច្បាប់របស់រដ្ឋាភិបាលវៀតណាម និងបញ្ឈប់រាល់ការរឹតត្បិតសេរីភាពខ្មែរក្រោម ដោយចាត់ទុកការធ្វើទុក្ខបុកម្នេញនេះ ថាជាការរំលោភសិទ្ធិមនុស្ស និងបំពានលើគោលការណ៍សិទ្ធិមនុស្សអន្តរជាតិ។
យោងតាមសេចក្ដីថ្លែងការណ៍របស់សមាគមខ្មែរកម្ពុជាក្រោមដើម្បីសិទ្ធិមនុស្ស និងអភិវឌ្ឍន៍ ចុះថ្ងៃទី០១ ខែសីហា ឆ្នាំ២០២៣ ឲ្យដឹងថា អាជ្ញាធរវៀតណាមនៅតែបន្តធ្វើទុក្ខបុកម្នេញលើប្រជាពលរដ្ឋខ្មែរក្រោមដោយបំពានទៅលើគោលការណ៍សិទ្ធិមនុស្ស និងសិទ្ធិជនជាតិដើមនៃអង្គការសហប្រជាជាតិ។
សមាគមខ្មែរកម្ពុជាក្រោម អំពាវនាវទៅរដ្ឋាភិបាលនៃសាធារណរដ្ឋសង្គមនិយមវៀតណាម ដោះលែងពលរដ្ឋខ្មែរក្រោមឲ្យមានសេរីភាព និងបញ្ឈប់រាល់ការរឹតត្បិតសេរីភាពរបស់ខ្មែរក្រោមជាបន្ទាន់។ លើសពីនេះ...
សង្គមស៊ីវិលអំពាវនាវឱ្យស្ថាប័នពាក់ព័ន្ធងាកទៅដោះស្រាយវិវាទការងារណាហ្គាវើលដ៍ដើម្បីកុំឱ្យក្លាយជាជំងឺរ៉ាំរ៉ៃ
មន្ត្រីសង្គមស៊ីវិលទទួលបន្ទុកសិទ្ធិមនុស្ស អំពាវនាវឱ្យស្ថាប័នពាក់ព័ន្ធងាកទៅដោះស្រាយវិវាទការងារនៃក្រុមហ៊ុនណាហ្គាវើលដ៍ ដើម្បីកុំឱ្យបញ្ហានេះក្លាយជាជំងឺរ៉ាំរ៉ៃសម្រាប់ប្រទេសកម្ពុជា និងរដ្ឋាភិបាលអាណត្តិថ្មីដែលនឹងកើតឡើងនាពេលដ៏ខ្លីខាងមុខនេះ។
អ្នកនាំពាក្យសមាគមការពារសិទ្ធិមនុស្សអាដហុក (adhoc) លោក ស៊ឹង សែនករុណា ប្រាប់សារព័ត៌មាន The Cambodia Daily នៅថ្ងៃទី១ សីហា នេះថា ការបណ្តែតបណ្តោយឱ្យសង្គមដែលស្ថិតក្រោមការដឹកនាំរបស់ខ្លួនមានបញ្ហាបន្តកន្ទុយគ្នា មិនមែនជារឿងល្អសម្រាប់គណបក្សឈ្នះឆ្នោតដឹកនាំរដ្ឋាភិបាលនោះទេ ព្រោះថាជំងឺសង្គមទាំងនោះនឹងក្លាយជាវិបត្តិធ្ងន់ធ្ងរសម្រាប់ប្រទេសកម្ពុជាទៅថ្ងៃក្រោយ ខណៈប្រជាពលរដ្ឋក៏នឹងត្រូវរងនូវឥទ្ធិពលដ៏អាក្រក់ពីវិបត្តិសង្គមទាំងនេះផងដែរ។
លោក ស៊ឹង សែនករុណា លើកឡើងថា វិវាទការងារនៃក្រុមណាហ្គាវើលដ៍នេះ បានធ្វើឱ្យកម្មករនិយោជិតជាង...
រដ្ឋសភាឯកបក្សនឹងបើកកិច្ចប្រជុំនៅថ្ងៃទី២១សីហា បន្ទាប់ពីលោក ហ៊ុន សែន ផ្ទេរតំណែងទៅលោក ហ៊ុន ម៉ាណែត
រដ្ឋសភាឯកបក្សនឹងបើកកិច្ចប្រជុំលើកដំបូងនៅថ្ងៃ២១ និងថ្ងៃទី២២ ខែសីហា បន្ទាប់ពីបុរសខ្លាំងក្រាញអំណាចតពូជនៅកម្ពុជា លោក ហ៊ុន សែន ប្រកាសថាលោក ហ៊ុន ម៉ាណែត នឹងក្លាយជានាយករដ្ឋមន្ត្រីពេញសិទ្ធិនៅល្ងាចថ្ងៃទី២២ ខែសីហា។
សេចក្តីជូនដំណឹងរបស់នាយកដ្ឋានព័ត៌មាននៃរដ្ឋសភា ចុះថ្ងៃទី៣១ ខែកក្កដា ឲ្យដឹងថា រដ្ឋសភានឹងបើកកិច្ចប្រជុំលើកដំបូងក្នុងនីតិកាលទី៧ នៅថ្ងៃទី២១ និងថ្ងៃទី២២ ខែសីហា ខាងមុខនេះ។
រដ្ឋសភាឯកបក្សប្រកាសបើកកិច្ចប្រជុំលើកដំបូងនៅអាណត្តិទី៧ នេះ ធ្វើឡើងបន្ទាប់ពីគណៈកម្មាធិការជាតិរៀបចំការបោះឆ្នោតក្រោមបញ្ជាលោក ហ៊ុន សែន...
មន្ត្រីបក្សប្រឆាំងរិះគន់លោក ហ៊ុន ម៉ាណែត ថាមានចរិតផ្ដាច់ការមិនខុសពីលោក ហ៊ុន សែន
មន្ត្រីជាន់ខ្ពស់បក្សប្រឆាំងរិះគន់លោក ហ៊ុន ម៉ាណែត ដែលកំពុងត្រៀមឡើងកាន់អំណាចជានាយករដ្ឋមន្ត្រីកម្ពុជាថា ពិតជាមានចរិតផ្ដាច់ការមិនខុសពីឪពុក ដោយសារមិនទាន់ក្លាយជានាយករដ្ឋមន្ត្រីស្របច្បាប់ផង បានប្រើអំណាចបញ្ជាឱ្យកម្លាំងក្រោមបង្គាប់ចាប់ចងពលរដ្ឋដែលមានជំងឺសរសៃប្រសាទដែលបានរិះគន់លើខ្លួន។
អតីតតំណាងរាស្ត្រគណបក្សសង្គ្រោះជាតិលោក អ៊ុំ សំអាន បានសរសេរលើទំព័រហ្វេសប៊ុករបស់លោកកាលពីថ្ងៃទី៣១ កក្កដា ថា មិនទាន់បានកាន់អំណាចពេញដៃផង ចាប់ផ្តើមផ្ដាច់ការបណ្តើរៗហើយ ចុះទម្រាំបានក្លាយជានាយករដ្ឋមន្ត្រីនៅចុងខែសីហា នេះទៀត តើកូនប្រុសច្បងស្នងមរតកអំណាចបន្តពូជនេះ នឹងចាប់ឃុំខ្លួនពលរដ្ឋ និងមន្ត្រីបក្សប្រឆាំងប៉ុន្មាននាក់ទៀតយកទៅដាក់គុក។
លោក អ៊ុំ សំអាន លើកឡើងថា ស្លឹកឈើពិតជាជ្រុះមិនឆ្ងាយពីគល់មែន ឪពុកផ្ដាច់ការ...